04/12/2025
ဘီလ်ဘာအိုနိုင်ပွဲတွင် ရီးရဲလ်မက်ဒရစ်ရဲ့ထရန်းအလက်ဇန္ဒားအာနိုးနှင့် ကာမာဗန်ဂါတို့ ဒဏ်ရာရရှိ
=====================
ရီးရဲလ်မက်ဒရစ်ဟာ မနေ့ညတုန်းက ဘီလ်ဘာအိုကို အနိုင်ယူကာ ၃ ပွဲဆက် နိုင်ပွဲပျောက်မှုကို အဆုံးသတ်နိုင်ခဲ့ပြီး ထိပ်ဆုံးက ဘာစီလိုနာနှင့် ၁ မှတ်အကွာကနေ ဆက်လက် ဖိအားပေးနိုင်ခဲ့ပါတယ်။ ဒါပေမယ့် ရီးရဲလ်မက်ဒရစ်ဟာ အရေးပါတဲ့ကစားသမားတွေဖြစ်ကြတဲ့ ထရန်းအလက်ဇန္ဒားအာနိုးနှင့် အက်ဝတ်ဒိုကာမာဗန်ဂါတို့ ဒဏ်ရာရရှိသွားမှုနဲ့အတူ ကြီးမားတဲ့ ထိုးနှက်ချက် ကြုံလာရပါတယ်။
ရီးရဲလ်မက်ဒရစ်ဟာ ပထမပိုင်းတွင် ကိုင်လီယန်ဘက်ပေးနှင့် ကာမာဗန်ဂါတို့ရဲ့ ဂိုးတွေဖြင့် ပွဲကို ထိန်းချုပ်နိုင်ခဲ့ပြီး ဒုတိယပိုင်းတွင် ဘက်ပေးက တတိယဂိုးထပ်သွင်းခဲ့လို့ ၃-၀ ဖြင့် အနိုင်ရခဲ့ပါတယ်။
ထရန်းအလက်ဇန္ဒားအာနိုးဟာ နွေရာသီတွင် လီဗာပူးမှ ရီးရဲလ်မက်ဒရစ်သို့ အလွတ်ပြောင်းရွှေ့ကြေးဖြင့် ပြောင်းလာပြီးနောက် ကာမာဗန်ဂါ ခေါင်းတိုက်ဂိုးသွင်းနိုင်အောင် ဖြတ်တင်ဘောပြုလုပ်ကာ ပထမဆုံးဖန်တီးမှု ပြုလုပ်နိုင်ခဲ့ပေမယ့်လည်း ဒဏ်ရာရရှိသွားခဲ့ပါတယ်။
ထရန်းအလက်ဇန္ဒားအာနိုးဟာ ယခုရာသီတွင် တံကောက်ကြောဒဏ်ရာကြောင့် ရီးရဲလ်မက်ဒရစ်ရဲ့ ပွဲ ၇ ပွဲ လွဲချော်ထားပြီး ဖြစ်ပါတယ်။ ဒါ့အပြင် နောက်ထပ် ထိုးနှက်ချက်က ကွင်းလယ်ကစားသမားကာမာဗန်ဂါလည်း ဒဏ်ရာရရှိသွားခဲ့တာပါ။
လက်ရှိအချိန်တွင် ထရန်းအလက်ဇန္ဒားအာနိုးနှင့် ကာမာဗန်ဂါတို့ရဲ့ ဒဏ်ရာအတိမ်အနက်ကို မသိရသေးပါဘူး။
ဘီလ်ဘာအိုကတော့ ရီးရဲလ်မက်ဒရစ်ရှုံးပွဲကြောင့် နောက်ဆုံးလိဂ်ပွဲ ၁၂ ပွဲတွင် ၇ ပွဲမြောက် ရှုံးပွဲကြုံကာ ရလဒ်ဆိုးရွားနေပါတယ်။
