https://www.facebook.com/105067901738079/

Have fun with sasa, Yagon (2025)

31/08/2025

အသက်ကြီးလာတာ .. ထင်သလောက်ပျော်စရာမကောင်းခဲ့ဘူး ✌️🧓

28/08/2025

လက်ရှိအရပ်မှာလဲမပျော် .. ပြန်ဖို့လဲမဖြစ် .. ဘဝတွေရှင်လျက်နဲ့ ပျောက်ကွယ်သွားသလိုမျိုး .. နေ့ရက်တွေ။
ရှင်သန်နေပါတယ် သို့ပေမယ့် ဘာအတွက်မှန်းမသိ။
အာဏာမရှိတဲ့ ဘဝတွေအများစုမှာ ဒဏ်ရာတွေက ရှိနှင့်ပြီးသား။ ဘာဖြစ်ဖြစ်ပျော်နေပါကလေးရေ 💋

25/06/2025

အဖော်ကောင်းရှိတာဟာ ကိုယ်ရဲ့ ကံကောင်းခြင်းပဲ.. မရှိခဲ့ရင် တစ်ယောက်ထဲ ဆက်လျှောက်ရဲတဲ့ သတ္တိ ရှိရပါမယ် .. ဘာဖြစ်ဖြစ် ကမ္ဘာကြီးက လည်ပတ်နေဦးမှာပဲ မဟုတ်လား 🪐

13/06/2025

မနက်ဖြန်ဟာလဲ ကိုယ်တွေရဲ့ နောက်ဆုံးရက်ဖြစ်သွားနိုင်တာပဲလေ .. ဘာလို့များ မုန်းဖို့လိုနေသေးလဲဗျာ 💕

29/04/2025

အိမ်လွမ်းတဲ့ အချိန်လည်းရှိမယ် .. လုပ်ငန်းခွင် အဆင်မပြေတဲ့ ရက်လည်းရှိမယ် .. လိုချင်တာ မရတဲ့ အခါလည်းရှိမယ် .. ဒါတွေဟာ သာမန် ကြုံတွေ့ရမဲ့ အရာတွေ ဆိုပြီး သဘောထားလိုက်ရင် မနက်ဖြန်တိုင်းဟာ ပိုအေးချမ်းတဲ့ ရက်လေးတစ်ရက်ပါပဲ 🍀

25/03/2025

တွေ့ဆုံခဲ့လို့ နောင်တမရဘူး။
ပေါင်းဖက်ခဲ့လို့ နောင်တမရဘူး။
လက်တွဲခဲ့လို့ နောင်တမရဘူး။
အိမ်မက်ကို စွန့်လွှတ်ခဲ့ရလို့ နောင်တမရဘူး။
ချခဲ့တဲ့ ဆုံးဖြတ်ချက်တွေအတွက် ဘယ်တော့မှ နောင်တမရဘူး။

လွှတ်ချလိုက်ခြင်းဟာ အားနည်းခြင်းမဟုတ်ဘဲ ရှေ့ဆက်ဖို့အတွက် ခွန်အားတစ်မျိုးပါပဲ ။

15/03/2025

မြို့ပြရဲ့ ဆူညံသံတွေမရှိတဲ့၊ ကြော်ငြာဘုတ်တွေ၊ လူကူးမျဉ်းကြားတွေလည်း မရှိတဲ့ သေးငယ်တဲ့ ခြံဝင်းလေးတစ်နေရာမှာ လက်ဖက်ရည်အိုးလေးနဲ့ လေအေးအေးလေးရယ်၊ အနီးနားက ငှက်သံလေးရယ်နဲ့ အေးအေးချမ်းချမ်း ဖြတ်သန်းချင်တယ်။

ကြိုးစားလို့ရော ဘယ်လောက်ထိ ရောက်နိုင်မလဲ။ ခေါင်းထဲ ဘာမှ မထည့်ချင်တော့ဘူး။

ကြာတော့ လေးလာခဲ့ပြီ။ ကြုံသလိုလေးပဲ။ ဒီနေ့ကစပြီး ဘာဖြစ်လာမလဲပဲ စောင့်ကြည့်ချင်တော့တယ်။
🍃🐾🍀🪺🍂🌾

10/03/2025

စိတ်ကူးထားတဲ့အတိုင်းလေးပဲ ကိုယ်လည်းကိုယ့်ဘဝကိုအေးအေးချမ်းချမ်းလေးပဲ ဖြတ်သန်းသွားချင်တယ်။ သာမန်ဘဝလေးပဲ ကောင်းပါတယ်... တကယ်တော့ အတောင့်တဆုံးနဲ့ အမက်မောဆုံးက အေးချမ်းမှုနဲ့ တိတ်ဆိတ်မှုပါပဲ။ 🌼🍂🪶

05/03/2025

"ငါများ ကျန်းမာရေးဆိုးလာရင် မသေခင်အမီ ငါ့ရွာပို့ပေးပါ" ဆိုတဲ့ စကားတွေကို ကြားဖူးခဲ့တယ်။ အရင်တုန်းကတော့ အဲဒီစကားတွေရဲ့ အဓိပ္ပာယ်ကို သိပ်နားမလည်ခဲ့ဘူး။ ဘယ်မှာသေသေ အရာအားလုံးကို ထားခဲ့ရမှာပဲလို့ ပေါ့ပေါ့တွေးခဲ့မိတယ်။

ဒါပေမဲ့ အခုတော့ နားလည်သွားပြီ။ ကိုယ့်မြေ၊ ကိုယ့်ရွာမှာပဲ အဆုံးသတ်ချင်တဲ့သူတွေရဲ့ ရင်ထဲမှာ ဘယ်လောက်များ ဇာတိမြေကို ချစ်မြတ်နိုးစိတ်တွေ ပြည့်နှက်နေမလဲ။ ဘယ်လောက်များ တန်ဖိုးထားတတ်ကြမလဲဆိုတာ ပြန်တွေးမိတိုင်း ကြက်သီးထမိတယ်။

ငယ်ငယ်ကတည်းက ကြီးပြင်းလာခဲ့တဲ့ ရွာလေးရဲ့ လေနုအေးလေးတွေ၊ ရင်းနှီးကျွမ်းဝင်တဲ့ မြေသားနံ့လေးတွေ၊ နေ့တိုင်းမြင်နေကျ တောင်တန်းလေးတွေ၊ နွေးထွေးတဲ့ မိသားစုဝင်တွေနဲ့ သူငယ်ချင်းတွေရဲ့ အပြုံးတွေကို နောက်ဆုံးအချိန်ထိ မြင်တွေ့ခံစားချင်ကြတာပဲ။

တကယ်တော့ ဇာတိမြေဆိုတာ ကိုယ့်ရဲ့ အတိတ်၊ ပစ္စုပ္ပန်၊ အနာဂတ်တွေနဲ့ ချည်နှောင်ထားတဲ့ နေရာလေးတစ်ခုပဲ မဟုတ်လား။ ကိုယ့်ရဲ့ ဝိညာဉ်လေး ငြိမ်းချမ်းစွာ အနားယူဖို့ အသင့်တော်ဆုံးနေရာလေးပေါ့။ 🫶

01/03/2025

လူတိုင်းမှာ ကိုယ့်အခက်အခဲ၊ ကိုယ့်ပြဿနာတွေနဲ့ ကိုယ်စီရှိကြတယ်။ အလုပ်မှာ ဘယ်လောက်ပဲ ဖိအားများနေပါစေ၊ အိမ်မှာ ဘယ်လောက်ပဲ စိတ်ညစ်နေပါစေ၊ မင်းရဲ့ခံစားချက်ကို အပြည့်အဝ နားလည်ပေးနိုင်တဲ့သူ မရှိနိုင်ဘူး။ သူတို့ရဲ့ဘဝ၊ သူတို့ရဲ့အတွေ့အကြုံတွေနဲ့ မင်းရဲ့အခြေအနေက မတူညီနိုင်ဘူးလေ။

သူငယ်ချင်းတွေ၊ မိသားစုဝင်တွေ၊ ချစ်ရသူတွေက မင်းကို စာနာပေးချင်ကြမှာပါ။ ဒါပေမဲ့ သူတို့က ကိုယ်ရဲ့နေရာမှာ ဝင်ခံစားေပးဖို့ မလွယ်ဘူးလေ။ ကိုယ်ရဲ့စိတ်ထဲမှာ ဘာတွေဖြစ်နေလဲဆိုတာ အတိအကျ မသိနိုင်ဘူး။

ဝမ်းနည်းစရာကောင်းပေမဲ့ လက်ခံရမယ့်အမှန်တရားတစ်ခုပါ။ ဘယ်သူ့ကိုမှ အပြစ်တင်နေလို့လည်း ဘာမှထူးမလာဘူး။ အရေးကြီးတာက ကိုယ်ခံစားချက်ကို နားလည်ဖို့နဲ့ အခက်အခဲတွေကို လက်ခံပြီး ရင်ဆိုင်ဖို့ပဲ။

တစ်ယောက်တည်းလို့ မခံစားပါနဲ့။ လူတိုင်းက ကိုယ့်ရဲ့တိုက်ပွဲကိုယ်စီနဲ့ ရုန်းကန်နေကြရတာပါပဲ။ အဲဒီတိုက်ပွဲကို အောင်မြင်အောင် တိုက်ထုတ်ဖို့က ကိုယ်ရဲ့တာဝန်ပဲ။

ကိုယ်ရဲ့ခံစားချက်ကို နားလည်၊ အခက်အခဲကို လက်ခံ၊ အားနည်းချက်ကို အားသာချက်အဖြစ် ပြောင်းလဲ၊ ရှေ့ဆက်ဖို့ မတွန့်ဆုတ်ပါနဲ့။ ကိုယ်ရဲ့ဘဝကို ကိုယ်ပဲ တည်ဆောက်ရမှာပါ။

23/02/2025

🫂
"ကိုယ့်သက်တမ်း ဘယ်လောက်ရှိမှန်း မသိဘူး.. အနာဂတ်ကို အရမ်းပြင်ဆင် မနေတော့ဘူး" ဆိုတဲ့ စကားလေးဟာ ရင်ထဲကို နင့်နင့်နဲ ရောက်ရှိစေနိုင်တဲ့ စကားလေးတစ်ခွန်းပါ။ ဘဝရဲ့ မမြဲခြင်းတရားကို ခံစားမိတဲ့အခါ၊ ကိုယ့်ရဲ့ အနာဂတ်ကို မသေချာမရေရာမှုတွေနဲ့ ရင်ဆိုင်နေရတဲ့အခါ ဒီလို အတွေးတွေ ဝင်လာတတ်ပါတယ်။

🍻
ဘဝဆိုတာ မမြဲပါဘူး။ မွေးဖွားလာတဲ့ လူတိုင်းဟာ တစ်နေ့ သေဆုံးရမှာပါ။ ဘယ်နေ့၊ ဘယ်အချိန်မှာ သေဆုံးမယ်ဆိုတာ ဘယ်သူမှ မသိပါဘူး။ ဒါကြောင့် အနာဂတ်အတွက် အစီအစဉ်တွေ အများကြီး ဆွဲထားပေမယ့် ကိုယ့်ရဲ့ သက်တမ်းက အတိုအရှည် ဘယ်လိုဖြစ်မယ်ဆိုတာ မသိနိုင်ပါဘူး။

🍻
အနာဂတ်ကို အရမ်းကြီး ပူပန်နေမယ့်အစား လက်ရှိဘဝကို အကောင်းဆုံး ဖြတ်သန်းဖို့ အရေးကြီးပါတယ်။ ကိုယ်ချစ်တဲ့သူတွေနဲ့ အချိန်ပေးပါ၊ ပျော်ရွှင်စရာ အမှတ်တရတွေ ဖန်တီးပါ၊ ကိုယ့်ရဲ့ ဝါသနာပါရာတွေကို လုပ်ဆောင်ပါ။

🍻
အနာဂတ်အတွက် ပူပန်မှုတွေ လျှော့ချပြီး ရိုးရှင်းတဲ့ ဘဝကို နေထိုင်ပါ။ ငွေကြေး၊ ပစ္စည်းဥစ္စာတွေထက် စိတ်ရဲ့ ချမ်းသာမှုကို ပိုအာရုံစိုက်ပါ။ ကိုယ့်ရဲ့ ဘဝမှာ အဓိပ္ပာယ်ရှိတဲ့ အရာတွေကို လုပ်ဆောင်ပါ။ သူများတွေကို ကူညီပါ၊ ပတ်ဝန်းကျင်ကို ထိန်းသိမ်းပါ။ ကိုယ့်ရဲ့ ဖြတ်သန်းသွားတဲ့ ဘဝဟာ တန်ဖိုးရှိတယ်ဆိုတာကို ခံစားရပါစေ။

🍻
အနာဂတ်မှာ ဘာတွေ ဖြစ်လာမလဲဆိုတာ ဘယ်သူမှ မသိနိုင်ပါဘူး။ ဒါကြောင့် လက်ရှိအချိန်လေးကို တန်ဖိုးထားပြီး အကောင်းဆုံး ဖြတ်သန်းသွားပါ။

🍻
ဒီလို အတွေးတွေ ဝင်လာတဲ့အခါမှာ စိတ်ဓာတ်မကျပါနဲ့။ ဘဝရဲ့ မမြဲခြင်းကို လက်ခံပြီး လက်ရှိအချိန်လေးကို အကောင်းဆုံး ဖြတ်သန်းသွားပါ။ ကိုယ့်ရဲ့ ဘဝဟာ တန်ဖိုးရှိတယ်ဆိုတာကို အမြဲတမ်း သတိရပါ။

15/02/2025

ရန်ကုန်ကိုလွမ်းတယ် 🥹

Have fun with sasa