เว็บไซต์คืออะไร?

https://www.facebook.com/250250855667435/

S One Media Plus

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก S One Media Plus, บริษัทด้านสื่อ/ข่าวสาร, Bangkok Yai.

17/08/2026

မကြာမီအချိန်အတွင်း ပြင်ဦးလွင်မြို့တွင် ကျင်းပပြုလုပ်တော့မည့် မင်းသား အောင်ဇမ္ဗူ ဇာတ်အဖွဲ့၏ ကပြဖျော်ဖြေပွဲအတွက် ပွဲကျင်းပမည့် နေရာကို မိုးလုံလေလုံဖြစ်အောင် စနစ်တကျ ကြိုတင်ပြင်ဆင်ထားကြောင်း သိရှိရပါသည်။ ရာသီဥတုဒဏ် ကင်းဝေးစေမည့် မိုးလုံလေလုံ အခင်းအကျင်းဖြစ်သည့်အတွက် လာရောက်အားပေးကြမည့် ပရိသတ်များအနေဖြင့် မိုးအေးအေးတွင် စိတ်အေးချမ်းသာစွာဖြင့် ကြည့်ရှုနိုင်မည်ဖြစ်ရာ ပွဲလာရောက်ကြည့်ရှုမည့် ဖန်များနှင့် သဘင်ချစ်သူများအကြား အလွန်ပင် အဆင်ပြေစေမည့် အစီအစဉ်တစ်ခုအဖြစ် သဘောကျ ဝမ်းမြောက်နေကြပါသည်။

14/08/2026

မင်းသားချော အောင်ဇမ္ဗူ ၏ ချိုသာလှပသော အပြုံးလေးများနှင့် ပတ်သက်၍ ပရိသတ်တစ်ဦးက *"သကြားနဲ့ ပျားရည် (၂) မျိုးပေါင်းရင်တောင် အောင်ဇမ္ဗူ အပြုံးကို မမီဘူး"* ဟု အချစ်တွေ အပြည့်ဖြင့် ချစ်စနိုး ရေးသား ပေးပို့လာခဲ့ပါသည်။ ပရိသတ်များ၏ အသည်းစွဲ မင်းသားတစ်ဦးဖြစ်သည့် အောင်ဇမ္ဗူ၏ ချစ်စဖွယ် အပြုံးအမူအရာလေးများသည် ဖန်များ၏ ရင်ကို အမြဲတမ်း အေးချမ်းရွှင်လန်းစေပြီး ယခုကဲ့သို့ ပရိသတ်၏ ရင်ထဲမှလာသော စကားလက်ဆောင်လေးကြောင့်လည်း အခြားသော ဖန်များကြားတွင် သဘောကျ ပြုံးပျော်လျက် ရှိကြပါသည်။

12/08/2026

ရုပ်ရှင်ချစ်ပရိသတ်များ စောင့်မျှော်နေကြသည့် မြန်မာ့ပထမဆုံး ရှေးခေတ် စိတ်ကူးယဉ် (Fantasy Drama) ရုပ်ရှင်ဇာတ်ကားကြီးဖြစ်သော "ချစ်သောမဟေသီ" ကို စတင်ရိုက်ကူးနေပြီဖြစ်ကြောင်း သိရပါသည်။ အဆိုပါ ရုပ်ရှင်ဇာတ်ကားကြီးတွင် မင်းသား အောင်ဇမ္ဗူ၊ သရုပ်ဆောင် မေမီကိုကို နှင့် အလှမယ် JK Sophia တို့အပါအဝင် အနုပညာရှင်များစွာ ပါဝင်သရုပ်ဆောင်ထားကြပါသည်။ ရှေးခေတ်နောက်ခံ အပြင်အဆင်များနှင့် ဆန်းသစ်သော စိတ်ကူးယဉ် ရိုက်ကွင်းရိုက်ကွက်များဖြင့် စနစ်တကျ ပြင်ဆင်ထားသည့်အတွက် ငွေကျပ် သိန်းပေါင်းသောင်းချီ ကုန်ကျမည့် ရုပ်ရှင်ဇာတ်ကားကြီးဖြစ်ပြီး မြန်မာ့ရုပ်ရှင်လောကတွင် မတူညီသည့် ရသအသစ်တစ်ခုကို ပရိသတ်များထံ ပေးစွမ်းနိုင်မည်ဖြစ်ပါသည်။

11/08/2026

မင်းသားချော စမ်းရေမိုးက မိမိ၏ ဝတ်စားဆင်ယင်မှု ဖက်ရှင်နှင့် ပတ်သက်၍ ပရိသတ်များကို ပွင့်ပွင့်လင်းလင်းနှင့် ရယ်ရွှယ်ဖွယ် ရင်ဖွင့်ပြောပြလာခဲ့ပါသည်။ မိမိမှာ တောသားဖြစ်သည့်အတွက် အဝတ်အစား သိပ်မဝတ်တတ်ကြောင်း၊ ပရိသတ်တစ်ယောက်က ဘောင်းဘီပေးလျှင် အင်္ကျီပေးသည့် အခြားတစ်ယောက်၏ လက်ဆောင်နှင့် မလိုက်ဖက်သော်လည်း အချိန်မရပါက ဝတ်လိုက်ရကြောင်း ပြောပြခဲ့ပါသည်။
ထို့အပြင် စတိုင်ပန်နှင့် စီးရမည့် ဖိနပ်ကို ဂျင်းဘောင်းဘီနှင့် စီးလိုက်ရသည်များ ရှိသလို အပြင်တွင်နေလျှင်လည်း အမြဲ ကိုးရိုးကားယား ဖြစ်နေတတ်ကြောင်း၊ သို့သော် ဖက်ရှင် မလိုက်ဖက်မှန်း သိသော်လည်း တွဲဝတ်လိုက်ရကြောင်းနှင့် မိမိ၏ ပင်ကို ရုပ်ရည်လေးမှာ ချစ်စရာကောင်းသည့်အတွက် ကိုးရိုးကားယား ဝတ်ထားလျှင်ပင် ချစ်ဖို့ကောင်းနေဆဲ ဖြစ်ကြောင်း ရွှန်းရွှန်းဝေအောင် စနောက်ကာ ပြောကြားခဲ့တာ ဖြစ်ပါသည်။

10/08/2026

စာရေးဆရာ ဒါရိုက်တာ ဦးအောင်ကျော်ထွန်း (လင်္ကာဒီပ) သည် လာမည့်နှစ် ဇွန်လတွင် ဘီစီ ၈၀၀ ခေတ်ကာလကို အခြေခံထားသည့် သမိုင်းဝင် ရုပ်ရှင်ဇာတ်ကားကြီးတစ်ကားကို ကိုယ်တိုင် ရိုက်ကူးဖန်တီးသွားမည်ဖြစ်ကြောင်း သိရပါသည်။ အဆိုပါ ဇာတ်ကားတွင် မင်းသား စမ်းရေမိုးက ခေါင်းဆောင်မင်းသားအဖြစ် ပါဝင်မည်ဖြစ်ပြီး ဇာတ်ကားအတွက် ယခုကတည်းက စတင်ပြင်ဆင်နေကာ မင်းသားအတွက် သုံးလအလိုက် စုစုပေါင်း ၉ လနီးပါး ကြိုတင်ပြင်ဆင်မှုများ ပြုလုပ်သွားမည်ဖြစ်ပါသည်။
ဇာတ်လမ်းပမာဏ အလွန်ကြီးမားသည့်အတွက် ရုပ်ရှင်ကြာချိန်မှာ ၃ နာရီခွဲကျော်အထိ ရှိလာနိုင်ပြီး ဇာတ်ကားကို တစ်ပိုင်းတည်း သို့မဟုတ် နှစ်ပိုင်းခွဲ၍ ရိုက်ကူးမည်ကိုမူ အပြီးသတ် မဆုံးဖြတ်ရသေးပေ။ ယခု ရုပ်ရှင်တွင် မင်းသား စမ်းရေမိုးအပြင် ခင်ဝင့်ဝါ၊ ရန်အောင်၊ ရဲအောင် နှင့် နေမျိုးအောင် စသည့် အနုပညာရှင်များ ပါဝင်ရန် ဆက်သွယ်ထားကြောင်း သိရပါသည်။ ဇာတ်လမ်းအတွင်း သမိုင်းဆိုင်ရာ အချက်အလက်များအပြင် စစ်ကိုင်းပြတ်ရွှေ့ကြော ဖြစ်ပေါ်ပုံ၊ ပုပ္ပါးမီးတောင် ပေါက်ကွဲမှုဖြစ်စဉ်နှင့် ဧရာဝတီမြစ်ကြောင်း ပြောင်းလဲသွားပုံစသည့် ဘူမိဗေဒဆိုင်ရာ အပြောင်းအလဲများကိုပါ ထည့်သွင်း ပုံဖော်သွားမည်ဖြစ်ပြီး၊ ရုပ်ရှင်ထုတ်လုပ်ရေး ကုမ္ပဏီနှစ်ခု ပူးပေါင်း၍ ထုတ်လုပ်သွားမည်ဖြစ်ပါသည်။

10/08/2026

SFX Makeup Effect အနုပညာရှင် ဒါရိုက်တာ အောင်ကျော်ထွန်း (လင်္ကာဒီပ) က လာမည့်နှစ် ဇွန်လတွင် မင်းသားလေး စမ်းရေမိုးကို အဓိကဇာတ်ဆောင်အဖြစ် ပါဝင်စေကာ ရုပ်ရှင်ဇာတ်ကားကြီးတစ်ကား ကိုယ်တိုင် ရိုက်ကူးဖန်တီးသွားမည်ဖြစ်ကြောင်း အင်တာဗျူးတစ်ခုတွင် ပြောကြားလာခဲ့ပါသည်။
အဆိုပါ ရုပ်ရှင်ဇာတ်ကားအတွက် ယခုကတည်းက စတင်ပြင်ဆင်နေပြီး ရိုက်ကူးရေး မစတင်မီ (၉) လခန့် ကြိုတင်ပြင်ဆင်သွားမည်ဖြစ်ကြောင်း သိရပါသည်။ ထို့အပြင် ယခုဇာတ်ကားတွင် မင်းသား စမ်းရေမိုး နည်းတူ အနုပညာရှင်များဖြစ်ကြသည့် ခင်ဝင့်ဝါ၊ ရန်အောင်၊ ရဲအောင် နှင့် နေမျိုးအောင် တို့ပါဝင် ရိုက်ကူးသွားမည်ဖြစ်ပြီး ရုပ်ရှင်ထုတ်လုပ်ရေး ကုမ္ပဏီနှစ်ခု ပူးပေါင်း၍ တာဝန်ယူ ထုတ်လုပ်ပေးသွားမည်ဖြစ်ကြောင်း ပြောပြခဲ့တာ ဖြစ်ပါသည်။

09/08/2026

ဇာတ်မင်းသား အောင်ဇမ္ဗူသည် ငွေမျက်နှာကြည့်သည့် မင်းသားဖြစ်ကြောင်း မင်းသား စမ်းရေမိုး၏ ဆရာဖြစ်သူ အောင်ကျော်ထွန်းက ပြောဆိုခဲ့သည်ဆိုသော အွန်လိုင်းပေါ်မှ ရေးသားချက်တစ်ခုသည် ပရိသတ်များကြားတွင် စိတ်ဝင်စားမှု မြင့်တက်လျက် ရှိပါသည်။
အဆိုပါ ဖြစ်စဉ်နှင့် ပတ်သက်၍ မူရင်းရေးသားသူ ကိုဝေလင်းက ပွဲငှားရမ်းလိုသည့် စီးပွားရေးလုပ်ငန်းရှင် သူငယ်ချင်းတစ်ဦးသည် မင်းသား စမ်းရေမိုးအား ပွဲငှားရန် ဆက်သွယ်ခဲ့စဉ် ဆရာဖြစ်သူ အောင်ကျော်ထွန်းက *"ကျုပ်တို့က ရင်ဘတ်ချင်းတူမှ အလုပ်လုပ်တာ၊ ငွေ ကြောင့် မဟုတ်ဘူး၊ စီးပွားရေးသမား မဟုတ်ဘူး"* စသည့် စကားလုံးများဖြင့် ပြောဆိုခဲ့သည့်အပြင် အခြားသော ဟိုဘက်က မင်းသား (အောင်ဇမ္ဗူ) ကို သွားငှားပါ၊ သူက ငွေမျက်နှာပဲကြည့်ပြီး အလုပ်လုပ်တာဟု ခွဲခြားပြောဆိုခဲ့ကြောင်း ဖော်ပြထားပါသည်။
ထိုသို့ ပြောဆိုမှုအပေါ် ကိုဝေလင်းက ပွဲမလိုက်ချင်ပါက အဆင်မပြေကြောင်း ကောင်းမွန်စွာ ပြောဆိုငြင်းပယ်၍ ရပါလျက် မလိုအပ်ဘဲ အခြားသူများကို နှိမ့်ချပြောဆိုခြင်းမှာ မသင့်တော်ကြောင်းနှင့် နာမည်ရလာချိန်တွင် စိတ်ကြီးမဝင်သင့်ကြောင်း ဝေဖန်ရေးသားထားပါသည်။ ထို့ပြင် ယခင်က ဖြစ်ပွားခဲ့သော ဖြစ်စဉ်များကိုလည်း ထည့်သွင်းပြောဆိုထားပြီး လက်ရှိတွင် ပွဲစီစဉ်သူ လုပ်ငန်းရှင် အများအပြားထံမှ ဆရာ အောင်ကျော်ထွန်း၏ ဆက်ဆံရေးနှင့် ပတ်သက်၍ မကြာခဏ အဆင်မပြေမှုများ ရှိနေကြောင်း၊ ဒီအတိုင်း ဆက်သွားပါက မင်းသား စမ်းရေမိုး၏ အောင်မြင်မှုမှာလည်း ရေရှည်တည်တံ့မည် မဟုတ်ကြောင်း ထောက်ပြထားပါသည်။
ယခုဖြစ်စဉ်နှင့် ပတ်သက်၍ မင်းသား အောင်ဇမ္ဗူ နှင့် မင်းသား စမ်းရေမိုး တို့ဘက်မှ တစ်စုံတစ်ရာ ပြန်လည်တုံ့ပြန် ရှင်းလင်းထားခြင်း မရှိသေးပေ။

08/08/2026

မိုးသည်းထန်စွာ ရွာသွန်းမှုကြောင့် မြန်မာနိုင်ငံနေရာအနှံ့အပြားတွင် ရေကြီးရေလျှံမှုများနှင့် ကြုံတွေ့နေရပြီး အခက်အခဲတွေ့နေရသည့် ရေဘေးသင့် ပြည်သူများအတွက် မင်းသား အောင်ဇမ္ဗူ က မိမိနိုင်သည့်ဘက်မှ ပါဝင်ကူညီ လှူဒါန်းပေးသွားမည်ဖြစ်ကြောင်း ပြောကြားလာခဲ့ပါသည်။ အခက်အခဲဖြစ်ပေါ်နေသည့် ပြည်သူများ၏ ဒုက္ခကို စာနာထောက်ထားသောအားဖြင့် မိမိ တတ်စွမ်းသမျှ ပါဝင်လှူဒါန်း ကူညီပေးသွားမည်ဟု ဆိုလာခြင်းဖြစ်ပြီး ပြည်သူများ အခက်အခဲဖြစ်ချိန်တိုင်း လိုအပ်သည့်နေရာများတွင် အမြဲမပြတ် ပါဝင်ကူညီပေးလေ့ရှိသည့် အောင်ဇမ္ဗူ၏ စေတနာနှင့် မွန်မြတ်သည့် လုပ်ရပ်အပေါ် ဖန်များနှင့် သဘင်ချစ်သူ ပရိသတ်များက လှိုက်လှိုက်လှဲလှဲ မုဒိတာပွား သာဓုခေါ်ဆိုနေကြပါသည်။

08/08/2026

မနေ့ညက မန္တလေးမြို့တွင် မင်းသား အောင်ဇမ္ဗူ နှင့် မင်းသား ကောင်းစစ်ဟိန်း တို့သည် ဇာတ်ရုံတစ်နေရာစီ၌ ပရိသတ်များကို အပြိုင်အဆိုင် ကပြဖျော်ဖြေနေခဲ့ကြပါသည်။ သို့သော် ဖျော်ဖြေရေးတစ်ဝက်တွင် မင်းသားကောင်းစစ်ဟိန်း ဇာတ်အဖွဲ့၏ မီးစက်မနိုင်တော့ဘဲ ပျက်သွားခဲ့သည့်အတွက် ပွဲစဉ်ကို ဆက်လက်မကပြနိုင်တော့ဘဲ ရပ်နားလိုက်ရပါသည်။
ထိုသို့ ဖြစ်ပွားခဲ့သော်လည်း မင်းသား ကောင်းစစ်ဟိန်းသည် စိတ်ပျက်အားငယ်မသွားဘဲ *"ဝေဟေ... ပျော်လိုက်တာ! ဒါဆိုရင်တော့ အစ်ကိုအောင်ဇမ္ဗူဆီ သွားရတော့မယ်"* ဟု ရွှင်ရွှင်လန်းလန်း ပြောဆိုကာ အစ်ကိုဖြစ်သူ၏ ဇာတ်ရုံသို့ သွားရောက်ခဲ့ပါသည်။ ထို့နောက် မင်းသားနှစ်ဦးသည် စင်ပေါ်တွင် အတူတကွ တက်ရောက်၍ ပရိသတ်များကို ချစ်ခြင်းမေတ္တာ၊ ပျော်ရွှင်မှုတို့ဖြင့် လက်တွဲကပြဖျော်ဖြေခဲ့ကြရာ အနုပညာရှင်အချင်းချင်း မနာလိုဝန်တိုမှုမရှိဘဲ ရင်းနှီးချစ်ခင်စွာ ကျော်ဖြတ်ပြခဲ့သည့် ထိုမြင်ကွင်းသည် မန္တလေးပရိသတ်များ၏ ရင်ထဲတွင် အမှတ်တရကြီးတစ်ခုအဖြစ် ကျန်ရစ်ခဲ့ရပါသည်။

08/08/2026

မင်းသားချော စမ်းရေမိုး က ရွှေယမင်း ပိုးထည်တိုက် ဖွင့်ပွဲ အခမ်းအနားတွင် စတီးရွိုက် (Steroids) ပါဝင်သော ဆေးများကို မှားယွင်းစွဲလိမ်းမိခဲ့သည့်အတွက် အရေပြားပေါ်တွင် အနာသီးများ ဖြစ်ပေါ်ကာ အမာရွတ်များ ကျန်ရှိခဲ့ရသည့် အတိတ်က ဖြစ်စဉ်ကို ရင်ဖွင့်ပြောပြလာခဲ့ပါသည်။ အဆိုပါ အရေပြား အနာပြဿနာများကြောင့် ပရိသတ်ရှေ့ မထွက်နိုင်ဘဲ ပွဲများကို (၃) လနီးပါးခန့် ခေတ္တရပ်နားခဲ့ရသလို၊ စိတ်ဓာတ်ကျပြီး ထိုင်ငိုခဲ့ရသည်အထိ စိတ်ဒုက္ခ ရောက်ခဲ့ရကြောင်း ပြောပြခဲ့တာ ဖြစ်ပါတယ်။ လက်ရှိတွင်မူ ကျန်းမာရေးနှင့် အရေပြား အခြေအနေများ ပြန်လည်ကောင်းမွန်လာပြီဖြစ်၍ စင်ပေါ်တွင် ပရိသတ်များကို အပြုံးများဖြင့် ပြန်လည် ဖျော်ဖြေပေးနေပြီဖြစ်ရာ သဘင်ချစ်သူ ပရိသတ်များကလည်း စာနာထောက်ထားစွာဖြင့် အားပေးစကားများ ရေးသားနေကြပါသည်။