KoHein Vlogs

26/12/2025

သစ်ရိပ်ဝါးရိပ်ကောင်းချက်ပဲ….🐘

20/12/2025

၂၀၂၅ ခုနှစ်မတ်လတုန်းက ဖြစ်ခဲ့တဲ့ငလျင်ကြီးမှာ ကိုယ်တတ်နိုင်သလောက်
သူငယ်ချင်းတွေနဲ့ပေါင်းပြီး အစားအစာနဲ့ဆေးဝါးထောက်ပံရေးလုပ်ဆောင်ခဲ့ပေမယ့် တကယ့်မြေပြင်မှာ အရေးပေါ်ကူညီကယ်ဆယ်ရေးလုပ်နေခဲ့တဲ့ သူရဲကောင်း ၊ အဖွဲ့အစည်းများစွာရှိခဲ့ပါတယ် ။ အဲ့ဒီတုန်းက မြင်တွေ့အားကျခဲ့ရတဲ့ သူရဲကောင်းတွေနေရာကို အခုရုပ်ရှင်မှာတော့ ဝင်ရောက်ခံစားပြီးသရုပ်ဆောင်ခဲ့ပါပြီ ..။ 💪💪

#မပြိုလဲနိုင်သောနှလုံးသားများ

19/12/2025

မန္တလေးငလျင်ကြီးလှုတ်ခတ်သွားပြီးတဲ့နောက်မှာ ကူညီကယ်ဆယ်ရေးရော ၊ အစားအစာလှုဒါန်းရေးအတွက်မှာ နေရာအနှံရောက်ခဲ့ပါတယ် ။ မန္တလေး ၊ စစ်ကိုင်း ၊ အင်းဝ ၊ နေပြည်တော် ၊ ပျဉ်းမနား အစရှိသည်ဖြင့်ပေါ့..။

အဲ့ဒီတုန်းက မျက်မြင်ကိုယ်တွေ့ကြုံခဲ့ရတဲ့ မြင်ကွင်းတွေ ၊ ကြားသိခဲ့ရတဲ့အဖြစ်အပျက်တွေကို ပြန်လည်ရိုက်ကူးတင်ဆက်ထားတာမို့ ပရိသတ်တွေရင်ထဲမှာ တခုခုစွဲကျန်ရစ်ခဲ့စေမှာပါဗျ…။

Coming 🔜 🎬🎬

#မပြိုလဲနိုင်သောနှလုံးသားများ

Official Poster
❤️‍🔥 မပြိုလဲနိုင်သော နှလုံးသားများ-Light From Fate(ရုပ်ရှင်ဇာတ်ကားကြီး)

❤️‍🔥“တည်ဆောက်ခဲ့ရတဲ့ဘဝတွေကို ဖြိုလဲခဲ့တဲ့ လောကဓံနဲ့ မပြိုလဲနိုင်သော နှလုံးသားများ” ❤️‍🔥

🎥 PRODUCED BY
Bellarie Production

🎞️ PRESENTED BY
LIVING MYANMAR Media Production

✍️ ဇာတ်လမ်း၊ ဇာတ်ညွှန်း
ညွှန်း

🎬 တွဲဖက်ဒါရိုက်တာ
သန့်ဇင်

🧠 အကြံပေးဒါရိုက်တာ
Nick Ryan

🎬 ဒါရိုက်တာ
သော်ဇင်

🌟 သရုပ်ဆောင်များ
ဖြိုးငွေစိုး • နေမင်း • အကယ်ဒမီ မင်းဦး • ရတနာဗို
အကယ်ဒမီ ချိုပြုံး • ဇော်ဝင်းနိုင် (မန်း) • ကိုဟိန်း

👧🧒 ကလေးသရုပ်ဆောင်များ
ငြိမ်းစုဝေ • ရှင်ပြုံးခင် • သားချော

#မပြိုလဲနိုင်သောနှလုံးသာများ

19/12/2025

၂၇၆၅ ခုနှစ်ကရင်အမျိုးသားနှစ်သစ်ကူးနေ့ မှာ မြန်မာပြည်ဖွားတိုင်းရင်းသားညီကိုမောင်နှမများ ကိုယ်စိတ်နှစ်ပါးရွင်လန်းချမ်းမြေ့ကြပါစေဗျာ…။

အခုနှစ်ကုန်ပိုင်းကနေစတင်ပြီးကျွန်တော့်ရဲ့ Page မှာ ကရင်လူမျိုးတွေရဲ့ရိုးရာဓလေ့ ၊ အမွေအနှစ်များကိုလည်း တတ်စွမ်းနိုင်သလောက် ဖော်ထုတ်တင်ဆက်ပေးသွားပါမယ်ခင်ဗျာ ။ ❤️🙆‍♂️

With Love
Ko Hein

#ကရင်နှစ်သစ်ကူး

09/12/2025

မြင်ပါများမှ ချစ်ကျွမ်းဝင်တယ်ဆိုလို့ပါ…🫠

08/12/2025

ပုဂံမြို့ရဲ့ရှေးအကျဆုံးသရပါတံခါးသို့အဝင်…

အခုချိန်ပုဂံကိုသွားမယ်ဆိုရင် အရမ်းသာယာလှပနေမှာပဲ....ဆိုတော့ပုဂံကိုသွားရင်း သမိုင်းအမွေအနှစ်တွေကို ပြန်လည်အမှတ်ရတန်ဖိုးထားနိုင်စေဖို့ ပြန်လည်ဖော်ပြပေးလိုက်ရပါတယ်ခင်ဗျာ..။

အနော်ရထာမင်းလက်ထက်ကို မရောက်ခင် နှစ်နှစ်ရာလောက်စောပြီးတည်ရှိခဲ့တဲ့ မြို့ရိုးတံခါးကြီး ၊ ပုဂံထီးနန်းရဲ့ဩဇာအာဏာထွန်းတောက်ချိန်မှာရော ၊ ကျရူံးချိန်မှာရော မတုန်မလှုပ်ကျန်ရစ်ခဲ့တဲ့ မြို့ရိုးတံခါးပေါက်ကြီးရဲ့အကြောင်းကို မြင်တွေ့ရမှာပါ…။

08/12/2025

လည်ကတုံးအဖြူလေးနဲ့ ကိုကြီးလာကြိုမယ်နော်….❤️

27/11/2025

မေမေမရှိတော့ပဲ ဖြတ်သန်းရတဲ့ (၁၀)နှစ်မြောက်မွေးနေ့ …

ဒီနေ့မှာကျွန်တော့်အသက် (၃၂) နှစ်ပြည့်ပါပြီ.. ။

26/11/2025

ဘဝမှာလုပ်ချင်တာတွေ လုပ်ခွင့်ရဖို့ဆိုတာ….

ဟိုငယ်ငယ်လေးကတည်းက အိပ်မက်တခုရှိတယ်…။ အဲ့ဒါကဘဝမှာ ကိုယ့်ရဲ့စိတ်နဲ့ရှင်သန်နိုင်ဖို့ ၊ ရောင့်ရဲနိုင်တဲ့သူတယောက်ဖြစ်ဖို့ပါပဲ..။ ပထမဆုံးကိုယ့်ရဲ့စိတ်နဲ့ရှင်သန်နိုင်ဖို့ဆိုတာ ကိုယ့်အချိန်တွေကို ကိုယ်ပိုင်ရမယ်…၊ ငွေကြေးကြောင့်ပဲဖြစ်ဖြစ် ဘာအတွက်ကြောင့်နဲ့မှ ကိုယ်စိတ်မပါတဲ့ ၊ မပျော်ရွင်တဲ့နေရာမှာ ကြာရှည်မနေရဖို့ပါပဲ..။ ( အချိန်အတိုင်းအတာ တခုထိတော့ ကျွန်တော်လည်း ကိုယ့်အချိန်တွေကိုပေးဆပ်ပြီး ကိုယ်လိုချင်တဲ့ဘဝတခုကိုတည်ဆောက်နိုင်ဖို့ရင်းခဲ့ရပါတယ်…)

ဒုတိယအချက်ရောင့်ရဲနိုင်ဖို့ဆိုတာကတော့
ကိုယ့်မှာရှိတဲ့အရာတွေနဲ့ အေးအေးချမ်းချမ်းနေနိုင်ဖို့ပါပဲ..။ လောကမှာ လူတိုင်းကတော့
ပိုပိုပြီး ချမ်းသာချင် ၊ အောင်မြင်ချင်ကြတာချည်းပဲမလား…။ ဒါပေမယ့် ကိုယ်ရောက်နေတဲ့နေရာ ၊ ကိုယ်ရရှိတဲ့ဝင်ငွေနဲ့ ဘဝကိုရောင့်ရဲတတ်ဖို့ဆိုတာတော့ လူတိုင်းမထိန်းနိုင်ကြဘူး..။ အဲ့ဒီတော့ ပူလောင်ကြရတယ်..။

ငယ်ငယ်ကသင်ခဲ့ဖူးတဲ့ ( The Quiet Life ) ကဗျာလေးထဲကလိုပေါ့ … Slow living life လေးနဲ့ရှင်သန်မယ်..၊ ကိုယ်တတ်နိုင်သလောက် ပတ်ဝန်းကျင်ကိုမျှဝေမယ်…၊ လိုအပ်နေတဲ့နေရာလေးတွေကို လှူဒါန်းမယ်..။

ဒီလောက်ဆို ဘဝကပြည့်စုံပါပြီ…
တချိန်အားလုံးကိုချန်ထားခဲ့ရမှာ ဘာတွေကိုဆုပ်ကိုင်နေမလဲ….💙

( 27.11.2025 အတွက်အမှတ်တရလေး ရေးတင်လိုက်ပါတယ်..)

17/11/2025

ပွင့်လင်းရာသီလေးလည်းရောက်လာပြီဆိုတော့ မြန်မာပြည် ဘယ်အပိုင်းကို ခရီးဆက်ရရင် ကောင်းမလဲ…🌝

06/11/2025

ရုပ်ရှင်တွေအကြောင်း ရူထောင့်တွေအကြောင်းပြောရလောက်တဲ့အထိ ပညာရှင်မဟုတ်တဲ့အတွက် မပြောတတ်ပါဘူးခင်ဗျာ..။

ဒါပေမယ့် ပရိသတ်တယောက်အနေနဲ့ပဲ အနီးစပ်ဆုံးပြောရရင် ထိုင်းနိုင်ငံရဲ့နာမည်ကျော် ( P*e Mak ) သရဲကားလို အသကုန်ရယ်ရ ၊ အသကုန်ကြောက်ရတဲ့ ကားကောင်းတခုထွက်လာပါပြီ..။

အဲ့ဒီကားကတော့ “ ပြန်မပြောရ “ ဆိုတဲ့ဒီရုပ်ရှင်ကားပါပဲ..။ အများကြီးအောင်မြင်ပါစေ…❤️

#ပြန်မပြောရ