Pyi Thu Khit, Soi 11, Bangkok (2026)

13/06/2026

မဘိမ်းတိုက်ပွဲတွင် သူရဘွဲ့ရ ဗိုလ်မှူးကြီး သူရဝဏ္ဏလှိုင် ဒဏ်ရာပြင်းထန်ရ၊ ရဟတ်ယာဉ်ဖြင့် နေပြည်တော်သို့ ကယ်ထုတ်(သတင်း)

ပြည်သူ့ခေတ်၊ ဇွန် ၁၃

ရှမ်းမြောက်နှင့် ကချင်အစပ် မဘိမ်းမြို့နယ်အတွင်း ဖြစ်ပွားနေသော တိုက်ပွဲများတွင် စစ်ကောင်စီတပ်မှ သူရဘွဲ့ရ ဗိုလ်မှူးကြီး သူရဝဏ္ဏလှိုင် ဒဏ်ရာအပြင်းအထန် ရရှိသွားပြီး စစ်ရဟတ်ယာဉ်ဖြင့် နေပြည်တော် ကုတင်(၁၀၀၀) စစ်ဆေးရုံသို့ အရေးပေါ် ပို့ဆောင်ကုသနေရကြောင်း သတင်းရင်းမြစ်များက ဆိုသည်။

သတင်းများအရ မဘိမ်းမြို့နယ်ဘက်သို့ အင်အားအများအပြားဖြင့် စစ်ကြောင်းထိုးလာသော စစ်ကောင်စီတပ်များကို KIA နှင့် PDF ပူးပေါင်းတပ်ဖွဲ့များက ကြားဖြတ်တိုက်ခိုက်ခဲ့ရာ ဗိုလ်မှူးကြီး သူရဝဏ္ဏလှိုင် ဦးဆောင်သည့် စစ်ကြောင်းမှာ အထိနာခဲ့ပြီး ၎င်းကိုယ်တိုင်လည်း ဒဏ်ရာပြင်းထန်စွာ ရရှိခဲ့ကြောင်း သိရသည်။

ထိခိုက်ဒဏ်ရာရပြီးနောက် ကယ်ဆယ်ရေးအကူအညီ တောင်းခံခဲ့သော်လည်း အစပိုင်းတွင် ခွင့်ပြုချက်မရခဲ့ကြောင်း၊ နောက်ပိုင်းတွင် အဆင့်မြင့် စစ်ခေါင်းဆောင်များထံ တိုက်ရိုက်ဆက်သွယ်မှုများ ပြုလုပ်ပြီးမှ ရဟတ်ယာဉ်ဖြင့် လာရောက်ကယ်ထုတ်ခဲ့ရကြောင်း သတင်းရင်းမြစ်များက ပြောဆိုထားသည်။

ဗိုလ်မှူးကြီး သူရဝဏ္ဏလှိုင်သည် စစ်တက္ကသိုလ် အပတ်စဉ် (၄၃) ဆင်းဖြစ်ပြီး ကရင်ပြည်နယ် အနန်းကွင်းဒေသ တိုက်ပွဲများတွင် တာဝန်ထမ်းဆောင်စဉ် “သူရဘွဲ့” ချီးမြှင့်ခံခဲ့ရသူဖြစ်သည်။ လက်ရှိ မဘိမ်းစစ်မျက်နှာတွင် ပြင်းထန်သော တိုက်ပွဲများ ဆက်လက်ဖြစ်ပွားနေပြီး နှစ်ဖက်တပ်များအကြား စစ်ရေးတင်းမာမှု မြင့်တက်နေဆဲဖြစ်ကြောင်း သိရသည်။

#ပြည်သူ့ခေတ်သတင်း

13/06/2026

ရေစကြိုအဝင်တွင် စစ်တပ်က ဈေးဝယ်ကားများကို ဖမ်းဆီးပြီး ရိုက်နှက်ကာ တစ်ဦးလျှင် ငွေကျပ် ၂ သောင်းတောင်းခံ(သတင်း)

ပြည်သူ့ခေတ်၊ ဇွန် ၁၃

မကွေးတိုင်း၊ ရေစကြိုမြို့အဝင်တွင် အကြမ်းဖက် စစ်တပ်က ဈေးဝယ်လာသည့်ကားများကို ဖမ်းဆီးပြီး ပြည်သူများကို ရိုက်နှက်ကာ တစ်ဦးလျှင် ငွေကျပ် ၂ သောင်းတောင်းခံနေကြောင်း Yesagyo Township Info Committee သတင်းထုတ် ပြန်သည်။

ယနေ့ ဇွန်လ ၁၃ ရက်နေ့ နံနက်ပိုင်းမှာ စတင်ပြီး ရေစကြိုမြို့ပေါ်နှင့် ကူတုတ်ကျေးရွာကို သွားလာနေသော စစ်သားများသည် ရေစကြိုမြို့အဝင် ဘက်စုံခြံအနီး၌ ဈေးဝယ်လာသည့် ကားများကို ဖမ်းဆီးပြီး ကားပေါ်ပါလာသူများကို ရိုက်နှက်ခဲ့ကြောင်း၊ ထိုသို့ ၎င်းတို့ စိတ်ကြိုက် ရိုက်နှက်ပြီးနောက် တစ်ဦးလျှင် ငွေကျပ် ၂ သောင်းတောင်းခံခဲ့ကြောင်း သိရသည်။

"ကားလမ်းပေါ်မှာပါတဲ့ ကျေးရွာတွေက ဈေးဝယ်လာတဲ့ ကားတွေကို ဖမ်းဆီး စစ်ဆေးတာ သူတို့ မသင်္ကာတဲ့ ဈေးကားတွေဆို ရပ်ခိုင်းပြီး ယာဉ်မောင်းပါ ရိုက်နှက် ထိုးကြိတ်တာ ကားပေါ်ပါလာသူတွေဆီက တစ်ယောက်ကို ငွေကျပ် ၂၀၀၀၀ တောင်းယူတယ်" ဟု Yesagyo Township Info Committee မှ တာဝန်ရှိသူက ပြောဆိုသည်။

13/06/2026

သြစတြေးလျနိုင်ငံ မဲလ်ဘုန်းမြို့မှာ ဒေါ်အောင်ဆန်းစုကြည်ရဲ့ အသက် (၈၁) နှစ်ပြည့်မွေးနေ့အထိမ်းအမှတ် လမ်းလျှောက်ဆန္ဒပြပွဲပြုလုပ် (ရုပ်သံ)

ဇွန် ၁၃ ပြည်သူ့ခေတ်

သြစတြေးလျနိုင်ငံ မဲလ်ဘုန်းမြို့မှာ လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၁) နှစ်ပြည့်မွေးနေ့အထိမ်းအမှတ်အဖြစ် ခြေလှမ်း ၈၁၀၀ လမ်းလျှောက်ဆန္ဒပြပွဲပြုလုပ်ခဲ့တယ်လို့ သိရပါတယ်။

အဆိုပါလှုပ်ရှားမှုကို PROOF OF LIFE Campaign လှုပ်ရှားမှုအဖြစ် လုပ်ဆောင်ခဲ့တာဖြစ်တယ်လို့ သိရပါတယ်။

Video-Tin Hlaing

#ပြည်သူ့ခေတ်သတင်း #ဒေါ်အောင်ဆန်းစုကြည်
#အသက်၈၁နှစ် #သြစတြေးလျာ #မဲလ်ဘုန်းမြို့
#လှုပ်ရှားမှု #အထိမ်းအမှတ်

13/06/2026

ရေကြည်မြို့နယ် ကြောင်လျှာတောစခန်း AA သိမ်းပိုက်၊ စကစတပ် နောက်ဆုတ်ထွက်ခွာ(သတင်း)

ပြည်သူ့ခေတ် ဇွန် ၁၃

ဧရာဝတီတိုင်း၊ ရေကြည်မြို့နယ်နှင့် သာပေါင်းမြို့နယ်အစပ်ရှိ ကြောင်လျှာဒေသ စစ်တပ်စခန်းကို အာရက္ခတပ်တော် (AA) က တိုက်ခိုက်သိမ်းပိုက်နိုင်ခဲ့ပြီးနောက် အဆိုပါဒေသအတွင်း စိုးမိုးထိန်းချုပ်နိုင်ခဲ့ကြောင်း ဒေသခံသတင်းရင်းမြစ်များက ပြောကြားသည်။

ဇွန်လ ၈ ရက်မှစတင်ခဲ့သည့် တိုက်ပွဲများအပြီးတွင် စစ်ကောင်စီတပ်ဖွဲ့ဝင်များသည် အဆိုပါစခန်းမှ နောက်ဆုတ်ထွက်ခွာခဲ့ရပြီး AA ဘက်က နယ်မြေထိန်းချုပ်မှု တိုးချဲ့နိုင်ခဲ့သည်ဟု ဆိုသည်။

ထို့အပြင် စစ်တပ်ဘက်က ရေကြည်မြို့နယ်အတွင်း သီဟိုဠ်ခြံနှင့် ငေါတောင်အပါအဝင်နေရာများတွင် အင်အားဖြည့်တင်းပြီး လက်နက်ကြီးစခန်းများ ထပ်မံတည်ဆောက်ကာ လုံခြုံရေးတင်းကျပ်ထားကြောင်း သိရသည်။

ဒေသခံများအဆိုအရ တပ်ဖွဲ့များ ဆုတ်ခွာရာလမ်းကြောင်းတလျှောက်တွင် တိုက်ပွဲများ ဆက်လက်ဖြစ်ပွားနေပြီး ထိခိုက်ဒဏ်ရာရသူများလည်း စက်ဒေါင့်ကြီးရွာဘက်သို့ ရောက်ရှိနေကြောင်း သိရသည်။

#သတင်း #ပြည်သူ့ခေတ် #ရေကြည်
#ကြောင်လျှာတောစခန်း #အာရက္ခတပ်တော်
#ဆုတ်ခွာ #ဧရာဝတီ

13/06/2026

ရခိုင်ရိုးကျော်လမ်းတွင် စကစရဲ့ ယာယီခြေကုတ်စခန်းများကို AA ထပ်မံသိမ်းပိုက်( သတင်း)[ဓာတ်ပုံ ပုံဟောင်း]

ပြည်သူ့ခေတ် ၊ ဇွန် ၁၃

ရခိုင်ပြည် မအီ–တလိုင်းတောင်နှင့် မကွေးတိုင်း မင်းတုန်းကျော်လမ်းဒေသတွင် အာဏာသိမ်းစစ်တပ်က ထိုးစစ်ဆင်ထားသည့် ယာယီခြေကုတ်စခန်းများကို အာရက္ခတပ်တော် (AA) က ထပ်မံသိမ်းပိုက်ခဲ့ကြောင်း တော်လှန်ရေးစစ်ရေးသတင်းရင်းမြစ်များက ပြောကြားသည်။

သတင်းရင်းမြစ်များအရ စစ်ကောင်စီတပ်သည် အင်အား ၄၀၀ ကျော်ဖြင့် ရိုးတောင်ခြေရင်းဒေသသို့ ထိုးစစ်ဆင်ဝင်ရောက်ခဲ့ပြီး ကားလမ်းဘေးနှင့် အနီးဝန်းကျင်တွင် ယာယီခြေကုတ်စခန်းများ တည်ဆောက်ထားခဲ့ကြောင်း သိရသည်။ ထိုစခန်းများကို ဇွန်လ ၇ ရက်မှ ၉ ရက်အတွင်း ဖြစ်ပွားခဲ့သည့် တိုက်ပွဲများအတွင်း AA က သိမ်းပိုက်နိုင်ခဲ့ခြင်းဖြစ်သည်ဟု ဆိုသည်။

“ကားလမ်းဘေးနဲ့ နီးစပ်ရာနေရာတွေမှာ စစ်ကြောင်းထိုးဝင်လာပြီး ယာယီခြေကုတ်ယူထားတဲ့ စခန်းတွေပါ။ အဲဒီစခန်းကုန်းတွေကို AA က သုံးရက်အတွင်း အကုန်သိမ်းပိုက်လိုက်ပါတယ်” ဟု စစ်ရေးသတင်းရင်းမြစ်တစ်ဦးက ပြောသည်။

ယခုရက်ပိုင်းအတွင်း စစ်ကောင်စီတပ်များသည် သဖန်ရောင်၊ ဝက်ကော်၊ ပြောင်ရွာများမှတဆင့် ရိုးတောင်ခြေရင်းဒေသရှိ တောင်ကုန်းများတွင် ယာယီစခန်းချ၍ လှုပ်ရှားနေကြောင်းလည်း သိရသည်။

သတင်းများအရ စစ်ကောင်စီတပ်သည် သဖန်ရောင်–မအီနှင့် သဖန်ရောင်–တလိုင်းတောင် လမ်းပိုင်းများကို လေကြောင်းနှင့် လက်နက်ကြီးပစ်ကူများ အသုံးပြုကာ ထိုးစစ်ဆင်ခဲ့ပြီး ကျေးရွာအချို့တွင် ဝင်ရောက်စခန်းချမှုများ ပြုလုပ်ခဲ့ကြောင်း ဖော်ပြထားသည်။

ဒေသခံတစ်ဦးကလည်း စစ်ရေးအခြေအနေများနှင့် ပတ်သက်၍ “စစ်တပ်ဘက်က အကျအဆုံးများနေတယ်။ ဒီတနယ်လုံး သိနေတဲ့အခြေအနေပါ။ ကျေးရွာတွေကို မီးရှို့တာ၊ ပြည်သူတွေကို ဖမ်းဆီးတာတွေ ရှိခဲ့တယ်” ဟု ပြောကြားသည်။

ဒေသခံနှင့် စစ်ရေးသတင်းရင်းမြစ်များအဆိုအရ မင်းတုန်းဒေသရှိ ထိုးစစ်ဆင်နေသည့် စစ်ကြောင်းကို ဒုတိယဗိုလ်မှူးကြီးအဆင့်ရှိသူတစ်ဦးက ဦးဆောင်နေပြီး ဗျူဟာတစ်ခုအရ လှုပ်ရှားနေခြင်းဖြစ်ကြောင်း သိရသည်။

တိုက်ပွဲများအတွင်း ဗိုလ်မှူးအဆင့်အပါအဝင် စစ်ကောင်စီဘက်မှ အရာရှိနှင့်တပ်ဖွဲ့ဝင် ၁၀၀ ခန့် သေဆုံးခဲ့နိုင်သည်ဟု သတင်းများထွက်ပေါ်နေပြီး မေလနောက်ဆုံးပိုင်းနှင့် ဇွန်လအစောပိုင်းတိုက်ပွဲများတွင်လည်း ဗိုလ်အဆင့် ၃၀ ခန့် သေဆုံးပြီး ၂၀ ကျော် ဖမ်းဆီးခံရသည်ဟု ဆိုသည်။

ထို့ပြင် ရိုးတောင်ခြေရင်းဒေသတွင် စစ်ကြောင်းတစ်ကြောင်း အင်အား ၁၅၀ ခန့် ပျောက်ဆုံးနေကြောင်းနှင့် အချို့တပ်ဖွဲ့ဝင်များမှာ တော်လှန်ရေးတပ်ဖွဲ့များထံ လက်နက်ချ အလင်းဝင်လာမှုများလည်း ရှိနေကြောင်း သတင်းရင်းမြစ်များက ဆိုသည်။

ဓာတ်ပုံ - ပုံဟောင်းများဖြစ်သည်။
#သတင်း #ပြည်သူ့ခေတ် #ရိုးတောင်ခြေရင်း
#မအီ
Pyi Thu Khit

13/06/2026

သေနတ်ဓာတ်ပုံများ အွန်လိုင်းတွင် ပျံ့နှံ့မှုဖြင့် ရေးမြို့ ခမရ ၅၈၇ မှ တပ်ကြပ်ကြီးတစ်ဦးနှင့် တပ်သားနှစ်ဦးကို စစ်ကောင်စီ ဖမ်းဆီး

ဇွန် ၁၃ ၊ ပြည်သူ့ခေတ်

မွန်ပြည်နယ်၊ ရေးမြို့နယ်အခြေစိုက် ခမရ ၅၈၇ တပ်ရင်းမှ တပ်ကြပ်ကြီး တစ်ဦးနှင့် တပ်သား နှစ်ဦး အပါအဝင် စစ်ကောင်စီတပ်ဖွဲ့ဝင် သုံးဦးကို စစ်ကောင်စီက ဖမ်းဆီးအရေးယူထားကြောင်း တပ်တွင်းသတင်းရင်းမြစ်များထံမှ သိရသည်။

လူမှုကွန်ရက်ပေါ်တွင် စစ်တပ်သုံးသေနတ်ဓာတ်ပုံများ ပျံ့နှံ့ခဲ့ပြီးနောက် အဆိုပါသေနတ်များသည် ခမရ ၅၈၇ သို့မဟုတ် ခမရ ၅၈၈ တပ်ရင်းမှ ဖြစ်သည်ဟု အပြန်အလှန် ငြင်းခုံမှုများ ဖြစ်ပွားခဲ့ကြောင်း၊ ယင်းအခြေအနေကို တိုင်းစစ်ဌာနချုပ်က သိရှိသွားပြီးနောက် ရေးမြို့နယ်အတွင်းရှိ စစ်ကောင်စီတပ်ရင်းများအားလုံးကို ခေါ်ယူစစ်ဆေးခဲ့ကြောင်း သိရသည်။

တိုင်းစစ်ဌာနချုပ်၏ စစ်ဆေးချက်အရ လိုင်းပေါ်တွင် ပျံ့နှံ့နေသည့် သေနတ်ဓာတ်ပုံများသည် ခမရ ၅၈၇ တပ်ရင်းမှ ဓာတ်ပုံများ ဖြစ်နေကြောင်း ပေါ်ပေါက်ခဲ့သည်။

ယင်းဓာတ်ပုံများ ပျံ့နှံ့မှုနှင့် ပတ်သက်၍ ခမရ ၅၈၇ တပ်ရင်းမှ တပ်ကြပ်ကြီး တစ်ဦးနှင့် တပ်သား နှစ်ဦးကို စစ်ကောင်စီက ဖမ်းဆီးထိန်းသိမ်းထားပြီး ဆက်လက်စစ်ဆေး အရေးယူမှုများ ပြုလုပ်နေကြောင်း တပ်တွင်းသတင်းရင်းမြစ်က ပြောကြားသည်။
#သတင်း #ပြည်သူ့ခေတ် #အွန်လိုင်း

13/06/2026

ငဖဲမြို့နယ်ရှိ စစ်ကောင်စီ ဒုတပ်စိတ်မှူးတစ်ဦး သေနတ် ၂လက်နှင့်အတူ မင်းဘူးခရိုင် အမှတ်(၈) တပ်ရင်းထံ အလင်းဝင်(သတင်း)

ဇွန် ၁၃ ပြည်သူ့ခေတ်

မကွေးတိုင်း၊ မင်းဘူးခရိုင်၊ ငဖဲမြို့နယ်အတွင်းလှုပ်ရှားနေတဲ့ ခမရ(၅၆၂) တပ်ရင်းက ဒုတပ်စိတ်မှူးအဆင့်ရှိ စစ်ကောင်စီတပ်ဖွဲ့ဝင်တစ်ဦး လက်နက် ၂လက်၊ ခဲယမ်းတွေနဲ့အတူ အလင်းဝင်ရောက်လာတယ်လို့ မင်းဘူးခရိုင်အမှတ်(၈)တပ်ရင်းက ထုတ်ပြန်ပါတယ်။

ပြီးခဲ့တဲ့ဇွန်လ ၈ ရက်နေ့က မင်းဘူးခရိုင် အမှတ်(၈) တပ်ရင်းဆီ၊ ပဒါန်းမြို့အခြေစိုက် အမြောက်စခန်းကွပ်ကဲမှုဌာနချုပ် မစခ-၉၀၅ လက်အောက်ခံ ခမရ -၅၆၂ တပ်ရင်းက ဒုတပ်စိတ်မှူး အောင်မင်းဦးဟာ လက်နက်ခဲယမ်းတွေနဲ့အတူ အလင်းဝင်ရောက်ခဲ့တယ်လို့ သိရပါတယ်။

အလင်းဝင်စစ်သားဟာ သူနဲ့အတူ MA-2 သေနတ် ၁ လက်၊ MA-3 သေနတ် ၁ လက်၊ လက်ပစ်ဗုံး ၂လုံး၊ ကျည် ၃၂၈တောင့်၊ ကျည်အိမ် ၇ ခု နဲ့ Amour ၁ စုံ တို့ပါဝင်ခဲ့တယ်လို့လည်း မင်းဘူးခရိုင် အမှတ်(၈) တပ်ရင်းက ဖော်ပြပါတယ်။

"ကျွန်တော်တို့အဖွဲ့ကို ခေါ်ပေးဖို့ ဆက်သွယ်ချိတ်ဆက်လာတာကြောင့် သူနဲ့ တိုက်ရိုက်ဆက်သွယ်ပြီးတော့ သွားရောက်ခေါ်ဆောင်ခဲ့တာပါ" လို့မင်းဘူးခရိုင်အမှတ်(၈)တပ်ရင်း တာဝန်ရှိသူတစ်ဦးက ပြောပါတယ်။

လက်ရှိမှာတော့ အလင်းဝင်လာသူ ကိုအောင်မင်းဦးကို တပ်ရင်းကနေ လူ့ဂုဏ်သိက္ခာနဲ့အညီ နေထိုင်နိုင်ဖို့ စီစဥ်ဆောင်ရွက်ပေးထားပြီး ဂုဏ်ပြုဆုငွေ ချီးမြှင့်ဖို့အတွက်ပါ စီစဥ်ဆောင်ရွက်ထားတယ်လို့ ဆိုပါတယ်။

ဆက်လက်ပြီးလည်း အခုလိုမျိုး လက်နက်ချပြည်သူ့ရင်ခွင်ခိုလှုံလိုတဲ့ စစ်ကော်မရှင်တပ်သားတွေကို လက်ခံကြိုဆိုနေပြီး လူ့အခွင့်အရေးအပြည့်အဝရရှိစေမှာဖြစ်သလို မိသားစုနဲ့ပြန်လည်တွေ့ဆုံနိုင်ဖို့ ကူညီပေးမယ်လို့လည်း မင်းဘူးခရိုင်အမှတ်(၈) တပ်ရင်းက ဆိုထားပါတယ်။

အလင်းဝင်ရောက်လာတဲ့ ဒုတပ်စိတ်မှူး အောင်မင်းဦးရဲ့ ခမရ-၅၆၂ တပ်ရင်းဟာ ရခိုင်ပြည်နယ်၊ ဂွမြို့အခြေစိုက်ဖြစ်ပြီး နယ်နိမိတ်ချင်းထိစပ်နေတဲ့ အမ်း-ပဒါန်းလမ်းပိုင်းရှိရာ ငဖဲမြို့နယ်အတွင်းလှုပ်ရှားနေတာလို့ သိရပါတယ်။

ပုံစာ - မင်းဘူးခရိုင် အမှတ်(၈) တပ်ရင်းမှထုတ်ပြန်ထားသည့် အလင်းဝင်စစ်သားနှင့်လက်နက်များ။
#သတင်း #ပြည်သူ့ခေတ်
#ငဖဲမြို့နယ် #မင်းဘူးခရိုင်

13/06/2026

မင်းတုန်းစစ်မျက်နှာ ရခိုင်ရိုးကျော်လမ်းတွင် စစ်ကောင်စီ ယာယီခြေကုတ်စခန်းများကို AA ထပ်မံသိမ်းပိုက်(သတင်း)

ပြည်သူ့ခေတ် ၊ ဇွန် ၁၃

ရခိုင်ပြည် မအီ–တလိုင်းတောင်နှင့် မကွေးတိုင်း မင်းတုန်းကျော်လမ်းဒေသတွင် အာဏာသိမ်းစစ်တပ်က ထိုးစစ်ဆင်ထားသည့် ယာယီခြေကုတ်စခန်းများကို အာရက္ခတပ်တော် (AA) က ထပ်မံသိမ်းပိုက်ခဲ့ကြောင်း တော်လှန်ရေးစစ်ရေးသတင်းရင်းမြစ်များက ပြောကြားသည်။

သတင်းရင်းမြစ်များအရ စစ်ကောင်စီတပ်သည် အင်အား ၄၀၀ ကျော်ဖြင့် ရိုးတောင်ခြေရင်းဒေသသို့ ထိုးစစ်ဆင်ဝင်ရောက်ခဲ့ပြီး ကားလမ်းဘေးနှင့် အနီးဝန်းကျင်တွင် ယာယီခြေကုတ်စခန်းများ တည်ဆောက်ထားခဲ့ကြောင်း သိရသည်။ ထိုစခန်းများကို ဇွန်လ ၇ ရက်မှ ၉ ရက်အတွင်း ဖြစ်ပွားခဲ့သည့် တိုက်ပွဲများအတွင်း AA က သိမ်းပိုက်နိုင်ခဲ့ခြင်းဖြစ်သည်ဟု ဆိုသည်။

“ကားလမ်းဘေးနဲ့ နီးစပ်ရာနေရာတွေမှာ စစ်ကြောင်းထိုးဝင်လာပြီး ယာယီခြေကုတ်ယူထားတဲ့ စခန်းတွေပါ။ အဲဒီစခန်းကုန်းတွေကို AA က သုံးရက်အတွင်း အကုန်သိမ်းပိုက်လိုက်ပါတယ်” ဟု စစ်ရေးသတင်းရင်းမြစ်တစ်ဦးက ပြောသည်။

ယခုရက်ပိုင်းအတွင်း စစ်ကောင်စီတပ်များသည် သဖန်ရောင်၊ ဝက်ကော်၊ ပြောင်ရွာများမှတဆင့် ရိုးတောင်ခြေရင်းဒေသရှိ တောင်ကုန်းများတွင် ယာယီစခန်းချ၍ လှုပ်ရှားနေကြောင်းလည်း သိရသည်။

သတင်းများအရ စစ်ကောင်စီတပ်သည် သဖန်ရောင်–မအီနှင့် သဖန်ရောင်–တလိုင်းတောင် လမ်းပိုင်းများကို လေကြောင်းနှင့် လက်နက်ကြီးပစ်ကူများ အသုံးပြုကာ ထိုးစစ်ဆင်ခဲ့ပြီး ကျေးရွာအချို့တွင် ဝင်ရောက်စခန်းချမှုများ ပြုလုပ်ခဲ့ကြောင်း ဖော်ပြထားသည်။

ဒေသခံတစ်ဦးကလည်း စစ်ရေးအခြေအနေများနှင့် ပတ်သက်၍ “စစ်တပ်ဘက်က အကျအဆုံးများနေတယ်။ ဒီတနယ်လုံး သိနေတဲ့အခြေအနေပါ။ ကျေးရွာတွေကို မီးရှို့တာ၊ ပြည်သူတွေကို ဖမ်းဆီးတာတွေ ရှိခဲ့တယ်” ဟု ပြောကြားသည်။

ဒေသခံနှင့် စစ်ရေးသတင်းရင်းမြစ်များအဆိုအရ မင်းတုန်းဒေသရှိ ထိုးစစ်ဆင်နေသည့် စစ်ကြောင်းကို ဒုတိယဗိုလ်မှူးကြီးအဆင့်ရှိသူတစ်ဦးက ဦးဆောင်နေပြီး ဗျူဟာတစ်ခုအရ လှုပ်ရှားနေခြင်းဖြစ်ကြောင်း သိရသည်။

တိုက်ပွဲများအတွင်း ဗိုလ်မှူးအဆင့်အပါအဝင် စစ်ကောင်စီဘက်မှ အရာရှိနှင့်တပ်ဖွဲ့ဝင် ၁၀၀ ခန့် သေဆုံးခဲ့နိုင်သည်ဟု သတင်းများထွက်ပေါ်နေပြီး မေလနောက်ဆုံးပိုင်းနှင့် ဇွန်လအစောပိုင်းတိုက်ပွဲများတွင်လည်း ဗိုလ်အဆင့် ၃၀ ခန့် သေဆုံးပြီး ၂၀ ကျော် ဖမ်းဆီးခံရသည်ဟု ဆိုသည်။

ထို့ပြင် ရိုးတောင်ခြေရင်းဒေသတွင် စစ်ကြောင်းတစ်ကြောင်း အင်အား ၁၅၀ ခန့် ပျောက်ဆုံးနေကြောင်းနှင့် အချို့တပ်ဖွဲ့ဝင်များမှာ တော်လှန်ရေးတပ်ဖွဲ့များထံ လက်နက်ချ အလင်းဝင်လာမှုများလည်း ရှိနေကြောင်း သတင်းရင်းမြစ်များက ဆိုသည်။

ဓာတ်ပုံ - ပုံဟောင်းဖြစ်သည်။
#သတင်း #ပြည်သူ့ခေတ် #ရိုးတောင်ခြေရင်း
#မအီ
Pyi Thu Khit

13/06/2026

ရွေးတု သမ္မတတုလုပ်ပြီး ပိုဆိုနေတယ်လို့ ဒေါက်တာတေဇာဆန်း ပြောဆိုတဲ့ တော်လှန် ၆နှစ်မြောက် သတင်းဆောင်းပါး

ပြည်သူ့ခေတ် ဇွန် ၁၃

ဒေါက်တာတေဇာဆန်းက မင်းအောင်လှိုင်ကို ရွေးကောက်ပွဲပတု သမ္မတအတုလုပ်ပြီး ပိုဆိုးနေတယ်လို့ ပြောဆိုလိုက်ပါတယ်။

#သတင်း #ပြည်သူ့ခေတ် #ဒေါက်တာတေဇာဆန်း #မင်းအောင်လှိုင် #အတု
Pyi Thu Khit

12/06/2026

စစ်တွေ ဒကစအနီးဆုံး နာရီကန်ရွာအထိAAထိုး စစ်ရောက်ရှိ၊ မြို့ပတ်ဝန်းကျင်တိုက် ပွဲပြင်းထန်နေ(သတင်း)

ပြည်သူ့ခေတ် ဇွန် ၁၂

အာရက္ခတပ်တော် အေအေရဲ့ စစ်တွေပတ်ဝန်းကျင် ထိုးစ*စ်များမှာ ဒေသကွပ်ကဲမှုစစ်ဌာနချုပ် ဒကစ-စစ်တွေနဲ့ အနီးဆုံး နာရီကန်ကျေးရွာဝန်းကျင်အထိ ရောက်ရှိလာပြီးတော့ တို*က်ပွဲများ ဆက်လက်ပြင်းထန်နေကြောင်း မြေပြင်သတင်းရင်းမြစ်များက ပြောပါတယ်။

စစ်တွေ-ရန်ကုန် ပြည်ထောင်စုလမ်းမပေါ်ရှိ နာရီကန်၊ ပါဒလိတ်၊ တောကန်ကျေးရွာများအနီး စစ်ကောင်စီ၏ ကာကင်းစခန်းများကို အေ အေက လက်နက်ကြီးများနှင့် မြေပြင်ထိုးစစ်များဖြင့် တိုက်ခိုက်နေတာပါ။

ထို့ပြင် စစ်တွေမြို့အရှေ့ဘက်ရှိ ရွှေမင်းဂံရေတပ်စခန်းဝန်းကျင်၊ ကုလားတန်မြစ်ကြောင်းနှင့် ဘင်္ဂလားပင်လယ်ဝအတွင်းရှိ စစ်သင်္ဘောများကိုလည်း အေ အေက ဆက်လက်ပစ်ခတ်တိုက်ခိုက်နေပါတယ်။

လက်ရှိတွင် အေအေဟာ စစ်တွေမြို့ကို ရသေ့တောင်၊ ပုဏ္ဏားကျွန်းနှင့် ပေါက်တောဘက်များမှ ဝိုင်းပတ်ဖိအားပေးတိုက်ခိုက်နေပြီး စစ်ကောင်စီဘက်ကလည်း လက်နက်ကြီးများဖြင့် နေ့စဉ်ရမ်းသမ်းပစ်ခတ်နေတဲ့အတွက် အနီးပတ်ဝန်းကျင်ကျေးရွာများမှ ဒေသခံများ စစ်ဘေးရှောင်နေကြရပါတယ်။

စစ်တွေမြို့တွင် ညမထွက်ရအမိန့် ထုတ်ပြန်ထားပြီး လုံခြုံရေးတင်းကျပ်ထားကာ ကမ်းနားလမ်းတစ်လျှောက် ဘန်ကာများ တိုးချဲ့တည်ဆောက်နေကြောင်း သိရပါတယ်။

#သတင်းအစီစဥ် #ပြည်သူ့ခေတ်သတင်း
#ရခိုင်ပြည်နယ် #စစ်တွေ #နာရီစင်
Pyi Thu Khit

Pyi Thu Khit

13/06/2026

13/06/2026

13/06/2026

13/06/2026

13/06/2026

13/06/2026

13/06/2026

13/06/2026

13/06/2026

12/06/2026

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท