15/06/2026
အားလုံးကို ရင်ကွဲကြေကွဲစေခဲ့သည့် မြောက်ဒဂုံမှ အသက် ၁၃ နှစ်အရွယ် ကျောင်းသားလေး မောင်မင်းခန့်ဇော် ရေနစ်သေဆုံးမှု ဖြစ်စဉ်နှင့် ပတ်သက်၍ ပရိသတ်များ ထင်မှတ်မထားသည့် မိသားစုဝင်များ၏ ကြီးမားလှသော ခွင့်လွှတ်ခြင်း ဆုံးဖြတ်ချက်အသစ်တစ်ခု ထွက်ပေါ်လာခဲ့သည်။
အဆိုပါ ဖြစ်စဉ်တွင် ကွယ်လွန်သူ သားလေး မောင်မင်းခန့်ဇော်သည် သူငယ်ချင်းဖြစ်သူ ကလေးငယ်များနှင့်အတူ ရေသွားကူးရင်း မတော်တဆ ရေနစ်သည့် ဖြစ်ရပ်ဆိုးနှင့် ကြုံတွေ့ခဲ့ရခြင်း ဖြစ်သည်။ အခင်းဖြစ်ပွားချိန်တွင် အတူပါသွားသည့် သူငယ်ချင်းနှစ်ဦးက သားလေး ရေနစ်နေသည်ကို သိပါလျက်နှင့် ပတ်ဝန်းကျင်ကို အကူအညီမတောင်းဘဲ ပစ်ထားခဲ့ကြသည့်အတွက် မိသားစုဝင်များက ရင်နာခဲ့ရသော်လည်း၊ အခုအခါတွင်တော့ အဆိုပါ ကလေးငယ်နှစ်ဦးသည် မိသားစုဝင်များထံ လာရောက်၍ ၎င်းတို့၏ အမှားများအတွက် မျက်ရည်ကျကာ တောင်းပန်ခဲ့ကြကြောင်း သိရသည်။
ရင်ကျိုးမတတ် ခံစားနေရသည့်တိုင်အောင် အဒေါ်ဖြစ်သူက "ပြုသူအသစ်၊ ဖြစ်သူအဟောင်းတဲ့... ဒီကိစ္စက ဖြစ်ပျက်သွားခဲ့ပါပြီ၊ ပြန်ပြင်လို့မှ မရတော့တာလေ။ ဒေါသတွေနဲ့ အရှည်ကြီး ဖြစ်နေကြဦးမယ်ဆိုရင် ဝဋ်ကြွေးတွေက သံသရာလည်နေပါလိမ့်မယ်" ဟု ရင်ဖွင့်ကာ၊ တူလေးအတွက် ဝဋ်ရှိခဲ့လျှင်လည်း ဒီဘဝနှင့်တင် ကျေအေးစေရန် ဆုံးဖြတ်ခဲ့သည်။ ထို့အပြင် လာရောက်တောင်းပန်သည့် ကလေးငယ်များမှာလည်း မိမိတို့ရပ်ကွက်အတွင်း မျက်စိအောက်တွင် ကြီးပြင်းလာသည့် ကလေးများ ဖြစ်နေသောကြောင့် ၎င်းတို့၏ ရှေ့ရေးကို ထောက်ထားကာ သားသမီးချင်း ကိုယ်ချင်းစာစိတ်ဖြင့် အပြတ်အသတ် ခွင့်လွှတ်ပေးလိုက်ပြီ ဖြစ်ကြောင်း ဆိုလာသည်။
တစ်ဖက်တွင်လည်း ကိစ္စရပ်များ ဖြစ်ပွားကတည်းက တူလေးအတွက် စိတ်ပူပေးကြ၊ ကာကွယ်ပေးကြသည့် Facebook ပေါ်က ပြည်သူတစ်ယောက်ချင်းစီ တိုင်းကိုရော၊ လူကိုယ်တိုင် မသိကြသော်လည်း တူလေးကို သနားချစ်ခင်သဖြင့် ရက်လည်ဆွမ်းသွတ် တရားနာပွဲသို့ အဝေးကြီးမှ လာရောက်ပေးခဲ့ကြသူ အားလုံးကိုပါ မိသားစုကိုယ်စား အဒေါ်ဖြစ်သူက အထူးပင် ကျေးဇူးတင်ရှိကြောင်း မျက်ရည်ကျလျက် ဆုတောင်းမေတ္တာ ပို့သထားသည်။
#မောင်မင်းခန့်ဇော် #မြောက်ဒဂုံ
