13/11/2025
https://www.facebook.com/share/p/1DWddpEfwx/
AAထံ မင်းအောင်လှိုင် ဒူးထောက်ပြီး လက်ဖြန့်ကာ အာရက္ခဒေသမှ မြို့၄ မြို့ကို ပြန်ပေးရန် တောင်းဆို
၁၂ နိုဝင်ဘာ ၁၃
အာရက္ခဒေသ အတွင်းရှိ AA သိမ်းပိုက်အုပ်ချုပ်နေတဲ့ မြို့တွေအနက် ၄ မြို့ ကို စစ်ကော်မရှင်က AA ထံ ပြန်တောင်းထားကြောင်း သိရသည်။
စကမ ပြန်တောင်းလိုက်တဲ့ မြို့ ၄ မြို့မှာ အမ်း၊ သံတွဲ၊ တောင်ကုတ်နဲ့ ဂွမြို့တို့ ဖြစ်နိုင်ပြီး တရုတ်ကနေတဆင့် အဲဒီ မြို့ ၄ မြို့ကို တောင်းထားတာဖြစ်တယ်လို့ ပအိုဝ်းအမျိုးသားလွတ်မြောက်ရေး အဖွဲ့ချုပ် ဥက္ကဋ္ဌ ဗိုလ်မှူးကြီးခွန်ဥက္ကာက ပြောဆိုလိုက်တာဖြစ်သည်။
“အမ်း သံတွဲ တောင်ကုတ် ဂွမြို့များကို တရုတ်ကတဆင့် တောင်းတယ်လို့ ကြားတာပဲ။ အဲဒါကတော့ ကျနော်တို့ ဘာသတင်းမှတော့ မရဘူး တခြား ပြောတာကတော့ ဒီဘက် နယ်စပ်မြို့တွေလို့ ပြောတယ်။ အလယ်ပိုင်းမှာ ရွေးကောက်ပွဲတွေ ဘာတွေလုပ်ရင် နည်းနည်း အနှောင့်အယှက် မရှိအောင် ခြံစည်းရိုးကာတဲ့ သဘောပေါ့။ အဲဒီ ၄ မြို့ကို ပြန်သိမ်းနိုင်တယ်ဆိုရင် ခြံစည်းရိုးကာ ပြီးတော့ တခြားနေရာတွေမှာ AA က အကန့်အသတ်နဲ့ ထားလိုက်တဲ့ သဘောပေါ့။ ဒါပေမယ့် ချက်ချင်းတော့ မဖြစ်နိုင်သေးပါဘူး။ နိုင်ငံရေး အပေးအယူ မရှိဘဲနဲ့တော့ ဒါတွေက ဖြစ်လာဖို့ မလွယ်သေးပါဘူး” လို့ ၄င်းက ပြောသည်။
စကမရဲ့ ရွေးကောက်ပွဲ မကျင်းပဖြစ်တဲ့ မြို့နယ်တွေ ထုတ်ပြန်ကြေညာမှုမှာ လက်ရှိ အာရက္ခတပ်တော် ထိန်းချုပ်ထားတဲ့ နယ်မြေတွေဖြစ်တဲ့ ပလက်ဝ အပါအဝင် ၁၅ မြို့နယ်ရှိတဲ့အထဲ ၁၁ မြို့နယ်သာ ပါဝင်ပြီး ကျန် ၄ မြို့နယ်မှာ ပါဝင်တာမတွေ့ရပဲ့ ပြန်ရရှိရေးအတွက် လေကြောင်း တိုက်ခိုက်မှု ဆက်တိုက် လုပ်ဆောင်နေတာ တွေရသည်။
၄င်း မြို့ ၄ မြို့ကို တိုက်ခိုက် မရနိုင်တဲ့အတွက် ရွေးကောက်ပွဲ ကျင်းပနိုင်ရေးအတွက် မင်းအောင်လှိုင်က AAထံ ဒူးထောက်ပြီး လက်ဖြန့်တောင်းဆိုနေတာ ဖြစ်သည်။
