25/05/2026
စစ်တပ်အာဏာသိမ်းပြီးနောက်ပိုင်း အစောဆုံးပျူစောထီးရွာဖြစ်ခဲ့တဲ့ သရက်ကန်ရွာကို ကာကွယ်ရေးတပ်က သိမ်းပိုက်နိုင်ခဲ့
By - ထက်မြတ်
Date - May 25 , 2026
မကွေးတိုင်း ၊ မြိုင်မြို့နယ်ထဲက စစ်တပ်အာဏာသိမ်းပြီးအစောဆုံးပျုစောထီးရွာဖြစ်ခဲ့တဲ့ သရက်ကန်ရွာကို နယ်မြေခံကာကွယ်ရေးတပ်က သိမ်းပိုက်နိုင်ခဲ့တယ်လို့ အညာမြေတပ်ပေါင်းစုဆီကသိရပါတယ်။
မေလ ၂၂ ရက် မနက် ၅ နာရီလောက်ကစပြီး သရက်ကန်ပျူစောထီးစခန်းကိုစတင်တိုက်ခိုက်ခဲ့ပြီး ၂၃ ရက်နေ့ မနက်ပိုင်းမှာတော့အပြီးတိုင်သိမ်းပိုက်နိုင်ခဲ့တယ်လို့သိရပါတယ်။အဆိုပါစခန်းသိမ်းတိုက်ပွဲဖြစ်နေချိန်မှာလည်း အကြမ်းဖက်စစ်အုပ်စုက ဂျက်တိုက်လေယာဉ် နဲ့ လေကြောင်းပစ်ကူမှု အကြိမ်ရေ (၄၀) ထက်မနည်း ပစ်ခတ်ခဲ့တယ်လို့ဆိုပါတယ်။
“သရက်ကန်ကျေးရွာကို ကျနော်တို့တိုက်ခိုက်သိမ်းပိုက်နိုင်ဖို့ ကျနော်တို့တိုင်ပင်တွေးတောရတာတော့ အကြာ ကြီးပေါ့ဗျာ စခန်းသိမ်းပိုက် ပျူရွာတစ်ခုကိုသိမ်းပိုက်ဖို့ဆိုတာက တစ်ဖွဲ့ နဲ့ တစ်ဖွဲ့ရဲ့ ပါဝင်ရမဲ့အခန်းက ဏ္ဍအများကြီးပေါ့လေသူကအာဏာသိမ်းမှုတွေဖြစ်ပြီးနောက်မှာ မကွေးတိုင်းထဲမှာ အစောဆုံး ပျုစောထီး ကျေးရွာအဖြစ်ဖွဲ့စည်းခဲ့တဲ့ကျေးရွာပါ”လို့ အညာမြေတပ်ပေါင်းစုမှသတင်း နဲ့ ပြန်ကြားရေးတာဝန်ခံက ကိုဘိုဘိုသန့်ဇင်ကပြောပါတယ်။
အဆိုပါ စခန်းသိမ်းတိုက်ပွဲအတွင်း အကြမ်းဖက်စစ်အုပ်စုဘက်က ၄ ဦးသေဆုံးခဲ့သလို ကာကွယ် ရေးတပ် ဘက်ကလည်း ၂ ဦးကျဆုံးခဲ့သလို ၄ ဦးထိမှန်ဒဏ်ရာရရှိခဲ့ပ ါတယ်။ထိတွေ့တိုက်ပွဲဖြစ်ပွားပြီးနောက် သရက်ကန်ရွာကပျူစောထီးတွေဟာ အင်အား ၇၀ ဝန်းကျင် နဲ့ တွင်းမပျူရွာထဲကို ထွက်ပြေးသွားခဲ့ပါတယ်။
ဒါ့အပြင် သရက်ကန်ပျူစောထီးတွေဆီကနေ ကာဘိုင် 11လက်၊
12ဗို့ ၆လက်၊5.56 ကျည် ၂၀၂၀ တောင့် ၊ G3 (၂၁၄)တောင့်
ကာဘိုင်ကျည် (၁၁၂)တောင့်၊12ဗို့ကျည် (၅၅၆)တောင့်၊လက်ပစ် (၁၆)လုံး ၊(၆၀)ပို့ယမ်း အထုပ်ကြီးနှစ်ထုတ်၊7.62 ကျည် ၃၊ အီနာဂါ (၂) လုံး၊7.62ကျည်ဘောက် (၅)ဘောက်၊M4 (၁)ဘောက်၊ကာဘိုင်ကျည်ဘောက် (၉)ဘောက်၊G3ကျည်ဘောက်( ၁)ဘောက်၊ M16နင်းမိုင်း (၁၉)လုံး၊ကပ်သီး /၂၆)ခု၊ ရှေ့ထွက်မိုင်း (၁၁)လုံး၊ တိုက်မိုင်း (၁၁)လုံး၊ M14နင်းမိုင်း( ၃၀)လုံး၊ လက်တောပ့် (၄)လုံး၊အီကွေးမန့်( ၅)စုံ၊ ဂျန်မာ (၁)လုံး၊ ပရင့်တာ (၃)လုံး တို့ကိုသိမ်းဆည်းရရှိခဲ့ပါတယ်။
လက်ရှိမှာတော့ သရက်ကန်ပျူရွာကို ကာကွယ်ရေးတပ်သားတွေကို ထိန်းချုပ်ထားပြီး အဲဒီရွာထဲက အမျိုးသမီး နဲ့ ကလေးငယ်များအပါအဝင် ဒေသခံ (၄၉) ဦးကို လုံခြုံတဲ့နေရာဆီပြောင်းရွေ့ထားပြီး ထိခိုက်ဒဏ်ရာရရှိတဲ့ ဒေသခံတွေကို ဆေးဝါးကုသမှုလုပ်ဆောင်ပေးနေတယ်လို့သိရပါတယ်။
“လက်ရှိတော့ကျနော်တို့ကာကွယ်ရေးတပ်တွေက နယ်မြေရှင်းလင်းရေးတွေလုပ်နေတယ် အဲဒီရွာကိုတော်လှန်ရေးအင်အားစုတွေကအပြည့်အဝထိမ်းချုပ်ထားပြီးတော့ ပွဲအတွင်းမှာသေဆုံးသွားကြတဲ့ နွားတွေ ၊ ဆိတ်တွေ ၊ လက်နက်ကြီးမှန်လို့ပေါ့လေ အဲလိုမျိုးဟာတွေ နဲ့ ပုတ်စော်နံနေတဲ့ဟာတွေကိုရှင်းလင်းတယ် ၊ ဖယ်ရှားတယ် ကျေးရွာသန့်သွားအောင်ပြုလုပ်နေကြတယ် လေကြောင်းအန္တရာယ်ကိုလည်းဂရုစိုက်ရင်းပေါ့ “လို့ ကိုဘိုဘိုသန့်ဇင်က ဆက်ပြောပါတယ်။
အဆိုပါ"တမာမြေစစ်ဆင်ရေး"ကို အညာမြေတပ်ပေါင်းစုဟာ၊ပြည်သူ့ကာကွယ်ရေးတပ်မတော် ပခုက္ကူခရိုင်အမှတ် ( ၂ /၆/၇/၁၄/၁၇ ) တပ်ရင်းများ ၊မကွေးပြည်သူ့ကာကွယ်ရေးတပ်မတော် ၊ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး( ABSDF) ၊ မကွေးဖက်ဒရယ်ယူနစ်ကာကွယ်ရေးစစ်ကြောင်း၊ - ၁ ( MFUDC -1) ၊ KG တပ်ဖွဲ့၊ မြိုင်ပကဖ ၊ ပေါက်ပကဖ၊ ပခုက္ကူပကဖ၊ ကမ္မတပ်ပေါင်းစု၊PLC တပ်ပေါင်းစု ၊ မကွေးတိုင်းလှုပ်ရှားစစ်ကြောင်း အမှတ် ၄ ၊ပြည်သူ့ လုံခြုံရေးအင်အားစု( ကမ္မ) ၊ မြိုင်ပကဖအဖွဲ့ဝင်(ဂဠုန် ၊ JOKER ၊ GOOD BROTHER ၊ TYK ၊ JRF ၊ စကြာ် ၊ ဝံပုလွေ ) တပ်ဖွဲ့များ ၊ တပ်ရင်းဆေးတပ်ဖွဲ့ ၊ မြို့နယ်ဆေးတပ်ဖွဲ့ ၊ မြိုင်မြိုနယ်တောင်ပိုင်းဇုန် ( ပအဖ ၊ ပကဖ) နှင့် တော်လှန်ပြည်သူများက စည်းစည်းလုံးလုံး ပူးပေါင်းဆောင်ရွက်ခဲ့သလို မကွေးဖက်ဒရယ်ယူနစ်ကာကွယ်ရေးကြီးရဲ့ ပူးပါင်းကူညီမှုကိုလည်း ရရှိခဲ့ပါတယ်။
