Ko Leo Vlog

Ko Leo Vlog ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Ko Leo Vlog, ครีเอเตอร์ดิจิทัล, No. 71, Sukhumvit Road, Bangkok.
(1)

ထိုင်းဘတ်ငွေ ကို မြန်မာကျပ်ငွေ လဲမည့်သူများ သိထားသင့်တဲ့ အလွယ်ကူဆုံး တွက်နည်း(၁) ၁ ဘတ်ရဲ့ တန်ဖိုးကို အရင်ရှာပါ၁ ဘတ်မှာ မ...
03/06/2026

ထိုင်းဘတ်ငွေ ကို မြန်မာကျပ်ငွေ လဲမည့်သူများ သိထားသင့်တဲ့ အလွယ်ကူဆုံး တွက်နည်း
(၁) ၁ ဘတ်ရဲ့ တန်ဖိုးကို အရင်ရှာပါ
၁ ဘတ်မှာ မြန်မာငွေ ဘယ်လောက်ပေါက်လဲဆိုတာ သိရအောင် အရင်တွက်တာ ဖြစ်ပါတယ်။
🔸တွက်ပုံတွက်နည်း - 100,000 Ks ကို လက်ရှိပေါက်ဈေး (ဘတ်) နဲ့ စားလိုက်ပါ။ ရလာတဲ့ အဖြေကိုမှ မိမိလဲချင်တဲ့ ဘတ်ပမာဏနဲ့ ပြန်မြှောက်ပေးရမှာ ဖြစ်ပါတယ်။
📌ဥပမာ - ၁ သိန်းကို 770 ဘတ် ပေါက်နေတယ် ဆိုပါစို့။
🔸100,000 ÷ 770 = 129.8701 ကျပ် (ဒါဟာ ၁ ဘတ်ရဲ့ တန်ဖိုး ဖြစ်ပါတယ်)
🔸အကယ်၍ မိမိက ဘတ်ငွေ 10,000 လဲမယ်ဆိုရင် 10,000 × 129.8701 = 1,298,701 ကျပ် ကို ရရှိမှာ ဖြစ်ပါတယ်။

(၂) ဂဏန်းပေါင်းစက်ထဲမှာ အမြန်တွက်နည်း (0.00 ခံစားနည်း)
တစ်ခါတည်း အဖြေတန်းထွက်ချင်သူတွေအတွက် ဒီနည်းလေးက အလွန်အသုံးတည့်ပါတယ်။
🔸တွက်ပုံတွက်နည်း - မိမိလဲမယ့် ဘတ်ပမာဏကိုတည်၊ ပြီးရင် ဘတ်ပေါက်ဈေး ရဲ့ရှေ့မှာ 0.00 ခံပြီး စားလိုက်ရုံပါပဲ။
📌ဥပမာ - ပေါက်ဈေးက 770 ဘတ်၊ မိမိက ဘတ် 10,000 ဖိုး လဲမယ် ဆိုပါစို့။
🔸10,000 ÷ 0.00770 = 1,298,701 ကျပ် ဆိုပြီး အဖြေတန်းထွက်လာပါလိမ့်မယ်။
🔸အကယ်၍ မိမိက ဘတ်ငွေ 13,000 လဲမယ်ဆိုရင် 13,000 ÷ 0.00770 = 1,688,311 ကျပ် ကို ရရှိမှာ ဖြစ်ပါတယ်။

(၃) သိန်းဂဏန်း အလိုက် အလွယ်မြှောက်နည်း
မိမိက မြန်မာငွေ ၁၀ သိန်းဖိုး လဲချင်တယ်၊ ဘတ်ဘယ်လောက်ပေးရမလဲ ဆိုတဲ့အခါမျိုးမှာ ဒီနည်းကို သုံးပါတယ်။
🔸တွက်ပုံတွက်နည်း - လက်ရှိပေါက်ဈေး (ဘတ်) ကို မိမိလိုချင်တဲ့ (သိန်းဂဏန်း) နဲ့ မြှောက်လိုက်ပါ။
📌ဥပမာ - ပေါက်ဈေးက 770 ဘတ်၊ မိမိက မြန်မာငွေ ၁၀ သိန်းဖိုး လဲချင်တယ် ဆိုပါစို့။
🔸770 × 10 = 7,700 ဘတ် ပေးရမှာပါ။
🔸အကယ်၍ ၅ သိန်းဖိုး လဲမယ်ဆိုရင် 770 × 5 = 3,850 ဘတ်။

📌ငွေလဲတဲ့အခါ အလွယ်တကူ တွက်ချက်နိုင်စေဖို့အတွက် Ko Leo Vlog မှ တွက်ချက်လို့ ရနိုင်တဲ့ နည်းလမ်းများကို မျှဝေပေးခြင်းသာ ဖြစ်ပါသည်။
"ခရီးသွားမိတ်ဆွေများ အားလုံးအဆင်ပြေကြပါစေ"

MAI လေယာဉ်လက်မှတ်ပေါ်မှ သိထားသင့်သော အချက် (၅) ချက်(၁) Flight (လေယာဉ်အမှတ်စဉ်)ဥပမာ - 8M 801🔸8M 801 ဆိုတာကတော့ MAI လေယာဉ်...
02/06/2026

MAI လေယာဉ်လက်မှတ်ပေါ်မှ သိထားသင့်သော အချက် (၅) ချက်
(၁) Flight (လေယာဉ်အမှတ်စဉ်)
ဥပမာ - 8M 801
🔸8M 801 ဆိုတာကတော့ MAI လေယာဉ်လိုင်းရဲ့ လေယာဉ်ခရီးစဉ်အမှတ် ဖြစ်ပါတယ်။ လေဆိပ် Terminal ထဲမှာ မိမိသွားရမယ့် Gate ကို ရှာတဲ့အခါ ဒီနံပါတ်ကိုကြည့်ပြီး အလွယ်တကူ ရှာဖွေနိုင်ပါတယ်။

(၂) Date (သွားမည့်ရက်စွဲ)
ဥပမာ - 24MAY
🔸ဒါကတော့ ခရီးသွားမယ့်ရက် ဖြစ်ပါတယ်။ 24 က ရက်စွဲဖြစ်ပြီး MAY ကတော့ မေလ (May) ကို ဆိုလိုတာပါ။ လေယာဉ်လက်မှတ်တွေမှာ လအမည်ကို အင်္ဂလိပ်စာလုံး အတိုကောက် (၃) လုံးနဲ့ပဲ ရေးလေ့ရှိပါတယ်။

(၃) Time / Boarding Time (လေယာဉ်ပေါ်တက်ရမည့်အချိန်)
ဥပမာ - 06:20
🔸ဒါဟာ လေယာဉ်ပျံသန်းမယ့်အချိန် (Departure Time) မဟုတ်ဘဲ၊ လေယာဉ်ပေါ်ကို စတင်ဝင်ရောက်ဖို့ ဂိတ်ပေါက်ဖွင့်တဲ့အချိန် ဖြစ်ပါတယ်။ လေယာဉ်မထွက်ခွာမီ မိနစ် ၃၀-၄၀ အလိုမှာ ဂိတ်ပိတ်လေ့ရှိတာကြောင့် ဒီအချိန်ထက် နောက်မကျအောင် ဂိတ်ပေါက် (Gate) ရှေ့မှာ အဆင်သင့်ရှိနေဖို့ လိုအပ်ပါတယ်။

(၄) Gate (ဂိတ်ပေါက်နံပါတ်)
ဥပမာ - Gate 6
🔸လေယာဉ်ပေါ်တက်ဖို့ သွားရောက်စောင့်ဆိုင်းရမယ့် ဂိတ်ပေါက်နံပါတ်ဖြစ်ပါတယ်။ လေဆိပ်အတွင်းရှိ Boarding Gate (ဂိတ်ပေါက်) တွေဟာ တစ်ခါတစ်ရံ အပြောင်းအလဲရှိနိုင်တာကြောင့် လေဆိပ်ထဲက Information LED Screen တွေမှာ မိမိရဲ့ Flight နံပါတ်နဲ့ ဂိတ်နံပါတ်ကို နောက်ဆုံးအကြိမ် ထပ်မံစစ်ဆေးသင့်ပါတယ်။

(၅) Seat (ထိုင်ခုံနံပါတ်)
ဥပမာ - 21F
🔸နံပါတ် 21 ကတော့ ခုံတန်း (Row) ကို ဆိုလိုပြီး F ကတော့ ထိုင်ခုံနေရာကို ပြောတာပါ။ Seat 21F ကပြတင်းပေါက်ဘေးက ခုံ ရရှိထားတာ ဖြစ်ပါတယ်။
A နှင့် F - ပြတင်းပေါက်ဘေး (Window Seat)
B နှင့် E - အလယ်ခုံ (Middle Seat)
C နှင့် D - လူသွားလမ်းဘေး (Aisle Seat)

📌လေယာဉ်စီးပြီး ခရီးသွားမယ့်မိတ်ဆွေတွေ လေဆိပ်သို့ လေယာဉ်မထွက်ခွာမီ အနည်းဆုံး (၃) နာရီခန့် ကြိုတင်ပြီး ရောက်ရှိနေပါက ပို အဆင်ပြေပါတယ်။

"ခရီးသွားမိတ်ဆွေများ အားလုံးအဆင်ပြေကြပါစေ"

လေဆိပ်ရောက်လို့ Baggage Claim area (အိတ်ရွေးတဲ့နေရာ) မှာ ကိုယ့်အိတ်ကိုယ် ပြန်ယူတဲ့အခါ အမှားအယွင်းမရှိဘဲ အဆင်ပြေပြေ ရွေးန...
01/06/2026

လေဆိပ်ရောက်လို့ Baggage Claim area (အိတ်ရွေးတဲ့နေရာ) မှာ ကိုယ့်အိတ်ကိုယ် ပြန်ယူတဲ့အခါ အမှားအယွင်းမရှိဘဲ အဆင်ပြေပြေ ရွေးနိုင်ဖို့အတွက် သတိပြုရမယ့် (၅) ချက်
(၁) Belt နံပါတ်ကို သေချာစစ်ပါ
🔸လေယာဉ်ပေါ်က ဆင်းဆင်းချင်း Flight Information Display Screen တွေမှာ မိမိစီးလာတဲ့ Flight Number (လေယာဉ်အမှတ်) ကို ကြည့်ပြီး ဘယ် Belt နံပါတ်မှာ အိတ်ထွက်မလဲဆိုတာကို အရင်ဆုံး သေချာအောင် စစ်ဆေးပါ။

(၂) Baggage Claim Tag (အိတ်ကပ်ပြား) ကို တိုက်စစ်ပါ
🔸အိတ်အမျိုးအစား၊ အရောင်နဲ့ ပုံစံတူတာတွေ အများကြီး ရှိနိုင်ပါတယ်။ဒါကြောင့် အိတ်ကို မြင်ရုံနဲ့ ဆွဲမသွားဘဲ ကိုယ့်ရဲ့ Check-in Boarding Pass မှာ ကပ်ပေးလိုက်တဲ့ Baggage Tag က ဘားကုဒ်/နံပါတ် နဲ့ အိတ်မှာ ပါလာတဲ့ Tag နံပါတ် တူ၊ မတူ အမြဲတမ်း သေချာ တိုက်စစ်ပြီးမှ ယူပါ။ သူများအိတ် မှားယူမိခြင်း သို့မဟုတ် ကိုယ့်အိတ် သူများမှားယူသွားခြင်းကနေ ကာကွယ်နိုင်ပါတယ်။

(၃) အိတ်ရဲ့ အခြေအနေကို ချက်ချင်းစစ်ဆေးပါ
🔸အိတ်ကို Belt ပေါ်က ကောက်ယူပြီးတာနဲ့ ဇစ်တွေ ပွင့်နေလား၊ ကွဲအက် ပျက်စီးသွားလား၊ သော့တွေ ပျက်စီးသွားလားဆိုတာကို ထိုနေရာမှာတင် ချက်ချင်း စစ်ဆေးပါ။
🔸အကယ်၍ ပျက်စီးမှု ရှိခဲ့ရင် အပြင်ကို တန်းမထွက်ဘဲ အနီးနားမှာရှိတဲ့ သက်ဆိုင်ရာ Airline Baggage Service Counter ကို သွားရောက်ပြီး ချက်ချင်း အကြောင်းကြား (Report) လုပ်ရပါမယ်။ အပြင်ရောက်မှ သိရင် Claim ရတာ ပိုခက်ခဲသွားတတ်ပါတယ်။

(၄) Security Line စည်းကမ်းကို လိုက်နာပါ
🔸Belt ဘေးမှာ လူတွေ စုပြုံမနေစေဖို့ လေဆိပ်အများစုမှာ အဝါရောင်လိုင်း (သို့မဟုတ်) ဘေးကင်းလုံခြုံရေးစည်းတွေ တားထားတတ်ပါတယ်။
🔸ကိုယ့်အိတ် အလှည့်ရောက်ခါနီးမှ အရှေ့ကို တိုးယူပြီး၊ ကျန်တဲ့အချိန်မှာတော့ အခြားခရီးသည်တွေလည်း မြင်ကွင်းရှင်းရှင်းနဲ့ အိတ်ရှာနိုင်အောင် လိုင်းရဲ့ အနောက်မှာပဲ စောင့်ဆိုင်းပေးတာ အကောင်းဆုံး ဖြစ်ပါတယ်။

(၅) Customs (အကောက်ခွန်) အတွက် ပြင်ဆင်ပါ
🔸အိတ်တွေ အကုန်ရပြီဆိုရင် Green Channel (ဘာမှကြေညာစရာမရှိသူများ) သို့မဟုတ် Red Channel (အကောက်ခွန်ဆောင်ရန်ရှိသူများ) လမ်းကြောင်းအတိုင်း ထွက်ရပါမယ်။
🔸တစ်ချို့လေဆိပ်တွေမှာ အိတ်တွေအားလုံးကို အပြင်မထွက်ခင် X-ray ထပ်ရိုက်လေ့ရှိတာမို့ ဥပဒေအရ တားမြစ်ထားတဲ့ ပစ္စည်းတွေ၊အစားအသောက်တွေ (ဥပမာ- အသားထွက်ပစ္စည်း၊ သစ်သီးဝလံ) ပါမလာဖို့ သတိပြုရပါမယ်။

📌Ko Leo Vlog မှ အကြံပြုချက်
🔸ခရီးသွားတဲ့အခါ ကိုယ့်အိတ်ကို အဝေးကနေ အလွယ်တကူ မှတ်မိနိုင်အောင် ထင်ရှားတဲ့ Airtag (သို့မဟုတ်) Bright-colored Ribbon (အရောင်တောက်တောက် ဖဲကြိုး)၊ အိတ်စွပ် (Luggage Cover) ဒါမှမဟုတ် Name Tag လေးတွေ တပ်ဆင်ထားရင် အိတ်မှားဖို့ ရာခိုင်နှုန်း တော်တော်လေး နည်းသွားပါမည်။

"ခရီးသွားမိတ်ဆွေများ အားလုံးအဆင်ပြေကြပါစေ"

လေယာဉ်စီးပြီး ပြည်ပခရီးသွားမည့် မိတ်ဆွေများ သိထားသင့်သည့် (၁၀) ချက်(၁) လေဆိပ်အဆောက်အအုံအဝင်ဝတွင် မိမိ၏ နိုင်ငံကူးလက်မှတ်...
31/05/2026

လေယာဉ်စီးပြီး ပြည်ပခရီးသွားမည့် မိတ်ဆွေများ သိထားသင့်သည့် (၁၀) ချက်
(၁) လေဆိပ်အဆောက်အအုံအဝင်ဝတွင် မိမိ၏ နိုင်ငံကူးလက်မှတ် (Passport) နှင့် လေယာဉ်လက်မှတ် (E-Ticket/Flight Ticket) တို့ကို ထုတ်ပြဖို့အတွက် အဆင်သင့် ပြင်ဆင်ထားပါ။လေဆိပ် အဝင်ဝတွင် စစ်ဆေးလေ့ရှိပါသည်။

(၂) လေဆိပ် Terminal ထဲသို့ ရောက်ရှိပါက မိမိစီးနင်းမည့် လေကြောင်းလိုင်း၏ Check-In လုပ်ရမည့် နေရာကို အရင်ဆုံး ရှာဖွေရပါမည်။
🔸မိမိ၏ ခရီးဆောင်အိတ်ကြီးများ (Luggage) အပ်နှံရန်နှင့် လေယာဉ်ပေါ်တက်ခွင့်လက်မှတ် (Boarding Pass) ထုတ်ယူရန်အတွက် ဘယ်လိုင်းနံပါတ် (Row) မှာ တန်းစီရမလဲဆိုသည်ကို လေဆိပ်အတွင်းရှိ Departure LED TV Screen (Check-In Status) များတွင် မိမိ၏ Flight နံပါတ်နှင့် တိုက်ဆိုင်ကြည့်ရှုနိုင်ပါသည်။

(၃) မိမိတန်းစီရမည့် အတန်း (Row) ကို သိပြီဆိုပါက သက်ဆိုင်ရာ Counter အရှေ့တွင် တန်းစီပါ။
🔸မိမိအလှည့်ရောက်လျှင် Passport နှင့် လေယာဉ်လက်မှတ် ပြသ၍ အိတ်ကြီးများ (Checked Baggage) ကို ကီလိုချိန်တွက်ချက်ကာ အပ်နှံရပါမည်။
🔸Counter မှ Boarding Pass (လေယာဉ်တက်ခွင့်လက်မှတ်) နှင့် Departure Card (ပြည်ပထွက်ခွာကတ်) ကို ထုတ်ပေးပါလိမ့်မည်။
🔸မိမိနှင့်အတူ လေယာဉ်ပေါ် တိုက်ရိုက်ယူဆောင်မည့် လက်ဆွဲအိတ် (Hand Carry) ကိုမူ မိမိနှင့်အတူ ဆက်လက်ယူဆောင်သွားရပါမည်။

(၄) Immigration Area ထဲသို့ မဝင်ရောက်မီ အဝင်ဝအပေါက်တွင် လုံခြုံရေးဝန်ထမ်းများက Boarding Pass နှင့် Passport ကို တစ်ကြိမ် ထပ်မံစစ်ဆေးပါသည်။
🔸Immigration မဝင်ခင်တွင် Counter မှ ပေးလိုက်သော Departure Card (ပြည်ပထွက်ခွာခွင့် ဖောင်) ကို အချက်အလက် ပြည့်စုံအောင် ကြိုတင်ဖြည့်စွက်ထားရပါမည်။

(၅) Immigration ဖြတ်ဖို့ တန်းစီသည့်အခါတွင် အချိန်ကြန့်ကြာမှု မရှိစေရန်အတွက် မိမိ၏ Passport၊ Boarding Pass နှင့် ဖြည့်စွက်ပြီးသား Departure Card တို့ကို လက်ထဲတွင် အဆင်သင့် ကိုင်ထားပါ။

(၆) Immigration ဖြတ်ဖို့ မိမိအလှည့်ရောက်ပါက Immigration Officer ထံသို့ Passport၊ Boarding Pass နှင့် Departure Card တို့ကို ပေးအပ်ပါ။
🔸Immigration Officer ရဲ့ ညွှန်ကြားချက်အတိုင်း ကင်မရာကိုကြည့်၍ မျက်နှာ Scan ဖတ်ခြင်း ကို ပြုလုပ်ရပါမည်။
🔸နိုင်ငံကူးလက်မှတ်ပေါ်တွင် ပြည်ပထွက်ခွာခွင့် တုံးထုပေးပြီးပါက Immigration Area ကို အောင်မြင်စွာ ဖြတ်သန်းပြီး ဖြစ်ပါသည်။

(၇) Immigration ဖြတ်ပြီးတာနဲ့ လုံခြုံရေးစစ်ဆေးမှု (Security Check) ပြုလုပ်ရပါသည်။
🔸မိမိ၏ Hand Carry အိတ်ကို X-ray Conveyor ပေါ်သို့ တင်ရပါမည်။
🔸ဖုန်း၊ Passport၊ ပိုက်ဆံအိတ်၊ ခါးပတ်၊ နာရီ၊ အပေါ်ထပ် ဂျာကင်အင်္ကျီနှင့် ဖိနပ်များကို ချွတ်၍ လုံခြုံရေးခြင်းတောင်းထဲ ထည့်ပြီး စက်ထဲသို့ ဖြတ်သန်း စစ်ဆေးရပါသည်။
🔸မိမိကိုယ်တိုင်လည်း Body Scanner စက်ထဲမှ ဖြတ်သန်းပြီး လုံခြုံရေးဝန်ထမ်း၏ Body Check အစစ်ဆေးခံရပါမည်။

(၈) Security Check ပြီးပါက မိမိစီးရမည့် လေယာဉ်ဂိတ်နံပါတ် (Gate Number) ကို Boarding Pass ပေါ်တွင် ကြည့်ရှုရပါမည်။
🔸တစ်ခါတစ်ရံ Check-In စောစီးစွာ ဝင်ထားပါက Boarding Pass ပေါ်တွင် ဂိတ်နံပါတ် မပါလာတတ်ပါ။
🔸ထိုသို့ဖြစ်လျှင် လေဆိပ်အတွင်းရှိ Departure LED TV Screen ပေါ်တွင် မိမိ၏ Flight Number ကိုကြည့်၍ မည်သည့်ဂိတ် (Gate) သို့ သွားရမည်ကို စစ်ဆေးနိုင်ပါသည်။
🔸ဂိတ်နံပါတ် သိရပါက သက်ဆိုင်ရာ ဂိတ်အရှေ့ရှိ ထိုင်ခုံများတွင် သွားရောက်စောင့်ဆိုင်းပါ။
🔸လေယာဉ်ပေါ်တက်ရန် ဂိတ်စတင်ဖွင့်လှစ်ကြောင်း ကြေညာပါက Boarding Pass နှင့် Passport ပြသ၍ လေယာဉ်ပေါ်သို့ စတင်တက်ရောက်နိုင်ပါပြီ။

(၉) လေယာဉ်ပေါ်သို့ ရောက်ရှိသည့်အခါ မိမိ၏ Boarding Pass ပေါ်တွင် ရေးထားသော ထိုင်ခုံနံပါတ် (ဥပမာ - 9A) အတိုင်း ရှာဖွေ၍ ထိုင်ရပါမည်။
🔸မိမိ၏ လက်ဆွဲအိတ်ကို ထိုင်ခုံအပေါ်ရှိ အိတ်ထည့်သည့် Overhead Cabin ထဲသို့ စနစ်တကျ ထည့်သွင်းရပါမည်။
🔸အကယ်၍ ထိုင်ခုံနံပါတ် ရှာမတွေ့ပါက လေယာဉ်မောင်/လေယာဉ်မယ် (Flight Attendants) များကို ပြသ၍ လမ်းညွှန်မှု အကူအညီတောင်းခံနိုင်ပါသည်။

(၁၀) ထိုင်ခုံတွင် ထိုင်ပြီးသည်နှင့် ထိုင်ခုံခါးပတ် (Seat Belt) ကို စနစ်တကျ ပတ်ထားပါ။
🔸မိမိထိုင်ခုံအရှေ့ အိတ်ကပ်ထဲတွင်ရှိသော လေယာဉ်အန္တရာယ်ကင်းရှင်းရေး လမ်းညွှန်ချက်စာစောင် (Safety Instructions) ကို ဖတ်ရှုပါ။
🔸လေယာဉ်မထွက်ခွာမီ လေယာဉ်မောင်/မယ်များ သရုပ်ပြသသော လုံခြုံရေးဆိုင်ရာ ညွှန်ကြားချက်များကို အသေအချာ ဂရုစိုက်နားထောင်ပြီး လိုက်နာဆောင်ရွက်ရပါမည်။
🔸လေယာဉ်ပျံတက်ချိန်နှင့် ဆင်းသက်ချိန်များတွင် ဖုန်းကို Flight Mode ပြောင်းထားပါ။

📌 လေယာဉ်စီးပြီး ခရီးသွားမည့် မိတ်ဆွေများအားလုံး အဆင်ပြေစေရန် Ko Leo Vlog မှ Update အချက်အလက်များကို မျှဝေပေးခြင်း ဖြစ်ပါသည်။

လေယာဉ်စီးတဲ့အခါ Hand Carry အိတ် သယ်ယူမည့် ခရီးသွားမိတ်ဆွေများ သိထားသင့်တဲ့ (၅) ချက်(၁) အိတ်ရဲ့ အရွယ်အစားနဲ့ အလေးချိန်ကို...
30/05/2026

လေယာဉ်စီးတဲ့အခါ Hand Carry အိတ် သယ်ယူမည့် ခရီးသွားမိတ်ဆွေများ သိထားသင့်တဲ့ (၅) ချက်
(၁) အိတ်ရဲ့ အရွယ်အစားနဲ့ အလေးချိန်ကို သေချာ Check လုပ်ပါ
လေကြောင်းလိုင်းတိုင်းမှာ မတူညီတဲ့ သတ်မှတ်ချက်တွေ ရှိတတ်လို့ အိမ်ကမထွက်ခင် ဒါကို အရင်စစ်ရပါမယ်။
🔸Size (အရွယ်အစား) - ပတ်လည်အတိုင်းအတာ ၂၂ x ၁၄ x ၉ လက်မ ဝန်းကျင် (သို့မဟုတ် 56 x 36 x 23 cm) ရှိရပါမယ်။ ဒါမှသာ လေယာဉ်ပေါ်က အိတ်သိမ်းတဲ့စင် (Overhead Bin) ထဲကို အလွယ်တကူ ထည့်သွင်းနိုင်မှာပါ။
🔸Weight (အလေးချိန်) - အများစုက ၇ ကီလိုဂရမ် (15 lbs) ထိ အခမဲ့ ခွင့်ပြုတတ်ပေမဲ့ အချို့ Budget လေကြောင်းလိုင်းတွေမှာ ၅ ကီလိုပဲ ခွင့်ပြုတာမျိုး ဒါမှမဟုတ် အိတ်အလေးချိန်ကို တင်းတင်းကျပ်ကျပ် စစ်ဆေးတာမျိုး ရှိတတ်ပါတယ်။
🔸Personal Item (အပိုဆောင်းအိတ်) - စည်းမျဉ်းအရ သတ်မှတ်ထားတဲ့ လက်ဆွဲအိတ်အပြင် ထိုင်ခုံအောက်ခြေမှာ ထားလို့ရမယ့် ကျောပိုးအိတ်အသေး (သို့မဟုတ်) အမျိုးသမီးကိုင်အိတ် (သို့မဟုတ်) Laptop အိတ်တစ်လုံးကိုပါ အပို (၁) လုံး အခမဲ့ သယ်ခွင့်ပေးလေ့ရှိပါတယ်။

(၂) တန်ဖိုးရှိတာမှန်သမျှ Check-in မလုပ်ဘဲ လက်ဆွဲအိတ်ထဲမှာပဲ ထားပါ
Check-in Baggage (လေယာဉ်ဝမ်းဗိုက်ထဲထည့်တဲ့အိတ်) ထဲမှာ ပစ္စည်းပျောက်ရှတာ၊ သယ်ယူပို့ဆောင်ရေးမှာ လိမ့်ဖိမိလို့ ပျက်စီးတာ ဒါမှမဟုတ် အိတ်နောက်ကျကျန်ခဲ့တာမျိုး ကြုံရတတ်လို့ အောက်ပါပစ္စည်းတွေကို ကိုယ်နဲ့မကွာ ဆောင်ထားပါ။
🔸အရေးကြီးစာရွက်စာတမ်း - Passport၊ လေယာဉ်လက်မှတ် (Boarding Pass)၊ Visa ဗီဇာစာရွက်စာတမ်းများနှင့် ဟိုတယ် Booking တည်းခိုခွင့်အထောက်အထားများ။
🔸Electronic ပစ္စည်းများ - Laptop, Tablet, Camera, ဖုန်းအားသွင်းကြိုးများနှင့် Power Bank။
🔸Power Bank (ပါဝါဘဏ်) များကို Check-in အိတ်ထဲ လုံး မထည့်ရပါ၊ လက်ဆွဲအိတ်ထဲတွင်သာ သယ်ဆောင်ရပါမည်။
🔸အများအားဖြင့် 20,000 mAh အောက်ကိုသာ လေယာဉ်ပေါ်ခွင့်ပြုပြီး စာသားဖျက်နေသော ပါဝါဘဏ်များကို သိမ်းဆည်းခံရတတ်ပါသည်။
🔸အဖိုးတန်ပစ္စည်း - ရွှေ၊ ငွေ၊ လက်ဝတ်ရတနာ၊ ပိုက်ဆံအိတ်နှင့် ဆရာဝန်ညွှန်ကြားချက်ပါရှိသော နေ့စဉ်သောက်ရမယ့် အရေးကြီးဆေးဝါးများ။

(၃) အရည် (Liquid) နှင့် အချွန်အတက် စည်းမျဉ်းကို တိကျစွာလိုက်နာပါ
လုံခြုံရေးဂိတ် (Security Check) မှာ အိတ်ပြန်ဖွင့်ပြီး အချိန်ကြာတာမျိုး မဖြစ်အောင် ဒါတွေကို ကြိုတင်ထုတ်ထားပါ။
🔸Liquid Rule (၁၀၀ မီလီလီတာ စည်းမျဉ်း) - မျက်နှာသစ်ဆေး၊ ရေမွှေး၊ သွားတိုက်ဆေး၊ ကရင်မ် (Cream) စတဲ့ အရည်/ဂျယ်လ် တွေကို ၁၀၀ မီလီလီတာ (100ml) ထက်မပိုတဲ့ ဗူးလေးတွေနဲ့ပဲ သယ်ဆောင်ရပါမည်။ ဗူးခွံပေါ်တွင် 100ml ထက်ကျော်လွန် ဖော်ပြထားပါက ဗူးအတွင်းရှိ အရည် နည်းနေသော်လည်း ခွင့်မပြုပါ။
🔸Prohibited Items (တားမြစ်ပစ္စည်းများ) - ကတ်ကြေး၊ ဓားဦးချွန်၊ အိတ်ဆောင်ကတ်ကြေးငယ်၊ လက်သည်းညှပ် (အချို့လေဆိပ်များ)၊ မီးခြစ်နှင့် မီးလောင်လွယ်သော စပရေးဘူးများကို လက်ဆွဲအိတ်ထဲ လုံးဝမထည့်ပါနဲ့။

(၄) လုံခြုံရေးဂိတ်ကို စမတ်ကျကျနဲ့ အချိန်တိုတိုအတွင်း ဖြတ်သန်းပါ
စစ်ဆေးတဲ့အခါ မိမိကြောင့် နောက်လူတွေ အချိန်မကြာစေဖို့ အိတ်ကို အလွယ်တကူ ထုတ်ရလွယ်အောင် စီထားပါ။
🔸ထုတ်ရလွယ်ကူအောင်ထားပါ - Power Bank, Laptop တို့ကို စစ်ဆေးတဲ့အခါ အိတ်ထဲကထုတ်ပြီး သီးသန့်ဗန်းထဲ တင်ပေးရမှာဖြစ်လို့ အိတ်ရဲ့အပေါ်ဆုံး ဒါမှမဟုတ် အပြင်ကန့်မှာ ထည့်ထားပါ။
🔸ဝတ်စားဆင်ယင်မှု - လုံခြုံရေးစစ်တဲ့အခါ ခါးပတ်၊ နာရီ၊ အနွေးထည်အထူကြီးများနှင့် ဖိနပ်များကို ချွတ်ပြီး စကန်ဖတ်စက်ထဲ ဖြတ်ခိုင်းတတ်တာကြောင့် ချွတ်ရ/ဝတ်ရ လွယ်ကူတဲ့ စမတ်ကျကျဝတ်စုံမျိုး ရွေးချယ်ဝတ်ဆင်ပါ။

(၅) လေကြောင်းလိုင်းရဲ့ နောက်ဆုံးရ (Update) စည်းမျဉ်းကို အမြဲကြည့်ပါ
နိုင်ငံတကာလေကြောင်းလိုင်း စည်းမျဉ်းတွေဟာ အချိန်နဲ့အမျှ ပြောင်းလဲနိုင်ပါတယ်။
🔸Baggage Policy ဖတ်ပါ - ခရီးမထွက်ခင် ၁ ရက်အလိုမှာ မိမိစီးမည့် လေကြောင်းလိုင်း Website ရဲ့ "Baggage Policy" မှာ လက်ရှိခွင့်ပြုထားတဲ့ အရွယ်အစားနဲ့ အလေးချိန် သတ်မှတ်ချက်ကို နောက်ဆုံးရသေချာအောင် တစ်ချက်ဖတ်ပါ။
🔸ကြိုတင်ချိန်တွယ်ပါ - အိတ်အလေးချိန် သတ်မှတ်ချက်ထက် ကျော်လွန်သွားပါက လေဆိပ် Check-in counter တွင် ပေးဆောင်ရမည့် Overweight Charge (ဒဏ်ကြေး) မှာ အရမ်းများတတ်တာကြောင့် ခရီးမထွက်ခင် အိမ်မှာတင် Luggage Scale (ပေါင်ချိန်စက်) နဲ့ သေချာကြိုတင်ချိန်ထားတာ အကောင်းဆုံးဖြစ်ပါတယ်။

"ခရီးသွားမိတ်ဆွေများ အားလုံး အခက်အခဲမရှိ၊ အဆင်ပြေချောမွေ့စွာ စေရန် Ko Leo Vlog မှ မျှဝေပေးခြင်း ဖြစ်ပါသည်။"

လေဆိပ်ရောက်ရင် မိမိသွားရမယ့် Gate နဲ့ လေယာဉ်အခြေအနေကို ဘယ်လိုကြည့်မလဲ?နိုင်ငံရပ်ခြားကို ပထမဆုံးအကြိမ်သွားမယ့်သူတွေပဲဖြစ်...
29/05/2026

လေဆိပ်ရောက်ရင် မိမိသွားရမယ့် Gate နဲ့ လေယာဉ်အခြေအနေကို ဘယ်လိုကြည့်မလဲ?
နိုင်ငံရပ်ခြားကို ပထမဆုံးအကြိမ်သွားမယ့်သူတွေပဲဖြစ်ဖြစ်၊ ခရီးသွားလာမှု အတွေ့အကြုံနည်းသေးသူတွေပဲဖြစ်ဖြစ် နိုင်ငံတကာ လေဆိပ်ကြီးထဲရောက်ရင် ဘယ်ကစလုပ်ရမှန်းမသိဘဲ မျက်စိလည်တတ်ပါတယ်။
🔹တကယ်တော့ လေဆိပ်ထဲရောက်လို့ Check-in ဝင်၊ Immigration ဖြတ်ပြီးပြီဆိုရင် နောက်ထပ်အရေးကြီးဆုံးအလုပ်က မိမိလေယာဉ်ပေါ်တက်ရမယ့် Gate (ထွက်ခွာမည့်ဂိတ်) ကို ရှာရမှာပါ။
🔹မိမိစီးမယ့်လေယာဉ်က ဘယ် Gate မှာလဲ၊ အချိန်ပြောင်းလဲမှုရှိလားဆိုတာကို လေဆိပ် Terminal ထဲမှာရှိတဲ့ Departures LED TV Screen မှာ ကြည့်ပြီး အလွယ်တကူ သိနိုင်ပါတယ်။

(၁) Time / New (ထွက်ခွာမည့်အချိန်)
🔹Screen ပေါ်က ပထမဆုံးကော်လံမှာပြထားတဲ့အချိန်ဟာ လေယာဉ်မူလထွက်ခွာမည့်အချိန် (Scheduled Time) ဖြစ်ပြီး၊ ဘေးက "New" ကော်လံမှာ အဝါရောင်နဲ့အချိန်ထပ်ပြနေရင်တော့ လေယာဉ်အချိန်ပြောင်းလဲသွားတာ (ဥပမာ - 17:50 မှ 18:45) ကို ဆိုလိုတာဖြစ်လို့ သေချာဂရုစိုက်ကြည့်ရပါမယ်။

(၂) Flight (လေကြောင်းလိုင်းနှင့် ခရီးစဉ်နံပါတ်)
🔹မိမိစီးမည့် လေကြောင်းလိုင်း အမည်နဲ့အတူ Ticket ထဲက Flight Number (ဥပမာ - 8M 802, SQ 601, AirAsia, Korean Air) ကို ပြထားတာဖြစ်ပါတယ်။ လေဆိပ်ကြီးတွေမှာ သွားမယ့်နေရာတူပြီး အချိန်မတူတာမျိုးရှိတတ်လို့ Flight Number ကို သေချာတိုက်စစ်ပါ။

(၃) To (သွားမည့်နေရာ)
🔹မိမိသွားမယ့် မြို့အမည် သို့မဟုတ် လေဆိပ်အမည် (Destination) ကို ပြထားတာဖြစ်ပါတယ်။ ဥပမာ - YANGON, SINGAPORE, SUVARNABHUMI စသဖြင့်။

(၄) Gate (လေယာဉ်တက်ရမည့်ဂိတ်)
🔹မိမိလေယာဉ်ပေါ်တက်ဖို့ သွားရမယ့် ဂိတ်နံပါတ် (ဥပမာ - 37, 10, 124) ကို ပြထားတာဖြစ်ပါတယ်။ လေဆိပ်အဝင် ဆိုင်းဘုတ်တွေမှာ ဒီဂိတ်နံပါတ်ဆီသွားတဲ့ လမ်းညွှန်အတိုင်း လျှောက်သွားရပါမယ်။

(၅) Status / Remark (လက်ရှိအခြေအနေနှင့် ကြာမြင့်မည့်အချိန်)
🔹လက်ရှိခရီးစဉ်ရဲ့ အခြေအနေနဲ့ အချိန်အသေးစိတ်ကို ဖော်ပြတာဖြစ်ပါတယ်။
🔹Final Call / Boarding - လေယာဉ်ပေါ်တက်ဖို့ လူခေါ်နေပြီဖြစ်လို့ ဂိတ်ကို အမြန်ဆုံးသွားရပါမယ်။
🔹Gate Open - ဂိတ်ဖွင့်လှစ်ထားပြီးဖြစ်ကြောင်း ပြသတာပါ။
🔹မိနစ်ပြကွက် (ဥပမာ - 5min, 12min, 24min) - အဆိုပါဂိတ် သို့မဟုတ် လေယာဉ်ဆီရောက်ဖို့ (သို့မဟုတ်) ဘုတ်အဖွဲ့လုပ်ငန်းစဉ်အတွက် ကြာမြင့်မည့်အချိန်ကို ခန့်မှန်းဖော်ပြပေးထားတာဖြစ်လို့ မိမိအချိန်ကို တွက်ချက်နိုင်ပါတယ်။

📌 Ko Leo Vlog မှ အကြံပြုချက်
🔹အနီရောင်မြှားပြထားတဲ့ 16:05 ထွက်ခွာမယ့် YANGON သွားမည့် အပြည်ပြည်ဆိုင်ရာမြန်မာ့လေကြောင်း MAI (Flight 8M 802) ခရီးစဉ်သည် Gate နံပါတ် 37 မှာ ဖြစ်ပြီး လမ်းလျှောက်ချိန် (၅) မိနစ်ခန့် ကြာမြင့်မယ်လို့ ပြသနေတာမျိုး ဖြစ်ပါတယ်။
🔹အကယ်၍ လေဆိပ် Screen ကြည့်ရတာ ရှုပ်ထွေးနေရင် သို့မဟုတ် မိမိ Flight ကို ရှာမတွေ့ရင် လေဆိပ် Information Counter က ဝန်ထမ်းတွေကို မိမိရဲ့ Ticket ပြပြီး "Where is the gate for this flight?" ဟု အလွယ်တကူ မေးမြန်းအကူအညီတောင်းနိုင်ပါတယ်။

"ခရီးသွားမိတ်ဆွေများ အားလုံးအဆင်ပြေကြပါစေ"

Boarding Pass နောက်ကျောမှာ ကပ်ပေးလိုက်တဲ့ Sticker လေးက ဘာကြောင့် အရေးကြီးတာလဲ? ဘယ်အချက်အလက်တွေ ပါလဲ?🔹လေဆိပ်မှာ Check-in ...
28/05/2026

Boarding Pass နောက်ကျောမှာ ကပ်ပေးလိုက်တဲ့ Sticker လေးက ဘာကြောင့် အရေးကြီးတာလဲ? ဘယ်အချက်အလက်တွေ ပါလဲ?
🔹လေဆိပ်မှာ Check-in ဝင်ပြီးတဲ့အခါ ဝန်ထမ်းတွေက Boarding Pass (လေယာဉ်တက်ခွင့်လက်မှတ်) ရဲ့ နောက်ကျောမှာ Sticker သေးသေးလေးတစ်ခု ကပ်ပေးလေ့ရှိပါတယ်။ ခရီးသည်အများစုက ဒါကို သာမန်စာရွက်အပိုင်းအစတစ်ခုလိုပဲ ထင်တတ်ကြပေမယ့် တကယ်တော့ ဒါဟာ ခရီးစဉ်တစ်ခုလုံးအတွက် မရှိမဖြစ် အရေးကြီးတဲ့ Baggage Claim Tag ပဲ ဖြစ်ပါတယ်။

(၁) ဘာကြောင့် အရေးကြီးတာလဲ?
🔹ဆိုက်ရောက်လေဆိပ် ရောက်လို့ အိတ်ပတ်ချာလည် (Conveyor Belt) ကနေ အိတ်ပြန်ယူတဲ့အခါ ကိုယ့်အိတ်နဲ့ တခြားသူအိတ် အရောင်ချင်း၊ ပုံစံချင်း ဆင်တူနေတာမျိုး အမြဲရှိတတ်ပါတယ်။ တခြားသူက ကိုယ့်အိတ်ကို မှားယူသွားရင်ဖြစ်ဖြစ်၊ ကိုယ်က တခြားသူအိတ်ကို မှားမယူမိအောင်ဖြစ်ဖြစ် ဒီ Tag က အိတ်ပိုင်ရှင် မှန်ကန်ကြောင်း အတည်ပြုရန် အဓိက သက်သေအစစ်အမှန်ဖြစ်ပါတယ်။
🔹အထူးသဖြင့် Transit (လေယာဉ်လွှဲပြောင်းစီးရတဲ့) ခရီးစဉ်တွေမှာ အိတ်က ကိုယ်နဲ့အတူ ပါမလာဘဲ လမ်းမှာကျန်ခဲ့တာ၊ ဒါမှမဟုတ် လေယာဉ်မှားတင်မိတာမျိုး အဖြစ်များပါတယ်။ အဲဒီအခါ လေကြောင်းလိုင်းရဲ့ Lost & Found ကောင်တာမှာ ဒီ Tag Number ကို ပေးလိုက်တာနဲ့ ၎င်းတို့ရဲ့ Global Tracking System ထဲမှာ အိတ်ရဲ့ လက်ရှိတည်နေရာကို မိနစ်ပိုင်းအတွင်း ရှာဖွေပေးနိုင်မှာ ဖြစ်ပါတယ်။
🔹ကံမကောင်းလို့ အိတ်ထဲက ပစ္စည်းပျောက်ဆုံးတာ၊ ဒါမှမဟုတ် အိတ်အပြင်ခွံ ခွဲခြမ်းစိတ်ဖြာ ပျက်စီးသွားတာမျိုး ကြုံရရင် လေကြောင်းလိုင်းဆီကဖြစ်ဖြစ်၊ ခရီးသွားအာမခံ (Travel Insurance) ကုမ္ပဏီဆီကဖြစ်ဖြစ် လျော်ကြေး (Compensation) တောင်းခံဖို့အတွက် ဒီ Sticker က တရားဝင် အထောက်အထားအဖြစ် မရှိမဖြစ် လိုအပ်ပါတယ်။

(၂) ဘယ်အချက်အလက်တွေ ပါဝင်လဲ?
ဒီ Sticker သေးသေးလေးပေါ်မှာ ခရီးစဉ်ရဲ့ အရေးကြီး Security Data တွေ ပါဝင်ပါတယ်။
🔹Baggage Tag Number - အိတ်တစ်ခုချင်းစီအတွက် သတ်မှတ်ပေးထားတဲ့ သီးသန့်ကုဒ်နံပါတ်။
🔹Passenger Name - ခရီးသည်ရဲ့ အမည် (နာမည်အပြည့်အစုံ သို့မဟုတ် စနစ်အလိုက် အတိုကောက် ဖော်ပြချက်)။
🔹Flight Number - လေယာဉ်ခရီးစဉ်အမှတ် (ဥပမာ - 8M332။
🔹Destination (ဆိုက်ရောက်ရာ လေဆိပ်ကုဒ်) - အိတ်သွားရမယ့် လေဆိပ်ရဲ့ ၃ လုံးတွဲ နိုင်ငံတကာသုံးကုဒ် (ဥပမာ - ရန်ကုန်အတွက် RGN၊ စင်ကာပူအတွက် SIN၊ ဘန်ကောက် သုဝဏ္ဏဘူမိအတွက် BKK)။
🔹Barcode - လေဆိပ်ရဲ့ Automated Baggage Handling System က စက်နဲ့ဖတ်ပြီး အိတ်ကို လမ်းကြောင်းမှန် လေယာဉ်ပေါ် ရောက်အောင် ခွဲခြားပေးတဲ့ ဘားကုဒ် ဖြစ်ပါတယ်။

📌Ko Leo Vlog မှ အကြံပြုချက်များ
🔹Check-in ကောင်တာကနေ Boarding Pass နောက်မှာ Sticker ကပ်ပေးလိုက်တာနဲ့ ဖုန်းနဲ့ ဓာတ်ပုံတစ်ပုံ ချက်ချင်းရိုက်ထားပါ။ လေဆိပ်ထဲ လမ်းလျှောက်ရင်း Boarding Pass ပျောက်သွားရင်တောင် ဖုန်းထဲက ပုံနဲ့ အိတ်ကို ရှာဖွေ/သက်သေပြနိုင်ပါတယ်။
🔹ခရီးစဉ်ပြီးဆုံးလို့ လေဆိပ်က ထွက်လာရုံနဲ့ မခွာပစ်ပါနဲ့ဦး။ အိမ် ဒါမှမဟုတ် တည်းခိုမယ့် ဟိုတယ်ရောက်လို့ အိတ်ကိုဖွင့်စစ်၊ ပစ္စည်းအားလုံး အစုံအလင်ရှိပြီး အဆင်ပြေမှသာ ဖယ်ရှားသင့်ပါတယ်။
🔹အိတ်ခွံပေါ်မှာ အရင်ခရီးစဉ်အဟောင်းက ဘားကုဒ် Sticker တွေ ကျန်နေရင် နောက်ခရီးစဉ်မှာ လေဆိပ်က စက်တွေ (Scanners) အဖတ်မှားပြီး မိမိအိတ်က တခြားလေဆိပ် ရောက်သွားတတ်တာမို့ ခရီးမထွက်ခင် အမြဲရှင်းလင်းထားပါ။
🔹အိတ်ပျောက်လို့ လိုက်ရှာရတဲ့အခါ ဝန်ထမ်းတွေကို အိတ်ပုံစံ ရှင်းပြရခက်တတ်လို့ ခရီးမထွက်ခင် ကိုယ့်အိတ်ရဲ့ အရောင်နဲ့ ပုံစံကိုပါ ဖုန်းထဲ ဓာတ်ပုံရိုက်ထားတာ အကောင်းဆုံး ဖြစ်ပါတယ်။

"ခရီးသွား မိတ်ဆွေများ အားလုံး အဆင်ပြေကြပါစေ"

ဂျိုဆွန်ခေတ် က ချောနား😊
27/05/2026

ဂျိုဆွန်ခေတ် က ချောနား😊

လေဆိပ်ရောက်မှ ပစ္စည်းတွေထားခဲ့ရတာ၊ အိတ်တွေပြန်ဖွင့်ရတာမျိုး မဖြစ်ရအောင် သိထားသင့်တဲ့ Check-in Baggage နဲ့ Hand Carry အက...
27/05/2026

လေဆိပ်ရောက်မှ ပစ္စည်းတွေထားခဲ့ရတာ၊ အိတ်တွေပြန်ဖွင့်ရတာမျိုး မဖြစ်ရအောင် သိထားသင့်တဲ့ Check-in Baggage နဲ့ Hand Carry အကြောင်း
(၁) Check In Counter မှာ အပ်ရမည့် အိတ်ကြီးများ (Check Baggage)
🔹မိမိစီးမည့် လေကြောင်းလိုင်း နဲ့ ကိုယ်ဝယ်ထားတဲ့ Ticket Class ပေါ်မူတည်ပြီး ပုံမှန်အားဖြင့် 20kg, 23kg မှ 30kg ကြား သယ်ယူခွင့်ပြုပါတယ်။
🔹အချို့လေကြောင်းလိုင်းတွေရဲ့ Promo သို့မဟုတ် Eco Special လက်မှတ်တွေမှာ ခွင့်ပြုကီလို (Free Baggage) လုံးဝမပါတတ်ပါဘူး။ ကီလိုကျော်ရင် ပေးရတဲ့ Excess Baggage Fee က လေဆိပ်မှာဆို တော်တော်လေး များတတ်လို့ ကီလိုကို Online ကတည်းက ကြိုဝယ်ထားတာ စိတ်အချရဆုံးပါ။
🔹အဝတ်အထည်၊ ဖိနပ်၊ သုံးကုန်ပစ္စည်းတွေအပြင် ချွန်ထက်တဲ့ပစ္စည်းများ (ကတ်ကြေး၊ ဓား၊ လက်သည်းညှပ်၊ ဝက်အူလှည့်) ကို ဒီအိတ်ထဲမှာပဲ ထည့်ရပါမယ်။
🔹100ml ထက်ကျော်တဲ့ Shampoo၊ Lotion နဲ့ အလှကုန်ဗူးကြီးတွေကို ဒီထဲမှာပဲ လုံခြုံအောင် ထုပ်ပိုးထည့်ရမှာ ဖြစ်ပါတယ်။
🔹Power Bank နဲ့ Lithium Battery ပါတဲ့ ပစ္စည်းတွေ (ဥပမာ - ကင်မရာဘက်ထရီ၊ အပိုဘက်ထရီ) ကို လုံးဝ အပ်လို့မရပါဘူး။ အိတ်ပြန်ဖွင့်ပြီး ထုတ်ခိုင်းတတ်လို့ အချိန်ကြန့်ကြာတတ်ပါတယ်။

(၂) Hand Carry / Cabin Baggage (လေယာဉ်ပေါ် ကိုယ်နဲ့အတူ ယူဆောင်မယ့်အိတ်)
🔹ပုံမှန်အားဖြင့် 5kg မှ 7kg အထိ သယ်ယူခွင့်ပြုလေ့ရှိပြီး လေယာဉ်ပေါ်က Overhead Bin (ခေါင်းပေါ်က အကန့်) ထဲ သို့မဟုတ် ရှေ့ထိုင်ခုံအောက်ထဲ ဆံ့တဲ့ အရွယ်အစား ဖြစ်ရပါမယ်။
🔹သွားတိုက်ဆေး၊ ရေမွှေး၊ Lotion၊ ဂျယ်လ် စတာတွေကို ဗူးတစ်ခုချင်းစီမှာ 100ml ထက်မပိုရပါဘူး။
🔹ဗူးထဲမှာ ခရင် (သို့) အရည်က နည်းနည်းလေးပဲ ကျန်တော့ရင်တောင် ဗူးခွံက 150ml ဗူး ဖြစ်နေရင် အသိမ်းခံရနိုင်ပါတယ်။ လုံခြုံရေးက ဗူးထဲက အရည်ပမာဏထက် ဗူးခွံပေါ်က စာသားကိုပဲ ကြည့်တာ ဖြစ်ပါတယ်။
🔹Laptop၊ Tablet၊ ကင်မရာ နဲ့ ဖုန်းတွေကို ဒီအိတ်ထဲမှာပဲ ယူဆောင်ရပါမယ်။ လုံခြုံရေးစစ်ဆေးတဲ့အခါ အိတ်ထဲကနေ ခေတ္တထုတ်ပြီး ဗန်းထဲသပ်သပ်ပြရတတ်ပါတယ်။
🔹Power Bank 10,000 mAh အောက်ဆို အေးဆေးသယ်လို့ရပါတယ်။20,000 - 32,000 mAh ကြားဆို တစ်ဦးလျှင် အများဆုံး (၂) လုံးအထိပဲ ခွင့်ပြုပါတယ်။32,000 mAh ထက်ကျော်ရင် လုံးဝ ယူဆောင်ခွင့် မပြုပါဘူး။
🔹Power Bank ပေါ်မှာ ပမာဏ (mAh) စာသား မထင်ရှားရင်၊ ပွတ်တိုက်မိလို့ ပျောက်နေရင် အသိမ်းခံရနိုင်ပါတယ်။ အခုနောက်ပိုင်း အချို့လေဆိပ်တွေမှာ CCC Mark ပါတဲ့ Power Bank တွေကိုပဲ ပိုပြီး ခွင့်ပြုပေးတတ်ပါတယ်။

📌Ko Leo Vlog ရဲ့ အကြံပြုချက်များ
🔹အိတ်အပြင်ဘက်မှာ မိမိရဲ့ နာမည်၊ ဖုန်းနံပါတ်နဲ့ လိပ်စာ ပါတဲ့ ကတ်ပြားလေး (Luggage Tag) ချိတ်ထားပါ။ အိတ်ချင်းမှားတာ ဒါမှမဟုတ် ပျောက်ဆုံးတာမျိုး ဖြစ်ခဲ့ရင် ပြန်ရှာရတာ ပိုမြန်စေပါတယ်။
🔹အိတ်မအပ်ခင် မိမိအိတ်ရဲ့ ပုံစံကို ဖုန်းနဲ့ ဓာတ်ပုံရိုက်ထားပါ။ အိတ်ပျောက်လို့ အကြောင်းကြားရတဲ့အခါ ပုံပြရတာ ပိုထိရောက်ပါတယ်။
🔹လေဆိပ်မသွားခင် အိတ်အလေးချိန်ကို အိမ်မှာတင် ပေါင်ချိန်စက်နဲ့ ကြိုစစ်ပါ။ လေဆိပ်ရောက်မှ ကီလိုကျော်လို့ ပစ္စည်းတွေ ထုတ်နေရတာမျိုး မဖြစ်တော့ပါဘူး။
🔹ရွှေ၊ ငွေ၊ လက်ဝတ်ရတနာ၊ ပတ်စပို့၊ ဗီဇာ၊ ဆေးဝါးများနှင့် အရေးကြီးစာရွက်စာတမ်းတွေကိုတော့ Check-in အိတ်ထဲ မထည့်ဘဲ Hand Carry အိတ်ထဲမှာပဲ မိမိနဲ့မကွာ ဆောင်ထားပါ။
🔹ဖြစ်နိုင်ရင် အိတ်ကြီးတွေထဲမှာ AirTag သို့မဟုတ် Smart Tracker လေးတွေ ထည့်ထားပါ။ အိတ်ဘယ်နားရောက်နေလဲ ဖုန်းထဲကနေ လှမ်းကြည့်လို့ရလို့ ပိုစိတ်ချရပါတယ်။

"ခရီးသွားမိတ်ဆွေများ အားလုံးအဆင်ပြေစေရန် Ko Leo Vlog မှ မျှဝေပေးခြင်း ဖြစ်ပါသည်"

တောင်ကိုရီးယားမှာ အမြင့်ဆုံး Building ဖြစ်တဲ့ ဆိုးလ်မြို့မှာ ရှိတဲ့ SEOUL SKY ❤️
26/05/2026

တောင်ကိုရီးယားမှာ အမြင့်ဆုံး Building ဖြစ်တဲ့ ဆိုးလ်မြို့မှာ ရှိတဲ့ SEOUL SKY ❤️

ที่อยู่

No. 71, Sukhumvit Road
Bangkok
10110

เบอร์โทรศัพท์

+66827399251

เว็บไซต์

แจ้งเตือน

รับทราบข่าวสารและโปรโมชั่นของ Ko Leo Vlogผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Ko Leo Vlog:

ทางลัด

แชร์

ประเภท