21/05/2025
မြန်မာငွေ ၁ကျပ်တန်နှင့် ၂၀ကျပ်တန်တို့ကို ပင်စင်ကြေးထုတ်ပေးသည့် ရုပ်သံ လူမှုကွန်ယက်ပေါ်ပျံ့နှံ့
မေ၂၁ ၂၀၂၅
အလွယ်တကူသုံးစွဲလို့မရတဲ့ မြန်မာကျပ်ငွေ ၁ကျပ်တန်နဲ့ ၂၀ကျပ်တန်တို့ကို စစ်တပ်က ပင်စင်ကြေးထုတ်ပေးတဲ့ ရုပ်သံဟာ လူမှုကွန်ယက် ဆိုရှယ်မီဒီယာပေါ်မှာ ပျံ့နှံ့နေပါတယ်။
ရုပ်သံဖိုင်ထဲမှာ ၁ကျပ်တန်နဲ့ ၂၀ကျပ်တန်တို့ကို စစ်တပ်ရဲ့ မြန်မာ့စီးပွားရေးဘဏ် ပုဗ္ဗသီရိ ဘဏ်ခွဲက ပင်စင်ကြေးအဖြစ် ထုတ်ပေးတာကို တွေ့ရပါတယ်။
ပင်စင်ကြေးထုတ်ပေးတဲ့ ၁ကျပ်တန်နဲ့ ၂၀ကျပ်တန်တို့ဟာ မြန်မာနိုင်ငံရဲ့ ငွေကြေးသုံးစွဲမှုမှာ ပျောက်ကွယ်နေတာဟာကြာခဲ့ပြီ ဖြစ်ပြီး ၅၀ကျပ်တန်ကိုသာ အနိမ့်ဆုံးငွေကြေးအဖြစ်သုံးစွဲနေကြတာ ဖြစ်ပါတယ်။
