Shwe Moe Mandalay

18/11/2025

ကံမကောင်းဘူး ဆိုရင် ဘုရားရှိခိုးရမယ်။ ဗုဒ္ဓဂုဏ်တော်ပွားရမယ်။ဂုဏ်တော်ပုတီးစိတ်ရမယ်။မေတ္တာပို့ရမယ်။သမထဝိပဿနာ ကမ္မဌာန်းအားထုတ်တာအကောင်းဆုံးပဲဖြစ်တယ်။

မနက် နေ့ ည ဘုရားရှိခိုးရင် ကံကောင်းလာမယ်။အဆောင်ပစ္စည်းက အားကိုးမရဘူး။

ဘုရား တရား သံဃာ ဂုဏ်တွေကသာအားကိုးရတာ။မေတ္တာများများပွား ဒါတွေကိုပရောဂသမ္ပတ္တိလို့ ခေါ်တယ်။ကောင်းတာများများ
လုပ်ရင် ကံကောင်းလာမယ်။

မိမိသည်သာလျင်မိမိရဲ့ကိုးကွယ်ရာပဲ။ ကံမကောင်းရင် စိတ်ဓာတ်မကျနဲ့။

ဘယ်ကိစ္စပဲဖြစ်ဖြစ် ကြိုးစားရမယ်။ကြိုးစားတဲ့သူက အနိုင်ရစမြဲပဲ။အဓိကကတော့စိတ်ဓာတ်မကျဖို့ပဲ။

ပါမောက္ခချုပ်ဆရာတော်ဘုရားကြီးဒေါက်တာနန္ဒမာလာဘိဝံသ

#ကောင်းမှုတစ်ခုနေ့စဉ်ပြု
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်

18/11/2025

{သာသနာ(၅၀၀၀)နှင့် ခေတ်(၅)ခေတ်}
🌺🌺🌺🌺🌺🌺🌺🌺🌺🌺🌺🌺🌺
မြတ်စွာဘုရားထားခဲ့တော်မူခဲ့သော သာသနာ(၅၀၀၀)ကိုခေတ်(၅)ခေတ် ပိုင်းခြားထားလေသည်။ ခေတ်တစ်ခေတ်တွင် နှစ်ပေါင်း(၅၀၀)ရှိသည်။

၁။ ဝိမုတ္တိယုဂခေတ် နှစ်ပေါင်း(၅၀၀)
ဘုရားပွင့်ချိန်မှစပြီးနှစ်ပေါင်း(၅၀၀)အတွင်း ဝိမုတ္တိယုဂခေတ်ဖြစ်သောကြောင့် စျာန်မဂ်ဖိုလ်တရားထူးများ ဖြိုင်ဖြိုင်ရကြသည်။

၂။ သမာဓိယုဂခေတ် နှစ်ပေါင်း(၅၀၀)
သမာဓိတည်ရုံမျှသာဖြစ်သည်။

၃။ သီလယုဂခေတ် နှစ်ပေါင်း(၅၀၀)
သီလဦးစားပေးသောခေတ်ဖြစ်သည်။

၄။ သုတယုဂခေတ် နှစ်ပေါင်း(၅၀၀)
စာပေဗဟုသုတဦးစားပေးသောခေတ်ဖြစ်သည်။

၅။ ဒါနယုဂခေတ် နှစ်ပေါင်း(၅၀၀)
ဒါနပြုမူသာအားသန်ကြသောခေတ်ဖြစ်သည်။

ထိုမှလွန်သောဝိမုတ္တိယုဂခေတ်သို့ပြန်လည်လှည့်ဝင်လာသည်။ သာသနာနှစ်(၂၅၀၀) ကောဇာသက္ကရာဇ်(၁၃၁၈)ခုနှစ်ပြည့်ပြီးသည်မှစ၍ ဝိမုတ္တိယုဂခေတ်သို့ ပြန်လည် ဆိုက်ရောက်လာသည်။ ကောဇာသက္ကရာဇ်(၁၃၁၉) ခုနှစ်မှ (၁၈၁၉)ခုနှစ်အတွင်းသာ ဝိမုတ္တိယုဂခေတ်ဖြစ်ပေသည်။ ဝိမုတ္တိယုဂခေတ်မှလွဲ၍ ကျန်ခေတ်များတွင်မဂ်ဖိုလ် တရားထူးများ ရရန်မလွယ်ကူတော့ချေ။

ကျွန်ုပ်တို့သည်ပင် ယ္ခုအချိန်အခါ၌ လူဖြစ်လာရသည်မှာ အင်မတန်ထူးကဲသော ဒုလ္လဘတရားကြီးကို ရရှိခြင်းပေတည်း၊ စကြဝဠာအနန္တထဲမှ ဘဒ္ဒကမ္ဘာတွင် လူလာဖြစ်ရခြင်း၊ မြစ်စွာဘုရား၏ သာသနာတော်နှင့် ကြုံတွေ့ရခြင်း၊ ဗုဒ္ဓဘာသာထွန်းကားသော တိုင်းပြည်၌ လူဖြစ်ရခြင်း၊ ဗုဒ္ဓဘာသာဝင်မိဘများရဲ့သားသမီးဖြစ်ရခြင်းတို့သည်လည်း အင်မတန် ကြီးမားသော ဘုန်းကံကြောင့် ဖြစ်ခဲ့ရပေသည်။

မိရိုးဖလာဗုဒ္ဓဘာသာပင်ဖြစ်ခဲ့သော်လည်း ဆရာကောင်းသမားကောင်းမတွေ့ပါက တကယ့် ဗုဒ္ဓဘာသာဝင် မဖြစ်နိုင်ပေ၊ တကယ့်ဗုဒ္ဓဘာသာဖြစ်မှသာ ဘုရားရှင်၏အလိုကျ ကျင့်ကြံအားထုတ်နိုင်သော ဗုဒ္ဓ၏သားကောင်း၊ သမီးကောင်းများ ဖြစ်ကြပေမည်။ ဗုဒ္ဓဘုရားပွင့်တော်မူရခြင်း၏ ရည်ရွယ်ချက်မှာ သံသရာဝဋ်ဆင်းရဲအပေါင်းမှ ကင်းလွတ်ရာအမှန် မြတ်နိဗ္ဗာန်ကိုရစေခြင်းငှား ပွင့်တော်မူခဲ့သဖြင့် ကျွန်ုပ်တို့အနေဖြင့် နိဗ္ဗာန်ရောက်ကြောင်း မကျင့်ပါက ဗုဒ္ဒ၏သားတော်၊ သမီးတော်ဟုမဆိုနိုင်ပါချေ။ သတ္တဝါတို့၏စရိုက် သဘာဝကိုလိုက်၍ ဓမ္မက္ခန္ဓပေါင်း(၈၄၀၀၀) ပိဋကတ်(၃)ပုံ ဟု ဆိုအပ်သော (သုတ်၊ ဝိနည်း၊ အဘိဓမ္မာ)များ ဟောကြားခဲ့သော်လည်း ဗုဒ္ဓ၏အဓိကရည်ရွယ်ချက်မှာ နိဗ္ဗာန်ရောက်ကြောင်းအကျင့် တရားအားထုတ်နိုင်ရန်သာ ဖြစ်သည်။

နိဗ္ဗာန်ရောက်နိုင်ရန် လူ့ဘုံမှသာ ကျင့်ကြံအားထုတ်ပြီး ရရှိနိုင်ပေသည်။ ထိုကြောင့် မြတ်စွာဘုရားသည် လူ့ပြည်၌သာ ပွင့်တော်မူခဲ့ပေသည်။ နတ်ပြည်(၆)ထပ်နှင့် လူ့ဘုံသည် သုဂတိဘုံ (၇)ဘုံဖြစ်ပြီး အပါယ်(၄)ဘုံသည် ဒုဂ္ဂတိဘုံဖြစ်သည်။
လူ့ဘုံမှနိဗ္ဗာန်ကိုရရန်ကျင့်ကြံသည့်နည်းသုံးနည်းရှိသည်။
၁။ ကံလမှး
ဒါန၊ သီလဆောက်တည်၍ကျင့်ကြံအားထုတ်သည့်လမ်း-
၂။ စျာန်လမ်း
သမထတရားကျင့်ကြံအားထုတ်သည့်လမ်း-

၃။ ဉာဏ်လမ်း
ဝိပဿနာပွား၍အားထုတ်သည့်လမ်း- တို့ဖြစ်ကြသည်။
ဉာဏ်လမ်းသည် အကောင်းဆုံးနှင့်အမြန်ဆုံးလမ်းဖြစ်သည်။ သစ္စာတရားကို ပြသတတ်သော ဆရာသမားကောင်းနှင့်တွေ့၍ ကိလေသာကြားမခိုစေဘဲ ကျင့်ကြံအားထုတ်နိုင်ပါလျှင် မနက်အားထုတ်က ညရနိုင်၊ ညအားထုတ်က မနက်ရနိုင်သော လမ်းကောင်းဖြစ်ပေသည်။ ကိလေသာကြားခိုနေ၍ မရနိုင်သည်ထားအုံး ၇-ရက်၊ ၇-လ ၇-နှစ်အတွင်းလည်း ရနိုင်သည်။ ဒီဘဝမရနိုင်တောင် သေခါနီးဝိပဿနာတရား နှလုံးသွင်း၍ သေဆုံးပါက နောက်ဘဝ နတ်မဖြစ်ခင် ပထမ နိဗ္ဗာန်ဖြစ်သည့် သောတာပတ္တိမဂ်ဖိုလ်ကို ရနိုင်ပေသည်။

ကံလမ်းနှင့်စျာန်လမ်းသည် နိဗ္ဗာန်ကိုတိုက်ရိုက်မရောက်နိုင်ပေ။ နိဗ္ဗာန်ရောက်ကြောင်း၏ အထောက်အပံ့ကောင်းသာ ဖြစ်ပေသည်။ နိဗ္ဗာန်ကိုရောက်လိုပါက ဝိပဿနာဘက် ပြောင်း၍ ကျင့်ကြံအားထုတ်မှသာ ရနိုင်ပေသည်။

ဝိမုတ္တိယုဂခေတ်အခါ
********************
သတိပြုစရာ

မြတ်စွာဘုရားရှင်၏
သာသနာတော်၌
ယခုခေတ်အခါသည်…
ဝိမုတ္တိယုဂခေတ် ပါတဲ့
ပညာခေတ်ပါတဲ့။

ဝိပဿနာ ဥာဏ်ပညာဖြင့်
ပညာထက်တဲ့သူ အများစု
ကျွတ်တမ်းဝင်ကြတဲ့ ခေတ်ပါတဲ့။

သို့သော်… ဝိမုတ္တိယုဂခေတ်
ဒုတိယအကျော့ဖြစ်သည့် အားလျော်စွာ

ယခုအချိန်၌ ကျွတ်တမ်းဝင်သူ
အများစုမှာ …

ပညာဓါတ် ကြီးသလောက်
ကိလေသာထူကြကာ
ထက်မြတ်သူတို့၏ သဘာဝအတိုင်း
အတိုက်ခံများများလဲ ရှိတတ်ကြပါသတဲ့။

ထို့အပြင်…

ထို့သို့သော သူတော်ကောင်းအချို့ မှာ
ကြည်ညိုဖွယ် အသွင်ဆောင်မှုလဲ
အားနည်းတတ်ကြပါသတဲ့။

အချို့ ဆိုလျင် တရားကိန်းသော
အသွင်ပြယုဂ်လဲ မရှိတတ်ကြပါဘူးတဲ့။

အကြောင်းမှာ…
ပညာဓါတ်ခံများသူဟာ
သမာဓိဓါတ်ခံများသူလောက်
အိန္ဒြေ မရကြလို့ပါတဲ့။

ပညာရဲ့ သဘော သဘာဝဟာ…
ခါတတ် ဖြာတတ်လို့ပါတဲ့။

အများ မမြင်လွယ်ခြင်းနှင့်
ပြစ်မှားခံရလွယ်သော
အသွင်ပြယုဂ်လဲ ရှိတတ်ကြပါသဖြင့်
မိမိကြောင့် အများအပြစ်မဖြစ်စေရန်
ကာယကံ ဝစီကံ တို့ အထူးစောင့်ထိမ်း
အပ်သူများလည်း ဖြစ်ကြပါသတဲ့။

အကြောင်းမှာ
ထိုသူတို့၏ပညာဦးစီးသော စရိုက်အချို့ သည်
ဒေါသကိလေသာနှင့် လွန်စွာနီးသောအသွင်ပြင်
သဘာဝရှိသူတွေ ဖြစ်ကြလို့ပါတဲ့။

ထိုသူများသည်
ပညာကြီးကြသလောက်
ပညာလွန်၍ မာနကြီးတတ်သူများလဲ
ဖြစ်တတ်ချေရာ

တဖက်မှာလဲ

ထိုသို့သောသူများ
တရားအဆင့်ဆင့် ရင့်ကျတ်
ဖို့ရန်အတွက်မှာကား
မာန်ချပေးနိုင်သော ဆရာနှင့်
အတိုက်ခံသမားတို့သည်
မိတ်ဖတ် ဖြစ်နေတတ်ပါတော့သတဲ့။
#ကောင်းမှုတစ်ခုနေ့စဉ်ပြု #မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်
...ပြည့်စုံ(တောင်ငူ)

18/11/2025

#မဟာသမယသုတ်
#ကောင်းမှုတစ်ခုနေ့စဉ်ပြု

18/11/2025

🟤သည်းခံတတ်တဲ့'သူ ဟာ
ဘုရား'ချစ်တဲ့(သူ)ပါ

မကျေနပ်တဲ့'အခါ
တစ်နေ့▪︎▪︎▪︎ကျရင်
ခွဲရမှာပဲလို့
တွေးလိုက်ပါ

ဒါ▪︎▪︎▪︎ဆိုရင်
ဒေါသ'မဖြစ်တော့ဘူး၊

💥တစ်ခုခု▪︎▪︎▪︎ကို
ဆုံးရှုံးသွားတဲ့ အခါ
တစ်နေ့▪︎▪︎▪︎ကျရင်
ပျက်ရမှာပဲလို့သာ
တွေးလိုက်ပါ

ဒါဆို▪︎▪︎▪︎လည်း
ရင်ဘတ်'စည်တီး
မဖြစ်တော့ပါဘူး၊

💥(ကိုယ်လို)ချင်တာ ကို
မရတဲ့▪︎▪︎▪︎အခါ
လိုတရ(ဘဝ)ဆိုတာ
မရှိဘူးရယ်လို့
တွေးလိုက်ပါ

ဒါ▪︎▪︎▪︎ဆို
သောက'မဖြစ်တော့ဘူး၊

💥သူများရဲ့(အမှား)တွေကို
တွေ့တဲ့▪︎▪︎▪︎အခါ
《ငါ》▪︎▪︎▪︎လဲပဲ
မှားတတ်တာပဲလို့
တွေးလိုက်ပါ

ဒါဆို▪︎▪︎▪︎လည်း
အပြစ်'မမြင်တော့ဘူး၊

💥အဆင်မပြေမှု့'တွေကို
ကြုံရတဲ့▪︎▪︎▪︎အခါ
《ဘဝ》ဆိုတာ
(တိုက်ပွဲ)▪︎▪︎▪︎ပဲလို့သာ
တွေးလိုက်ပါ

ဒါဆို
အပြုံး'မပျက်တော့ဘူး၊

🏵အဲဒါ▪︎▪︎▪︎ကို
ငြိမ်းချမ်းသော
သင့်မြတ်စွာ
နှလုံးသွင်းခြင်းလို့
ခေါ်ဆိုပါတယ်၊

🙏ကျေးဇူးတော်ရှင်

✒️အရှင်'ဆန္ဒာဓိက၊
ရွှေပါရမီ▪︎▪︎▪︎(တောရ )

17/11/2025

"သတ္ထာဒေဝမနုဿာနံ"
နတ်၊လူတို့၏ဆရာဖြစ်တော်မူသောဗုဒ္ဓမြတ်စွာဘုရားကိုတပည့်တော်ရိုသေစွာရှိခိုးပါ၏ဘုရား။

17/11/2025

#ကောင်းမှုတစ်ခုနေ့စဉ်ပြု

16/11/2025

တရားမှတ်တယ် ဆိုတာ သူများဆီထားတဲ့ စိတ်
~~~~~~~~~~~~~~~~~~~~~~~~~~~~
ကလေး ကိုယ့်ဆီ ပြန်ခေါ်တာ
~~~~~~~~~~~~~~~~~
မနေတတ်ရင် ပစ္စည်းရှိလေ ဆင်းရဲလေပဲ၊ရာထူးကြီးလေ ဆင်းရဲလေပဲ၊ ပစ္စည်းရှိရှိ/မရှိရှိ၊ ရာထူးရှိရှိ/မရှိရှိ နေတတ်မှချမ်းသာတာ...

ပြောစရာ အများကြီးထဲက တစ်ခုပဲပြောရရင်
'""မတွေးနဲ့'"" လို့ သည်တစ်ခုပဲ ပြောချင်ပါတယ်...

ဆင်းရဲတာ အဲဒီ့အတွေးက နှောင့်ယှက်နေလို့
ဆင်းရဲတာ...

ဒုက္ခ တစ်ကျပ်သားမှာ ပက်ပင်းကြုံ ဒုက္ခက တစ်မတ်သားထက်မပိုပါ...

""'အတွေးကြောင့်"" ဖြစ်တဲ့ ဒုက္ခက သုံးမတ်သားလောက်ရှိပါတယ်...

ဟို ပက်ပင်းကြုံ ဒုက္ခတစ်မတ်သားကတော့ ဘုရား
ရဟန္တာတွေလည်း မလွတ်ပါဘူး...အဲဒီ့ တစ်မတ်သားက လောကဓံကိုး ...

"" တရားအားထုတ်တယ်ဆိုတာ"" မတွေးဖြစ်အောင် တရစပ်မှတ်ခိုင်းတာပါ...

""အတွေးကို"' အမှတ်နဲ့ လဲယူရတာပါပဲ...တရားက ခန္ဓာထဲ ရှိပြီးသားပါ... ကိုယ့်အိပ်ထဲက ပိုက်ဆံ ထုတ်ရေကြည့်သလိုပါပဲ...

""တရားရှာတယ်'" ဆိုတာ ကျွှဲပျောက်, နွားပျောက် ရှာတာမျိုး မဟုတ်ပါဘူး...

'"တွေးတယ်"" ဆိုတာ သူများကြောင့်တွေးတာ... တွေးတော့ ဘာဖြစ်သတုန်း ကိုယ့်စိတ်ကို သူများက ပိုင်သွားတာပေါ့... ကိုယ့်စိတ်က ကိုယ့်ထဲမှာ မရှိတော့ဘူး...

ဥပမာ ကြက်တွေးမိရင် ကြက်ဆီစိတ်ပို့ထားရ
တာ... ကိုယ်တိုင် ကြက်ဖြစ်သွားရပြီလေ... ၀က်တွေး ၀က်စိတ်ပေါက်၊ ကိုယ်တိုင် ၀က်ဖြစ်သွားပြီလေ...

"'တရားမှတ်တယ်" ဆိုတာ သူများဆီထားတဲ့ စိတ်ကလေး ကိုယ့်ဆီ ပြန်ခေါ်တာ...
မတွေးရင် ချမ်းသာပေါ့ဗျာ...မရှိလည်း ချမ်းသာ... ရှိလည်းချမ်းသာ...
(မဟာဗောဓိမြိုင်ဆရာတော် ကြီး)

16/11/2025

အာစိဏ္ဏကံဆိုတာ
နေ့စဉ် ဆွမ်းလောင်းတယ်။
ဘုရားရှိခိုးတယ်။ ပုတီးစိတ်တယ်။

သေခါနီးကျတော့ ကိုယ့်စိတ်ထဲမှာဆွမ်းလောင်းတာ၊ ဘုရားရှိခိုးတာ၊ပုတီးစိတ်တာတွေ ခံစားရတယ်။အဲဒီလို အာရုံကောင်းကောင်းလေးနဲ့အမြဲလုပ်တာကိုအာစိဏ္ဏကံလို့ခေါ်တယ်။

မကောင်းတဲ့ အာစိဏ္ဏကံ လုပ်တဲ့သူကျတော့မကောင်းတဲ့အာရုံတွေ လာထင်မှာပဲ။
သေခါနီး အင်မတန်အရေးကြီးတယ်။

(ပါမောက္ခချုပ်ဆရာတော်ကြီး)

#ကောင်းမှုတစ်ခုနေ့စဉ်ပြု
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်

15/11/2025

ကံမကောင်းဘူး ဆိုရင် ဘုရားရှိခိုးရမယ်။
ဗုဒ္ဓဂုဏ်တော်ပွားရမယ်။
ပုတီးစိတ်ရမယ်။
မေတ္တာပို့ရမယ်။
သမထဝိပဿနာ ကမ္မဌာန်းအားထုတ်တာ
အကောင်းဆုံးပဲဖြစ်တယ်။

မနက် နေ့ ည ဘုရားရှိခိုးရင် ကံကောင်းလာမယ်။
အဆောင်ပစ္စည်းက အားကိုးမရဘူး။

ဘုရား တရား သံဃာ ဂုဏ်တွေကသာ
အားကိုးရတာ။
မေတ္တာများများပွား ဒါတွေကို
ပရောဂသမ္ပတ္တိလို့ ခေါ်တယ်။
ကောင်းတာများများ
လုပ်ရင် ကံကောင်းလာမယ်။

မိမိသည်သာလျင်မိမိရဲ့ကိုးကွယ်ရာပဲ။
ကံမကောင်းရင် စိတ်ဓာတ်မကျနဲ့။
ဘယ်ကိစ္စပဲဖြစ်ဖြစ် ကြိုးစားရမယ်။
ကြိုးစားတဲ့သူက အနိုင်ရစမြဲပဲ။
အဓိကကတော့
စိတ်ဓာတ်မကျဖို့ပဲ။

ပါမောက္ခချုပ်ဆရာတော်ဘုရားကြီး
ဒေါက်တာနန္ဒမာလာဘိဝံသ

15/11/2025