เว็บไซต์คืออะไร?

https://www.facebook.com/107327208987550/

Burmese Nomads, Bangkok (2026)

24/05/2026

🚨✈️ ထိုင်းလေဆိပ်မှာ ပိုက်ဆံပေးရင် Immigration အမြန်ဖြတ်လို့ရတယ်ဆိုတဲ့ ဝန်ဆောင်မှုမရှိပါဘူးဟု အာဏာပိုင်တွေဘက်က ငြင်းဆို

ထိုင်းနိုင်ငံ သုဝဏ္ဏဘူမိလေဆိပ် (Suvarnabhumi Airport) မှာ ပိုက်ဆံပေးရုံနဲ့ လူဝင်မှုကြီးကြပ်ရေး ကောင်တာတွေကို အချိန်တိုအတွင်း အမြန်ဖြတ်ကျော်နိုင်မဲ့ "Fast Track ဝန်ဆောင်မှု" ရှိတယ်ဆိုပြီး အွန်လိုင်းကကြော်ငြာနေမှုတွေနဲ့ ပတ်သက်လို့ ထိုင်းလူဝင်မှုကြီးကြပ်ရေးဌာနကနေ ခရီးသွားတွေကို အရေးပေါ် သတိပေးချက် ထုတ်ပြန်လိုက်ပါတယ်။

ဒီသတိပေးချက်ဟာ Trip com အက်ပ်ပေါ်မှာ အဆိုပါဝန်ဆောင်မှုကို ဝယ်ယူလို့ရတယ်ဆိုတဲ့ တရုတ်-ထိုင်ဝမ် ခရီးသွားတစ်ဦးရဲ့ လူမှုကွန်ရက် တင်ပြချက်ကနေစပြီးနာမည်ကြီးလာခဲ့တာပါ။

💸 အဆိုပါခရီးသွားရဲ့ ပြောပြချက်အရ အွန်လိုင်းအက်ပ်ပေါ်မှာ တရုတ်ယွမ် ၆၅၀ (ဘတ် ၃,၀၀၀ ကျော်) ပေးရင် လူဝင်မှုကြီးကြပ်ရေးကို (၁) မိနစ်အတွင်း ဖြတ်ကျော်နိုင်မဲ့ အထူးပက်ကေ့ချ် ရှိတယ်ဆိုပြီး ပုံနဲ့တကွ ပြသကာ ရောင်းချခဲ့တာ ဖြစ်ပါတယ်။

ဒါကို မြင်တွေ့သူအချို့က ထိုင်းလူဝင်မှုကြီးကြပ်ရေးရဲ့ တရားဝင်ဝန်ဆောင်မှုလို့ ထင်မှတ်မှားခဲ့ကြပါတယ်။
လူဝင်မှုကြီးကြပ်ရေးဌာနက အဆိုပါ လျင်မြန်စွာဖြတ်သန်းနိုင်မဲ့ လမ်းကြောင်း (Fast-track channel) ဆိုတာ လုံးဝမရှိကြောင်းနဲ့ အာဏာပိုင်များဘက်ကလည်း အခကြေးငွေယူပြီး ဘာဝန်ဆောင်မှုမှ ပေးမထားကြောင်း ပြတ်ပြတ်သားသား ငြင်းဆိုထားပါတယ်။

အကယ်၍ အဆိုပါ တရားမဝင် ကြားခံဝန်ဆောင်မှုတွေကို အသုံးပြုမိရင် ငွေကြေးဆုံးရှုံးနိုင်ရုံတင်မကဘဲ မိမိတို့ရဲ့ ကိုယ်ရေးအချက်အလက်တွေပါ လွဲမှားစွာ အသုံးပြုခံရနိုင်ကြောင်း သတိပေးထားပါတယ်။

ခရီးသွားများအနေနဲ့ လူဝင်မှုကြီးကြပ်ရေး လုပ်ထုံးလုပ်နည်းတွေကို တရားဝင်အစိုးရ Channels တွေကနေပဲ စုံစမ်းဖို့ တိုက်တွန်းထားပါတယ်။

📌 ပြီးခဲ့တဲ့ မတ်လနှောင်းပိုင်းတုန်းကလည်း ဖူးခက်အပြည်ပြည်ဆိုင်ရာလေဆိပ်မှာ ဘတ် ၂၀၀ ပေးရင် အထူးလမ်းကြောင်းကနေ အမြန်ပေးဖြတ်တယ်ဆိုတဲ့ ကောလာဟလတွေ ထွက်ပေါ်ခဲ့ပါသေးတယ်။

ထိုစဉ်ကလည်း လူဝင်မှုကြီးကြပ်ရေးရဲတပ်ဖွဲ့က အဆိုပါကိစ္စကို ငြင်းဆိုခဲ့ပြီး လေဆိပ်မှာ စနစ်ချို့ယွင်းချက်ကြောင့် လူတန်းရှည်ကြီး ဖြစ်ခဲ့ရပြီး အရာရှိတွေက Offline စနစ်နဲ့ စံလုပ်ထုံးလုပ်နည်းအတိုင်း ခရီးသည်တွေကို အမြန်ဆုံးနဲ့ အန္တရာယ်အကင်းဆုံး ဖြတ်သန်းနိုင်အောင် အဆင့်အချို့ကို လျှော့ချပြီး ကူညီဆောင်ရွက်ပေးခဲ့ခြင်းသာ ဖြစ်ကြောင်း ဆိုပါတယ်။

တကယ်ပဲ ထိုင်းလေဆိပ်မှာ အမြန်ကြေးရှိလား မရှိဘူးလား ဆိုတာ သိတဲ့သူများရှိရင်ပြောခဲ့ပါဦးနော် 😃😃

Ref: The Thaiger

19/05/2026

မြန်မာမှာ ပြေးရတာအားမရလို့ ဘန်ကောက်အထိ လာပြေးချင်သူတွေအတွက်…

ဇွန်လထဲမှာ ရောက်ရှိလာမဲ့ Pride Month ကို အလန်းစား ဆင်နွှဲဖို့အတွက် One Bangkok ကနေ "One Bangkok One Pride One Run 2026" ဆိုတဲ့ နှစ်ပတ်လည် အပြေးပြိုင်ပွဲကြီးကို လာမဲ့ ဇွန်လ ၇ ရက် (တနင်္ဂနွေနေ့) မှာ ကျင်းပသွားတော့မှာဖြစ်ပါတယ်။

Lumpini ပန်းခြံနဲ့ Benjakitti ပန်းခြံကြားက One Bangkok ရဲ့ စိမ်းလန်းစိုပြေတဲ့ နေရာကြီးမှာ အရောင်အသွေးစုံစုံလင်လင်နဲ့ ဆင်နွှဲကြမှာပါ။

ပြိုင်ပွဲမှာ မိမိအဆင်ပြေမဲ့ အကွာအဝေးအလိုက် (၂) မျိုး ရွေးချယ်လို့ရပါတယ်။

၅ ကီလိုမီတာ (5 km) - One Bangkok Park ကနေ စပြေးပြီး Lumpini ပန်းခြံကို တစ်ပတ်ပတ်ကာ One Bangkok Park မှာပဲ ပြန်လည်ပန်းဝင်ရမှာပါ။

၁၀ ကီလိုမီတာ (10 km) - One Bangkok Park ကနေ စတင်ပြီး Benjakitti ပန်းခြံကို ဆက်သွယ်ထားတဲ့ နာမည်ကြီး Green Bridge (အစိမ်းရောင်တံတား) ကို ဖြတ်ကျော်ပြေးရမှာဖြစ်ပြီး One Bangkok Park မှာ ပြန်လည်ပန်းဝင်ရမှာ ဖြစ်ပါတယ်။

ပြိုင်ပွဲမှာ အနိုင်ရရှိသူတွေအပြင် 'One Pride, One Run' ဆိုတဲ့ ပွဲရဲ့အနှစ်သာရကို အပေါ်လွင်ဆုံး ဖော်ပြနိုင်တဲ့ အကောင်းဆုံး ဝတ်စုံဆု (Best Costume) တွေကိုလည်း ချီးမြှင့်ပေးသွားဦးမှာ ဖြစ်ပါတယ်။

ဒါကြောင့် သူငယ်ချင်းတွေ၊ ချစ်ရတဲ့သူတွေနဲ့အတူ ပျော်ပျော်ပါးပါး ပြေးဖို့ ဆိုရင်တော့

• 📅 နေ့ရက် - ၂၀၂၆ ခုနှစ်၊ ဇွန်လ ၇ ရက် (တနင်္ဂနွေနေ့)

• ⏰ Register - နံနက် ၀၄:၀၀ နာရီမှ စတင်မည်။

• 🚀 ပြိုင်ပွဲစတင်ချိန်: နံနက် ၀၅:၀၀ နာရီ။

Ref: The Nation

16/05/2026

ဘန်ကောက်က အဆိုးဆုံး “မြန်မာစားသောက်ဆိုင်” စာရင်း

ဘန်ကောက်မှာ “မြန်မာစားသောက်ဆိုင်” လို့ပြောလိုက်ရင် ဘယ်ဆိုင်တွေကအဆိုးဆုံးဖြစ်မလဲ?

ဘာ့ကြောင့် အဆိုးဆုံးလို့ ပြောလို့ရတာလဲ?

ဘယ်လိုအရာတွေကြုံတွေ့ခဲ့ရလဲ?

ကိုယ့်ရဲ့ အတွေ့အကြုံလေးတွေကို comment မှာရေးသွားပေးပါဦး။

Burmese Nomads အနေနဲ့ တကယ် ဆိုး မဆိုး တကယ် ကောင်း မကောင်း
ကိုယ်ရဲ့ အဖြစ်အပျက်အပြီးမှာ ပြောင်းလဲမှု ရှိ မရှိတို့ကို မန့်မှာ ပြောထားတဲ့ထဲက ဆိုင်တွေထဲကအချို့ကိုသွားရောက်မြည်းစမ်းကြည့်သွားမှာ ဖြစ်ပါတယ်။

15/05/2026

ကောင်မလေးကို တောင်ပေါ်မှာ သဘာဝအလှ သွားခံစားမယ်ဆိုပြီး အပြာရောင်မိုးကာတဲထဲ ကားထိုးရပ်လိုက်တဲ့ ဘတ်ဂျက်သမား ဘဲဘဲများ

ဂျပန်နိုင်ငံ၊ ကူမာမိုတို (Kumamoto) ခရိုင်ရှိ တောင်ပေါ်လမ်းဘေးတစ်နေရာတွင် ဖွင့်လှစ်ထားသည့် အလွန်ရိုးရှင်းသော ဒီဇိုင်းဖြင့် ကားပါကင်တစ်ခုသည် လက်ရှိအချိန်တွင် လူမှုကွန်ရက်စာမျက်နှာများထက်၌ လူပြောများလျက်ရှိသည်။

"Love Parking" ဟု အမည်ရသည့် အဆိုပါနေရာသည် အခြားသော ဇိမ်ခံကားပါကင်များနှင့်မတူဘဲ ဝါးတိုင်များ၊ အပြာရောင်မိုးကာစများဖြင့်သာ ရိုးရှင်းစွာ ကာရံတည်ဆောက်ထားခြင်း ဖြစ်သည်။

ကားအစီးရေ စုစုပေါင်း (၁၀) စီးခန့် ဝင်ဆံ့ပြီး၊ မိမိ၏ကားကို လွတ်နေသည့် အကန့်အတွင်း မောင်းသွင်းကာ အရှေ့မှ လိုက်ကာစကို ဆွဲပိတ်လိုက်ရုံဖြင့် သီးသန့်လွတ်လပ်ခွင့် (Privacy) အပြည့်အဝရရှိမည့် ပုံစံမျိုး ဖန်တီးပေးထားသည်။

အဆိုပါ ကားပါကင်သည် အထူးသဖြင့် ၎င်း၏ ဈေးနှုန်းသက်သာမှုကြောင့် လူငယ်များနှင့် ဘတ်ဂျက်ချွေတာလိုသူများအကြား အထူးရေပန်းစားလာခြင်းဖြစ်သည်။

ကုန်ကျစရိတ်အနေဖြင့် နေ့ခင်းဘက် (နံနက် ၁၀ နာရီမှ ည ၈ နာရီအတွင်း) အသုံးပြုပါက (၂) နာရီလျှင် ယန်း ၅၀၀ (ဘတ် ၁၀၀ ဝန်းကျင်) သာ ကျသင့်မည်ဖြစ်သည်။ ညပိုင်း (ည ၈ နာရီမှ နံနက် ၁၀ နာရီအထိ) တစ်ညလုံး ရပ်နားအသုံးပြုလိုပါက ယန်း ၁,၀၀၀ (ဘတ် ၂၀၀ ဝန်းကျင်) သာ ကျသင့်မည်ဖြစ်ကြောင်း သိရသည်။

ငွေကုန်ကြေးကျသက်သာစွာဖြင့် သီးသန့်လွတ်လပ်မှုကို အလိုရှိသူများအတွက် တောင်ပေါ်ဒေသ၏ သဘာဝအလှအပနှင့်အတူ အဆိုပါ ကားပါကင်သည် ဂျပန်နိုင်ငံတွင် စိတ်ဝင်စားစရာ ဝန်ဆောင်မှုတစ်ခုအဖြစ် ထင်ရှားလာခဲ့သည်။

Ref: Bangkok Post

14/05/2026

ထိုင်းမှာ hantavirus ကစိုးရိမ်ရလား?

တောင်အတ္တလန္တိတ်သမုဒ္ဒရာအတွင်း ခုတ်မောင်းနေသော MV Hondius အပျော်စီးသင်္ဘောပေါ်တွင် Hantavirus ကူးစက်မှုကြောင့် ခရီးသည် (၃) ဦး သေဆုံးခဲ့ရသည့် ဖြစ်စဉ်တစ်ခုကို ကမ္ဘာ့ကျန်းမာရေးအဖွဲ့ (WHO) နှင့် နိုင်ငံတကာ ကျန်းမာရေးအဖွဲ့အစည်းများက အရေးပေါ်အခြေအနေတစ်ရပ်အဖြစ် အနီးကပ် စောင့်ကြည့်လေ့လာလျက်ရှိပါသည်။

ယခုဖြစ်စဉ်သည် ပုံမှန်တွေ့ရလေ့ရှိသော ကူးစက်မှုမျိုးမဟုတ်ဘဲ၊ လူအချင်းချင်း ပြန်လည်ကူးစက်နိုင်စွမ်းရှိသည့် ရှားပါးဗိုင်းရပ်စ်မျိုးကွဲဖြစ်နေသောကြောင့် ပိုမိုအာရုံစိုက် စောင့်ကြည့်နေရခြင်း ဖြစ်သည်။

ပုံမှန်အားဖြင့် Hantavirus သည် ရောဂါပိုးသယ်ဆောင်ထားသော ကြွက်များ၏ ဆီး၊ အညစ်အကြေးနှင့် တံတွေးများ ခြောက်သွေ့ရာမှတစ်ဆင့် လေထဲသို့လွင့်စင်လာသော အမှုန်အမွှားများကို ရှူရှိုက်မိရာမှ လူသို့ ကူးစက်တတ်သော ရောဂါ (Zoonotic disease) ဖြစ်ပါသည်။

သို့သော် ယခုသင်္ဘောပေါ်တွင် ကူးစက်မှုဖြစ်ပွားခဲ့သော ဗိုင်းရပ်စ်မှာ Andes orthohantavirus (Andes virus) ဟုခေါ်သော ရှားပါးမျိုးကွဲဖြစ်ကြောင်း အတည်ပြုထားပါသည်။ အဆိုပါ Andes မျိုးကွဲသည် Hantavirus များအနက် တော်ရုံထူးခြားစွာ လူမှလူသို့ အနီးကပ်ထိတွေ့မှုမှတစ်ဆင့် ကူးစက်နိုင်စွမ်းရှိသည့် တစ်ခုတည်းသော မျိုးကွဲ ဖြစ်သည့်အတွက် ကျန်းမာရေးပညာရှင်များက အထူးစိုးရိမ်လျက်ရှိသည်။

ခရီးသည်များသည် အာဂျင်တီးနားနိုင်ငံတောင်ပိုင်း (Patagonia ဒေသဝန်းကျင်) ရှိ တောတောင်များသို့ လည်ပတ်ခဲ့စဉ်အတွင်း ရောဂါပိုးရှိသော ကြွက်များ၊ သို့မဟုတ် ၎င်းတို့၏ အညစ်အကြေးများနှင့် ထိတွေ့မိရာမှ စတင်ကူးစက်ခံရသည်ဟု ကနဦး ကောက်ချက်ချထားပါသည်။ အဆိုပါ သင်္ဘောပေါ်တွင် နိုင်ငံပေါင်း ၂၀ ကျော်မှ ခရီးသည်များ လိုက်ပါလာခဲ့ပြီး၊ လက်ရှိအချိန်တွင် အချို့သောခရီးသည်များမှာ ၎င်းတို့၏ မိခင်နိုင်ငံအသီးသီးသို့ ပြန်လည်ရောက်ရှိနေပြီဖြစ်သည်။ ထို့ကြောင့် သက်ဆိုင်ရာ နိုင်ငံများ၏ ကျန်းမာရေးအာဏာပိုင်များက ရောဂါပိုး ကူးစက်ခံရနိုင်ခြေရှိသူများကို ရှာဖွေခြင်းနှင့် ရောဂါခြေရာခံစောင့်ကြည့်ခြင်း (Contact Tracing) လုပ်ငန်းစဉ်များကို အထူးကြပ်မတ် ဆောင်ရွက်လျက်ရှိပါသည်။

Hantavirus သည် ကူးစက်ခံရပါက ရက်အနည်းငယ်အတွင်း Hantavirus Pulmonary Syndrome (HPS) ဟုခေါ်သော အသက်ရှူလမ်းကြောင်းဆိုင်ရာ ပြင်းထန်ရောဂါလက္ခဏာများ ခံစားရနိုင်ပါသည်။

အဆုတ်အတွင်း အရည်များစုပုံလာခြင်း၊ အသက်ရှူရ ကြပ်လာခြင်းနှင့် အချိန်တိုအတွင်း အဆုတ်လုပ်ဆောင်ချက်များ ရပ်တန့်သွားသည်အထိ အသက်အန္တရာယ်ရှိနိုင်ပါသည်။ ဤvirus သည် ကုသရန် တိကျသော ဆေးဝါးမရှိသေးဘဲ သေဆုံးနှုန်း (Mortality Rate) မြင့်မားသောကြောင့် အလွန်အန္တရာယ်ကြီးမားပါသည်။

အမေရိကန် ကူးစက်ရောဂါထိန်းချုပ်ရေးနှင့် ကာကွယ်ရေးစင်တာ (CDC) ၏ ထုတ်ပြန်ချက်အရ ဤဗိုင်းရပ်စ်သည် အလွန်အန္တရာယ်များသော်လည်း၊ COVID-19 ကဲ့သို့ လေထဲမှတစ်ဆင့် လူစုလူဝေးအတွင်း အလွယ်တကူ ကျယ်ကျယ်ပြန့်ပြန့် ကူးစက်နိုင်စွမ်းမရှိပါ။ လူမှလူသို့ ကူးစက်ရာတွင် အလွန်အနီးကပ် ထိတွေ့မှု (ဥပမာ - လူနာကို ပြုစုစောင့်ရှောက်သူများ) ရှိမှသာ ကူးစက်နိုင်သဖြင့် အများပြည်သူအတွက် ကြီးမားသောကပ်ရောဂါအသွင် ပြန့်ပွားရန် အန္တရာယ်မှာ အလွန်နည်းပါးပါသည်။

ထိုင်းနိုင်ငံတွင်း အခြေအနေ
နိုင်ငံတကာတွင် အပျော်စီးသင်္ဘောပေါ်မှ ဖြစ်စဉ်ကြောင့် စိုးရိမ်မှုများ ထွက်ပေါ်နေသော်လည်း၊ ထိုင်းနိုင်ငံ ချူလာလောင်ကွန်းတက္ကသိုလ် (Chulalongkorn University) မှ ထင်ရှားသော ဗိုင်းရပ်စ်ပညာရှင် ပါမောက္ခ ဒေါက်တာ Yong Poovorawan က ထိုင်းပြည်သူများအနေဖြင့် ဤကိစ္စအပေါ် အလွန်အမင်း ထိတ်လန့်စိုးရိမ်ရန် မလိုအပ်ကြောင်း အတည်ပြု ပြောကြားထားပါသည်။
ထိုင်းနိုင်ငံရှိ လယ်ကြွက်များနှင့် အချို့သော ကြွက်မျိုးစိတ်များတွင် Hantavirus ကို တွေ့ရှိရလေ့ရှိသော်လည်း၊ ယင်းဗိုင်းရပ်စ်များမှတစ်ဆင့် လူသို့ကူးစက်သည့်ဖြစ်စဉ်မှာ ထိုင်းနိုင်ငံတွင် အလွန်တရာ ရှားပါးလှပါသည်။ ထို့ပြင် ပြည်သူ့ကျန်းမာရေးဝန်ကြီးဌာန၏ ရောဂါစောင့်ကြည့်စစ်ဆေးမှုစနစ်များကလည်း အဆိုပါ အခြေအနေကို အနီးကပ် စောင့်ကြည့်လျက်ရှိကြောင်း အများပြည်သူအား အသိပေး ကြေညာထားပါသည်။

Ref: The Nation Thailand, WHO, CDC, NBT World

13/05/2026

ထိုင်းကို 'အလည်ဗီဇာ' နဲ့လာရင် 'အလုပ်' ပါတွဲလုပ်လို့ရတယ်လို့ ထင်နေတဲ့ တရုတ် ဒေါင်လိုက်စီးရီး ရိုက်ကူးရေးအဖွဲ့

ထိုင်းနိုင်ငံ ချင်းမိုင်ပြည်နယ်၊ ဟန်းဒေါင်းခရိုင်မှာ တရုတ်နိုင်ငံသားများပါဝင်တဲ့ ဇာတ်ကားရိုက်ကူးရေးအဖွဲ့တစ်ဖွဲ့ကို ခရီးသွားရဲတပ်ဖွဲ့မှ သောကြာနေ့ (မေ ၈ ရက်၊ ၂၀၂၆ ခုနှစ်) တွင် ဝင်ရောက်စီးနင်းဖမ်းဆီးလိုက်ပါတယ်။

ထုတ်လုပ်သူတစ်ဦးနဲ့ မင်းသားမင်းသမီးများအပါအဝင် တရုတ်နိုင်ငံသား ရှစ်ဦးကို ထိုင်းအစိုးရရဲ့ ခွင့်ပြုချက်မရဘဲ ရိုက်ကူးနေတာနဲ့ အလည်ဗီဇာဖြင့်ဝင်ရောက်လာပြီး လုပ်သားဗီဇာ (Work Permit) မကိုင်ဆောင်ဘဲ လုပ်ကိုင်နေတာကြောင့် ဖမ်းဆီးလိုက်တာ ဖြစ်ပါတယ်။

ခရီးသွားရဲတပ်ဖွဲ့ တပ်ခွဲ ၂ မှ တာဝန်ရှိသူများရဲ့ ကြီးကြပ်မှုအောက်မှာ စုံစမ်းစစ်ဆေးရေးအဖွဲ့ဟာ ဟန်းဒေါင်းခရိုင်ရှိ အိမ်တစ်လုံးအတွင်း ဝင်ရောက်စစ်ဆေးရာ တရုတ်ရိုက်ကူးရေးအဖွဲ့နဲ့ စကားပြန်အဖြစ် တာဝန်ယူနေတဲ့ ထိုင်းနိုင်ငံသားတွေကိုပါ တွေ့ရှိခဲ့ပါတယ်။

ဥပဒေအရ တာဝန်ရှိတဲ့ ရိုက်ကူးခွင့်ပြုစာရွက်စာတမ်းတွေ တစ်စုံတစ်ရာမတွေ့ရဘဲ အစိုးရကိုယ်စားလှယ်တစ်ဦးမျှ ကြီးကြပ်ရှိနေခြင်းမရှိတာကိုလည်း စစ်ဆေးတွေ့ရှိခဲ့ပါတယ်။

သံသယရှိသူ Wei ကို စစ်ဆေးရာမှာ သူမဟာ ထုတ်လုပ်သူနဲ့ မင်းသမီး တစ်ပါတည်းဖြစ်ကြောင်း ဝန်ခံပြီး လောလောဆယ် နာမည်ကြီးနေတဲ့ “ဒေါင်လိုက်စီးရီး” (Vertical Series) ဟုခေါ်တဲ့ ဖုန်းဖြင့်ကြည့်ရတဲ့ ဇာတ်လမ်းတွဲတစ်ခုကို ရိုက်ကူးနေကြောင်း ပြောဆိုခဲ့ပါတယ်။

တရုတ်ခရီးသွားတွေကြားမှာ နာမည်ကြီးတဲ့ ချင်းမိုင်ကို ရိုက်ကူးရာနေရာအဖြစ် ရွေးချယ်ကြောင်းလည်း ပြောဆိုခဲ့ပါတယ်။

အဖွဲ့ဝင် ရှစ်ဦးအားလုံးကို ဟန်းဒေါင်းရဲစခန်းကို ပို့ဆောင်ကာ “နိုင်ငံခြားသားအနေဖြင့် ခွင့်ပြုချက်မဲ့ အလုပ်လုပ်ကိုင်မှု” ဆိုတဲ့ ပြစ်မှုဖြင့် တရားစွဲဆိုသွားမှာ ဖြစ်ပါတယ်။ ထိုင်းရုပ်ရှင်နှင့် ဗီဒီယိုဥပဒေ ၂၀၀၈ အရ ဒီလို ခွင့်ပြုချက်မဲ့ ရိုက်ကူးမှုတွေအတွက် အများဆုံး ဒဏ်ငွေ ထိုင်းဘတ် ၁ သန်း အထိ ကျခံရနိုင်ပါတယ်။

Ref: The Nation

12/05/2026

ထိုင်းမှာ ဘတ်သန်း ၅၀ ဝန်းကျင် မှောင်ခိုပစ္စည်းတွေသွင်းထားတဲ့ဂိုဒေါင်... ဘယ်သူပိုင်တာလဲ❓❓❓

၂၀၂၆ ခုနှစ်၊ မေလ ၁၀ ရက် (တနင်္ဂနွေနေ့) ညနေပိုင်းမှာ ထိုင်းဝန်ကြီးချုပ် Anutin Charnvirakul ဟာ ဖူးခက်ခရီးစဉ်ကို အရေးပေါ်ဖြတ်တောက်ပြီး ရနောင်းခရိုင်ရှိ တရားမဝင် မှောင်ခိုပစ္စည်းများ သိုလှောင်ထားတဲ့ ဂိုဒေါင်ကြီးတစ်ခုကို သွားရောက်စစ်ဆေးခဲ့ပါတယ်။

ဝန်ကြီးချုပ် Anutin က စီးနင်းမှုလုပ်နေတုန်းမှာ အမည်မသိဖုန်းခေါ်ဆိုမှုတစ်ခု ရောက်လာပြီး "ရဲအရာရှိကြီးတွေနဲ့ သိတယ်၊ အခုချက်ချင်း ဂိုဒေါင်ကနေ ထွက်သွား" လို့ ခြိမ်းခြောက်ခဲ့ပါတယ်။ ဒီလိုအခြေအနေကြောင့် ဝန်ကြီးချုပ်ကိုယ်တိုင်လည်း ဖူးခက်ခရီးစဉ်ဖျတ်ပြီး ရောက်လာခဲ့တာဖြစ်ပါတယ်။

အစိုးရအဖွဲ့ကတော့ ဒါဟာ "လုံခြုံရေးဆိုင်ရာ ခြိမ်းခြောက်မှု ပုံစံသစ်" တစ်ခုဖြစ်တယ်လို့ ထုတ်ပြန်ထားပါတယ်။

ရနောင်းခရိုင်၊ Muang district၊ Bang Rin အရပ်၊ အဝေးပြေးလမ်းမ (၄၀၈၀) ဘေးရှိ "168 Transport Logistics Co" ၏ တရားဝင်မှတ်ပုံတင်ထားခြင်းမရှိသော ဂိုဒေါင်ကို တနင်္ဂနွေနေ့ ညနေ ၃:၃၀ နာရီခန့်တွင်တွေ့ရှိခဲ့ပါတယ်။

သိမ်းဆည်းရမိသော ပစ္စည်းများရဲ့ တန်ဖိုးမှာ ဘတ်သန်း ၅၀ ခန့်ရှိပြီး ဂိုဒေါင်အတွင်းမှာ အခွန်ရှောင်ထားတဲ့ အောက်ပါပစ္စည်းအမြောက်အမြားကို တွေ့ရှိခဲ့ရပါတယ်။

• လေအေးပေးစက် (Air-conditioners) အလုံးပေါင်း ၂,၀၀၀ ခန့်။
• စက်ရုံသုံးနှင့် ဟိုတယ်သုံး မီးစက်ကြီးများ (Generators )။
• ရေခဲမုန့်လုပ်စက်များ၊ ရေခဲသေတ္တာများနှင့် ရေစုပ်စက်များ (Water pumps & Freezers )။
• လေဖိအားပေးစက် (Air compressors) များ အပါအဝင် အခြားသော လျှပ်စစ်ပစ္စည်းများနှင့် အထွေထွေ အသုံးအဆောင်ပစ္စည်းများ။

👤 တာဝန်ရှိသူများ၏ အစီရင်ခံချက်အရ အဆိုပါပစ္စည်းများသည် မြန်မာနိုင်ငံသားတစ်ဦး ပိုင်ဆိုင်ခြင်းဖြစ်ပြီး ဒီပစ္စည်းတွေကို ထိုင်းနိုင်ငံကို ခေတ္တဖြတ်သန်းမဲ့ ကုန်စည် (Transit Cargo) အဖြစ် အကောက်ခွန် ကြေညာထားတယ်လို့သိရပါတယ်။

Transit ပစ္စည်းများသည် ထိုင်းနိုင်ငံအတွင်း ရောက်ရှိပြီး ရက်ပေါင်း ၃၀ အတွင်း ပြန်လည်ထွက်ခွာရမှာ ဖြစ်ပေမဲ့ အဆိုပါကာလထက် ကျော်လွန်သည်အထိ ဂိုဒေါင်အတွင်း မှောင်ခိုသိုလှောင်ထားခြင်း ဖြစ်ပါတယ်။

မြန်မာနိုင်ငံဘက်ခြမ်းကနေလည်း ဖုန်းခေါ်ဆိုပြီး ညှိနှိုင်းဖို့ ကြိုးစားမှုတွေ ရှိခဲ့ပါတယ်။
ဝန်ကြီးချုပ်က ဖိအားတွေကို မတုန်လှုပ်ဘဲ ရိုးသားစွာ တာဝန်ထမ်းဆောင်ခဲ့တဲ့ ရနောင်းရဲတပ်ဖွဲ့ချုပ်နဲ့ စစ်တပ်တာဝန်ရှိသူတွေကို အထူးချီးကျူးခဲ့ပါတယ်။

⚖️ လက်ရှိမှာ ရနောင်းခရိုင် တာဝန်ရှိသူများက ပစ္စည်းအားလုံးကို ချိတ်ပိတ်သိမ်းဆည်းထားပါတယ်။

သက်ဆိုင်ရာ ပိုင်ရှင်ဘက်က အကောက်ခွန်ပေးဆောင်ထားတဲ့ အထောက်အထား (Customs duty documents) မပြနိုင်ရင် ပစ္စည်းအားလုံးကို သိမ်းဆည်းမှာ ဖြစ်ပါတယ်။

ရက် ၃၀ ကျော်လွန်သွားတဲ့ Transit ပစ္စည်းတွေကို ထိုင်းနိုင်ငံက ပိုင်ဆိုင်ခွင့်ရှိတယ်လို့ ဝန်ကြီးချုပ်က အတည်ပြု ပြောကြားခဲ့ပါတယ်။

Ref: Bangkok Post

09/05/2026

🐟ဆိုရှယ်မီဒီယာပေါ်က သံသယမှသည် စက်ရုံပိတ်သိမ်းသည်အထိ... ငါးသေတ္တာဘူးခွံထဲက လိမ်လည်မှုနောက်ကွယ်မှာ ဘာတွေရှိနေလဲ?

၂၀၂၆ ခုနှစ်၊ မေလ ၆ ရက်နေ့မှာ ဝန်ကြီး Ms. Supamas Isarabhakdi ဟာ စားသုံးသူကာကွယ်ရေးဗဟို (OCPB)၊ FDA နဲ့ သက်ဆိုင်ရာ တာဝန်ရှိသူတွေနဲ့အတူ စမွတ်စာခွန် (Samut Sakhon) ခရိုင်ရှိ ငါးသေတ္တာစက်ရုံကို ကိုယ်တိုင်ကိုယ်ကျ သွားရောက်စစ်ဆေးခဲ့ပါတယ်။

ဆိုရှယ်မီဒီယာပေါ်မှာ ပျံ့နှံ့နေတဲ့ "မက်ကရယ်ငါး မဟုတ်ဘဲ အခြားငါးတွေ ထည့်သွင်းထားသည်" ဆိုတဲ့ တိုင်ကြားချက်တွေကြောင့် ဝန်ကြီးကိုယ်တိုင် ထုတ်လုပ်မှုအဆင့်ဆင့်ကို ဝင်ရောက်ကြည့်ရှုခဲ့တာ ဖြစ်ပါတယ်။

လက်ရှိမှာ စမွတ်စာခွန်ခရိုင် အုပ်ချုပ်ရေးမှူးက အဆိုပါစက်ရုံ (Sri Rungngam Food Co Ltd) ကို ယာယီပိတ်သိမ်းဖို့ အမိန့်ထုတ်ပြန်လိုက်ပြီဖြစ်ပါတယ်။ အဲဒါအပြင် စက်ရုံရဲ့ ရေဆိုးထုတ်လွှတ်မှုစနစ်ဟာလည်း စံချိန်စံညွှန်းမမီတာကို ထပ်မံတွေ့ရှိခဲ့ရပါတယ်။

အထဲမှာ ထည့်ထားတဲ့ငါးတွေဟာ (Tilapia) ဒါမှမဟုတ် (Black-chinned Tilapia) တွေ ဖြစ်နိုင်တယ်လို့ ယူဆရတဲ့အတွက် ငါးလုပ်ငန်းဦးစီးဌာနကနေ အသေးစိတ် ဓာတ်ခွဲစစ်ဆေးနေပါတယ်။

ထိုင်းမှာ အစားအသောက် လိမ်လည်ထုတ်လုပ်မှုဟာ အမြင့်ဆုံး ထောင်ဒဏ် (၁၀) နှစ် အထိ ချမှတ်ခံရနိုင်တဲ့ ပြစ်မှုဖြစ်ကြောင်း ဝန်ကြီးက သတိပေးပြောကြားခဲ့ပါတယ်။

ဝန်ကြီးကတော့ "အစိုးရအနေနဲ့ စားသုံးသူတွေရဲ့ အခွင့်အရေးနဲ့ ဘေးကင်းလုံခြုံရေးကို အလေးထားပြီး အခုလို လိမ်လည်တာမျိုးတွေကို လုံးဝ ခွင့်လွှတ်မှာ မဟုတ်ဘူး" လို့ ပြောကြားခဲ့ပါတယ်။

Ref: Thai PBS

ငါးသေတ္တာစက်ရုံအကြောင်း ပထမ Post ကို ဖတ်ရှုချင်သူများအတွက် 👇

https://www.facebook.com/share/p/1EEmN7j3B3/?mibextid=wwXIfr

08/05/2026

BYD ဆိုပြီးအထင်မသေးနဲ့ Camera ကြိုးဖြုတ်ရင် record မလုပ်တော့ဘူးထင်ပြီး အတင်းပြောခဲ့တဲ့ ဝန်ထမ်းတွေအလုပ်ပြုတ်

ထိုင်းနိုင်ငံ၊ ချွန်ဘူရီခရိုင်ရှိ BYD အရောင်းပြခန်းနှင့် ဝန်ဆောင်မှုစင်တာတစ်ခုတွင် Customer ရဲ့ ကားရှေ့နောက် ကင်မရာ (Dashcams) များကို ဖြုတ်ထားပြီး စည်းကမ်းမဲ့ စမ်းသပ်မောင်းနှင်ခဲ့သည့် ဝန်ထမ်းများကို ကုမ္ပဏီမှ
အလုပ်ထုတ်လိုက်ကြောင်း သိရသည်။

ဖြစ်စဉ်မှာ ကားပိုင်ရှင် က ကားအောက်ပိုင်းမှ အသံမည်နေသဖြင့် အဆိုပါ ဝပ်ရှော့သို့ လာရောက်ပြသခဲ့ခြင်းဖြစ်သည်။ ကားလာပြင်စဉ်အတွင်း Customer ဖြစ်သူက ဝန်ထမ်းများကို စေတနာဖြင့် အအေးများ ဝယ်တိုက်ခဲ့သော်လည်း၊ ဝန်ထမ်းအချို့သည် ကားပိုင်ရှင်ကွယ်ရာတွင် ကားကင်မရာများကို လှောင်ပြောင်ဆဲဆိုလျက် တမင်ရည်ရွယ်ဖြုတ်ချခဲ့သည်ကို ကင်မရာမပိတ်သွားခင် မှတ်တမ်းတင်မိသွားခဲ့သည်။

ထို့အပြင် ဝန်ထမ်းတစ်ဦးသည် ကားကိုပြဿနာရှာဖွေရန် (၄) ကြိမ်တိုင်တိုင် စမ်းသပ်မောင်းနှင်ခဲ့ရာတွင် ထိုင်ခုံခါးပတ် (Seatbelt) မပတ်ထားသည့်အပြင်၊ ဖုန်းပြောရင်း ကားမောင်းနှင်ခဲ့ခြင်း စသည့် စည်းကမ်းမဲ့လုပ်ရပ်များကိုပါ ကျူးလွန်ခဲ့ကြောင်း သိရှိရသည်။ ကားပိုင်ရှင်သည် ဝပ်ရှော့မှထွက်ခွာလာပြီး ကီလိုမီတာ ၁၀၀ ကျော် အကွာသို့ရောက်ရှိမှသာ ကင်မရာ ၂ ခုစလုံး အဖြုတ်ခံထားရသည်ကို သတိပြုမိခဲ့ခြင်းဖြစ်သည်။

ယင်းဖြစ်စဉ်နှင့် ပတ်သက်၍ ကားပိုင်ရှင်က အထောက်အထားများနှင့်တကွ BYD Facebook Group တစ်ခုတွင် မျှဝေခဲ့ရာ Group Admin မှ အဆိုပါ Post ကို ဖြုတ်ချခဲ့သော်လည်း လူမှုကွန်ရက်တွင် ပျံ့နှံ့သွားခဲ့သည်။ ထို့နောက် ဧပြီလ ၃၀ ရက်နေ့တွင် BYD RÊVER Thailand က ယခုဖြစ်စဉ်အပေါ် အထူးဝမ်းနည်းပါကြောင်း တရားဝင် ကြေညာချက်ထုတ်ပြန်ခဲ့ပြီး ပါဝင်ပတ်သက်သူ ဝန်ထမ်းအားလုံးကို အလုပ်မှ ချက်ချင်းထုတ်ပယ်လိုက်ကြောင်း အတည်ပြုခဲ့သည်။

အဆိုပါဖြစ်ရပ်အပြီးတွင် ဝပ်ရှော့၏ အထွေထွေမန်နေဂျာကိုယ်တိုင် ကားပိုင်ရှင်၏ နေအိမ်သို့ လူကိုယ်တိုင် သွားရောက်တောင်းပန်ခဲ့ပါသည်။ ကားပိုင်ရှင်ဘက်မှလည်း နောင်လာမည့်ကာလများတွင် ဝန်ဆောင်မှုစံနှုန်းများ ပိုမိုတိုးတက်ကောင်းမွန်လာစေရန် ရည်ရွယ်၍ အဆိုပါ တောင်းပန်မှုကို လက်ခံပေးခဲ့ကြောင်း သတင်းရရှိသည်။

Ref: The Thaiger

07/05/2026

ဒီရက်ပိုင်းထိုင်းမှာ ငါးသေတ္တာ စားမယ်ဆိုသတိထားစားကြဖို့လိုပါမယ်

ငါးသေတ္တာဘူး ၁၃,၀၀၀ ကျော်ကို ထိုင်း FDA သိမ်းဆည်း၊ စံချိန်စံညွှန်းမမီသည့် စက်ရုံကို အရေးယူ
ထိုင်းနိုင်ငံ အစားအသောက်နှင့် ဆေးဝါးကွပ်ကဲရေးဦးစီးဌာန (FDA) က စမွတ်စာခွန် (Samut Sakhon) ခရိုင်ရှိ စက်ရုံတစ်ခုမှ ထုတ်လုပ်တဲ့ ငါးသေတ္တာဘူးပေါင်း ၁၃,၀၀၀ ကျော်ကို ဈေးကွက်အတွင်းကနေ ပြန်လည်သိမ်းဆည်းဖို့ အမိန့်ထုတ်ပြန်လိုက်ပါတယ်။

မကြာသေးမီက ဆိုရှယ်မီဒီယာပေါ်မှာ မက်ကရယ်ငါး (Mackerel) လို့ စာတန်းထိုးထားတဲ့ ငါးသေတ္တာဘူးထဲမှာ တီလာပီးယားငါး (Tilapia) တွေ ဖြစ်နေတယ်ဆိုတဲ့ တိုင်ကြားမှုတွေပျံ့နှံ့ခဲ့ပါတယ်။

FDA က အဆိုပါစက်ရုံ (Sri Rungngam Food Co Ltd) ကို ဝင်ရောက်စစ်ဆေးရာမှာ အစားအသောက် ထုတ်လုပ်မှုဆိုင်ရာ GMP စံချိန်စံညွှန်းတွေ မမီတာကို တွေ့ရှိခဲ့ရပါတယ်။

ဈေးကြီးတဲ့ ပင်လယ်ငါး (Mackerel) အစား ဈေးသက်သာတဲ့ ရေချိုငါး (Tilapia) ကို အစားထိုး အသုံးပြုပြီး စားသုံးသူတွေကို လိမ်လည်ခဲ့တာဖြစ်ပါတယ်။

စက်ရုံအတွင်းမှ ၁၂,၇၆၀ ဘူးနဲ့ လက်လီဆိုင်တွေက ၂၅၀ ဘူး၊ စုစုပေါင်း ၁၃,၀၁၀ ဘူး ကို သိမ်းဆည်းခဲ့ပါတယ်။

လက်ရှိမှာတော့ ငါးနမူနာတွေကို တကယ်ပဲ ဘယ်ငါးအမျိုးအစားလဲဆိုတာ အတည်ပြုနိုင်ဖို့ ငါးလုပ်ငန်းဦးစီးဌာနဆီ ပေးပို့စစ်ဆေးနေကြောင်းသိရပါတယ်။
Facebook ပေါ်မှာ ပျံ့နှံ့ခဲ့တဲ့ ဗီဒီယိုတစ်ခုကြောင့် အခုလို စစ်ဆေးမှုတွေ ဖြစ်လာတာပဲဖြစ်ပါတယ်။ ကုမ္ပဏီဘက်က ကာယကံရှင်ကို လျော်ကြေးပေးပြီး ပို့စ်ဖျက်ခိုင်းခဲ့ပေမဲ့ အာဏာပိုင်တွေကတော့ ဒါဟာ စားသုံးသူကို လိမ်လည်တာဖြစ်လို့ ဆက်လက်စုံစမ်းနေတာ ဖြစ်ပါတယ်။

ထိုင်းသတင်းဌာန Thairath ရဲ့ အကြံပြုချက်အရ မက်ကရယ်ငါး (Mackerel) အစစ်ဟာ အကြေးခွံအရမ်းနုပြီး အသားအိတဲ့အတွက် ခရမ်းချဉ်သီးဆော့စ်နဲ့ဆိုရင် အသားလေးတွေ အလွယ်တကူ ပဲ့ထွက်နိုင်ပါတယ်။
FDA အတွင်းရေးမှူးချုပ်ကတော့ အစားထိုးငါးဟာ စားလို့ရတဲ့ငါးဖြစ်နေရင်တောင် တံဆိပ်မှာ လိမ်လည်ဖော်ပြတာဟာ စားသုံးသူကို လှည့်စားတာဖြစ်လို့ အစားအသောက်အက်ဥပဒေ (Food Act B.E. 2522) အရ အရေးယူမှာပါ။

အခြားဖြစ်စဉ်တစ်ခုမှာလည်း နာမည်ကြီး ငါးသေတ္တာတံဆိပ်တစ်ခုရဲ့ ဘူးထဲမှာ "ငါးမျှားချိတ်" တစ်ခု ပါလာခဲ့လို့ ကုမ္ပဏီဘက်က ငါးသေတ္တာ (၂) ဖာ ဒါမှမဟုတ် ဘတ် ၁,၅၀၀ နဲ့ လျော်ကြေးပေးပြီး ညှိနှိုင်းခဲ့ရတဲ့ ဖြစ်စဉ်လည်း ရှိခဲ့ပါသေးတယ်။

Ref: The Nation,The Thaiger

Burmese Nomads

24/05/2026

19/05/2026

16/05/2026

15/05/2026

14/05/2026

13/05/2026

12/05/2026

09/05/2026

08/05/2026

07/05/2026

ที่อยู่

เว็บไซต์

แจ้งเตือน

ทางลัด

แชร์

ประเภท