26/09/2025
တရုတ်စာသင်ကြားပေးနေတဲ့ဆရာမတဦးကိုအဓမ္မပြုကျင့်သ-တ်ဖြတ်ခဲ့သူနှစ်ဦးကို MNDAA သေဒဏ်စီရင်
စက်တင်ဘာ ၊ ၂၆ ရက်
The Justice Wave
ရှမ်းပြည်နယ်မြောက်ပိုင်း၊ သိန္နီမြို့တွင် ကိုးကန့်တပ် (MNDAA) က ထိန်းချုပ်ထားသော နယ်မြေအတွင်း ပြင်းထန်သော ရာဇဝတ်မှုများ ကျူးလွန်ခဲ့သူ စုစုပေါင်း ၇ ဦးကို ယနေ့ စက်တင်ဘာ ၂၆ ရက်နေ့ နံနက်ပိုင်းတွင် လူမြင်ကွင်း၌ သေဒဏ်စီရင်ခဲ့ကြောင်း သိရသည်။
သေဒဏ်ပေးခံရသူ ၇ ဦးတွင် တရုတ်လူမျိုး ၃ ဦး ပါဝင်ပြီး ၎င်းတို့သည် ပြီးခဲ့သည့် ဩဂုတ်လ ၂၈ ရက်နေ့က သိန္နီမြို့၌ တရုတ်စာသင်ကြားပေးသည့် ဆရာမတစ်ဦးကို အဓမ္မပြုကျင့် သတ်ဖြတ်ခဲ့မှုနှင့် ဆက်နွှယ်သူများဖြစ်သည်ဟု သိရှိရသည်။
ကျန်ရှိသူများသည်လည်း ခိုးမှု၊ လုယက်မှု၊ ပြန်ပေးဆွဲမှုနှင့် လူသတ်မှု စသည့် ပြစ်မှုများအတွက် ပြစ်ဒဏ်ချမှတ်ခံရခြင်းဖြစ်သည်။
သေဒဏ်စီရင်သည့် အခမ်းအနားသို့ ရာနှင့်ချီသော ဒေသခံပြည်သူများ တက်ရောက်ခဲ့ကြကြောင်း သိရသည်။
အခမ်းအနားတွင် တာဝန်ရှိသူတစ်ဦးက ယခုအချိန်မှစ၍ ဥပဒေကို ဖောက်ဖျက်ကျူးလွန်သူ မည်သူမဆို ပြင်းထန်စွာ အပြစ်ပေးခံရမည် ဖြစ်ကြောင်း ပြောကြားသွားခဲ့သည်ဟု သတင်းများက ဖော်ပြသည်။
#သိန္ဒီ
