เว็บไซต์คืออะไร?

https://www.facebook.com/110634465326982/

Ko Leo Vlog, No. 71, Sukhumvit Road, Bangkok (2025)

01/10/2025

ထိုင်းဘတ်ငွေ ကို မြန်မာကျပ်ငွေလဲမယ် (ဒါမှမဟုတ်) မြန်မာကျပ်ငွေ ကို ထိုင်းဘတ် လဲမယ်ဆိုရင် သိထားသင့်တဲ့ အလွယ်ကူဆုံးတွက်နည်း နဲ့ ဒေါ်လာ ကနေ ဘတ်ငွေလဲမယ်ဆို ဘယ်လိုတွက်ရမလဲ?
🔸ဥပမာ - ထိုင်းမှာ ဒီနေ့ ဘတ်ဈေး က 100,000Ks ကို 765 ဘတ် ဆိုကြပါစို့။
🔸အရင်ဆုံး ဘတ် Rate ကို သိအောင်အရင်လုပ်ပါ။
🔸ဘတ် Rate ကို သိချင်ရင် 100,000 ÷ 765 = 130.718954 (၁ သိန်း ကို ၇၆၅ ဘတ် နဲ့ စားပါ။ဘတ်ဈေးမှာ ၁၃၀.၇၁၈၉၅၄ ဖြစ်ပါတယ်)
🔸အကယ်၍ မိမိက ဘတ် 10,000 ကို မြန်မာကျပ်ငွေ လဲမယ်ဆိုပါက 10,000 x 130.718954 = 1,307,189.54 Ks
📌မိမိလဲမည့် ဘတ် ၁၀၀၀၀ ကို ဘတ်ဈေး ၁၃၀.၇၁၈၉၅၄ နဲ့ မြှောက်ပါ။ရလာတဲ့ ၁၃ သိန်း ၇ ထောင် ဝန်းကျင်က မိမိပြန်ရမည့် မြန်မာကျပ်ငွေ ဖြစ်ပါသည်။

🔸မြန်မာငွေ ကနေ ဘတ်ငွေ လဲတဲ့ဟာကတော့ အလွယ်ဆုံးနည်းပါ။
🔸ဥပမာ - ထိုင်းမှာ ဒီနေ့ မြန်မာကျပ်ငွေ ၁ သိန်း ကို ထိုင်ဘတ်ငွေ ၇၆၅ ဘတ် ဆိုပါက မိမိလဲမည့် ပမာဏ က ၁၀ သိန်းဖိုးဆို ၁၀ သိန်း × ၇၆၅ ဘတ် = ၇၆၅၀ ဘတ်ကို မိမိက ရရှိမှာ ဖြစ်ပါတယ်။

🔸ဘန်ကောက်က Super Rich Thailand အစိမ်းရောင် မှာ (၁)ဒေါ်လာ = ၃၂.၃၂ ဘတ် ဖြစ်ပါတယ် (30.09.2025)
🔸ဥပမာ - မိမိက ဒေါ်လာ ၁၀၀ လဲမည်ဆိုပါက ဒေါ်လာ ၁၀၀ x ၃၂.၃၂ ဘတ် = ၃၂၃၂ ဘတ် ရရှိမှာဖြစ်ပါတယ်။
📌မသိသေးတဲ့ ခရီးသွားမိတ်ဆွေများအတွက် Ko Leo Vlog မှ တွက်နည်း မျှဝေပေးခြင်းသာ ဖြစ်ပါသည်။
"ခရီးသွားမိတ်ဆွေများ အားလုံးအဆင်ပြေကြပါစေ"

30/09/2025

အောက်တိုဘာ (၁) ရက်နေ့ကစပြီး မလေးရှားကို Free Visa ဖြင့် လာတဲ့ ခရီးသွားမိတ်ဆွေတိုင်း သိထားသင့်တဲ့ အမေး အဖြေများ
🔹မလေးရှားကို အလည်အပတ် လာမည့်သူတိုင်း မနက်ဖြန် အောက်တိုဘာ တစ်ရက်နေ့ကစပြီး (၁၄)ရက် ဗီဇာ ကင်းလွတ်ခွင့်ရပါပြီ။

(၁) 🔹အမေး။ ဗီဇာကင်းလွတ်ခွင့်ဆိုတာဘာလဲ？
🔸အဖြေ။ ဗီဇာကင်းလွတ်ခွင့်ဆိုသည်မှာ မြန်မာနိုင်ငံသားများသည် ခရီးသွားဗီဇာမလိုဘဲ မလေးရှားနိုင်ငံသို့ ခဏတာဝင်ရောက်နိုင်ခြင်းကို ဆိုလိုပါသည်။

(၂) 🔹အမေး။ ဗီဇာကင်းလွတ်ခွင့်ဖြင့် ဘယ်နှရက်အထိနေထိုင်ခွင့်ရပါသလဲ？
🔸အဖြေ။ မြန်မာနိုင်ငံသားများသည် ဗီဇာကင်းလွတ်ခွင့်အရ လူမှုရေးသွားရောက်မှုအတွက် ၁၄ ရက်အထိ တစ်ကြိမ်သာဝင်ခွင့်ရှိပါသည်။

(၃) 🔹အမေး။ လူမှုရေးသွားရောက်ခြင်းဆိုတာဘာလဲ？
🔸အဖြေ။ ၁၄ ရက်ဗီဇာကင်းလွတ်ခွင့်ဖြင့် ပြုလုပ်ခွင့်ရှိသော လုပ်ငန်းစဉ်များစာရင်းကို တရားဝင်ဝက်ဘ်ဆိုက်တွင် ကြည့်ရှုနိုင်ပါသည်။

(၄) 🔹အမေး။ တစ်ကြိမ်သာဝင်ရောက်ခွင့်ဗီဇာ (Single Entry Visa) ဆိုတာဘာလဲ？
🔸အဖြေ။ တစ်ကြိမ်သာဝင်ရောက်ခွင့်ဗီဇာသည် မလေးရှားနိုင်ငံသို့ ခရီးသွားရန် တစ်ကြိမ်တည်းဝင်ရောက်ခွင့်ပြုပါသည်။

(၅) 🔹အမေး။ ဗီဇာကင်းလွတ်ခွင့်ကို ဘယ်သူတွေအသုံးပြုနိုင်သလဲ？
🔸အဖြေ။ တရားဝင်မြန်မာ Passport ကိုင်ဆောင်ထားသော မြန်မာနိုင်ငံသားအားလုံး အသုံးပြုခွင့်ရှိပါသည်။

(၆) 🔹အမေး။ ဗီဇာကင်းလွတ်ခွင့်ကို ဘယ်လိုခရီးသွားလမ်းကြောင်းကနေအသုံးပြုနိုင်မလဲ？
🔸အဖြေ။ လူမှုရေးသွားရောက်မှုအတွက် ဗီဇာကင်းလွတ်ခွင့်သည် လေကြောင်းခရီးဖြင့် ဝင်ရောက်လာသူများအတွက်သာ သက်ရောက်ပါသည်။
📌ကား ၊ရထား ၊သင်္ဘောနဲ့ မရပါ။

(၇) 🔹အမေး။ ဗီဇာကင်းလွတ်ခွင့်ကို စီးပွားရေးခရီးစဉ်အတွက် အသုံးပြုနိုင်ပါသလား？
🔸အဖြေ။ စီးပွားရေးအတွက် ခရီးသွားသူများသည် ၎င်းတို့၏ခရီးစဉ်က ၁၄ ရက်အတွင်းဖြစ်ပါက ဗီဇာကင်းလွတ်ခွင့်ကို အသုံးပြုနိုင်ပါသည်။ မလေးရှား မကြာခဏ ခရီးသွားလိုသူများအနေဖြင့် Multiple Entry Visa အတွက် လျှောက်ထားရန် အကြံပြုပါသည်။

(၈) 🔹အမေး။ Multiple Entry Visa ဆိုတာဘာလဲ？
🔸အဖြေ။ Multiple Entry Visa သည် မလေးရှားနိုင်ငံသို့ မကြာခဏခရီးသွားလာသူများအား အကြိမ်ကြိမ်ဝင်ရောက်ခွင့်ပြုသည့် Visa ဖြစ်ပါသည်။

(၉) 🔹အမေး။ ဘယ်သူတွေက ဗီဇာလျှောက်ထားရမှာလဲ？
🔸အဖြေ။ ၁၄ ရက်ထက်ပိုပြီးနေထိုင်ရန် စီစဉ်ထားသူများ ၊ Multiple Entry Visa လျှောက်ထားသူများ ၊ ရေရှည်နေထိုင်ခွင့်ပြုကဒ်ပြား (ဥပမာ- ဆေးကုသရေးကဒ်၊ MM2H၊ PVIP၊ မလေးရှားနိုင်ငံသား၏ အိမ်ထောင်ဖက်ကဒ်) အတွက် လျှောက်ထားသူများ - ၎င်းတို့အတွက် ရက် ၃၀ ဗီဇာ လိုအပ်ပါသည်။
📌ကျောင်းသားဗီဇာ (VDR) လျှောက်ထားသူများ။
📌အလုပ်လုပ်ကိုင်ခွင့်ဗီဇာ (VDR) လျှောက်ထားသူများ။
📌အလုပ်သမားဗီဇာ (VDR) လျှောက်ထားသူများ။

(၁၀) 🔹အမေး။ ခရီးသွားများ ဘယ်စာရွက်စာတမ်းတွေ ယူဆောင်သွားသင့်သလဲ？
🔸အဖြေ။ ခရီးသွားများသည် စစ်ဆေးခံရန် ပြန်လည်ထွက်ခွာမည့်လေယာဉ်လက်မှတ်၊ ခရီးစဉ်အစီအစဉ်၊ နေထိုင်ရန်နေရာအထောက်အထားနှင့် ဖိတ်ကြားစာတို့ကို ယူဆောင်သွားသင့်ပါသည်။

(၁၁) 🔹အမေး။ ဗီဇာကင်းလွတ်ခွင့်ဖြင့် မလေးရှားနိုင်ငံသို့ ဝင်ရောက်ခွင့် အသေအချာရမှာလား？
🔸အဖြေ။ ဝင်ရောက်ခွင့်သည် အသေအချာမရနိုင်ပါ။ နောက်ဆုံးခွင့်ပြုချက်သည် ဝင်ရောက်ရာနေရာရှိ လူဝင်မှုကြီးကြပ်ရေးအရာရှိ၏ ဆုံးဖြတ်ချက်အပေါ်တွင်သာ မူတည်ပါသည်။

(၁၂) 🔹အမေး။ ဒီဗီဇာကင်းလွတ်ခွင့် ဘယ်အချိန်မှာ Go into effect စတင်အသက်ဝင်မှာလဲ？
🔸အဖြေ။ ဤဗီဇာကင်းလွတ်ခွင့်သည် ၂၀၂၅ ခုနှစ်၊ အောက်တိုဘာလ ၁ ရက်နေ့မှစတင်၍ အသက်ဝင်မည်ဖြစ်ပါသည်။

(၁၃) 🔹အမေး။ ဒီဗီဇာကင်းလွတ်ခွင့်ကို သက်တမ်းတိုးခြင်း (သို့) အခြားကဒ်တစ်ခုခုသို့ ပြောင်းလဲခွင့်ရှိပါသလား？
🔸အဖြေ။ ဤဗီဇာကင်းလွတ်ခွင့်ကို သက်တမ်းတိုးခွင့် သို့မဟုတ် အခြားကဒ်တစ်ခုခုသို့ ပြောင်းလဲခွင့် မရှိပါ။

"ခရီးသွားမိတ်ဆွေများအားလုံး အဆင်ပြေကြပါစေ"

30/09/2025

MAI လေယာဉ်နှင့် ခရီးသွားမည့်သူများ သိထားသင့်သည့် အချက် (၁၀) ချက်
၁။ လေယာဉ်လက်မှတ် ကို ကြိုတင်စီစဉ်ပါ
🔹လေယာဉ်လက်မှတ်ကို ခရီးမသွားခင် အနည်းဆုံး ၁ လ (သို့) ၁ လခွဲ ကြိုတင်ဝယ်ယူသင့်ပါသည်။ မိမိ ခရီးထွက်မည့်ရက် နှင့် ကပ်လျက်မှ ဝယ်ယူပါက ပုံမှန်ထက် စျေးပိုများပါတယ်။
🔹ခရီးသွားရာသီတွေဆို (၂)လ ၊(၃)လ ကြိုပြီး လက်မှတ်ဖြတ်ထားသင့်ပါသည်။

၂။ "Baggage နဲ့ Hand Carry" Kg သယ်ယူခွင့်
🔹Check In Baggage - ခရီးသည်တစ်ဦးလျှင် 30Kg အထိ သယ်ဆောင်ခွင့်ရှိပါတယ်။အကယ်၍ မိမိက 30Kg ထက် ပိုသယ်ချင်ပါက လေယာဉ်လက်မှတ် ဝယ်ယူစဉ်အချိန်ကတည်းက Kg အပို ကြိုတင်ဝယ်ယူထားသင့်ပါသည်။
🔹Hand Carry - ခရီးသည်တစ်ဦးလျှင် 7Kg အထိသာ သယ်ဆောင်ခွင့်ရှိပါသည်။

၃။ လေဆိပ်သို့ အချိန်မီ ရောက်ရှိပါ
🔹နိုင်ငံခြားခရီးစဉ်များအတွက် လေယာဉ်မထွက်ခင် အနည်းဆုံး (၃) နာရီ ကြိုတင်၍ လေဆိပ်သို့ ရောက်ရှိရန်လိုအပ်ပါသည်။
🔹Check-in လုပ်ရန်၊ ခရီးဆောင်အိတ်များ အပ်နှံရန်၊ လေယာဉ်လက်မှတ်ထုတ်ယူရန် နှင့် Immigration ဖြတ်ရန်အတွက် အချိန်လုံလောက်စွာ ရရှိစေရန် ဖြစ်ပါသည်။

၄။ ထိုင်ခုံ ကြိုတင်ရွေးချယ်ပါ
🔹လေယာဉ်လက်မှတ် ဝယ်ယူစဉ်က ထိုင်ခုံ မရွေးချယ်ရသေးပါက၊ Check-in စောစောလုပ်၍ မိမိထိုင်လိုသော ထိုင်ခုံ (ဥပမာ - ပြတင်းပေါက်ဘက် ထိုင်ခုံ၊ လျှောက်လမ်းဘေးနား ထိုင်ခုံ) ကို တောင်းဆိုနိုင်ပါသည်။
📌မိမိမှာ Toilet ခဏ ခဏ သွားတက်ပါက လျှောက်လမ်းကပ်လျှပ် ထိုင်ခုံ ကို ရွေးချယ်သင့်ပါသည်။

၅။ တားမြစ်ထားသော ပစ္စည်းများ
🔹Power Bank နှင့် Laptop ကဲ့သို့သော ပစ္စည်းများကို Hand Carry အတွင်းသာ သယ်ဆောင်ရပါမည်။ Check-in Baggage ထဲတွင် ထည့်၍မရပါ။Power Bank ကို Check In Baggage ထဲ ထည့်သယ်မိပါက Check In Counter တွင် ထုတ်ခိုင်းပါမည်။
🔹အရည်များကို ၁၀၀ မီလီလီတာထက် မပိုသော ပမာဏဖြင့် သယ်ဆောင်ရမည် ဖြစ်ပါတယ်။အကယ်၍ ၁၀၀ မီလီလီတာ ထက်ပိုပါက Check Baggage ထဲမှာ ထည့်သယ်ရပါမည်။

၆။ Check-in ဘယ်လိုလုပ်မလဲ?
🔹Check-in Counter တွင် တန်းစီ၍ ခရီးဆောင်အိတ်များ အပ်နှံပြီး လေယာဉ်လက်မှတ် ထုတ်ယူပါ။
🔹Transit Flight (ဆက်တိုက်စီးရမည့်ခရီး) ဖြစ်ပါက၊ လေကြောင်းလိုင်းတူညီပါက ခရီးစဉ်တစ်ခုလုံးအတွက် လက်မှတ်များ ထုတ်ပေးနိုင်ပါတယ်။
🔹Check In Counter မှ ထုတ်ပေးသော ပြည်ပထွက်ခွာ ကတ်ပြား (Departure Card) ကိုလည်း ကြိုတင်ဖြည့်စွက်ထားပါ။

၇။ Immigration ဘယ်လိုဖြတ်မလဲ?
🔹Passport၊ လေယာဉ်လက်မှတ်နှင့် Departure Card တို့ကို Immigration ဖြတ်စဉ် တင်ပြရန် ပြင်ဆင်ထားပါ။
🔹မျက်နှာ Scan ဖတ်ခြင်း နှင့် လက်ဗွေ Scan ဖတ်ခြင်း ပြုလုပ်ရပါမည်။
🔹ခရီးစရိတ် (Show Money) နှင့် နေထိုင်မည့်ဟိုတယ် အချက်အလက်များကို တစ်ခါတစ်ရံတွင် စစ်ဆေးခံရနိုင်ပါတယ်။
🔹ဘယ်နှစ်ရက် သွားမှာလည်း၊ဘယ်နေ့ပြန်လာမှာလည်း ရံဖန်ရံခါ မေးတတ်ပါသည်။

၈။ လုံခြုံရေးစစ်ဆေးမှုနှင့် လေယာဉ်ပေါ်တက်ခွင့်
🔹Immigration ကို ဖြတ်ကျော်ပြီးပါက Hand Carry ပစ္စည်းများ နှင့် Body Check ဖြတ်ရပါမည်။
🔹၁၀၀ မီလီလီတာထက်ကျော်လွန်သော အရည်များကို စွန့်ပစ်ရပါမည် (သို့မဟုတ်) ရေကို သွန်ပစ်ပြီး ဗူးခွံသယ်ဆောင်နိုင်ပါတယ်။ဂိတ်မှာ စောင့်ဆိုင်းစဉ် ရေဗူးထဲသို့ ရေဖြည့်ပြီး သောက်လို့ရပါသည်။
🔹လေယာဉ်တက်ခွင့် (Boarding) စတင်ပါက Business Class ကို အရင် တက်ခွင့်ပေးပါသည် ၊ ပြီးမှသာ Economy Class က တက်ခွင့်ရပါသည်။

၉။ လေယာဉ်ပေါ်တွင် သတိပြုရမည့်အချက်များ
🔹မိမိ၏ ထိုင်ခုံနံပါတ် အတိုင်း သွားရောက်ထိုင်ရပါမည်။
🔹လေယာဉ် အတက် အဆင်း ပြုလုပ်စဉ်အတွင်း ခါးပတ်ကို ပတ်ထားပါ။
🔹လေယာဉ်ပေါ်ရောက်တာနှင့် ဖုန်းကို Airplane Mode သို့ ပြောင်းလဲထားပါ။
🔹လေယာဉ်မောင် ၊လေယာဉ်မယ် များ၏ ညွှန်ကြားချက်များကို နားထောင် လိုက်နာပါ။

၁၀။ ခရီးဆုံးလေဆိပ်သို့ ရောက်ပါက
🔹Immigration အရင်ဖြတ်ပါ။
🔹မိမိ၏ Check Baggage များကို Baggage Claim Area ရဲ့ မိမိလေယာဉ်နဲ့ သက်ဆိုင်တဲ့ Belt နံပါတ်မှာ ထုတ်ယူပါ။
🔹ခရီးဆောင်အိတ် ပျောက်ဆုံးပါက Lost & Found (ပျောက်ဆုံးပစ္စည်းရှာဖွေရေးဌာန) သို့ ချက်ချင်း အကြောင်းကြားပါ။
🔹သုဝဏ္ဏဘူမိလေဆိပ်မှ ဘန်ကောက်မြို့တွင်းသို့ သွားလိုပါက၊ မီတာတက်စီ၊ Grab နှင့် Uber စီးနင်းခြင်း (သို့) ကုန်ကျစရိတ် သက်သာလိုပါက Airport Rail Link (ရထားလိုင်း) ဖြင့် သွားလို့ရပါသည်။
"ခရီးသွားမိတ်ဆွေများ အားလုံးအဆင်ပြေကြပါစေ"

29/09/2025

"စီးပွားရေး အရှုံးပေါ်လို့ ၄ နှစ်ကျော်နားခဲ့ရပေမယ့် တစ်ဖန်ပြန်လည်ထူထောင်ခဲ့တဲ့ ရွှေဟင်္သာတငါးကင်ဆိုင်ရှင်" ဆိုပြီး လိုင်းပေါ်မှာ သတင်းတွေ မတွေ့ခင်ကတည်းက ဗဟိုလမ်းဘက်က ကားဖြတ်မောင်းတုန်း ရွှေဟင်္သာတငါးကင် ဆိုင်လို့ တွေ့တော့ ဒီဆိုင်ကိုမြင်ဖူးပါတယ်လို့ စဉ်းစားမိတုန်း အရင် မဟာမြိုင်လမ်းထဲမှာ ဖွင့်ကတည်းက အားပေးခဲ့တဲ့ဆိုင်ဖြစ်နေမှန်းသိရတော့ နောက်ရက်တကူးတကကို သွားအားပေးဖြစ်ခဲ့ပါတယ်😋
🔹ဒီဆိုင်ရဲ့ အကောင်းဆုံးနဲ့ အကြိုက်ဆုံးက ငါးကင်၊ ငါးသံပုရာပေါင်း၊ ငါးခဲပတ် ဖြစ်ပါတယ်။ ငါးကင် အပြင် အကင် နဲ့ ဖျော်ရည်တွေလည်း ရပါသေးတယ်။
🔹နောက်တစ်ခေါက် သွားစားရင်တော့ ငါးသံပုရာပေါင်း၊ ငါးခဲပတ် ကို စားဖြစ်အောင် စားခဲ့ပါအုံးမယ်😋

📌ရွှေဟင်္သာတငါးကင်ဆိုင် လိပ်စာကတော့ Bagaya လမ်း နဲ့ Nyaung Tone လမ်းကြား ဗဟိုလမ်းမပေါ်၊ New Day ဓာတ်ဆီဆိုင်အနီး၊ စမ်းချောင်းမြို့နယ် ဖြစ်ပါတယ်။

#ရွှေဟင်္သာတငါးကင်

29/09/2025

ထိုင်းမှာ ဒီနေ့ ဒေါ်လာ ကို ဘတ်ငွေသွားလဲမယ်ဆို ဒါလေးသိထားသင့်ပါတယ်👇
🔹၁ ဒေါ်လာ = ၃၂.၁၄ ဘတ် ဖြစ်ပါတယ် (Reference Date 28.09.2025)
🔹မိမိက ဒေါ်လာ ၁၀၀ ကို ထိုင်းဘတ် နဲ့ သွားလဲမယ်ဆို ဒေါ်လာ ၁၀၀ × ၃၂.၁၄ ဘတ် = ၃၂၁၄ ဘတ် ပြန်လည်ရရှိမှာ ဖြစ်ပါတယ် (အစိမ်းရောင် Super Rich Thailand က ငွေလဲနှုန်း ဖြစ်ပါတယ်)
🔹ဘန်ကောက်မြို့က HeadQuarter (Rajdamri 1) အစိမ်းရောင် Super Rich Thailand မှာ အခြား Super Rich အရောင်တွေထက် ဈေးပိုရပါတယ်။
🔹တနင်္လာ to သောကြာ ဆို မနက် ၉ နာရီ ကနေ ညနေ ၆ နာရီအထိ ဖွင့်ပါတယ်။
🔹စနေ နဲ့ အများပြည်သူရုံးပိတ်ရက်ဆို မနက် ၉:၃၀ ကနေ ညနေ ၅ နာရီအထိ ဖွင့်ပါတယ်။
🔹တနင်္ဂနွေ နေ့ကတော့ ပိတ်ပါတယ်။

📌အကယ်၍ ဘန်ကောက်က အခြားငွေလဲကောင်တာတွေမှာ ဒေါ်လာ ကနေ ထိုင်းဘတ်ငွေ ချိန်းဖို့ရှိပါက ချိန်ဆနိုင်အောင် မျှဝေပေးခြင်းသာ ဖြစ်ပါသည်။
"ခရီးသွားမိတ်ဆွေအားလုံး အဆင်ပြေကြပါစေ"

28/09/2025

ထိုင်းဘတ်ငွေ (သို့မဟုတ်) ဒေါ်လာ နဲ့ Show Money ပြမယ်ဆို ဘာတွေသိထားသင့်လဲ?
"ခရီးသွားမိတ်ဆွေများ အားလုံးအဆင်ပြေကြပါစေ"

27/09/2025

ထိုင်းဘတ်ငွေ ကို မြန်မာကျပ်ငွေ လဲမည့်သူများ သိထားသင့်တဲ့ အလွယ်ကူဆုံး တွက်နည်း
အဆင့် (၁) - ဘတ်ဈေးနှုန်း (Rate) တွက်ယူနည်း
ဥပမာ - ထိုင်းဘတ် ၇၈၀ ဘတ် ကို မြန်မာကျပ် ၁၀၀,၀၀၀ ကျပ် ဆိုကြပါစို့။
တွက်နည်း : 100,000 ÷ 780 = 128.205128
📌ထိုင်းဘတ် ၁ ဘတ်ဟာ မြန်မာကျပ်ငွေ ၁၂၈.၂၀၅၁၂၈ ကျပ် နဲ့ ညီမျှပါတယ်။

🔹ဘတ်ဈေးနှုန်း တစ်ခါတည်းသိရပါက အပေါ်က အချက်ကို တွက်စရာမလိုပါ။

အဆင့် (၂) - ထိုင်းဘတ်ကနေ မြန်မာကျပ် ဘယ်လောက်ရမလဲ တွက်နည်း
မိမိလဲလိုတဲ့ ထိုင်းဘတ်ပမာဏ (ဥပမာ - ၁၀,၀၀၀ ဘတ်) ကို အပေါ်က ရတဲ့ Rate (၁၂၈.၂၀၅၁၂၈) နဲ့ မြှောက်ရုံပါပဲ။

🔹တွက်နည်း (၁) : 10,000 × 128.205128 = 1,282,051.28 ကျပ် (၁၂ သိန်း ၈ သောင်း ဝန်းကျင်)

🔹တွက်နည်း (၂) : 10,000 ÷ 0.00780 = 1,282,051.28 ကျပ်။

📌 ၁ ကျပ်ကို ဘတ်ဈေး ဘယ်လောက်လဲ နဲ့ ၁ သိန်း ကို ၇၈၀ ဘတ် ဆိုတဲ့ Rate (1 ÷ 128.205128 = 0.00780) နဲ့ တူတူပဲ ဖြစ်ပါတယ်။

🔹အလွယ်ဆုံး နည်းလမ်း�ဘတ်နှုန်း (၁ ဘတ် = ? ကျပ်) ကို အရင်ရှာပါ။ (ကျပ်ငွေ ÷ ဘတ်ငွေ)�လဲမည့် ဘတ်ပမာဏကို ဘတ်နှုန်းနဲ့ မြှောက်ပါ။�📌သတိပြုရန်
🔹နေ့စဉ် ဘတ် to ကျပ် နဲ့ ကျပ် to ဘတ် ဈေးနှုန်းတွေက ပြောင်းလဲနိုင်ပါတယ်။ မိမိလဲမည့်နေ့ရဲ့ လက်ရှိနှုန်းထားကို သေချာစစ်ဆေးပါ။

"ခရီးသွားမိတ်ဆွေများ အားလုံးအဆင်ပြေကြပါစေ"

26/09/2025

လေယာဉ်စီးတဲ့အခါ Check Baggage အပြင် Hand Carry ပါ သယ်မည့် ခရီးသွားမိတ်ဆွေများ သိထားသင့်တဲ့ (၅) ချက် က ဘာတွေလဲ?
၁။ ဘယ်လို အိတ်မျိုး သယ်လို့ရလဲ？ (အရွယ်အစား၊ အလေးချိန်၊ အရေအတွက်)
🔹Hand Carry အတွက် ပထမဆုံး ဂရုစိုက်ရမှာက သတ်မှတ်ချက်ပါ။ လေကြောင်းလိုင်းတိုင်းမှာ သူ့ရဲ့ စည်းမျဉ်းစည်းကမ်းတွေ ရှိပါတယ်။
🔹အရွယ်အစား - အတွေ့ရများသော သတ်မှတ်ချက်မှာ 56cm x 36cm x 23cm (သို့) 22in x 14in x 9in (သို့) 55cm x 40cm x 20cm (သို့) 56cm x 40cm x23cm (သို့) 22in x 15.7in x 9in ဖြစ်ပါတယ်။ ဒီထက် ကြီးရင် Overhead Bin ထဲ မဆန့်တာမျိုး ဖြစ်နိုင်ပါတယ်။
🔹အလေးချိန် - 7kg က ပျမ်းမျှအားဖြင့် သတ်မှတ်လေ့ရှိပြီး တစ်ချို့လိုင်းတွေမှာ 5kg အထိ တင်းကျပ်တတ်ကာ၊ တစ်ချို့မှာတော့ 10kg အထိ ခွင့်ပြုပါတယ်။
🔹အရေအတွက် - ခရီးသည် ၁ ယောက်အတွက် Hand Carry အိတ် ၁ လုံး နဲ့ ကျောပိုးအိတ် (သို့) လက်ကိုင်အိတ် (Laptop Bag/ Purse) ကဲ့သို့သော Personal Item ၁ ခု ထပ်မံသယ်ဆောင်ခွင့်ရှိပါတယ်။

၂။ ဘာတွေကို Hand Carry နဲ့ သယ်သင့်လဲ？ (မဖြစ်မနေသယ်ရမယ့် အရာများ)
🔹Hand Carry ကို ပစ္စည်းအားလုံးထည့်တဲ့ အိတ်အဖြစ်မတွေးဘဲ၊ "အရေးကြီးပစ္စည်းများ" ထည့်တဲ့ အိတ်အဖြစ် မှတ်ယူပါ။
🔹အဖိုးတန်ပစ္စည်းများ - လက်တော့ပ်၊ တက်ဘလက်၊ ကင်မရာ၊ လက်ဝတ်ရတနာများ။
🔹အရေးကြီးစာရွက်စာတမ်းများ - နိုင်ငံကူးလက်မှတ်၊ လေယာဉ်လက်မှတ်၊ ခရီးစဉ်ဆိုင်ရာ အတည်ပြုစာများ။
🔹ကျန်းမာရေးနှင့် ဆက်သွယ်ရေးပစ္စည်းများ - သောက်ဆေး (ဆရာဝန်ညွှန်ကြားချက်ပါရှိသည်များ)၊ မိုဘိုင်းဖုန်း၊ အားသွင်းကြိုး၊ Power Bank။
🔹ခရီးစဉ်အတွက် သက်တောင့်သက်သာရှိစေမည့်ပစ္စည်းများ - အနွေးထည် (လေယာဉ်ပေါ်အေးတတ်သည်)၊ နားကြပ်၊ စာအုပ်။

၃။ ဘာတွေကို Hand Carry နဲ့ မသယ်သင့်ဘူးလဲ？ (ဆိုက်ရောက်မှုတွင် ပြဿနာဖြစ်စေနိုင်သည်များ)
🔹Security Checkpoint (လုံခြုံရေးစစ်ဆေးရန်နေရာ) မှာ အချိန်ကြန့်ကြာခြင်း၊ ပစ္စည်းသိမ်းဆည်းခံရခြင်းများ မဖြစ်ရအောင် ရှောင်ကြဉ်ရမည့် အရာများကို သိထားပါ။
🔹အရည်များ (Liquids, Gels) - 100ml ထက်ကြီးသော ဘူး/ပုလင်းများ (ရေမွှေး၊ လိုးရှင်း၊ ဆပ်ပြာရည် အပါအဝင်)။ စုစုပေါင်း 1L ထက် မကျော်စေရပါ။ ထိုအရည်အားလုံးကို ဖောက်ထွင်းမြင်ရသော Ziplock အိတ် တစ်လုံးတည်းထဲထည့်၍ လုံခြုံရေးတွင် သီးသန့်ပြသရန် လိုအပ်ပါတယ်။
🔹အန္တရာယ်ရှိပစ္စည်းများ - ဓား၊ ကတ်ကြေး၊ မီးခိုးဗူး၊ ပေါက်ကွဲတတ်သောပစ္စည်းများ။

၄။ Security Check မှာ အဆင်ပြေစေဖို့
🔹Laptop နှင့် Power Bank ကို အိတ်ထဲမှ ထုတ်၍ သီးသန့်တင်ပြရန် မမေ့ပါနှင့်။
🔹အပေါ်ထပ်ကို ချွတ်ရလွယ်ကူသော ဖိနပ်၊ ခါးပတ်၊ နာရီများကို ကြိုတင်ပြင်ဆင်ထားပါ။
🔹အရည်များထည့်ထားသော Ziplock အိတ်ကို လွယ်လင့်တကူ ထုတ်နိုင်ရန် အိတ်၏အပေါ်ဆုံးတွင် ထားပါ။

၅။ လေကြောင်းလိုင်းအလိုက် သတိပြုရန်
🔹အလေးချိန်နှင့် အရွယ်အစားကို အတိအကျစစ်ဆေးတတ်ပါသည်။ သတ်မှတ်ထားသည်ထက် ကျော်လျှင် အပိုကြေးများစွာ ပေးဆောင်ရနိုင်ပါတယ်။
🔹ကြိုတင်စစ်ဆေးပါ - မိမိစီးမည့် လေကြောင်းလိုင်း၏ Hand Carry ဆိုင်ရာ စည်းမျဉ်းများကို အင်တာနက်ပေါ်တွင် ခရီးမသွားခင် ကြည့်ရှုစစ်ဆေးပါ။
"ခရီးသွားမိတ်ဆွေများအားလုံး အဆင်ပြေကြပါစေ"

25/09/2025

ဘန်ကောက်ကို ခရီးမသွားခင် ရန်ကုန်မှာ ကတည်းက မြန်မာငွေကို ထိုင်းဘတ်ငွေ လဲသင့်လား? ဘန်ကောက်ရောက်မှ ဒေါ်လာ ကနေ ထိုင်းဘတ်ငွေ လဲသင့်လား?
🔹ငွေလဲဖို့ စဉ်းစားတဲ့အခါ မြန်မာကျပ်ငွေကနေ ထိုင်းဘတ် လဲတာ ပိုရတာလား? ဒေါ်လာကနေ ထိုင်းဘတ် ငွေလဲရင် ပိုရတာလား? အရင်လေ့လာပြီးမှ ငွေလဲတာပိုကောင်းပါတယ်။
🔹မိမိ လဲမယ့် ငွေပမာဏက နည်းရင်တော့ သိပ်မသိသာပေမယ့် များတဲ့အခါမှာ သိသာပါတယ်။
📌ဥပမာ မိမိငွေလဲတဲ့နေမှာ ၁ ဒေါ်လာ ကို ထိုင်းဘတ်ငွေနဲ့ဆို ၃၂ ဘတ်၊မြန်မာကျပ်နဲ့ဆို ၁ ဒေါ်လာကို ၄၂၀၀ ကျပ် နဲ့ ၁ ဘတ် ကို ၁၃၀ ကျပ် ဆိုကြပါစို့။
🔹ဒေါ်လာကို ထိုင်းဘတ်ငွေ ဘယ်လောက်လဲမလဲ အရင်တွက်ပါ။
ဒေါ်လာ ၁၀၀ x ၃၂ ဘတ် = ၃၂၀၀ ဘတ်
(ဒေါ်လာကနေ ဘတ်ငွေ တိုက်ရိုက်လဲမယ်ဆို ဒေါ်လာ ၁၀၀ ကို ၄၂၀၀ ကျပ်နဲ့မြှောက်ပါက ၄၂၀,၀၀၀ ကျပ် ကုန်ကျမှာဖြစ်ပါတယ်)
🔹ထိုင်းဘတ်ကို မြန်မာငွေနဲ့ တိုက်ရိုက်လဲမယ်ဆို ဘယ်လောက်လဲ တွက်ပါ။
ထိုင်းဘတ် ၃၂၀၀ × ၁၃၀ ကျပ် = ၄၁၆,၀၀၀ ကျပ်
(ထိုင်းဘတ်ငွေ ကို မြန်မာကျပ်နဲ့ လဲမယ်ဆို ၄၁၆,၀၀၀ ကျပ် သာကုန်ကျမှာဖြစ်ပါတယ်)
📌ဒါမျိုးဆိုရင်တော့ မြန်မာကျပ်ငွေနဲ့ ထိုင်းဘတ် တိုက်ရိုက် လဲတာက ကုန်ကျငွေ ပိုသက်သာတာကြောင့် မြန်မာကျပ်ငွေနဲ့သာ လဲသင့်ပါသည်။

🔹ဘန်ကောက်ကို ခရီးမသွားခင်ထဲက ထိုင်းဘတ်ငွေ ကြိုလဲထားတဲ့ရင် ဟိုရောက်မှ ငွေလဲကောင်တာလိုက်ရှာပြီး တကူးတက လိုက်လဲစရာမလိုတဲ့အတွက် ပိုအဆင်ပြေပါတယ်။

🔹အကယ်၍ မိမိက ဘန်ကောက်ရောက်မှ ဒေါ်လာကနေ ထိုင်းဘတ်ငွေ လဲမယ်ဆို အခြားငွေလဲကောင်တာတွေထက် ဈေးပိုရတဲ့ အစိမ်းရောင် Super Rich မှာ ငွေလဲဖို့အကြံပြုချင်ပါတယ်။

"ခရီးသွားမိတ်ဆွေများအားလုံး အဆင်ပြေကြပါစေ"

24/09/2025

MAI လေယာဉ်လက်မှတ်ကို Online ပေါ်ကနေ အလွယ်တကူ ဘယ်လိုဝယ်ရမလဲ?
"အားလုံးအဆင်ပြေကြပါစေ"

23/09/2025

ဒီနေ့ ထိုင်းမှာ ဒေါ်လာ ကို ဘတ်ငွေသွားလဲမယ်ဆို ဒါလေးသိထားသင့်ပါတယ်
🔹၁ ဒေါ်လာ = ၃၁.၈၄ ဘတ်
📌ဥပမာ - မိမိက ဒေါ်လာ ၁၀၀ ကို ဘတ် နဲ့ သွားလဲမယ်ဆို ဒေါ်လာ ၁၀၀ × ၃၁.၈၄ ဘတ်= ၃၁၈၄ ဘတ် (ဘန်ကောက်ဘဏ် က ငွေလဲနှုန်း ဖြစ်ပါတယ်)
“အကယ်၍ မိမိက အပြင်က ငွေလဲကောင်တာတွေမှာ ဒေါ်လာ ကနေ ဘတ်ငွေ ချိန်းဖို့ရှိပါက ချိန်ဆနိုင်အောင် မျှဝေပေးခြင်း ဖြစ်ပါသည်"
"အားလုံး အဆင်ပြေကြပါစေ"

23/09/2025

ထိုင်းဘတ်ငွေ နဲ့ ဂျပန် ယန်း လဲမယ်ဆိုရင် ဘယ်လောက်ရမလဲ? ဆိုတာ အလွယ်ကူဆုံးတွက်နည်း
🔹ထိုင်းမှာ ဘတ် ကနေ ဂျပန် ယန်း ကို ချိန်းမည်ဆိုပါက ငွေဈေး က 1 ဘတ် ကို 4.53514 ယန်း ဆိုကြပါစို့။ (22.09.2025 ဘန်ကောက်ဘဏ် ရဲ့ Selling Rate ဖြစ်ပါသည်)
🔹ဥပမာ - ဘတ် 1,000 ကို ယန်း ဘယ်လောက် ရမလဲသိချင်ရင် ဘတ် 1,000 × 4.53514 = 4535.14 ယန်း ရပါမည်။
🔹ဂျပန် ယန်း ကနေ ဘတ်ငွေပြန်ချိန်းမယ်ဆို 1 ယန်း ကို 0.2097 ဘတ် သာရပါမည်။ (22.09.2025 ဘန်ကောက်ဘဏ် ရဲ့ Buying Rate ဖြစ်ပါသည်)
🔹အကယ်၍ မိမိက ဂျပန် ယန်း 10,000 လဲမယ်ဆို ယန်း 10,000 x 0.2097 ဘတ်=2097 ဘတ်သာ ရပါမည်။
"မသိသေးတဲ့ ခရီးသွားမိတ်ဆွေများအတွက် Ko Leo Vlog မှ မျှဝေပေးခြင်း ဖြစ်ပါသည်"
"ခရီးသွားမိတ်ဆွေများ အားလုံးအဆင်ပြေကြပါစေ"

Ko Leo Vlog

01/10/2025

30/09/2025

30/09/2025

29/09/2025

29/09/2025

28/09/2025

27/09/2025

26/09/2025

25/09/2025

24/09/2025

23/09/2025

23/09/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท