02/10/2025
ONE Fight Night 36 ပြိုင်ပွဲမှာ Aung La N Sang နဲ့ Zebaztian Kadestam တို့က မစ်ဒယ်ဝိတ်တန်းမှာ ကစားကြမယ်။ အားလုံးသိကြတဲ့အတိုင်းပဲ ဒါကလည်း Aung La N Sang ရဲ့ နောက်ဆုံးပွဲဖြစ်ပါတယ်။ မြန်မာပြည်သိန်းတန်ရဲ့ အာဘော်ကို ပြန်သုံးရရင် Zebaztian Kadestam ဆိုတာကလည်း ခေသူမဟုတ်။ ONE Championship မှာ ဝယ်တာဝိတ်ချန်ပီယံဖြစ်ဖူးတဲ့အထိ ပေါက်မြောက်ဖူးတယ်။ နောက်ဆုံးပွဲမှာဆိုရင် စူပါစတား Roberto Soldic ကိုတောင် တီးထုတ်ထားတာမလား။
အခုပွဲမှာလည်း Zebaztian Kadestam က စိတ်လှုပ်ရှားနေတယ်။ Aung La N Sang ရဲ့ နောက်ဆုံးပွဲမှာ ကစားခွင့်ရတဲ့အတွက် ဂုဏ်ယူနေပုံပဲ။ ဒါကိုလည်း အတိအလင်း ဖွင့်ပြောထားပါတယ်။ ပွဲဝေးနေပေမယ့် သေချာပြင်ဆင်ထားတဲ့အကြောင်းကိုလည်း ထုတ်ပြောသွားတယ်။
"လာမယ့်ပွဲအတွက် အစီအစဉ်အတိုင်းပါပဲ။ ဝိတ်ကိစ္စ၊ လေ့ကျင့်ရေးကိစ္စ၊ အစားအသောက်နဲ့ စိတ်ပိုင်းဆိုင်ရာတွေက အဆင်သင့်ဖြစ်နေပါပြီ။ ကျွန်တော့်ဘက်က ပြည့်စုံသလောက်ဖြစ်နေပါပြီ။ Aung La N Sang ရဲ့ နောက်ဆုံးပွဲမှာ ကစားခွင့်ရတဲ့အတွက် ဂုဏ်ယူမိပါတယ်"
ဟုတ်ပါတယ်။ တကယ်တမ်းလည်း ဂုဏ်ယူစရာပါပဲ။ Aung La N Sang နဲ့ Zebaztian Kadestam တို့ကို သာမန်အချိန်မှာ တည်ပေးလိုက်ရင် ဒီလောက်မဟုတ်ပါဘူး။ အခုဟာက နောက်ဆုံးပွဲဖြစ်နေတာပါ။ အမှတ်တရအခြေအနေမို့ ဒီလိုပြောသွားတာပါ။ သမိုင်းဝင်တောင် ဖြစ်သွားနိုင်တယ်။ သူတို့ချင်း ဆက်ဆံရေးအကြောင်းကိုလည်း ထပ်လောင်းပြောသွားသေးတယ်။
"ကျွန်တော်တို့တွေက အချိန်အတော်ကြာအထိ ဘော်ဒါတွေ ဖြစ်ခဲ့တယ်။ ကျွန်တော်ကိုယ်တိုင်လည်း Aung La N Sang ပရိသတ်ပါပဲ။ Aung La N Sang ဆိုတာ ကြီးကျယ်ခမ်းနားတဲ့ ကစားသမားပါ။ အများကြီးလုပ်ပြထားပြီးပြီ။ ကျွန်တော့်ပြိုင်ဘက်ဟုတ်သည်ဖြစ်စေ၊ မဟုတ်သည်ဖြစ်စေ လေးစားမှုရှိပါတယ်"
"Aung La N Sang ရဲ့ အောင်မြင်မှုက မနည်းဘူးလေ။ အဲဒါကြောင့်မို့လည်း စိတ်လှုပ်ရှားနေတာပါ။ Aung La N Sang ကိုယ်တိုင်ကလည်း ကျွန်တော့်လို ပြိုင်ဘက်ကို ရင်ဆိုင်ရတဲ့အတွက် ကျေနပ်မယ်လို့ ယူဆပါတယ်။ တကယ်ကောင်းတဲ့ ကစားသမားနှစ်ယောက်။ ပြီးတော့ သူငယ်ချင်းနှစ်ယောက်။ အောင်နိုင်သူက တစ်ယောက်တည်းပေါ့လေ။ ပရိသတ်တွေလည်း သဘောကျကြမှာပါ"
"ကျွန်တော်က ပါဝါတင်ထားတယ်။ အခုပွဲမှာ ကျွန်တော့်ရဲ့ အလန်းစား Striking Skill ကို မြင်ကြရလိမ့်မယ်။ ကျွန်တော်က အလဲထိုးဖို့ပဲ စဉ်းစားထားတယ်။ ဒါပေမယ့် ဘာဆက်ဖြစ်မလဲ စောင့်ကြည့်ကြမယ်လေ။ ကျွန်တော့်ရည်မှန်းချက်ကတော့ အလဲထိုးဖို့ပါပဲ"
Zebaztian Kadestam က အလဲထိုးမယ်လို့ ကြွေးကြော်နေပေမယ့် ပြိုင်ဘက်ကို လျှော့မတွက်ပါဘူး။ Aung La N Sang ဆိုတာကလည်း လျှော့တွက်လို့ရတဲ့ ကစားသမားမှ မဟုတ်တာလေ။ အကြီးတန်းပါဝါဆိုတော့ အဝင်မှားရင် နားထင်ပြားမှာပဲ။ Zebaztian Kadestam က နိုင်ပွဲဆက်နေပေမယ့် ပွဲဝေးနေတဲ့ အားနည်းချက်လေးရှိနေတယ်။
"Aung La N Sang လည်း သေချာပြင်ဆင်ထားမယ်ဆိုတာ သေချာပါတယ်။ နောက်ဆုံးပွဲမှာ ရှုံးချင်မှာ မဟုတ်ဘူးလေ။ ကျွန်တော်လည်း အိမ်စာလုပ်ထားပါတယ်။ Aung La N Sang က သူငယ်နှပ်စားမှ မဟုတ်တာပဲ။ အတွေ့အကြုံက မနည်းဘူးလေ။ တော်တော်အန္တရာယ်များတဲ့ ကစားသမားပါ"
"Aung La N Sang က လက်သီးကောင်းတယ်။ အလဲထိုးပါဝါရှိတယ်ဆိုတာ သေချာပါတယ်။ ကျွန်တော့်မှာလည်း အလဲထိုးပါဝါရှိတာပဲ။ အလဲထိုးပါဝါသမားတွေ တွေ့ကြတာဆိုတော့ ပွဲကောင်းဖြစ်မှာ သေချာပါတယ်။ ကြမ်းကုန်မယ်၊ ရမ်းကုန်မယ်။ ပရိသတ်တွေအတွက် ဖျော်ဖြေကြတာပေါ့လေ"
Zebaztian Kadestam က ပွဲကောင်းဖြစ်ဖို့ ရည်ရွယ်ထားပုံပဲ။ ခွန်အားချင်းပြိုင် လက်သီးချင်းဆိုင်ရင်တော့ သိပ်မလွယ်လှပါဘူး။ Aung La N Sang ဆိုတာက မစ်ဒယ်ဝိတ်တန်းမှာ ဆူဖြိုးနေလို့တောင် ဝိတ်ပိုနေတာပါ။ ဝယ်တာဝိတ်သမား Zebaztian Kadestam က မစ်ဒယ်ဝိတ်တန်းကို တက်ထိုးရတာမလား။ ဝင်လုံးနိုင်မှပဲ ရလဒ်ကောင်းနိုင်တာပါ။ Striking Skill မယှဉ်မိဖို့ အရေးကြီးတယ်။ အရပ်၊ အလုံးအထည်နဲ့ ပါဝါတွေက မြင်မကောင်းအောင် ကွာနေပါလိမ့်မယ်။ စာဖတ်သူတွေ ဘေးကင်းပါစေ။
+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷
ဘောလုံးပွဲတွေလောင်းရတာ ဝါသနာပါသူတွေအတွက် သတင်းအချက်အလက်တွေကို တစ်နေရာတည်းမှာ စုံစုံလင်လင် ရှာဖွေနိုင်ဖို့ဆိုတာ မလွယ်ကူပါဘူး။ ဒါပေမယ့် Golden Goal Myanmar က အကောင်းဆုံးအဖြေတစ်ခုပါ။ Application မှာ ပွဲစဉ်တွေရဲ့ စဖွင့်စျေး ၊ မနက်ပိုင်းစျေး ၊ ညနေပိုင်းစျေးတွေ၊ နိုင်ခြေ/ရှုံးခြေ ဂိုးပေါ်/ဂိုးအောက် ရာခိုင်နှုန်းတွေအပြင် နောက်ဆုံး ၅ ပွဲကြေးအောင်ရှုံးအချက်အလက်တွေနဲ့ ပွဲကြိုအချက်အလက်တွေ သုံးသပ်ချက်တွေကိုပါ တိကျမှန်ကန်စွာ ဖော်ပြပေးထားပါတယ်။ ဒါ့အပြင် အထူးပွဲရွေးချယ်မှုတွေကိုပါ တင်ဆက်ပေးနေတာမို့ ကိုယ့်ရဲ့နိုင်ခြေကို ပိုမိုတိုးတက်စေမှာပါ။ ဘောလုံးပွဲစဉ် ခန့်မှန်းမှုတွေအတွက် သတင်းအချက်အလက်အစုံအလင်ကို အချိန်တိုအတွင်းမှာ ဖတ်ရှုနိုင်ဖို့ Golden Goal Myanmar ကို ယခုပဲ ဒေါင်းလုဒ်ဆွဲလိုက်ပါ။
Reference Source - SCMP MMA
Photo Credit - ONE Championship
ကျော်စိုးအောင် (Myanmar Fight Edition)
