06/12/2024
ဒီနေ့ အမေနဲ့ဖုန်းပြောရတယ်....
သာကြောင်း မာကြောင်းတွေမေးပြီး....
ဘာတွေချက်စားလဲ ဆိုပြီး
ကျနော့်က မေးတော့....
ငါးကလေးအိုးကပ်ချက်နဲ့ အချဥ်ရည်ဟင်း လို့ ပြောပြီး...
သုံးလေးရက်လောက်ရှိပြီ ...
အမေ့သားကို သတိရနေတာ တဲ့။
ခုရက်ပိုင်း....
စမာငါးရော စမုံငါးရော ရကြတယ်...
စျေးလဲ ပေါတယ်...
၅၀သါးမှ ၄၀၀၀ စျေးပဲ ရှိသတဲ့! !
အမေက ငါးတွေပေါပြီး ငါးဟင်းချက်ရတော့...
ကျနော့်ကို သတိပိုရတယ်ဆိုတာက...
သိပ်တော့ မထူးဆန်းပါ့ဘူး..
ဘာလို့ဆို.. .
ကျနော်က မိသားစုထဲမှာ...
ငါးနှိုက် ငါးမျှား လုပ်တတ်တဲ့ တစ်ဦးထဲသော..
သူဖြစ်ပြီး...
အသားဟင်းတွေထက် ငါးဟင်းကို ပိုကြိုက်တဲ့သားမို့ပါ။
တပိဿာမှ ၇၅၀၀/ ၈၀၀၀ ဆိုတော့....
ကျနော်တို့ဆီမှာလည်း ငါးတွေပေါပေါ သောသော ဖမ်းလို့ ရနေသေးတယ်ဆိုတဲ့ သဘောပေါ့။
ခုလို(ပုံပါ) ငါးသလဲထိုးလေးတွေကတော့....
ကျနော်အကြိုက်ဆုံး ငါးဆိုပါတော့...
မကြွပ်အောင် ကြော်ပြီး အိုးကပ်လေးချက်ချက်..
အစိုကိုပဲ အိုးကပ်ချက်ချက်...
ငရုပ်သီးစပ်စပ်ထည့် ဗမာပင်စိမ်းလေးအုပ်...
အချဥ်ရေသောက်လေးနဲ့ဆိုလိုကတော့....
ထမင်းတဗူးချက် အသာလေး...
အရင်ကဆို.....
ကျနော်တို့အမေက
ကျနော်တို့ရှိတဲ့ နေရာအထိ လူကြုံရှိတိုင်း.....
ငါးအိုးကပ်ချက်၊ ငါးခေါင်းမျှစ်ချဥ်နဲ့....
ငါးခြောက်ထောပတ် ဒယ်ကြီးချက်တွေကို..
ရွာကနေချက်ပို့ပေးတာ ဗျ။
ခုတော့...
အရှေ့မြောက်ပိုင်း နဲ့ အလယ်ပိုင်းဆိုတာက ခရီးကဝေး
လမ်းပန်းဆက်သွယ်ရေးက အဆင်မပြေလေတော့..
မပို့နဲ့အမေ....
သားတို့လည်းဒီမှာ အဆင်ပြေတယ်...ဆိုပြီး...
စိတ်ချမ်းသာအောင်ပြောရတာပေါ့...
အမှန်ဆို....
၂၅ကျပ်သားကို တစ်သောင်းစျေးပေးရတာတောင်..
နေ့တိုင်းဝယ်လို့ မရပါဘူး....လို့။
✍✍✍
ချစ်ခြင်းမေတ္တာဖြင့်..
👤လယ်တွင်းသား
(ပန်းလောင်မြေ)
