เว็บไซต์คืออะไร?

https://www.facebook.com/104015521900098/

Revolutionary

Fight For Freedom

14/09/2022

တော်လှန်ရေးသမားတွေဆိုတာ သစ်ခုတ်သမားလိုပဲလို့ တွေးကြည့်ရအောင်
တောရိုင်းမြေမှာ သစ်ပင်ခုတ်မယ်တောရှင်းမယ်

ဟုတ်ပြီ ဒီကြားထဲကမှ သစ်တုံးကိုပုံဖော်ချင်လိုပါတယ် ဆိုလာတဲ့သူတွေရှိမယ် လာရောက်ပူးပေါင်းလို့ရတယ်
BUT
သစ်တုံးရဖို့ သစ်ပင်ကို အရင်ခုတ်ရဦးမယ်

အရင်လုပ်မယ့်အလုပ်ကို အရင်လုပ်နေစဥ်မှာပဲ တပြိုင်နက်ထုဆစ်လို့ရတာတွေကို ထုဆစ်ကြပါ အိုခေတယ်

သူ့အကန့်နဲ့သူ မရောဘူး သို့သော် ချိတ်ဆက်မှုရှိတယ်
လေးစားရမယ်
ကိုယ်တိုင်မခုတ်ဘဲနဲ့ ခုတ်ပါတယ်လို့လည်း ဂုဏ်မဆာနဲ့ ရိုးသားရမယ်

ခုတ်သလိိုလို ထုဆစ်သလိုလိုနဲ့ အလုပ်မလုပ်တာမျိုူလည်း မလုပ်နဲ့ပေါ့
သူများက ခုတ်ထားတာကိုလည်း အလစ်မသုတ်နဲ့ ပွင့်ပွင့်လင်းလင်းပြောပြီးယူသုံးသင့်ပါတယ်

ကြိုတင်ပြီး ပွင့်လင်းမြင်သာအောင် ပြောထားရမယ် ပြောကိုပြောထားရမယ်

ဖုံးသလိုကွယ်သလို ဝှက်သလိုနဲ့ ချလည်းမပြ (မဟာဗျူဟာမြောက်နေလို့ ချမပြတာမျိုး မဟုတ်ဘဲ ကိုယ်ရေးကိုယ်တာအတွက် လီစယ်တာမျိုး)

တကယ်တမ်းက ဘယ်လိုပဲဖြစ်ဖြစ် ချပြသင့်သလောက်ချပြတာမျိုး တိုင်ပင်ဆွေးနွေး အဖြေရှာတာမျိုး ပြုသင့်ပါတယ်

လက်သင့်ရာစားတော်ခေါ်ပြီး ကျိတ်လုပ်တာမျိုး ရှောင်ရပါမယ်

တပည့်မွေးဆရာမွေး ရှောင်ရပါမယ်

စနစ်မှားကိုတိုက်ရင်း စနစ်မှားလိုကျင့်သုံးမိနေတတ်တာပြင်ရမယ်

ငါက မခုတ်နိုင်ဘူး ထုဆစ်ချင်တာ
ဒီလိုမျိုးပြောပါရတယ်
ထုဆစ်ဖို့ တကန့်လုပ်ပေးမယ်

၀င်မယောင်နဲ့
၀င်မရှုပ်နဲ့
သူ့ကဏ္ဍနဲ့သူ

ထိုးမချနဲ့

ငါမပြောဘူးလားမလုပ်နဲ့

ငါသိငါတတ်မလုပ်နဲ့

အတူပူးပေါင်းဆောင်ရွက်ခြင်းဆိုတာကို သဘောပေါက်ရမယ်

ဆိုက်ဝါး လား နှိုက်စားလားဆိုတာ သဘောပေါက်တတ်တဲ့သူတွေချည်းပဲ

အထင်မြင်မသေးဘဲ တမင် အလေးထားဆက်ဆံပေးတတ်တဲ့သူတွေဟာ အ လို့မဟုတ်ပါဘူး
ရှက်စရာတွေမှာ ဘက်မပြိုင်ချင်တတ်ကြလို့ပါ

🌸သုတ
(ပြောသင့်တာပြောပါမယ် ပြင်ရန်လိုတာပြင်ရပါမယ် ပြင်ကြပါမယ်)

05/07/2022

✈✈ တွေတက်လာတိုင်းလဲ
မကြောက်နဲ့...
သူတို့ ရဲ့ မသာ သွားတင်တာလဲ ဖြစ်နိုင်တာဘဲ. 😁

28/06/2022

အတ္တစိတ်နှင့်စာနာစိတ်
---------------
by Sayar Nay

ဘတ်စ်ကားပေါ်မှာ မိန်းမကြီးတယောက်ကို ထိုင်ခုံဖယ်ပေးဘူးတယ်။

ခဏနေတော့ သူ့ဘေးကလူ ထသွားလို့
ကိုယ်ပြန်ထိုင်ရပြီ မှတ်တာ
မိန်းမကြီးက ကျနော် ဝင်မရအောင်သူ့ကိုယ်လုံးကြီးနဲ့ကွယ်ပြီး သူ့အဖေါ်မိန်းမတယောက်ကို ဝင်ထိုင်ခိုင်းတယ်။

ကျနော် နာကြည်းသွားတာပေါ့ဗျာ။

အဲ့မိန်းမကြီးနဲ့ food boxကနေ သိမ်းကြုံးသယ်တဲ့ မိန်းမနဲ့ ရုပ်ချင်းခပ်ဆင်ဆင်။

အစားတလုပ် ထိုင်ခုံတနေရာစာအတွက် အကျင့်သိက္ခာနဲ့စာနာစိတ်ကို မထိန်းသိမ်းတတ်ဘူး။

ငတ်နေလို့ပါ သနားပါတယ် လာမပြောနဲ့
မျှဝေရမယ်ဆိုတဲ့ အကြင်နာတရား အသိဉာဏ် မရှိတာ အဓိကပဲ။

ဒါကြောင့် ထိခိုက်ဒဏ်ရာရလို့လဲနေသူကို မကူညီဘဲ
လက်ဝတ်လက်စားဖြုတ်ယူ လူကို သတ်ပစ်တာမျိုး သိပ်ကြောက်စရာကောင်းတဲ့ လူဆိုးလူယုတ်မာတွေ ပေါ်လာတာ။

ဒါတွေ ပြုပြင်ဖို့ ဘယ်လိုလုပ်မလဲ။

ကျောင်းမှာ လောကနီတိထည့်သင်
မသင်မနေရပညာရေးကို အနည်းဆုံး အထက်တန်းလောက်အထိ ထား။

လူ့ကျင့်ဝတ်နဲ့ဆိုင်တဲ့ ရုပ်ရှင်ဗီဒီယိုတွေ များများပြပေး ကျနော်တော့ ဒီလောက်ပဲ တွေးတတ်တယ်။

28/06/2022

Carabao ဝတ်ထားတဲ့ အင်္ကျီလေးက ချစ်စရာ

28/06/2022

စစ်ဘေးရှောင်လေးများရဲ့ ဘဝ

23/06/2022

KNDO_Special တပ်ရင်းမှ
တပ်ရင်းမှူး ဗိုလ်အယ်ကွီး (ခ) ကော်လာဖိုး နှင့်
ထားဝယ်ခရိုင်ပြည်သူ့ကာကွယ်ရေးတပ်ဦးမှ
ရဲဘော်ကြီး မိုးကြိုး_Tavoy တို့မှ
မြန်မာပြည်တစ်ဝှမ်းရှိ ပြည်သူများနှင့် တော်လှန်ရေး ညီကိုမောင်နှမများသို့ မိတ်ဆက်ခြင်း၊ အားပေးစကားပြောခြင်း နှင့် အတူ လက်ရှိ ကြုံတွေ့နေရသော အခက်အခဲအချို့ကို ပြောကြားပေးသွားပါတယ်။

#ထားဝယ်ခရိုင်ပြည်သူ့ကာကွယ်ရေးတပ်ဦး
#ဘုံရန်သူကိုချေမှုန်းဖို့

22/06/2022

ပွင့်ဖြူသွေးကြွေး နေ့တွင်းချင်းပြန်ဆပ် ခင်ဦးမြို့ PDFစုပေါင်းတပ်က
ဝိုင်းဗျင်းတာ စကစ၃ပွင့် ၁ကောင်အပါအဝင် စခ+ပျူ+ရဲ ၁၄ ကောင် ငရဲပြည်ရောက်..👇

21/06/2022

“ပထမဦးစားပေး စာနာပေးရမဲ့ လူတွေ”

▪️ကိုရီးယား ဂျိုဆွန်းခေတ်က စစ်သူကြီး လီဆွန်းရှင်းအကြောင်း ရိုက်ထားတဲ့ ဇာတ်လမ်းတွဲတစ်ခု ငယ်ငယ်က ကြည့်ဖူးတယ်။ အဲဒီထဲက ဇာတ်ဝင်ခန်း/ အဖြစ်အပျက်တစ်ခုက နောက်ပိုင်း ကျွန်တော် အလုပ်လုပ်တဲ့အခါ၊ ဦးဆောင်မှု ပေးတဲ့အခါ ပြန်အသုံးချမိတဲ့ သင်ခန်းစာတစ်ခု ဖြစ်ခဲ့ပါတယ်။

ဂျပန်တွေရဲ့ ကျူးကျော်စစ်က နှစ်တွေကြာလာတဲ့အခါ ရှေ့တန်းက စစ်သားတွေလည်း ပင်ပန်းလာကြတာပေါ့။ တစ်ရက်တော့ အောက်ခြေတပ်သား ၃ ယောက်က ထွက်ပြေးတယ်။ လိုက်ဖမ်းတော့ မိသွားတယ်။ အပြစ်ပေးရဖို့ ဖြစ်လာတယ်။ အဲဒီမှာ စစ်သူကြီးက သေဒဏ်ပေးဖို့ အမိန့်ချလိုက်တယ်။

တခြားတပ်မှူးတွေကအစ အကုန်အံ့သြသွားတာပေါ့။ ဘာလို့ဆို ဒီစစ်သူကြီးက သူ့လက်အောက်ငယ်သားတွေကို သွေးသားရင်းချာလို သဘောထားတာ သိနေတာကိုး။ နောက်ပြီး ထွက်ပြေးတာကလည်း ဒလန်လုပ်ဖို့ မဟုတ်ဘူး။ အမေဆုံးတဲ့သူက ဆုံး၊ ကလေးဆုံးတဲ့သူက ဆုံးနဲ့ဆိုတော့ ခဏတဖြုတ် ပြန်ချင်ကြတာမျိုး။ နားလည်ပေးလို့ ရတဲ့ အကြောင်းပြချက်တွေပေါ့။ အဲဒါကို ကွပ်မျက်ဖို့ အမိန့်ချတော့ အံ့သြကုန်ကြတာ။

နောက်တော့မှ ဒီစစ်သူကြီးက သူ့ရဲ့ နေ့စဉ်မှတ်တမ်းမှာ ရေးတယ်။ သူ ဒီလိုမလုပ်ချင်ဘူး။ တပ်သားတွေရဲ့ ခံစားချက်ကိုလည်း စာနာတယ်။ ဖြစ်နိုင်ရင် ပေးပြန်ချင်တယ်။ ဒါပေမဲ့ သူတို့ကို တင်းတင်းကြပ်ကြပ် မကိုင်တွယ်လိုက်ရင် ကျန်တဲ့တပ်သားတွေကပါ အဲ့လိုလုပ်လာကြလိမ့်မယ်။ တပ်ရဲ့ စုဖွဲ့မှု အစည်းပြေသွားလိမ့်မယ်။ ဒါကြောင့် ဒီဆုံးဖြတ်ချက်ကို ချလိုက်ရတယ်။ ဒါမှသာ အားလုံး အိမ်ပြန်ခွင့်ရတဲ့ တစ်နေ့ကို ရောက်လာလိမ့်မယ်ပေါ့။

▪️နောက်ပိုင်း ကျွန်တော် အလုပ်တွေ လုပ်တဲ့အခါ တချို့ဝန်ထမ်းတွေ ရုံးနောက်ကျတယ်။ ဘာလို့လဲဆိုတော့ ကလေးနေမကောင်းလို့၊ မိသားစုပြဿနာ ရှိလို့ စသဖြင့်ပေါ့။ သူတို့အခက်အခဲကို နားလည်တယ်။ သို့သော် ခွင့်ပြုပေးလို့တော့ မရဘူး။ အဲ့လိုနောက်ကျခွင့် ပေးလိုက်ခြင်းဟာ တူညီသော အခြေအနေမှာကိုပဲ သူ့လို နောက်မကျဘဲ ရုံးချိန်အမီ ရောက်အောင် ကြိုးစားလာတဲ့ တခြားဝန်ထမ်းကို စိတ်ဓါတ်ကျစေလိမ့်မယ်။

သူက ကလေးနေမကောင်းလို့ ဆို ကျွန်တော်လည်း အမေမှ နေမကောင်းတာ၊ ကျွန်မမှာလည်း ကလေးရှိတာပဲ စသဖြင့် ဖြစ်လာကြရင် ဒီအဖွဲ့က ထိန်းလို့ကို ရမှာ မဟုတ်တော့ဘူး။ အစည်းပြေသွားမယ်။

▪️အခု တော်လှန်ရေးမှာလည်း ဒီလိုပဲ။

ကျွန်တော်တို့ နားလည်တယ်။ Non-CDM တွေထဲမှာ စစ်တပ်ကို ထောက်ခံလို့ မဟုတ်ဘဲ မိသားစု၊ စားဝတ်နေရေး စသဖြင့် အခြေအနေ အကြောင်းကြောင်းကြောင့် အလုပ်ပြန်ဝင်လိုက်ရတဲ့သူတွေ ရှိတယ်။ သူတို့ဟာသူတို့လည်း အပြစ်ရှိသလို ခံစားနေကြရတယ်။ ဒီလိုလူတွေကို အပြစ်မပြောလိုဘူး။

သို့သော် သူတို့လို အခြေအနေမှာကိုပဲ၊ ဆိုလိုတာက မိသားစုကိစ္စ၊ စားဝတ်နေရေး အခက်အခဲတွေ ကြားထဲကကိုပဲ CDM လုပ်ပြီး တောင့်ခံနေတဲ့သူတွေ တစ်ပုံကြီး ရှိတယ်။

အဲ့ဒီတော့ Non-CDM တွေကို နားလည်ပါတယ် ဆိုပြီး ပြောနေခြင်းက ဒီဘက်က တူညီသော အခြေအနေမှာ မတူညီသော ရွေးချယ်ရပ်တည်မှုကို လုပ်ခဲ့ကြတဲ့ CDMer တွေကို မျက်နှာဖြတ်ရိုက်လိုက်သလိုပဲလို့ ကျွန်တော်ကတော့ ခံယူတယ်။

▪️ဆေးရုံမှာ အလုပ်ဆက်လုပ်နေကြတဲ့ ဆရာဝန်ကြီးတွေထဲ ကျွန်တော်တို့ ဆရာသမားတွေ ပါတယ်။ နားလည်တယ်၊ အသက်အရွယ်အရရော၊ ရထားတဲ့ ဘဝအခြေအနေကြောင့်ပါ တော်လှန်ရေးထဲ မစွန့်စားချင်ဘူး ဆိုတာကို။ ရှောင်ရတိမ်းရ၊ လွတ်မြောက်နယ်မြေမှာ သွားနေရတယ် ဆိုတာ လွယ်တဲ့ကိစ္စမှတ်လို့။

သို့သော် တစ်ဖက်မှာလည်း အဲ့လိုအခြေအနေကနေပဲ တော်လှန်ရေးထဲ ဝင်ပါနေတဲ့ ဆရာဇော်ဝေစိုး၊ ဆရာခင်မောင်လွင်၊ ဆရာစိုးမင်း အပါအဝင် ဆရာကြီး၊ ဆရာမကြီးတွေ ရှိနေတယ်။ ဖမ်းဆီးခံထားရတဲ့သူတွေ၊ ထောင်ထဲမှာ အသက်သေဆုံးသွားတဲ့ ဆရာဝန်ကြီးတွေ ရှိတယ်။ ခုနကလို နားလည်ပါတယ် ဆိုပြီး ပြောနေတာက သူတို့ကို အားနာဖို့ ကောင်းတယ်။

▪️အနုပညာရှင်တွေ၊ Social influencer တွေလည်း ထိုနည်းလည်းကောင်းပဲ။ ဘဝတွေ မရင်းနိုင်တာ နားလည်တယ်။ ဒါပေမဲ့ အဲ့လိုအတူတူချင်းကို အနာဂတ်တွေ ရင်းထားကြတဲ့ ချစ်သုဝေတို့၊ ကိုပေါက်တို့၊ နော်ထိုက်တို့ကို ကျွန်တော်တို့ အရင်ဆုံး ဂုဏ်ပြုမှု လုပ်ရလိမ့်မယ်။

▪️တက္ကသိုလ်သွားတက်နေတဲ့ လူငယ်တွေကို ဖြစ်သင့်တယ်၊ မှန်တယ် ပြောနေတာကရော ဒီဘက်မှာ တက္ကသိုလ် မတက်ဘဲ တောင့်ခံနေတဲ့ CDM ကျောင်းသားတွေကို စိတ်မထိခိုက်စေဘူးလား။

ဆယ်တန်းကလေးတွေမှာလည်း ဒီလိုပဲ။ ဂုဏ်ထူး ၅ ဘာသာ၊ ၆ ဘာသာ စသဖြင့် ပြောနေတဲ့သူတွေကို သူတို့ရွေးချယ်မှုပဲမို့ နားလည်ပေးပါ၊ စည်းရုံးပါ ဆိုတော့ စာမေးပွဲဝင်မဖြေဘဲ နေခဲ့တဲ့ ကလေးတွေ ဘယ်လိုခံစားရမယ် ထင်သလဲ စဉ်းစားကြည့်ပေါ့။

အကုန်လုံးသာ လိုက်နားလည်ပေးနေရရင် ဒါဆို ငါတို့လည်း ကျောင်းတက်မှာပေါ့၊ စာမေးပွဲ ဝင်ဖြေမှာပေါ့၊ အလုပ်တွေ ပြန်လုပ်မှာပေါ့၊ အရင်လို ဘဝတွေဆီ ပြန်သွားကြမှာပေါ့ ဖြစ်ကုန်ကြလိမ့်မယ်။ တကယ်မလုပ်တောင် သူတို့ရွေးချယ်မှုနဲ့ ပတ်သက်လို့ စိတ်ဓါတ်တော့ ကျကြမှာချည်းပဲ။

▪️မတရားမှုတစ်ခုကို လူတွေ ဘယ်လိုတုံ့ပြန်သလဲ ဆိုတာက နောင်ဖြစ်လာလတ္တံ့သော မတရားမှုတွေအပေါ် သက်ရောက်မှု ရှိတယ်။

မဆိုင်သလို နေခဲ့သူတွေ၊ နေသာသလို နေခဲ့သူတွေက ဘာထိခိုက်နစ်နာမှုမှ မရှိဘဲ၊ တတ်နိုင်တဲ့ နေရာကနေ ဝင်ကူခဲ့ကြသူတွေချည်း ပျက်စီးဆုံးရှုံးရမယ်ဆို နောက်ထပ် နောက်ထပ် မတရားမှုတွေမှာ လက်ပိုက်ကြည့်နေသူတွေသာ များလာလိမ့်မယ်။

ဒါကြောင့် အနိမ့်ဆုံးအနေနဲ့ ကိုယ်မလုပ်နိုင်တောင် လုပ်နေတဲ့သူတွေကို ဂုဏ်ပြုဖို့ လိုတယ်။ စိတ်ခွန်အားပေးဖို့ လိုတယ်။

▪️တစ်ခါတလေကျ စာနာနားလည်မှုတွေပဲ သိပ်အားကောင်းသွားတာလား၊ လူအများနဲ့မတူ ကွဲပြားရတာကို နှစ်သက်တာလား မပြောတတ်ဘူး။ အမိုးအကာအောက်မှာ အဆင်ပြေနေတဲ့သူတွေကို နားလည်ပေးဖို့ မိုးထဲလေထဲ ဒုက္ခရောက်နေသူတွေကို နားချနေကြတာ တွေ့ရတယ်။

အရက်မူးပြီး ကားမောင်းလို့ တိုက်မိပြီး လူသေသွားတယ်။ အဲဒီလူရဲ့ ကျန်ရစ်သူ မိသားစုကို သတင်းသွားမမေး၊ ငွေမကူသေးဘဲ ဒီဘက်က မူးပြီး မောင်းမိတဲ့ လူကို အရင်သွားနှစ်သိမ့်၊ အားပေး၊ နားလည်နေတာမျိုးဟာ ဖြစ်သင့်ရဲ့လားဆိုတာ စဉ်းစားကြည့်ပါ။

ဒါ အစွန်းရောက်တာ မဟုတ်ဘူး။ အမုန်းပွားခိုင်းနေတာလည်း မဟုတ်ဘူး။ ကိုယ့်ရဲ့ စာနာနားလည်မှုကို အမေကျော် ဒွေးတော်လွမ်းသလို မဖြစ်စေချင်တာပါ။

▪️အကြမ်းဖက် အနိုင်ကျင့်မှုတစ်ခုမှာ ကြားနေတယ် ဆိုတာ အဲဒီအကြမ်းဖက်မှုမှာ သွယ်ဝိုက်သောအားဖြင့် ပါဝင်နေခြင်း ဖြစ်တယ်။

အဲ့လိုပဲ၊ အလုပ်လုပ်တဲ့ ဝန်ထမ်းနဲ့ အလုပ်မလုပ်တဲ့ ဝန်ထမ်းကို တူညီသော ချီးကျူးမှု၊ ဆက်ဆံမှု ပြုလုပ်ခြင်းဟာလည်း အလုပ်လုပ်တဲ့ ဝန်ထမ်းကို အလုပ်လုပ်ချင်စိတ် ကုန်ဆုံးသွားစေတယ်။

တော်လှန်ရေးကျ မတရားမှုကို တွန်းလှန်နေတာ ဖြစ်တဲ့အတွက် အလုပ်ခွင်လို သူတစ်ယောက်တည်းနဲ့တင် မပြီးသွားဘူး။ ဒီမျိုးဆက်နဲ့တင် ရပ်မနေဘူး။ ဒီအဖြစ်အပျက်ကြီးကို ကြည့်ရှုသင်ယူနေတဲ့ ကလေးတွေဆီပါ သက်ရောက်မှု ရှိတယ်။

▪️တော်လှန်ရေးဟာ မာရသွန်ခရီးရှည်ကြီးမို့ လမ်းခုလတ်မှာ ပြတ်ကျန်ခဲ့တဲ့သူတွေကို ကျွန်တော်တို့ အပြစ်မတင်ဘူး။ အကြောင်းကြောင်းကြောင့် မပါဝင်နိုင်တဲ့သူတွေကိုလည်း နားလည်တယ်။ သို့သော် အဲဒါတွေကို ထုတ်ဖော်ပြီး ပြောနေမှာတော့ မဟုတ်ဘူး။ ဘာလို့ဆိုတော့ တူညီသော အခြေအနေမှာကိုပဲ မရရအောင် တောင့်ခံပြီး ပါဝင်နေတဲ့သူတွေကို အားနာစရာ ကောင်းလို့ပဲ။ သူတို့ကသာ ကျွန်တော်တို့ ပေးရမဲ့ နားလည်မှု၊ စာနာမှုတွေအတွက် ပထမဦးစားပေး ဖြစ်သင့်တယ်လို့ ခံယူထားပါတယ်။

ဒေါက်တာ ဖြိုးသီဟ
၂၁.၆.၂၀၂၂

20/06/2022

မတိုးတက်သော ရွာ /ရပ်ကွက်..
======================
၁။ လူတတ်ပေါ၍ ဆရာများခြင်း
၂။ လူကပ်ပေါ၍ ကန့်လန့်တိုက်ခြင်း
၃။ အမှားကို ဝန်မခံဘဲ အငြင်းသန်ခြင်း
၄။ မှန်တယ်ထင်၍ မတိုင်ပင်ဘဲ
ရမ်းလုပ်ခြင်း..
၅။ အလုပ်ကိစ္စမှန်သမျှ တွက်ကပ်ခြင်း..
၆။ ဗဟုသုတ၊စာဖတ်အား နည်းပါး ခြင်း..
၇။ ကိုယ်တိုင်ဦးမဆောင်နိုင်ဘဲ
သူတစ်ပါးကို အပြစ်ပြောခြင်း...
၈။ ညီညွတ်တိုင်ပင်စွာ မပြုလုပ်ဘဲ
ကန့်လန့်တိုက်ငြင်းခုန်ုခြင်း..
၉။ ခေါင်းဆောင်ကောင်းနဲ့
နောက်လိုက်ကောင်း မရှိခြင်း..
၁၀။ တတ်ယောင်ကန်းများ ပေါများခြင်း..
ထိုလူများ ပေါများပါက ရပ်ရွာတိုးတက်မှု၊စည်းလုံးညီညွတ်၊သာယာဖို့ဆိုတာ မဖြစ်နိုင်ချေ။
လှည်းဘီး နွံထဲ ကျွံနေသည်..
မင်း မတွန်းရင် ငါလည်း မတွန်းပါက
လမ်းပိတ်နေရင် ရောက်လိုသောခရီး
အချိန်ကြာတတ်ပါသည်။

19/06/2022

မွေးနေ့မှာ ကျန်းမာပျော်ရွှင်ပါစေ မိန်းခလေး

လူ့ဘဝမှာ
Professional skill လို့ ခေါ်တဲ့
အသက်မွေးဝမ်းကျောင်း အတတ်ပညာဆိုတာ ....
မသေမချင်း သင်ယူလို့ ရတယ်
ငတုံး ငအ ဖြစ်နေပါစေ...အချိန်က သင်ပေးသွားရင်
ကားမောင်းလည်း တတ်လာမယ်
စာရင်းကိုင်လည်း ဖြစ်လာမယ်
ရာထူးသည်လည်း ကြီးလာမယ်
ဘာမှ သိပ် မထူးဆန်းပါဘူး ...နော်
အင်ဂျင်နီယာ ဖြစ်ဖြစ်...ဆရာဝန်..ဖြစ်ဖြစ်
သရုပ်ဆောင် မင်းသမီးပဲ ဖြစ်ဖြစ်ပါ
အလုပ်က သင်ပေးသွားတာပဲ
အချိန်ကြာလာရင် ကျွမ်းကျင်ရာ လိမ္မာ ဖြစ်လာကြတာပဲ

ဒါပေမဲ့ ဗုဒ္ဓဘာသာလိုပြောရရင်" ပါရမီ " ပေါ့
အနောက်တိုင်းကတော့ Talents လို့ခေါ်တဲ့
အားသာချက် အရည်အသွေးတွေကတော့
အချိန်တွေ ဘယ်လောက်ပဲ ကြာကြာ....
အသက်တွေ ဘယ်လောက်ပဲ ကြီးကြီး....
ကျွမ်းကျင်ရာ လိမ္မာ ဖြစ်မလာပါဘူး။

လူပီသဖို့ လူ့အရည်အသွေး( life skills) တွေဖြစ်တဲ့
(၁)စကားပြောစွမ်းရည်
(၂)စာရေးသားနိုင်စွမ်း
(၃)အထွေထွေ ဗဟုသုတ
(၄)ပညာဥာဏ်
(၅)ရိုးသားမှု့
(၆) လူမှု့ ဆက်ဆံရေး စတဲ့ အရည်အချင်းတွေဟာ
အချိန်ကြာလာရုံနဲ့
အသက်ကြီး လာရုံနဲ့ တိုးတက်မလာပါဘူး။

စောင်သက်ကြီး သေခါနီး (၇၀)ကျော်ပေမဲ့လည်း
စကားပြော ညံ့သူဟာ ညံ့လျှက်ပါပဲ

ကိုယ့် ခံယူချက်၊ ကိုယ့်ခံစားချက်ကို
လူအများ နားလည်အောင် စာမရေးတတ်သူကလည်း
အသက်သာ ကြီးလာမယ်
စာ မရေးတတ်တာက....မရေးတတ်တာပါပဲ

စာရွက်ကြီး ကြည့်ပြီး (၁) နာရီလောက် စာဖတ်ပြနေပေမဲ့
အထွေထွေ ဗဟုသုတ မရှိ
ဥာဏ်ပညာ နိမ့်ကျသူတွေဟာ
ပညာရှိတွေ မှတ်သားနာယူစရာ စကား(၁)လုံး
စာ(၁)ကြောင်း ပါဝင်အောင် မပြောနိုင်ပါဘူး

အရှင်အာနန္ဒာဟာ
မျက်စိတမှိတ် လျှပ်တပြက်အတွင်းမှာ
စကားလုံးရေပေါင်း (၄-၈)လုံး ဆိုလား ပြောနိုင်သတဲ့
မြတ်စွာဘုရားရှင်က အရှင်အာနန္ဒာထက်ကို
(၄)ဆ ပိုမြန်တယ် ဆိုပဲ
မြတ်စွာ ဘုရား နဲ့ အရှင်အာနန္ဒာ တို့အချင်းချင်း
စကားပြောနေကြရင်
သာမန်ဘေးလူက နားမလည်နိုင်ဘူး
စကားလုံးကို နားက လိုက် မဖမ်းနိုင်....
ဥာဏ် မလျင်မြန်၊ မမှီနိုင် ဘူး ဆိုပါတော့
ပြောချင်တာက
စကားပြောကောင်းခြင်း......
စာအရေးအသား ကောင်းခြင်းဆိုတာက....
ဥာဏ်ရည် ဥာဏ်သွေးနဲ့ တိုက်ရိုက်အချိုးကျတယ်
ဥာဏ်ရည်နိမ့်တဲ့ မျောက်တွေမှာ
လေ့ကျင့်လို့ မရဘူး ဆိုတာပါပဲ

ကျွန်တော် အရမ်းချစ်တဲ့....မြတ်နိုးတဲ့....
လေးစားအားကျရတဲ့ မိန်းခလေးမှာတော့
ကမ္ဘာ့အဆင့် စကားပြောစွမ်းရည်.....
ကမ္ဘာ့အဆင့် ...စာရေးသားနိုင်စွမ်း...စာရေးသူ
ပညာရှိတွေတောင်မှ လေးစားအားကျရတဲ့...
အထွေထွေ ဗဟုသုတ နဲ့ ဥာဏ်ပညာတွေ...
လူမှု့ ဆက်ဆံရေးတွေ ရှိပါတယ်။

စကားပြော ကောင်းတယ် ဆိုတာ
(Speaking skill)ဆိုတာ
ကလေးဘဝ (၁)နှစ်ကနေ (၁၅)နှစ် အတွင်းမှာ မူတည်ပါတယ်။
မိဘတွေ ညံ့ရင် ကလေးက တသက်လုံး အဖို့
စကားပြောကောင်းသူ မဖြစ်နိုင်ဘူး။

စာအရေးအသားကောင်းတယ်ဆိုတာ
(Writing skill)ဆိုတာ
နေရတဲ့ ကျောင်း ပညာရေးပေါ်မူတည်ပါတယ်
နီးစပ်ရာ ကျောင်းစုတ်ကလေးမှာ (၁၀)တန်းအထိ နေခဲ့ပြီး
ကြက်တူရွေးစနစ် ပညာရေးမှာတောင်မှ
(၁)ဘာသာ ပျမ်းမျှ (၇၅)မကျော်တဲ့ ဦးနှောက်နဲ့
ကမ္ဘာကျော် စာရေးသူ အဆင့် မဖြစ်နိုင်ပါဘူး
မနာလို ဖြစ်လည်း ...
အကုသိုလ် ပွားရုံ သက်သက်ပဲ ဖြစ်မှာပါ။

အင်မတန် များပြားတဲ့ ပရိသတ်လူထုကြီးနဲ့
ကြိုက်တာမေး
ကြိုက်တာ ဆွေးနွေး
အကန့်အသတ်မရှိ ယှဥ်ပြောနိုင်ဖို့ဆိုတာလည်း
ဦးနှောက်ထဲမှာ အထွေထွေ ဗဟုသုတအချက်အလက်သာမက
စကားလုံးရွေးခြယ်နိုင်စွမ်း
ပြဿနာဖြေရှင်းနိုင်စွမ်း
စိတ်လှုပ်ရှားမှု့ ထိန်းချုပ်နိုင်စွမ်းတွေ မြင့်မားမှပဲ ရတယ်
16 G ပဲ မှတ်ဥာဏ်ရှိတဲ့ ဖုန်းတလုံးနဲ့
512 G မှတ်ဥာဏ်ရှိတဲ့ ဖုန်းဟာ
အဆပေါင်းများစွာ စွမ်းရည်ကွာခြားသလိုပေါ့။
ကျွန်တော် ချစ်တဲ့ မိန်းခလေးမှာ
ပညာရှိတွေ လေးစားလောက်စရာ...မြတ်နိုးလောက်စရာ
ဥာဏ်ပညာ ထက်မြက်ခြင်းတွေ ရှိတယ်

အခက်ခဲဆုံးကတော့
ရိုးသားမှု့ နဲ့ အကျင့်စာရိတ္တ ပဲ
သူ့ရဲ့ ရိုးသားမှု့ နဲ့ ဖြူစင်မှု့ဟာ...မှဲ့ တပေါက် မစွန်းထင်းဘူး

ရိုးသားတဲ့ အပြုံးနဲ့ အမြဲပြုံးတတ်တဲ့ မိန်းခလေး..
နူးညံ့တဲ့ ...
ရိုးသားဖြူစင်တဲ့ နှလုံးသားနဲ့ မိန်းခလေးမှာ
သံမဏိထက် ခိုင်မာတဲ့ စိတ်ဓာတ်နဲ့ ခံယူချက်ရှိတယ်

သူ သေသွားပြီးခဲ့ရင်တောင်မှ
အဲ့ဒီ မိန်းခလေးရဲ့ ဗီဒီယိုတွေ၊ ရုပ်ပုံတွေဟာ
ကမ္ဘာ့ လူသားတွေ ကြားထဲမှာ...
သူ့ ကို မြတ်နိုးချစ်ခင်ကြသူတွေ ရင်ထဲမှာ
နှစ်ပေါင်းရာချီ ရှင်သန်နေမှာပါ

ကျွန်တော်က သူ့ကို အရမ်းချစ်တယ်
ရင်နဲ့ အမျှ မြတ်နိုးတယ်
လေးစားတယ် ...အားကျတယ်
အသက်ရာကျော် တိုင်အောင်
ကျန်းမာသက်ရှည်နေပါစေ ချစ်တဲ့ မိန်းခလေး

တော်လှန်သူ(YMC)
----------------------------------------+±+++++-----

13/06/2022

ဘ၀တွေက ခပ်သက်သက်ပဲ

အသက်ကိုရင်းထားရတယ်

အလှုခံဖို့ သက်သေလိုသလားကွယ်

သက်သေတွေရဲ့နောက်ဆက်တွဲတွေက သတ်သေတာထက်ဆိုးတယ်

ကြေးစားမဟုတ်ဘူးလေ

ပီတိကိုစားတာ

လွတ်မြောက်ဖို့ ရုန်းရတာကို လိုင်းပေါ်တင်မှ မြင်မှ လှူမယ်ဆို
မျိုးကြီးသီချင်းကိုပဲဆိုပြမယ်
"မလာပါနဲ့"

အ်ိုခေပါတယ်
ယုံကြည်ပေးတဲ့သူတွေဆီကနေပဲ စိတ်သန့်သန့်နဲ့လက်ခံမယ်
အလုပ်လုပ်ရတိုင်း စိတ်ညစ်ရတယ်

မပြိိးခင် ဗမာမမြင်စေနဲ့ အစား

မပြီးခင်
လိုင်းပေါ်မတင်နဲ့ ... လို့

🌸သုတ

13/06/2022

ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် နှင့် အီသီယိုးပီးယားနိုင်ငံလေ့လာချက်...
မိုးသန်

လူမျိုးစုအရ၊ ဘာသာစကားအရ သို့မဟုတ် ယဉ်ကျေးမှုအရ မတူကွဲပြားစုံမှုများရှိနေသော လူ့အဖွဲ့အစည်းများ၊ ဖက်ဒရယ်ပြည်ထောင်စုများတွင် ပထ၀ီနယ်မြေဒေသနှင့် မဆိုင်သော ကိုယ်ပိုင် ပြဋ္ဌာန်းခွင့် (Non-territorial Autonomy NTA) သည် နိုင်ငံတစ်နိုင်ငံအတွင်း အမျိုးသား အစုအဖွဲ့များအကြား မတူကွဲပြားမှုများကို ကိုင်တွယ်ဖြေရှင်းနိုင်ရန် စုပေါင်းအခွင့်အရေးကို အခြေခံသည့် အယူအဆတစ်ခုအဖြစ် ရှိနေသည်။ ထိုအခွင့်အရေးအရ လူမျိုးစု၊ ဘာသာစကား သို့မဟုတ် ယဉ်ကျေးမှုအရ သီးခြားလက္ခဏာများပိုင်ဆိုင်ကျင့်သုံးလျက်ရှိသော အစုများ၏ ကိုယ်ပိုင် ပြဋ္ဌာန်းခွင့်ကို သေချာစေသည်။

အတွေးအခေါ်အစ

အမျိုးသား-ယဉ်ကျေးမှုဆိုင်ရာ ကိုယ်ပိုင်ပြဋ္ဌာန်းခွင့်ပုံစံဖြင့် ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် (NTA) အယူအဆကို Karl Renner နှင့် Otto Bauer တို့က ၂၀ ရာစုအကူးကာလတွင် စတင်တင်ပြခဲ့သည်။ နှစ်ဦးစလုံးသည် သြစတြီးယား-ဟန်ဂေရီ ဆိုရှယ်ဒီမိုကရက်တစ်ပါတီ၏ အဖွဲ့ဝင်များ ဖြစ်သည်။ Renner ၏ ၁၈၉၉ ခုနှစ်တွင် ပထမဆုံးထုတ်ဝေသော “နိုင်ငံတော် နှင့် အမျိုးသားနိုင်ငံတော်” စာအုပ်တွင် နိုင်ငံတစ်ခုတည်းအတွင်း အမျိုးသား-ယဉ်ကျေးမှု ကွဲပြားမှု စီမံခန့်ခွဲမှုအတွက် ပုံစံအသစ်ကို တင်ပြခဲ့သည်။ Bauer ၏ ၁၉၀၇ ခုနှစ်တွင် ရေးသားခဲ့သော “တိုင်းရင်းသားလူမျိုးများဆိုင်ရာ အမေးပုစ္ဆာနှင့် ဆိုရှယ်ဒီမိုကရေစီ” စာအုပ်တွင်လည်း တိုင်းရင်းသား လူနည်းစုအားလုံးအတွက် တန်းတူညီမျှအခွင့်အရေးပေးခြင်းအားဖြင့် လူတန်းစားကွဲပြားမှုများကို ကုစားရန် တင်ပြခဲ့သည်ကို တွေ့ရသည်။ စာရေးသူ နှစ်ဦးစလုံးသည် ထိုအချိန်က သြစတြီးယား-ဟန်ဂေရီ အင်ပါယာအတွင်းရှိ လူနည်းစု ခွဲထွက်ရေး၀ါဒီများ၏ ခွဲထွက်ရေးတောင်းဆိုမှုများအပေါ် အဖြေရှာနိုင်ရန် ကြိုးစားခဲ့ကြပါသည်။ ၎င်းတို့သီအိုရီ၏ အခြေခံတွင် 'တစ်ဦးချင်းပုဂ္ဂိုလ်ရေးဆိုင်ရာ နိယာမ' ကို တွေ့ရှိရသည်။ လူတစ်ဦးချင်း စုစုပေါင်းကို နယ်မြေဝိသေသလက္ခဏာများ မဟုတ်ဘဲ ပုဂ္ဂိုလ်ရေးအရသာ ခွဲခြားနိုင်သည်။ တနည်းအားဖြင့် လူတစ်ဦးချင်းစီသည် (နယ်မြေများမဟုတ်ဘဲ) ရပိုင်ခွင့်များကို ဆောင်ကြဉ်းပေးသူများဖြစ်ရာ၊ တစ်ဦးတစ်ယောက်ချင်းစီသည် နယ်မြေတစ်ခုအတွင်း မည်သည့်နေရာတွင် နေသည်ဖြစ်စေ ထိုအခွင့်အရေးများအား ရရှိခံစားပိုင်ခွင့်သည် တစ်ဦးတစ်ယောက် ချင်းစီထံတွင် ရှိနေသည်။ Renner ၏ အဆိုအရ ဘုရားကျောင်းများသည် ဘုံယုံကြည်ချက် တူညီသော လူ့အသိုက်အ၀န်းများကို စုစည်းသကဲ့သို့ပင် နိုင်ငံတော်များသည်
ဥပဒေများများအားဘုံယဥ်ကျေးမှုအဖြစ် တန်းတူညီမျှသော တစ်ဦးချင်းလူပုဂ္ဂိုလ်များနှင့် စုစည်း ထားသော တန်းတူညီတူ ပေါင်းသင်းမှုဟု ယူဆသည်။ ထိုပုံစံသည် “ဒီမိုကရေစီနည်းကျ စနစ်တကျ ဖွဲ့စည်းထားပြီး ကိုယ်ပိုင်ပြဋ္ဌာန်းခွင့်ရှိသော လူမှုအသိုင်းအ၀ိုင်းများ” အဖြစ် ရှုမြင်ထားခြင်းဖြစ်ပြီး တစ်ဦးချင်း သဘောတူညီမှုနှင့် ဒီမိုကရေစီအပေါ် အခြေခံထားသည်လည်းဖြစ်ရာ ဒီမိုကရေစီ အခင်းအကျင်း မဖြစ်မနေ လိုအပ်ပါသည်။ ကိုယ်ပိုင်ပြဋ္ဌာန်းခွင့်အတွက် အနည်းနှင့်အများ နိုင်ငံရေးအရ ဆန္ဒရှိနေမည့် လူနည်းစုများကို အသိအမှတ်ပြုနိုင်သည့် စံနမူနာတစ်ခုဖြစ်သည်။
၂၀ ရာစု တစ်လျှောက်လုံး လစ်ဘရယ်ဒီမိုကရေစီအတွေးအခေါ်များသည် လူမျိုးစုအရေး များစွာကို တွေ့ကြုံဖြတ်သန်းလာခဲ့ရသလိုပင် နိုင်ငံအများစုသည် ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့်ကို ကျင့်သုံးသည်ထက် ပထ၀ီနယ်မြေဒေသနှင့် သက်ဆိုင်သော ကိုယ်ပိုင် ပြဋ္ဌာန်းခွင့်ကို အခြေခံသည့် ဖက်ဒရယ်စနစ်ပုံစံများ ဖြင့်သာ စခန်းသွားခဲ့သည်ကိုတွေ့ရသည်။
လစ်ဘရယ် မူဘောင်အတွင်းရှိနေသော ပထ၀ီနယ်မြေဒေသနှင့် စပ်ဆိုင်သည့် ယဉ်ကျေးမှု ဆိုင်ရာ စံတူရှုချက် ကြီးနှစ်ခုဖြစ်သည့် ယဉ်ကျေးမှုပေါင်းစုံ၀ါဒ နှင့် လူမျိုးပေါင်းစုံဝါဒတို့နှင့်ပတ်သက်၍ လွန်ခဲ့သည့် ဆယ်စုနှစ်နှစ်ခုအတွင်း ဝေဖန်မှုများ တိုးများလာခဲ့သည်။ လူများစုမှ ဖန်တီးထားသော လုပ်ပိုင်ခွင့် အာဏာမညီမျှမှုနှင့် ခွဲခြားဆက်ဆံမှု ပြဿနာများအဖြစ် ဥပဒေပြုရေးနှင့် အုပ်ချုပ်ရေး မဏ္ဍိုင်များမှ လူနည်းစုများကို စနစ်တကျ ဖယ်ထုတ်ခြင်းအပါအ၀င် လူနည်းစု အဆင့်အတန်း သတ်မှတ်ထားချက်များအား နိုင်ငံများအတွင်းတွင် တွေ့ရှိလာရသည်။ တိုးပွားလာသော လူဦးရေ ရွေ့လျားမှုနှင့် ကမ္ဘာတစ်ဝှမ်းကွန်ရက်များက ယူဆောင်လာသည့် ဂလိုဘယ်လိုက်ဇေးရှင်း ကဲ့သို့သော အင်အားများကြောင့်နယ်မြေစိုးမိုးရေးလုပ်ပိုင်ခွင့်များကို ချဲ့ထွင်ရန် ပိုမိုခက်ခဲလာသည်။
ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့်သီအိုရီသည် ကွဲပြားစုံလင်သော လူမျိုးစု များအကြား တင်းမာမှုဖြေရှင်းရေးသီအိုရီ ဖြစ်သည်။ လူမျိုးရေးတင်းမာမှုများနှင့် မကျေနပ်ချက် များကြောင့် ပဋိပက္ခဖြစ်နိုင်ခြေရှိသော နေရာများတွင် ပဋိပက္ခကို ကြိုတင် တားဆီးနိုင်သည့် ဖြေရှင်းချက်တစ်ခုအဖြစ် ပေါ်ထွက်လာခဲ့ခြင်းဖြစ်သည်။ ဤအကြောင်းကြောင့်ပင် မတူကွဲပြားစုံလင်မှု များအကြား အုပ်စိုးသူအလွှာများပေါင်းစည်းရေးဝါဒ (Consociationalism) ထက် ပိုမိုလက်တွေ့ကျသော နိုင်ငံတော်တည်ဆောက်ရေးဆိုင်ရာ ဖြေရှင်းချက်အဖြစ် “ပထ၀ီနယ်မြေဒေသနှင့် မဆိုင်သော ကိုယ်ပိုင် ပြဋ္ဌာန်းခွင့်သီအိုရီ” ကို မြှင့်တင်ခဲ့သည်။ ပထ၀ီနယ်မြေဒေသနှင့် မဆိုင်သော ကိုယ်ပိုင် ပြဋ္ဌာန်းခွင့်သည် jus solis (မွေးဖွားရာနေရာတွင် နိုင်ငံသားဖြစ်ခွင့်) နှင့် jus sanguinis (မိဘများ၏ နိုင်ငံသားဖြစ်မှုပေါ် မူတည်သည့် နိုင်ငံသားဖြစ်ခွင့်) ကဲ့သို့သော လူပုဂ္ဂိုလ်နှင့်ဆိုင်သော နယ်မြေဆိုင်ရာ အခြေခံမူများ၏ မတူညီသော စဥ်းစားချက်များအပေါ် အခြေခံထားသည်။
ကိုယ်ပိုင်ပြဋ္ဌာန်းခွင့် အခွင့်အရေး၏ အဓိကအခြေခံအဖြစ် အမျိုးသားဆက်နွယ်မှုကို အလေးပေးခြင်းဖြင့် နယ်မြေမဟုတ်သော ကိုယ်ပိုင်အုပ်ချုပ်ခွင့်သည် လူနည်းစုများကို အကာအကွယ်ပေးရန် အုပ်စုလိုက်ချဉ်းကပ်မှုကို ကျင့်သုံးသည်ဟု ဆိုနိုင်သည်။ ဥရောပ သမိုင်းတလျောက် လူနည်းစုများကို အကာအကွယ်ပေးရန် အစားထိုးနည်းလမ်းနှစ်ခုအဖြစ် နိုင်ငံသား တစ်ဦးချင်းစီအတွက် အမျိုးသားဆိုင်ရာ အခွင့်အရေးများ ပေးခြင်း သို့မဟုတ် ကိုယ်ပိုင်အုပ်ချုပ်ခွင့်ရ နယ်မြေယူနစ်များအတွက် အမျိုးသားအခွင့်အရေးများ ပေးခြင်းတို့ကို တွေ့ရှိရပါသည်။ ချဉ်းကပ်မှု နှစ်ခုစလုံးကို မကြာခဏ အသုံးချခဲ့ပြီး ထိုသို့အသုံးချခြင်းတို့ အပေါ် ကျယ်ကျယ်ပြန့်ပြန့် သုတေသန ပြုခြင်းများ ရှိနေပါသည်။ ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့်အား နိုင်ငံရေး အိုင်ဒီယိုလိုဂျီအဖြစ်၊ အသုံးချမူဝါဒအဖြစ် နိုင်ငံရေးသိပ္ပံနယ်ပယ်တွင် အဆိုပြုမူများ ရှိကြပါသည်။ Habsburg အင်ပါယာနှောင်းပိုင်းတွင် ပေါ်ပေါက်လာချိန်မှစ၍ ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့်ဆိုင်ရာ အယူအဆကို ခြေရာခံနိုင်ပြီး စစ်အတွင်းကာလတွင် ဥရောပ အလယ်ပိုင်းနှင့် အရှေ့ပိုင်းတို့တွင် ပျံ့နှံ့ကာ မျက်မှောက်ခေတ်တိုင် ဥရောပလူနည်းစုများကို အကာအကွယ် ပေးခြင်းဆိုင်ရာ အသုံးချနိုင်ငံရေး မူ၀ါဒအဖြစ် ဆက်လက်အသုံးပြုလျက်ရှိပါသည်။
အုပ်ချုပ်မှုယန္တရားများအဖြစ် ဖြစ်နိုင်ချေရှိသည့် ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် (NTA) ၏ အဖွဲ့အစည်းဆိုင်ရာ ပုံစံသုံးမျိုးအဖြစ် ပုဂ္ဂိုလ်ဆိုင်ရာ ကိုယ်ပိုင် ပြဋ္ဌာန်းခွင့်၊ လုပ်ငန်းဆိုင်ရာ ကိုယ်ပိုင် ပြဋ္ဌာန်းခွင့်နှင့် အမျိုးသားယဉ်ကျေးမှုဆိုင်ရာ ကိုယ်ပိုင် ပြဋ္ဌာန်းခွင့်တို့ကို တွေ့မြင်နိုင်သည်။ နယ်မြေပိုင်နက်ဆိုင်ရာ ကိုယ်ပိုင်အုပ်ချုပ်ခွင့်သည် အများအားဖြင့် ပိုမို ထင်ရှား ပေါ်လွင်ပြီး၊ ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့်ပုံစံများသည် ထင်ရှား ပေါ်လွင် နေခြင်း မရှိပါ။
'ယဉ်ကျေးမှုဆိုင်ရာ ကိုယ်ပိုင်ပြဋ္ဌာန်းခွင့်' ဟုလည်း ရည်ညွှန်းသော ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် (NTA) သည် ဆုံးဖြတ်ချက်ချသည့် အာဏာကို ပထဝီဝင်အရ ဗဟိုချုပ်ကိုင်မှု မဖြစ်စေသော ယန္တရားတစ်ခု ဖြစ်သည်။ နယ်မြေတခုအတွင်း တစုတစည်းထဲ ရှိမနေသော လူနည်းစုများသည် အထူးသဖြင့် ၎င်းတို့၏ ကိုယ်ပိုင်အမှတ်အသား သရုပ်လက္ခဏာနှင့် ပတ်သက်သည့် ကိစ္စရပ်များအတွက် ဆုံးဖြတ်ချက်များ ချနိုင်စေရန် ဘာသာစကား၊ ယဉ်ကျေးမှု၊ ဘာသာရေးနှင့် ယုံကြည်မှု ရှုထောင့်ဆိုင်ရာ အခွင့်အရေးများကို ပြည်ထောင်စုအတွင်း မည်သည့် နေရာတွင် နေထိုင်သည်ဖြစ်စေ ရနိုင်ရမည်ဖြစ်သည်။ ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် (NTA) သည် ကျယ်ပြန့်သည့် အဖွဲ့အစည်းဆိုင်ရာ အစီအမံများအပါအ၀င် ဘက်ပေါင်းစုံလွှမ်းခြုံသော ယန္တရားများ ပါဝင်ပါသည်။ နယ်မြေအုပ်ချုပ်ရေးထက် တိုင်းရင်းသား လူမျိုးစုများ၏ ကိုယ်ပိုင်အုပ်ချုပ်ခွင့်ကို အခြားနည်းဖြင့် အကောင်အထည်ဖော်ဆောင်ရွက်မည့် အစီအစဉ်များ ပါ၀င်သည်။ ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် (NTA) ၏ ယန္တရားသည် အမှီအခို ကင်းလွတ်လပ်ပြီး၊ စနစ်အား ထိန်းကျောင်းနိုင်ရန် ဖွဲ့စည်းထားသော အဖွဲ့အစည်းများသည် သာမန် NGO များကဲ့သို့ မဟုတ်ဘဲ ၎င်းတို့၏ အရေးကိစ္စများနှင့် ပတ်သက်ပြီး လက်တွေ့ထိရောက်မှုရှိသော ဆုံးဖြတ်ချက်များ ချမှတ်နိုင်ရန် ဥပဒေအရ ဖန်တီးပေးထားရမည် ဖြစ်သည်။

ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့် (NTA) နှင့် အီသီယိုးပီးယား

အီသီယိုးပီးယားသည် မတူညီသော လူမျိုးစု ၈၀ ကျော်ရှိသော လူမျိုးပေါင်းစုံရှိသော ဖက်ဒရယ် ပြည်ထောင်စုတစ်ခု ဖြစ်သည်။ ခရစ်ယာန်နှင့် အစ္စလမ်ဘာသာဝင်များသည် လူများစုအဖြစ် အများဆုံး ရှိနေသည်။ ၁၉၉၁ တွင် အီသီယိုးပီးယား ပြည်သူ့တော်လှန်ရေး ဒီမိုကရက်တစ်တပ်ဦးသည် အဖွဲ့ဝင် ၈၇ ဦးပါ ကိုယ်စားလှယ်ကောင်စီဖြင့် ဖွဲ့စည်းထားသော အသွင်ကူးပြောင်းရေးအစိုးရကို ထူထောင်ရန် အမျိုးသားညီလာခံတစ်ရပ်ကို ကျင်းပခဲ့ပြီး နိုင်ငံရေးဆိုင်ရာ လမ်းညွှန်ပဋိညာဥ်တခုအား အသွင်ကူးပြောင်းရေးဆိုင်ရာ ဖွဲ့စည်းပုံအခြေခံ ဥပဒေတစ်ရပ်ကဲ့သို့ အသုံးပြုခဲ့သည်။ ၁၉၉၄ တွင် ပါလီမန်သမ္မတနိုင်ငံကို လွှတ်တော်နှစ်ရပ်နှင့် တရားစီရင်ရေးမဏ္ဍိုင်ဖြင့် ထူထောင်သည့် ဖွဲ့စည်းပုံ အခြေခံဥပဒေသစ်ကို ရေးဆွဲခဲ့သည်။ ၁၉၉၅ ခုနှစ် မေလတွင် ပထမအကြိမ် ပါတီစုံ ရွေးကောက်ပွဲကို အီသီယိုးပီးယား ပြည်သူ့တော်လှန်ရေး ဒီမိုကရက်တစ်တပ်ဦး မှ အနိုင်ရခဲ့ပြီး နိုင်ငံအတွင်းရှိ လူမျိုးစု ၈၀ ကျော်အတွက် ယဉ်ကျေးမှုနှင့် အုပ်ချုပ်ရေးဆိုင်ရာ ကိုယ်ပိုင်ပြဋ္ဌာန်းခွင့်အပြင် (ခွဲထွက်ပိုင်ခွင့်) ကိုလည်း အသိအမှတ်ပြုခဲ့သည်ကိုတွေ့ရသည်။
အီသီယိုးပီးယားသည် တိုင်းရင်းသားလူမျိုးစု ကွဲပြားစုံလင်လှသည့် နိုင်ငံတစ်ခုဖြစ်ပြီး လူနည်းစုအများအပြား နေထိုင်ရာ နေရာဖြစ်သည်။ လူနည်းစုများတွင် ဌာနေတိုင်းရင်းသားများနှင့် ဌာနေတိုင်းရင်းသားမဟုတ်သော လူနည်းစုများ နှစ်မျိုးလုံး ပါဝင်သည်။ ဌာနေလူမျိုးစုများအဖြစ် အသိအမှတ်ပြုခံထားရသော ဒေသတွင် ၎င်းတို့အား အကာအကွယ်ပေးမှု ကောင်းမွန်သော်လည်း၊ ဌာနေတိုင်းရင်းသား မဟုတ်သည့် လူမျိုးစုများမှာမူ အီသီယိုးပီးယား ဖက်ဒရယ် ဖွဲ့စည်းပုံ အခြေခံဥပဒေနှင့် ဒေသဆိုင်ရာ ဖွဲ့စည်းပုံများအားလုံးက အသိအမှတ်မပြုသောကြောင့် အကာအကွယ် မဲ့လျက် ရှိနေသည်ကို တွေ့ရှိရပါသည်။

အီသီယိုးပီးယားတွင် NTA နှင့်ဆင်တူသော အလေ့အကျင့်အချို့ရှိသည်။ ဥပမာအားဖြင့်၊ ဟာရာရီ (Harari) ပြည်နယ်လွှတ်တော်၏ ကိုယ်စားလှယ်အဖြစ် ဟာရာရီအမျိုးသားပြည်နယ် အပြင်ဖက် အခြားဒေသတွင် နေထိုင်သည့်တိုင် ရွေးကောက်တင်မြှောက်ခံရနိုင်သည်။ Benishangul Gumuz ပြည်နယ်ရှိ ဌာနေတိုင်းရင်းသား လူနည်းစုများသည်လည်း ထိုသို့ပင်လုပ်ဆောင်နိုင်ကြသည်။ ဌာနေတိုင်းရင်းသား မဟုတ်သူ လူနည်းစုများအတွက်မူ ပြည်ထောင်စုဖွဲ့စည်းပုံ အခြေခံဥပဒေဆိုင်ရာ အာမခံချက်နှင့် တည်ဆဲကျင့်ထုံးများ မရှိသောကြောင့် လုံလောက်သည့်အကာအကွယ်မရှိပါ။
အီသီယိုးပီးယားတွင် အင်ပါယာဘုရင်ခေတ်များတွင်ဖြစ်စေ၊ စစ်အာဏာရှင်စနစ်လွှမ်းမိုးသော ၁၉၇၄ မှ ၁၉၉၁ အတွင်း ကွန်မြူနစ်အမည်ခံ စစ်အုပ်ချုပ်ရေးကောင်စီ အစိုးရများခေတ်တွင်ဖြစ်စေ လူနည်းစုများကို အကာအကွယ်ပေးသည့် ယန္တရားများမရှိခဲ့ပေ။ ၁၉၉၁ တွင် အီသီယိုးပီးယား ပြည်သူ့တော်လှန်ရေး ဒီမိုကရက်တစ်တပ်ဦး အာဏာရလာချိန်တွင်မှသာ မတူကွဲပြားမှုများကို လိုက်လျောညီထွေ ဖြစ်စေရန် နိုင်ငံရေးအရ စတင်၍ စဥ်းစားခဲ့ကြသည်။ သို့ရာတွင် ၁၉၉၅ ခုနှစ်တွင် အတည်ပြုခဲ့ပြီး လက်ရှိအသုံးပြုနေသည့် အီသီယိုးပီးယား ဖက်ဒရယ်ဖွဲ့စည်းပုံအခြေခံဥပဒေသည် လူနည်းစုများကို အကာအကွယ်ပေးသည့် ဘက်စုံလွှမ်းခြုံသော ယန္တရားများကို မပေးဆောင်နိုင်ခဲ့ပဲ အစိုးရ စစ်တပ်လက်ချက်ဖြင့် ငြိမ်းချမ်းစွာ ဆန္ဒပြသော လူနည်းစု၀င်များ ပစ်ခတ်သတ်ဖြတ် ခံရခြင်းများပင် ဖြစ်ပွားသဖြင့် ကုလသမဂ္ဂမှပင် ၀င်ရောက်စစ်ဆေးအရေးယူရခြင်းများ ရှိခဲ့ပါသည်။
ယခုအချိန်တွင် အီသီယိုးပီးယားပညာတတ်များ ဦးဆောင်ကာ ဌာနေတိုင်းရင်းသား လူနည်းစုများဖြစ်စေ၊ ဌာနေမဟုတ်သော တိုင်းရင်းသားလူနည်းစုများအတွက်ဖြစ်စေ ၎င်းတို့၏ အခွင့်အရေးများအား ဘက်စုံထောင့်စုံမှ ကာကွယ်နိုင်ရန် ပိုမိုကြိုးပမ်းဆောင်ရွက်လာကြသည်ကို တွေ့ရပါသည်။ အထူးသဖြင့် ပထ၀ီနယ်မြေဒေသနှင့် မဆိုင်သော ကိုယ်ပိုင်ပြဋ္ဌာန်းခွင့်အား ပိုမို မြှင့်တင်လာခြင်းဖြင့် ပိုမိုတည်ငြိမ်သဟဇာတဖြစ်သော လူ့အဖွဲ့အစည်း ဖြစ်လာစေရန် ဆောင်ရွက်လာကြခြင်း ဖြစ်ပါသည်။

နိဂုံး

ပထ၀ီနယ်မြေဒေသနှင့် မဆိုင်သောကိုယ်ပိုင်ပြဋ္ဌာန်းခွင့် အားမြှင့်တင်ခြင်းသည် မတူကွဲပြား စုံလင်မှုများရှိနေသော လူ့အဖွဲ့အစည်းများအတွင်း တရားမျှတစွာ၊ အခွင့်တူညီမျှစွာဖြင့် ဖက်ဒရယ်စနစ်အား ခိုင်မာစွာ တည်ဆောက်နိုင်ရေးအတွက် အရေးကြီးလှပါသည်။ လူမျိုးတစ်မျိုးတည်း လွှမ်းမိုးကြီးစိုးနေသည့်၊ တနည်းအားဖြင့် ပြည်ထောင်စု အစုအဖွဲ့၀င်ပြည်နယ် ယူနစ်တခုထဲတွင် လူမျိုးတမျိုးတည်းသာ ရှိနေရမည်ဆိုသည့် စဥ်းစားချက်များသည် ဖက်ဒရယ်စနစ်ကို အားနည်းစေနိုင်သည့် စဥ်းစားချက်များဖြစ်ပါသည်။ လက်တွေ့အားဖြင့် မိမိပါ၀င်နေသော လူမျိုးအများစု ရှိနေသော ပြည်ထောင်စု အစုအဖွဲ့၀င်ပြည်နယ်ယူနစ်တခုခုထဲတွင် နေထိုင်သည်ဖြစ်စေ၊ ပြည်ထောင်စုအတွင်း အခြားပြည်နယ်များတွင် နေထိုင်သည်ဖြစ်စေ မိမိတို့လူမျိုး ရရှိခံစားနိုင်သည့် အခွင့်အရေးများကို လွတ်လပ်စွာခံစားရရှိနိုင်ရေးသည် အရေးကြီးလှသော ဖက်ဒရယ်တန်ဖိုးတခုပင် ဖြစ်သည်။

မိုးသန်
မြစ်ကွေ့ - လူထုတော်လှန်ရေးစာစဉ်၌ ဖော်ပြပြီးဖြစ်ပါသည်။

မူရင်းရေးသားသူအား Credit ပေးပါသည်။

07/06/2022

ပန်းကလေးများပွင့်တော့မည်
ဖူးငုံပွင့်လိုချီ၊

ပြာနံ့ထောင်းထောင်း ရွာဟောင်းလောင်း
မီးလောင်ငုတ်တို ငါတို့ကျောင်း။

#နှင်းခါးမိုး

26/05/2022

🎶တချို့တွေ အိမ်မပြန်နိုင်တော့ချိန်
တချို့တွေပြန်မဆုံနိုင်တော့ချိန်
တချို့တွေအမှောင်ယံတွေထဲ လမ်းပျောက်ခဲ့ပြီ
တစ်နေ့မှာအရာရာအောင်မြင်ပြီး
ရောင်နီတွေလင်းချိန်
တကယ်ပဲသင်တို့လိပ်ပြာလုံနိုင်မှာလား🎶

🎶ဒီကြယ်လေးတွေကြွေလွင့်ချိန်
သင်တို့လိပ်ပြာလုံရဲ့လား
ဒီတိုက်ပွဲမျာ ငါတို့ဟာ
အသွေးနဲ့အသားကိုပုံအပ်ထား🎶

🎶သင်တို့တွေတကယ် လိပ်ပြာလုံရဲ့လား....🎶🎶

ယနေ့ Revolution Song Time အစီအစဥ်မှာတော့ နေသာနေသေးတဲ့ သူတွေ၊ ဘားသွား ကလပ်သွား ပျော်ပါးနေတဲ့ သူတွေကို နည်းနည်းမေးချင်တာလေးနဲ့ ကိုက်ညီတဲ့ သီချင်းလေးတစ်ပုဒ်နဲ့ မေးချင်ပါတယ်။ အရွယ်သုံးပါးမရွေး တိုင်းပြည်မှာရှိတဲ့ အကြမ်းဖက်စစ်အာဏာရှင်စနစ်ကို တိုက်ထုတ်နေချိန် သင်တို့က နေသာသလို နေနေကြနိုင်ရက်တယ်၊ ပြီးရင်တော့ လူတိုင်းကို အပြစ်လိုက်တင်ကြမယ်၊ ကိုယ်ခံရတော့မှ ကိုယ့်အလှည့်ရောက်လာတော့မှ သူများကိုအပြစ်တင်မဲ့အစား ကိုယ်ကိုယ်သာ အပြစ်တင်ပါ။

ဒါပေမဲ့ စိတ်မပူပါနဲ့ ကျွန်တော်တို့ အသက်တွေ ငယ်ရွယ်မှုတွေ ခြေလက်အင်္ဂါတွေပေးဆပ်ပြီး အောင်မြင်ပြီးတဲ့နေ့ ရောက်လာရင်တော့ သင်တို့ကိုလည်း ပေးပျော်မှာပါ။ အရှက်တရား မရှိရင်တော့လည်း ..........

ပြည်သူများအနေဖြင့်လည်း ကျွန်တော်တို့ တော်လှန်ရေးရဲဘော်များအတွက် နေ့တိုင်း Click ပေးခြင်း၊ အလှူငွေများထည့်၀င်ပေးကြခြင်းဖြင့် အနာဂတ်ဖဒရယ်ဒီမိုကရေစီစနစ် ကို အတူတကွတည်ဆောက်ကြစို့လားဗျာ။

#ကြယ်

25/05/2022

မာနယ်ပလောခေတ် လက်နက်ကြီးတပ်ရင်းက ရဲဘော်ဟောင်းတစ်ဦးနဲ့တွေ့ခဲ့တယ်။ မန်းဘဇန်အကြောင်းပြောဖြစ်တယ်။

မန်းဘဇန်ဟာ KNDO ရဲ့ ဖခင်ဖြစ်ခဲ့သလို KNU ဥက္ကဌဟောင်းဖြစ်ခဲ့ပေမယ့် ကားတစ်စီးမှ မပိုင်ခဲ့ဘူး။ သွားစရာ လာစရာရှိ့ရင် အဖွဲ့အစည်းကဘဲ စီစဥ်ပေးရတယ်။ တော်လှန်ရေးလုပ်တော့ သားမယားစွန့်ရတယ်။ သူ့သ္မီးဆိုရင်လည်း မြန်မာစစ်တပ် အဓမ္မပြုကျင့်ခံရပြီးမှ ခက်ခက်ခဲခဲ KNU ထိန်းချုပ်နယ်မြေကို ရောက်လာခဲ့တယ်။

မန်းဘဇန်သား ရောဘတ်ဇန်လည်း သူအသက်ကြီးသည့်အထိ တန်ဖိုးကြီးကြီးမားမား ပိုင်ဆိုင်တာဆိုလို့ နာရီတစ်လုံးဘဲရှိခဲ့တယ်။

ခက်ခဲမှု ရင်ဆိုင်ရတိုင်း သူတို့ဆီ သင်ခန်းစာယူဖြစ်ပါတယ်။ ဒါမဲ့ ကိုယ်က အသဲမာသူများလားဆိုတာကို တစ်ဖက် ပြန်စဥ်းစားရင် ကိုယ်နဲ့ သက်ဆိုင်သူအပေါ် အတော်လေး ဒဏ်ရာပေးနေသလားပေါ့။

စောဘဦးကြီးတော်လှန်ရေးလုပ်တော့ သူအမျိုးသမီး နိုင်ငံခြားပြန်သွားရတယ်။ အမျိုးသမီးဘက်ကြည့်ရင် ဘယ်လိုခံစားရမလဲ။ နောက်အိမ်ထောင်ဆက်ရော၊ စောဘဦးကြီးရဲ့ မိသားစုဝင်တွေကော ဘယ်လို ခံစားရမလဲ။

တော်လှန်ရေးထဲ အသက်ပေးလှုရတဲ့ ရဲဘော်တိုင်းဟာ မိသားစုရှိကြတယ်။ ဘယ်လောက်နာကျင်မလဲ။

လက်ရှိ ကော်သူးလေ ခေါင်းဆောင်တစ်ဦးရဲ့ အမြဲပြောတဲ့ စကားက တော်လှန်ရေးဆိုတာ ပျော်စရာကောင်းတဲ့အရာမဟုတ်သလို ပျော်လို့ လုပ်ရတဲ့အရာမဟုတ်ဘူး။ တော်လှန်ရေးဟာ ဈေးကြီးတယ် အသက် သွေး ချွေး ရင်းရတယ်။ တော်လှန်ရေးဆိုတာ အမွေပေးရမယ့်အရာလည်းမဟုတ်ဘူး။ ပန်းတိုင်ကိုရောက်အောင် လုပ်ရမယ်။ တော်လှန်ရေးပန်းတိုင်ရောက်ဖို့က လူတစ်ယောက်တည်းမရဘူး အားလုံးပါမှ ပန်းတိုင်ရောက်မယ်။ အဲ့လိုပါဝင်မှသာ ငြိမ်းချမ်းမှုကို လူတိုင်းရမှာ။ တော်လှန်ရေးအတွင်း အသက်ပေး ဘဝပျက်ခံ ပေးဆပ်သူတွေလည်း အောင်ပွဲရမှ သူတို့လည်း ပေးဆပ်ရတာတန်မယ်။

20/05/2022

နီတိုင်းမှ မရဲတာ

ဒီပွဲကြာတာအပြစ်လား😓

#မင်းကိုနိုင်

06/05/2022

နိုင်ငံပိုင် ဒေါ်လာသန်း ၃၀ အိမ်ကိုအပိုင်စီးထားတဲ့သူက နိုင်ငံ့ကယ်ဆယ်ရေးမှာသုံးဖို့ ရဟတ်ယာဉ်ဝယ်ခွင့်ပြုတာ နိုင်ငံတော်ဘဏ္ဍာငွေဖြုန်းတီးတယ်ဆိုပြီး တရားစွဲတယ်တဲ့လား?

ဖြေစမ်းပါအုံး ဇော်မဲလုံးရဲ့

ที่อยู่

Bangkok
10100

เว็บไซต์

facebook.com

แจ้งเตือน

รับทราบข่าวสารและโปรโมชั่นของ Revolutionaryผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

วิดีโอทั้งหมด

Carabao ဝတ်ထားတဲ့ အင်္ကျီလေးက ချစ်စရာ

စစ်ဘေးရှောင်လေးများရဲ့ ဘဝ

အဆိုးဆုံးအချိန်ဆိုရင်တောင် အကောင်းဆုံးရပ်တည်ရှင်သန်ဖို့ ကြိုးစားနေဖို့ပါပဲ.... NEVER SURRENDER

ဝေါ်...ကြောင်......ရှိ ဝူ...ကျင်....စိုး..

အားမာန်တွေက မင်းအောင်လှိုင် ကြောက်ဒူးတုန်သွားစေတယ် Credit.org.uploader.

#ပြည်သူအားလုံးကြည့်သင့်နားထောင်သင့်သည့်ဗီဒီယို မတရားမှု မှန်သမျှ တာဝန်အရ အားလုံး ဖီဆန်ကြ ============ နိုင်ငံကို မတရား အာဏာသိမ်း သေနတ်မိုးထားတဲ့ စစ်အုပ်စုလက်အောက်မှာ ပြဋ္ဌာန်းထားတဲ့ ဥပဒေတိုင်းဟာ အသက်မဝင်ပါဘူး။ ဘာလို့ဆိုရင် သူတို့ဟာ တရားဥပဒေအရ နိုင်ငံ့အုပ်ချုပ်ခွင့် ရထားသူတွေ မဟုတ်တဲ့အတွက်ကြောင့် ဖြစ်တယ်။ ဒီစစ်ဝါဒီတွေ ထုတ်သမျှ အမိန့်၊ ညွှန်ကြားချက်တွေလည်း တရားမဝင်သလို သူတို့လက်အောက်ခံ တရားရုံးတွေကို အသိအမှတ်ပြုစရာ မလိုပါဘူး။ နိုင်ငံရေးလှုပ်ရှားသူတွေနဲ့ ပတ်သက်ပြီး တရားရုံးတွေက ဆုံးဖြတ်တဲ့ စီရင်ချက်တိုင်းဟာလည်း စစ်အုပ်စုအလိုကျ ကြိုရေးထားပြီးသား စီရင်ချက်သာလျှင် ဖြစ်ပါတယ်။ ဒါကြောင့် ဒီကနေ့ နွေဦးတော်လှန်ရေးသမားတွေ၊ နိုင်ငံရေးသမားတွေဟာ တရားရုံးတွေမှာ တရားစွဲဆိုခံနေရတာကို လက်မခံကြောင်း ဆန့်ကျင်ကြဖို့ လို

တတိယနိုင်ငံလည်း မသိဘူး... အမေရိကန်ဆိုတာလည်း သွားရမှန်း မသိဘူး...သူတို့တွေးတာ ရိုးရိုးလေး.. တဲထိုးပြီး တောထဲမှာနေတယ်... အိမ်ပြန်ချင်ကြတဲ့အတွက် ယုံယုံမယုံယုံ ယုံကြည်ပြီး တိုက်လို့ရတာ တိုက်မယ်။ Credit.org upload