เว็บไซต์คืออะไร?

https://www.facebook.com/103713274893277/

Myanmar Migrant Voice - MMV

Myanmar Migrant Voice - MMV is a trusted source for Migrant Workers . We focus on bringing you the most important stories of Migrants .

23/12/2025

ထိုင်းမှာမြန်မာ ၅,၀၀၀ နီးပါး အပါအဝင် နိုင်ငံခြားသား ၁၂,၀၀၀ ကျော် ဖမ်းဆီးခံရ

MMV - December 23

ထိုင်းနိုင်ငံအတွင်း တရားမဝင် ဝင်ရောက်နေထိုင်သူတွေကို နှိမ်နင်းဖို့အတွက် "Operation Bad Guys Out" ဆိုတဲ့ စစ်ဆင်ရေးကြီးကို ထိုင်းရဲတပ်ဖွဲ့က တစ်နိုင်ငံလုံးအတိုင်းအတာနဲ့ အရှိန်အဟုန်မြှင့် လုပ်ဆောင်နေတယ်လို့ ထိုင်းသတင်းတွေကဖော်ပြပါတယ်။

ဖမ်းဆီးရမိမှု အခြေအနေ

ပြီးခဲ့တဲ့ ဒီဇင်ဘာလ ၁ ရက်နေ့ကနေ ၂၀ ရက်နေ့အထိ (၂၀ ရက်အတွင်း) စစ်ဆင်ရေးကာလမှာ သံသယရှိသူ စုစုပေါင်း ၁၂,၂၀၇ ဦး ကို ဖမ်းဆီးခဲ့ပါတယ်။ ဒီအထဲမှာ မြန်မာနိုင်ငံသားက ၄,၉၂၂ ဦး နဲ့ အများဆုံးပါဝင်နေပြီး ကမ္ဘောဒီးယား၊ လာအို၊ ဗီယက်နမ်၊ တရုတ်နဲ့ အခြားနိုင်ငံသားတွေလည်း ပါဝင်တယ်လို့ သိရပါတယ်။ စုစုပေါင်း အမှုပေါင်း ၁၂,၈၃၂ မှုအထိ တရားစွဲဆိုထားပါတယ်။

ဘယ်လိုနေရာတွေကို ပစ်မှတ်ထားသလဲ?

လဝက ရဲတပ်ဖွဲ့ဟာ "ပုန်းအောင်းနေသူတွေကို ရှာဖွေခြင်း" ဆိုတဲ့ နည်းဗျူဟာနဲ့အတူ စက်ရုံများနဲ့ အလုပ်သမားစခန်းများ ၊ နေရပ်လိပ်စာ တိုင်ကြားဖို့ ပျက်ကွက်သူများ ၊အလုပ်ရှင်အမည် မတူညီသူများ
အထောက်အထား မစုံလင်သူများ၊ အထူးသဖြင့် ချွန်ဘူရီခရိုင် (ပတ္တရား၊ ဘန်လာမွန်) ဒေသတွေမှာ စစ်ဆေးမှုတွေ ပြင်းထန်နေပြီး မြန်မာလုပ်သား အများအပြား ထပ်မံဖမ်းဆီးခံနေရပါတယ်။

ဘယ်လိုအမှုတွေနဲ့ အရေးယူနေတာလဲ?

ဖမ်းဆီးခံရသူတွေကို အောက်ပါအမှုတွေနဲ့ တရားစွဲဆိုနေတာဖြစ်ပါတယ်။ တရားမဝင် ဝင်ရောက်မှု နှင့် ဗီဇာသက်တမ်းကျော်လွန်နေထိုင်မှု (Overstay) ၊ လဝက အက်ဥပဒေ ပုဒ်မ ၃၇ နှင့် ၃၈ (နေရပ်လိပ်စာ အကြောင်းကြားရန် ပျက်ကွက်မှု) ၊ အလုပ်သမားဥပဒေ ချိုးဖောက်ခြင်း (အလုပ်ရှင်၊ အလုပ်အကိုင် မတူညီခြင်း) ၊ မူးယစ်ဆေးဝါးနှင့် အခြားရာဇဝတ်မှုများဖြစ်ပါတယ်။

ထိုင်းရဲတပ်ဖွဲ့၏ သတိပေးချက်

ထိုင်းဒုတိယရဲချုပ် Samran Nualma က အရှိန်အဟုန်မြှင့် စစ်ဆေးမှုတွေကို ဆက်လက်လုပ်ဆောင်သွားမှာဖြစ်ပြီး ပြစ်မှုကျူးလွန်ကြောင်း တွေ့ရှိပါက ဖမ်းဆီးအရေးယူမည့်အပြင် ပြည်နှင်ဒဏ်ပါ ပေးသွားမယ် လို့ အပြတ်အသား ပြောကြားထားပါတယ်။ ဒါ့အပြင် ပြည်သူတွေအနေနဲ့လည်း သံသယဖြစ်ဖွယ် နိုင်ငံခြားသားတွေကို တွေ့ရင် သတင်းပေးဖို့ တိုက်တွန်းထားပါတယ်။

ထိုင်းနိုင်ငံရောက် မြန်မာလုပ်သားများအနေဖြင့် မိမိတို့၏ ပတ်စပို့၊ ဘတ် (Pink Card) နှင့် အလုပ်သမားကတ် အထောက်အထားများကို အမြဲဆောင်ထားကြရန်နှင့် နေရပ်လိပ်စာ တိုင်ကြားခြင်း (TM.30) ကိစ္စများကို အထူးဂရုပြုကြရန် အလုပ်သမားအရေးဆောင်ရွက်သူတွေက တိုက်တွန်းထားပါတယ်။

Photo - FB

#ရွှေ့ပြောင်းအသံ

#ထိုင်း
#မြန်မာ

Telegram https://t.me/mmgvoice

23/10/2025

ပွဲစားကြောင့် ထိုင်းမှာဖမ်းခံရတဲ့ မြန်မာ ၁၃ဝ ကျော် စစ်ကောင်စီထံ ပြန်မပို့ရေး ဆောင်ရွက်နေ

MMV / အောက်တိုဘာ ၂၃

အောက်တိုဘာလ ၁၆ ရက်နေ့မှာ ဖမ်းဆီးခံလိုက်ရတဲ့ တရားမဝင် မြန်မာနိုင်ငံသား ၁၃၀ ကျော်အတွက် ထိုင်းဘုရင့်နိုင်ငံရဲ့ ဥပဒေအတွင်းက လုပ်ပေးနိုင်တဲ့ အကူညီတွေဆောင်ရွက်ခဲ့တယ်လို့ MHAC (မဟာမိတ်အဖွဲ့)က ဒီကနေ့မှာထုတ်ပြန်ပါတယ်။

ထိုင်းနိုင်ငံ စာမွတ်ဆာခွန်ခရိုင် မဟာချိုင်နယ်မြေရှိ လူနေတိုက်တန်းလျားမှာ နေထိုင်ပြီး အလုပ်လုပ်ဖို့အတွက် ပန်ရောင်ကဒ်(ဘတ်)ပြုလုပ်ဖို့ စောင့်နေကြတဲ့ မြန်မာနိုင်ငံသား ၁၃၀ ကျော်ကိုအောက်တိုဘာလ ၁၆ ရက်နေ့မှာ ပွဲစားအချင်းချင်းအဆင်မပြေတာကနေ လဝကကို တိုင်ကြားခဲ့တာကြောင့် အဖမ်းခံလိုက်ရတာလို့ ကူညီပေးသူတဦးကပြောပါတယ်။

MHAC အဖွဲ့ဟာ အဖမ်းစီးခံလိုက်ရတဲ့ မြန်မာနိုင်ငံသားတွေကို စစ်ကောင်စီထံ မရောက်ဖို့ တတ်နိုင်တဲ့ဘက်ကနေ ကြိုးစားနိုင်နေပြီး ထိန်းသိမ်းထားတဲ့ ရဲစခန်းကို အောက်တိုဘာလ ၁၇ ရက်နေ့မှာသွားရောက်ပြီး မုန့်နဲ့အအေးတွေလှူဒါန်းတာကို ပြုလုပ်ခဲ့တယ်လို့ အသိပေးပါတယ်။

Photo - MHAC

#ရွှေ့ပြောင်းအသံ

#ထိုင်း
#မြန်မာ

Telegram https://t.me/mmgvoice

19/07/2025

မြန်မာနိုင်ငံသား ၁၆ ဦးကို ထိုင်းသို့ တရားမဝင် ဝင်ရောက်မှုဖြင့် ထိန်းသိမ်း

July 19 / MMV - ရွှေ့ပြောင်းအသံ

ထိုင်း-မြန်မာ နယ်စပ်တစ်လျှောက်တွင်ယနေ့ ဇူလိုင် ၁၉ ရက် နံနက် ၅ နာရီတွင် မြန်မာနိုင်ငံသား ၁၆ ဦးကို ထိုင်းသို့ တရားမဝင် ဝင်ရောက်မှုဖြင့် ရာဇမနူအထူးတပ်ဖွဲ့က ထိန်းသိမ်းခဲ့ကြောင်း ထိုင်းသတင်းအရသိရသည်။

တာ့ခ်ခရိုင် ဖော့ဖရာမြို့နယ် ချောင်ကပ်ဒေသ၊ မူ ၃ ရှိ ဘန်ခွန် ချောင်ကပ်လမ်း ၌ မီးခိုးရောင် တိုယိုတာပစ်ကပ်ကားတစ်စီးကို ဖမ်းဆီးခဲ့ပြီး ကားအတွင်း၌ ခရီးသွားလာရေး စာရွက်စာတမ်းများမရှိသည့်မြန်မာနိုင်ငံသား ၅ ဦးကို တွေ့ရှိခဲ့သည်။

တစ်ချိန်တည်းတွင် ဖော့ဖရာမြို့နယ် ဘန်ခွန်ချောင်ကပ်အမှိုက်ပုံအနီးတစ်ဝိုက်တွင် မြန်မာနိုင်ငံသား ၁၁ ဦးကို ထပ်မံတွေ့ရှိခဲ့ပြီး ၎င်းတို့တွင်လည်း ခရီးသွားလာရေး စာရွက်စာတမ်းများ မရှိကြောင်းသိရသည်။

၎င်းတို့အား “တရားမဝင် ဝင်ရောက်နေထိုင်သည့် နိုင်ငံခြားသားများဖြစ်ခြင်း” ဟူသော စွဲချက်ဖြင့် တရားစွဲဆိုခဲ့ကြောင်း ထိုင်းသတင်းအရသိရသည်။

#ရွှေ့ပြောင်းအသံ

#ထိုင်း
#မြန်မာ

Telegram https://t.me/mmgvoice

18/07/2025

ကန်ချနဘူရီတွင် တရားမဝင် မြန်မာ ၄၈ ဦး ဖမ်းဆီးရမိ၊ ယာဉ်မောင်းများ ထွက်ပြေးလွတ်မြောက်

July 18 / MMV - ရွှေ့ပြောင်းအသံ

ပြီးခဲ့သည့် (ဇူလိုင် ၁၇ ရက်) ညက ကန်ချနဘူရီပြည်နယ်၊ ထောင်းဖာဖုမ်ခရိုင်အုပ်ချုပ်ရေးမှူး ဦးဆောင်သော ပူးပေါင်းအဖွဲ့သည် ရာဘာခြံတစ်ခုတွင် မြန်မာနိုင်ငံသား ၄၈ ဦးကို ဖမ်းဆီးရမိခဲ့ပြီး ၎င်းတို့စီးနင်းလာသည့် ကား ၃ စီးကို သိမ်းဆည်းခဲ့သည်။

ယာဉ်မောင်းများမှာ မှောင်ရိပ်ကို အခွင့်ကောင်းယူကာ ထွက်ပြေးလွတ်မြောက်သွားခဲ့ကြောင်း သိရသည်။

ထောင်းဖာဖုမ်ခရိုင်အုပ်ချုပ်ရေးမှူး ဦးဆောင်သော ပူးပေါင်းအဖွဲ့သည် ချာလဲတမ်ဘွန်၊ ဘန်ကရင်ခရာဝေရွာရှိ ရာဘာခြံတစ်ခုတွင် မသင်္ကာဖွယ် Isuzu အမျိုးအစား ပစ်ကပ်ထရပ်ကား ၂ စီးနှင့် ၇-ယောက်စီးကား ၁ စီး၊ စုစုပေါင်း ၃ စီးကို တစ်တန်းတည်း ရပ်ထားသည်ကို တွေ့ရှိခဲ့ရသည်။

အရာရှိများက တရားမဝင်လုပ်သား မှောင်ခိုမှုဖြစ်မည်ဟု ယူဆကာ ဝိုင်းရံစစ်ဆေးခဲ့ရာ ကားသုံးစီးလုံးတွင် လူအများအပြား ပြည့်ကျပ်စွာ စီးနင်းလာသည်ကို တွေ့ရှိခဲ့ရသည်။

အရာရှိများက ဖမ်းဆီးရန် ကြိုးပမ်းချိန်တွင် ကားသုံးစီးလုံးမှ ယာဉ်မောင်းများက တံခါးဖွင့်ကာ တောထဲသို့ ထွက်ပြေးတိမ်းရှောင်သွားခဲ့သည်။ အရာရှိများက လိုက်လံဖမ်းဆီးခဲ့သော်လည်း ဖမ်းမမိခဲ့ပေ။

စစ်ဆေးမှုများအရ ယာဉ်သုံးစီးပေါ်တွင် မြန်မာလုပ်သား ၄၈ ဦး (အမျိုးသား ၃၈ ဦး၊ အမျိုးသမီး ၁၀ ဦး) ကို တွေ့ရှိခဲ့သည်။ ၎င်းတို့၏ ခရီးဆောင်အိတ်များကို ရှာဖွေရာတွင် အဝတ်အထည်နှင့် ကိုယ်ပိုင်ပစ္စည်းများမှလွဲ၍ တရားမဝင်ပစ္စည်း တစ်စုံတစ်ရာ မတွေ့ရှိခဲ့ကြောင်း သိရသည်။

စကားပြန်မှတစ်ဆင့် စစ်ဆေးမေးမြန်းရာတွင် ၎င်းတို့သည် စံခလာဘူရီခရိုင်ရှိ တောလမ်းကြောင်းမှတစ်ဆင့် ထိုင်းနိုင်ငံသို့ တရားမဝင် ဝင်ရောက်လာကြောင်း ထွက်ဆိုခဲ့သည်။

ထို့နောက် ၎င်းတို့က ထိုင်းနိုင်ငံအတွင်းပိုင်းရှိ အလုပ်နေရာများသို့ ဆက်လက်သွားရောက်ရန် စောင့်ဆိုင်းနေကြခြင်းဖြစ်သည်ဟု ဆိုသည်။

၎င်းတို့သည် ပွဲစားခ ဘတ် ၁၈,ဝဝဝ ပေးဆောင်ရမည်ဖြစ်သော်လည်း မပေးဆောင်ရသေးမီ ဖမ်းဆီးခံခဲ့ရခြင်းဖြစ်သည်။

အရာရှိများသည် ဖမ်းဆီးရမိသူ အားလုံးကို ဥပဒေအရ အရေးယူဆောင်ရွက်သွားမည်ဖြစ်ကြောင်း သိရသည်။

Photo - MGR

#ရွှေ့ပြောင်းအသံ

#ထိုင်း
#မြန်မာ

Telegram https://t.me/mmgvoice

28/03/2025

5 Earthquakes Strike Myanmar, Mandalay Suffers Most Damage

March 28 / MMV

The Department of Meteorology and Hydrology has reported that five earthquakes occurred near Mandalay, Myanmar, on March 28.

According to the Department of Meteorology and Hydrology, at 12:51:12 Myanmar Standard Time today, the Mandalay earthquake observatory recorded a very strong earthquake measuring 7.7 on the Richter scale, with its epicenter approximately 20 kilometers northeast of Mandalay and a depth of 10 kilometers.

As aftershocks, earthquakes measuring 7.5, 5.9, 4.7, and 4.9 on the Richter scale continued to occur between approximately 1:02 PM and 2:26 PM.

The very strong earthquake, measuring 7.7 on the Richter scale and the subsequent aftershocks caused some houses in Mandalay to collapse and suffer damage. The Mahamuni Pagoda's entrance arch, Mandalay University buildings, parts of the Mandalay Palace walls, and some buildings at the Masoeyein Dhammarakkhita Monastery were also damaged or collapsed.

A Mandalay resident said that they had to run downstairs from their building due to the prolonged shaking during the earthquake.

The old Sagaing Bridge also collapsed today due to the earthquake.

The earthquake also affected some major cities in Myanmar, as well as cities in Thailand along the earthquake fault line, including Bangkok, Chiang Mai, and Mae Sot.

In Bangkok's Chatuchak district, a building under construction collapsed, and the Thai government has reported that at least 43 Myanmar workers may be trapped inside.

- Myanmar 24

Photo: Damage caused by the earthquake in Mandalay. (Photo - CJ/FB)

22/03/2025

ကရင်ပြည်နယ်တွင် ကော်သူးလေ အစိုးရစစ် စာမေးပွဲဖြေဆိုပြီးစီး

မတ် ၂၂ / MMV

ကရင်ပြည်နယ် ဒူးပလာယာခရိုင်၊ တပ်မဟာ(၆)၊ ဝင်းရေးမြို့နယ်တွင် ကရင်ပညာရေးနှင့် ယဉ်ကျေးမှု ဌာန၏ ကော်သူးလေ အစိုးရစစ် စာမေးပွဲအား ဖြေဆိုပြီးစီးခဲ့ကြောင်း ကေအဲန်ယူ−ကရင်အမျိူးသားအစည်းအရုံး မှထုတ်ပြန်သည်။

ဒူးပလာယာခရိုင် နယ်မြေများတွင် စစ်ကောင်စီတပ်၏ လေကြောင်းတိုက်ခိုက်မှုများရှိနေသော်လည်း စာမေးပွဲကို ၂ဝ၂၅ ခုနှစ် မတ်လ ၁၄ ရက်နေ့တွင်ဖြေဆိုပြီးစီး ခဲ့ခြင်းဖြစ်သည်။

အဆိုပါ ကော်သူးလေ အစိုးရစစ် စာမေးပွဲအား Karen Education Culture Department (KECD) Grade - 6,9,12 စသည့် အတန်းပညာရေးကျောင်းသား ကျောင်းသူများမှ နှစ်စဉ်နှစ်တိုင်းဖြေဆိုရခြင်း ဖြစ်သည်။

ဓာတ်ပုံ - စာမေးပွဲ ဖြေဆိုသည့် ကျောင်းသူ ကျောင်းသားများ။

#ဒူးပလာယာ
#ကော်သူးလေ