06/08/2025
ព្រះនេត្រព្រះ៖ លោក ពុំ ផ្តា ប្រធានសហភាពសហព័ន្ធយុវជនកម្ពុជាស្រុកព្រះនេត្រព្រះ បានដឹកនាំសមាជិក សមាជិកា ស.ស.យ.ក.ស្រុក ចូលរួមសម្របសម្រួល សួរសុខទុក្ខ ជួបសំណេះសំណាល និងនាំយកអំណោយក៏ដូចជាសម្ភារសិក្សា ប្រគល់ជូនកូនៗ នៅមណ្ឌលកុមារកំព្រាវិសាខានៃក្តីសង្ឃឹមវត្តខ្ចាស់ នៅឃុំបុស្បូវ ។ក្រោមអធិបតីភាព លោក កែ សួន សុភាព ប្រធានស.ស.យ.ក. ខេត្តបន្ទាយមានជ័យ និងជាប្រធានគណៈកម្មការទ្រទ្រង់មណ្ឌលកុមារកំព្រាវិសាខា នៃក្តីសង្ឃឹមវត្តខ្ចាស់ និងលោកស្រី ព្រហ្ម រដ្ឋា ដោយមានការអញ្ជើញចូលរួមពីលោក លោកស្រី អនុប្រធានស.ស.យ.ក. ខេត្ត និងលោក លោកស្រី ក្រុមការងារលេខាធិការដ្ឋានស.ស.យ.ក. ខេត្តផងដែរ។
+អំណោយដែលបានប្រគល់ជូនដល់កូនៗចំនួន៦១នាក់ ក្នុងម្នាក់ៗទទួលបានដូចជា៖
- សម្លៀកបំពាក់ ១ឈុត
- ឈុតគេង ១ឈុត
- សម្ភារសិក្សា ១ឈុត
- ឃីត ១
- ទឹកសុទ្ធ ១យួរ
- ថវិកា២០,០០០រៀល
+អ្នកមើលមណ្ឌលសរុប ៦នាក់ ក្នុងម្នាក់ៗទទួលបាន
-ឃីត ១
-សារុង ១
-ថវិកាចំនួន ២០,០០០រៀល
+ជូនដល់មណ្ឌលរួមមាន៖
- ទឹកសុទ្ធ ៣៩យួរ
-សម្លៀកបំពាក់ ២ការ៉ុងធំ
+យុវជនស.ស.យ.ក. ស្រុកព្រះនេត្រព្រះ សរុប ១៨នាក់ ក្នុងម្នាក់ៗទទួលបាន ឃីត ១
នៅមណ្ឌលកុមារកំព្រាវិសាខានៃក្តីសង្ឃឹមវត្តខ្ចាស់ ក្នុងភូមិខ្ចាស់ ឃុំបុស្បូវ ស្រុកព្រះនេត្រព្រះ៕
