เว็บไซต์คืออะไร?

https://www.facebook.com/102108961775526/

Hupe, Bangkok (2025)

14/08/2025

Dc Universe ထဲက စွမ်းအားအကြီးဆုံး မှော်စွမ်းအား အသုံးပြုသူများ (Part -2)

မင်္ဂလာပါ Hupe ကနေ ပြန်လည်ကြိုဆိုလိုက်ပါတယ်။ဒီတစ်ခါမှာတော့ မှော်စွမ်းအားတွေ၊ မန္တာန်တွေ၊ ဂါထာတွေ၊ ကျိန်စာတွေနဲ့ အချိန်ဆိုတာကြီး မပေါ်လာခင်ကတည်းက ဖြစ်တည်ခဲ့တဲ့ရှေးဟောင်းစွမ်းအင်တွေ ကိုအသုံးပြုပြီး ရန်သူတွေကို တိုက်ခိုက်အနိုင်ယူလေ့ရှိတဲ့ ဟီးရိုးတွေအကြောင်းကို (part-2) အနေနဲ့ ပြောပြသွားပါမယ်။

Etrigan the demon and Jason Blood the human

ကျိန်စာတိုက်ခံထားရတဲ့ လူသားမှော်ဆရာနဲ့ ငရဲပြည်က နတ်ဆိုးတို အတူတကွ ပေါင်းစပ်လိုက်ကြတဲ့အခါ Dc universe ထဲက စွမ်းအားအကြီးဆုံး မှော်ဝင်သက်ရှိသတ္တဝါတစ်ကောင် ဖြစ်လာခဲ့ပါတယ်။ လွန်ခဲ့တဲ့ နှစ်ပေါင်းများစွာအချိန်တုန်းက တိုင်းပြည်တစ်ခုကို အာသာဘုရင်ကြီး ကြီးစိုးခဲ့ပါတယ်။ အဲ့အချိန် တိုင်းပြည်ရဲ့မှော်ဆရာကြီး Merlin ဟာ ငရဲပြည်က Etrigan လိုခေါ်တဲ့ နတ်ဆိုးနဲ့ Jason Blood လိုအမည်ရှိတဲ့ စစ်သည်တစ်ဦးကို ခန္ဓာတစ်ခုတည်း ဝိဥာဥ်တစ်ခုတည်း အဖြစ်ပေါင်းစည်းခဲ့ပါတယ်။ အဲ့အချိန်ကတည်းက သူတိုနှစ်ယောက်ဟာ ယနေ့အချိန်ထိ အသက်ရှင်နေပြီး Jason ဟာ လိုအပ်တဲ့အချိန် သူ့ခန္ဓာကိုယ်ကို Etrigan ကိုထိန်းချုပ်ခွင့်ပေးခဲ့ပါတယ်။ သူတိုနှစ်ယောက်ဟာ ခန္ဓာကိုယ်တစ်ခုထဲကို မျှဝေသုံးစွဲရပေမယ့် လူသားဖြစ်တဲ့ Jason ကပဲအချိန်အများစုမှာ ခန္ဓာကိုယ်ကို ရယူထားတာပါ။ လူသားအဖြစ် ပြောင်းထားစဥ်မှာ Jason ဟာ ရှေးဟောင်းမှော်ပညာ မန္တာန်ရွတ်ဖတ်တာ နဲ့ အဂ္ဂရတ်ပညာတိုကို အသုံးပြုနိုင်ပြီး သူတိုနှစ်ယောက်စလုံးရဲ့ခန္ဓာကိုယ်ဟာ သေဆုံးတာနဲ့ အိုမင်းသွားတာမျိုးမရှိပါဘူး။ Etrigan အဖြစ်ပြောင်းလဲလိုက်မယ်ဆိုရင်တော့ ခွန်အားကြီးသွားတာ လျင်မြန်သွားတာနဲ့ အကြမ်းခံနိုင်စွမ်းရှိလာတာမျိုးတွေ ရရှိလာပါတယ်။ ဒါ့အပြင် ပါးစပ်ကနေ မီးတွေမှုတ်ထုတ်နိုင်တာနဲ့ မှော်ပညာတော်တော်များများကိုလည်း ကာကွယ်နိုင်စွမ်းရှိပါတယ်။ သူတိုနှစ်ယောက်တစ်ခန္ဓာထဲမှာ နှစ်ယောက်ဖြစ်နေတာကြောင့် အမြဲလိုလို ညှိယူနေရပါတယ်။ နောက်ပြီး Etrigan ဟာ ငရဲပြည်က နတ်ဆိုးဖြစ်ပေမယ့်လည်း မကြာခဏ လူကောင်းတွေဘက်ကနေ ဝင်ပြီး တိုက်ခိုက်ပေးလေ့ရှိပါတယ်။

Doctor Fate: The Hand of Order

ပရိတ်သတ်တိုအနေနဲ့ ဦးခေါင်းစွပ်တစ်ခုကို ခေါင်းမှာစောင်းလိုက်ရုံနဲ့ နတ်ဘုရားတစ်ပါးအဖြစ် ပြောင်းလဲသွားနိုင်တယ်ဆိုရင် အဲ့ဦးခေါင်းစွပ်ကို လိုချင်ကြမှာပါ။ အဲ့ခေါင်းစွပ်ကတော့ Dc universe ထဲက စွမ်းအားကြီးမှော်ဆရာတစ်ဦးဖြစ်တဲ့ Dr Fate ဇာတ်ကောင်ကို ဖြစ်လာစေခဲ့တဲ့ အဓိက အကြောင်းအရင်းတစ်ခုဖြစ်ပါတယ်။Kent Nelsonဆိုတဲ့ သူဟာ Nabu လိုအမည်ရတဲ့ နတ်ဘုရားတစ်ပါးရဲ့ ဂူဗိမာန်တစ်ခုကို ရှာဖွေတွေ့ရှိခဲ့ပါတယ်။ အဲ့နတ်ဘုရားဟာ Kent ကို မှော်ပညာအသုံးပြုနည်းသင်ကြားပေးခဲ့ပြီး ကံကြမ္မာဦးခေါင်းစွပ်၊ အနူးဘစ်အဆောင်လက်ဖွဲနဲ့ ကံတရားဝတ်ရုံတိုကို ပေးအပ်ခဲ့ပါတယ်။ အဲ့အရာတွေကို Kent ဟာ ဝတ်ဆင်ပြီးတဲ့နောက်မှာ ကမ္ဘာမြေကြီးကို ကာကွယ်စောင့်ရှောက်သူ Doctor Fate ဖြစ်လာခဲ့ပါတယ်။ Dr Fate ဟာ ပုံရိပ်ယောင်တွေဖန်ဆင်းတာ၊ နေရာကူးပြောင်းတာ၊ စွမ်းအင်တွေကိုထိန်းချုပ်တာနဲ့ ဒိုင်မန်းရှင်းတွေထဲ ခရီးသွားနိုင်တာ စတဲ့ စွမ်းအားတွေကို ပိုင်ဆိုင်ပါတယ်။ သူဟာ မှော်ပညာနဲ့ ပတ်သတ်ပြီး လုပ်လိုရတဲ့အ ရာမှန်သမျှကို လုပ်ဆောင်နိုင်တဲ့အပြင် သေသွားတဲ့ သူတွေကိုပါ အသက်ပြန်သွင်းနိုင်ပါသေးတယ်။ နတ်ဘုရား Nabu ပေးအပ်ခဲ့တဲ့ ကံကြမ္မာ ဦးခေါင်းစွပ်ကြောင့် Nabuရဲ့ အသိဥာဏ်နဲ့ များပြားလှတဲ့ မှော်စွမ်းအားတွေကို ရရှိခဲ့ပါတယ်။ Dr Fate ဟာ မှော်ဆရာတစ်ယောက်ဆိုတာထက်ကို ပိုတဲ့ ဒဏ္ဍာရီ လာ သက်ရှိတစ်ဦးပါ။ Kent ဟာ ကံကြမ္မာဦးခေါင်းစွပ်ကို ဝတ်ဆင်လိုက်တဲ့အခါမှာ Trigan , Mordru နဲ့ Darkseid ရဲ့လက်အောက်ခံမှော်ဆရာ တွေကိုပါ အနိုင်တိုက်နိုင်တဲ့အထိ စွမ်းအားကြီးမားလာခဲ့ပါတယ်။ ဒါပေမယ့် ဒီဦးခေါင်းစွပ်ကို ဝတ်ဆင်သူဟာ တဖြည်းဖြည်းနဲ့ သူ့ခန္ဓာကိုယ်ကို မထိန်းချုပ်နိုင်တော့ဘဲ ခန္ဓာကိုယ်ဟာ နတ်ဘုရား Nabu ရဲ့ ထိန်းချုပ်မှုအောက်ကို ရောက်ရှိသွားပါတယ်။ ဒါကြောင့်ပဲ ဒီ ဦးခေါင်းစွပ်ကို ဝတ်ဆင်သူတိုင်း Dr Fate ဖြစ်လာနိုင်တယ်ဆိုပေမယ့် ကြာကြာဝတ်ဆင်တဲ့အခါ ဝတ်ဆင်သူရဲ့ခန္ဓာကိုယ်ဟာ နတ်ဘုရားNabu ရဲ့ အခွံဖြစ်သွားမှာဖြစ်ပါတယ်။

ဒါကတော့ Dc Universe ထဲက စွမ်းအားအကြီးဆုံး မှော်စွမ်းအား အသုံးပြုသူများ အကြောင်း (Part -2) ဘဲဖြစ်ပါတယ်။

YouTube : https://www.youtube.com/
Telegram : https://t.me/hupecomic
TikTok : https://www.tiktok.com/?_t=ZS-8wIKbLEmG7L&_r=1

Hupe

12/08/2025

Ryan Reynolds ၏ Avengers Logo ပုံသစ်ကြောင့် MCU ပရိသတ်များ အုတ်အော်သောင်းတင်းဖြစ်

ကမ္ဘာကျော် သရုပ်ဆောင် Ryan Reynolds သည် ၎င်း၏ လူမှုကွန်ရက်စာမျက်နှာတွင် Avengers လိုဂိုပုံအသစ်တစ်ပုံကို တင်ခဲ့ရာ Marvel Cinematic Universe (MCU) ပရိသတ်များအကြား ရေပန်းစား လူပြောများလျက်ရှိသည်။

လိုဂို၏ ထူးခြားမှု

အဆိုပါ ပုံတွင် Avengers တို့၏ နာမည်ကျော် 'A' လိုဂိုပေါ်တွင် အနီရောင် အနာကီသင်္ကေတ (anarchy symbol) ကို မှုတ်ထားသည်ကို တွေ့ရသည်။ ယင်းပုံသည် Avengers အဖွဲ့ထဲသို့ Deadpool ဝင်ရောက်လာခြင်းကြောင့် ဖြစ်ပေါ်လာနိုင်သော မငြိမ်သက်မှုများ၊ ပရမ်းပတာ အခြေအနေများကို ရည်ညွှန်းခြင်း ဖြစ်နိုင်သည်ဟု သုံးသပ်သူများက ယူဆနေကြသည်။ Deadpool ၏ စရိုက်မှာ စည်းကမ်းမဲ့ခြင်း၊ ရယ်စရာနောက်ပြောင်ခြင်းများ ပါဝင်သောကြောင့် Avengers အဖွဲ့၏ တည်ငြိမ်အေးဆေးသော ပုံရိပ်ကို ဖျက်ဆီးနိုင်သည်ဟု ယူဆကြခြင်းဖြစ်သည်။

Deadpool ၏ MCU သို့ ဝင်ရောက်လာခြင်း

Ryan Reynolds သည် Deadpool & Wolverine ရုပ်ရှင်နှင့်အတူ MCU သို့ တရားဝင် ဝင်ရောက်လာခဲ့ပြီးဖြစ်သည်။ ယခုအခါ လာမည့် Avengers: Secret Wars ရုပ်ရှင်တွင်လည်း အဓိကဇာတ်ကောင်တစ်ဦးအဖြစ် ပါဝင်လာဖွယ်ရှိသည်ဟု သတင်းများ ထွက်ပေါ်လျက်ရှိသည်။ ယခုလို လိုဂိုပုံကို မျှဝေခြင်းသည် လာမည့်ရုပ်ရှင်အတွက် အရိပ်အမြွက်ပြခြင်း ဖြစ်နိုင်သည်ဟု ခန့်မှန်းရသည်။

ပရိသတ်များ၏ တုံ့ပြန်မှု

Ryan Reynolds ၏ post အောက်တွင် ပရိသတ်များက အမျိုးမျိုးသော မှတ်ချက်များ ရေးသားခဲ့ကြသည်။ "ဒါက DUN DUN DUN (Avengers theme) လား၊ BA DUN TISS (ဟာသနောက်ဆုံးက drum အသံ) လားဆိုတာ ကျွန်မ မခွဲနိုင်တော့ဘူး" ဟု ပရိသတ်တစ်ဦးက ရယ်စရာနှော၍ မှတ်ချက်ပေးထားသည်ကို တွေ့ရသည်။ အချို့က Deadpool ၏ ရောက်ရှိလာမှုသည် MCU ဇာတ်လမ်းကို ပိုမိုစိတ်ဝင်စားဖွယ်ကောင်းစေမည်ဟု ပြောဆိုကြသလို၊ အချို့ကလည်း ဇာတ်လမ်း၏ လမ်းကြောင်းပြောင်းလဲသွားမည်ကို စိုးရိမ်ပူပန်ကြောင်း ဖော်ပြကြသည်။

Ryan Reynolds ၏ ရုတ်တရက် မျှဝေလိုက်သော Avengers လိုဂိုပုံသည် MCU ပရိသတ်များအတွက် စိတ်လှုပ်ရှားစရာနှင့် မျှော်လင့်စရာများ ဖြစ်ပေါ်စေခဲ့သည်။ Deadpool ၏ ပါဝင်မှုသည် MCU ဇာတ်လမ်းကို မည်သို့ ပြောင်းလဲစေမည်၊ မည်သို့သော ပရမ်းပတာအခြေအနေများကို ဖန်တီးနိုင်မည်ကို စောင့်ကြည့်ရမည်ဖြစ်သည်။

ကိုးကား: Ryan Reynolds page

11/08/2025

Dc Universe ထဲက စွမ်းအားအကြီးဆုံး မှော်စွမ်းအား အသုံးပြုသူများ (Part -1)

မင်္ဂလာပါ Hupe ကနေ ပြန်လည်ကြိုဆိုလိုက်ပါတယ်။ ဟီးရိုးတွေရဲ့ ကမ္ဘာမှာ ခွန်အားကြီးမားတာ၊ သွက်လက်လျင်မြန်တာ၊ နည်းဗျူဟာတွေကိုထောင့်စေ့အောင်ချမှတ်နိုင်တာ၊ နည်းပညာမြင့်ပစ္စည်းတွေကို အသုံးချနိုင်တာတွေကိုပဲ စွမ်းအားလို့ ယူဆလို့ မရနိုင်ပါဘူး။ တစ်ခါတစ်လေမှာ ရှေးကျတဲ့ စွမ်းအင်တွေကလည်း ကြီးမားတဲ့ အဖျက်စွမ်းအားတွေကို ယူဆောင်လာလေ့ရှိပါတယ်။ Dc universe ထဲမှာတော့ ဟီးရိုးတစ်ချို့ဟာ သူတို့ရဲ့ လက်သီးကို အသုံးချပြီးရန်သူကို တိုက်ခိုက်ပါတယ်။ တစ်ချို့ဟီးရိုးတွေက မြန်ဆန်သွက်လက်မှုကို အသုံးချတယ်။ တစ်ချို့ကတော့ ဥာဏ်ရည်ထက်မြင်မှုကို အသုံးချကာ ရန်သူကို အနိုင်ယူလေ့ရှိပါတယ်။ အဲ့ထဲက တစ်ချို့ဟီးရိုးတွေကတော့ သူတို့ရဲ့ ခန္ဓာကိုယ်နဲ့ ဘေးပတ်ဝန်းကျင်က စွမ်းအင်တွေကို အသုံးချပြီး ရန်သူတွေကို နှိမ်နင်းကြပါတယ်။ ဒီဗီဒီယိုမှာတော့ မှော်စွမ်းအားတွေ၊ မန္တာန်တွေ၊ ဂါထာတွေ၊ ကျိန်စာတွေနဲ့ အချိန်ဆိုတာကြီး မပေါ်လာခင်ကတည်းက ဖြစ်တည်ခဲ့တဲ့ရှေးဟောင်းစွမ်းအင်တွေ ကိုအသုံးပြုပြီး ရန်သူတွေကို တိုက်ခိုက်အနိုင်ယူလေ့ရှိတဲ့ ဟီးရိုးတွေအကြောင်းကို (part-1) အနေနဲ့ ပြောပြသွားပါမယ်။

John Constantine: The Antihero Magician

လက်ကြားထဲမှာ စီးကရက် တစ်လိပ်ကို အမြဲလိုလို ညှက်ထားလေ့ရှိပြီး အမြဲလိုလို အရက်မူးကာ နတ်ဆိုးတွေနဲ့ ဖဲဝိုင်းတကာ ဖဲပတ်ရိုက်နေတဲ့ ဒီလူကို စွမ်းအားကြီးမှော်ဆရာလို့ ဘယ်သူကမှထင်ကြမှာ မဟုတ်ပါဘူး။ John Constantine ဇာတ်ကောင်ကို Alan Moore က ဖန်တီးခဲ့တာဖြစ်ပြီး 1985ခုနှစ်က ထုတ်ခဲ့တဲ့ Swamp Thing comic ရဲ့ Issues 37 မှာ စတင်မိတ်ဆက်ခဲ့တာဖြစ်ပါတယ်။ Constantine ဟာ လစ်ပါပူးမြို့က လျှို့ဝှက်တဲ့စုံထောက်တစ်ယောက်ဖြစ်ပြီး တစ်ချိန်ထဲမှာပဲ နတ်ဆိုးတွေရန်ကနေ ကမ္ဘာကြီးကို ကာကွယ်နေတဲ့ ဟီးရိုးတစ်ယောက်လည်း ဖြစ်လို့နေပါတယ်။ သူဟာ တခြားမှော်ဆရာတွေလို မှော်အစွမ်းတွေ အများအပြားပြသတာမျိုး လုပ်လေ့မရှိဘဲ သူ့အစွမ်းတွေကလည်း နတ်ဆိုးတွေနဲ့အလောင်းအစားလုပ်ရင်း ကလိမ်ကျစ်ကျကာ ရရှိထားတာဖြစ်ပါတယ်။ သူဟာ မှော်နက်ပညာ၊ ဆင့်ခေါ်တဲ့မန္တာန်တွေအပြင် နတ်ဆိုးတွေနဲ့ပတ်သတ်ပြီး အထူးကျွမ်းကျင်ပါတယ်။ သူဟာ မှော်ပညာနဲ့ဆိုင်တဲ့ ရှေးဟောင်းပစ္စည်းတွေနဲ့ပတ်သတ်ပြီးနှံ့စပ် ကျွမ်းကျင်သူလည်း ကာ တစ်ခါတစ်လေမှာတော့ ကိုယ်ကတဲ့ဇာတ်ကိုယ်မနိုင်ဘဲ Swamp Thing တို့ Zatanna တို့ အပြင် Lucifer Morningstar တို့လိုလူတွေဆီကနေ အကူအညီပြန်ယူရလေ့ရှိပါတယ်။ Constantine ဟာ နဂိုမူလ မှော်စွမ်းအားပင်ကိုယ်အခံပါလာသူမဟုတ်ပေမယ့် သူ့ရဲ့ ဖြတ်ထိုးဉာဏ် ရှိမှု၊ လှည့်စားနိုင်မှုနဲ့ တစ်ဇွတ်ထိုး တစ်ဇောက်ကန်းလုပ်လေ့ရှိတဲ့အကျင့်တွေကြောင့်ပဲ သူဟာအန္တရာယ်များတဲ့သူဖြစ်နေရတာပါ။ သူဟာ နတ်ဆိုးတွေ၊ နတ်ဘုရားတွေနဲ့တစ်ခါတစ်လေမှာ သူ့ကိုယ်သူကိုတောင် ပြန်ပြီးလှည့်စားလေ့ ရှိသူပါ။ သူဟာ ငရဲကိုလည်း ခေါက်တုံ့ခေါက်ပြန် သွားနေသူဖြစ်ပြီး သူ လိုချင်တာရဖို့ သူငယ်ချင်းတွေကို သစ္စာဖောက်ဖို့နဲ့ သူ့ကိုယ်ပိုင်ဝိဥာဥ်ကိုတောင် ရောင်းစားဖို့ ဝန်လေးနေမယ့်သူမျိုးမဟုတ်ပါဘူး။

Zatana Zatara: Mistress of Magic

အမြဲတမ်း ယူနီဖောင်းအပြည့်နဲ့ ကျော့ရှင်းသပ်ရပ်ပြီး လှပနေသူ စွမ်းအားကြီးမှော်ဆရာမလေး Zatana ဟာ Dc Universe ရဲ့ ပရိတ်သတ်အချစ်တော် ဇာတ်ကောင်တစ်ကောင်ဖြစ်ပါတယ်။ ၁၉၆၄ခုနှစ်မှာ ထုတ်ဝေခဲ့တဲ့ Hawkman comic ရဲ့ Issues 4 မှာ စတင်ပွဲဦးထွက်ခဲ့ပြီး Zatana ဟာ နယ်လှည့်ဖျော်ဖြေတဲ့ စတိတ်စင်မှော်ဆရာ Giovanni Zatara နဲ့ မွေးစွမ်းအားတွေနဲ့ မွေးဖွားလာတဲ့ Homo Magi ဆိုတဲ့ လူသားမျိုးနွယ်စုက ထူးခြားတဲ့ မိန်းကလေးတစ်ဦးဖြစ်သူ
Sindella တို့ရဲ့ တစ်ဦးတည်းသော သမီးဖြစ်ပါတယ်။ Zatana ဟာ စကားလုံးတွေကို နောက်ပြန်ပေါင်းပြီး မန္တာန်တွေကို ရွတ်ဖတ်လေ့ရှိပါတယ်။ ဥပမာအားဖြင့် သူမဟာ တစ်စုံတစ်ယောက်ကို ရပ်တန့်သွားစေဖို့ မန္တာန်ရွတ်မယ်ဆိုရင် Stop ကို ပြောင်းပြန်အနေနဲ့ pots ဆိုပြီး ရွတ်ရပါတယ်။ သူမဟာ ဓာတ်စင်တွေ အချိန်နဲ့ ဒိုင်မန်းရှင်းတွေအပြင် အရှိတရားကိုပါ လိုသလို ထိန်းချုပ်နိုင်ပါတယ်။ သူမဟာ ကြီးမားတဲ့ဒဏ်ရာတွေကို ကုသတာ အချိန်တွေကို ရပ်တန့်တာ မှတ်ဥာဏ်တွေကိုဖျောက်ဖျက်ပစ်တာနဲ့ The Spectre လို စွမ်းအားကြီး being တွေကိုတောင် ယှဥ်တိုက်ခဲ့ဖူးပါတယ်။ Zatana ဟာ သူမရဲ့ မိခင်ဆီကနေ အမွေဆက်ခံရရှိခဲ့တဲ့ မှော််စွမ်းအားတွေကို သူမအဖေရဲ့လေ့ကျင့်ပေးမှုတွေနဲ့ပေါင်းစပ်ကာ စွမ်းအားကြီးမှော်ဆရာတစ်ယောက်ဖြစ်လာဖို့ ကြိုးစားနေတာဖြစ်ပါတယ်။ သူမဟာ Justice League Dark ရဲ့ ပုံမှန်အဖွဲ့ဝင်တစ်ဦးဖြစ်သလို ပင်မ Justice League အသင်းကြီးနဲ့လည်း ချိတ်ဆက်ထားသူတစ်ဦးဖြစ်ပါတယ်။ တခြားဟီးရိုးတွေဟာ မှော်ပညာနဲ့ပတ်သတ်တဲ့ စွမ်းအားကြီးရန်သူတွေနဲ့ ရင်ဆိုင်ရတဲ့အခါ သူမကို အားကိုးလေ့ရှိပါတယ်။Zatana ရဲ့ အကြီးမားဆုံးအားနည်းချက်ကတော့ သူမရဲ့ စိတ်ခံစားချက်တွေပဲဖြစ်ပါတယ်။ သူမရဲ့မှော်စွမ်းအားတဟာ အဓိကအားဖြင့် သူမ စိတ်ခံစားချက်တွေနဲ့ ဆက်စပ်နေတာကြောင့် စိတ်ပိုင်းဆိုင်ရာနဲ့ပတ်သတ်တဲ့ ဒဏ်ရာတွေ ရရှိခဲ့ရင် စွမ်းအားတွေကို သေချာ အသုံးမချနိုင်ဘဲဖြစ်သွားတတ်ပါတယ်။

ဒါကတော့ Dc Universe ထဲက စွမ်းအားအကြီးဆုံး မှော်စွမ်းအား အသုံးပြုသူများ အကြောင်း (Part -1) ဘဲဖြစ်ပါတယ်။

YouTube : https://www.youtube.com/
Telegram : https://t.me/hupecomic
TikTok : https://www.tiktok.com/?_t=ZS-8wIKbLEmG7L&_r=1

Hupe

29/07/2025

Marvel Universe ထဲက စွမ်းအားကျောက်တုံးများ (Part -2)

မင်္ဂလာပါပရိတ်သတ်တိုရေ Hupe ကနေပြန်လည်ကြိုဆိုလိုက်ပါတယ်။ ဒီဗီဒီယိုကတော့ အရင်တစ်ခေါက်က ပြောပြခဲ့တဲ့ infinity stone တွေအကြောင်း part two ပဲဖြစ်ပါတယ်။ ကဲ စလိုက်ကျရအောင်ပါ။

24/07/2025

Marvel Universe ထဲက စွမ်းအားကျောက်တုံးများ (Part -1)

မင်္ဂလာပါပရိတ်သတ်တိုရေ Hupe ကနေပြန်လည်ကြိုဆိုလိုက်ပါတယ်။ ပရိတ်သတ်တိုသာ Marvel စူပါဟီးရိုးဇာတ်လမ်းတွေကို ကြည့်ဖူးကြမယ်ဆိုရင် Infinity Stone ဆိုတဲ့ Marvel Universe ထဲက စွမ်းအားကျောက်တုံးတွေအကြောင်းကို အနည်းနဲ့အများတော့ တီးမိခေါက်မိ သိရှိကြလိမ့်မယ်လို ထင်ပါတယ်။ ဒီကျောက်တုံးတွေဟာ စကြဝဠာ မဖြစ်တည်ခင် အချိန်ဆိုတဲ့ အရာ မဖြစ်ခင် ကြီးမားတဲ့ မဟာပေါက်ကွဲမှုကြီးကနေတဆင့် အချိန်နဲ့အတူ ဖြစ်တည်လာခဲ့တာဖြစ်ပါတယ်။ ကျောက်တုံးတစ်ခုချင်းစီက မတူကွဲပြားတဲ့ စွမ်းအင်တွေပါရှိပြီး စကြဝဠာ ကြီးရဲ့ အခြေခံစွမ်းအင်တွေကို ကိုယ်စားပြုကာ ကိုင်ဆောင်သူရဲ့ အသုံးပြုမှုအပေါ်မူတည်ပြီး အတော်လေးကို စွမ်းအားကြီးပါတယ်။ ဒီတစ်ခေါက်ဗီဒီယိုထဲမှာတော့ Marvel ပရိတ်သတ်တို အတွက် Infinity Stone တွေအကြောင်းကို အပြည့်အစုံအသေးစိတ်ရှင်းပြပေးသွားပါမယ်။

20/07/2025

Naruto ဇာတ်လမ်းထဲက Dojutsu များအကြောင်း

မင်္ဂလာပါပရိတ်သတ်တို့ Hupe ကနေ ပြန်လည်ကြိုဆိုလိုက်ပါတယ်။ ဒီတစ်ခေါက်မှာတော့ နာယူတို anime fan တွေအတွက် Naruto ဇာတ်လမ်းထဲက Dojutsu တွေအကြောင်းကို အသေးစိတ်ရှင်းလင်းပြောပြသွားပါမယ်။ ဒီဗီဒီယိုထဲမှာတော့ ပရိတ်သတ်တိုသိထားတဲ့ Dojutsu မျက်လုံးတွေအကြောင်း အပြင် လူသိပ်မသိတဲ့ ဇာတ်လမ်းထဲက အခြား Dojutsu တွေကိုလည်း ပြည့်ပြည့်စုံစုံရှင်းပြတင်ဆက်ပေးသွားပါမယ်။

YouTube : https://www.youtube.com/
Telegram : https://t.me/hupecomic
TikTok : https://www.tiktok.com/?_t=ZS-8wIKbLEmG7L&_r=1

Hupe

27/06/2025

This Monster Wants To Eat Me Animation Trailer အသစ်

YouTube : https://www.youtube.com/
Telegram : https://t.me/hupecomic
TikTok : https://www.tiktok.com/?_t=ZS-8wIKbLEmG7L&_r=1

26/06/2025

Marvel Studios ရဲ့လက်ရာဖြစ်တဲ့ "The Fantastic Four: First Steps" ရုပ်ရှင်အတွက် ပိုစတာအသစ်နဲ့ နောက်ဆက်တွဲ ဇာတ်လမ်းနမူနာကို မိတ်ဆက်

ရုပ်ရှင်အချက်အလက်များ

ကြေညာချက် : The Fantastic Four: First Steps ၏ တရားဝင် ပိုစတာအသစ်နှင့် နောက်ဆုံး Trailer ထွက်ရှိ
ရုံတင်မည့်ရက် : ဇူလိုင် ၂၅၊ ၂၀၂၅
ရုံတင်မည့်နေရာ : ကမ္ဘာတစ်ဝှမ်းရှိ ရုပ်ရှင်ရုံများ

ပိုစတာနှင့် Trailer မှ အဓိက အချက်များ

1. ၁၉၆၀ ခုနှစ်များ၏ အနာဂတ်သစ်

ရုပ်ရှင်သည် အခြားစကြဝဠာတစ်ခုရှိ ၁၉၆၀ ခုနှစ်များတွင် ဇာတ်လမ်းဖြစ်ပြီး၊ အရောင်စုံသော အာကာသခေတ်သစ် ပုံစံဖြင့် ရိုက်ကူးထားသည်။

2. Galactus နှင့် Silver Surfer ၏ ပါဝင်မှု

Galactus (Ralph Ineson) နှင့် သူ၏ Herald Silver Surfer (Julia Garner) တို့သည် ဇာတ်လမ်း၏ အဓိကရန်သူများဖြစ်လာမည်။

3. အဓိကသရုပ်ဆောင်များ

Pedro Pascal - Reed Richards (Mr. Fantastic)
Vanessa Kirby - Sue Storm (Invisible Woman)
Joseph Quinn - Johnny Storm (Human Torch)
Ebon Moss-Bachrach - Ben Grimm (The Thing)

4. H.E.R.B.I.E Robot ၏ ပါဝင်မှု

Trailer တွင် Fantastic Four ၏ နည်းပညာအထောက်အကူဖြစ်မည့် H.E.R.B.I.E Robot ကို မြင်တွေ့ရမည်။

ဘာကြောင့် အရေးကြီးသလဲ

MCU တွင် ပထမဆုံးအကြိမ် Fantastic Four အဖွဲ့ဝင်များ စုစည်းမှု
Galactus သည် Fantastic Four ၏ အကြီးမားဆုံးရန်သူ ဖြစ်လာမည်။
Doctor Doom ၏ ပါဝင်မှုကို Avengers: Doomsday တွင် မျှော်လင့်ထားနိုင်သည်။

The Fantastic Four: First Steps သည် MCU Phase Six ၏ အရေးပါသော ဇာတ်ကားတစ်ခုဖြစ်ပြီး၊ ၁၉၆၀ ခုနှစ်များ၏ အနုပညာနှင့် အာကာသစွန့်စားမှုများကို ပေါင်းစပ်ထားသည်။ Galactus နှင့် Silver Surfer တို့၏ ခြိမ်းခြောက်မှုများကို ရင်ဆိုင်ရမည့်

Final Trailer ကြည့်ရှုရန် - https://t.me/hupecomic/24

YouTube : https://www.youtube.com/
Telegram : https://t.me/hupecomic
TikTok : https://www.tiktok.com/?_t=ZS-8wIKbLEmG7L&_r=1

25/06/2025

WIND BREAKER ရုပ်ရှင်ရိုက်ကူးမည့် အဓိကသရုပ်ဆောင်များ စာရင်းထုတ်ပြန်!

▶️ ကြည့်ရှုရန် (Trailer & အချက်အလက်များ): https://t.me/hupecomic/21

အဓိကသရုပ်ဆောင်စာရင်း

Koshi Mizukami - Haruka Sakura
Taisei Kido - Akihiko Nirei
Keito Tsuna - Hayato Su
JUNON (BE:FIRST) - Kyotaro Sugish*ta
Motoki Nakazawa - Toma Hiiragi
Shuhei Uesugi - Hajime Umemiya

ဂျပန်ရုံတင်မည့်နေ့ - ဒီဇင်ဘာ ၂၀၂၅

Hupe

14/08/2025

12/08/2025

11/08/2025

29/07/2025

24/07/2025

20/07/2025

27/06/2025

26/06/2025

25/06/2025

ที่อยู่

เว็บไซต์

แจ้งเตือน

ทางลัด

แชร์

ประเภท