เว็บไซต์คืออะไร?

https://www.facebook.com/122609077407343/

KAUNG MRAT NEWS., Bangkok (2025)

23/07/2025

ဧရာဝတီမြစ်အတွင်း စစ်ကောင်စီ သင်္ဘောများအား PDF တိုက်ခိုက်မှု ရုပ်သံ ထွက်ပေါ်

AB News - ဇူလိုင် ၂၃

ဧရာဝတီမြစ်ကြောင်းအတိုင်း ဆန်တက်လာသည့် စစ်ကောင်စီသင်္ဘောအုပ်စုကို ပြည်သူ့ကာကွယ်ရေးတပ်မတော် (မန္တလေး) က မြစ်ကြောင်းတစ်လျှောက် တိုက်ခိုက်ခဲ့ရာ သင်္ဘောတစ်စီးနစ်မြုပ်ပြီး သုံးစီး မီးလောင်ပျက်စီးသွားကြောင်း ဇူလိုင် ၂၀ ရက်နေ့တွင် ထုတ်ပြန်လိုက်သည်။

ဇူလိုင် ၁၇ ရက်နေ့ကစပြီး မန္တလေး၊ ဂေါဝန်ဆိပ်ကမ်းမှ ဧရာဝတီမြစ်ကြောင်းအတိုင်း ဆန်တက်လာသည့် စစ်ကောင်စီ၏ စစ်သင်္ဘော ၅ စီးအပါအဝင် စုစုပေါင်း သင်္ဘော ၁၄ စီးပါဝင်သော စစ်ကြောင်းကို မတ္တရာမြို့နယ်၊ စဉ့်ကူးမြို့နယ်နှင့် သပိတ်ကျင်းမြို့နယ်များမှနေ၍ ဖြတ်တောက်ပိတ်ဆို့ တိုက်ခိုက်ခဲ့ကြောင်း သိရသည်။

မန္တလေး PDF ၏ မြစ်ကြောင်းတစ်လျှောက် တိုက်ခိုက်မှုကြောင့် လက်နက်ခဲယမ်းနှင့် ရိက္ခာများ တင်ဆောင်ထားသည့် စစ်ကောင်စီ၏ တွဲတွန်းသင်္ဘော ၁ စီး နစ်မြုပ်သွားခဲ့ပြီး စစ်သင်္ဘော ၁ စီးနှင့် အခြားတွန်းသင်္ဘော ၂ စီးလည်း မီးလောင်ပျက်စီးသွားခဲ့ကြောင်း ထုတ်ပြန်ချက်တွင် ဖော်ပြထားသည်။

အဆိုပါ မန္တလေး ဂေါဝန်ဆိပ်ကမ်းမှ တက်လာသည့် စစ်ကောင်စီ သင်္ဘောအုပ်စုကို လက်နက်ကြီးများ၊ စနိုက်ပါများဖြင့် ပစ်ခတ်တိုက်ခိုက်ခဲ့သည့် မှတ်တမ်းရုပ်သံကို ဗိုလ်လင်းယုန်တပ်ဖွဲ့က ဇူလိုင် ၂၃ ရက် (ယမန်နေ့) က ထုတ်ပြန်ခဲ့ခြင်းဖြစ်သည်။

အဆိုပါတိုက်ခိုက်မှုကို သပိတ်ကျင်းတိုက်နယ် (ပကဖ) ဗိုလ်လင်းယုန်တပ်ဖွဲ့နှင့် တိုင်းစစ်ဌာနချုပ် ကွပ်ကဲမှုအောက်မှ တပ်ရင်းတပ်ဖွဲ့များ ပူးပေါင်းပြီး တိုက်ခိုက်ခဲ့ခြင်းဖြစ်ကြောင်း သိရသည်။

Video - Bo Linn Yone

23/07/2025

မင်းအောင်လှိုင်က အမေရိကန်နှင့်ပြေလည်ရန် ကြိုးစားနေချိန် မြန်မာစစ်ကောင်စီကို ပစ်မှတ်ထား ပိတ်ဆို့ အရေးယူမည့် ဥပဒေကြမ်း ၃ ခုကို အမေရိကန်လွှတ်တော် ကော်မတီများက အတည်ပြု

KAUNG MRAT NEWS. ၊ ဇူလိုင် ၂၃

အကြမ်းဖက် စစ်ခေါင်းဆောင် မင်းအောင်လှိုင်က အမေရိကန်နှင့်ပြေလည်ရေး ကြိုးစားနေချိန် မြန်မာစစ်ကောင်စီကို ပစ်မှတ်ထား ပိတ်ဆို့ အရေးယူမည့် ဥပဒေ ကြမ်း ၃ ခုကို အမေရိကန်လွှတ်တော်ရေးရာ ကော်မတီများက အတည် ပြုလိုက်ကြောင်း သိရှိရသည်။

🙏 တောင်းပန်ပါတယ် မိတ်ဆွေတို့အားလုံး...
မှန်ကန်တဲ့ သတင်းတွေကို ဖတ်ချင်ရင်
KAUNG MRAT NEWS ကို အခုချိန်မှာပဲ 👉 Follow လုပ်ပေးကြပါဦး။
တစ်ချက်တည်းနဲ့ — သတင်းတရားနဲ့ ချိတ်ဆက်နေပြီဖြစ်လို့
စိတ်ချစွာဖတ်ရှုနိုင်မှာ ဖြစ်ပါတယ်။

အမေရိကန်စံတော်ချိန် ဇူလိုင် ၂၂ ရက်နေ့( မြန်မာစံတော်ချိန် ဇူလိုင်လ ၂၃ ရက် နေ့) အမေရိကန်အောက်လွှတ်တော်၏ ရေးရာကော်မတီများက မြန် မာနိုင်ငံဆိုင်ရာ ဥပဒေကြမ်း ၃ ခုကို တစ်နေ့တည်း အတည်ပြုလိုက်ခြင်းဖြစ်သည်။

လက်ရှိ အမေရိကန်၏ ဒဏ်ခတ် ပိတ်ဆို့မှုများအပြင် မြန်မာစစ်ကောင်စီကို ထပ်မံ၍ ပစ်မှတ်ထား ဦးတည် ပိတ်ဆို့ အရေးယူမည့် မြန်မာစစ်ကောင်စီထံသို့ ဘဏ္ဍာရန်ပုံငွေ မရောက်ရှိရေး ဥပဒေကြမ်း No New Burma Funds Act (H.R.4423) ၊ မြန်မာစစ်တပ်နှင့် ဆက်နွယ်နေသော စီးပွားရေးလုပ်ငန်းများကို ပိတ်ဆို့ အရေးယူမည့် BRAVE Burma Act (H.R.3190) ဥပဒေကြမ်း၊ မြန်မာနိုင်ငံအတွင်း လူမျိုးတုန်းသတ်ဖြတ်မှုများနှင့် စစ်ရာဇဝတ်မှုများအတွက် မြန်မာစစ်တပ်ကို ဒဏ်ခတ်မည့် Burma Genocide Accountability and Protection Act (Burma GAP Act- H.R.4140) ဥပဒေကြမ်း တို့ကို အမေရိကန်အောက်လွှတ်တော်ရေးရာ ကော်မတီများက အတည်ပြုလိုက်ခြင်းဖြစ်သည်။

အဆိုပါ ဥပဒေကြမ်း ၃ ခုသည် ဥပဒေအဖြစ် အသက်ဝင်လာရေး အောက် လွှတ်တော်နှင့်အထက်လွှတ်တော်တွင် ဆက်လက် တင်သွင်း ဆုံးဖြတ် အတည် ပြုရမည်ဖြစ်ပြီး လွှတ်တော်ရေးရာ ကော်မတီများက ကန့်ကွက်သူမရှိဘဲ အတည် ပြုပြီးဖြစ်၍ ဥပဒေအဖြစ် အသက်ဝင်ရန် အလားအလာအများဆုံးဖြစ်နေသည်ဟု သိရှိရသည်။

မင်းအောင်လှိုင်က အမေရိကန်သမ္မတထရမ့်နှင့် အခွန်ကောက်ခံမှု တိုးမြှင့်မှု အပေါ် မူတည်၍ ဆက်ဆံရေး အဆင်ပြေရန် ကြိုး စားနေချိန် အမေရိကန်လွှတ်တော်က မြန်မာပြည်သူများကို ထောက်ခံအားပေးပြီး မြန်မာပြည်သူများ၏ဒီမိုကရေစီအရေး၊ တရားမျှတမှု၊ လူသားချင်းစာနာမှုနှင့် စစ်အုပ်စုလက်အောက်မှ လွတ်မြောက်ရေးတိုက်ပွဲဝင်နေသော မြန်မာပြည်သူများအတွက် တညီတညွတ်တည်း ရပ်တည်လျက်ရှိနေသည်ကို ဆက်လက် ပြသနေသည်ဟု အမေရိကန်ရောက် မြန်မာ့အရေးကျွမ်းကျင်သူတချို့က သုံးသပ်သည်။

အမေရိကန်လွှတ်တော်ရေးရာ ကော်မတီများက အတည်ပြုလိုက်သည့် ဥပဒေ ကြမ်း ၃ ခုအနက် BRAVE Burma Act (H.R.3190) သည် စစ်ကောင်စီနှင့် ဆက်စပ်နေသော နိုင်ငံပိုင် လုပ်ငန်းများ၊ မြန်မာ့စီးပွားရေးဘဏ်နှင့် လေယာဉ်ဆီထောက်ပံ့သူ နိုင်ငံခြားကုမ္ပဏီများကို ပိတ်ဆို့မှုများ တိုးမြှင့်ခြင်း၊ စစ်တပ် အာဏာသိမ်းထားသမျှ ကာလပတ်လုံး IMF-အပြည်ပြည်ဆိုင်ရာ ငွေကြေးရေးရန်ပုံငွေအဖွဲ့က မြန်မာစစ်ကောင်စီနှင့်ဆက်နွယ်နေသော အကူအညီပေးမှုများကို ကန့်သတ်ရေး လုပ်ဆောင်ရန်ဖြစ်သည်။

Burma Genocide Accountability and Protection Act (Burma GAP Act-H.R.4140) ဥပဒေကြမ်းက ရိုဟင်ဂျာ ဒုက္ခသည်များနှင့် နိုင်ငံတွင်း နေရပ်စွန့်ခွာ ရွှေ့ပြောင်းနေထိုင်သူ ဒုက္ခသည်များအတွက် လူသားချင်းစာနာထောက်ထားမှု အကူအညီများ ပေးခြင်း၊ လူမျိုးတုံးသတ်ဖြတ်မှုနှင့် ရာဇဝတ်မှုများအတွက် တရားမျှတမှုနှင့် ပြစ်ဒဏ်ပေးမှု ဆောင်ရွက်ခြင်း၊ ရိုဟင်ဂျာအပါအဝင် လူမျိုးစုအားလုံး ပါဝင်သည့် ဖက်ဒရယ်ဒီမိုကရေစီ အသွင်ကူးပြောင်းရေးကို ပံ့ပိုးခြင်း တို့ပါဝင်သည်ဟု သိရှိရသည်။

No New Burma Funds Act (H.R.4423) ဥပဒေကြမ်းမှာမူ စစ်ကောင်စီကို ကမ္ဘာ့ဘဏ်က ငွေကြေးထောက်ပံ့မှုများ ပိတ်ပင်ခြင်း၊ စစ်ကောင်စီထံသို့ငွေလွှဲပြောင်းမှုများကို ပိတ်ဆို့ အရေးယူခြင်း တို့ပါဝင်သည်။

"ဒီတစ်ပတ်ထဲမှာ အမေရိကန်အောက်လွှတ်တော်က စက်တင်ဘာလအထိ ခေတ္တ ရပ်နားဖို့ရှိနေတဲ့အတွက် ဆောင်းဦးရာသီလောက်မှ ဥပဒေအဖြစ် အတည် ပြုရေး ကိစ္စတွေ ဆက် လက် ဖြစ်ပေါ်လာမှာ" ဟု အမေရိကန်ရောက် မြန်မာ့အရေးကျွမ်းကျင်သူက သုံးသပ်ပြောဆိုသည်။

အမေရိကန်လွှတ်တော်ရေးရာ ကော်မတီများက အတည်ပြုလိုက်သည့် ဥပဒေ ကြမ်း ၃ ခုသည် အမေရိကန်အနေဖြင့် မြန်မာပြည်သူများ၏ဘက်တွင် ရပ် တည်နေပြီး တရားမျှတမှု၊ လူမျိုးစုအားလုံးပါဝင်မှုနှင့် ဒီမိုကရေစီအသွင်ကူး ပြောင်းရေးကို ထောက်ခံနေပြီး စစ်ကောင်စီ၏ #အရင်းအမြစ်များကို #ဖြတ်တောက်ရန်၊ #နွေဦးတော်လှန်ရေးနှင့် #မြန်မာပြည်သူများကို ပံ့ပိုးရန် ၊ #စစ်တပ်ကျူးလွန်ထားသော #ရာဇဝတ်မှုသက်သေများကို #ရှာဖွေထောက်ပံ့ #ကူညီပေးရန် #ရည်ရွယ်ထားကြောင်း သိရှိရသည်။

22/07/2025

■ နောင်ချိုမှာ အခြေခံပညာကျောင်းများ အမြန်ဆုံးဖွင့်လှစ်ရန် ဒုစစ်ခေါင်းဆောင် စိုးဝင်း ပြောကြား

KAUNG MRAT NEWS. | ဇူလိုင် ၂၂

၁၀၂၇ စစ်ဆင်ရေးအတွင်း ညီနောင်သုံးဖော်အဖွဲ့ဝင် တအောင်းတပ် TNLA သိမ်းပိုက် ထိန်းချုပ်ခဲ့သော ရှမ်းမြောက်ဒေသက နောင်ချိုမြို့ကို ဇူလိုင်လ ၁၆ ရက်နေ့တွင် အာဏာသိမ်း စစ်ကောင်စီက ပြန်လည်သိမ်းပိုက် ထိန်းချုပ်ထားသည်။

🙏 တောင်းပန်ပါတယ် မိတ်ဆွေတို့အားလုံး...
မှန်ကန်တဲ့ သတင်းတွေကို ဖတ်ချင်ရင်
KAUNG MRAT NEWS ကို အခုချိန်မှာပဲ 👉 Follow လုပ်ပေးကြပါဦး။
တစ်ချက်တည်းနဲ့ — သတင်းတရားနဲ့ ချိတ်ဆက်နေပြီဖြစ်လို့
စိတ်ချစွာဖတ်ရှုနိုင်မှာ ဖြစ်ပါတယ်။

နောင်ချိုမြို့ကို စစ်ကောင်စီ သိမ်းပိုက်ပြီးနောက် ယမန်နေ့ ဇူလိုင်လ ၂၁ ရက်တွင် စစ်ကောင်စီ ဒုတိယခေါင်းဆောင် စိုးဝင်းမှာ နောင်ချိုမြို့သို့ ရောက်ရှိလာပြီး တပ်ဖွဲ့ဝင်များအား ဂုဏ်ပြုပေးခဲ့သည်။

ထိုဂုဏ်ပြုအခမ်းအနားတွင် တစ်နှစ်နီးပါး ပိတ်ထားခဲ့ရသည့် နောင်ချိုမြို့က အခြေခံပညာ စာသင်ကျောင်းများအား အမြန်ဆုံးဖွင့်လှစ်ရန် သက်ဆိုင်ရာ တာဝန်ရှိသူများကို မှာကြားခဲ့သည်။

"ဒီနေ့က ခေတ်က ပညာခေတ်ဖြစ်တယ်။ အတန်းပညာတတ်မြောက်မှ အတတ်ပညာကို သင်ယူတတ်မြောက်နိုင်မှာ ဖြစ်တဲ့အတွက် အခြေခံပညာကျောင်းတွေကို အမြန်ဆုံးပြန်လည် ဖွင့်လှစ်ပြီး အေးချမ်းပျော်ရွှင်စွာ ကျောင်းသား၊ ကျောင်းသူတွေ ပညာသင်ကြားနိုင်ဖို့ လုပ်ရမယ် ဟု ဒုစစ်ခေါင်းဆောင် စိုးဝင်းက ဆိုသည်။

ပညာရေးဝန်ကြီးဌာနအနေဖြင့်လည်း ကျောင်းများ အမြန်ဆုံးဖွင့်လှစ်နိုင်ရေးနှင့် ဇူလိုင်လ ၂၂ ရက်မှစ၍ ကျောင်းအပ်နှံခြင်းစတင်ရန် စီစဉ်ထားသည်ဟု သိရသည်။

နိုင်ငံဦးဆောင်မည့် မျိုးဆက်သစ် ရင်သွေးငယ်များကိုလည်း မိဘများအနေဖြင့် စာသင်ကျောင်းများသို့ မဖြစ်မနေ စေလွှတ်ပေးကြရန် မေတ္တာရပ်ခံသည်ဟု စစ်ကောင်စီ ဒုတိယ ခေါင်းဆောင် စိုးဝင်းက တောင်းဆိုထားသည်။

ကျောင်းဖွင့်ချိန် နောက်ကျသွားသည့်အတွက် ဆရာ၊ ဆရာမများအနေဖြင့်လည်း ကျောင်းသင်ခန်းစာများကို ကျောင်းပိတ်ရက်အချို့တွင် သင်ခန်းစာများ ဆက်လက်သင်ကြားပေးရန် စိုးဝင်းက တိုက်တွန်းထားသည်။

နောင်ချို့မြို့ကို စစ်ကောင်စီက သိမ်းပိုက်ပြီးနောက် နောင်ချို- ကျောက်ကြမ်း- အုမ္မခါး-အုမ္မသီး- ပြင်ဦးလွင်-မန္တလေးလမ်းကြောင်းအား ပြန်လည်ဖွင့်လှစ်ပြီး ကုန်စည်ပို့ဆောင်ရေးနှင့် ပြည်သူများသွားလာရေးအတွက် ဆောင်ရွက်နေပြီဟု ဆိုသည်။

TNLA သိမ်းပိုက်ထားသော နောင်ချို့မြို့အား ပြန်လည်ရရှိရေးအတွက် စစ်ကောင်စီက အောင်ဇေယျစစ်ဆင်ရေးဖြင့် ဆောင်ရွက်ခဲ့ကြောင်း၊ ယင်းအတွက် နောင်ချိုမြို့အောင်ပွဲ၏ အစဉ်အလာကို ဆက်လက်ထိန်းသိမ်းရမည်ဟု ဒုစစ်ခေါင်းဆောင် စိုးဝင်းက ပြောဆိုသွားသည်။

TNLA ကမူ နောင်ချိုမြို့အတွင်း တိုက်ပွဲများပြင်းထန်လာသည့်အတွက် ၎င်းတို့၏ အုပ်ချုပ်ရေးရုံးများကို ဘေးကင်းရာနေရာများသို့ ပြောင်းရွှေ့ထားပြီး ပြည်သူများကိုလည်း ပြောင်းရွှေ့ပေးထားသည်ဟု ဆိုသည်။

. #ရှမ်းမြောက်ဒေသ #နောင်ချိုမြို့ #စစ်ကောင်စီ #တအောင်းတပ် #စစ်ကောင်စီ

ဓါတ်ပုံ- စစ်ကောင်စီ

21/07/2025

■ မန္တလေး - မတ္တရာမှ စစ်ကောင်စီ စခန်းများကို ထပ်မံ သိမ်းပိုက်ရရှိ၊ ဗိုလ်ကြီးအဆင့် အပါ သုံ့ပန်း ၁၆ ဦး ဖမ်းဆီး ရမိ

KAUNG MRAT NEWS. | ဇူလိုင် ၂၁

မန္တလေး - မတ္တရာ ကားလမ်းပေါ်က စစ်စခန်း သုံးခုကို ဇူလိုင် ၂၀ ရက်မှာ ထပ်မံ ထိုးစစ်ဆင် တိုက်ခိုက် သိမ်းပိုက်နိုင်ခဲ့ပြီး ဗိုလ်ကြီးအဆင့် အပါအဝင် စစ်သုံ့ပန်းများနှင့် လက်နက်ခဲယမ်း အများအပြား သိမ်းဆည်း ရရှိကြောင်း သတင်းထုတ်ပြန်သည်။

🙏 တောင်းပန်ပါတယ် မိတ်ဆွေတို့အားလုံး...
မှန်ကန်တဲ့ သတင်းတွေကို ဖတ်ချင်ရင်
KAUNG MRAT NEWS ကို အခုချိန်မှာပဲ 👉 Follow လုပ်ပေးကြပါဦး။
တစ်ချက်တည်းနဲ့ — သတင်းတရားနဲ့ ချိတ်ဆက်နေပြီဖြစ်လို့
စိတ်ချစွာဖတ်ရှုနိုင်မှာ ဖြစ်ပါတယ်။

မတ္တရာမြို့နယ်ရှိ ထန်းပင်ကုန်းကျေးရွာ၊ ပုသိမ်ကြီးမြို့နယ် သရက်ကိုင်းကျေးရွာနှင့် မြကန်သာကျေးရွာတို့ရှိ စစ်ကောင်စီ စခန်းများကို MDY PDF နှင့် မဟာမိတ်တပ်များက ထိုးစစ်ဆင် တိုက်ခိုက်ခဲ့သည်။

၂၀ ရက်က မန္တလေးနှင့် ၁၀မိုင်ကျော်အကွာအဝေး မန္တလေး - မတ္တရာ ကားလမ်းရှိ စစ်ကောင်စီတပ်စခန်းများအားလုံးကို တော်လှန်ရေးတပ်ဖွဲ့များ အပြီးသတ် သိမ်းပိုက်ရရှိခဲ့ကြောင်း ပြည်သူ့ကာကွယ်ရေးတပ်မတော် မန္တလေး PDF က ယနေ့တွင် ထုတ်ပြန်သည်။

အဆိုပါ တိုက်ပွဲများအတွင်း စစ်ကောင်စီထံမှ ဒရုန်းဂျမ်ဘာ ကားတစ်စီး၊ ဒရုန်းနှင့် ဆက်စပ်ပစ္စည်းများအပါအဝင် လက်နက်ခဲယမ်းအများအပြား သိမ်းဆည်းရရှိခဲ့ကြောင်း ထုတ်ပြန်ချက်တွင် ရေးသားထားသည်။

ထို့အပြင် ဗိုလ်ကြီးအဆင့်ရှိသူ စစ်ကောင်စီတပ်ဖွဲ့ဝင် ၁ ဦးအပါအဝင် သုံ့ပန်း ၁၆ ဦး ဖမ်းဆီးရမိခဲ့ပြီး စစ်ကောင်စီတပ်သား အလောင်း ၁၅ လောင်း သိမ်းဆည်းရမိခဲ့ကာ စစ်ကောင်စီဘက်မှ ထိခိုက်ဒဏ်ရာများရရှိသူ များပြားခဲ့သည်။

အဆိုပါ စစ်ဆင်ရေးအား ပြည်သူ့ကာကွယ်ရေးတပ်မတော် (မန္တလေး)နှင့် အတူ မတ္တရာမျိုးမှန်တပ်ဖွဲ့၊ မတ္တရာမြို့နယ် ပကဖနှင့် SSTF တပ်ဖွဲ့တို့မှ ပူးတွဲဖော်ဆောင်ခဲ့ခြင်းဖြစ်ကြောင်း သိရသည်။

ပုံစာ- သိမ်းဆည်း ရရှိခဲ့သော စစ်ကောင်စီ၏ လက်နက်ခဲယမ်းများအားတွေ့ရစဉ်၊ ဓါတ်ပုံ – MDY PDF

#မန္တလေး #မတ္တရာ #စစ်ကောင်စီ #စခန်းများ #ထပ်မံ #သိမ်းပိုက်ရရှိ၊ #ဗိုလ်ကြီးအဆင့် #အပါ #သုံ့ပန်း #၁၆ဦး #ဖမ်းဆီး #ရမိ

21/07/2025

ရန်ကုန်မှ စစ်တွေ တိုက်ပွဲသို့ ပေါ်တာဆွဲ ခံရသည့် စစ်ကောင်စီ တပ်သား ၁ ဦး AA ထံအလင်းဝင်

KAUNG MRAT NEWS. - ဇူလိုင် ၂၀

ရန်ကုန်မှ စစ်တွေ တိုက်ပွဲသို့ အတင်းအဓမ္မ ပေါ်တာဆွဲ စစ်သားစုဆောင်းခြင်း ခံရသည့် စစ်ကောင်စီ တပ်သား ၁ ဦးသည် ပြီးခဲ့သည့် ဇူလိုင်လ ၁၀ ရက်နေ့တွင် အာရက္ခတပ်တော် ထံ အလင်းဝင်ရောက်လာကြောင်း AA က ယနေ့ ဇူလိုင်လ ၂၀ ရက်နေ့တွင် ထုတ်ပြန်လိုက်သည်။

အလင်းဝင်လာသူ တပ်သားမှာ ကိုယ်ပိုင်အမှတ် ပစ/၁၄၂၉၅၂ နိုင်ဝင်းစိုး ဖြစ်သည်။

နိုင်ဝင်းစိုးသည် ၂၀၂၅ ခုနှစ်၊ ဇန်နဝါရီလ ၂ ရက်နေ့တွင် ရန်ကုန်မြို့၌ စစ်ကောင်စီ၏ အတင်းအဓမ္မ စစ်သားစုဆောင်းခြင်းကို ခံခဲ့ရသည်။

ငပလီတပ်ပျက်မှုကြောင့် စစ်တွေမြို့တွင် ပြန်လည်ဖွဲ့စည်းထားသည့် တပ်မ ၅၅ လက်အောက်၌ တာဝန်ထမ်းဆောင်နေစဉ် AA ထံ အလင်းဝင်လာခဲ့ခြင်း ဖြစ်ကြောင်း သိရသည်။

ရုပ်သံဖိုင်တွင် နိုင်ဝင်းစိုးက စစ်ကောင်စီသည် အပြစ်မဲ့ပြည်သူများ၏ နေအိမ်များနှင့် ဘာသာရေးအဆောက်အအုံများ ဖျက်ဆီးမှု၊ တပ်တွင်း အနိုင်ကျင့်မှုလုပ်ရပ်များကို ရှုတ်ချကြောင်းနှင့် ၎င်းကိုယ်တိုင် ကျူးလွန်လိုစိတ်မရှိသောကြောင့် AA ထံ အလင်းဝင်လာခြင်းဖြစ်ကြောင်း ပြောဆိုထားသည်။

မြန်မာပြည်အနှံ့အပြားတွင် စစ်ကောင်စီသည် စစ်မှုထမ်းဥပဒေကို အကြောင်းပြ၍ ၎င်းတို့ ထိန်းချုပ်နိုင်သည့် မြို့နယ်များတွင်သာ ပြည်သူများကို အတင်းအဓမ္မ ဖမ်းဆီးကာ တပ်သားသစ်စုဆောင်းရေးများ လုပ်ဆောင်နေကြောင်း သိရသည်။

ပြီးခဲ့သည့် ဇူလိုင်လ ၁၅ ရက်နေ့တွင်လည်း စစ်ကောင်စီ၏ အမ်း-ပဒါန်းစစ်မြေပြင်မှ တပ်သားနှစ်ဦးဖြစ်သည့် ကိုယ်ပိုင်အမှတ် ပစ/၁၃၄၉၈၁ နေလင်းအောင်နှင့် ကိုယ်ပိုင်အမှတ် ပစ/၁၂၇၁၄၆ အောင်သက်ထွန်းတို့သည်လည်း အာရက္ခတပ်တော်ထံ အလင်းဝင်ခဲ့ကြောင်း AA ၏ ထုတ်ပြန်ချက်အရ သိရသည်။

ရှေ့တန်းစစ်မြေပြင်သို့ အတင်းအဓမ္မ ပို့ဆောင်ခြင်းခံနေရသော စစ်ကောင်စီ၏ တပ်သားသစ်များ (သို့မဟုတ်) ပြည်သူ့စစ်တပ်ဖွဲ့ဝင်များသည် တိုက်ခိုက်လိုစိတ်မရှိဘဲ ရှေ့တန်းစစ်မြေပြင်များမှ နီးစပ်ရာ တိုင်းရင်းသားလက်နက်ကိုင်တော်လှန်ရေးအဖွဲ့အစည်းများထံသို့ ဘက်ပြောင်းခိုလှုံရန် ကြိုးစားနေကြောင်း သိရသည်။

#စစ်ကောင်စီထံမှ #အလင်းဝင် #ခိုလှုံဘက်ပြောင်းလိုသူများအနေဖြင့် #အာရက္ခတပ်တော်ရှိသည့် #နေရာများတွင် #အလင်းဝင်ရောက်နိုင်ပြီး #လုံခြုံရေးနှင့် #အသက်အာမခံတို့ကို #တာဝန်ယူကြောင်း #အာရက္ခတပ်တော်မှ ပြီးခဲ့သည့် ဇူလိုင်လ ၁၅ ရက်နေ့တွင် ထုတ်ပြန်ပြောဆိုထားသည်။

Info Desk

20/07/2025

ကျောက်ဖြူတွင် ငါးဖမ်းနေသည့် ဒေသခံအချို့ကို စစ်ကောင်စီ ဖမ်းဆီး

KAUNG MRAT NEWS. - ဇူလိုင် ၂၀
ဒေဝီ

ရက္ခိုင်ပြည်၊ ကျောက်ဖြူမြို့နယ်တွင် ငါးဖမ်းရန် ပိုက်ချနေသည့် ဒေသခံအချို့ကို အကြမ်းဖက်စစ်ကောင်စီက ဇူလိုင် ၁၉ ရက်နေ့ညပိုင်းက ဖမ်းဆီးသွားကြောင်း သိရသည်။

ဖမ်းဆီးခံရသူများမှာ ကျောက်ဖြူမြို့နယ်၊ ဇင်ချောင်းကုန်ဘွေရွာမှ ဦးစံလှဘို၊ ဦးဖလန်၊ ကုန်ကြီးရွာမှ ဦးလပုတို့အပြင် အမည်မသိ ဒေသခံအချို့လည်း ပါဝင်ကြောင်း ဒေသခံများက ပြောသည်။

"ဘာမှလဲလုပ်တာမဟုတ်ဘူး။ သူတို့ဟာသူတို့ ငါးဖမ်းနေကြတာကို စစ်ကောင်စီတပ်က စစ်သားတွေက ဖမ်းသွားတာ" ဟု ဒေသခံတစ်ဦးက ဆိုသည်။

ဖြစ်စဉ်မှာ ဇူလိုင် ၁၉ ရက် ညနေ ၄ နာရီခန့်တွင် ဦးစံလှဘို၊ ဦးဖလန်၊ ဦးလပုတို့ စီးနင်းလာသည့် စက်လှေတစ်စီးနှင့် ရမ်းဗြဲမြို့နယ်၊ လေးတောင်မြို့၊ နဂါးရွာမှ စက်လှေတစ်စီးတို့သည် လေးတောင်မြို့၊ ဆင်တင်မော်ဆိပ်မှတစ်ဆင့် ကင်းချောင်းဝအောက်ဖက် ပင်လယ်ပြင်အတွင်း ပိုက်ချနေစဉ် ဖြစ်ပွားခဲ့ခြင်း ဖြစ်သည်။

ထိုအချိန်တွင် ဇင်းချောင်းရွာအောက်ဖက် ပင်လယ်ပြင်နား၌ ကျောက်ချထားသည့် စစ်ကောင်စီ၏ ရေတပ်သင်္ဘောတစ်စီး ရောက်ရှိလာခဲ့ကြောင်း ဒေသခံများထံမှ သိရသည်။

အဆိုပါ ရေတပ်သင်္ဘောပေါ်မှ စစ်ကောင်စီတပ်ဖွဲ့ဝင်များသည် ဦးစံလှဘို၊ ဦးဖလန်၊ ဦးလပုနှင့် နဂါးရွာမှ စက်လှေပေါ်ပါလာသည့် ရေလုပ်သားများကို ဖမ်းဆီးခဲ့ခြင်း ဖြစ်သည်။

#ဖမ်းဆီးရမိသူများကို #ရမ်းဗြဲမြို့နယ်၊ #ဝါးက်ချွိန်ရွာအောက်ဖက်နားတွင် #ကျောက်ချထားသည့် #အခြားစစ်ကောင်စီ #ရေတပ်သင်္ဘောတစ်စီးပေါ်သို့ #တင်ဆောင်သွားကြောင်း သိရသည်။

19/07/2025

ဖားကန့်တွင် တိုက်ပွဲများ ဆက်ဖြစ်နေပြီး စစ်တပ်က လေယာဉ်ဖြင့် ဗလခကျေး ရွာသို့ မီးလောင် ဗုံး ၂ လုံးကျဲချ၍ ပြည်သူ့နေအိမ်များ မီးလောင်

KAUNG MRAT NEWS. ၊ ဇူလိုင် ၁၉

ကချင်ပြည်နယ် ဖားကန့်မြို့နယ်တွင် တိုက်ပွဲများ ဆက်လက်ဖြစ်ပွားနေပြီး အကြမ်းဖက်စစ်တပ်က လေယာဉ်ဖြင့် ဗလခကျေးရွာသို့ မီးလောင် ဗုံး ၂ လုံးကျဲချ၍ ပြည်သူ့နေအိမ်များ မီးလောင်ပျက်စီးခဲ့ကြောင်း KIA စစ်ရေးသတင်းရင်းမြစ်က ရန်ကုန်ခေတ်သစ်သတင်းဌာနသို့ ပြောကြားသည်။

ယမန်နေ့ ဇူလိုင်လ ၁၈ ရက်နေ့ ညနေ ၅ နာရီ ၄၀ မိနစ်အချိန် မြစ်ကြီးနား လေဆိပ်မှ တက်လာသည့် တိုက်လေယာဉ် ၁ စီးက ဖားကန့်မြို့နယ်ပေါ်တွင် ၅ ခေါက်ဝဲ၍ ဗလခကျေးရွာဘက်သို့ ဗုံးကျဲချခဲ့ကြောင်း၊ ယနေ့ ဇူလိုင် ၁၉ ရက်နေ့ နံနက်ပိုင်းတွင်လည်း လက်နက်ကြီးများနှင့် အပြန်အလှန်ပစ်ခတ်၍ တိုက်ပွဲဖြစ်ပွားလျက်ရှိကြောင်း သိရှိရသည်။

“မနေ့တုန်းက ညနေ ၅ နာရီ ၄၀ မှာလည်း မြစ်ကြီးနားလေဆိပ်က တက်လာတဲ့ ဂျက်ဖိုက်တာ ၁ စီးနဲ့ ဖားကန့်မှာ ၅ ခေါက်လောက်ဝဲပြီးတော့ ဗလခ ကျေးရွာဘက်ကို ဗုံး ၂ လုံးချသွားတာပေါ့။ မီးလောင်ဗုံး ချတာကြောင့် ဗလခကျေးရွာမှာရှိတဲ့ ပြည်သူ့နေအိမ်တွေ မီးလောင် တာတွေ ရှိတယ်။ မနေ့တုန်းက တစ်နေကုန်နီးပါးလည်း လက်နက်ကြီးနဲ့ အပြန် အလှန်ပစ်ကြတယ်။ ဒီ ၁ လကျော် အတွင်း အကြမ်းဖက်စစ်တပ်ဘက်က အရာရှိတွေ ၊စစ်သားတွေ ထိခိုက်သေဆုံးတာက အနည်းဆုံး ၁၀၀ နီးပါးရှိပြီ” ဟု KIA စစ်ရေးသတင်းရင်းမြစ်က ရန်ကုန်ခေတ်သစ်သတင်းဌာနသို့ ပြောကြားသည်။

အကြမ်းဖက်စစ်တပ်က မော်မောင်လယန်ရွာတွင် စစ်တပ် စစ်ကြောင်း ၁ ခု ၊ မော်ဝမ်း ကလေးတွင် စစ်ကြောင်း ၁ ခု ၊ အမှိုက်ပုံနှင့် မော်ဝမ်း သင်္ချိုင်းဘက်တွင် စစ်ကြောင်း ၁ ခု စုစုပေါင်း စစ်ကြောင်း ၃ ခု တပ်စွဲထားကြောင်း၊ အဆိုပါ စစ်ကြောင်းများက မော်မောင်းကုန်းဘက်သို့ ဦးတည်ကာ လမောင်ကုန်းကို ပြန်လည်သိမ်းပိုက်နိုင်ရန် ကြိုးပမ်းနေကြောင်း သိရှိရသည်။

#ဖားကန့်မြို့နယ်အတွင်း #အကြမ်းဖက်စစ်တပ်က #စစ်ကြောင်းထိုးနေသည်မှာ ၂ လနီးပါး #ကြာမြင့်နေပြီဖြစ်ပြီး ကျေးရွာ ၁၀ ရွာမှ အနည်းဆုံး #ပြည်သူ ၅၀၀၀ ကျော် #စစ်ဘေးရှောင်နေကြရကြောင်း၊ ပြည်သူ ၅၀ ကျော်ကိုလည်း #အကြမ်းဖက်စစ်တပ်က #မတရားသတ်ဖြတ်ထားကြောင်း #ဒေသပြည်သူများထံမှ သိရှိရသည်။

19/07/2025

ရသေ့တောင်မြို့နယ် စေတီပြင်ကျေးရွာတိုက်နယ်ဆေးရုံကို စစ်ကောင်စီ ဗုံးကြဲတိုက်ခိုက်

KAUNG MRAT NEWS. ၊ ဇူလိုင် ၁၈/ ၂၀၂၅ ‎

‎ရခိုင်ပြည်၊ ရသေ့တောင်မြို့နယ်၊ မယူကမ်း‌ဒေသ၊ စေ‌တီပြင်ကျေးရွာ တိုက်နယ်ဆေးရုံကို စစ်ကောင်စီက ဒီနေ့ နေ့လယ်က ဗုံးကြဲတိုက်ခိုက်ခဲ့တဲ့အတွက် အနီးအနားရှိ အဆောင်တချို့ ပျက်စီးမှုရှိခဲ့တယ်လို့ သတင်းရရှိပါတယ်။
🙏 တောင်းပန်ပါတယ် မိတ်ဆွေတို့အားလုံး...
မှန်ကန်တဲ့ သတင်းတွေကို ဖတ်ချင်ရင်
KAUNG MRAT NEWS ကို အခုချိန်မှာပဲ 👉 Follow လုပ်ပေးကြပါဦး။
တစ်ချက်တည်းနဲ့ — သတင်းတရားနဲ့ ချိတ်ဆက်နေပြီဖြစ်လို့
စိတ်ချစွာဖတ်ရှုနိုင်မှာ ဖြစ်ပါတယ်။

‎စစ်ကောင်စီဟာ ဒရုန်းတစ်စီးနဲ့ စေတီပြင်ဆေးရုံကို ပစ်မှတ်ထား ဗုံးကြဲချခဲ့ပေမယ့် ဗုံးမှာ ဆေးရုံကို မကျဘဲ အနီးအနားမှာ ကျရောက်ပေါက်ကွဲခဲ့တဲ့အတွက် အဆောက်အုံတစ်ချို့ ပျက်စီးသွားခဲ့တယ်လို့ ဒေသခံတစ်ဦးက ပြောပါတယ်။

" လူအထိအခိုက်တော့ မရှိဘူး။‌ ဆေးရုံနားက စင်တာမှာ ကျတာ။ အဆောက်အအုံတချို့တော့ ပျက်စီးသွားတယ်" လို့ပြောပါတယ်။ ‎

တိုက်ပွဲ ဧရိယာနဲ့လုံးဝပတ်သက်မှုမရှိတဲ့ စေတီပြင်ကျေးရွာကို စစ်ကောင်စီတပ်က ယခုလို ဗုံးကြဲတိုက်ခိုက်ခဲ့တာကြောင့် ဒေသခံပြည်သူလူထုအကြားမှ အထိတ်တလန့်ဖြစ်နေကြတယ်လို့ သိရှိရပါတယ်။

စစ်ကောင်စီက စေတီပြင်ရွာကို ဂျက်တိုက်လေယာဉ်နဲ့ တိုက်ခိုက်တယ်လို့ပြောဆိုမှုတွေ ထွက်ပေါ်နေတာကြောင့် ဆက်လက်မေးမြန်းရာ ဒေသခံတစ်ဦးက အသံတိတ်ဒရုန်းနဲ့တိုက်ခိုက်ခဲ့တာလို့ ပြောပါတယ်။

" စေတီပြင်ကျေးရွာကို ဒီနေ့ နေ့လယ် ၁၂ နာရီလောက်မှာ ဒရုန်းနဲ့ ဗုံးကြဲတာပါ။ ဒရုန်းကလည်း အသံမကြားရပါဘူး။ ဒါပေမယ့် ခိုလှုံနိုင်စရာတွေ ကြိုတင်ပြင်ဆင်ထားလို့ ထိခိုက်ဒဏ်ရာရရှိမူတွေ မရှိခဲ့ပါဘူး။"

စေတီပြင်ရွာဟာ ရသေ့တောင်မြို့နယ် မေယူကမ်းဒေသမှာ တည်ရှိပြီး အိမ်ခြေ တစ်ထောင် နီးပါးခန့်ရှိတဲ့ ကျေးရွာကြီးတစ်ရွာဖြစ်ကာ ယခင်ကလည်း စစ်ကောင်စီက ပစ်မှတ်ထားတိုက်ခိုက်မှုတွေရှိခဲ့တယ်လို့ သိရပါတယ်။

၂၀၂၄ ခုနှစ် မေလ ၂၁ ရက်နေ့က မောင်တောမြို့နယ်တောင်ပိုင်း သဝင်ချောင်းအနီး ပင်လယ်ပြင်မှာ ရပ်နားထားတဲ့ အကြမ်းဖက်စစ်ကောင်စီ နေဗီက မေယုတောင်ကိုကျော်ပြီး လက်နက်ကြီးနဲ့ စေတီပြင် ကျေးရွာကို ပစ်ခတ်ခဲ့တဲ့အတွက် သက်ကြီးပိုင်းအရွယ်အမျိုးသား တစ်ဦးသေဆုံးပြီး အမျိုးသမီးတစ်ဦးတစ်ဦး အပါအဝင် ၆ ဦးဒဏ်ရာရရှိသွားခဲ့ပါတယ်။

သေဆုံးခဲ့သူကတော့ စေတီပြင် ကျေးရွာမှာ စစ်ဘေးရှောင်နေတဲ့ မညှင်းတောင် ကျေးရွာက ဦးမောင်ချမ်းအေး အသက်(၆၉)နှစ်ဖြစ်ပြီး ဒဏ်ရာရရှိသူတွေမှာ ဒေါ်သိန်းသိန်းညွှန့်၊ ဦးဖြူသာဦး၊ မောင်မျိုးမင်းခန့်၊ ဦးအောင်ကျော်စိန်၊ ဦးကျော်စိုးသန်းနဲက ရသေ့တောင် မြို့ပေါ်မှ စစ်ရှောင်နေသူ ကိုလင်းချေတို့ ဖြစ်ကြပါတယ်။

#စစ်ကောင်စီဟာ #အေးချမ်းစွာ #လုပ်ကိုင်စားသောက်နေကြတဲ့ #ရခိုင်ဒေသခံပြည်သူတွေအကြား #မတည်မငြိမ်ဖြစ်စေဖို့နဲ့ #စိတ်ပိုင်းဆိုင်ရာထိခိုက်မှုဖြစ်စေဖို့ကို #ရည်ရွယ်ကာ #ဗုံးကြဲတိုက်ခိုက်မှုတွေကို #မကြာခဏ ပြုလုပ်နေပြီး #အထူးသဖြင့် #လူနေရပ်ရွာတွေအတွင်းရှိ #စာသင်ကျောင်းတွေ၊ #ဆေးရုံတွေနဲ့ #လူနေစည်ကားတဲ့နေရာတွေကို #ပစ်မှတ်ထား #တိုက်ခိုက်မှုတွေ ပြုလုပ်နေတယ်လို့ သိရှိရပါတယ်။

18/07/2025

ပုလဲမြို့နယ်၊ ကန့်ဒေါင့်စခန်းသိမ်းတိုက်ပွဲအတွင်း ဖမ်းဆီးရရှိသည့် စစ်သုံ့ပန်း ၁ ဦးသေဆုံးပြီး ၄ ဦး ပြန်လွှတ်ပေး

KAUNG MRAT NEWS. ၊ ဇူလိုင် ၁၈

စစ်ကိုင်းတိုင်း၊ ပုလဲမြို့နယ်၊ ကန့်ဒေါင့်နယ်မြေရဲစခန်းသိမ်းတိုက်ပွဲအတွင်း ဖမ်းမိသည့် စစ်သုံ့ပန်း တစ်ဦး သေဆုံးသွားပြီး ၄ ဦးကို ပြန်လွှတ်ပေးလိုက်ကြောင်း ပြည်သူ့လွတ်မြောက်ရေးတပ်မတော် - PLA က သတင်းထုတ်ပြန်သည်။

🙏 တောင်းပန်ပါတယ် မိတ်ဆွေတို့အားလုံး...
မှန်ကန်တဲ့ သတင်းတွေကို ဖတ်ချင်ရင်
KAUNG MRAT NEWS ကို အခုချိန်မှာပဲ 👉 Follow လုပ်ပေးကြပါဦး။
တစ်ချက်တည်းနဲ့ — သတင်းတရားနဲ့ ချိတ်ဆက်နေပြီဖြစ်လို့
စိတ်ချစွာဖတ်ရှုနိုင်မှာ ဖြစ်ပါတယ်။

ဇူလိုင်လ ၁၁ ရက်နေ့က ပုလဲမြို့နယ်ရှိ၊ ကန့်ဒေါင့်နယ်မြေရဲစခန်းအား တိုက်ခိုက်သိမ်းတိုက်ပွဲအတွင်း ဖမ်းဆီးရရှိခဲ့သည့် ခမရ ၃၆ တပ်ရင်းမှ တပ်သား ရဲကျော်ကျော်၊ ခမရ ၂၅၅ တပ်ရင်းမှ တပ်သား နေ ထက်လင်း ၊ ရှမ်းပြည်နယ်တောင်ပိုင်း၊ ကျေးသီးမြို့ရဲစခန်းမှ ရဲအရာခံဗိုလ် ရှိန်းကိုကိုကျော်နှင့် ခလရ ၅၀ တပ်ရင်းမှ တပ်သား ထွန်းမြေ့အေးတို့ကို ပြန်လွှတ်ပေးလိုက်ခြင်းဖြစ်ကြောင်း သိရသည်။

ပြန်လွှတ်ပေးသူများအနက် တပ်သား နေထက်လင်းမှာ အသက် ၁၅ နှစ်သာ ရှိသေးပြီး ရန်ကုန်မြို့၌ အကင်ရောင်းနေစဉ် အကြမ်းဖက်စစ်ကောင်စီတပ်မှ အတင်းအဓမ္မဖမ်းဆီးကာ စစ်တပ်အတွင်း ထည့် သွင်းခဲ့ခြင်းဖြစ်ကြောင်း သိရသည်။

စစ်ကောင်စီတပ်သည် လိုအပ်နေသော စစ်သားအင်အားကို ဖြည့်တင်းနိုင်ရန် အသက်မပြည့်သေး သည့် ကလေးသူငယ်များကို ပေါ်တာဆွဲဖမ်းဆီးကာ ဖြည့်တင်းလျက်ရှိသည်ကို ထင်ရှားပါကြောင်း ပြည်သူ့လွတ်မြောက်ရေးတပ်မတော် - PLA က ပြောဆိုသည်။

ပြည်သူ့လွတ်မြောက်ရေးတပ်မတော် - PLA အနေဖြင့် စစ်မြေပြင်တွင် ဖမ်းဆီးရရှိသော စစ်သုံ့ပန်း များကို လူသားဂုဏ်သိက္ခာ၊ စစ်သားဂုဏ်သိက္ခာနှင့်အညီ ဆက်ဆံကာ ကောင်းမွန်စွာထိန်းသိမ်းစောင့် ရှောက်ပေးထားကြောင်းနှင့် ဒဏ်ရာရ သုံ့ပန်းများကိုလည်း ဆေးကုသပေးခြင်း၊ ကျန်းမာရေး စောင့် ရှောက်ခြင်းများ ပြုလုပ်ပေးလျက်ရှိသော်လည်း ကန့်ဒေါင့်နယ်မြေရဲစခန်းသိမ်းတိုက်ပွဲအတွင်း ဖမ်းမိ သည့် တပ်သား စိုးတာမှာ ဖမ်းဆီးခံထားရချိန် ရောဂါဖြင့် သေဆုံးသွားကြောင်း အသိပေးထားသည်။

ဖမ်းဆီးရရှိသည့် သုံ့ပန်းများကို ဗမာပြည်ကွန်မြူနစ်ပါတီ၏ သုံ့ပန်းပေါ်လစီအတိုင်းထိန်းသိမ်းပြီး ကောင်းမွန်စွာ ပြန်လွှတ်ပေးခြင်း ဖြစ်ကြောင်း၊ #ထို့ကြောင့် #အာဏာရှင်လူတစ်စုအတွက် အသက် #အသေခံမတိုက်ပဲ #လက်နက်ချကြပါရန် #စစ်ကောင်စီတပ်သားများကို တိုက်တွန်းထားသည်။

17/07/2025

အနာတစ်ခုကို မသိမသာထားခြင်းကြောင့် အသက် ၁၇ နှစ်အရွယ် မိန်းကလေးတစ်ဦး ခြေတစ်ဖက်ဖြတ်လိုက်ရ

KAUNG MRAT NEWS. | ဇူလိုင် ၁၇

အာရက္ခဒေသ၊ ပုဏ္ဏားကျွန်းမြို့နယ်အတွင်း စစ်ကင်းရှောင်ပြေးနေထိုင်သူ အသက် ၁၇ နှစ်အရွယ် မိန်းကလေးငယ်တစ်ဦးသည် စားဝတ်နေရေးအတွက် တောင်တက်ပြီး ထင်းရှာ၊ ဟင်းရှာသွားစဉ် ခြေမတွင် ဝါးငုတ်ထိုးမိကာ အနာဖြစ်ခဲ့သည်။
မိသားစုမှာ အလုပ်အကိုင်မရှိကြသဖြင့်၊ မိဘများကလည်း အနာကို အရေးမထားနိုင်ခဲ့ပါ။ မိမိကိုယ်တိုင်လည်း ဆေးကုသစွမ်းရည်မရှိပါက အနာကို ငြင်းနင်းထားခဲ့ရသည်။
အနာကို မစောင့်ကြည့်နိုင်ခြင်းကြောင့် ပိုးဝင်လာကာ တဖြည်းဖြည်းနဲ့ ပြင်းထန်လာသည်။ ဆေးကုသဖို့အတွက် ငွေကြေးမရှိတဲ့အတွက် တောထဲမှာရှာရတဲ့ တောဆေး၊ တောင်ဆေးတွေနဲ့သာ ကိုယ့်သမျှနဲ့ သက်သေခံကုသခဲ့ကြတယ်။ သို့သော် နောက်ဆုံးတွင် အနာက ပိုမိုဆိုးရွားလာခဲ့ပြီး ခြေတစ်ဖက်ကို ဖြတ်ရမည့်အခြေအနေအထိ ရောက်လာခဲ့ရသည်။
စေတနာ အာရက္ခပြည်သူအကျိုးပြုဆေးခန်းသို့ ရောက်လာချိန်မှာတော့ ခြေထောက်တစ်ဖက်ကို ဖြတ်ပြီးသားဖြစ်နေခဲ့ပြီး၊ ဆေးခန်း၌ ဆေးထည့်ကုသမှုများ ဆက်လက်ခံယူနေသည်ဟု ဆိုသည်။
ဆေးခန်း တွဲဖက်တည်ထောင်သူ ကိုဇင်မျိုးက “စစ်ဘေးရှောင်ပြည်သူတွေဟာ အလုပ်အကိုင်ရှားပါးလှတယ်။ အစာရရှိဖို့ တောင်တက်ထင်းရှာ၊ ဟင်းရှာနေရကြတယ်။ အနာဖြစ်လာတဲ့အခါ နည်းနည်းလေးပဲဆိုပြီး အရေးမထားနိုင်ဘူး။ ဆေးကုဖို့ ငွေလည်းမရှိ။ အနာကို တောဆေး တောင်ဆေးနဲ့သာ ကိုယ့်နည်းနဲ့ ကုနေရတယ်။ ဒါပေမဲ့ အနာက ပိုမိုဆိုးလာတော့ ဖြတ်ဖို့အထိရောက်လာတတ်တယ်။ ကျနော်တို့ဆေးခန်းကို ရောက်လာချိန်မှာတော့ သူမက ခြေထောက်ဖြတ်ပြီးသားဖြစ်နေခဲ့ပြီ” ဟု ပြောသည်။
#အသက်ငယ်သူတစ်ဦးအနေနဲ့ #စစ်ဘေးရှောင်ဘဝကြောင့် #အနာတစ်ခုတောင် #ရဂုမစိုက်နိုင်ဘဲ #ခန္ဓာကိုယ် #တစ်စိတ်တစ်ပိုင်းကို #ဖြတ်ရသည့် #အခြေအနေသည် #လူတစ်ဦး၏ဘဝအတွက် များစွာအရေးကြီးသည်။

ဓာတ်ပုံ – စေတနာ အာရက္ခပြည်သူအကျိုးပြုဆေးခန်း ၊ ကိုဇင်မျိုး
#စေတနာအာရက္
#အာရက္ခပြည်သူ
#စစ်ရှောင်ပြည်သူ

17/07/2025

■ ရန်ကုန်တွင် ULA/AA ကို ကန့်ကွက်ဆန္ဒပြပွဲ ဦးဆောင်သူများက နေ့စားခပေးရန် စီစဉ်နေ

KAUNG MRAT NEWS. | ဇူလိုင် ၁၇

အာဏာသိမ်း စစ်ကောင်စီ ပြည်သူ့စစ်အဖွဲ့ဝင်တစ်ဦးလည်းဖြစ် မဘသ အဖွဲ့ဝင်တစ်ဦးဖြစ်သော သံတွဲမြို့၊ ငပလီက ဒေသခံတစ်ဦးက ဦးဆောင်းပြီး ULA/AA ကို ကန့်ကွက် ဆန္ဒပြရန် စီစဉ်နေကြောင်း သိရသည်။

🙏 တောင်းပန်ပါတယ် မိတ်ဆွေတို့အားလုံး...
မှန်ကန်တဲ့ သတင်းတွေကို ဖတ်ချင်ရင်
KAUNG MRAT NEWS ကို အခုချိန်မှာပဲ 👉 Follow လုပ်ပေးကြပါဦး။
တစ်ချက်တည်းနဲ့ — သတင်းတရားနဲ့ ချိတ်ဆက်နေပြီဖြစ်လို့
စိတ်ချစွာဖတ်ရှုနိုင်မှာ ဖြစ်ပါတယ်။

ရန်ကုန်မြို့၊ ကျောက်တံတားမြို့နယ် မဟာဗန္ဓုလ (ဆူးလေ) ပန်းခြံမှာ အာရက္ခတပ်တော် AA ကို ကန့်ကွက်ကြောင်း ဆန္ဒထုတ်ဖော်ရန် စီစဉ်နေခြင်း ဖြစ်ပြီး ကန့်ကွက်ဆန္ဒပြပွဲ ဦးဆောင်သူများက နေ့စားခ ပေးရန် စီစဉ်နေခြင်း ဖြစ်သည်။

အဆိုပါ ဆန္ဒပြပွဲကို ပြီးခဲ့သည့် ဇူလိုင်လ ၆ ရက်နေ့မှာ ပြုလုပ်ရန် စီစဉ်ခဲ့သော်လည်း သက်ဆိုင်ရာမြို့နယ်ဖြစ်သော ကျောက်တံတားမြို့နယ် အုပ်ချုပ်ရေးအဖွဲ့က ခွင့်ပြုချက် မရခဲ့ကြောင်း သိရသည်။

ပြည်သူ့စစ်အဖွဲ့ဝင် ဦးထွန်းဇော်လတ်နှင့် နီးစပ်သူတစ်ဦးက " ဒီလ ၁၅ ရက်နေ့ တစ်ကြိမ်ထပ်မံပြီးတော့ တင်ထားတယ်လို့ ပြောတယ်။ ဟိုဖက်ကတော့ အကြောင်းမပြန်သေးဘူး။ ဒါပေမဲ့ ခွင့်ပြုချက် ကျဖို့ များပါတယ်။ ပြည်သူ့စစ်အဖွဲ့က ကန့်ကွက်ဆန္ဒပြမဲ့သူတွေ လူစုနေတယ်လို့ ပြောတယ်။ လူက သိပ်ရှာမရဘူးလို့ ပြောတဘ်။ နေ့စားခပေးဖို့တော့ လုပ်နေတယ်လို့ ကြားတယ်။ဘယ်လောက် ပေးမယ်ဆိုတာကတော့ သူတို့ဘက်က တရားဝင် မပြောသေးဘူး"ဟုပြောသည်။

အဆိုပါ သံတွဲပြည်သူ့စစ်အဖွဲ့က မြို့နယ်အထွေထွေအုပ်ချုပ်ရေး ဦးစီးဌာနကို ထပ်မံပြီး ဇွန်လ ၁၀ ရက်နေ့ကစပြီး သုံးကြိမ်တိုင်တိုင် ခွင့်ပြုချက်တင်ပြခဲ့သော်လည်း ခွင့်ပြုချက် မရရှိဘဲ ဇွန် ၁၅ ရက်နေ့မှာ တစ်ကြိမ် ခွင့်ပြုချက် တင်ထားသည်။

ဆန္ဒထုတ်ဖော်ခွင့်ရရှိရန် တောင်ဆိုထားသည် စာတင်ထားထဲတွင် ULA/AA ကို မထောက်ခံကြောင်းနှင့် ရခိုင်ပြည်အတွင်းက ချေမှုန်းမောင်းထုတ်ပေးရန် အာဏာသိမ်း စစ်ခေါင်းဆောင် မင်းအောင်လှိုင် ကို တောင်းဆိုထားသည်။

ထို့အပြင် ရန်ကုန်တွင် ရောက်ရှိနေသော ရခိုင်က စစ်ဘေးရှောင်များ ကူညီနေသူများသည် ULA/AA နှင့် တိုက်ရိုက်ပတ်သက်မှုများ ရှိနေ၍ ၎င်းတို့ကို ဖော်ထုတ် ဖမ်းဆီးပေးရန် လိုအပ်ကြောင်း ပြောဆိုထားသည်။

ရန်ကုန်ရောက် လူမှုအဖွဲ့အစည်းတစ်ခုတွင် လုပ်ကိုင်နေသူတစ်ဦးက "ရန်ကုန်ရောက်နေတဲ့ ရခိုင်လူမှုအဖွဲ့အစည်းတစ်ချို့ကို လာပြီးတော့ စည်းရုံးတာတွေ လုပ်နေတယ်။ ကျနော်တို့ ပါဝင်မှာ မဟုတ်ပါဘူး။ သမိုင်းတရားခံလည်း မဖြစ်ချင်ဘူး။ ULA/AA က သူ့သမိုင်း သူရေးနေတာ။ တစ်နိုင်ငံလုံးကို လူသတ်နေတဲ့ စစ်ကောင်စီ ဘက်တော်သားတွေနဲ့ ကျနော်တို့ မပူးပေါင်းပါဘူး။ ဒီဆန္ဒပြဖို့ လုပ်နေတဲ့ သူတွေကိုလည်း ကန့်ကွက်ပါတယ်။ ရှုတ်ချပါတယ်"ဟုပြောသည်။

ULA/AA ကို မထောက်ခံကြောင်း အပါအဝင် ရခိုင်က စစ်ဘေးရှောင်များအား ကူညီနေသူများကို ULA/AAနှင့် တိုက်ရိုက်ပတ်သက်မှုများ ဖော်ထုတ် ဖမ်းဆီးပေးရန် ပြောဆိုနေခြင်းအပေါ် ရန်ကုန်ရောက် စစ်ရှောင်များ စိုးရိမ်နေကြသည်။

ရန်ကုန်ရောက် စစ်ရှောင်တစ်ဦးက "ရန်ကုန်ရောက်နေတဲ့ စစ်ရှောင်တွေနဲ့ စစ်ရှောင်အရေးကို ကူညီနေသူတွေ တော်တော်သတိထားရပါမယ်။ ဒီအုပ်စုက လူတွေကို တမင်ရည်ရွယ်ချက် ရှိရှိနဲ့ ချောက်တွန်းနေတယ်ဆိုတာ သိသာပါတယ်။ ရန်ကုန်ရောက်နေတဲ့ ရခိုင်တွေ အကြပ်ရိုက်စေပါတယ်။ အားလုံးသတိဝီရိယထားပြီးတော့ သွားလာနေထိုင်ကြဖို့ လိုတယ်"ဟုပြောသည်။

ဆန္ဒပြပွဲ ဦးဆောင်သူ ဦးထွန်းဇော်လတ် သည် သံတွဲမြို့၊ ငပလီကမ်းခြေ၊ လင်းသာကျေးရွာက ဖြစ်ပြီး ၎င်းမှာ သံတွဲမြို့တွင် အခြေစိုက်ထားသော ခလရ (၅၅) မှာ နေထိုင်ခဲ့သူတစ်ဦးဖြစ်သလို လက်ရှိ မရန်ကုန်မြို့ပေါ်မှာ စစ်ဘေးရှောင်နေခြင်း ဖြစ်သည်။

ယခု ဆန္ဒပြပွဲကို ဦးဆောင်သူများမှာ ငပလီ က ဦးထွန်းဇော်လတ်၊ ကိုရဲလင်း၊ သန်းထွန်းဦးဖြစ်ကြပြီး ၎င်းတို့ကို ဗိုလ်မှူး အောင်နိုင်ဦး ငပလီမြို့ လင်းသာရပ်ကွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ လက်သတ်မွေးပေးထားသူများ ဖြစ်ကြောင်း သိရသည်။

ပလက်ဝ အပါအဝင် ရခိုင်ပြည်ထဲက မြို့နယ် ၁၄ ခု စုစုပေါင်း မြို့ ၁၅ မြို့ကို AA က သိမ်းပိုက်ထားပြီး ကျန်ရှိနေသော စစ်တွေ၊ ကျောက်ဖြူနှင့် မာန်အောင်မြို့တို့တွင်လည်း စစ်ရေးဖော်ဆောင်မှုများ ရှိနေသည်။

#ရန်ကုန် /AA #ကန့်ကွက်ဆန္ဒပြပွဲ #ဦးဆောင်သူများ #နေ့စားခပေးရန် #စီစဉ်နေ

17/07/2025

မအလ ထမင်စား ခွေးများ ပြောသိစကာ AAမြေထဲ့မှာနေတေတဲ့🤭🤭🤭

KAUNG MRAT NEWS.

23/07/2025

23/07/2025

22/07/2025

21/07/2025

21/07/2025

20/07/2025

19/07/2025

19/07/2025

18/07/2025

17/07/2025

17/07/2025

17/07/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท