17/10/2022
အမြိုက်ဆေး (သို့မဟုတ်) Dimethyltryptamine
********************************************
လွန်ခဲ့တဲ့ နှစ် ၂.၆ သန်း ကနေ နှစ် တသောင်းခွဲ လောက်အထိ လူ့သမိုင်းမှာ ထူးထူးခြားခြား အမှတ်အသား တွေ ကျန်တာ မရှိခဲ့ဘူး။ နောက်ပိုင်း နှစ် တသောင်း လောက်က ကျောက်ဂူတွေမှာ စိတ်ဝင်စားစရာ နံရံပန်းချီ cave art တွေ တွေ့လာ ရတယ်။ အဲဒီ ပန်းချီတွေမှာ သဘာဝ မှာ တွေ့နေကျ အကောင် အပင် တွေ အပြင် အပြင်မှာ မရှိတဲ့ လူတပိုင်း တိရစ္ဆာန် တပိုင်း therianthrope တွေ ၊ ထူးခြားတဲ့ design တွေ ပါ တွေ့ရတော့ ဘာအဓိပ္ပါယ် နဲ့ ရေးခဲ့ တာလည်း စဉ်းစားကြတယ်။ တချို့က အမဲကောင်ရဖို့ နတ်ဆရာ Shaman က တိရိစ္ဆာန် လို ဝတ်ပြီး ဓါတ်ရိုက် ဓါတ်ဆင် လုပ်နေတာ ဖြစ်မယ် တွေးကြတယ်။
ဥရောပ သားတွေ Siberia ဘက်ရောက်တော့ ဒေသခံတွေ ကိုးကွယ် တဲ့ နတ်ဆရာတွေ တွေ့တယ်။ သူတို့ကို (အိန္ဒိယ က တောထွက် ဘုန်းကြီး တွေကို ခေါ်တဲ့ ) သာမဏ Shaman လို့ ခေါ်တာ သိရတယ် ။ Shaman တွေက ထူးထူးဆန်းဆန်း တွေ ဝတ်၊ တီးဆိုပြီးက ၊ အဆိပ်ဖြစ်တတ်တဲ့ မှိုတွေ အပင်တွေ ကို သောက်ပြီး ရှုပြီး နတ်ဝင် လာအောင် အရင်လုပ်တယ်။ နတ်ဝင် လာမှ ရှေ့ဖြစ် ဗေဒင် ဟောတာ၊ ဆေးကု တာ တွေ ၊ နတ်တွေ နဲ့ လူတွေကို ညှိနှိုင်း ပေး တာ တွေလုပ်တယ်။ နတ်ကတော်၊ အောက်လမ်း အထက်လမ်း ဆရာ တွေလိုပေါ့။
စကားစပ်လို့ ပြောရရင် အဲဒီ Siberian Shaman တွေ အကြာင်းကနေ Santa Clause ပေါ်လာတာလို့ ယူဆကြတယ်။
နောက်တော့ shamanism ကို ကမ္ဘာအရပ်ရပ် က လူမျိုးအသီးသီးမှာ ကျင့်သုံးခဲ့ကြတာကို တွေ့လာရတယ်။ သူတို့ အကြောင်းကို လေ့လာရင်းက သူတို့ သုံးစွဲတဲ့ မူးယစ် ဆေးဝါး တွေ အကြောင်း လေ့လာမိကြတယ်။ အဲဒီ ဆေးတွေကို သုံးလိုက်ရင် ကျောက်ဂူနံရံ ပန်းချီ တွေ ထဲကလို အကောင်တွေ design တွေကို မြင်ရတယ် ဆိုတာ သိလာတယ်။ သေချာအောင် အခုခေတ် မူးယစ်ဆေးဝါး သုံးစွဲ သူတွေကို သုံးပြီး လေ့လာတော့လည်း သူတို့ မူးနေတုန်း တွေ့မြင်ခဲ့ရတာတွေကို ပြန်ချရေး ခိုင်းရင် အဲဒီ နံရံပန်းချီတွေ အတိုင်း ပြန်ထွက်တယ်။ သူတို့တွေ မြင်ရ ကြားရ ခံစားရတာတွေကို ပြန်ပြောတဲ့အခါ ခေတ်အဆက်ဆက်က ဘာသာရေး သမားတွေ တွေက ပြန်ပြောထားတာ တွေနဲ့ သိပ်တူနေတော့ အဲဒီ ဆေး တွေနဲ့ ဘာသာရေး နဲ့ အဆက်အစပ် တွေကို လေ့လာ ကြတယ်။
ခေတ်အဆက်ဆက် နတ်ဆရာတွေ ဘာသာရေး သမားတွေ သုံးစွဲလာတဲ့ မူးယစ်ဆေးပင်တွေကတော့
Psilocybin မှို
Water lily,
Blue lotus ကြာ
cannabis ဆေးခြောက်
ephedra sinica --> amphetamines,Methamphetamine
amanita muscaria - အနီရောင် Toadstool မှို
Ayahuasca ဆေးပေါင်းရည်
Ergot မှို
Pe**te --> mescaline တို့ ဖြစ်ကြတယ်။
အဲဒီ မူးယစ်ဆေးတွေထဲမှာ စိတ်ကို ငြိမ်ကျသွားအောင် ၊ တက်ကြွလှုပ်ရှား လာအောင်၊ ပီတိသုခ Euphoria ရအောင် လုပ်နိုင်ကြပေမယ့် ဘာသာရေး သမားတွေ ပြောတဲ့ ဈာန်လို kundalini လို Beatitude ကို ရအောင် လုပ်ပေးနိုင်တာက DMT (dimethyltryptamine ) ဆိုတဲ့ neurotransmitter တမျိုးကသာ တတ်နိုင်တယ် ဆိုတာ တွေ့လာရတယ်။ ဘာသာရေးတွေက သူ့ကြောင့် ပေါ်လာတာ ဖြစ်မယ် ဆိုပြီး သူ့ကို The Spirit Molecule လို့ Rick.Strassman က နံမည်ပေးထားတယ်။
DMT ကို အပင်တွေ၊ ( လူတွေ အပါအဝင် ) အကောင်တွေ ရဲ့ ကိုယ်ထဲမှာ ရှိတာ တွေ့ရတယ်။ Amazon က Shaman တွေ ၊ Brazil က Santo Daime Catholic Church တွေမှာ အပင်က DMT ကို ထုတ်ထားတဲ့ Ayahuasca ခေါ်တဲ့ ဆေးပြုတ်ရည် ကို စုပေါင်း သောက်ကြတာ တွေ့ရတယ်။ DMT ပါတဲ့ အပင်ကို ဒီအတိုင်း စားလိုက်ရင် လူဗိုက်ထဲက Enzyme တွေက သူ့ကို ချက်ချင်း ချေဖျက်ပြစ်လိုက်တယ်။ မမူးဘူး။ အဲဒီတော့ အဲဒီ Enzyme ကို တားတဲ့ monoamine oxidase inhibitor (MAOI) ပါတဲ့ အပင် နဲ့ တွဲပြုတ်ပြီး သောက်မှ DMT ရဲ့ effect ကို ခံစား ရတယ်။
အိန္ဒိယ ယဉ်ကျေးမှုတွေကို လေ့လာတဲ့ ပညာရှင်တွေ ရှာနေတာ တခုရှိတယ်။ အမြိုက်ဆေး Amrita ( မသေဆေး ) လို့ တင်စား ခေါ်တဲ့ Soma ဆိုတဲ့ အရည် တခု အကြောင်းပဲ။ Rigveda မှာလည်း Soma ကို ဘယ်လို ဖေါ်စပ် သောက်သုံး ကြတာတွေ ပါတယ်။ နတ်တွေက soma ကို သောက်လို့ immortal ဖြစ်ပြီး မသေကြဘူး။ အဲဒါကို လူ ရသေ့ကြီး တွေ သောက်မိရင် နှစ်ထောင်နဲ့ ချီပြီး အသက်ရှည်တယ်၊ ဘာစွမ်းတယ် ညာစွမ်းတယ် ပေါ့။ နတ်တွေ Deva တွေနဲ့ အသူရာ Asura တွေက အဲဒီ အမြိုက်ဆေး အတွက် ပဋိပက္ခတွေ စစ်တွေ ဖြစ်ကြတယ်၊ တခါတလေ လည်း ပူးပေါင်းပြီး အမြိုက်ဆေးကို ရှာကြတယ်။ ဟိန္ဒူ နတ်ဘုရား ရုပ်ထုတွေ လက်ထဲမှာ အဲဒီ အမြိုက်ဆေးရည် အိုးကို ကိုင်ထားတာ တွေ တွေ့နိုင်ပါတယ်။ အိန္ဒိယ ယဉ်ကျေးမှုကို ဆက်ခံတဲ့ ဗမာ ဗုဒ္ဓဘာသာတွေရဲ့ စေတီ တွေမှာလည်း အဲဒီ အိုးကို ကလသာ အိုး အဖြစ်တွေ့ရပါတယ်။ အရင်က အဲဒီ Soma ဟာ ဘာအပင် က ဖြစ်မလဲလို့ ရှာနေရာကနေ ဒါဟာ DMT ပါတဲ့ အပင်တွေ စုပေါင်း ဖေါ်စပ်ထားတာ ဖြစ်မယ် လို့ ပြောင်းလဲယူဆ လာကြတယ်။
အခု တွေ့ရှိ လက်ခံလာတာက ဒီလိုပါ။ ၁၉၉၄ မှာ ရှေးဟောင်းသုတေသနေ ပညာရှင်တွေက တူရကီ နိုင်ငံ ဗိုက်ပူတောင် Göbekli Tepe မှာ ရှေးဟောင်း ဘုရားကျောင်း တွေကို တူးဖေါ်ခဲ့ကြတယ်။ အဲဒါတွေက အရင် 9000 B.C လောက်မှာ ကျောက်ခေတ်သစ် လူတွေ အိုး တောင် မလုပ်တတ်သေးခင် စိုက်ပျိုးရေး မလုပ်တတ်သေးခင် အမဲလိုက် မုဆိုးဘဝ က စုပေါင်းပြီး ဘာသာရေး အခမ်းအနား လုပ်ကြတဲ့ အဆောက်အဦ တွေ ဖြစ်တယ် လို့ ဆိုကြတယ်။ အင်ဒို အာရိယန် ယဉ်ကျေးမှု ရဲ့ မူလ အစ နေရာလို့ လည်း ဆိုတယ်။ နောက်ပိုင်းမှာ သူတို့က အမဲလိုက်မုဆိုးဘဝ ကနေ စိုက်ပျိုးရေး သမား ဘဝ ပြောင်းပြီး အဲဒီ အနီးအနားမှာ မြို့ပြတွေ ထူတောင် နေထိုင်လာကြတယ်။ 2500 B.C လောက်မှာ သူတို့ တွေ အထွန်းကား အတိုးတက်ဆုံး အချိန်ရောက်ခဲ့တယ်။ ဒါပေမယ့် 1500 B.C လောက်မှာ ဘာမှန်း မသိရ သေးတဲ့ အကြောင်းတခုနဲ့ အဲဒီ ဒေသ ကို စွန့်ခွာပြီး အုပ်စုကြီး ၂ ခု အဖြစ် ခွဲထွက်သွားကြတယ်။ ကိုယ့်ကိုကိုယ် ဒေဝ Deva အာရိယန် A***n လို့ ခေါ်တဲ့ အုပ်စုက India ဘက် ဆင်းသွားပြီး လက်ရှိ ဟိန္ဒူ ယဉ်ကျေးမှု ကို ထူထောင်ခဲ့ကြတယ်။ ကိုယ့်ကိုကိုယ် အသုရာ Asura ( Lords ) လို့ ခေါ်တဲ့ အုပ်စုက အီရန် ဘက်ကို ဆင်းသွားပြီး Avesta ကျမ်းစာ သုံးတဲ့ Zoroaster ဘာသာ ကို တည်ထောင်သူတွေ ဖြစ်လာတယ်။ Göbekli Tepe က ဆေးကြိတ်တဲ့ မြေအင်တုံတွေထဲမှာ cannabis ဆေးခြောက် နဲ့ ephedra အပင် ရုပ်ကြွင်းတွေကို တွေ့ရတယ်။ အဲဒီက မူလ လက်ဟောင်း Haoma ဖျော်ရည်အတွက်တော့ Phallaris Grass ( DMT ) နဲ့ Peganum Harmala ( MAOI ) ကို သုံးကြတာ တွေ့ရတယ်။ Zoroaster အုပ်စုက Haoma ဖျော်ရည် လို့ ခေါ်ပြီး A***n အုပ်စုက Soma ဖျော်ရည်လို့ ခေါ်ကြတယ်။ နေရာတွေ ဝေးကွာသွားတော့ ကိုယ်ရောက်တဲ့ နေရမှာ ရှိတဲ့ အခြား အပင် တွေကို ပြောင်းသုံး ကြမယ် လို့ ယူဆရတယ်။ A***n အုပ်စု က Blue Lotus ကြာပင် ကို ထည့်သွင်း အသုံးပြုတာ တွေ့ရတယ်။ အဲဒါကြောင့် အိန္ဒိယ နတ်ဘုရားတွေ ပုံတွေမှာ ကြာပင် ကို အမြဲ ကိုင်ထားတဲ့ပုံ ရေးတာလို့ ယူဆကြတယ်။ ( အစဉ်အလာ ကတော့ ညစ်ပတ်တဲ့ လောက ရွှံ့နွံတွေထဲက ပွင့်လာတဲ့ သန့်စင်တဲ့ သူတော်စင် (သို့) ကြာပန်း လို့ အဓိပ္ပါယ် ကောက်ရတယ် )။ အဲဒီ နေရာတွေကနေ တဆင့် Egypt, Sumer နဲ့ Minoa တို့ဆီ ဒီ မသေဆေး ၊ အမြိုက်ရည် ယဉ်ကျေးမှု ပြန့်နှံ့ သွားတယ် လို့ ယူဆကြတယ်။
A***n တွေက အစပိုင်းမှာ ဒေသခံ တွေနဲ့ အလိုက်သင့် ပေါင်းနေခဲ့ပြီး နောက်ပိုင်းကျ ဇာတ်ခွဲခြား တာတွေ လုပ်လာတယ်။ ဗြဟ္မဏ တွေ အဖြစ်နဲ့ ဘာသာရေး အပါအဝင် အရာရာကို ချုပ်ကိုင် လာတယ်။
အဲဒီဟာတွေက နေ အစပြု ပြီး 600 BC ကနေ 200 BC အတွင်း အိန္ဒိယ မှာ ဘာသာရေး အတွေးအခေါ် တော်လှန်ရေးကြီး ပေါ်ပေါက်လာခဲ့တယ်။ သူတို့က ဗြဟ္မဏ တွေရဲ့ အခမ်းအနား Rituals တွေကို ပစ်ပယ်ပြီး တရားထိုင်ပြီး ရှုမှတ်ခြင်း Meditation ကို သာ ဦးစားပေး လာကြတယ်။ အဲဒီ တော်လှန်ရေး ရဲ့ ခေါင်းဆောင်တွေကတော့ Kapila muni ရသေ့ ၊ Buddha ဗုဒ္ဓ ၊ Mahavira မဟာဝီရ ဇိန ဂျိန်း ၊ Patanjali နဲ့ Upanishads ဥပနိသျှဒ် ဆရာတွေ ဖြစ်တယ်။ သူတို့က Bliss ချမ်းမြေ့ခြင်း သုခ ကို Soma သောက်သုံးစရာမလိုပဲ တရားကျင့်ယုံနဲ့ ရနိုင်တယ် လို့ ယုံကြည်ကြတယ်။ သူတို့က်ို သာမဏ (တောထွက် တရားကျင့်သူ ) တွေလို့ ခေါ်ကြတယ်။
အဲဒါကို အခုခေတ် အမြင်အရတော့ အပင် က ထုတ်တဲ့ DMT ကို အားမကိုးတော့ပဲ လူကိုယ်ထဲက DMT ကို တိုက်ရိုက်ထုတ်လာကြတယ် လို့ မြင်ကြတယ်။ ဦးနှောက်ရဲ့ အတွင်းအကျဆုံး အပိုင်းမှာ ထင်းရှုးသီး pine cone နဲ့ တူလို့ pineal gland လို့ ခေါ်တဲ့ အပိုင်း ရှိတယ်။ တွားသွားသတ္တဝါ တွေမှာလည်း အဲဒီအပိုင်းပါရှိလို့ သူ့ကို Reptilian brain လို့လည်း ခေါ်တယ်။ သူ့မှာ မျက်လုံးလိုပဲ အလင်းရောင်ကိုသိတဲ့ cone နဲ့ rod တွေရှိလို့ တတိယ မျက်လုံး The Third Eye လို့လည်း ခေါ်တယ်။ အောက်က ပုံ မှာ bearded dragon တွေမှာရှိတဲ့ third eye ကို မြင်ရမှာပါ။ လူတွေမှာတော့ ဒီအပိုင်းက နေ့ည သိတာ ၊ အိပ်တာ နိုးတာ ကို ထိန်းချုပ်ပေးတယ် လို့ ဆိုပါတယ်။
သူတို့ ယူဆတာက လိုအပ်တဲ့ လှုံ့ဆော်မှု ရရင် အဲဒီ pienal gland ကနေ DMT ကိုထုတ်ပေးတယ်။ အဲဒီတော့ အပင်က DMT ပါတဲ့ ဓါတုပစ္စည်းကို သောက်လိုက် သလို၊ DMT ကို IV ဆေးသွင်းလိုက်သလိုပဲ အတူတူ ခံစားရတယ် ဆိုပါတယ်။ DMT ကို ကိုယ်ထဲရောက်အောင်၊ ဒါမှ မဟုတ် Pineal Gland က ထွက်လာအောင်
၁. DMT ပါသော ပစ္စည်းကို သောက်ခြင်း ၊ ရှုသွင်းခြင်း ၊ အပ်ဖြင့် ထိုးထည့်ခြင်း (Ayahuasca )
၂. ကြာရှည် အစာငတ်ခံခြင်း fasting (Temptation of Christ, Muhammad in Hira Cave)
၃. ကြာရှည် ကခုန်ခြင်း ( နတ်ပူးခြင်း ၊ Sufi whirling )
၄. အဆက်မပြတ် တီးမှုတ်ခြင်း ၊ ရွတ်ဆိုခြင်း drumming, chanting, singing ( Ta**ra )
၅. အမှောင်ထဲမှာ ကြာရှည် နေခြင်း Darkness
၆. အသက်ကို ပြင်းစွာ ရှုခြင်း၊ အောင့်ထားခြင်း (Pranayama , Baptism နှစ်ခြင်းခံခြင်း )
၇. သမာဓိ တည်ခြင်း concentration ၊ တရားထိုင်ခြင်း meditation (kundalini, dhyana ဈာန် )
တွေကို လုပ်လေ့ ရှိတယ် ဆိုပါတယ်။
DMT တွေ ဦးနှောက်ထဲ မှာ များလာရင် ဒီလို effects တွေကို ခံစား ရတယ်လို့ ဆိုပါတယ်။
၁. စူးရှ ပြင်းထန်သော အလင်းတန်းကို မြင်ရခြင်း Light
၂. ငြိမ်းချမ်းခြင်း နှင့် ပီတိ သုခ Bliss Ecstasy
၃. အပြင်မှာ တကယ်မရှိသော အကောင်များ နှင့် တွေ့ဆုံခြင်း ( လူတပိုင်း တိရစ္ဖာန် တပိုင်း therianthrope, werewolf, သမန်းကျား၊ ဂြိုဟ်သား alien abduction, နတ် god, goddess, angels, ပြိတ္ထာ၊ တိရစ္ဖာန်တွေနဲ့ မာဂဓ စကားပြော )
၄. ကိုယ်ခန္ဓာအပြင်သို့ ထွက်သွားသည် ဟု ခံစားရခြင်း Out of body experience, Near Death Experience နတ်ပြည် ငရဲပြည်မှ လှည့်ပြန်လာခြင်း )
၅. မသေတော့ခြင်း immortality, ခွန်အားကြီးခြင်း invincibility
DMT ဆေးသွင်းပြီး စမ်းသပ်ခံသူတွေရဲ့ ပြန်ပြောပြတာတွေက ဘာသာရေး သမားတွေ ပြောတာနဲ့ အဲဒီလို တူနေလို့ သူ့ကို The Spirit Molecule လို့ Rick.Strassman က နံမည်ပေးထားတယ်။ သူ့ရဲ့ အဲဒီ စာအုပ်ထွက်လာပြီး လူပေါင်းများစွာက ကိုယ်သိတဲ့ ဘာသာရေးတွေမှာ DMT နဲ့ Pineal Gland ပါဝင်ပတ်သတ် နိုင်သမျှ ကို ရှာဖွေကြတော့တယ်။
ဒီ video ကတော့ Universal Quest အဖွဲ့တည်ထောင်သူ Raja Choudhury ရဲ့ DMT နဲ့ အိန္ဒိယ အစဉ်အလာ ဘယ်လို ပတ်သတ်နေလဲ ဟောပြောချက် ဖြစ်ပါတယ်။ သူက အိန္ဒိယ အစဉ်အလာ meditation ကို ခေတ်ပေါ် အမြင်တွေနဲ့ ဆက်စပ်လေ့လာ နေသူ ဖြစ်ပါတယ်။ အခု စာ က သူ့ဟောပြောချက်ကို အဓိက အခြေခံ ထားပါတယ်။
ဒီ video မှာတော့ DMT ကို ခရစ်ယန် ဘာသာ က burning bush, mana, baptism တွေနဲ့ ဆက်စပ်ထားတာ တွေ့ရပါမယ်။ Graphics တွေ အထူးကောင်းမွန်ပါတယ်။ ဒါပေမယ့် အထောက်အထား အားနည်းတယ် ထင်ပါတယ်။
ဒီကိစ္စတွေ တခြား ပညာရှင်တွေ ဘာပြောလဲ လိုက်ကြည့်တော့ တချို့ neuroscience ပညာရှင်တွေက "pineal gland နဲ့ ပတ်သတ်ပြီး တခုခုတော့ ထူးခြားတယ် ဆိုပြီး လျှောက်ပြောတာ Descartes တို့ လက်ထက်ကတည်း က ပဲ။ အလကား သိပ္ပံတု pseudoscience တွေပါ" လို့ ပြောတဲ့ လူလည်း ရှိတယ်။ ဒါပေမည့် DMT က အမေရိကန် မှာ မူးယစ်ဆေး ဆိုပြီး ပိတ်ထားတယ် ၊ Rick.Strassman တယောက်ပဲ ခွင့်ပြုချက် မရ ရအောင် နှစ်များစွာ ကြိုးပမ်းပြီးမှ သုတေသန လုပ်ထားတာ ၊ ထပ်လုပ်ခွင့် လည်း ဘယ်သူမှ မ ရ ထားတော့ သိပ်မပြောကြဘူး။ အထောက်အထား ထပ်ရှာဖို့ပဲ ပြောကြတယ်။
ဘာသာရေး လုပ်ငန်း တွေကို သိပ္ပံနည်းကျ လေ့လာနေတဲ့ ပညာရှင်တွေ အများကြီးထဲက တယောက်ဖြစ်တဲ့ Andrew Newberg ကတော့ molecule တစ်ခုထဲက အကုန်ဖြစ်တယ် ဆိုတာထက် molecule အများကြီး ပေါင်းစပ် လုပ်ဆောင်မှုကြောင့် ဆို ပိုဖြစ်နိုင်မယ် လို့ ပြောပါတယ်။
ဥပမာ L*D, co***ne သောက်တဲ့အခါ နဲ့ တရားထိုင် တဲ့ အခါတွေမှာ serotonin ထွက်တာ များလာတယ်၊ နောက် dopamine ပါ များလာတဲ့ အခါ နေလို့ထိုင်လို့ အရမ်းကောင်းပြီး ပီတိ သုခ Euphoria ဖြစ်လာတယ်။ GABA အထွက်များလာတဲ့ အခါ ခန္ဓာကိုယ် အနေအထားကို ထိန်းချုပ်တဲ့ ဦးနှောက်ရဲ့ အစိတ်အပိုင်းတွေ ငြိမ်ကျ သွားတော့ space time တွေ ပျောက်ဆုံးကုန်ပြီး လွင့်နေ မြောက်နေ သလို ခံစားရတယ်၊ စိတ်တွေ တည်ငြိမ်ပြီး ကြည်လင်တဲ့ ပဿဒ္ဓိ ဖြစ်လာတယ်။ အခုခေတ်မှာ မေ့ဆေး အဖြစ်သုံးတဲ့ ketamine များလာရင် ခန္ဓာကိုယ်ရဲ့ အပြင်ဘက်ကို ထွက်သွားသလို အမြင်မှားတွေ မြင်လာမယ် ( မေ့ဆေး ပေးပြီး ခွဲစိပ် ခံရသူ တွေ က လည်း အဲဒီလို မြင်ရတယ် လို့ ပြန်ပြောကြတယ် ) စသည်ဖြင့် တခြား neurotransmitter တွေရဲ့ effects တွေကိုပါ ထည့်သွင်း စဉ်းစားဖို့ ပြောပါတယ်။
Ref: The spirit Molecule by Rick Strassman
*D ***ne
