25/07/2025
ထိုင်း-ကမ္ဘောဒီးယား နယ်စပ်အငြင်းပွားမှုမှာ အဓိကနေရာတခုဟာ
တောင်ပေါ်ဘုရားကျောင်းတခုဖြစ်တဲ့
Preah Vihear Temple
ဗီဟီရာ ဘုရားကျောင်း နေရာဖြစ်ပါတယ်။
သက္ကရာဇစ် ၁၁၀၀ ကျော်၊
၁၂ ရာစုကဆောက်ခဲ့တဲ့ ဘုရားကျောင်းဖြစ်ပါတယ်။
ငြင်းပွားနေခဲ့နှစ်ပေါင်းအတော်ကြာပြီဖြစ်ပါတယ်။
ကမ္ဘောဒီးယားဟာပြင်သစ်ကိုလိုနီဖြစ်ခဲ့ပြီး၊ ပြင်သစ်ကိုလိုနီတွေရဲ့ မြေပုံမှာလည်း ကမ္ဘောဒီးယား နယ်မြေအဖြစ်ပေါ်ပြထားပါတယ်။
ဒါပေမယ့် ...
မိုင် ၅၀၀ ကျော်ရှည်တဲ့ ထိုင်း ကမ္ဘောဒီးယားနယ်စပ်ကို တိတိကျကျ နယ်နိမိတ်သတ်မှတ်နိုင်ခြင်းမရှိခဲ့ပါဘူး။
ထိုင်းက ဒီဘုရားကျောင်းနဲ့ နယ်နိမိတ်ကိုသူပိုင်လို့ငြင်းချက်ထုတ်ပါတယ်။
ဒါနဲ့ ၁၉၆၂ ခုနှစ်မှာ နိုင်ငံတကာခုံရုံးကိုရောက်ခဲ့ပြီး၊
ဒီခုံရုံးကနေ ကမ္ဘောဒီးယားပိုင်လို့ ဆုံးဖြတ်ပေးခဲ့ပါတယ်။
ဒါကိုထိုင်းကလက်မခံပါဘူး။
၂၀၀၈ ခုနှစ်မှာ ယူနက်စကို UNESCO မှာ ကမ္ဘာအမွေအနှစ်စာရင်းဝင်ခဲ့ပါတယ်။
၂၀၁၁ ခုနှစ်မှာ နှစ်ဘက်တိုက်ပွဲတွေဖြစ်ခဲ့တဲ့အတွက် အနည်းဆုံး ၂၀ လောက်သေခဲ့ပါတယ်။
၂၀၁၃ ခုနှစ်မှာ
ICJ နိုင်ငံတကာခုံရုံးကနေ ဒီဒေသတွင်းကနေ ထိုင်းတပ်တွေထွက်ခွါဖို့ အမိန့်ချမှတ်ခဲ့ပါတယ်။
ဒါကိုထိုင်းဘက်လက်မခံပါဘူး။
၂၀၂၅ ဖေဖေါ်ဝါရီလထဲတုန်းက ဒီဘုရားကျောင်းမှာ ကမ္ဘောဒီးယား အမျိုးသားရေးဝါဒီတွေက အမျိုးသားသီချင်းစုပေါင်းသီဆိုခဲ့တာကို၊
ထိုင်းဘက်ကန့်ကွက်တဲ့အနေနဲ့၊ ဒီဘုရားကျောင်းနေရာကို ထိုင်းဘက်နေသွားလာခွင့်ပိတ်ခဲ့ပါတယ်။
ဒါကိုကမ္ဘောဒီးယားကလက်မခံတဲ့အတွက် ငြင်းပွားမှုထပ်မံဖြစ်ခဲ့ပြီး၊
ထိုင်းဝန်ကြီးချုပ် ပေထုန်တန် ဝန်ကြီးချုပ်ရာထူးရပ်ဆိုင်းခံရတဲ့အထိ ဖြစ်ခဲ့ပါတယ်။
အခု ဇူလိုင်လထဲမှာတော့ နယ်စပ်မှာ ထိုင်းစစ်တပ်ဘက် မိုင်းနင်းမိပြီး ဒဏ်ရာရခဲ့ရာကနေ ထပ်မံအခင်းဖြစ်ပွားတာဖြစ်ပါတယ်။
နှစ်ဘက်အပြန်အလှန်ပစ်ခတ်ပြီး၊ သူ့ဘက်အရင်စပစ်တာ ဆိုတာကိုလည်း အပြန်အလှန်စွပ်စွဲကြပါတယ်။
လောလောဆယ်အချိန်အထိ လူ ၁ ဒါဇင်ထက်မနည်းသေဆုံးခဲ့ပါတယ်။
(မှတ်ချက်။ ။ ဘုရားကျောင်းလက်ရာတွေဟာ ခမာအင်ပါယာခေတ်၊
ကန်းကောဝပ် လက်ယာတွေနဲ့ ဆင်တူသလို၊
ဗုဒ္ဓဘာသာဘုရားကျောင်းမဟုတ်ဘဲ ဟိန္ဒူဘုရားကျောင်းလက်ရာတွေ အဖြစ်တွေ့မြင်နိုင်ပါတယ်။)
မေတ္တာဖြင့်။
ဇော်မိုးကျော်
၂၄၊ ၀၇၊ ၂၀၂၅
credit: :Zaw Moe Kyaw
***** Edit Add *****
Edit Add 👇
#ဘာကြောင့်အရေးကြီးသလဲ?
- သမိုင်း နှင့် ဘာသာရေးတန်ဖိုး
– ခမာအင်ပါယာလက်ရာ ဟိန္ဒူဘုရားကျောင်းဖြစ်ပြီး ရှိဝါဘုရားကျောင်းအဖြစ် ရည်ညွှန်းသည်။
- နိုင်ငံ့ဂုဏ်ရည်သင်္ကေတ– နှစ်နိုင်ငံစလုံးက ၎င်းကို မိမိတို့၏ ယဉ်ကျေးမှုအမွေအဖြစ် မြင်သည်။
- စစ်ဗျူဟာအရ အရေးပါမှု– ချောက်ကမ်းပါးပေါ်တွင် တည်ရှိပြီး စစ်ရေးအရ အချက်အချာနေရာဖြစ်သည်။
- ခရီးသွားလုပ်ငန်းနှင့် စီးပွားရေး– တိုက်ပွဲများမဖြစ်မီက နှစ်နိုင်ငံမှ ခရီးသွားများ လာရောက်လည်ပတ်ခဲ့သည်။
လက်ရှိအခြေအနေ
- ဘုရားကျောင်းကို ကမ္ဘောဒီးယားက ထိန်းချုပ်ထားပြီး ထိုင်းဘက်မှ ဝင်ရောက်ခွင့် ကန့်သတ်ထားသည်။
- ဆက်ဆံရေး တိုးတက်လာသော်လည်း နှစ်နိုင်ငံစလုံးတွင် အမျိုးသားရေးစိတ်ဓာတ်များ ရှိနေဆဲဖြစ်သည်။
- ကမ္ဘောဒီးယားက ခရီးသွားလုပ်ငန်းဖွံ့ဖြိုးရန် ကြိုးစားနေပြီး ထိုင်းက နယ်စပ်ကို စောင့်ကြပ်နေဆဲဖြစ်သည်။
၂၄.၇.၂၀၂၅ စစ်ပြန်ဖြစ်
ပြန်လည်မျှဝေသည်။
credit: :original uploader
