30/06/2024
🥰Carp cafe Tour
- မင်္ဂလာပါရှင်။ AZit Page ကနေ ကြိုဆိုလိုက်ပါတယ်ရှင့်။
- AZit တို့ ခု ပထမဦးဆုံးပြောပြမဲ့အကြောင်းအရာလေးကို ချင်းမိုင်ကို သွားလည်တုန်းက အကြောင်းလေးနဲ့ စပြောချင်ပါတယ်ရှင့်။
- ချင်းမိုင်ရဲ့ Tourist Attractions နေရာတွေ အတော်များများထဲမှာ floral garden တွေ၊ချစ်စရာကောင်း၊ စိတ်ဝင်စားစရာကောင်းတဲ့ ကော်ဖီဆိုင်လေးတွေကလည်း အဓိကကျတဲ့နေရာ အနေနဲ့ပါပါတယ်။ Floral garden တွေကို သွားချင်ခဲ့ပေမဲ့ AZit တို့သွားခဲ့တဲ့ April လမှာက အရမ်းပူပီး ပန်းပွင့်တဲ့ကာလမဟုတ်တာကြောင့် ကော်ဖီဆိုင်ဖက်ကိုပဲ ခြေဦးလှည့်ခဲ့ပါတယ်။
- Travel and Tour Company တွေကလည်း သွားလည်ဖို့ recommend ပေးပြီး သွားလိုက်ရင် နွေပူပူ၊ လေပူပူရဲ့ အပူတွေအားလုံးကို ခဏတာ အေးချမ်းစေမဲ့ နေရာလေးတစ်ခုနဲ့ မိတ်ဆက်ပေးချင်ပါတယ်ရှင့်။
- နာမည်လေးက “Carp Cafe” တဲ့။ ကဲ တူတူသွားကြည့်ကြရအောင်နော်။
- စဝင်ဝင်ခြင်းမှာပဲ စိမ်းလန်းနေတဲ့တောလေးရဲ့ ဝင်ပေါက်လေးကို တွေ့ရသလို အပင်စိမ်းစိမ်းလေးတွေက ကြိုဆိုနေပါတယ်။ (စပြီး အပူသက်သာတဲ့နေရာလေးပါပဲ) ပြီးတာနဲ့ ဂျပန်နိုင်ငံရဲ့ ချယ်ရီတောထဲ ရောက်သလို ခံစားစေရမဲ့ ချယ်ရီပွင့်တွေကြားထဲ တံတာလေးတွေဖြတ်ပီး သွားရတဲ့ ဖီလင်က အရမ်းမိုက်!! 😎
ဘယ်လောက်မိုက်လည်းဆိုရင် တန်းပြီး ဖုန်းကိုထုတ် ဓါတ်ဖမ်းတော့တာပဲ 😁
- ချယ်ရီတောကိုဖြတ်၊ အထဲရောက်တာနဲ့ တန်းပြီးတွေ့ရမှာက “Koi Fish” တွေအများကြီးမှ အများကြီးပဲ။ အရောင်အသွေးစုံ ဆိုဒ်အစုံနဲ့ တွေ့ရမှာ ဖြစ်ပါတယ်ရှင်။ Koi ဆိုတဲ့နာမည်က ဂျပန်စကားလုံး Carp ကနေလာတာပါ။ ဂျပန်လိုဆိုရင် “အချစ် ဒါမှမဟုတ် ခင်မင်မှု သင်္ကေတ”အဖြစ် ဖော်ပြကြပါတယ်။ ကံကောင်းစေပြီး အောင်မြင်စေတယ်လို့လည်း ယူဆကြပါတယ်။အဲ့တာကြောင့် Carp Cafe မှာ Koi Fish တွေအများကြီးရှိပီး အဲ့တာက သူ့ရဲ့အဓိက attraction ပဲဖြစ်ပါတယ်။
- ကဲ ဆက်သွားမယ်နော်။ ဆိုင်ရဲ့ စိတ်ဝင်စားစရာကောင်းတဲ့နောက်တစ်ခုက နေရာထိုင်ခင်းပဲဖြစ်ပါတယ်ရှင်။ ငါးတွေအပြည့်နဲ့ ကန်ကြီးရဲ့ပတ်ပတ်လည်နဲ့ အလယ်တွေမှာ ရေတွင်းတွေလို အုတ်ကန်တွေရှိပြီး အဲ့ထဲမှာမှ စားပွဲနဲ့ထိုင်ဖို့ စီစဉ်ထားတာပါ။ ရေထဲမှာ ဘေးကငါးလေးတွေက ပတ်ပတ်လည် ကူးလူးနေပြီး ရေထဲရောက်နေပြီး အစားအစာထိုင်စား၊ အနားယူနေရသလိုကိုဖြစ်နေမှာပါ။ ဖီလင် အရမ်းမိုက််😎
- အစားအသောက်မှာမယ်ဆိုရင်က နည်းနည်းတော့ စျေးများသလိုဖြစ်ပေမဲ့ သူငယ်ချင်းတွေနဲ့သွားရင် အချိုးကျရှင်းတော့ကျ၊အကုန်အကျသိပ်မများတော့ဘူးပေါ့နော် ဟီးဟီး 😁 (baht 100 လောက်ကနေ 500/600 လောက် အစားစားပေါ့နော်)
- နောက်တစ်ခုရှိသေးတယ် ငါးလေးတွေ၊ ပန်းတွေနဲ့ဆိုတော့ မထင်ရမှာလေးတစ်ခု။ ဘာလည်းဆိုတော့ Figures လေးတွေရှင်။ Marvel fan, DC fan တွေ၊ အရုပ်စုသူတွေရဲ့အကြိုက် 🤭 Figures ကြီးကြီး သေးသေး ဆိုဒ်မျိုးစုံကို မှန်ဘောင်ကြီးနဲ့ ထားထားသေးတာ။ ရိုက်ရပြန်တာပေါ့ ဓါတ်ပုံ😁
- Foreigners တွေလာလည်တာများတယ်။ Korea တွေလည်း အတော်များ။ 😁 အဲ့မှာ ဆရာသမား Koi ငါးတို့ကို အစာကျွေးလို့လည်း ရပါတယ်။ ကျွေးပုံကျွေးနည်းက ချစ်စရာလေး! ကလေးနို့ဗူးလေးနဲ့ Fish Milk ဆိုပီးတိုက်လို့ရသလို အစာခြောက်လည်း ကျွေးလို့ရပါတယ်။ (Fish Milk baht 40, အစာခြောက် baht 20 ပါ)
- အော် မေ့တော့မလို့။ Maple 🍁 ရွက်လေးတွေလည်း ရှိတာမို့ Korea ဆန်ဆန် ပုံလည်း ရိုက်လို့ရသေးတယ်နော် 😁
🤗သွားလည်းချင်စရာအပြည့်နဲ့ Carp Cafe လေးအကြောင်းကို ပြောပြပီးပီဆိုတော့ နောက်ထပ်လည်း စိတ်ဝင်စားစရာကောင်းတဲ့ အကြောင်းအရာလေးတွေနဲ့ ပြန်လာခဲ့ပါမယ်နော်။
🤗AZit တို့ရဲ့ page လေးကိုလည်း Like and Follow လုပ်ပေးပါဦးနော်။
