Khit ALinn

Khit ALinn သိသင့်သမျှ သတင်းမှန်သမျှ တစ်နေရာတည?

KNU ဥက္ကဋ္ဌ မူတူစေးဖိုး အနားယူသွားပြီး ပဒိုစောကွယ်ထူးဝင်းက ဥက္ကဋ္ဌဖြစ်လာရန်ကုန်၊ မေ ၂ ကရင်အမျိုးသားအစည်းအရုံး KNU ရဲ့ ဥက...
03/05/2023

KNU ဥက္ကဋ္ဌ မူတူစေးဖိုး အနားယူသွားပြီး ပဒိုစောကွယ်ထူးဝင်းက ဥက္ကဋ္ဌဖြစ်လာ

ရန်ကုန်၊ မေ ၂

ကရင်အမျိုးသားအစည်းအရုံး KNU ရဲ့ ဥက္ကဋ္ဌ မူတူးစေးဖိုး အနားယူသွားပြီးနောက် ပဒိုစောကွယ်ထူးဝင်းက ဥက္ကဋ္ဌသစ်ဖြစ်လာပါတယ်။ မူတူးစေးဖိုးဟာ အသက် ၉၀ ရှိပြီး မကျန်းမာလို့ ပြီးခဲ့တဲ့ ဧပြီလကပဲ ထိုင်းနိုင်ငံမှာ သွားရောက်ဆေးကုသခဲ့ရတာဖြစ်ပါတယ်။

ဧပြီလ နောက်ဆုံးပတ်မှာကျင်းပတဲ့ KNU ညီလာခံကနေ ဥက္ကဋ္ဌအဖြစ် ပဒိုစောကွယ်ထူးဝင်းကို ရွေးချယ်ခဲ့တာပါ။

ပဒိုစောကွယ်ထူးဝင်းဟာ KNU ဒုဥက္ကဋ္ဌအဖြစ် ကာလရှည်ကြာတာဝန်ယူခဲ့ပြီးနောက် အခုတော့ သူဟာ KNU ရဲ့ ၁၀ ဦးမြောက် ဥက္ကဋ္ဌ အဖြစ် အများသဘောတူ ရွေးချယ်ခဲ့ကြတာပါ။

သူနဲ့အပြိုင် ညောင်လေးပင်ခရိုင် ဥက္ကဋ္ဌ တပ်မဟာ ၃ က ပဒိုစောဆဲဂေနဲ့ အပြိုင်ရွေးချယ်ခဲ့တာဖြစ်ပြီး နှစ်ခါထပ်ရွေးခဲ့ပြီးနောက် ပဒိုစောကွယ်ထူးဝင်းက ၂ မဲအသာနဲ့ အနိုင်ရခဲ့တာလို့ သိရပါတယ်။

မဲဆောက်မှာ ဆိုင်ကယ်စီး မြန်မာလူငယ် ၂ ဦးကို သေနတ်တွေနဲ့အတူ ဖမ်းမိရန်ကုန်၊ မေ ၂ထိုင်းနိုင်ငံ၊ မဲဆောက်မြို့မှာ ဆိုင်ကယ်စီးလ...
03/05/2023

မဲဆောက်မှာ ဆိုင်ကယ်စီး မြန်မာလူငယ် ၂ ဦးကို သေနတ်တွေနဲ့အတူ ဖမ်းမိ

ရန်ကုန်၊ မေ ၂

ထိုင်းနိုင်ငံ၊ မဲဆောက်မြို့မှာ ဆိုင်ကယ်စီးလာတဲ့ မြန်မာလူငယ် ၂ ဦးကို သေနတ်တွေနဲ့အတူ ဖမ်းဆီးရမိခဲ့တယ်လို့ သိရပါတယ်။

မနေ့က မေလ ၁ ရက်၊ ညနေပိုင်းမှာ မဲဆောက်-အုံးဖျန်ကားလမ်းပေါ်မှာ အရှိန်ပြင်းပြင်းမောင်းလာတဲ့ မြန်မာလူငယ် ၂ ကို ထိုင်းရဲတပ်ဖွဲ့က စစ်ဆေးခဲ့ရာမှာ သူတို့နဲ့အတူ လက်နက် ၂ လက်ကိုပါ ဖမ်းဆီးရမိခဲ့တာပါ။

ဒီလိုစစ်ဆေးရာမှာ ဓာတ်မြေဩဇာအိတ်နဲ့ ပတ်ထားတဲ့ AK-47 မောင်းပြန်ရိုင်ဖယ်သေနတ် ၁ လက်နဲ့ တခြားစိစစ်ဆဲ လက်နက် ၁ လက်ကိုပါ တွေ့ရှိခဲ့တာပါ။

ဒါ့ကြောင့် အဲဒီလူငယ် ၂ ဦးကို ဖမ်းဆီးစစ်ဆေးနေတယ်လို့ သိရပါတယ်။

ထိုင်းသွားဖို့သားအမိနှစ်ဦး ထွက်လာချိန် ထိုင်း-မြန်မာ အမှတ် ၁ ချစ်ကြည်ရေးတံတားအရောက် အမေဖြစ်သူအမျိုးသမီး ဦးနှောက်သွေးကြော...
03/05/2023

ထိုင်းသွားဖို့သားအမိနှစ်ဦး ထွက်လာချိန် ထိုင်း-မြန်မာ အမှတ် ၁ ချစ်ကြည်ရေးတံတားအရောက် အမေဖြစ်သူအမျိုးသမီး ဦးနှောက်သွေးကြောပြတ်ပြီး လဲကျသေဆုံး

ရန်ကုန်၊ မေ ၂

ဒီနေ့ မေလ ၂ ရက်မှာ မြန်မာနိုင်ငံကနေ ထိုင်းနိုင်ငံကို ထွက်လာတဲ့ သားအမိ ၂ ဦး ဟာ ထိုင်း-မြန်မာ အမှတ် ၁ ချစ်ကြည်ရေးတံတားပေါ်အရောက် အမေဖြစ်သူ မခင်မာရီဟာ ဦးနှောက်သွေးကြောပြတ်ပြီး လဲကျသေဆုံးသွားတယ်လို့ သိရပါတယ်။

ဒီနေ့ မေလ ၂ ရက် မနက်ပိုင်းမှာ တာချီလိတ်မြို့ အမှတ် ၁ ချစ်ကြည်ရေးတံတားပေါ်မှာ အသက် ၅၇ နှစ်အရွယ် မခင်မာရီဆိုတဲ့ အမျိုးသမီးဟာ လဲကျသေဆုံးသွားတာပါ။

မခင်မာရီဟာ သားဖြစ်သူနဲ့အတူ ထိုင်းနိုင်ငံမယ်ဆိုင်မြို့ဘက်ကို သွားရောက်ဖို့ TBP ကတ်လုပ်ပြီး တံတားပေါ်ကအထွက်မှာ အခုဖြစ်စဉ် ဖြစ်ပွားခဲ့တာပါ။

သေဆုံးသူ မခင်မာရီဟာ တာချီလိတ်မြို့နယ်၊ အောင်ချမ်းသာရပ်ကွက်၊ လွယ်တော်ခမ်းမှာ နေထိုင်ပြီး သွေးတိုးရှိတယ်လို့လည်း သိရပါတယ်။

လှည်းကူးက ရေသန့်ဆည်မြောင်းမှာ ရေဆင်းခပ်ရာက ကိုရင်တစ်ပါး ရေနစ်ပျံလွန်တော်မူရန်ကုန်၊ မေ ၂ ရန်ကုန်တိုင်းဒေသကြီး၊ လှည်းကူးမြ...
03/05/2023

လှည်းကူးက ရေသန့်ဆည်မြောင်းမှာ ရေဆင်းခပ်ရာက ကိုရင်တစ်ပါး ရေနစ်ပျံလွန်တော်မူ

ရန်ကုန်၊ မေ ၂

ရန်ကုန်တိုင်းဒေသကြီး၊ လှည်းကူးမြို့နယ်ထဲက ရေသန့်ဆည်မြောင်းထဲမှာ ရေဆင်းခပ်ရာက ကိုရင်တစ်ပါး ရေနစ်ပျံလွန်တော်မူသွားပါတယ်။

ဒီနေ့ မေလ ၂ ရက် မနက်ပိုင်းက ရန်ကုန်တိုင်း၊ လှည်းကူးမြို့နယ်၊ ကလီထော် အနောက်ကျေးရွာက မဟာဝိဟာရကျောင်းတိုက်အနီး ရေသန့်ဆည်မြောင်းအတွင်း ရေဆင်းခပ်ရာကနေ မြောင်းထဲပြုတ်ကျပြီး ရေနစ်ခဲ့တာလို့ သိရပါတယ်။

ရေနစ်ပျောက်ဆုံးသွားတဲ့ ကိုရင်ကို မြို့နယ်မီးသတ်တပ်ဖွဲ့က ရှာဖွေကယ်ဆယ်ရေးလုပ်ကြတဲ့အခါ အလောင်းကို မနက် ၁၁ နာရီမှာ ပြန်လည်တွေ့ရှိခဲ့ရတယ်လို့ သိရပါတယ်။

အဲဒီကိုရင်ဟာ ဒုလ္လဘဝတ်နေတဲ့ကိုရင်မဟုတ်ဘဲ စာသင်တိုက်မှာ စာသင်ယူနေတဲ့ ကိုရင်ဖြစ်ပါတယ်။

ပူပြင်းခြောက်သွေ့လို့ အရာတော်မြို့နယ်မှာ သောက်သုံးရေရှားနေရန်ကုန်၊ မေ ၂စစ်ကိုင်းတိုင်းဒေသကြီး၊ မုံရွာခရိုင် အရာတော်မြို့...
03/05/2023

ပူပြင်းခြောက်သွေ့လို့ အရာတော်မြို့နယ်မှာ သောက်သုံးရေရှားနေ

ရန်ကုန်၊ မေ ၂

စစ်ကိုင်းတိုင်းဒေသကြီး၊ မုံရွာခရိုင် အရာတော်မြို့နယ်မှာ ပူပြင်းခြောက်သွေ့ပြီး သောက်သုံးရေရှားပါးပြတ်လပ်နေတယ်လို့ သိရပါတယ်။

ဒီနှစ် နွေရာသီမှာ စံချိန်တင်အပူကြောင့် သင်္ကြန်ပွဲကျင်းပတဲ့ ဧပြီလ ဒုတိယပတ်ကစပြီး အရာတော်မြို့နယ်မှာ သောက်သုံးရေ ရှားပါးပြတ်လပ်နေတာပါ။

ဒါ့ကြောင့် မီးသတ်တပ်ဖွဲ့ဝင်တွေက ရေသယ်ယာဉ်တွေသုံးပြီး ရေလှူပေးနေရတယ်လို့ သိရပါတယ်။

ဂွမြို့မှာ တစ်ပါးတည်းသီတင်းသုံးတဲ့ ဆရာတော်တစ်ပါး ဓားခုတ်ခံရပြီး ဖုန်းနဲ့ငွေ လုယက်ခံရရန်ကုန်၊ မေ ၂ရခိုင်ပြည်နယ်၊ ဂွမြို့န...
03/05/2023

ဂွမြို့မှာ တစ်ပါးတည်းသီတင်းသုံးတဲ့ ဆရာတော်တစ်ပါး ဓားခုတ်ခံရပြီး ဖုန်းနဲ့ငွေ လုယက်ခံရ

ရန်ကုန်၊ မေ ၂

ရခိုင်ပြည်နယ်၊ ဂွမြို့နယ်၊ ရဟိုင်းကွင်းကျေးရွာမှာ ဒီနေ့ မေလ ၂ ရက် မနက်ပိုင်းက ဆရာတော်တစ်ပါးဓားခုတ်ခံရပြီး ဖုန်းနဲ့ငွေ လုယက်ခံရတယ်လို့ သိရပါတယ်။

ဂွမြို့နယ်၊ ရဟိုင်းကွင်းကျေးရွာ ရွှေနန်းခိုင်ဘုရားမှာ တစ်ပါးတည်းသီတင်းသုံးပြီး ဓားဒဏ်ရာတွေနဲ့လဲကျနေတဲ့ ဆရာတော်ကို ဒီနေ့ မနက်ပိုင်းမှာ အရုဏ်ဆွမ်းလာကပ်တဲ့ ဒကာ၊ ဒကာမတွေက တွေ့ခဲ့ရတာပါ။

အဲဒီလို ဒဏ်ရာတွေရတာကြောင့် ဂွမြို့နယ်ဆေးရုံကို ပို့ဆောင်ပေးခဲ့ပေမယ့်လည်း ဒဏ်ရာတွေများတာကြောင့် သံတွဲဆေးရုံကိုပို့ဆောင်ပေးခဲ့ပေမယ့် ပျံလွန်တော်မူသွားတာဖြစ်ပါတယ်။

လက်ရှိမှာတော့ အခင်းဖြစ်စဉ်နဲ့ပတ်သက်ပြီး လုံခြုံရေးတပ်ဖွဲ့ဝင်တွေက စုံစမ်းနေတယ်လို့ သိရပါတယ်။

I have reached 1.5K followers! Thank you for your continued support. I could not have done it without each of you. 🙏🤗🎉
03/05/2023

I have reached 1.5K followers! Thank you for your continued support. I could not have done it without each of you. 🙏🤗🎉

မြောက်ဒဂုံ မနေ့ညက မီးလောင်မှုမှာ လူ ၄ ဦးသေဆုံးရန်ကုန်၊ ဇန်နဝါရီ ၂၅မနေ့ကည သန်းခေါင်ကျော်အချိန်က မြောက်ဒဂုံမြို့နယ်၊ ၃၃ ရ...
25/01/2023

မြောက်ဒဂုံ မနေ့ညက မီးလောင်မှုမှာ လူ ၄ ဦးသေဆုံး

ရန်ကုန်၊ ဇန်နဝါရီ ၂၅

မနေ့ကည သန်းခေါင်ကျော်အချိန်က မြောက်ဒဂုံမြို့နယ်၊ ၃၃ ရပ်ကွက်မှာ မီးလောင်ခဲ့ပြီး လူ ၄ ဦး မီးထဲပါသွားကာ သေဆုံးသွားတယ်လို့ သိရပါတယ်။

မနေ့က ညပိုင်း ၂ နာရီ မိနစ် ၂၀ ခန့်က ဒဂုံမြို့သစ်(မြောက်ပိုင်း)မြို့နယ်၊ (၃၃)ရပ်ကွက်၊ စိန်ပန်းမြိုင် (၁)လမ်းက နေအိမ်တစ်အိမ်မှာ မီးလောင်မှုဖြစ်ခဲ့တယ်လို့ သိရပါတယ်။

အဲ့ဒီမီးလောင်မှုဖြစ်ပွားခဲ့တဲ့ နေအိမ်မှာနေထိုင်တဲ့ မိသားစုဝင် အမျိုးသား ၁ ဦးနဲ့ အမျိုးသမီး ၃ ဦး တို့ဟာ မီးလောင်မှုထဲ ပိတ်မိပြီး သေဆုံးသွားခဲ့တယ်လို့ ပရဟိတ အဖွဲ့တွေဆီက သိရပါတယ်။

မီးလောင်မှုကို မီးသတ်အဖွဲ့က Level 1 အဆင့်သတ်မှတ်ကာ နာရီဝက်ကျော်ကြာ ငြှိမ်းသတ်ခဲ့ရတယ်လို့ သိရပါတယ်။

စစ်တွေမှာ အမွေကိစ္စနဲ့ မိသားစုအလိုက် လေးလောင်းပြိုင် လူသတ်မှုဖြစ်ရန်ကုန်၊ ဇန်နဝါရီ ၁၈ရခိုင်ပြည်နယ်၊ စစ်တွေမြို့မှာ မနေ့က...
18/01/2023

စစ်တွေမှာ အမွေကိစ္စနဲ့ မိသားစုအလိုက် လေးလောင်းပြိုင် လူသတ်မှုဖြစ်

ရန်ကုန်၊ ဇန်နဝါရီ ၁၈

ရခိုင်ပြည်နယ်၊ စစ်တွေမြို့မှာ မနေ့က မနက်ပိုင်းက မိသားစုအချင်းချင်း အမွေကိစ္စ စကားများရန်ဖြစ်ရာက လေးလောင်းပြိုင် လူသတ်မှု ဖြစ်ပွားခဲ့ပါတယ်။

မနေ့က ဇန်နဝါရီလ ၁၇ ရက် မနက်ပိုင်းက စစ်တွေမြို့၊ အောင်တိုင်ကျေးရွာအုပ်စု၊ ပလ္လင်ပြင် မွတ်ဆလင် ရွာသစ်မှာ အဆိုပါ လေးလောင်းပြိုင်လူသတ်မှု ဖြစ်ခဲ့တာပါ။

အဲ့ဒီဖြစ်စဉ်မှာ အမျိုးသား ၂ ဦးနဲ့ အမျိုးသမီး ၂ ဦးဟာ ဓားဒဏ်ရာတွေ အများအပြားနဲ့ သေဆုံးသွားတာဖြစ်ပြီး သေဆုံးသူတွေဟာ ပလ္လင်ပြင်ကျေးရွာမှာနေထိုင်တဲ့ ဦးဘော်ဒီရာမန် (၃၅)နှစ်၊ ဒေါ်ဖာတေဘာခါတူ (၅၅)နှစ်၊ ဦးဘော်ဆီရာမောက် (၃၆)နှစ်အရွယ်နဲ့ ဒေါ်အာလီမာခါတူ (၃၇)နှစ် တို့ဖြစ်ကြတယ်လို့ သိရပါတယ်။

အဲ့ဒီ လေးလောင်းပြိုင် လူသတ်မှုကို ကျူးလွန်ခဲ့သူ မိသားစုဝင် ၆ ဦးကတော့ ကျေးရွာကနေ ထွက်ပြေးသွားတယ်လို့ ဒေသတွင်းသတင်းတွေအရ သိရပါတယ်။

လူသတ်မှု ကျူးလွန်သူတွေဟာ မိသားစုဝင် ညီအရင်းတစ်ယောက်အပါအဝင် မိသားစုဝင်ငါးဦးက ကျူးလွန်ခဲ့ကြတာလို့ ဆိုပါတယ်။

လက်ရှိမှာ သေဆုံးသူတွေရဲ့ ရုပ်အလောင်းတွေကို စစ်တွေမြို့ပြည်သူ့ဆေးရုံကြီး ရင်ခွဲရုံကို ပို့ဆောင်ထားတယ်လို့ သိရပါတယ်။

ဒေါနစစ်ကြောင်း မွမ်းမံသင်တန်းဆင်းပွဲအခမ်းအနား NUGဝန်ကြီးချုပ်တက်ရောက်ပြီး လက်နက်များပေးအပ်၊အာဏာရှင်နိဂုံးချုပ်တော့မည်ဟု ...
18/01/2023

ဒေါနစစ်ကြောင်း မွမ်းမံသင်တန်းဆင်းပွဲအခမ်းအနား NUGဝန်ကြီးချုပ်တက်ရောက်ပြီး လက်နက်များပေးအပ်၊
အာဏာရှင်နိဂုံးချုပ်တော့မည်ဟု ပြောကြား
-----------------------------------------------
ရန်ကုန်၊ ဇန်နဝါရီ ၁၇၊ ၂၀၂၃

ဒီနေ့မှာပြုလုပ်တဲ့ တောင်ပိုင်းစစ်ဒေသ၊ အမှတ်(၃) စစ်ဒေသခွဲရှိ ပြည်သူ့ကာ ကွယ်ရေးတပ်မတော် ဒေါနစစ်ကြောင်းရဲ့ မွမ်းမံသင်တန်းဆင်းပွဲအခမ်းအနားကို အမျိုးသားညီညွတ်ရေးအစိုးရNUG၊ ပြည်ထောင်စုဝန်ကြီးချုပ် မန်းဝင်းခိုင်သန်းတက်ရောက်ခဲ့ပါတယ်။

တစ်နှစ်တာမဟာဗျူဟာ စီမံချက်ကို ရေးဆွဲအကောင်အထည်ဖော်ဆောင်ရွက်နေကြောင်း၊ အောင်မြင်သင့်သလောက် အောင်မြင်နေပြီဖြစ်ကြောင်း၊ အကြမ်း ဖက်စစ်ကောင်စီကို မြန်မာတစ်ပြည်လုံးက တိုင်းရင်းသားပြည်သူတစ်ရပ်လုံး အားကောင်းမောင်းသန်တော်လှန်တိုက်ထုတ်နေသည့်အတွက် အာဏာရှင်တို့နိဂုံးချုပ်တော့မည်ဖြစ်ကြောင်း၊ ပြည်တွင်းပြည်ပ အင်အားစုအားလုံး ဟန်ချက် ညီညီ၊ စုဖွဲ့မှုအရှိန်အဟုန်ကောင်းမွန်စွာဖြင့်ရှေ့ဆက်နေနိုင်ပြီဖြစ်ကြောင်း၊ နိုင်ငံရေး၊ စစ်ရေး ထူးကဲသာလွန်သည့် အကျိုးရလဒ်များ ဖြစ်ပေါ်တိုးတက်လျက်ရှိပါကြောင်းစတာတွေကို မိန့်ခွန်းမှာ ထည့်သွင်းပြောကြားခဲ့တယ်လို့ NUGကအခုညမှာ သတင်းထုတ်ပြန်ပါတယ်။

NUG ခေါင်းဆောင်များဟာ တော်လှန်ရေးရဲဘော်တွေနဲ့အတူ မြေပြင်မှာ တသားတည်းရှိနေပြီး စစ်မြေပြင်လိုအပ်ချက်တွေ ဖြည့်ဆည်းပေးနိုင်ဖို့ စစ်ဒေသကြီးအလိုက် ပြင်ဆင်ဆောင်ရွက်လျက်ရှိကြောင်း၊ တိုင်းရင်းသားမဟာမိတ်တော်လှန်ရေးအဖွဲ့တွေနဲ့လည်း NUGကညီညီညွတ်ညွတ် စည်းစည်းလုံးလုံး ပေါင်းစပ်ညှိနှိုင်းလုပ်ကိုင်နေကြပါကြောင်း၊ တော်လှန်ရေးမှာ အုတ်တစ်ချပ် သဲတစ်ပွင့် ပါဝင်နေကြသူတွေအားလုံးရဲ့ ဇွဲနဘဲကြီးမှုကြောင့် မကြာမီ တော်လှန်ရေးအောင်ပွဲအသီးအပွင့်များကို ခံစားကြရတော့မှာဖြစ်ပြီး ပြည်သူ့ကာကွယ်ရေးတပ်မတော်ရဲဘော်များအားလုံး ယုံကြည်ချက်ခိုင်မာစွာထားရှိပြီး အာဏာရှင်စနစ် အပြီးတိုင်ချုပ်ငြိမ်းရေးနဲ့ အကြမ်းဖက်စစ်ကောင်စီကို အမြစ်ပြတ်ချေမှုန်းနိုင်ရေး ယခုကြိုးစားအားထုတ်နေမှုထက် ပိုမိုအားစိုက်ထုတ်ပေးကြဖို့ ဝန်ကြီးချုပ်ကတိုက်တွန်းခဲ့ပါတယ်။

ပြည်ထောင်စုဝန်ကြီးချုပ်က ဒေါနစစ်ကြောင်းတာဝန်ရှိသူထံကို လက်နက်တွေပေးအပ်ခဲ့ပြီး ငွေကျပ်(၁၀)သိန်းပေးအပ်ခဲ့ကြောင်းလည်း သိရပါတယ်။

သင်တန်းဆင်းပွဲကို ပြည်ထောင်စုဝန်ကြီးချုပ် မန်းဝင်းခိုင်သန်း၊ အမျိုးသမီး၊ လူငယ်နှင့် ကလေးသူငယ်ရေးရာဝန်ကြီးဌာန ဒုတိယဝန်ကြီး ဒေါ်အိသဉ္ဇာမောင်၊ တောင်ပိုင်းတိုင်းစစ်ဒေသမှ ဗိုလ်မှူးကြီးစောဖီးနစ်၊ တောင်ပိုင်းတိုင်းစစ်ဒေသ၊ အမှတ်(၃) စစ်ဒေသခွဲ၊ ဒု-စစ်ဒေသမှူး ဗိုလ်စောရှား နှင့် တာဝန်ရှိသူများတက်ရောက်ခဲ့ကြပါတယ်။

ဓါတ်ပုံ-NUG

ထန်းတပင်ပစ်ခတ်မှု ၈ လ ကလေးအပါအဝင် အုပ်ချုပ်ရေးမှူး နှစ်ဦးလည်း သေဆုံးရန်ကုန်၊ ဇန်နဝါရီ ၁၈ပဲခူးတိုင်း၊ တောင်ငူခရိုင်၊ ထန်...
18/01/2023

ထန်းတပင်ပစ်ခတ်မှု ၈ လ ကလေးအပါအဝင် အုပ်ချုပ်ရေးမှူး နှစ်ဦးလည်း သေဆုံး

ရန်ကုန်၊ ဇန်နဝါရီ ၁၈

ပဲခူးတိုင်း၊ တောင်ငူခရိုင်၊ ထန်းတပင်မြို့နယ်မှာ မနေ့က သေနတ်ပစ်ခတ်မှုဖြစ်ခဲ့ပြီး အသက် ၈ လအရွယ် ကလေးငယ်တစ်ဦး အပါအဝင် အုပ်ချုပ်ရေးမှူး နှစ်ဦးလည်းသေဆုံးသွားတယ်လို့ သိရပါတယ်။

မနေ့က မနက် ၁၁ နာရီခန့်က ထန်းတပင်မြို့နယ်၊ ချောင်းဝကျေးရွာအုပ်စု၊ ရွာသာယာကျေးရွာရဲ့ အုပ်ချုပ်ရေးမှူးပစ်ခတ်ခံရကာ အဲ့ဒီပစ်ခတ်မှုမှာ အသက် ၈ လ အရွယ် ကလေးတစ်ဦးလည်း နဖူးမှာ ကျည်ဖောက်ဝင်ဒဏ်ရာတွေ ရသွားတယ်လို့ သိရပါတယ်။

သေနတ်ကျည်ဒဏ်ရာရသွားတဲ့ အဲ့ဒီ ၉ လအရွယ်ကလေးကို လူမှုကူညီရေးအသင်းတွေက တောင်ငူခရိုင်ပြည်သူ့ဆေးရုံပို့ခဲ့ပြီး အဲ့ဒီဆေးရုံကနေ အရေးပေါ်အခြေအနေဖြစ်တဲ့အတွက် နေပြည်တော် ကုတင် ၁၀၀၀ ဆေးရုံကြီးကို ထပ်မံပို့ဆောင်စဉ် ကလေးငယ်ဟာ သေဆုံးသွားတယ်လို့ သိရပါတယ်။

မနေ့ကမနက်ပိုင်းက ဖြစ်ပွားခဲ့တဲ့အဲ့ဒီပစ်ခတ်မှုမှာ ကျေးရွာအုပ်ချုပ်ရေးမှူးဟောင်းနဲ့ လက်ရှိအုပ်ချုပ်ရေးမှူးတို့လည်း နေရာမှာပဲ သေဆုံးသွားတယ်လို့ သိရပါတယ်။

17/01/2023

I've received 1,000 reactions to my posts in the past 30 days. Thanks for your support. 🙏🤗🎉

ที่อยู่

26/1 Gp 17 Soi Chadsanprasarnmitr Onnuch Racha Thaewa Bang Phli
Bangkok
10540

เว็บไซต์

แจ้งเตือน

รับทราบข่าวสารและโปรโมชั่นของ Khit ALinnผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท