Norn Manon

ប្រវត្តិសាស្ត្រ បុរាណស្ថាន ប្រាសាទបុរាណ
Tel: 010818210 (Telegram)

05/09/2025

ចូលព្រៃពីរនាក់ក្មួយ ឥឡូវជាប់ក្នុងព្រៃដោយសារភ្លៀងខ្លាំងពេក។ មកទស្សនាទីតាំងកងទ័ពខ្មែរសម្រាកក្នុងដំណើរឡេីងទៅវ៉ៃលាវសម័យបុរាណ តំបន់ម្លូព្រៃ ខេត្តព្រះវិហារបច្ចុប្បន្ន។

28/08/2025

26/08/2025

ពួកយើងបានប្រទះប្រាសាទដ៏កម្សត់មួយលាក់ខ្លួនក្រោយចម្ការអ្នកភូមិ ពុំមានអ្នកដឹងថតបង្ហាញទេ។
———
នេះជាប្រភេទប្រាសាទទោល (ប្រាង្គតែមួយ) សង់ពីឥដ្ឋបែរទៅទិសខាងកើត ខូចខាតផ្នែកកំពូលបន្តិច ឥដ្ឋនៃប្រាង្គខាងក្រៅរបះធ្លាក់ច្រើន ដោយសារឫសដើមជ្រៃចាក់រុំព័ទ្ធ ប៉ុន្តែខាងក្នុងនៅស្អាត។ បំណែកផ្តែរនិងត្របកផ្កាឈូកនៃកំពូលមិនបាត់បង់ទេ ផ្នែកផ្សេងមិនឃើញដោយសារព្រៃដុះក្រាស់ពេកពិបាកពិនិត្យមើល។ ប្រាសាទនេះមានចម្ងាយពីផ្លូវប្រហែល៥០០ម៉ែត្រ ស្ថិតនៅភូមិអូររូង ឃុំតាសៀម ស្រុកស្វាយលើ ខេត្តសៀមរាប។

26/08/2025

អត់ធ្មត់ខ្ពស់បំផុតបងប្អូន
សៀមរុកកួនយេីងដេីម្បីរកលេសវ៉ៃយេីង និងបំបែកបំបាក់ផ្ទៃក្នុងយេីង ដូច្នេះកុំចាញ់ល្បិចពួកវា

24/08/2025

ទិដ្ឋភាពទេសភាពស្រស់បំព្រងនៅពេីយទុកព្រះ
យេីងអាចទស្សនាទេសភាព១៨០ដឺក្រេ ភាគខាងកើតនៃភ្នំគូលែន ជាទស្សនីយភាពធម្មជាតិស្អាតសម្រាប់ទេសចរមកលំហែ។

22/08/2025

អនុស្សាវរីយ៍ចូលព្រៃសហគមន៍ ទៅកាន់ទីតាំងម៉ុងបុរាណ ចូលដល់ហើយមានអារម្មណ៍ថាល្ហេីយៗខ្នង ព្រោះព្រៃក្រាស់ ស្ងាត់ជ្រងំ ឮតែសំឡេងសត្វយំ។ ម្នាក់ឯងមិនហ៊ានចូលទេ។ ប្រវត្តិព្រឺព្រួចណាស់ សង្ឃឹមមានឱកាសទៅម្ដងទៀត។

ព្រៃសហគមន៍បឹងវៀន សូត្រនិគម ខេត្តសៀមរាប

18/08/2025

ស្លាកស្នាមកាត់យកថ្មភក់កសាងប្រាសាទសម័យមហានគរ
នេះជាភស្តុតាងយ៉ាងសំខាន់មួយបង្ហាញពីប្រភពថ្មភក់ដែលបុព្វបុរសខ្មែរយើងបានយកទៅកសាងប្រាសាទនានាពាសពេញដែនដីចក្រភពខ្មែរ។

ស្ថិតនៅតំបន់ភាគអាគ្នេយ៍នៃភ្នំគូលែន ក្នុងឃុំបឹងមាលា ស្រុកស្វាយលេី ខេត្តសៀមរាប។

18/08/2025

ប្រាសាទគុកព្រីងជ្រុំ កសាងពីឥដ្ឋដុត មេទ្វារកសាងពីថ្មភក់ និងកំពែងកសាងពីថ្មបាយក្រៀម ហើយលេីមេទ្វារមានសិលាចារឹកទៀតផង តែគួរឱ្យស្ដាយតួប្រាង្គបាក់រលំស្ទើរតែអស់ទៅហើយ។

តាមការសិក្សារបស់អ្នកជំនាញ ប្រាសាទគុកព្រីងជ្រុំនេះត្រូវបានកសាងឡើងដោយមេទ័ពខ្លាំងពូកែមួយរូប ក្នុងរាជ្យព្រះបាទសូរ្យវរ្ម័នទី១ ប៉ុន្តែផ្ដែរនិងសសរពេជ្រជារបស់ប្រាសាទចាស់ណាមួយក្នុងសម័យមុន ដែលត្រូវបានយកមករៀបឡើងវិញ។ ចំណែកផ្ដែរនោះបច្ចុប្បន្នរក្សាទុកនៅក្នុងវត្តព្រីងជ្រុំ។

ប្រាសាទគុកព្រីងជ្រុំ មានទីតាំងស្ថិតនៅភូមិព្រីងជ្រុំ ឃុំព្រីងជ្រុំ ស្រុកជើងព្រៃ ខេត្តកំពង់ចាម ចម្ងាយប្រមាណ ៣០០ ម៉ែត្រ ប៉ែកអាគ្នេយ៍វត្តព្រីងជ្រុំ និងចម្ងាយប្រមាណ ៥ គីឡូម៉ែត្រ ប៉ែកខាងលិចប្រាសាទគុកត្រពាំងស្រុក។ ពាក្យ “គុក” ជាពាក្យអ្នកស្រុកហៅសំដៅដល់ប្រាសាទ រីឯឈ្មោះថា “ព្រីងជ្រុំ” សំដៅដល់ឈ្មោះភូមិសាស្រ្ត។

ថ្ងៃចន្ទ ទី១៨ ខែសីហា ឆ្នាំ២០២៥

18/08/2025

តាមរយៈបេសកកម្មរុករក បងចាន់ឌី ជួយចែករំលែកបានច្រើនទាក់ទងប្រវត្តិសាស្ត្រ ប្រាសាទបុរាណ បុរាណស្ថានផ្សេងៗ ហើយខ្ញុំក៏បានរៀនសូត្រច្រើនពីគាត់ផងដែរ។ ខ្ញុំជឿជាក់ថា រដ្ឋាភិបាលនឹងពិចារណាអនុញ្ញាតឱ្យគាត់បានត្រឡប់មកវិញ ដេីម្បីចូលរួមចែករំលែកកិច្ចការសង្គមបន្តទៀត។

16/08/2025

សែនស្រណោះប្រាសាទគោកខ្វិត បាក់រលំកំពូលលេី
ប្រាសាទនេះ សាងឡើងអំពីថ្មបាយក្រៀមនៅលើទួលមួយខ្ពស់ មានប៉មរាងបួនជ្រុងស្មើ ប្រវែងប្រមាណ ៥ម៉ែត្រ កម្ពស់ ៦ម៉ែត្រ បែរមុខទៅទិសខាងកើត និងនៅផ្នែកផ្សេងៗទៀតគេលម្អជាទ្វារបញ្ឆោត។

តាមរយៈការសិក្សាផ្ដែរ និងតួប្រាង្គ យើងអាចសន្និដ្ឋានបានថា ប្រាសាទគោកខ្វិត ទំនងសាងសង់ឡើងនៅក្នុងរចនាបថឃ្លាំង ស.វ.ទី១១ ដែលអាចសាងសង់ឡើងក្នុងរជ្ជកាលព្រះបាទសូរ្យវរ្ម័នទី១ (គ.ស.១០០២ ដល់ ១០៥០)។

ប្រាសាទគោកខ្វិត ស្ថិតនៅក្នុងបរិវេណវត្តប្រាសាទ
ក្នុងភូមិកកោះ ឃុំតាំងក្រសាំង ស្រុកបាធាយ ខេត្តកំពង់ចាម។

14/08/2025

ទិដ្ឋភាពប្រាសាទព្រះវិហារ មុនកេីតមានជម្លោះព្រំដែន
សូមគោរពវីរភាពទាហានកម្ពុជាដែលបូជាការពារដែនដីនេះ
ប្រាសាទពិតជាស្រស់ស្អាតណាស់ តែស្ដាយដែលត្រូវបាក់បែកផ្នែកខ្លះថែមទៀតដោយសារគ្រាប់ផ្លោងរបស់ទាហានថៃ។