เว็บไซต์คืออะไร?

https://www.chindwinyomanews.com/

Chindwinyoma News-Burmese Edition, 101/1, Building A, City condo, Bangkok (2025)

28/09/2025

အုတ်ဖိုမြို့တွင် ရာအိမ်မှူး၁ဦး ပစ်ခတ်ရှင်းလင်းခံရ
-------------------------------
------------------------------
၂၈ စက်တင်ဘာလ ၂၀၂၅-ချင်းတွင်းရိုးမ

ပဲခူးတိုင်း သာယာဝတီခရိုင် အုတ်ဖိုမြို့နယ် ရှမ်းကုန်းကျေးရွာ၏ ရာအိမ်မှူးကို စက်တင်ဘာလ ၂၇ ရက်နေ့တွင် ပစ်ခတ်ရှင်းလင်းခဲ့သည်ဟု Black Tiger ပျောက်ကြားတပ်ဖွဲ့က ယနေ့သတင်းထုတ်ပြန်လိုက်သည်။

သေဆုံးသူ ရာအိမ်မှူးသည် စစ်မှုထမ်းဟောင်းတစ်ဦးဖြစ်ပြီး၊ ပြည်သူများမှ စစ်မှုထမ်းကြေးဟုဆိုကာ ငွေကြေးများကောက်ခံလျက်ရှိြပီး မပေးနိုင်သူများကို ဖမ်ဆီးစေခြင်းများလုပ်ဆောင်လျက်ရှိပြီး လူငယ်များကို စစ်မှုထမ်းရန် စစ်သားစုဆောင်းခြင်းများ လုပ်နေသဖြင့် ပစ်ခတ်ရှင်းလင်းရခြင်းဖြစ်သည်ဟု Black Tiger ပျောက်ကြားတပ်ဖွဲ့ကပြောသည်။

အာဏာသိမ်းစစ်တပ်နှင့် ၄◌င်းတို့၏ထောက်တိုင်များကို တိုက်ခိုက်သွားမည်ဖြစ်၍ ပြည်သူများအနေဖြင့် ၄◌င်းတို့နှင့်နီးစပ်သည့်နေရာများသို့ သွားလာခြင်းများ ရှောင်းရှားကြရန် Black Tiger ပျောက်ကြားတပ်ဖွဲ့က သတိပေးလိုက်သည်။

ပုံစာ- သာယာဝတီခရိုင် တပ်ရင်း ၃၈၀၂ တပ်ခွဲ ၅ တပ်ဖွဲ့ဝင်တစ်ဦး

#ချင်းတွင်းရိုးမ
#ပဲခူး
#ရာအိမ်မှူး
#သာယာဝတီခရိုင်

27/09/2025

စစ်တပ်ပြုလုပ်မည့် ရွေးကောက်ပွဲ အကောင်အထည်မပေါ်စေရန် မိတ်ဖက်အင်အားစုများနှင့်ပူးပေါင်းဆောင်ရွက်မည်ဟု NLD ထုတ်ပြန်
-----------------------------------------
-----------------------------------------
၂၇ စက်တင်ဘာ ၂၀၂၅-ချင်းတွင်းရိုးမ

စစ်တပ်က ပြုလုပ်မည့် အတုအယောင် ရွေးကောက်ပွဲကို NLD ပါတီက အသိပြုမည်မဟုတ်ဘဲ ရွေးကောက်ပွဲ အကောင်အထည်မပေါ်စေရန် မိတ်ဖက်အင်အားစုများနှင့် ပူးပေါင်း ဆောင်ရွက်မည်ဟု အမျိုးသားဒီမိုကရေစီအဖွဲ့ချုပ် NLD ဗဟိုအလုပ်ကော်မတီက ယနေ့ ထုတ်ပြန်လိုက်ကြေညာလိုက်သည်။

စစ်တပ်သည် ပြည်သူလူထု၏ ဆန္ဒကို လျစ်လျူရှုပြီး ဖွဲ့စည်းပုံအခြေခံဥပဒေကို ချိုးဖောက်ကာ အဓမ္မအာဏာလုယူပြီးနောက် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၊ ဒုတိယဥက္ကဋ္ဌ (၁) နိုင်ငံတော်သမ္မတကြီး ဦးဝင်းမြင့်၊ ဒုတိယဥက္ကဋ္ဌ (၂) မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်အပါအဝင် အစိုးရအဖွဲ့အကြီးအကဲများ၊ အမျိုးသားဒီမိုကရေစီအဖွဲ့ချုပ်ခေါင်းဆောင်များကို မတရားဖမ်းဆီးခဲ့သည်ဟု ထုတ်ပြန်ချက်တွင်ရေးသားထားသည်။

စစ်တပ်က အာဏာသိမ်းပြီးနောက် ပေါ်ပေါက်လာသော ပြဿနာအရပ်ရပ်ကြောင့် နိုင်ငံတကာနှင့် ပြည်သူလူထုကို ထပ်မံလှည့်စားရန်၊ နိုင်ငံရေးတရားဝင်မှုရရန် ရည်ရွယ်ကာ အာဏာလု စစ်တပ်သည် အတုအယောင်ရွေးကောက်ပွဲတစ်ရပ်ကို ကျင်းပမည်ဖြစ်သဖြင့် တရားဝင်မှုနှင့် တရားမျှတမှု လည်း ရှိမည်မဟုတ်သောကြောင့် မိမိတို့ အမျိုးသားဒီမိုကရေစီအဖွဲ့ချုပ်အနေဖြင့် လက်မခံ၊ အသိအမှတ် မပြု၊ ပူးပေါင်းဆောင်ရွက်မည်မဟုတ်ဘဲ ထိုအတုအယောင်ရွေးကောက်ပွဲ အကောင်အထည်မပေါ်စေရန် မိတ်ဖက်အင်အားစုများအားလုံးနှင့် ပူးပေါင် ဆောင်ရွက်သွားမည်ဖြစ်ကြောင်း NLD ပါတီ ဗဟိုအလုပ်ကော်မတီက ပြောသည်။

အမျိုးသားဒီမိုကရေစီအဖွဲ့ချုပ်က ၂၀၂၀ ခုနှစ် နိုဝင်ဘာလ ၈ ရက်နေ့၌ ကျင်းပခဲ့သော အထွေထွေရွေးကောက်ပွဲတွင် မဲဆန္ဒနယ်အားလုံး၏ ၈၂ ဒသမ ၃၆ ရာခိုင်နှုန်း အနိုင်ရရှိပြီး လွှတ်တော်ကိုယ်စားလှယ် ၉၂၀ ဦး ရွေးချယ်တင်မြှောက်ခံရကြောင်း၊ ထို ၂၀၂၀ အထွေထွေရွေးကောက်ပွဲ ရလဒ်သည် နောက်တကြိမ်ကျင်းပမည့် လွတ်လပ်ပြီး တရားမျှတမှုရှိသော ရွေးကောက်ပွဲရလဒ် ပေါ်ထွက် လာချိန်အထိ တရားဝင်တည်ရှိနေမည်ဟု ထုတ်ပြန်ချက်တွင်ရေးသားထားသည်။

ထို့ပြင် မြန်မာ့နိုင်ငံရေး ပြဿနာအရပ်ရပ်ကို ပြေလည်စေရေးအတွက် အာဆီယံအပါအဝင် အိမ်နီးချင်း နိုင်ငံများနှင့် မိတ်ဖက်နိုင်ငံများ၏ ကြိုးပမ်းအားထုတ်မှုများကို အသိအမှတ်ပြု ကျေးဇူးတင်ကြောင်း၊ နိုင်ငံတကာအနေဖြင့် မြန်မာ့နိုင်ငံရေးပြဿနာကို လတ်တလောပြေလည်စေရေးအတွက်သာ မဟုတ်ဘဲ ပြဿနာအရင်းအမြစ်ကို သိရှိရန် လိုအပ်ပြီး အတုအယောင်ရွေးကောက်ပွဲအပါအဝင် စစ်အာဏာရှင်စနစ် သက်ဆိုးရှည်ရေးကို အထောက်အကူဖြစ်စေမည့်ကိစ္စရပ်များအား ရှောင်ဖယ်၍ ပြည်သူလူထု၏ ဆန္ဒအပေါ် အခြေခံပြီး စဥ်းစားဆောင်ရွက်ကြမှသာ ရေရှည်ခိုင်မာသော တည်ငြိမ်အေးချမ်းမှုကို ရရှိမည်ဟု ထုတ်ပြန်ချက်တွင်ရေးသားထားသည်။

၂၀၂၀ ခုနှစ် နိုဝင်ဘာ ၁၂ ရက်နေ့ အမျိုးသားဒီမိုကရေစီအဖွဲ့ချုပ်က တိုင်းရင်းသားနိုင်ငံရေးပါတီ များသို့ ပေးပို့သော “နောင်အနာဂတ် မြန်မာနိုင်ငံအတွက် ရှေးရှုရမည့် ပြည်ထောင်စုအရေးကိစ္စ” အိတ်ဖွင့် ပေးစာတွင် ဒီမိုကရေစီ ဖက်ဒရယ်ပြည် ထောင်စုပေါ်ထွန်းရေးကို မမှိတ်မသုန် ဆက်လက်ကြိုးပမ်း သွားမည်ဖြစ်ပြီး နောင်အနာဂတ်တွင် တိုင်းရင်းသားလူမျိုးစုများ၏ ဆန္ဒများကို အလေးထား ဆောင်ရွက်သွားမည်ဟု ဖော်ပြခဲ့သည့် ကတိကဝတ်အတိုင်း ဒီမိုကရေစီပြည်ထောင်စု တည်ဆောက် နိုင်ရေး ကနဦးလုပ်ငန်းစဥ်အဖြစ် ဖက်ဒရယ်ယူနစ်များအလိုက် ကြားကာလအစီအမံများ ဖော်ထုတ် အကောင် အထည်ဖော်ခြင်းကို သက်ဆိုင်ရာယူနစ်တွင်း ဘုံရည်မှန်းချက်တူ နိုင်ငံရေးအင်အားစုများ၊ တော်လှန်ရေးအင်အားစုများနှင့်အတူ ဆက်လက်အကောင်အထည်ဖော်မည်ဖြစ်ပြီး တိုင်းရင်းသား အင်အားစုများနှင့်လည်း ရင်းနှီးပွင့်လင်းစွာ ဆက်ဆံရေး တိုးမြှင့်တည်ဆောက်သွားမည်ဟု NLD က ကတိပြုထားသည်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဒုတိယဥက္ကဋ္ဌ (၁) နိုင်ငံတော်သမ္မတကြီး ဦးဝင်းမြင့်တို့ကို မည်သည့်နေရာ၌ ဖမ်းဆီးချုပ်နှောင်ထားသည် ကို ယနေ့တိုင် မသိရှိရဘဲ ကျန်းမာရေးအခြေအနေ စိုးရိမ်ရသောသတင်းများ ထွက်ပေါ်လာမှုကြောင့် အမျိုးသားဒီမိုကရေစီအဖွဲ့ချုပ်အနေဖြင့် အထူးစိုးရိမ်ပူပန်မိကြောင်း၊ စစ်အာဏာသိမ်းမှုကြောင့် ပေါ်ပေါက်လာသော မြန်မာ့နိုင်ငံရေးပြဿနာများကို ဖြေရှင်းရာတွင် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် မပါဝင်သော တွေ့ဆုံဆွေးနွေးမှုများသည် ပြေလည်မှုမရရှိနိုင်သောကြောင့် မတရားဖမ်းဆီးခံထားရသော ဒေါ်အောင်ဆန်းစုကြည်နှင့် နိုင်ငံရေး အကျဥ်းသားများအားလုံး ခြွင်းချက်မရှိ အမြန်ဆုံးလွတ်မြောက်နိုင်ရေးအတွက် မိတ်ဆွေနိုင်ငံများ၊ ပြည်တွင်း၊ ပြည်ပမိတ်ဖက်အင်အားစုများက ဆက်လက်ကြိုးပမ်းအားထုတ်ပေးပါရန်၊အမျိုးသား ဒီမိုကရေစီအဖွဲ့ချုပ်ကလည်း အားလုံးနှင့်အတူ ထိရောက်သွေးစည်းစွာ ပူးပေါင်းဆောင်ရွက်သွားမည် ဟု ကြေညာထားသည်။

အမျိုးသားဒီမိုကရေစီအဖွဲ့ချုပ်ပါတီမှာ ပြည်သူများထဲမှ ပေါက်ဖွားလာသော ပြည်သူ့ပါတီဖြစ်သဖြင့် အာဏာရှင်အဆက် ဆက်တို့၏ မလိုမုန်းတီးစိတ်ထားဖြင့် မည်သို့ပင် တိုက်ခိုက်ချေမှုန်းဖျက်ဆီးသည် ဖြစ်စေ ပြည်သူရှိနေသရွေ့ ပါတီရှိနေမည် ဖြစ်ကြောင်း အမျိုးသားဒီမိုကရေစီအဖွဲ့ချုပ်NLD က ထုတ်ပြန်ကြေညာလိုက်သည်။

#ချင်းတွင်းရိုးမ

#ရွေးကောက်ပွဲ

27/09/2025

အာဏာသိမ်းစစ်တပ်က ဗုံးကြဲသဖြင့် ကျောက်မဲမြို့ဒေသခံ ၁ ဦးသေဆုံး
--------------------------------------
--------------------------------------
၂၇ စက်တင်ဘာလ ၂၀၂၅-ချင်းတွင်းရိုးမ

ရှမ်းပြည်နယ်မြောက်ပိုင်း ကျောက်မဲမြို့နယ် ပါပုတ်ကျေးရွာကို စက်တင်ဘာလ ၂၆ ရက်နေ့တွင် အာဏာသိမ်းစစ်တပ်က တိုက်ပွဲဖြစ်ပွားခြင်းမရှိဘဲ ဒရုန်းအသုံးပြု၍ ဗုံး (၁)လုံး လာရောက်ကြဲချတိုက်ခိုက်ခဲ့ရာ အမျိုးသား၁ ဦး ထိမှန်သေဆုံးခဲ့ပြီး နေအိမ်၁လုံးလည်းပျက်စီးသွားသည်ဟု တအာင်းအမျိုးသားလွတ်မြောက်ရေးတပ်မတော် TNLA ကသတင်းထုတ်ပြန်လိုက်သည်။

အလားတူ စက်တင်ဘာ (၂၄)ရက်နေ့တွင်လည်း ကျောက်မဲမြိုနယ်၊ မိုင်းတင်းအုပ်စု၊ ပင်တီးကျေးရွာတွင် စစ်ကောင်စီတပ်မှ လေကြောင်းဖြင့် ပေါင် (၂၅၀) ဗုံး (၂)လုံး ထပ်မံလာရောက်ကြဲချတိုက်ခိုက်ခဲ့သောကြောင့် ကျောင်းဆောင်နှင့် ဆွမ်းစားဆောင်တို ထိမှန်ပျက်စီးသွားသည်ဟုသိရသည်။

ထိုကြောင့် ပြည်သူများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှားနိုင်ရန် စစ်ရေးသတိ အမြဲရှိရန်လိုအပ်ပြီး လေကြောင်းရန်မှ ကာကွယ်နိုင်ရန် လေကြောင်းရန် ကာကွယ်ရေးဆိုင်ရာနည်းလမ်း များ လိုက်နာဆောင်ရွက်ရန်လိုအပ်သည်ဟု တအာင်းအမျိုးသားလွတ်မြောက်ရေးတပ်မတော် TNLA ကသတိပေးလိုက်သည်။

ပုံစာ-အာဏာသိမ်းစစ်တပ်၏ဗုံးကြဲမှုကြောင့် ကျောက်မဲမြို့ ပါပုတ်ကျေးရွာရှိ နေအိမ်ပျက်စီးသွားသည့်မြင်ကွင်း

#ချင်းတွင်းရိုးမ
#ရှမ်းပြည်နယ်မြောက်ပိုင်း
#ကျောက်မဲမြို့
#ပါပုတ်ကျေးရွာ

26/09/2025

ထိုင်းဖိုက်တာ Sam A ကို သွေးလင်းထက် အမှတ်ဖြင့်ရှုံး
-----------------
-----------------
၂၆ စက်တင်ဘာ ၂၀၂၅-ချင်းတွင်းရိုးမ

ထိုင်းနိုင်ငံ ဘန်ကောက်မြို့တွင် One Championship က ကျင်းပသည့် One Friday Fight 126 ပြိုင်ပွဲတွင် ထိုင်းဖိုက်တာ Sam A နှင့် မြန်မာဖိုက်တာ သွေးလင်းထက်တို့ သုံးချီထိုးသတ်ခဲ့ရာ ထိုင်းဖိုက်တာက သွေးလင်းထက်ကို အမှတ်ဖြင့်အနိုင်ယူလိုက်သည်။

#ချင်းတွင်းရိုးမ

#သွေးလင်းထက်

26/09/2025

ရွာငံမြို့နယ်ရှိ ပြည်သူများ စစ်ဘေးတိမ်းရှောင်နေရပြီး တောင်ပြိုသဖြင့် စစ်ရှောင်စခန်းပြိုကျကာ ကလေးငယ် ၂ ဦးအပါအဝင် ၁၀ ဦးသေဆုံး
---------------------------------
----------------------------------
၂၆ စက်တင်ဘာလ ၂၀၂၅-ချင်းတွင်းရိုးမ

ရှမ်းပြည်တောင်ပိုင်း ရွာငံမြို့နယ် ကျောက်တောရွာကို အာဏာသိမ်းစစ်တပ်က လက်နက်ကြီးပစ်ခတ်ခြင်း ၊ လေကြောင်းအသုံးပြု၍ဗုံးကြဲခြင်း ၊ စစ်ကြာင်းထိုးခြင်းပြုလုပ်သဖြင့် ဒေသခံအများအပြား စစ်ဘေးတိမ်းရှောင်နေရပြီး အခက်အခဲများကြုံတွေ့နေရသည်ဟု ဓနုပြည်နယ်အမျိုးသားကာကွယ်ရေးတပ်ဦး-DSNDA ထံမှသိရသည်။

စစ်ဘေးတိမ်းရှောင်စဉ် စက်တင်ဘာလ ၂၄ ရက်နေ့တွင် တောင်ပြိုကျမှုကြောင့် စစ်ဘေးရှောင်စခန်းတစ်ခု ပြိုကျကာ ကလေးငယ် ၂ ဦးအပါအဝင် ၁၀ သေဆုံးခဲ့သည်ဟု သိရသည်။

အာဏာသိမ်းစစ်တပ်၏စစ်ကြောင်းသည် ရှမ်းပြည်နယ်တောင်ပိုင်းရွာငံမြို့နယ်သို့ သြဂုတ်လ ၈ ရက်နေ့တွင် အင်အားအများအပြားဖြင့် စစ်ကြောင်းထိုးဝင်ရောက်ကာ စစ်ဘေးရှောင်ပြည်သူများနေထိုင်သည့် တဲများကို လက်နက်ကြီး လက်နက်ငယ်များဖြင့်ပစ်ခတ်မှုများလုပ်ဆောင်ခဲ့သည်ဟု DSNDA ကပြောသည်။

ထို့ပြင် စစ်ဘေးရှောင်များ၏ တဲများကိုလည်း မီးရှို့ဖျက်ဆီးခဲ့ပြီး ရွာထဲတွင် တပ်စွဲထားသဖြင့် ပြည်သူများအခက်အခဲများရင်ဆိုင်နေရသည်ဟု သိရသည်။

ထို့အတူ ရွာငံမြို့နယ် ညောင်ပင်သာကျေးရွာနှင့် ကျောက်တောကျေးရွာတို့ကိုလည်း ဩဂုတ်လ ၁၈ ရက်နေ့တွင် ဂျက်ဖိုက်တာ ၁စီးရဟတ်ယဉ် ၂ စီးဖြင့် ဗုံး၃လုံးကြဲချခဲ့ပြီး ဩဂုတ်လ ၁၉ ရက် မှစ၍ ၄ရက်ဆက်တိုက် ဟောင်ဝစ်ဇာ အလုံး‌၄၀ခန့်ပစ်ခတ်ခဲ့သည်။

ဩဂုတ်လ ၂၁ ရက်နေ့တွင်လည်း ရဟတ်ယဉ်၂စီးအသုံးပြု၍ ဗုံး၃လုံးထပ်မံကြဲချခဲ့ပြီး၊အင်အား ၂၀၀ကျော်ခန့်ဖြင့် ညောင်ပင်သာရွာသို့ ခြေလျင်စစ်ကြောင်းထိုးခဲ့ပြီး ကျောက်တောကျေးရွာသို့ အင်အား ၈၀ စစ်ကြောင်းထိုးကာ ညောင်ပင်သာနှင့် ကျောက်တောကျေးရွာတို့တွင် တပ်စွဲထားသည်ဟု DSNDA ကပြောသည်။

ထို့နောက် ကျေးရွာအတွင်းမှ ပြည်သူနေအိမ်များကို ဖျက်ဆီးခြင်း အိမ်မွေးတရိစ္ဆာန် ကျွဲ ၊ကြက် နှင့် အိမ်မွေးခွေးများကိုသတ်စားခြင်း၊ ပြည်သူများသိမ်းဆည်းထားသောပစ္စည်းများကို ရှာဖွေခိုးယူခြင်းများပြုလုပ်ကာ ဩဂုတ်လ ၂၅ ရက်နေ့တွင် ကျောက်တောကျေးရွာမှ ပနေအိမ် ၃၇လုံးကိုမီးရှို့ခဲ့သည်။

စက်တင်ဘာလ ၁၃ ရက်နေ့တွင် စစ်ကြောင်းအားလုံးပြန်ဆုတ်သွားပြီး အင်အား၁၂၀ဖြင့် ထပ်မံစစ်ကြောင်းထိုးလာပြီး လယ်တော တဲများကိုမီးလိုက်ရှို့ကာ ဝက်နှင့် ကြက်များကိုသတ်စားပြီး ၁၄ ရက်နှင့် ၁၅ရက်နေ့များတွင် ကျောက်တောရွာမှ နေအိမ်၂၃လုံးနှင့်စပါးကျီအားလုံးကို ထပ်မံမီးရှို့ခဲ့သည်။

လက်ရှိတွင်လည်း ပြည်သူအများအပြား စစ်ရှောင်နေရသဖြင့် အခက်အခဲများကြုံတွေ့နေရသဖြင့် မိဘပြည်သူများ ဝိုင်းဝန်းကူညီပေးကြရန် ဓနုပြည်နယ်အမျိုးသားကာကွယ်ရေးတပ်ဦး-DSNDAက မေတ္တာရပ်ခံလိုက်သည်။

#ချင်းတွင်းရိုးမ

#ရွာငံမြို့နယ်
#ရှမ်းပြည်တောင်ပိုင်း

26/09/2025

စစ်တပ်၏ ရွေးကောက်ပွဲတွင် ဝင်သူများကို ပြတ်ပြတ်သားသား အရေးယူမည်ဟု ချင်းညီနောင် သတိပေး
-----------------------------------------
-----------------------------------------
၂၆ စက်တင်ဘာ ၂၀၂၅-ချင်းတွင်းရိုးမ

အကြမ်းဖက် စစ်ကော်မရှင်၏ အတုအယောင် ရွေးကောက်ပွဲတွင် ပါဝင်ယှဉ်ပြိုင်မည့် နိုင်ငံရေး ပါတီ များ၊ လွှတ်တော်ကိုယ်စားလှယ်လောင်းများနှင့် ရွေးကောက်ပွဲဖြစ်မြောက်ရန် ကူညီဆောင်ရွက်ပေးသူများကို ပြတ်ပြတ်သားသား အရေးယူမည်ဟု ချင်းညီနောင် (Chin brotherhood)က စက်တင်ဘာလ ၂၅ ရက်နေ့တွင် ထုတ်ပြန်ကြေညာလိုက်သည်။

ယခုနှစ် ဒီဇင်ဘာလ ၂၈ ရက်နေ့တွင် ရွေးကောက်ပွဲပြုလုပ်မည်ဟု အာဏာသိမ်းစစ်ကကြေညာထားသဖြင့် ထိန်းချုပ် နယ်မြေအတွင်း အတုအယောင် ရွေးကောက်ပွဲ ဖြစ်မြောက်ရန် ကြိုးပမ်းဆောင်ရွက်မှုများအားလုံးကို တားမြစ်လိုက်သည်ဟု ထုတ်ပြန်ချက်တွင်ရေးသားထားသည်။

အာဏာသိမ်းစစ်တပ်သည် ပြည်သူလူထု၏ သဘောဆန္ဒမပါဘဲ တရားမဝင်ရွေးကောက်ပွဲ ဖန်တီးပြုလုပ်ခြင်းဖြစ်ပြီး ထိုသို့ လုပ်ဆောင်နေမှုသည် ဒီမိုကရေစီစနစ်ကို ဆန့်ကျင်ကာ ပြည်သူလူထု ၏ အချုပ်အခြာအာဏာကို အဓမ္မ ရယူရန် ကြိုးစားနေခြင်းဖြစ်သည်လည်းဟု ချင်းညီနောင်တပ်ဖွဲ့က ပြောသည်။

အာဏာသိမ်းစစ်တပ်သည် တရားမဝင် ရွေးကောက်ပွဲ ကျင်းပရန် ကြိုးပမ်းနေစဉ်ကာလအတွင်း နိုင်ငံရေးအကျဉ်းသားများ ဆက်လက်ဖမ်းဆီးထားခြင်း၊ နိုင်ငံတစ်ဝှမ်းလုံးရှိ အရပ်သားပြည်သူ များ ပစ်မှတ် ထားတိုက်ခိုက်ခြင်း၊ စစ်အုပ်ချုပ်ရေးကဲ့သို့ တင်းကြပ်သည့် ဥပဒေများ ချမှတ်ထားခြင်း နှင့် ပြည်သူ ကိုယ်စားပြုသည့် နိုင်ငံရေးပါတီများ မပါဝင်ခြင်းတို့ကြောင့် ၎င်းတို့ပြုလုပ်မည့် ရွေးကောက်ပွဲသည် လွတ်လပ်မှုနှင့် တရားမျှတမှု မရှိသည့် အတုအယောင် ရွေးကောက်ပွဲသာဖြစ်သည် ချင်းညီနောင်တပ်ဖွဲ့က သုံးသပ်ထားသည်။

အာဏာသိမ်းစစ်တပ်၏ တရားမဝင်ရွေးကောက်ပွဲရလဒ်သည် ဒီမိုကရေစီနည်းကျ ရွေး ကောက်တင်မြှောက်သည့် အစိုးရဖြစ်မလာစေသည့်အပြင် ပဋိပက္ခ ကို ပိုမိုကြီးထွားစေပြီး၊ နိုင်ငံသားတိုင်း တန်းတူ မဲ ပေးပိုင်ခွင့်မရှိဘဲ နိုင်ငံရေးအရ ထွက်ပေါက်ရှာခြင်းဖြစ်ပြီး စစ်အာဏာရှင် စနစ်သက်ဆိုး ရှည်စေမည်ဟုလည်း ချင်းညီနောင်တပ်ဖွဲ့၏ထုတ်ပြန်ချက်တွင်ရေးသားထားသည်။

ထို့ကြောင့် ချင်းညီနောင်အနေဖြင့် မြန်မာတစ်နိုင်ငံလုံးရှိ မိတ်ဖက်တော်လှန် ရေး အဖွဲ့အစည်းများနှင့် ပူးပေါင်းလက်တွဲကာ အကြမ်းဖက်စစ်ကော်မရှင်၏ ရွေးကောက်ပွဲကို ဆန့်ကျင်သွားမည်ဖြစ်ပြီး နိုင်ငံ တကာအဖွဲ့အစည်းများအနေ ဖြင့်လည်း အကြမ်းဖက် စစ်ကော်မရှင်၏ အတုအယောင် ရွေးကောက်ပွဲ ကို အားပေးထောက်ခံခြင်း မပြုကြရန် ချင်းညီနောင်တပ်ဖွဲ့က မေတ္တာရပ်ခံလိုက်သည်။

ခေတ်အဆက်ဆက် စစ်အာဏာရှင်စနစ်ကြောင့် အဖိနှိပ်ခံ ပြည်သူလူထုတို့၏ ဘဝဆင်းရဲဒုက္ခကို မငဲ့ဘဲ အကြမ်းဖက် စစ်ကော်မရှင်၏ အတုအယောင် ရွေး ကောက်ပွဲတွင် ပါဝင်ယှဉ်ပြိုင်မည့် နိုင်ငံ ရေးပါတီများ၊ လွှတ်တော်ကိုယ် စားလှယ်များနှင့် ရွေးကောက်ပွဲဖြစ်မြောက်ရန် ကူညီဆောင်ရွက် ပေးသည့် မည်သူ မဆို ပြတ်ပြတ်သားသား အရေးယူဆောင်ရွက်သွားမည်ဖြစ်ကြောင်း ချင်းညီ နောင်တပ်ဖွဲ့က ကြေညာသည်။

မြန်မာနိုင်ငံတစ်ဝန်းမှ တော်လှန်ပြည်သူလူထုများ အနေဖြင့်လည်း အကြမ်း ဖက် စစ်ကော်မရှင်၏ အတုအယောင် ရွေးကောက်ပွဲကို ပါဝင်ဆောင်ရွက်ခြင်း မပြုဘဲ ဆန့်ကျင်တော်လှန်သွားကြကြရန် ချင်းညီနောင်တပ်ဖွဲ့က တိုက်တွန်းထားသည်။

ဓါတ်ပုံ-ချင်းညီနောင်

#ချင်းတွင်းရိုးမ
#ချင်းညီနောင်
#ရွေးကောက်ပွဲ
#အာဏာသိမ်းစစ်တပ်
#ချင်းပြည်နယ်

26/09/2025

သွေးလင်းထက်နှင့် ထိုင်းနာမည်ကြီးဖိုက်တာ ယနေ့ညတွင် ထိုးသတ်မည်
-----------------------
-----------------------
၂၆ စက်တင်ဘာလ ၂၀၂၅-ချင်းတွင်းရိုးမ

One Championship က ကျင်းပသည့် One Friday Fight 126 ပွဲစဉ်တွင် မြန်မာဖိုက်တာ သွေးလင်းထက်နှင့် ထိုင်းနာမည်ကြီးဖိုက်တာ Sam A တို့ ယနေ့ည မြန်မာစံတော်ချိန် ၉ နာရီတွင် ထိုးသတ်မည်။

သွေးလင်းထက်သည် One Championship က ကျင်းပသည့် One Friday Fight ပြိုင်ပွဲတွင် ၆ ပွဲထိုးသတ်ခဲ့ပြီး ၅ ပွဲအနိုင်ရထားသည်။

#ချင်းတွင်းရိုးမ
#သွေးလင်းထက်
A

26/09/2025

စစ်အာဏာရှင် အမြစ်ပြတ် တိုက်ဖျက်ရေး ခိုင်မာစွာလက်တွဲရန် NUG သမ္မတနှင့် KNU ဥက္ကဋ္ဌ သဘောတူ
----------------------------
----------------------------
၂၆ စက်တင်ဘာ ၂၀၂၅-ချင်းတွင်းရိုးမ

စစ်အာဏာရှင် အမြစ်ပြတ် တိုက်ဖျက်ရေးအတွက် တွေ့ဆုံ ဆွေးနွေးပြီး ခိုင်မာစွာ လက်တွဲရန် အမျိုးသားညီညွတ်ရေးအစိုးရ (NUG)၊ နိုင်ငံတော် ယာယီသမ္မတ ဒူဝါလရှီးလနှင့် ကရင်အမျိုးသားအစည်းအရုံး (KNU) ဥက္ကဋ္ဌ ပဒိုကွယ်ထူးဝင်းတို့ သဘောတူညီလိုက်သည်ဟု စက်တင်ဘာလ ၂၅ ရက်နေ့တွင် KNU နှင့် NUG နှစ်ဖက်စလုံးက သတင်းထုတ်ပြန်လိုက်သည်။

အဆိုပါ ဆွေးနွေးမှုကို စက်တင်ဘာလ ၂၄ ရက်နေ့တွင်ပြုလုပ်ခဲ့ပြီး၊ တော်လှန်ရေးအင်အားစုများကြား ယခုထက် ပိုမို စည်းလုံးညီညွတ်စွာ လက်တွဲပြီး မြန်မာနိုင်ငံ စစ်အာဏာရှင်လက်လက်အောက်မှ အပြီးတိုင် လွတ်မြောက်ရေး၊ စစ်အာဏာရှင်နှင့် အာဏာ ရှင်ဟူသမျှ အမြစ်ပြတ်တိုက်ဖျက်ရေး၊ လွတ်လပ်မှု၊ ငြိမ်းချမ်းမှုနှင့် လူထုသာယာဝပြောမှုတို့ကို ဖော်ဆောင်နိုင်ရေးတို့အတွက် ဆက်လက် ခိုင်မာစွာ လက်တွဲ ဆောင်ရွက်သွားကြရန် သဘောတူခဲ့ကြသည်ဟု သတင်းထုတ်ပြန်ချက်တွင်ရေးသားထားသည်။

တွေ့ဆုံမှုအတွင်း နွေဦးတော်လှန်ရေး အမြန်ဆုံး အောင်မြင်စေရန် တော်လှန်ရးအင်အားစုများကြား ပူးပေါင်း လက်တွဲလုပ်ဆောင်သွားမည့် ကဏ္ဍများနှင့်ပတ်သက်၍ ဆွေးနွေးခဲ့ကြသည်ဟု ထုတ်ပြန်ချက်တွင်ရေးသားထားသည်။

ထို့ပြင်NUG နှင့် KNU နှစ်ဖွဲ့စလုံးက စစ်တပ်က ပြုလုပ်မည့် ရွေးကောက်ပွဲကို ဆန့်ကျင်ကြောင်း ကြေညာထားပြီး ရွေးကောက်ပွဲကြောင့် နိုင်ငံရေးပြဿနာများ ပိုမိုရှုပ်ထွေးကာ မြန်မာတစ်နိုင်ငံလုံး ပဋိပက္ခများ ပိုမို ပြင်းထန်လာနိုင်သည်ဟုလည်း ကြေညာချက်တွင် သတိပေးထားသည်။

#ချင်းတွင်းရိုးမ

#ယာယီသမ္မတဒူဝါလရှီးလ
#ပဒိုကွယ်ထူးဝင်း

23/09/2025

အောင်ပွဲရ BLDF တပ်ဖွဲ့ဝင်များကို အညာပြည်သူများကြိုဆို
------------------------------------
------------------------------------
၂၃ စက်တင်ဘာလ ၂၀၂၅-ချင်းတွင်ရိုးမ

အာဏာသိမ်းစစ်တပ်နှင့်တိုက်ပွဲဆင်နွှဲပြီး အောင်ပွဲရယူနိုင်ခဲ့သည့် တပ်ဖွဲ့ဝင်များကို အညာပြုသူတို့က ကြိုဆိုခဲ့သည့် ဓါတ်ပုံမှတ်တမ်းများကို ဗမာလွတ်မြောက်ရေးဒီမိုကရက်တစ်တပ်ဦး(BLDF)က ယနေ့ထုတ်ပြန်လိုက်သည်။

#အောင်ပွဲရရဲဘော်များကိုအညာပြည်သူများကြိုဆို
#ချင်းတွင်းရိုးမ
#စစ်ကိုင်းတိုင်း

23/09/2025

အင်အား ၉၀ ခန့်ဖြင့် တာဝန်အပြောင်းအလဲလုပ်ရန် ခင်ဦးမြို့နယ်သို့လာသည့် စစ်ကြောင်း တိုက်ခိုက်ခံရပြီး စစ်သားအများအပြား သေဆုံး
-----------------------------------
----------------------------------
၂၃ စက်တင်ဘာလ ၂၀၂၅-ချင်းတွင်းရိုးမ

စက်တင်ဘာလ ၂၁ ရက်နေ့တွင် အင်အား ၉၀ ခန့်ဖြင့် တာဝန်ပြောင်းလဲရယူရန် စစ်ကိုင်းတိုင်း၊ ခင်ဦးမြို့နယ်ရှိ အာဏာသိမ်းစစ်တပ်၏ စခန်းကိုလာသည့် စစ်ကြောင်းတိုက်ခိုက်ခံရပြီး စစ်သားအများအပြား သေဆုံးခဲ့သည်ဟု ပြည်သူ့ကာကွယ်ရေးတပ်ဖွဲ့-ခင်ဦးမြို့နယ်က မနေ့ စက်တင်ဘာ ၂၂ ရက်နေ့တွင် သတင်းထုတ်ပြန်လိုက်သည်။

ထိုစစ်ကြောင်းသည် စက်တင်ဘာ ၂၁ ရက်နေ့ညတွင် ခင်ဦးမြို့နယ်စစ်ကောင်စီတပ်စခန်းမှ ရွှေဘိုလေ့ကျင့်‌ရေးနှင့် ဘုတ်ကုန်း (ပျူ)ရွာသို့ တိတ်တဆိတ်ထွက်ခွာလာပြီး ခင်ဦး-ရွှေဘို နယ်စပ်တနေရာတွင် တိုက်ခိုက်ခဲ့ရခြင်းဖြစ်သည်။ အဆိုပါတိုက်ခိုက်မှုအတွင်း ဒုတိယဗိုလ်မှူးကြီးနှင့် ဗိုလ်ကြီးအပါအဝင် တပ်ကြပ်များလည်း သေဆုံးခဲ့ပြီး သုံ့ပန်း(၂)ဦးလည်း ဖမ်းဆီးရမိခဲ့သည်ဟုသိရသည်။

တိုက်ပွဲအတွင်း MA-3 (၄) လက်၊ MA-1 (၅) လက်၊ BA-63/ G3 (၁) လက်၊ ကာဘိုင် (၁) လက်၊ BA 100/ 60MM ကွန်မန်ဒို စိန်ပြောင်း (တို) (၁) လက်၊ MA-5/ ပစ္စတို (၁) လက်၊ MA ကျည်ဘောက် (သံ) (၃) ခု၊ MA ကျည်ဘောက်(ကော်) (၆) ခု၊ BA-63/ G3 ကျည်ဘောက် (၃) ခု၊ MA-5/ ပစ္စတို ကျည်ဘောက် (၁) ခု၊ ရှေ့ထွက်မိုင်း (၄) လုံး၊ နင်းမိုင်း (၂) လုံး၊ 60MM ဗုံးသီး (၄) လုံး၊ RPG ဗုံးသီး (၁) လုံး၊ အီနာဂါ (၂) လုံး၊ ကျည်ကာ ဦးထုပ် (၆) လုံး၊ 5.56 ကျည် (၂၈၆) တောင့်၊ 9mm ကျည် (၇) တောင့်၊ ငွေကျပ် (၅,၂၉၀,၀၀၀) ကျပ် တို့ကိုသိမ်းဆည်းရမိခဲ့သည်ဟု ပြည်သူ့ကာကွယ်ရေးတပ်ဖွဲ့-ခင်ဦးမြို့နယ်က သတင်းထုတ်ပြန်ထားသည်။

အဆိုပါတိုက်ခိုက်မှုကို အမှတ် (၂) ရွှေဘိုခရိုင် အမှတ် -၃ တပ်ရင်း၊ ခင်ဦးမြို့နယ် ပြည်သူ့ကာကွယ်ရေးအဖွဲ့၊ တိုက်နယ် (၁) (၂) (၃) (၄) (၅) ပြည်သူ့ကာကွယ်ရေးအဖွဲ့များနှင့် မြို့နယ် ပလဖတို့ ပူးပေါင်းလုပ်ဆောင်ခဲ့သည်ဟု သိရသည်။

#ချင်းတွင်းရိုးမ
#ခင်ဦးမြို့နယ်
#စစ်ကိုင်းတိုင်း

23/09/2025

ကလေးမြို့နယ် ကျေးရွာတစ်ရွာတွင်ဖြစ်ပွားခဲ့သည့်တိုက်ပွဲအတွင်း စစ်တပ်နှင့် ပူးပေါင်းထားသည့် ကသည်းလက်နက်ကိုင်တပ်ဖွဲ့ တပ်စိတ် တစ်စိတ်စာ သေဆုံး
--------------------------------
--------------------------------
၂၃ စက်တင်ဘာ ၂၀၂၅-ချင်းတွင်းရိုးမ

#ချင်းတွင်းရိုးမ
#ကသည်းလက်နက်ကိုင်တပ်ဖွဲ့
#အိန္ဒိယစစ်တပ်

23/09/2025

ကလေးမြို့နယ် ကျေးရွာတစ်ရွာတွင်ဖြစ်ပွားခဲ့သည့်တိုက်ပွဲအတွင်း စစ်တပ်နှင့် ပူးပေါင်းထားသည့် ကသည်းလက်နက်ကိုင်တပ်ဖွဲ့ တပ်စိတ် တစ်စိတ်စာ သေဆုံး
--------------------------------
--------------------------------
၂၃ စက်တင်ဘာ ၂၀၂၅-ချင်းတွင်းရိုးမ

စစ်ကိုင်းတိုင်း၊ ကလေးခရိုင်၊ ကလေးမြို့နယ်၊ နန်းဟန်နွဲ့ရွာရှိ အာဏာသိမ်းစစ်တပ်ကဦးဆောင်သည့် ကသည်းလက်နက်ကိုင်တပ်ဖွဲ့ကို ကလေးခရိုင် အမှတ် (၄) တပ်ရင်း စက်တင်ဘာလ (၁၅) ရက်တွင် ဒရုန်းအသုံးပြု၍ ဗုံးကြဲ တိုက်ခိုက်ခဲ့ရာ တပ်စိတ် တစ်စိတ်စာ (၁၀ဦး)ခန့် သေဆုံးခဲ့ပြီး အာဏာသိမ်းစစ်တပ်၏ ဗိုလ်မှူး၁ဦးလည်းဒဏ်ရာရရှိခဲ့သည်ဟု အမှတ်-၁ စစ်ဒေသက ယနေ့သတင်းထုတ်ပြန်လိုက်သည်။

အဆိုပါတပ်ဖွဲ့သည် အင်အား ၆၀ခန့်ဖြင့် နန်းစောင်းပုရွာသို့ စက်တင်ဘာလ (၅) ရက်နေ့မှစတင်ကာ ထိုးစစ်ဆင်ဝင်ရောက်လာသည့် စစ်ကြောင်းဖြစ်သည်။

ကသည်းလက်နက်ကိုင်တပ်ဖွဲ့သည် စစ်တပ်ကအာဏာသိမ်းပြီးနောက် ၂၀၂၁ ခုနှစ်မှ စတင်ကာ တမူးခရိုင်၊ တမူးမြို့နယ်၊ ခန္တီးခရိုင်၊ ဟုမ္မလင်းမြို့နယ်တို့တွင် အာဏာသိမ်းစစ်တပ်နှင့် ပူးပေါင်းကာ မကြာခဏ တိုက်ခိုက်လေ့ရှိသည်ဟု အမှတ်-၁ စစ်ဒေသ၏ထုတ်ပြန်ချက်တွင်ရေးသားထားသည်။

တမူးခရိုင်အတွင်း၌ People Liberation Army Manipur (PLA-MP/ PLAM)၊ United National Liberation Front (UNLF)၊ People’s Revolutionary Party of Kangleipak (PREPAK)၊ People’s Revolutionary Party of Kangleipak-Progressive (PrePak-Pro)၊ Kangleipak Communist Party (KCP)၊ Kanglei Yawol Kanna Lup (KYKL) စသည့် ကသည်းလက်နက်ကိုင်တပ်ဖွဲ့ ပူးပေါင်းအင်အား (၅၀၀) ကျော်ခန့်ရှိသည်ဟု အမှတ်-၁ စစ်ဒေသ၏ထုတ်ပြန်ချက်တွင်ရေးသားထားသည်။

အိန္ဒိယနိုင်ငံအတွင်းရှိ ကသည်းလက်နက်ကိုင်တပ်ဖွဲ့များသည် ဆယ်စုနှစ်တစ်စုကျော်အကြာကတည်းက စစ်ကိုင်းတိုင်း၊ တမူးခရိုင်၊ ဟဲဇင်းရွာ အတွင်းသို့ စတင်ဝင်ရောက် နေထိုင်ခဲ့ပြီး လက်နက်နှင့် မူးယစ်ဆေးဝါးများလည်း ရောင်းဝယ်ဖောက်ကားလျက်ရှိသည်ဟု အမှတ်-၁စစ်ဒေသကပြောသည်။

အိန္ဒိယနိုင်ငံမှ ကသည်းလက်နက်ကိုင် တပ်ဖွဲ့များအပြင် နာဂလက်နက်ကိုင်တပ်ဖွဲ့ Nationalist Socialist Council of Nagaland-Khaplang (NSCN-K) လည်း တမူးခရိုင်နှင့် ခန္တီးခရိုင်အတွင်းတွင် အာဏာသိမ်းစစ်တပ်နှင့် ပူးပေါင်း၍ တော်လှန်ရေးတပ်ဖွဲ့များကို တိုက်ခိုက်လေ့ရှိသည်ဟု သိရသည်။

ယခုနှစ်တွင် အိန္ဒိယစစ်တပ်၏ စစ်ဦးစီးချုပ်သည် အမှတ် (၁) စစ်ဆင်ရေး အထူးအဖွဲ့ (ကစထ-၁) မှူးနှင့်တွေ့ဆုံမှုရှိခဲ့ပြီး နှစ်နိုင်ငံ စစ်ရေးပူးပေါင်းလေ့ကျင့်မှုများ ပြုလုပ်ခြင်း၊ စစ်ဘက်ဆိုင်ရာ နည်းပညာ၊ လေယာဉ်သုံးပစ္စည်းများနှင့် ဒရုန်းပစ္စည်းများ ထောက်ပံ့ခြင်းများလည်းလုပ်ဆောင်ခဲ့သည်ဟု အမှတ်-၁ စစ်ဒေသ၏ထုတ်ပြန်ချက်တွင်ရေးသားထားသည်။

#ချင်းတွင်းရိုးမ
#ကသည်းလက်နက်ကိုင်တပ်ဖွဲ့
#ကလေးမြို့နယ်
#အိန္ဒိယစစ်တပ်

Chindwinyoma News-Burmese Edition

28/09/2025

27/09/2025

27/09/2025

26/09/2025

26/09/2025

26/09/2025

26/09/2025

26/09/2025

23/09/2025

23/09/2025

23/09/2025

23/09/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท