MSSK

14/06/2026

🇳🇱⚔️🇯🇵 - ဥရောပတံတိုင်းကို အာရှကျားတို့ ကျော်ဖြတ်နိုင်မလား

● ၂၀၂၆ ကမ္ဘာ့ဖလား အုပ်စုပွဲစဉ်၏ ပွဲကြီးပွဲကောင်းတစ်ခုဖြစ်သည့် နယ်သာလန်အသင်းနှင့် ဂျပန်အသင်းတို့၏ ပွဲစဉ်သည် ပထမပိုင်း (၄၅) မိနစ်ပြီးဆုံးချိန်တွင် နှစ်ဖက်စလုံး အပြန်အလှန် အကြိတ်အနယ် ရှိခဲ့ပြီး (၀ - ၀) ဆိုသည့် သရေရလဒ်ဖြင့်သာ အဆုံးသတ်သွားခဲ့ပါတယ်၊၊

● ပထမပိုင်းအတွင်း နယ်သာလန်အသင်းသည် ဘောလုံးပိုင်ဆိုင်မှု ၆၈% အထိ အပြတ်အသတ် ရယူကာ ပွဲကို အသာစီး ထိန်းချုပ်ရန် ကြိုးပမ်းခဲ့ပြီး ဂျပန်အသင်းကတော့ ဘောလုံးပိုင်ဆိုင်မှု ၃၂% ဖြင့် စနစ်တကျ တုံ့ပြန်ကစားသွားခဲ့တာ တွေ့ရပါတယ်၊၊ နယ်သာလန်အသင်းက ဂိုးကန်သွင်းခွင့် (၅) ကြိမ် ပြုလုပ်ပြီး ဂျပန်နောက်တန်းကို တောက်လျှောက် ဖိအားပေးခဲ့သော်လည်း ဆာမူရိုင်းတို့၏ မာကျောလှသည့် ခံစစ်တံတိုင်းကြောင့် ဘယ်သူမှ အလွယ်တကူ သွင်းဂိုးရယူနိုင်ခြင်း မရှိဘဲ ပထမပိုင်းတွင် အကောင်းဆုံး ခုခံကာကွယ်နိုင်ဆဲပါ၊၊

● ဒုတိယပိုင်းတွင် နှစ်ဖက်စလုံးမှ နည်းပြများအနေဖြင့် အနိုင်ဂိုးရရှိရန်အတွက် လူစားလဲမှုဗျူဟာများနှင့်အတူ တိုက်စစ်အပြောင်းအလဲများကို ခပ်သွက်သွက် ပြုလုပ်လာကြဖို့ ရှိနေပါတယ်၊၊ အာရှဂုဏ်ဆောင် ဂျပန်အသင်းအနေဖြင့် ဥရောပအင်အားကြီး နယ်သာလန်ကို ဒုတိယပိုင်းမှာ အံ့အားသင့်ဖွယ် ဒူးထောက်အောင် လုပ်ပြသွားနိုင်မလား၊ ဒါမှမဟုတ် နယ်သာလန်ကပဲ အနိုင်ဂိုးကို ဖော်ဆောင်သွားမလားဆိုတာ တကယ့်ကို ရင်ခုန်စိတ်လှုပ်ရှားစွာ စောင့်ကြည့်ရတော့မှာ ဖြစ်ပါတယ်၊၊

#မောင်စွယ်စုံကျမ်း #ဗဟုသုတ #နယ်သာလန် #ဂျပန် #အုပ်စုပွဲစဉ် #ပထမပိုင်း

14/06/2026

🇩🇪👑⚽ ဂျာမန်တင့်ကားကြီးကတော့ ကူရာဆောကို (၇ - ၁) ဖြင့် အမှုန့်ကြိတ်ကာ ၂၀၂၆ ကမ္ဘာ့ဖလား၏ ဂိုးအပြတ်ဆုံးသမိုင်းဝင်စံချိန်ကို ဂျာမနီ အပိုင်သိမ်း"

● ၂၀၂၆ ကမ္ဘာ့ဖလား အုပ်စု (E) ပွဲစဉ်တွင် အင်အားကြီး ဂျာမနီအသင်းသည် ကူရာဆောအသင်းကို ပွဲပြီးဆုံးချိန်တွင် (၇ - ၁) ဆိုသည့် ပြိုင်ပွဲတစ်လျှောက် အမြင့်ဆုံးနှင့် အားရစရာအကောင်းဆုံး ဖိုင်နယ်ရလဒ်ဖြင့် အပြတ်အသတ်အနိုင်ယူပြီး အုပ်စုအဖွင့်ပွဲစဉ်မှာတင် အစွမ်းပြသွားခဲ့ပါတယ်၊၊ ယခုပွဲစဉ်တွင် အထူးချွန်ဆုံးကစားသမားအဖြစ် ဂျာမနီအသင်းအတွက် (၂) ဂိုးအထိ သွင်းယူပေးခဲ့သည့် ကိုင် ဟာဗက်ဇ်က ပွဲစဉ်၏အကောင်းဆုံးကစားသမား (Player of the Match) ဆုကို ထိုက်ထိုက်တန်တန်ကြီး ဆွတ်ခူးသွားခဲ့ပါတယ်၊၊

● ယခုပွဲစဉ်တွင် ဂျာမနီအသင်းအတွက် အဖိုးတန် ဂိုးများကို -

▪️ဖီးလစ် နမန်ချာ (၆ မိနစ်)
▪️နီကိုးလပ်စ် ရှလော့တားဘက်ခ် (၃၈ မိနစ်)
▪️ကိုင် ဟာဗက်ဇ် (၄၅+၅ မိနစ် - ပင်နယ်တီ၊ ၈၈ မိနစ်)
▪️ဂျာမန် မူစီယာလာ (၄၇ မိနစ်)
▪️နေသန်ဘရောင်း (၆၈ မိနစ်)
▪️ဒင်းနစ်အွန်ဒက်ဗ်(၈၇ မိနစ်) တို့က သွင်းယူပေးခဲ့ကြတာပါ၊၊ ကူရာဆောအသင်းအတွက် တစ်လုံးတည်းသော ချေပဂိုးကိုတော့ ပွဲချိန် (၂၁) မိနစ်တွင် လီဗန်ဒရို ကိုမန်နန်စီယာ က သွင်းယူခဲ့ခြင်း ဖြစ်ပါတယ်၊၊

● ယခုပွဲစဉ်၏ ထူးခြားချက်အနေဖြင့် ဂျာမနီအသင်းသည် ဝါရင့်ဂိုးသမားကြီး မန်နျူရယ် နူအာ ကိုယ်တိုင် ကွင်းလယ်အထိ တက်ရောက်ကာ ကစားကွက်ပုံဖော်သည့် ဆွီပါဂိုးသမားဗျူဟာကို သုံးစွဲသွားခဲ့ပါတယ်၊၊ အထူးသဖြင့် ဒုတိယပိုင်း အနိုင်ရရန် လုံးဝသေချာသွားသည့်အချိန်တွင် နှစ်ဖက်စလုံးမှ နည်းပြများက လူစားလဲမှုဗျူဟာကို အပြည့်အဝသုံးစွဲပြီး တစ်သင်းလုံးနီးပါး အစားထိုးမလားအောက်မေ့ရလောက်အောင် အရံကစားသမားများကို တစ်ယောက်ပြီးတစ်ယောက် ဆက်တိုက် ခဏခဏ လဲလှယ်အသုံးပြုသွားခဲ့ပါတယ်၊၊ ဂျာမနီအသင်းအနေဖြင့် အဓိကကစားသမားများကို အပြောင်းအလဲပြုလုပ်ကာ ဒဏ်ရာရရှိမှုမှ ဟန့်တားနိုင်ရန်နှင့် ကြံ့ခိုင်မှုထိန်းသိမ်းရန်အတွက် အရံအင်အားများကို စမ်းသပ်သွားခဲ့ပါတယ်၊၊

● ပွဲပြီးဆုံးချိန် အချက်အလက်များအရ ဂျာမနီအသင်းသည် ဘောလုံးပိုင်ဆိုင်မှု ၆၅% အထိ အပြတ်အသတ် ရယူထားပြီး ဂိုးကန်သွင်းခွင့် (၂၆) ကြိမ်တွင် ဂိုးပေါက်တည့်မှု (၁၁) ကြိမ်အထိ ရှိခဲ့ကာ ဘောလုံးပေးပို့မှု (၅၉၉) ကြိမ်တွင် ပေးပို့မှုတိကျခြင်း ၈၉% အထိ ရှိခဲ့ပါတယ်၊၊ ကူရာဆောအသင်းကတော့ ဘောလုံးပိုင်ဆိုင်မှု ၃၅% ဖြင့် ဂိုးကန်သွင်းခွင့် (၆) ကြိမ်သာ ပြုလုပ်နိုင်ခဲ့တာကြောင့် ဂျာမနီက ကစားကွက်ကို အလုံးစုံ စိုးမိုးသွားခဲ့တာ တွေ့ရပါတယ်၊၊ ပြီးခဲ့သည့်ရက်ပိုင်းက အိမ်ရှင် အမေရိကန်အသင်းက ပါရာဂွေးအသင်းကို (၄ - ၁) ရလဒ်ဖြင့် နိုင်ထားသည့်ပွဲသည် လက်ရှိပြိုင်ပွဲ၏ ဂိုးအပြတ်ဆုံးပွဲအဖြစ် ရှိနေခဲ့သော်လည်း ယခုအခါ ဂျာမနီအသင်းက (၇ - ၁) ရလဒ်ဖြင့် စံချိန်ကို ကျော်ဖြတ်ကာ လက်ရှိ ၂၀၂၆ ကမ္ဘာ့ဖလားပြိုင်ပွဲတစ်လျှောက် တစ်ပွဲတည်း ဂိုးအများဆုံးနှင့် ဂိုးအပြတ်ဆုံးအနိုင်ပွဲ စံချိန်သစ် ကို သမိုင်းတွင်အောင် စိုက်ထူသွားပါတယ်၊၊

#မောင်စွယ်စုံကျမ်း #ဗဟုသုတ #ဂျာမနီ #ကူရာဆော #စံချိန်သစ် #မန်နျူရယ်နူအာ #လူစားလဲမှုဗျူဟာ #ဂျာမနီ၇_၁ #ကမ္ဘာ့ဖလားဗဟုသုတ

14/06/2026

⚽ ဂျာမနီ ၃ - ၁ ကူရာဆော" (ကမ္ဘာ့ဖလား အုပ်စု E ပထမပိုင်းပြီးဆုံးချိန် ရလဒ်) 🇩🇪⚔️🇨🇼

▪️၂၀၂၆ ကမ္ဘာ့ဖလား အုပ်စု (E) ပွဲစဉ်အဖြစ် အင်အားကြီး ဂျာမနီအသင်းနှင့် ကူရာဆောအသင်းတို့ အားပြိုင်နေသည့်ပွဲစဉ်တွင် ပထမပိုင်းအပြီး၌ ဂျာမနီအသင်းက (၃ - ၁) ရလဒ်ဖြင့် ပွဲကို အပြတ်အသတ် ဦးဆောင်ထားနိုင်ခဲ့ပါတယ်၊၊ ဂျာမနီအသင်းအတွက် ဖီးလစ် နမန်ချာ (၆ မိနစ်)၊ နီကိုးလပ်စ် ရှလော့တားဘက်ခ် (၃၈ မိနစ်) နှင့် ကိုင် ဟာဗက်ဇ် (၄၅+၅ မိနစ် - ပင်နယ်တီ) တို့က ဦးဆောင်ဂိုးများ သွင်းယူပေးခဲ့ပြီး ကူရာဆောအသင်းအတွက် တစ်လုံးတည်းသော ချေပဂိုးကိုတော့ ပွဲချိန် ၂၁ မိနစ်တွင် လီဗန်ဒရို ကိုမန်နန်စီယာက သွင်းယူပေးခဲ့ခြင်း ဖြစ်ပါတယ်၊၊ ပထမပိုင်းတွင် ဂျာမနီအသင်းက ဘောလုံးပိုင်ဆိုင်မှု ၇၀% အထိ ရယူကာ ဂိုးကန်သွင်းခွင့် (၁၆) ကြိမ်ဖြင့် ပွဲကို အလုံးစုံ စိုးမိုးထားနိုင်ခဲ့တာကို တွေ့ရမှာ ဖြစ်ပါတယ်၊၊

#မောင်စွယ်စုံကျမ်း #ဗဟုသုတ #ဂျာမနီ

14/06/2026

ခေါင်းဆောင်ကောင်းဆိုတာ

ခေါင်းဆောင်ကောင်း တစ်ယောက်ဆိုရင်...
-----------------------------------------
အရှင်ဥက္ကဋ္ဌ(မနောမြေ)


#မောင်စွယ်စုံကျမ်း

14/06/2026

🇸🇬 အွန်လိုင်းလောင်းကစားစွဲလမ်းရာမှ အလုပ်ရှင်ထံမှ စင်ကာပူဒေါ်လာ ၁၇,၀၀၀ ကျော် ခိုးယူခဲ့သည့် မြန်မာအိမ်အကူမလေး ထောင်ဒဏ် (၁၀) လ ချမှတ်ခံရ

● စင်ကာပူနိုင်ငံ၊ ဟော်လန်လမ်း (Holland Road) အနီးရှိ အထက်တန်းစား လူကုံထံရပ်ကွက်တစ်ခုတွင် အလုပ်လုပ်ကိုင်နေသည့် အသက် (၂၇) နှစ်အရွယ် မြန်မာအိမ်အကူ မအေးစုနိုင်အား အလုပ်ရှင်ထံမှ စင်ကာပူဒေါ်လာ ၁၇,၀၀၀ ခန့် (မြန်မာငွေ ကျပ်သိန်းပေါင်း ရာချီတန်ဖိုး) ကို ခိုးယူခဲ့မှုဖြင့် စင်ကာပူတရားရုံးက ထောင်ဒဏ် (၁၀) လ ချက်ချင်းချမှတ်လိုက်ပါတယ်၊၊ တရားခံ မြန်မာမလေးသည် ပြီးခဲ့သည့် ၂၀၂၅ ခုနှစ် မတ်လကတည်းက အဆိုပါအိမ်တွင် စတင်အလုပ်ဝင်ခဲ့ခြင်းဖြစ်ပြီး ယခုနှစ် ဖေဖော်ဝါရီလအစောပိုင်းတွင် Facebook ပေါ်၌ အွန်လိုင်းစလော့ဂိမ်း (Slot Machine) ကြော်ငြာတစ်ခုကို တွေ့ရှိရာမှတစ်ဆင့် ပြင်းထန်စွာ စွဲလမ်းသွားခဲ့ကာ လောင်းကစားရန် ငွေလိုသဖြင့် အလုပ်ရှင်မိသားစု အိမ်ပြင်ပသို့ သွားရောက်နေချိန်များကို အခွင့်ကောင်းယူကာ (၆) ကြိမ်တိုင်တိုင် စနစ်တကျ ခိုးယူခဲ့ခြင်း ဖြစ်ကြောင်း သိရပါတယ်၊၊

● သူမသည် အွန်လိုင်းလောင်းကစားဂိမ်းထဲသို့ ငွေသွင်းရန်အတွက် စင်ကာပူရောက် အခြားမြန်မာတစ်ဦးနှင့် ပူးပေါင်းကာ စင်ကာပူဒေါ်လာများကို မြန်မာကျပ်ငွေအဖြစ် ပြောင်းလဲပြီး ဂိမ်းထဲသို့ ငွေဖြည့်သွင်းခဲ့ခြင်း ဖြစ်ပါတယ်၊၊ အလုပ်ရှင်၏ အိမ်ရှိ ငွေသားသေတ္တာထဲမှ စင်ကာပူဒေါ်လာ ၁,၀၀၀၊ ၃,၀၀၀ နှင့် ၆,၀၀၀ စသည်ဖြင့် အဆင့်ဆင့် တိုးမြှင့်ခိုးယူခဲ့သည့်အပြင် အလုပ်ရှင်၏ အသက် ၁၁ နှစ်နှင့် ၁၂ နှစ်အရွယ် ကလေးငယ်နှစ်ဦး စုဆောင်းထားသည့် များနှင့် စုငွေများထဲမှ ငွေသား စင်ကာပူဒေါ်လာ ၄,၆၀၀ နှင့် ၅,၄၀၀ တို့ကိုပါ ငွေအနည်းငယ်စီ ချန်ထားပြီး ထပ်မံခိုးယူခဲ့ပါတယ်၊၊ အွန်လိုင်းဂိမ်းထဲတွင် ငွေများနိုင်ခဲ့သော်လည်း အကောင့်ထဲမှ ငွေပြန်ထုတ်မရဘဲ နောက်ဆုံး ဖေဖော်ဝါရီ ၂၇ ရက် ညပိုင်းတွင် အလုပ်ရှင်မိသားစုက ရိပ်မိစစ်ဆေးရာမှ ဝန်ခံခဲ့သဖြင့် ရဲတပ်ဖွဲ့၏ ဖမ်းဆီးခြင်းကို ခံခဲ့ရခြင်း ဖြစ်ပါတယ်၊၊

● တရားရုံးစစ်ဆေးချက်အရ အစိုးရရှေ့နေက သူမသည် အလုပ်ရှင်၏ ယုံကြည်မှုကို အလွဲသုံးစားလုပ်ကာ ကလေးငယ်များ၏ စုဆောင်းငွေကိုပါ ပစ်မှတ်ထား ခိုးယူခဲ့ခြင်းဖြစ်ပြီး ယနေ့ထက်ထိ တစ်ပြားတစ်ချပ်မှ ပြန်လည်ပေးလျော်နိုင်ခြင်း မရှိသေးကြောင်း ပြစ်ဒဏ်တိုးမြှင့်ရန် တင်ပြခဲ့ပါတယ်၊၊ မြန်မာအိမ်အကူမလေးကတော့ သူမအနေဖြင့် အွန်လိုင်းလောင်းကစားကြောင့် မှားယွင်းခဲ့ရကြောင်း၊ မိခင်နိုင်ငံရှိ မိသားစုမှာ အလွန်ဆင်းရဲသဖြင့် ခိုးယူခဲ့သည့် စင်ကာပူဒေါ်လာ ၁၇,၀၀၀ ကို ပြန်လည်ပေးလျော်ရန် ငွေကြေးမတတ်နိုင်တော့ကြောင်း မျက်ရည်ကျကာ ကရုဏာသက်အောင် လျှောက်လဲခဲ့သော်လည်း ဥပဒေအရ ထောင်ဒဏ် (၁၀) လ ကျခံစေရန် တရားသူကြီးက အပြီးသတ် အမိန့်ချမှတ်ခဲ့ပါတယ်၊၊ မိဘပြည်သူများအနေဖြင့်လည်း ဘဝပျက်စေတတ်သည့် အွန်လိုင်းလောင်းကစားများကို အထူးသတိပြု ရှောင်ကြဉ်ကြရန် နှိုးဆော်တင်ပြလိုက်ပါတယ်။

Sources: Shin Min Daily News

#မောင်စွယ်စုံကျမ်း #ဗဟုသုတ #စင်ကာပူသတင်း #မြန်မာအိမ်အကူ #အွန်လိုင်းလောင်းကစားအန္တရာယ် #သတိသံဝေဂ

14/06/2026

🇹🇭 ထိုင်းရှိ အလုပ်ရှင်များနှင့် မြန်မာလုပ်သားများ မဖြစ်မနေ သိထားရမည့် လုံးဝခွင့်မပြုသော တားမြစ်အလုပ် ၁၀ မျိုးနှင့် ဒဏ်ငွေပြစ်ဒဏ်များ" ⚠️🇲🇲

● ထိုင်းနိုင်ငံသို့ တရားဝင်လမ်းကြောင်း (MOU) အပြင် နိုင်ငံကူးလက်မှတ် (Passport) နှင့် အလုပ်သမားပါမစ် (Work Permit) အပြည့်အစုံ ရှိထားရုံဖြင့် မိမိကြိုက်နှစ်သက်သည့် မည်သည့်အလုပ်အကိုင်မျိုးမဆို ရွေးချယ်လုပ်ကိုင်ခွင့်မရှိကြောင်း ထိုင်းအလုပ်သမားဝန်ကြီးဌာနက အထူးသတိပေးချက် ထုတ်ပြန်ထားပါတယ်၊၊ ထိုင်းနိုင်ငံသားများ၏ အကျိုးစီးပွားနှင့် လုပ်ငန်းအခွင့်အလမ်းများကို ကာကွယ်ရန်အတွက် ရွှေ့ပြောင်းလုပ်သားများ လုပ်ကိုင်ခြင်းမှ တင်းကျပ်စွာ တားမြစ်ထားသည့် ကန့်သတ်အလုပ်အကိုင် (၁၀) မျိုးကို အဓိကအလုပ်အဖြစ်ဖြစ်စေ၊ အချိန်ပိုင်း (Part-time) ဘေးတွဲအလုပ်အဖြစ်ဖြစ်စေ လုံးဝ လုပ်ကိုင်ခွင့်မရှိကြောင်း သိရပါတယ်၊၊

● ရွှေ့ပြောင်းလုပ်သားများ လုပ်ကိုင်ခွင့်မရှိသည့် တားမြစ်အလုပ် (၁၀) မျိုးမှာ -

၁။ လမ်းဘေးဈေးရောင်းခြင်း (ဆိုင်တွန်းလှည်း၊ လမ်းဘေးပလတ်ဖောင်း အရောင်းဆိုင်နှင့် လှည့်လည်ဈေးရောင်းခြင်း)
၂။ ထီလက်မှတ် လှည့်လည်ရောင်းချခြင်း
၃။ အကျိုးဆောင် သို့မဟုတ် ပွဲစားလုပ်ငန်း
၄။ အလှပြင်၊ လက်သည်းခြေသည်းနှင့် ဆံပင်ညှပ်လုပ်ငန်း
၅။ ထိုင်းရိုးရာအနှိပ်လုပ်ငန်း
၆။ အများပြည်သူသုံးယာဉ် မောင်းနှင်ခြင်း (တက္ကစီ၊ အငှားလိုင်းကား၊ သုံးဘီး၊ ဘတ်စ်ကား)
၇။ ဧည့်လမ်းညွှန် (Tour Guide) လုပ်ငန်း
၈။ ဥပဒေရေးရာ ဝန်ဆောင်မှုများ (ရှေ့နေ၊ ဥပဒေအကြံပေး သို့မဟုတ် တရားစွဲဆိုမှုဆိုင်ရာ လုပ်ငန်း)
၉။ လက်ယက်ကန်းနှင့် ရိုးရာလက်မှုပညာရပ်များ (သစ်သားပန်းပု၊ ရွှေထည်၊ ငွေထည်၊ ကျောက်သွေးခြင်းနှင့် ရိုးရာရုပ်သေးလုပ်ခြင်း)
၁၀။ လုံခြုံရေး (Security) လုပ်ငန်းများ ဖြစ်ပါတယ်၊၊

● အကယ်၍ အဆိုပါတားမြစ်ချက်များကို ဖောက်ဖျက်ပြီး လျှို့ဝှက်လုပ်ကိုင်နေသည်ကို စစ်ဆေးတွေ့ရှိပါက ကင်းလွတ်ခွင့်မရှိဘဲ အလုပ်သမားများအနေဖြင့် ထိုင်းဘတ်ငွေ ၅,၀၀၀ မှ ၅၀,၀၀၀ အထိ ဒဏ်ငွေချမှတ်ခံရမည့်အပြင် ထိုင်းနိုင်ငံမှ ပြည်နှင်ဒဏ်ပေးခြင်းနှင့် (၂) နှစ်အထိ အလုပ်ပါမစ် လျှောက်ထားခွင့် ပိတ်ပင်ခြင်း ခံရမည် ဖြစ်ပါတယ်၊၊ ထို့အပြင် ဥပဒေပြင်ပ နိုင်ငံခြားသား ခိုင်းစေသော အလုပ်ရှင်များကိုလည်း အလုပ်သမားတစ်ဦးလျှင် ဘတ် ၁၀,၀၀၀ မှ ၁၀၀,၀၀၀ အထိ ဒဏ်ငွေဆောင်ရမည်ဖြစ်ပြီး ပြစ်မှုထပ်မံကျူးလွန်ပါက ထောင်ဒဏ် (၁) နှစ်အထိ ဖြစ်စေ၊ ဒဏ်ငွေ ဘတ် ၅၀,၀၀၀ မှ ၂၀၀,၀၀၀ အထိ ဖြစ်စေ၊ ပြစ်ဒဏ်နှစ်ရပ်လုံး ဖြစ်စေ ချမှတ်ခံရမည့်အပြင် နိုင်ငံခြားသားအလုပ်သမား ခိုင်းစေခွင့် (၃) နှစ်အထိ အပိတ်ခံရမည် ဖြစ်ပါတယ်၊၊

#မောင်စွယ်စုံကျမ်း #ဗဟုသုတ #ထိုင်းသတင်း #ရွှေ့ပြောင်းလုပ်သား #ထိုင်းအလုပ်သမားဥပဒေ #တားမြစ်အလုပ်၁၀မျိုး

14/06/2026

● ၂၀၂၆ ကမ္ဘာ့ဖလား အုပ်စု (H) ပွဲစဉ်တွင် ဥရောပဇုန်၏ ဆရာကြီး စပိန်အသင်းနှင့် အာဖရိကဇုန်မှ သမိုင်းတစ်လျှောက် ပထမဆုံးအကြိမ် ကမ္ဘာ့ဖလားဆီ တက်လှမ်းလာသည့် ကိပ်ဗာဒီအသင်းတို့ ထိပ်တိုက်ရင်ဆိုင်နေပါတယ်၊၊ ဖီဖာအဆင့် (၂) နေရာတွင် ရပ်တည်နေသည့် စပိန်အသင်းသည် ကမ္ဘာ့ဖလား (၁၇) ကြိမ်မြောက်အထိ ပါဝင်ခွင့်ရထားခြင်းဖြစ်ပြီး ၂၀၁၀ ခုနှစ်တွင် ချန်ပီယံဖြစ်ဖူးသည့်အပြင် လက်ရှိ ဥရောပမှာ ခြေစွမ်းပြနေသည့် အစဉ်အလာကြီးမားသော အသင်းဖြစ်ပါတယ်၊၊ ဖီဖာအဆင့် (၆၇) ရှိ ကိပ်ဗာဒီနိုင်ငံကတော့ ၎င်းတို့၏ သမိုင်းတစ်လျှောက် ကမ္ဘာ့ဖလားပြိုင်ပွဲကြီးဆီ ပထမဆုံးအကြိမ် ပါဝင်ခွင့်ရထားခြင်းဖြစ်ပြီး လူဦးရေ (၅) သိန်းကျော်သာရှိသော်လည်း အာဖရိကခြေစစ်ပွဲတွင် ကင်မရွန်းကဲ့သို့ အသင်းကြီးကို ကျော်ဖြတ်လာတာကြောင့် စိတ်ဓာတ်ပိုင်းအရ အကြိတ်အနယ် ရှိနေတာကို တွေ့ရမှာ ဖြစ်ပါတယ်။

● သမိုင်းတစ်လျှောက် ထိပ်တိုက်တွေ့ဆုံမှုမှတ်တမ်းအရ တရားဝင် ကမ္ဘာ့ဖလားပြိုင်ပွဲကြီးတွင် လုံးဝဆုံတွေ့ဖူးခြင်း မရှိဘဲ ယခုပွဲသည် နှစ်သင်းလုံးအတွက် သမိုင်းဝင် ပထမဆုံးအကြိမ် ဆုံတွေ့မှု ဖြစ်ပါတယ်၊၊ ယခုပွဲတွင် စပိန်အသင်းမှ မန်ချက်စတာစီးတီး ကွင်းလယ် ရိုဒရီ၊ ဘာစီလိုနာ၏ ပါရမီရှင်လာမိုင်း ယာမယ် ၊ ဂါဗီတို့၏ ဥရောပအဆင့် ကစားကွက်ဖန်တီးမှုများနှင့် လျင်မြန်လှသော တောင်ပံထိုးဖောက်မှုများနှင့်အတူ၊ ကိပ်ဗာဒီအသင်းမှ ပြင်သစ်ကလပ် တူးလူးနောက်ခံလူ လိုဂန် ကိုစတာ၊ စပိန်ကလပ် ဗယ်လက်ကာနိုတိုက်စစ်မှူး ဘီဘီ တို့၏ ကြံ့ခိုင်မှုအပြည့်ရှိသော ခံစစ်ချင်းတုံ့ပြန်မှုများနှင့် မြန်ဆန်လှသော တန်ပြန်တိုက်စစ်များကို အဓိက စောင့်ကြည့်ရမှာ ဖြစ်ပါတယ်။

● MSSK ရဲ့ ပွဲကြိုသုံးသပ်ချက်အရ စပိန်သည် ဥရောပလိဂ်ကြီးများ၏ အတွေ့အကြုံ၊ လူစာရင်းတောင့်တင်းမှုနှင့် ကစားကွက်ဖန်တီးမှု ထက်မြက်မှုများကြောင့် ပွဲကို အပြတ်အသတ် အသာစီးရယူကာ ဂိုးပြတ်နိုင်သွားရန် ထိပ်ဆုံးက ရေပန်းစားနေပါတယ်၊၊ သို့သော်လည်း ကမ္ဘာ့ဖလားအဖွင့်ပွဲတွင် သမိုင်းသစ်ရေးထိုးရန် စိတ်အားထက်သန်နေသည့် ကိပ်ဗာဒီတို့၏ စုစည်းမှုနှင့် မာကျောလှသော ခံစစ်တံတိုင်းကို ဖောက်ထွက်ရန် စပိန်တို့ ပွဲအစပိုင်းတွင် အနည်းငယ် ရုန်းကန်ရနိုင်ပါတယ်၊၊ ဘောလုံးချစ်သူတွေရော ဥရောပဘုရင် စပိန်ကပဲ ဂိုးပြတ် (၃) မှတ် ယူသွားမလား၊ ကိပ်ဗာဒီကပဲ အံ့အားသင့်စရာ ခြေစွမ်းပြသွားမလား စောင့်ကြည့်ရအောင်။

#မောင်စွယ်စုံကျမ်း #ဗဟုသုတ #ပွဲကြိုသုံးသပ်ချက် #စပိန် #ကိပ်ဗာဒီ

14/06/2026

● သမိုင်းတစ်လျှောက် ထိပ်တိုက်တွေ့ဆုံမှုမှတ်တမ်းအရ ကမ္ဘာ့ဖလားပြိုင်ပွဲကြီးတွင် လုံးဝဆုံတွေ့ဖူးခြင်း မရှိဘဲ ခြေစမ်းပွဲများတွင် ဆွီဒင်က (၂) ကြိမ်နိုင်၊ တူနီးရှားက (၁) ကြိမ်နိုင်ပြီး (၁) ကြိမ် သရေကျထားကဖူးပါတယ်၊၊ ယခုပွဲတွင် ဆွီဒင်အသင်းမှ စပို့တင်းလစ္စဘွန်း၏ ဂိုးသွင်းစက် ဗစ်တာ ဂျိုကီရက်စ်၊ နယူးကာဆယ်၏ တိုက်စစ်မှူး အလက်ဇန္ဒား အီဆက်ခ် တို့၏ တိုက်စစ်ဆင်မှုများနှင့်အတူ၊ တူနီးရှားအသင်းမှ ဖရန့်ဖတ်ကွင်းလယ်လူ အီးလီးယက်စ် စခီရီ၊ ဘန်လေကွင်းလယ်လူ ဟန္နီဘယ်လ် မိခ်ဘရီ တို့၏ မာကျောလှသော ကွင်းလယ်ဖြတ်တောက်မှုများနှင့် ခံစစ်ပိတ်ဆို့မှုများကို အဓိက စောင့်ကြည့်ရမှာ ဖြစ်ပါတယ်၊၊

● ၂၀၂၆ ကမ္ဘာ့ဖလား အုပ်စု (F) ပွဲစဉ်တွင် ဥရောပဇုန်၏ ခန္ဓာကိုယ်တောင့်တင်းပြီး တိုက်စစ်ထက်မြက်သည့် ဆွီဒင်အသင်းနှင့် အာဖရိကတိုက်၏ ခံစစ်မာကျောလှသော တူနီးရှားအသင်းတို့ ထိပ်တိုက်ရင်ဆိုင်နေပါတယ်၊၊ ဖီဖာအဆင့် (၃၈) ရှိ ဆွီဒင်အသင်းသည် ကမ္ဘာ့ဖလား (၁၃) ကြိမ်မြောက်အထိ ပါဝင်ခွင့်ရထားခြင်းဖြစ်ပြီး သမိုင်းတစ်လျှောက် အမြင့်ဆုံးအောင်မြင်မှုအဖြစ် ၁၉၅၈ ခုနှစ်တွင် ဒုတိယဆု ရရှိဖူးသည့် အသင်းဖြစ်ပါတယ်၊၊ ဖီဖာအဆင့် (၄၅) ရှိ တူနီးရှားနိုင်ငံကတော့ ကမ္ဘာ့ဖလား (၇) ကြိမ်မြောက်အထိ ပါဝင်ခွင့်ရထားပြီး အမြင့်ဆုံးအနေဖြင့် အုပ်စုအဆင့်အထိသာ ရောက်ရှိဖူးသော်လည်း ဥရောပအသင်းကြီးများကို ဒုက္ခပေးလေ့ရှိတာကြောင့် အစဉ်အလာအရ နှစ်သင်းစလုံး အကြိတ်အနယ် ရှိနေတာကို တွေ့ရပါတယ်၊၊

● MSSK ရဲ့ ပွဲကြိုသုံးသပ်ချက်အရ ဆွီဒင်သည် နည်းဗျူဟာပိုင်း၊ ဥရောပလိဂ်ကြီးများ၏ အတွေ့အကြုံနှင့် ဂျိုကီရက်စ် ဦးဆောင်မည့် တိုက်စစ်ပိုင်း ထက်မြက်မှုကြောင့် ပွဲကို အသာစီးရနိုင်ပါတယ်၊၊ သို့သော်လည်း တူနီးရှားတို့၏ ကျစ်ကျစ်လျစ်လျစ် ပိတ်ဆို့တတ်သော ခံစစ်တံတိုင်းနှင့် တန်ပြန်တိုက်စစ်ကို ဖောက်ထွက်ရန် ရုန်းကန်ရနိုင်တာကြောင့် ဤပွဲတွင် ဆွီဒင်က ကျဉ်းမြောင်းသော ရလဒ်ဖြင့် ကပ်နိုင်သွားဖို့ သို့မဟုတ် သရေကျသွားဖို့ ရာခိုင်နှုန်း တော်တော်လေး များနေပါတယ်၊၊ ဘောလုံးချစ်သူတွေရော ဘယ်အသင်းနိုင်မယ်ထင်လဲ၊၊

#မောင်စွယ်စုံကျမ်း #ဗဟုသုတ #ပွဲကြိုသုံးသပ်ချက် #ဆွီဒင် #တူနီးရှား

14/06/2026

● သမိုင်းတစ်လျှောက် ထိပ်တိုက်တွေ့ဆုံမှုမှတ်တမ်းအရ ကမ္ဘာ့ဖလားပြိုင်ပွဲကြီးတွင် လုံးဝဆုံတွေ့ဖူးခြင်း မရှိဘဲ ဒီပွဲက ပထမဆုံးအကြိမ် ဖြစ်ပါတယ်၊၊ ယခုပွဲတွင် အိုင်ဗရီကို့စ်အသင်းမှ အယ်လ်အာလီကွင်းလယ်လူ ဖရန့် ကတ်ဆီး၊ မန်ယူနိုက်တက်၏ ကြယ်ပွင့်လူငယ် အာမတ် ဒီယာလို တို့၏ အာဖရိကအဆင့် ကြံ့ခိုင်မှု၊ ကွင်းလယ်ထိန်းချုပ်မှုများနှင့်အတူ၊ အီကွေဒေါအသင်းမှ ချယ်လ်ဆီးအသင်း၏ သန်းရာချီတန်ကွင်းလယ်လူ မွိုက်ဆက် ကိုင်စီဒို၊ လေဗာကူဆင်နောက်ခံလူ ဟင်ကာပီ တို့၏ တောင်အမေရိကအဆင့် ကစားကွက်ဖန်တီးမှုများနှင့် မာကျောလှသော ဖြတ်တောက်မှုများကို အဓိက စောင့်ကြည့်ရမှာ ဖြစ်ပါတယ်၊၊

● ၂၀၂၆ ကမ္ဘာ့ဖလား အုပ်စု (F) ပွဲစဉ်တွင် အာဖရိကဇုန်၏ အင်အားကြီး ဆင်ပြောင်ကြီးများဖြစ်သည့် အိုင်ဗရီကို့စ်အသင်းနှင့် တောင်အမေရိကတိုက်၏ ကြံ့ခိုင်မှုအပြည့်ရှိသော အီကွေဒေါအသင်းတို့ ထိပ်တိုက်ရင်ဆိုင်နေပါတယ်၊၊ ဖီဖာအဆင့် (၃၃) ရှိ အိုင်ဗရီကို့စ်အသင်းသည် ကမ္ဘာ့ဖလား (၄) ကြိမ်မြောက် ပါဝင်ခွင့်ရထားခြင်းဖြစ်ပြီး အာဖရိကတိုက်၏ အင်အားကြီး အစဉ်အလာကောင်းမွန်သော အသင်းဖြစ်ပါတယ်၊၊ ဖီဖာအဆင့် (၂၃) ရှိ အီကွေဒေါနိုင်ငံကတော့ ကမ္ဘာ့ဖလား (၅) ကြိမ်မြောက်အထိ ပါဝင်ခွင့်ရထားပြီး အမြင့်ဆုံးအနေဖြင့် (၁၆) သင်းအဆင့်သို့ ရောက်ရှိဖူးတာကြောင့် အဆင့်အတန်းအရ နှစ်သင်းစလုံး အကြိတ်အနယ် ရှိနေတာကို တွေ့ရမှာပါ၊၊

● MSSK ရဲ့ ပွဲကြိုသုံးသပ်ချက်အရ အိုင်ဗရီကို့စ်သည် အစုအဖွဲ့လိုက် စုစည်းမှုနှင့် တိုက်စစ်ပိုင်း ထက်မြက်မှုကြောင့် ပွဲကို အနည်းငယ် အသာစီးရနိုင်ပါတယ်၊၊ သို့သော်လည်း အီကွေဒေါတို့၏ မြန်ဆန်လှသော တောင်ပံတိုက်စစ်နှင့် မွိုက်ဆက် ကိုင်စီဒို ဦးဆောင်မည့် မာကျောလှသော ကွင်းလယ်တံတိုင်းကို ဖောက်ထွက်ရန် ရုန်းကန်ရနိုင်တာကြောင့် ဤပွဲတွင် အိုင်ဗရီကို့စ်က ကျဉ်းမြောင်းသော ရလဒ်ဖြင့် ကပ်နိုင်သွားဖို့ သို့မဟုတ် သရေကျသွားဖို့ ရာခိုင်နှုန်း တော်တော်လေး များနေပါတယ်၊၊ ဘောလုံးချစ်သူတွေရော ဘယ်အသင်းနိုင်မယ်ထင်လဲ၊၊

#မောင်စွယ်စုံကျမ်း #ဗဟုသုတ #ပွဲကြိုသုံးသပ်ချက် #အိုင်ဗရီကို့စ် #အီကွေဒေါ

14/06/2026

● သမိုင်းတစ်လျှောက် ထိပ်တိုက်တွေ့ဆုံမှုမှတ်တမ်းအရ ကမ္ဘာ့ဖလားပြိုင်ပွဲကြီးတွင် (၁) ကြိမ်သာ ဆုံတွေ့ဖူးပြီး ၂၀၁၀ ကမ္ဘာ့ဖလားတုန်းက နယ်သာလန်က (၁ - ၀) ဖြင့် အနိုင်ရရှိခဲ့ပါတယ်၊၊ နိုင်ငံတကာခြေစမ်းပွဲများအပါအဝင် စုစုပေါင်း (၃) ကြိမ်ဆုံတွေ့မှုတွင် နယ်သာလန်က (၂) ကြိမ်နိုင်၊ (၁) ကြိမ် သရေကျထားကာ ဂျပန်ကို မရှုံးဖူးသေးပါ။ ယခုပွဲတွင် နယ်သာလန်အသင်းမှ လီဗာပူးကျောက်ဆောင် ဗန်ဒိုက်၏ ဦးဆောင်မှု၊ တိုက်စစ်မှူး ဂက်ပို နှင့် ဘာစီလိုနာကွင်းလယ်လူ ဖရန်ကီ ဒီဂျောင် တို့၏ ဥရောပအဆင့် ကစားကွက်ထိန်းချုပ်မှုများနှင့်အတူ၊ ဂျပန်အသင်းမှ Ajax အသင်းခံစစ်မှူး တိုမီယာဆု၊ ရီးရဲလ်ဆိုစီဒက်၏ ကြယ်ပွင့် ကူဘို တို့၏ လျင်မြန်လှသော ကစားကွက်ဖန်တီးမှုများနှင့် တန်ပြန်တိုက်စစ်များကို အဓိက စောင့်ကြည့်ရမှာ ဖြစ်ပါတယ်

● ၂၀၂၆ ကမ္ဘာ့ဖလား အုပ်စု (F) ပွဲစဉ်တွင် ဥရောပအင်အားကြီး လိမ္မော်ရောင် နယ်သာလန်အသင်းနှင့် အာရှဇုန်ရဲ့ ထိပ်သီး အပြာရောင်ဆာမူရိုင်း ဂျပန်အသင်းတို့ ထိပ်တိုက်ရင်ဆိုင်နေပါတယ်၊၊ ဖီဖာအဆင့် (၈) ရှိ နယ်သာလန်အသင်းသည် ကမ္ဘာ့ဖလားပြိုင်ပွဲတွင် ဒုတိယဆု (၃) ကြိမ်အထိ ရရှိဖူးပြီး အစဉ်အလာကြီးမားသော အသင်းဖြစ်ပါတယ်၊၊ ဖီဖာအဆင့် (၁၈) ရှိ ဂျပန်နိုင်ငံကတော့ ကမ္ဘာ့ဖလား (၈) ကြိမ်မြောက်အထိ ပါဝင်ခွင့်ရထားပြီး အမြင့်ဆုံးအနေဖြင့် (၁၆) သင်းအဆင့်သို့ (၄) ကြိမ်တိုင်တိုင် ရောက်ရှိဖူးတာကြောင့် အစဉ်အလာအရ နှစ်သင်းစလုံး အကြိတ်အနယ် ရှိနေတာကို တွေ့ရမှာ ပါ၊၊

● MSSK ရဲ့ ပွဲကြိုသုံးသပ်ချက်အရ နယ်သာလန်သည် ဥရောပလိဂ်ကြီးများ၏ အတွေ့အကြုံ၊ လူကောင်ထွားမှုနှင့် တိုက်စစ် အားသာချက်များကြောင့် ပွဲကို အနည်းငယ် အသာစီးရနိုင်ပါတယ်၊၊ သို့သော်လည်း အာရှကျား ဂျပန် ဂျပန်တို့၏ ပါးနပ်လှသော နည်းဗျူဟာနှင့် မြန်ဆန်လှသော တိုက်စစ်ဆင်မှုကို ဖောက်ထွက်ရန် ရုန်းကန်ရနိုင်တာကြောင့် ဤပွဲတွင် နယ်သာလန်က ကျဉ်းမြောင်းသော ရလဒ်ဖြင့် ကပ်နိုင်သွားဖို့ သို့မဟုတ် သရေကျသွားဖို့ ရာခိုင်နှုန်း တော်တော်လေး များနေပါတယ်၊၊ ဘောလုံးချစ်သူတွေရော ဘယ်အသင်းနိုင်မယ်ထင်လဲဗျာ။ မိမိတို့ ခန့်မှန်းရလဒ်ကို Comment မှာ ရေးသွားခဲ့ကြပါဦး၊၊

#မောင်စွယ်စုံကျမ်း #ဗဟုသုတ #ပွဲကြိုသုံးသပ်ချက် #နယ်သာလန် #ဂျပန်