01/09/2026
တာမွေမြို့နယ်မှာ လူတစ်ရပ်ခန့်မြင့်ပြီး ပေ ၁၀,၀၀၀ နီးပါး ရှည်လျားတဲ့ နောက်ဖေးလမ်း အမှိုက်ပုံကြီးကို ရှင်းလင်းနေတဲ့ အဆိုတော်ယုန်လေး ဦးဆောင်တဲ့ ရန်ကုန်မြို့တော်စည်ပင်အဖွဲ့ကို ရုပ်ရှင်သရုပ်ဆောင် မြင့်မြတ်နဲ့ နေဝင်းတို့က ငွေသား ပါဝင်လှူဒါန်းခဲ့တယ်လို့ သိရပါတယ်။
လူကိုယ်တိုင် မကူညီနိုင်ပေမယ့် အများပြည်သူအကျိုးအတွက် အမှိုက်နံ့၊ အညစ်အကြေးတွေအကြား ရှင်းလင်းနေကြတဲ့ အဖွဲ့သားတွေအတွက် တစ်ဦးလျှင် ကျပ် ၁၀ သိန်းစီ ပါဝင်ကူညီခဲ့တာ ဖြစ်ပါတယ်။
အဆိုပါ အမှိုက်ပုံကြီး ရှင်းလင်းရေးလုပ်ငန်းကို ယုန်လေး ဦးဆောင်ပြီး စေတနာရှင်တွေ၊ အလှူရှင်တွေရဲ့ ပူးပေါင်းကူညီမှုနဲ့ ဆောင်ရွက်နေခြင်းဖြစ်ကာ လက်ရှိအချိန်အထိ အခြားစေတနာရှင်တွေရဲ့ လှူဒါန်းမှုတွေ အပါအဝင် စုစုပေါင်း ကျပ်သိန်း ၁၆၀ ရရှိထားတယ်လို့ ယုန်လေးက အသိပေးထားပါတယ်။
