Move With May

08/08/2026

မေကတော့ မပြည့်စုံမှာထက် မပျော်ရွှင်နေမှာကိုပဲ စိုးရိမ်ပါတယ်…💖🍀

07/08/2026

သူတစ်ပါးရဲ့ အမှားအတွက် အပြစ်တေးထားတာဟာ.."ကိုယ်တိုင် အဆိပ်သောက်ပြီး သူတစ်ပါး သေဆုံးစေဖို့ မျှော်လင့်နေတာနဲ့ အတူတူပါပဲ"

လူ့ဘဝဆိုတာ အမျိုးမျိုးသော ရိုက်ခတ်မှုတွေနဲ့ ကြုံတွေ့ရမြဲပါ။ အထူးသဖြင့် တစ်ခါတစ်ရံ မမှန်မကန် စွပ်စွဲတာတွေ၊ ယုံကြည်မှုကို တလွဲသုံးသွားတာတွေနဲ့ စိတ်ရှုပ်စရာ မကောင်းတဲ့ အပြုအမူတွေကို ရင်ဆိုင်ရတတ်ပါတယ်။

ဒီလိုကြုံရတဲ့အခါ ကျွန်မတို့မှာ ရွေးချယ်စရာ လမ်းနှစ်သွယ် ရှိပါတယ်။
၁။ အပြစ်ယူပြီး ရန်ငြိုးဖွဲ့မလား?
၂။ လျစ်လျူရှုပြီး ကိုယ့်လမ်းစဉ်အတိုင်း အေးချမ်းစွာ ဆက်လျှောက်မလား?

အမှန်တော့ အမုန်းတွေကို စိတ်ထဲ ထိန်းထားလေလေ၊ ကိုယ့်ရဲ့ စိတ်ငြိမ်းချမ်းမှုနဲ့ တန်ဖိုးရှိတဲ့ အချိန်/စွမ်းအင်တွေကို ကိုယ်တိုင် ဖျက်ဆီးလိုက်တာနဲ့ တူလေပါပဲ။

"သင့်ကို စိတ်ဆိုးအောင် လုပ်နိုင်သူဟာ သင့်စိတ်ကို ထိန်းချုပ်ခွင့် ရသွားသူပါပဲ။"
ဒီစကားလေးကို ကျွန်မအရမ်းသဘောကျတယ်

တစ်ချို့အချိန်တွေမှာ လျစ်လျူရှုတယ်ဆိုတာ ကြောက်လို့ ရှောင်ပြေးတာ မဟုတ်ပဲ ကိုယ့်ရဲ့ စိတ်ငြိမ်းချမ်းမှုကို ဦးစားပေးကြောင်း ပြသတဲ့ "ရင့်ကျက်တဲ့ ဆုံးဖြတ်ချက်" တစ်ခုပါ။ မသမာတဲ့ စိတ်ဓာတ်တွေ၊ ပေါ့ပျက်ပျက် စကားတွေကို မတုံ့ပြန်ဘဲ နေလိုက်တာဟာ အမြင့်မြတ်ဆုံးနဲ့ အထိရောက်ဆုံး ပြန်လည်တုံ့ပြန်ခြင်း ဖြစ်ပါတယ်။

ဘဝမှာ အရာရာကို ထိန်းချုပ်လို့ မရနိုင်ပေမဲ့ ကိုယ့်ရဲ့ တုံ့ပြန်မှုကိုတော့ ကိုယ်တိုင်ရွေးချယ်ခွင့်ရှိပါတယ်..

ဒါ့ကြောင့် စိတ်ရှုပ်စရာ ကြုံလာတိုင်း ငါ့ဆီမှာနောက်ထပ် ရှေ့ဆက်ရမယ့် အနာဂတ်တွေ ချစ်ရမယ့်သူတွေရှိနေသေးတယ် ဆိုတဲ့အတွေးလေးနဲ့အတူ ဒီစာလေးသတိရလိုက်ပါ..🌺

31/07/2026

“IVF” နဲ့ “Egg Freezing” ဆိုတဲ့ စကားလုံးတွေကို ကြားဖူးပေမယ့် တကယ်ဘာလဲဆိုတာ မသိသေးတဲ့သူတွေ အများကြီးရှိပါတယ်။

ဒါကြောင့် မေက Bangkok က Fertility Clinic တွေကို ကိုယ်တိုင်သွားပြီး Egg Freezing နဲ့ IVF အကြောင်း လေ့လာခဲ့တဲ့ Experience ကို မျှဝေပေးထားပါတယ်။

ဒီ Video က ဘယ်သူ့ကိုမှ IVF လုပ်ဖို့ တိုက်တွန်းတာမဟုတ်ပါဘူး။ ကိုယ့်မှာ ဘာရွေးချယ်စရာတွေ ရှိတယ်ဆိုတာ သိရှိစေဖို့နဲ့ Fertility Health အကြောင်းကို ပိုနားလည်စေဖို့ ရည်ရွယ်ထားတာပါ။

Video ကြည့်ပြီး သိချင်တဲ့မေးခွန်းတွေရှိရင် Commentမှာဒါမှမဟုတ် Message ပို့ထားနိုင်ပါတယ်။ နောက် Video တွေမှာလည်း Egg Freezing နဲ့ IVF အကြောင်းကို လွယ်လွယ်ကူကူ ဆက်ပြီး မျှဝေပေးသွားပါမယ်။ 🤍

ဒီvideo လေးကအကျိုုးရှိတယ်ဆိုရင် အခြားသူတွေလည်း မြင်သွားအောင် like & share လေးလုပ်ပေးသွားဦးနော်..🥰

28/07/2026

စိတ်ရင်းအမှန်နဲ့ ပေးခဲ့တဲ့ မေတ္တာကို စော်ကားမိတဲ့အခါ…
ဆုံးရှုံးသွားတာက လူတစ်ယောက်တည်း မဟုတ်ဘူး။
ကိုယ့်ရဲ့ ကံကောင်းခြင်း၊ အကြည်ဓာတ်နဲ့ ငြိမ်းချမ်းမှုတွေကိုပါ တဖြည်းဖြည်း လက်လွှတ်ရတတ်တယ်။

တချို့လူတွေကို တွေ့လိုက်တာနဲ့ စိတ်ထဲမှာ အေးချမ်းသွားရတာဟာ သူတို့ရဲ့ အလှအပ၊ ဂုဏ်ဒြပ်တွေကြောင့် မဟုတ်ပါဘူး။ သူတို့နှလုံးသားထဲက မေတ္တာနဲ့ ကြင်နာမှုကြောင့်ပါ။

မေတ္တာဆိုတာ အနိုင်ယူဖို့ အသုံးပြုတဲ့ အင်အားမဟုတ်ဘဲ၊ လူတစ်ယောက်ရဲ့ နှလုံးသားကို နူးညံ့စွာ ပြောင်းလဲပေးနိုင်တဲ့ အင်အားဖြစ်ပါတယ်။

သင့်ကို နာကျင်စေခဲ့တဲ့သူ ရှိရင် အမုန်းနဲ့ မတုံ့ပြန်ပါနဲ့။ ခွင့်လွှတ်ခြင်းဆိုတာ အတိတ်ကို ဖျက်ပစ်တာမဟုတ်ဘဲ ကိုယ့်နှလုံးသားကို အမုန်းရဲ့ အကျဉ်းထောင်ထဲက လွတ်မြောက်စေတာပါ။

မေတ္တာဟာ ပေးလေလေ လျော့နည်းသွားတဲ့အရာ မဟုတ်ပါဘူး။ မျှဝေလေလေ ပိုပြီး ကြွယ်ဝလာတဲ့ ရတနာတစ်ပါးပါ။ မေတ္တာများလာတဲ့အခါ အပြုံးတွေ ပိုများလာမယ်၊ စကားတွေ ပိုနူးညံ့လာမယ်၊ ဘဝလည်း ပိုပြီး အဓိပ္ပာယ်ရှိလာပါလိမ့်မယ်။

လူတိုင်းကို အနိုင်ယူဖို့ မလိုပါဘူး။ လူတိုင်းအပေါ် မေတ္တာထားနိုင်ဖို့သာ လိုပါတယ်။ အဲဒီလို နှလုံးသားကသာ တကယ့် Beautiful Soul ဖြစ်ပါတယ်။

မေတ္တာကို မတွန့်တိုပါနဲ့။ ကြင်နာမှုကို မချွေတာပါနဲ့။ ကောင်းသောစိတ်ကို မပျောက်စေပါနဲ့။

“မေတ္တာဟာ လူတစ်ယောက်ရဲ့ အစစ်မှန်ဆုံး Power ဖြစ်ပြီး ဘဝကို တိတ်တဆိတ် ပြောင်းလဲပေးနိုင်တဲ့ အကြီးမားဆုံး Miracle ဖြစ်ပါတယ်။” 🤍

26/07/2026

ဒီဘာသာရေးအလုပ်လေးကို ကျမဘယ်လောက်ချစ်လဲဆိုရင်..
Sunday တစ်ရက်လေးအလုပ်နားပြီး တစ်နေကုန်ကျောင်းတက်ရတဲ့ နေ့မျိုးမှာတောင်.. အားတဲ့ညနေပိုင်းလေး ကျောင်းကိုအပြေးလာချင်တာ…
ဒီလိုအချိန်မှာ ကျမ သူငယ်ချင်းတွေနဲ့ တွေ့ဖို့နဲ့ အိမ်မူကိစ္စလုပ်ဖို့ အားရှိချင်မှ ရှိမယ်..
ဒါပေမယ့်.. စံကျောင်းလာဖို့အတွက်ဆို ကျမဘယ်တော့မှ မပင်ပန်းနေဘူး… ☺️🌺

မနက်ဖြန် 27 ရက်နေ့မနက် ကျောင်းမှာ ဝါဆိုသင်္ကန်းကပ်ပွဲလေးရှိပါတယ်ရှင်..🪷🙏

26/07/2026

လူတစ်ယောက်က ကိုယ့်အပေါ် တစ်ကြိမ်တစ်ခါ
ရက်စက်မိတာဆိုရင် အမှားတစ်ခု ဖြစ်နိုင်ပါတယ်။
ဒါပေမယ့် ကိုယ်နာကျင်ရမှန်း သိသိနဲ့ အကြိမ်ကြိမ်
ထပ်လုပ်နေပြီဆိုရင်တော့ အဲဒါဟာ မတော်တဆဖြစ်သွားတာ
မဟုတ်တော့ပါဘူး။
ကိုယ့်ခံစားချက်ကို အရေးမထားတော့တာ၊ ကိုယ့်အပေါ်
စာနာမှုမရှိတော့တာနဲ့ ကိုယ်က ဘယ်လောက်နာကျင်နေရပါစေ
သူ့အတွက် အရေးမကြီးတော့တာပါပဲ။

တစ်ခါတလေ ကိုယ်က “သူ ပြောင်းလဲလာမှာပါ”၊
“တစ်နေ့နေ့မှာ ကိုယ့်တန်ဖိုးကို နားလည်လာမှာပါ”၊
“ဒီတစ်ကြိမ်နောက်ဆုံး ဖြစ်မှာပါ” ဆိုတဲ့မျှော်လင့်ချက်တွေနဲ့ အကြိမ်ကြိမ် ခွင့်လွှတ်တတ်ကြပါတယ်။
ခွင့်လွှတ်ခြင်းဟာ လှပတဲ့ စိတ်ထားတစ်ခုဖြစ်ပေမယ့်
ကိုယ့်ကို ထပ်ခါထပ်ခါ နာကျင်စေခွင့်ပေးနေခြင်းကတော့
ခွင့်လွှတ်ခြင်း မဟုတ်တော့ပါဘူး။
ကိုယ့်တန်ဖိုးကို ကိုယ် မကာကွယ်နိုင်ခြင်းသာ
ဖြစ်သွားနိုင်ပါတယ်။

အပင်တစ်ပင်ကို ရေလောင်းပေးရင် ရှင်သန်လာနိုင်ပါတယ်။
ဒါပေမယ့် ရေအစား အဆိပ်ကို နေ့တိုင်းလောင်းနေမယ်ဆိုရင်
အပင်က သူ့ရဲ့ အစိမ်းရောင်ကို ဆုံးရှုံးပြီး နောက်ဆုံးမှာ
အမြစ်ကအစ ပုပ်သွားပါလိမ့်မယ်။
အပင်က အဆိပ်ကို ရေအဖြစ် ပြောင်းလဲပစ်လို့ မရသလို၊
ကိုယ့်ရဲ့ မေတ္တာနဲ့ သည်းခံမှုတွေကလည်း မစာနာတတ်တဲ့
လူတစ်ယောက်ကို အမြဲတမ်း ပြောင်းလဲပေးနိုင်မှာ
မဟုတ်ပါဘူး။

တချို့လူတွေကို ဆက်ပြီး ချစ်နေခြင်းဟာ သစ္စာရှိတာ
မဟုတ်တော့တဲ့အချိန် ရှိပါတယ်။
တချို့ဆက်ဆံရေးတွေကို လက်မလွှတ်နိုင်ခြင်းဟာ
ချစ်ခြင်းကြောင့် မဟုတ်ဘဲ အတိတ်က ကောင်းခဲ့ဖူးတဲ့
အချိန်တွေကို မမေ့နိုင်လို့၊ သူပြောင်းလဲလာမယ်ဆိုတဲ့
မျှော်လင့်ချက်ကို မစွန့်လွှတ်နိုင်လို့ ဖြစ်တတ်ပါတယ်။
ဒါပေမယ့် အတိတ်မှာ ကောင်းခဲ့ဖူးတာက လက်ရှိမှာ ကိုယ့်ကို နာကျင်စေခွင့်ပေးရမယ့် အကြောင်းပြချက်
မဖြစ်သင့်ပါဘူး။

မြွေတစ်ကောင်ကို အေးနေတဲ့အချိန်မှာ သနားလို့
ပွေ့ချီကယ်တင်ပေးခဲ့ရင်၊ နွေးလာတဲ့အခါ
ကိုယ့်ကိုပြန်ကိုက်နိုင်ပါတယ်။
မြွေက ကိုက်တာဟာ သူ့သဘာဝဖြစ်ပေမယ့်
ကိုယ်ကအကြိမ်ကြိမ် အကိုက်ခံရပြီးနောက်မှာတောင်
ဆက်ပွေ့ထားနေတယ်ဆိုရင်တော့ ကိုယ့်နာကျင်မှုကိုကိုယ်တိုင် သတိမထားတော့တာ ဖြစ်သွားပါလိမ့်မယ်။

“အကြိမ်ကြိမ် ကိုက်နေတဲ့ မြွေကို ဆက်ပြီး ပွေ့ထားခြင်းဟာ
မေတ္တာကြီးမားလို့ မဟုတ်ဘူး။
တစ်နေ့နေ့မှာ မြွေက ကိုက်တာကို ရပ်သွားမယ်ဆိုတဲ့ကိုယ့်မျှော်လင့်ချက်ကို မလွှတ်နိုင်သေးလို့ပါ။”

ကိုယ့်ကို တကယ်ချစ်တဲ့သူဟာ ကိုယ်နာကျင်နေတာကို
မြင်ရင် ရပ်တန့်ပေးတတ်ပါတယ်။
ကိုယ့်မျက်ရည်ကို မြင်ပြီးလည်း မပြောင်းလဲဘူး၊
ကိုယ်ပြောပြထားတာကို သိပြီးလည်း ထပ်လုပ်နေတယ်ဆိုရင်တော့ သူမသိလို့ မဟုတ်ပါဘူး။
သိသိနဲ့ ကိုယ့်နာကျင်မှုကို ရွေးချယ်လိုက်တာပါ။

လူတစ်ယောက်ကို ချစ်ခြင်းကြောင့် ကိုယ့်ကိုယ်ကိုယ်
မုန်းလာရတဲ့အထိ မဖြစ်သင့်ပါဘူး။
သူ့ကို မဆုံးရှုံးချင်လို့ ကိုယ့်ရဲ့ အေးချမ်းမှု၊ ယုံကြည်မှု၊
ပျော်ရွှင်မှုနဲ့ ကိုယ့်တန်ဖိုးတွေကို တဖြည်းဖြည်း
ဆုံးရှုံးနေရပြီဆိုရင်တော့ အဲဒီဆက်ဆံရေးဟာ
ခိုလှုံရာ မဟုတ်တော့ဘဲ နာကျင်မှုတွေကို
ဖန်တီးပေးနေတဲ့ နေရာတစ်ခု ဖြစ်နေပါပြီ။

တချို့လူတွေကို လက်လွှတ်လိုက်ခြင်းဟာ
ရှုံးနိမ့်ခြင်းမဟုတ်ပါဘူး။
ကိုယ့်စိတ်နှလုံးကို ကယ်တင်ခြင်းဖြစ်ပါတယ်၊
ထွက်ခွာသွားခြင်းဟာ မချစ်တော့လို့ မဟုတ်ဘဲ
ဆက်ချစ်နေရင်းနဲ့ ကိုယ့်ကိုယ်ကိုယ် ပျောက်ဆုံးသွားမှာကြောက်လို့ ဖြစ်နိုင်ပါတယ်။

တံခါးတစ်ချပ်ကို အကြိမ်ကြိမ် ခေါက်နေပေမယ့်
အတွင်းကလူက ဖွင့်ပေးဖို့ စိတ်မရှိဘူးဆိုရင်၊
ကိုယ့်လက်တွေ နာကျင်သွားတဲ့အထိ ဆက်ခေါက်နေဖို့
မလိုပါဘူး။
တစ်ခါတလေ အဲဒီတံခါးရှေ့ကနေ လှည့်ထွက်လာခြင်းကသာ ကိုယ့်အတွက် ဖွင့်ထားတဲ့ တခြားတံခါးတွေကို
မြင်နိုင်စေမှာပါ။

ဒါကြောင့် လူတစ်ယောက်က ကိုယ့်အပေါ် အကြိမ်ကြိမ်
ရက်စက်နေပြီဆိုရင်၊ ကိုယ့်ကို မစာနာတော့ဘူးဆိုတာကို
လက်ခံတတ်ဖို့ လိုပါတယ်။
သူ့အတွက် အကြောင်းပြချက်တွေ ရှာပေးနေတာကိုရပ်ပြီး
ကိုယ့်နာကျင်မှုကို ကိုယ်ပြန်နားထောင်ပေးပါ။
ဆက်ပြီး ပတ်သက်နေသမျှ သူပြောင်းလဲမယ်ဆိုတဲ့မျှော်လင့်ချက်ထက် ကိုယ်ထပ်နာကျင်ရမယ့်
အလားအလာက ပိုများနေမှာပါ။

ကိုယ့်ကို တန်ဖိုးမထားတဲ့သူကို ဆက်တွယ်ဖက်ထားခြင်းထက်၊ ကိုယ့်တန်ဖိုးကို သိပြီး လက်လွှတ်နိုင်ခြင်းက
ပိုပြီး သတ္တိရှိတဲ့ ရွေးချယ်မှုပါ။

တချို့လူတွေကို ခွင့်လွှတ်ပေးလို့ ရပါတယ်၊
ဒါပေမယ့် ကိုယ့်ဘဝထဲကို ပြန်ဝင်လာပြီး
ထပ်နာကျင်စေဖို့ နေရာပေးစရာတော့ မလိုပါဘူး။ခွင့်လွှတ်ခြင်းက သူတို့အတွက် ဖြစ်နိုင်ပေမယ့်
ထွက်ခွာခြင်းကတော့ ကိုယ့်အတွက် ဖြစ်ပါတယ်။

ထိန်လင်းသာဆရာတော်
25.7.2026

24/07/2026

ထိုင်းနိုင်ငံ နခေါ်န်ချိုင်စီမြို့တွင်
ဆရာတော်အရှင်သူရိယအရှင်မြတ် (သာသနာ့ဝန်ဆောင်ကျောင်း အေးသာယာ) မှ ဦးဆောင်၍အသစ်
တည်ဆောက်မည့်ဓမ္မဓုရာဝဟ ဝိပဿနာရိပ်သာ အတွက် ပါဝင်လှူဒါန်းလိုပါက မေ့ကိုဆက်သွယ်၍သော်လည်းကောင်း အခုshareထားတဲ့ Pageလေးမှာလည်းကောင်းဆက်သွယ်လှူဒါန်းနိုင်ပါတယ်ရှင်..🙏🪷

22/07/2026

တစ်ခါတစ်လေ မိုးလင်းကတည်းက ညအိပ်ချိန်ထိ အလုပ်တွေ၊ တာဝန်တွေ၊ စားဝတ်နေရေး အတွေးတွေကြားမှာ နစ်မွန်းရင်း ကိုယ့်ကိုယ်ကိုယ် သတိပြန်ကပ်ဖို့ မေ့နေတတ်ကြပါတယ်။

ဒီလိုနဲ့ မသိမသာ စိတ်ဖိစီးမှုတွေ၊ ပင်ပန်းမှုတွေ စုပုံလာတဲ့အခါ လူရောစိတ်ရော အားအင်တွေ ကုန်ခမ်းလာရတာပါပဲ...
ဒါကြောင့် အမြဲတမ်း တက်ကြွလန်းဆန်းနေနိုင်ဖို့ စိတ်လေးကြည်လင်နေစေဖို့ မေ သုံးနေတဲ့ နည်းလမ်းလေးအချို့မျှဝေပေးချင်ပါတယ်။
🌿၂/၃ နာရီတစ်ခါ မိနစ်ပိုင်းလေးဖြစ်ဖြစ် -
ကိုယ့်ကိုယ်ကိုယ် သတိပြန်ကပ်ပြီး ဝင်လေထွက်လေလေး အေးဆေး မှတ်ပေးပါ။
🍀စိတ်ရှုပ်လာရင် သို့မဟုတ် Pressure များလာရင် -
ချက်ချင်း အသက်ကို ပြင်းပြင်းလေး သေချာ ရှူသွင်း/ရှူထုတ်လုပ်ပြီး ခန္ဓာကိုယ်နဲ့ စိတ်ကို reset ပြန်ချပေးပါ။

ဒီလို ခဏတာ စိတ်ကို အနားပေးလိုက်တာက ရှေ့ဆက်ရမယ့် အလုပ်တွေကို အများကြီး ပိုမိုအဆင်ပြေစေပါတယ်၊၊
မေ့အတွက် အင်မတန် အသုံးတည့်လွန်းလို့ မိတ်ဆွေတို့လည်း ဒီနည်းလမ်းလေးကို စမ်းကြည့်ကြဖို့ Sharing လုပ်ပေးလိုက်ပါတယ်။ ❤️

22/07/2026

🙏🙏🙏

🪷ဝါဆိုသင်္ကန်းကပ် ပရိတ်တရားတော်နာ ဖိတ်ကြားလွှာ 🙏

ဓမ္မသာလာစံကျောင်း ဂိလာနသံဃာတော်များစောင့်ရှောက်ရေးအဖွဲ့၏ ကျေးဇူးရှင် ဩဝါဒါစရိယ ဆရာတော်ဘုရားများနှင့် နာယကဆရာတော်များ၏ ဩဝါဒကိုခံယူ၍..
ဘန်ကောက်မြို့၊ Sukhumvit 93 ရှိ ဓမ္မသာလာစံကျောင်းတော် တွင် ဓမ္မသာလာစံကျောင်း ဂိလာနသံဃာတော်များစောင့်ရှောက်ရေးအဖွဲ့မှ ဦးစီးမှူးမတ်၍ သံဃာတော်အရှင်သူမြတ်တို့အား ဝါဆိုသင်္ကန်း ဆက်ကပ်လှူဒါန်းပွဲ ကို ကျင်းပပြုလုပ်မည် ဖြစ်ပါသည်၊၊
သို့ဖြစ်ပါ၍ ဓမ္မမိတ်ဆွေ ဒါယကာ၊ ဒါယိကာမအပေါင်းတို့အနေဖြင့် ကြွရောက်၍ သာဓုအနုမောဒနာခေါ်ဆို ကုသိုလ်ယူကြပါရန် လေးစားစွာ ဖိတ်ကြားအပ်ပါသည်။
ကျင်းပမည့်ရက် - ၂၇-၇-၂၀၂၆ (တနင်္လာနေ့)
အချိန် - နံနက် ၆:၀၀ နာရီ
နေရာ - ဓမ္မသာလာစံကျောင်းတော် (အိမ်အမှတ် ၄ ၊ Soi Phueng Mi 40, Sukhumvit 93, ဘန်ကောက်မြို့)

စေတနာရှင် ဓမ္မမိတ်ဆွေအပေါင်း ကိုယ်၏ကျန်းမာခြင်း၊ စိတ်၏ချမ်းသာခြင်းတို့ဖြင့် ပြည့်စုံကြပါစေ။ 🌸🙏

🪷နိဗ္ဗာန်အကျိုးနိူးဆော်၍🙏
ဓမ္မသာလာစံကျောင်း ဂိလာနသံဃာတော်များ စောင့်ရှောက်ရေးအဖွဲ့

#ဓမ္မသာလာစံကျောင်း #သာဓု #သံဃာ

18/07/2026

လူတစ်ယောက်ဘာကိုတန်ဖိုးထားသလဲဆိုတာ… သူ့ပါးစပ်ကပြောတာကို မယုံနဲ့ ..
သူ့လုပ်ရပ်ကိုပဲကြည့်ရုံနဲ့ သိနိုင်တယ်
လူတစ်ယောက်က သူရဲ့အားလပ်ချိန်တော်တော်များများနဲ့ သူပုံမှန်လုပ်နေကြသူ့အကျင့်က သူတန်ဖိုးထားတဲ့အရာပါပဲ..
လျှာဖျားလေးနဲ့ကတော့လူတိုင်းအကောင်းပြောတက်ပေမယ့် လုပ်ရပ်တွေက သက်သေပါပဲ..ရှင်