27/07/2025
မိန်းမတော့ မိန်းမပါ
=============
လောကဓံ ရိုက်ခတ်မှုမှာ အရည်ပျော်
ကျရှုံးလားဖို့ မိန်းမမျိုးမဟုတ်။
မိန်းမတော့ မိန်းမ
ကိုယ့်ဘဝ ကိုယ်ရပ်တည်ဖို့ မာနရှိရေ မိန်းမပါ။
လူတစ်ယောက် စိတ်ဝင်စားမှု ရရှိဖို့
တီတီတာတာ စကားလုံးချေတိနန့်
ချွဲ နွဲ့ တတ်တေ မိန်းမ မျိုးတော့ခါ မဟုတ်။
ရင်ထဲမှာ ပြောစရာစကားတိ ရှိလာရေအခါ
ရင်ထဲမှာ ချန်မထားပဲ
ပွင့်ပွင့် လင်းလင်းနန့် ပြောဆိုတတ်တေ မိန်းမပါ ။
ကိုယ်ကို မချစ်မကြိုက်ရို့ မရွီးချယ်ရေလူကို
ကိုယ့်မျက်ရည်ကျခံပြပြီးကေ
ကပ်တွယ်နိန်တတ်တေ မိန်းမမျိုး မဟုတ်။
ကိုယ့်ကို မချစ်မကြိုက်ရို့ မရွီးချယ်ရေလူကို
လှည့်မကြည့်တတ်တေ မိန်းမပါ။
ကိုယ့်ကို မခံချင်အောင် ပြောဆို တိုက်ခိုက်နိန်ရေ
လူတိစကားသံတိကြားမှာ စီးမျောခံနိန်တတ်တေ မိန်းမမဟုတ်။
ကိုယ် မှန်ရေထင်ကေ ခေါင်းမော့ ရင်ကော့ပြီး
အပြုံးလှလှချေနန့် ပြန်ရင်ဆိုင်ရဲတတ်တေ မိန်းမ
။
ကိုယ့်ဘဝကို တန်ဖိုးထားတတ်တေ
မိန်းမပါ။
အချစ်ရေးကို ရှေ့တန်းတင်ပြီး နာကျင်မှုတိကို
မျက်ရည်တိနန့် အဖော် ပြုဖြတ်သန်းနိန် တတ်တေ။
မိန်းမမျိုး မဟုတ်။
အမှားနန့် မကင်းသူတစ်ယောက်ဆိုလည်း
အမှားထဲမှာ ရီစုံမျှောဖို့ ဇာသောအခါမှ မစဥ်းစားတတ်တေမိန်းမပါ။
အရှက်သိက္ခာနန့် သက်ဆိုင်လာကေ
အသက်ချင်း လှဲပစ်ဖို့ ဝန်မလေးတတ်တေ မိန်းမပါ။
ရည်မှန်းချက်တိကို အကောင်အထည် ဖော်ပြီး
ကျရူံးမှုတိထဲကနိန် သခ်န်းစာယူတတ်တေ မိန်းမပါ။
ကိုယ်ကရာ ကိုယ့်ဘဝအတွက် ပဲ့ကိုင်ရှင်ဖြစ်စီရဖို့ခံယူထားပြီး
ဇာသူတစ်ဦးတစ်ယောက်ကိုမှ မှီခိုလိုစိတ်မရှိရေ
မိန်းမပါ။
ဖတ်ရူသူတိုင်း အထူးတင်ရှိပါရေ🙏🙏🙏
SHWE HLA
#ဗဟုသုတ
