09/05/2026
အမေ့ကို ပစ်မထားပါနဲ့ ဆိုတဲ့
ခေါင်းစဉ်လေးနဲ့ပဲစတင်ချင်ပါတယ်
သားသမီးများ သိထားရမယ့် တာဝန်နှင့် ဝတ္တရား။
"တိုင်းတစ်ပါးမှာ အလုပ်လုပ်နေကြတဲ့
ညီအစ်ကိုမောင်နှမတို့... ခဏလောက်
အချိန်ပေးပြီး ဒီစာလေးကို
ဖတ်ကြည့်စေချင်ပါတယ်
ကိုယ့်ရဲ့ ဘဝတိုးတက်ဖို့ ရေခြားမြေခြားကို
ရောက်နေပေမယ့် ကိုယ့်ကို
ဒီဘဝအထိရောက်အောင်
လမ်းခင်းပေးခဲ့တဲ့ အမေ့ကိုတော့
ဘယ်တော့မှ ပစ်မထားပါနဲ့။
"လူငယ်သဘာဝ အဝေးရောက်နေချိန်မှာ
အပေါင်းအသင်းနဲ့ မူးယစ်ပျော်ပါးတာမျိုးတွေ
ရှိကောင်းရှိနိုင်ပါတယ် ဒါပေမဲ့ သတိထားပါ
ဒီလိုအကျင့်တွေက ကိုယ့်ဘဝကို
ဖျက်ဆီးရုံသာမကဘဲ ကိုယ်အရမ်းချစ်ရတဲ့
မိသားစုလေးရဲ့ မျှော်လင့်ချက်တွေကိုပါ
အဓိပ္ပာယ်မဲ့သွားစေပါတယ်
ကိုယ်ရတဲ့ ချွေးနှဲစာ လစာလေးထဲကနေ
တစ်လတစ်ခါ အမေ့အတွက်ဆိုပြီး
မဖြစ်မနေ ဖယ်ထားပေးပါ။
"ငယ်ငယ်တုန်းက အမေ့ဆီက
မုန့်ဖိုးတောင်းတိုင်း အမေက မရှိရှိတာလေးနဲ့
လွယ်လွယ်ကူကူ ပေးခဲ့တာကို သတိရပါ
အဲ့ဒီအချိန်က အိမ်မှာ ဆန်ရှိမရှိ
ဆီရှိမရှိ မင်းမသိခဲ့ဘူး ဒါပေမဲ့
မင်း ထမင်းတစ်နပ် မှန်မှန်စားရအောင်
အမေက အမြဲဖန်တီးပေးခဲ့တယ်
အခုအချိန်မှာ အမေက သားသမီးဆီကနေ
ပိုက်ဆံပြန်တောင်းဖို့ဆိုတာ
သူ့ရင်ထဲမှာအလွန်အားနာပြီး
စိတ်မကောင်းဖြစ်နေတတ်ပါတယ်။
"ဒါကြောင့် သားသမီးတိုင်းမှာ
မိဘက တောင်းမှပေးမယ်ဆိုတဲ့
အကြံကို ဖျောက်ပြီး ဒီလ တော့
အမေ ငွေလိုလောက်တယ်ဆိုတဲ့
အသိစိတ်နဲ့ ကြိုတင်စဉ်းစားပြီး
လွှဲပေးလိုက်တာက အကောင်းဆုံး
တာဝန်သိတတ်မှုပါပဲ ငွေတွေ
အများကြီးစုမိမှချမ်းသာမှ
တစ်ခါတည်းပေးမယ်လို့ မတွေးပါနဲ့
ရှိတဲ့အထဲက နည်းနည်းဖြစ်ဖြစ်
ပုံမှန်လေး ထောက်ပံ့ပေးတာက
ပိုပြီး သဘာဝကျသလို
အမေ့အတွက်လည်း ပီတိဖြစ်စေပါတယ်။
"ဒီကနေ့ အချိန်မှာ မင်းအမေဟာ
သက်ရှိထင်ရှား ကမ္ဘာမြေပေါ်မှာ
ရှိနေသေးတယ်ဆိုရင်ပဲ မင်းဟာ
ကမ္ဘာပေါ်မှာ ကံအကောင်းဆုံး
လူသားတစ်ယောက် ဖြစ်နေပါပြီ။
ကိုယ့်အမေအတွက် ကိုယ်ဘယ်လောက်
စိတ်ပူတတ်လဲဆိုတာ အမြဲသတိရပြီး
"အမေ မတောင်းခင် ကြိုသိတတ်တဲ့
"သားသမီးကောင်းများဖြစ်ကြပါစေလို့
"တိုက်တွန်းချင်ပါတယ်။
#ဗဟုသုတ
