14/07/2023
ထိုင်းပြည်သူတွေထောက်ခံတဲ့ Move Forward ပါတီ ခေါင်းဆောင်ထိုင်းဝန်ကြီးချုပ်အဖြစ်ဘာကြောင့်ရွေးချယ်မခံရလဲ။
၁။ ထိုင်းနိုင်ငံမှာအထက်လွတ်တော်နဲ့ အောက်လွှတ်တော် နှစ်ရပ်ပေါင်းမှာ အမတ်စုစုပေါင်း ၇၅၀ ဦးရှိပါတယ်။ ဝန်ကြီးချုပ်အဖြစ်အရွေးခံရဖို့အတွက် ၇၅၀ ဦးရဲ့ ၅၀ ရာခိုင်းနှုန်းကျော်ဖြစ်တဲ့ မဲအရေအတွက် ၃၇၆ မဲ လိုအပ်ပါတယ်။
၂။ ထိုင်းနိုင်ငံမှာဖွဲ့စည်းပုံအခြေခံဥပဒေကို စစ်တပ်ကဆွဲထားတာဖြစ်ပြီး၊ ရွေးကောက်ပွဲကအောက်လွတ်တော်ကိုယ်စားလှယ် ၅၀၀ အတွက်ပဲကျင်းပတာဖြစ်ပါတယ်။ အထက်လွတ်တော်ကိုယ်စားလှယ် ၂၅၀ ဦးကိုစစ်တပ်ကခန့်ထားတာဖြစ်ပါတယ်။
၃။ ရွေးကောက်ပွဲမှာ ပြုပြင်ပြောင်းလဲရေး Move Forward ပါတီက မဲအများဆုံးရပြီး၊ ရွေးကောက်ခံကိုယ်စားလှယ်အားလုံးရဲ့ ၃၆.၂၃ ရာခိုင်နှုန်းဖြစ်တဲ့ ၁၅၂ နေရာကိုရခဲ့ပါတယ်။ Move Forward ပါတီဟာ ပါင်္တငယ်လေးများနှင့် ၈ ပါတီညွန့်ပေါင်းကိုဖွဲ့ခဲ့ပြီး ၊ အဆိုပါညွန့်ပေါင်းသည် ကိုယ်စားလှယ် ၃၁၃ ဦးရှိပြီးလိုအပ်သည့်မဲအရေအတွက် ၃၇၆ မဲရရှိရန် ထောက်ခံမဲလိုနေဆဲဖြစ်ပါတယ်။
၄။ အမှန်စင်စစ်ဒီမိုကရေစီစနစ်ဖြစ်ပါက ပြည်သူရွေးကောက်ခံကိုယ်စားလှယ်များသာ ဝန်ကြီးချုပ်ကို မဲပေးရွေးချယ်ခွင့်ရှိရမည်ဖြစ်ရာ ၊ ရွေးချယ်ခံကိုယ်စားလှယ် အောက်လွတ်တော်အမတ်စုစုပေါင်း ၅၀၀ ၏ တစ်ဝက်ကျော်ဖြစ်သော ၂၅၁ ဦး ထက် ၃၁၃ ဦးဆိုသည်မှာ အပုံကြီးသာနေပြီဖြစ်တဲ့အတွက် Move Forward ပါတီခေါင်းဆောင် ဝန်ကြီးချုပ်ဖြစ်ကိုဖြစ်ရမှာဖြစ်ပါတယ်။
၅။ သို့သော် အထက်လွတ်တော်ကိုယ်စားလှယ်အများစုကို စစ်တပ်မှခန့်ထားတာဖြစ်တဲ့အတွက် အားလုံးနီးပါးမှ Move Forward ပါတီခေါင်းဆောင် ပီတာကိုမထောက်ခံကြပါ။ သူတို့ရဲ့အကြောင်းပြချက်မှာ Move Forward ပါတီခေါင်းဆောင်မှ ထိုင်းဘုရင်က်ိဝေဖန်လျှင်ထောင်ဒက် ၁၅ နှစ်အထိကျခံရမည် ဘုရင်စနစ်ကိုကာကွယ်သည့်ဥပဒေ Lese Majeste ကိုပြင်ဆင်ရန်ကြိုးစားမှာစိုးလို့ဖြစ်ပါတယ်။
၆။ ပါလီမန်အစည်းအဝေးမှာမတက်ရောက်တဲ့ အမတ်တွေနဲ့ ကြားနေမဲပေးတဲ့ အမတ်တွေအရမ်းများပြီး၊ စစ်တပ်ကခန့်ထားတဲ့ အထက်လွှတ်တော်အမတ်တွေကကန့်ကွက်ကြတဲ့အတွက်
ပီတာ နဲ့ ရှစ်ပါတီ မဟာမိတ် ညွန့်ပေါင်းအဖွဲ့ဟာ မဲအရေအတွက် အလုံအလောက်မရခဲ့ပါဘူး။ လိုအပ်တဲ့ မဲအရေအတွက်ရဖို့ ၅၁ မဲ လိုနေပါတယ်။
၇။ စစ်တပ်ဆွဲထားတဲ့ဖွဲ့စည်းပုံ ဥပဒေအရ လွှတ်တော် မဲခွဲမှု ပထမအချီမှာ ရလဒ် ပြတ်ပြတ်သားသား ထွက်ပေါ်မလာတဲ့အတွက် လာမည့်အပတ်ထဲမှာ နောက်တကြိမ် မဲခွဲမှု ခံယူရမှာ ဖြစ်ပါတယ်။ မဟာမိတ် ၈ ပါတီညွန့်ပေါင်းအနေနဲ့ဝန်ကြီးချုပ်လောင်း နေရာအတွက် နောက်တခါ နာမည်တင်သွင်းခွင့်ရှိနေပါတယ်။
၈။ အနောက်တိုင်း ခေတ်ပညာတတ် တဦးဖြစ်တဲ့ Move Forward ပါတီခေါင်းဆောင်ဟာ ပြုပြင်ပြောင်းလဲရေး ဝါဒီတဦးအဖြစ် လူသိများပြီး လူငယ် မဲဆန္ဒရှင်တွေကြားမှာ ရေပန်းစားခဲ့ပါတယ်။ ဒါပေမဲ့လည်း စစ်တပ်ကခန့်အပ်ထားတဲ့ အထက်လွှတ်တော်အမတ်အများစုက Move Forward ပါတီခေါင်းဆောင်ပီတာဟာ နိုင်ငံရဲ့ ယဉ်ကျေးမှု စံနှုန်းတွေကို ဖျက်ဆီးမယ့်သူ၊ တော်ဝင်မိသားစုအတွက် အန္တရာယ်ရှိသူလို့စွတ်စွဲပြီး ဝန်ကြီးချုပ် မဖြစ်အောင် အစွမ်းကုန် ကြိုးစားမယ်လို့ကြေညာထားထားပါတယ်။
၉။ တကယ်တော့ ယဉ်ကျေးမှုစံနှုန်းတွေလိုအမည်ခံပြီး ထိုင်းစစ်တပ်နှင့် ထိုင်းအာဏာရအဝန်းအဝိုင်းက အာဏာကိုထာဝရထိန်းချုပ်ထားဖို့ကြိုးစားနေတာပါ။ဒါကြောင့်လည်း ၂၀၁၇ မှာ အာဏာသိမ်းထိုင်းစစ်တပ်က ဖွဲ့စည်းပုံအခြေပုံအသစ်ကိုရေးဆွဲအတည်ပြုပြီး လွတ်တော်ထဲမှာ ကိုယ်စားလှယ်စုစုပေါင်းရဲ့ ၃ ပုံ ၁ ပုံဖြစ်တဲ့ ကိုယ်စားလှယ် ၂၅၀ ကို စစ်တပ်ကခန့်ထားတာဖြစ်ပါတယ်။ စစ်တပ်ကသဘောမတူပဲ ဘာမှလုပ်မရတဲ့နီးပါးဖြစ်နေပါတယ်။ ဒါပေမယ့် ထိုင်းနိုင်ငံက ပါတီတွေဟာ မြန်မာပြည်က အမေစုလိုခေါင်းဆောင်မျိုးရရှိခဲ့ပြီး NLD လို အပြတ်အသတ် ( လုံးဝအပြတ်အသတ် ) အနိုင်ရခဲ့မယ်ဆိုရင်တော့ အခုလိုအခြေအနေမျိုးမဖြစ်နိုင်ပါ။ ဆိုလိုချင်တာက ရွေးကောက်ခံ ၅၀၀ ထဲက ၅၀၀ နီးပါးရရှိခဲ့လျှင် ၇၅၀ ရှိတဲ့လွှတ်တော်မှာ အပြတ်အသတ်အသာစီးရခဲ့မှာပါ။
Credit
မျိုးရန်နောင်သိန်း
