28/07/2025
ပညာရှင်တွေစုံနေပေမယ့် ကျွန်တော်လဲ နိုင်သလောက်လေး
Living Together ကိစ္စမှာ အာဝင်ချောင်ချင်ပါတယ် ။
ဒါမျိုးကျ ဝါသနာပါတာကို ။
လူတွေ ' Living Together ' ( LT ) ရဲ့ အဓိပ္ပါယ်ကို ဘက်ပေါင်းစုံ ရှုထောင့်ပေါင်းစုံကနေ သုံးသပ်ဖွင့်ဆိုပြတော့ ကျွန်တော်အံ့ဩမိတယ် ။
အမှန်တော့ LT ရဲ့ အဓိပ္ပါယ်က အရမ်းရိုးရှင်းတယ်
မူကွဲ မရှိဘူး
LT ဆိုတာ ' unmarried couple ' ပဲ
တရားဝင်ဥပဒေကြောင်းအရ ၊ ဘာသာရေးထုံးတမ်းဓလေ့ထုံးစံ အရ လက်ထပ်ထားခြင်းမရှိသေးတဲ့ အတူနေစုံတွဲပဲ
အဲ့တော့ အဲ့မှာဘာတွေ benefits ရှိလဲ
ဘာတွေပါဝင်လဲ
ဟုတ်ပြီ
တချက်ချင်းရှင်းပြမယ်
ပထမဆုံးက လူတစ်ယောက် နဲ့ LT နေပြီဆို ဘာစဖြစ်လဲဆိုတော့ အဲ့ဒီသူနဲ့ Emotional ရော Physical ပိုင်းရော နှစ်ခုစလုံး relationship လိုက်တာပဲ
သူနဲ့ အတူ
ကိုယ့်ရဲ့တနေ့တာ ကောင်းခြင်းဆိုးခြင်းတွေကို အတူတူမျှဝေ ခံစားရတော့မှာ ။
Daily Transaction တွေကို အတူတူ ဖြတ်သန်းရတော့မှာ ။
အဲ့ဒီမှာ ဘာတွေသိမြင်လာနိုင်လဲဆိုတော့
Doing Nothing Together အချိန်တွေမှာ ပျော်ရဲ့လားဆိုတာပဲ
အရင်လို ချိန်းတွေ့ ၊ လည်စရာပတ်စရာရှိရင်လည် ၊
ဟော့ပေါ့တွေဘာတွေစား ၊ သောက်တတ်ရင်သောက်
မူးရစ်ရီဝေ ၊ လိင်စိတ်ကြွ ၊ ဟိုတယ်သွားဖောင်းဒိုင်း
ပြီးရင် ကိုယ့်အိမ်ကိုယ်ပြန် ကိုယ်လုပ်စရာရှိတာကိုယ်လုပ်
နောက်ပြန်ချိန်းတွေ့။
ဒီလို မဟုတ်တော့ဘူး ။
ရုံးပိတ်ရက်တွေ ၊ အလုပ်အားတဲ့အချိန်တွေ
အိမ်မှာ In Person အတူတူရှိနေမယ်
သူကလည်း သူလုပ်စရာရှိတာ လုပ်နေမယ်
ကိုယ်ကလည်း ကိုယ်လုပ်စရာရှိတာ လုပ်နေမယ်
တစ်ယောက်က ရှေ့ကခုံမှာထိုင်ပြီး ဂိမ်းဆော့နေမယ်
တစ်ယောက်က ခုတင်ပေါ်လှဲရင်း ကိုရီးယားကားကြည့်နေမယ်
ဒါမှ မဟုတ်လည်း တစ်ယောက်က laptop တစ်လုံးနဲ့ စောက်လုပ်ရှပ်နေမယ်
တစ်ယောက်ကလည်း OS ကနေ ပစ္စည်းမှာဖို့ သုံးဖြုန်းဖို့လျှောက်ကြည့်နေမယ်
နှစ်ယောက်အတူတူရှိ နေပေမယ့်
အချိန်ပြည့် ပူးကပ် လုံးထွေးပြီး စကင်တွေရှစ်မနေဘဲ
ကိုယ်သန်ရာကိုယ်လုပ်နေတဲ့ အချိန်တွေမှာကိုပဲ
ဒီလို အတူတူရှိရတာကို ကြည်နူးလား
ကျေနပ်လား ၊ အဆင်ပြေလား ဆိုတာကို သိခွင့်ရတယ်
ကိုယ်ရော အဆင်ပြေလား သာယာကျေနပ်လား
သူရော အဆင်ပြေလား သာယာကျေနပ်လား
ဒါကို လေ့လာခွင့် ၊ သိခွင့်ရတယ်
၂ ယောက်လုံးက အချစ်မပါ မေတ္တာ မပါဘဲ လိင်စိတ်နဲ့ပဲ ပတ်သက်တာဆိုရင် ဒီလိုအခြေအနေမှာ မနေနိုင်ကြဘူး
ဖောင်းဒိုင်းလိုက် မောရင်အိပ်သွားလိုက်နဲ့
အချိန်တွေကြာလာရင် တစ်ယောက်ကို တစ်ယောက်ရိုးအီပြီး Expire ဖြစ်သွားမှာပဲ ။
နောက်တစ်ချက်က ပိုအရေးကြီးတယ် ။
S*x ကိစ္စမပါဘဲ သက်သောင့်သက်သာ အိပ်ပျော်လားပေါ့ ။
ချစ်သူရည်းစားစုံတွဲတွေ ဒီခေတ်မှာ ဟိုတယ်သွားတာ အဆန်းမဟုတ်တော့ပါဘူး ။ တချို့ဆို သူငယ်ချင်းတွေနဲ့တောင် သွားနေတာ ။
S*x ဖြစ်တယ် ။ အိပ်ကျတယ် ။ ဒါပဲ ။
တစ်တီတူးပြီး ထန်ပါးmood ဝင်နေတဲ့အချိန်ဆိုတော့ တချို့အရာ တွေကို မမြင်ဘူး။ သည်းလည်းသည်းခံနိုင်တယ် ။
လူတစ်ယောက်နဲ့တစ်ယောက် LT နေတဲ့အခါကျ ညတိုင်း S*x ပါချင်မှ ပါတော့မှာ ။
ဘာမှ မလုပ်ဖြစ်ဘဲ တီတီတာတာပြောရင်း ၊ ဒါမှမဟုတ် တခြားအလုပ်ကိစ္စ ဘာညာတွေကြောင့် တနေကုန်ပင်ပန်းလာရင်း အိပ်ကြတဲ့အချိန်တွေမှာ
သူ့ရဲ့ဟောက်သံ ၊ ခံတွင်းအာပုတ်နံ့ ၊ ချွေးစော် ၊ လေလည်မိတာတွေ
အိပ်နေတုန်း Body Move တွေ
ယောင်္ကျားလေးတွေ ဆို ညဖက်အိပ်ရင်းကုတ်တတ်ကျ
အဲ့ဒါတွေကို ကိုယ်ကသည်းခံနိုင်လား
အဲ့ဒီအပြုအမူတွေက ကိုယ့်အတွက် ကသိကအောက်ဖြစ်စေလား
ရှက်နေလား
ပြီးတော့ ကိုယ့်ကိုရော သူက သည်းခံနိုင်လား
ကိုယ်လည်းသူ့ရှေ့မှာ သူ့ဘေးမှာ အဲ့ဒါတွေ လုပ်မိမှာစိုးလို့
ထိန်းချုပ်နေရလား
ကိုယ်ရှက်နေမိလား ၊ သက်သောင့်သက်သာ မဖြစ်ဘူးလား
ဒါတွေကို သိနိုင်တယ် ။
ကိုယ်လည်း သက်တောင့်သက်သာမဖြစ် ၊ သူလည်းမဖြစ်ဆို သိပ်အဆင်ပြေမှာ မဟုတ်ဘူး ။
ပြီးတော့ အရေးကြီးဆုံးအချက် ။ Healing ပဲ ။
လူတိုင်းမှာ အဆင်မပြေတဲ့အချိန် စိတ်ကျတဲ့အချိန်ဆိုတာ ကြုံရမှာပဲ ။
အဲ့လိုအချိန် သူရှိနေတဲ့ အိမ်ကို ကိုယ်ပြန်လာချင်လား ။
ကိုယ်ရော သူစိတ်ကျနေတဲ့အချိန် ဘေးမှာ အတူတူရှိပြီး သူ့ကို Heal ပေးနိုင်မလား ။ ဒါကို သိခွင့်ရတယ် ။
အလုပ်မှာ အထက်လူကြီးနဲ့ အဆင်မပြေတာက အစ
လမ်းသွားရင်း ဖိနပ်ပြတ်တာ အလယ်
မိုးရွာကြီးထဲ Grab ကို အကြာကြီးစောင့်လိုက်ရတာကအဆုံး
ကိုယ့်ရဲ့ တနေ့တာ ကိစ္စသေးသေးလေးတွေကို
သူ့ကိုပြန်ပြောပြရင်း ကိုယ့်စိတ်အတွက်ပြေရာပြေကြောင်းဖြစ်လား
ပြီးတော့ သူ့ရဲ့ တနေ့တာ Daily Transaction တွေကိုရော ကိုယ်က စိတ်ဝင်စားရဲ့လား
သူအားပေးတဲ့ ဘောလုံးအသင်းရှုံးတာကအစ
သူ့သူငယ်ချင်း သူ့အကြွေးကိုပြန်မပေးသေးတာအလယ်
သူကြိုက်တဲ့ Movie Series Season အသစ်ထွက်တာက အဆုံး
သူဒီလို လာပြောပြရင်ရော
ကိုယ်က စိတ်ဝင်တစား နဲ့ နားထောင်ပေးနိုင်ရဲ့လား
ဒီသေးသေးလေးတွေကလည်း အရမ်းအရေးကြီးတာနော် ။
ဒါတွေကို LT နေမှ လေ့လာလို့ရတာ မဟုတ်ပေမယ့်
LT နေကြည့်အခါမှာ ကျားလား ဖားလား ကွဲကွဲပြားပြားသိနိုင်တယ် ။
ပြီးတော့ လေးစားမှု ။
လင်မယားတွေကြား ၊ မိသားစုဝင်တွေကြားမှာတောင် အပြန်အလှန် လေးစားမှုကလိုတယ် ။
အိမ်တစ်အိမ်တည်း အတူတူနေတဲ့အချိန်မှာ
သူ့ရဲ့ တစ်ကိုယ်ရေသန့်ရှင်းမှု နဲ့ သူ့အပြုအမူတွေ
ပြီးတော့ အားလပ်ချိန်တွေကို သူဘယ်လိုကုန်ဆုံးလဲ
ရုပ်ရှင်ကြည့်တာလား ၊ Game ဆော့လား
စာအုပ်ဖတ်လား
Chit Chat တွေပဲ လုပ်ဖို့ကြိုးစားနေတာလား
အချိန်ပြည့် Social Media ပေါ်မှာလား
သူ့လုပ်ဖော်ကိုင်ဖက်တွေအကြောင်း
သူငယ်ချင်းတွေ အကြောင်းပြောပြလား
သူ့မိသားစုဝင်တွေအပေါ် သူဘယ်လိုဆက်ဆံလဲ
ကိုယ်ရော
သူ့ဘေးမှာ ဘယ်လိုနေထိုင်မိလဲ
သူက Toilet သုံးတဲ့နေရာမှာ ဘယ်လိုလူမျိုးလဲ
ရေဆွဲချဖို့ မေ့လား ၊ အပေ့ါသွားရင် အဖုံးကိုတင်ရဲ့လား
ရေချိုးခန်း ဘယ်လိုသုံးလဲ
ကိုယ့်သားပွတ်တံ ယူတိုက်လား
သူ့အတွင်းခံကို ဘယ်လောက်ဟောင်းနွမ်းတဲ့အထိဝတ်တတ်လဲ
မနက်နိုးလာတိုင်း ဘာအရင်လုပ်တဲ့သူလဲ
အရက်နာကျရင် ဘယ်လိုဖြေလဲ
ဘာသာရေးအပေါ်ရာ သူဘယ်လိုမြင်လဲ
သူဒေါသထွက်ရင်ရော ဘယ်လိုတုံ့ပြန်လဲ
ကိုယ်ထိလက်ရောက် ပြုမူတတ်တဲ့သူလား
စသည်ဖြင့် အချိန်ကာလ တခုထိ အတူနေကြည့်ပြီး
ကိုယ်နဲ့သူကြား
တရားဝင် ဘဝတစ်ခုထိ အတူတူသွားနိုင်လားဆိုတာ လေ့လာခွင့်ရတယ် ။
ပြီးတော့ အပေါ်ကပြောတဲ့ အချက်တွေက စိတ်ပိုင်းဆိုင်ရာ တွေကိုပဲပြောသွားတာ ။
အရေးကြီးတဲ့အထဲ Finicial Management လည်းပါသေးတာပေါ့ ။
သူ့ဝင်ငွေတွေကို ဘယ်လိုအပိုင်းတွေမှာ သုံးစွဲလဲ ။
ဘယ်နေရာတွေမှာ လက်ဖွာလဲ ၊ ဘယ်နေရာတွေမှာ ကျစ်လည်း ။ ကိုယ်သိခွင့်ရတယ် ။
အစားအသောက်ချက်ပြုတ်ရတာတွေ ၊ အဝတ်လျှော်ဖွပ်တာတွေ ဘာတွေဆိုတာ ကျ ဒီခေတ်မှာ အပိုဖြစ်သွားပြီ ။ လုပ်နိုင်ရင်ကောင်းတယ် မလုပ်နိုင်လည်း ပြသာနာ တော့ မဟုတ်ပါဘူး ။ အကုန်လုံးငွေနဲ့ ဖြေရှင်းလို့ရတာကိုး ။ ဒါတွေကို သူနဲ့ကိုယ် ဘယ်လို ညှိုနှိုင်းသုံးစွဲမလဲ ဆိုတာပဲ LT ကာလမှာ လေ့လာရတာ ။ တခုတော့ရှိတယ် သူက ဒီအရာတွေပေါ်မှာရော ပြသာနာရှာ ပုံကြီးချဲ့တတ်သူလား ။ ဒါလည်း လေ့လာလို့ရတယ် ။
အဲ့ဒါတွေ အားလုံးက LT ကာလမှာ လေ့လာကြရတာ ။ ဖြတ်သန်းကြရတာ ။
အဆင်ပြေတယ် ၊ Lust ( တဏှာရမ္မက်ချစ်ခြင်း ) တင်မဟုတ် Love ( မေတ္တာ ) ပါတယ်
နှစ်ယောက်သား ဘဝတခုထူထောင်ဖို့ Soul ချင်းနီးစပ်တယ်ဆိုရင်တော့ လက်ထပ် ကျတာပေါ့ ။ ဘယ်လောက်ကောင်းလဲ ။
Married Life ကျတော့ အတိုချူပ်ပြောရရင် Share Everything ဖြစ်သွားပြီ ။
အဆင်မပြေရင် Break ၊ အဆင်ပြေလို့ လက်ထပ်ပြီဆိုရင်တော့ အဲ့ဒီအကောင်နဲ့ကောင်မ ဟာ
ဖြစ်လာသမျှ အရာအားလုံးကို မျှဝေ ခံစားပေတော့ပဲ ။
အတက်/အကျ
အနိမ့်/အမြင့် အကုန် မျှခံပေတော့ပဲ ။။
ဒါကြောင့်လည်း ပွင့်လင်း လွတ်လပ်တဲ့ အနောက်တိုင်း နိုင်ငံတွေမှာ LT ကာလကို ကြာကြာထားပြီး တစ်ယောက်နဲ့ တစ်ယောက် ရှယ်လေ့လာကြတာ ။
တချို့ဆို သေတောင်သေတော့မယ် လေ့လာလို့မဆုံးသေးတဲ့သူတွေလည်းရှိတာယ် ။
ဥပမာ
ကျွန်တော်တို့အဖေခေတ်က နာမည်ကြီး Hollywood သရုပ်ဆောင်
Goldie Hawn နဲ့ Kurt Russell ဆို
၁၉၈၃ ကတည်းက LT နေလာတာ အခု ၂၀၂၅ ထိ
နှစ်ပေါင်းလေးဆယ်ကျော်ပြီ
၂ ယောက်လုံးလည်း အသက် ၇၀ ကျော်ပြီ
ကလေးလည်းရပြီ
လေ့လာလို့မဆုံးသေးဘူး
ခုထိလက်မထပ်သေးဘူး
အဲ့လောက်ကြီးကျ လွန်တာပေါ့နော်
အဲ့လောက်ထိလည်းမလိုပါဘူး
Victoria ဆို David Beckham နဲ
၂ နှစ်ပဲ LT ဘဝ နဲ့ အတူနေတယ်
ပြီးတော့ လက်ထပ်ခဲ့တယ်
ခုထိ ပျော်ရွှင်ဖွယ်မိသားစုကို ၂၅ နှစ်ကျော် ပိုင်ဆိုင်ထားတယ်
Brad Pitt ကြီးဆို Jolie နဲ့
၉ နှစ်ကျော် LT နေခဲ့ပြီးမှ လက်ထပ်တယ်
ပြီးတော့မှ ကွဲတာပေါ့လေ
LT ဘဝက အရမ်းကြီးကြာရင်လည်းမကောင်းဘူး
ဘာလို့ဆို ဘဝမှာ Legality ဖြစ်မှုကလည်း အရေးပါသေးတာကို
Summary ပြန်ချုပ်ရရင်
Living Together နေတဲ့ ဓလေ့ဟာ
တကယ့်ကို ရိုးရှင်းပြီး ရည်ရွယ်ချက်ကောင်းမွန်ပါတယ်
အဓိပ္ပါယ်ကောက်လွဲပြီး
ဟိုတယ်ခ ဈေးကြီးတယ်
တိုက်ခန်းလေးငှားပြီး ဖောင်းဒိုင်းကြတာပေါ့ ဆိုတဲ့ အတွေးနဲ့ LT နေမယ်ဆိုရင်တော့ ၃ လတောင် ခံမှာ မဟုတ်ပါဘူး
Living Together ဓလေ့မှာ ဆိုးကျိုးမရှိပါဘူး
ဒါကြောင့်လည်း ဉာဏ်ရည်မြင့်မားပြီး ပွင့်လင်းလွတ်လပ်တဲ့ အနောက်နိုင်ငံ လူမှုအသိုင်းအဝိုင်းမှာ ဒီဓလေ့ကို လက်ခံကြတာ
ပြီးတော့ အရှေ့ နဲ့ အနောက် မှာ
အရှေ့တိုင်းသား တွေက ယဉ်ကျေးတယ် ၊ ယဉ်ကျေးမှု အဆင့်အတန်းမြင့်မားတယ်ဆိုတာ တွေကလည်း တကယ့်ဂျင်းနော်
Asian တွေက စောက်ပိုလုပ်တတ်တာပဲရှိတာ
ဘယ်နေရာမှမှ ဥရောပ နဲ့ အမေရိက ရဲ့
ယဉ်ကျေးမှု အဆင့်အတန်း
ဓလေ့ထုံးတမ်းအစဉ်အလာ နဲ့
ပင်ကိုယ်ဉာဏ်ရည် နဲ့ ခံစားမှု စွမ်းရည်
ဘယ်နေရာမှာမှကို မမှီဘူး
တရုတ် နဲ့ အိန္ဒိယ က ပညာတတ် အသိုင်းအဝိုင်းလောက်ပဲ
ဥရောပ ကို လိုက်မှီတာ
ဒါကြောင့်လည်း ကမ္ဘာကြီး ရဲ့ Trend မှန်သမျှကို
အမေရိက နဲ့ ဥရောပ ကပဲ ဦးဆောင်တာ
ခုခေတ်စားနေတဲ့ AI က အစ ပေါ့
ကမ္ဘာကြီးရဲ့ နည်းပညာတိုးတက်မှုဟာ ဘယ်အခြေအနေထိ ရောက်နေပြီလဲ ဆိုတာ အမေရိကန် ပေးသိသလောက်ပဲ
ကျွန်တော်တို့သိတာ . .
ဒါတွေလည်း နောက်မှ ရှင်းပြပါမယ့်
ခုကတော့ LT ကိစ္စဆိုတော့ LT အကြောင်းပဲရှင်းပြပါမယ်
LT နေတာ
ကောင်းမွန်တယ်
ကောင်းကျိုးများပြီး ဆိုးကျိုးနည်းတယ်
နေကြ
ဆိုးကျိုးက ဘာလဲဆိုတော့
ဒီက ယဉ်ကျေးမှု အစဉ်အလာအရ
ကိုယ့်ပတ်ဝန်းကျင် နဲ့ မိသားစု က
လက်ခံဖို့ခက်ခဲနေတာပဲ
အဲ့တခုပဲရှိတယ်
ကျွန်တော် ဆို
ခုတော်တော်သဘောကျပြီး လေ့လာချင်နေတဲ့ ကောင်မလေးတစ်ယောက်ရှိတယ်
သူနဲ့ အတူ LT နေချင်ပေမယ့်
ယဉ်ကျေးမှု ထုံးတမ်းအစဉ်အလာတွေ အရ
ကျွန်တော့် ဆန္ဒကို မြိုသိပ်ထားရတယ်
ဘာလို့ဆို
ဒီတစ်ခေါက်ဆို အထဲထည့်ပစ်မှာ လို့ အိမ်ကမိန်းမက ရာဇသံ ပေးထားတဲ့အပြင်
နှစ်လုံးထီရောင်းတဲ့ ယောက်ဖ လူမိုက်ကလဲ
ငါမိလို့ကတော့ မင်းအသေပဲ လို့ကျိန်းထားတာကို . . .
😁
ဟူး
အာ့ကြောင့်ပြောတာ
အရှေ့တိုင်း ယဉ်ကျေးမှုက နိမ့်ကျပါတယ်လို့
😁😁😁
