Funny With Me

Thanks for Following My Page 🙏

01/07/2025

ខែថ្មីខែ7នេះស៉ំត្រឹមមានលុយ1ថង់នេះ🙏🙏🙏
#ខែថ្មី #ខែ7 #ខែកក្កដា

29/06/2025

ប្រហែលជាង ១ខែមកនេះ យើងបានឃើញថា ថៃគម្រាមខ្មែរគ្រប់សព្វ។ ថៃគម្រាមបិទព្រំដែន គម្រាមផ្ដាច់ភ្លើង គម្រាមផ្ដាច់អ៊ីនធ័រនែត គម្រាមឈប់លក់ប្រេងអោយខ្មែរ…។ រឿងនេះមិនមែនជារឿងលេងសើចទេ គឺវាជាការប្រមាថ ហើយខ្មែរគ្រប់រូបទោះបីជាគាំទ្ររដ្ឋាភិបាលក៏ដោយ និងមិនគាំទ្រក៏ដោយ គឺត្រូវតែយល់របៀបគិតរបស់ថៃ។ ចាប់តាំងពីទសវត្សរ៍ទី៥០ និង៦០ មកម្ល៉េះ ពេលឈ្លោះជាមួយខ្មែររឿងប្រាសាទព្រះវិហារ ដោយសារខ្មែរមានសេដ្ឋកិច្ចតូចជាងខ្លួន មេដឹកនាំថៃយល់ថា ការបិទព្រំដែន និងការផ្ដាច់ចំណងការទូតជាមួយខ្មែរនឹងធ្វើអោយខ្មែរឈឺផ្សា និងអោយខ្មែរចុះញ៉មថៃ។ អស់រយៈពេលជាង ៧០ឆ្នាំមកហើយ មេដឹកនាំថៃនៅតែធ្វើរបៀបនេះដដែល។ មានន័យថា របៀបគិតរបស់មេដឹកនាំថៃចំពោះខ្មែរ គឺអត់មានប្រែប្រួលទេ ហើយពួកគេយកការបិទព្រំដែនជាអាវុធ។

ដូច្នេះហើយទើបយើងក៏បានឃើញថា សម្ដេចហ៊ុនម៉ាណែត ជានាយករដ្ឋមន្ត្រី និងសម្ដេចហ៊ុនសែន ជាប្រធានព្រឹទ្ធសភា បានប្រតិកម្មខ្លាំងៗចំពោះការគម្រាមរបស់ថៃ និងបញ្ជាអោយផ្ដាច់ការទិញសេវ៉ាថៃទាំងនេះ ហើយបញ្ជាអោយស្ថាប័នខ្មែរភ្ជាប់សេវ៉ាអគ្គីសនី និងអ៊ីនធ័រនែតទៅកាន់តំបន់ដែលបញ្ឈប់សេវ៉ាកម្មរបស់ថៃភ្លាមៗដើម្បីបំពេញចន្លោះ។ ខ្ញុំមានមិត្តភក្ដិធ្វើការនៅក្រសួងប្រៃសនីយ៍ និងទូរគមនាគមន៍លើផ្នែកគ្រប់គ្រងអ៊ីនធ័រនែត ខ្ញុំបានដឹងថា នៅប៉ុន្មានឆ្នាំចុងក្រោយនេះ ក្រសួងបានធ្វើកំណែទម្រង់លើផ្នែកនេះយ៉ាងច្រើន ដើម្បីអោយខ្មែរទទួលបានសេវ៉ាអ៊ីនធ័រនែតកាន់តែលឿនរហ័ស និងមានគុណភាព។ ខ្ញុំក៏បានតាមដានកិច្ចការរបស់អគ្គីសនីកម្ពុជានៅប៉ុន្មានឆ្នាំចុងក្រោយនេះ ខ្ញុំបានដឹងថា តាំងពីលោកកែវ រតនៈ នៅជាប្រធានអគ្គីសនីកម្ពុជាមកម្ល៉េះ គឺខ្មែរយើងបានរៀបចំផែនការត្រៀមខ្លួនរួចតាំងពីយូរ ក្នុងការផ្គត់ផ្គង់សេវ៉ាដ៏សំខាន់មួយនេះដោយខ្លួនឯង។ អគ្គីសនី និងអ៊ីនធ័រនែត គឺជាសេវ៉ាយុទ្ធសាស្ត្រ។ មានន័យថា វាសំខាន់រហូតដល់ថ្នាក់ បើសិនជាយើងអត់បានត្រៀមខ្លួនទេ យើងនឹងត្រូវចុះចាញ់ ឬចុះញ៉មថៃ។ តែសំណាងល្អដែរ ដោយសារខ្មែរយើងបានត្រៀមខ្លួនលើចំណុចនេះរួចរាល់ហើយ យើងក៏អាចផ្គត់ផ្គង់វាដោយខ្លួនឯងដោយមិនព្រឺការគម្រាមរបស់ថៃទេ។

មកដល់ត្រង់នេះ ខ្ញុំនឹកឃើញដល់ពាក្យសម្ដីរបស់លោកលីខ្វាន់យូ (Lee Kuan Yew) អតីតនាយករដ្ឋមន្ត្រីដ៏ល្បីល្បាញរបស់ប្រទេសសាំងកាពួរ ដែលនិយាយអំពីបទពិសោធប្រទេសធំៗនៅជិតខាង ដូចជាឥណ្ឌូនេស៊ី ម៉ាឡេស៊ី និងវៀតណាម ដែលគម្រាមសាំងកាពួរជាប្រទេសតូច។ ករណីទី១. កាលពីឆ្នាំ១៩៦៥ មានជនជាតិឥណ្ឌូនេស៊ី ២នាក់បានបំផ្ទុះគ្រាប់បែកនៅសាំងកាពួរដែលបណ្ដាលអោយមនុស្ស ៣នាក់ស្លាប់ និងរងរបួស ៣៣នាក់។ សាំងកាពួរបានកាត់ទោស និងត្រូវប្រហារជីវិតពួកគេនៅឆ្នាំ១៩៦៨។ ឥណ្ឌូនេស៊ីជាប្រទេសធំនៅក្បែរខាងបានប្រតិកម្មខ្លាំងណាស់ចំពោះការប្រហារជីវិតជនជាតិខ្លួននេះ ហើយមជ្ឈដ្ឋានជ្រុលនិយមខ្លះរបស់ឥណ្ឌូនេស៊ី ថែមទាំងរុញអោយរដ្ឋាភិបាលខ្លួនវាយសាំងកាពួរទៀតផង។ តែចុងក្រោយ សាំងកាពួរបានធ្វើការប្រហារជីវិតឧក្រិដ្ឋជនទាំង ២រូបនេះទាល់តែបាន។

ករណីទី២. គឺរឿងវៀតណាមគម្រាមសាំងកាពួរ។ នៅកាលនោះ គឺទសវត្សរ៍ទី៧០ នៅពេលដែលវៀតណាមកុម្មុយនីសបានឈ្នះសង្គ្រាម ហើយប្រទេសក្នុងតំបន់កំពុងភ័យខ្លាចវៀតណាមសងសឹក ដូចជា ថៃ និងភីលីពីនជាដើម ព្រោះខ្លួនបានជួយអាមេរិកច្បាំងនឹងវៀតណាម ចំណែកសាំងកាពួរក៏ត្រូវវៀតណាមស្អប់ដែរ ព្រោះចោទថាសាំងកាពួរចូលដៃជាមួយចិន។ នៅឆ្នាំ១៩៧៧ មានក្រុមចោរប្លន់យន្តហោះវៀតណាមយកទៅចុះចតនៅសាំងកាពួរ ក្រោយពីសាំងកាពួរទប់ស្កាត់មិនអោយពួកគេចុះចតមិនបានសម្រេច។ សាំងកាពួរអោយខាងវៀតណាមមកយកយន្តហោះទៅវិញ ដោយសាំងកាពួរជួសជុល និងចាក់សាំងយន្តហោះ រួចសាំងកាពួរផ្តន្ទាទោសចោរទាំងនោះដាក់គុក ១៤ឆ្នាំ។ វៀតណាមមិនដែលបង់លុយថ្លៃសាំងទេ តែថែមទាំងសម្លុតសាំងកាពួរ ដោយទាមទារអោយសាំងកាពួរប្រគល់ចោរទាំងនោះអោយវៀតណាម តែសាំងកាពួរមិនព្រម។ លោក លី ខ្វាន់យូ បានសរសេរពីកាលនោះថា៖ «យើងត្រូវតែពង្រឹងជំហរអោយរឹងមាំ និងមិនបណ្ដោយអោយគេសម្លុតយើងឡើយ បើមិនដូចនោះទេ បញ្ហានឹងមិនចប់ទេ (We had to stand firm and not allow ourselves to be intimidated or there would be no end of problems)»។ ចុងក្រោយ សាំងកាពួរមិនបានធ្វើតាមការគម្រាមរបស់វៀតណាមទេ។

បកទៅរឿងថៃគម្រាមខ្មែរក្នុងរឿងបិទព្រំដែន ផ្ដាច់អគ្គីសនី ផ្ដាច់អ៊ីនធ័រនែត និងផ្ដាច់សេវ៉ាផ្សេងៗទៀតវិញ វាមិនមែនជារឿងលេងសើចទេ! វាជាការប្រមាថរបស់ថៃចំពោះខ្មែរអស់ជាង ៧០ឆ្នាំមកហើយ។ ដូចពាក្យសម្ដីរបស់លោកលីខ្វាន់យូនិយាយចឹង! បើខ្មែរមិនតតាំងអោយដាច់ស្រាច់ចំពោះការគម្រាមនេះ រឿងនេះវាមិនចេះចប់ទេ! វាពិតជាគួរអោយសរសើរស្ថាប័នគ្រប់គ្រងអគ្គីសនី និងស្ថាប័នគ្រប់គ្រងអ៊ីនធ័រនែតរបស់ខ្មែរយើងដែរ ដែលយើងបានត្រៀមខ្លួនរួចរាល់ចំពោះរឿងនេះ។ កុំអីខ្មែរយើងច្បាស់ជាត្រូវចុះញ៉ម ឬចុះចាញ់ការគម្រាមរបស់ថៃហើយ!

Read More:
-For Thai treatment of Cambodia in the 1950s and 1960s, see Shane Strate (2015): “The Lost Territories: Thailand’s History of National Humiliation”
-For Lee Kuan Yew’s confrontation with Indonesia and Vietnam, see Lee Kuan Yew (2000): “From Third World To First”

ប្រភព #អាស៊ីអាគ្នេយ៍

25/06/2025

ខំរៀនកុំឲ្យគេថាល្ងង់ដូចគោ🤣🤣🤣

24/06/2025

A big house is nice, but a happy home is what matters most.

Quotebook

13/06/2025

ទាល់តែចឹងបានឆាប់ចេះ🤣🤣

11/06/2025

🇹🇭 ក្រសួងការបរទេសថៃ : ថៃនិងកាត់ផ្តាច់អគ្គីសនីដែលលក់ឱ្យកម្ពុជា បើកម្ពុជាមិនព្រមធ្វើតាមការចង់បានរបស់ថៃលើបញ្ហាព្រំដែន។

🇰🇭 រដ្ឋមន្ត្រីក្រសួងរ៉ែ និងថាមពលកម្ពុជា : ម៉ោងនេះ ថ្មើនេះ កម្ពុជានៅសល់អគ្គីសនីដែលប្រើប្រាស់មិនទាន់អស់ ដូច្នេះយើងគ្រាន់តែដូរខ្សែភ្លើងថៃមកដាក់ខ្សែភ្លើងរបស់យើងគឺជាការស្រេច។ ប៉ុន្តែសូមកុំភ្លេចឱ្យសោះថា បើផ្តាច់ហើយគឺផ្តាច់រហូត ថ្ងៃក្រោយកុំចង់មកសូមតខ្សែភ្លើងវិញឱ្យសោះ #គ្មានផ្លូវទេ ព្រោះអ្នកឯងបានរំលោភបំពានកិច្ចសន្យានៃការទិញ លក់ រវាងរដ្ឋ និងរដ្ឋ ជាឯកតោភាគី។