เว็บไซต์คืออะไร?

សួស ដាវី suos davy

education, academy, information, police

27/10/2025

ការខិតខំប្រឹងប្រែងទាំងថ្ងៃទាំងយប់របស់ដេប៉ាតឺម៉ង់ធានាគុណភាពផ្ទៃក្នុង (IQA) គឺមានគោលបំណងដើម្បីលើកកម្ពស់គុណភាពអប់រំ និងការងារទាំងមូល សម្រេចបាននូវការទទួលស្គាល់ពេញសិទ្ធិពីគណៈកម្មាធិកាទទួលស្គាល់គុណភាពអប់រំនៅកម្ពុជា(ACC) សម្រាប់បណ្ឌិត្យសភានគរបាលកម្ពុជា។

ការខិតខំប្រឹងប្រែងនេះបង្ហាញពីការយកចិត្តទុកដាក់ ការទទួលខុសត្រូវ និងការរួមចំណែករបស់ក្រុមការងារទាំងមូលក្នុងការធានាថា បណ្ឌិត្យសភានគរបាលកម្ពុជា នឹងក្លាយជាស្ថាប័នដែលមានគុណភាពអប់រំប្រកបដោយសុចរិតភាព ស្មារតីវិជ្ជាជីវៈ និងទទួលបានការទទួលស្គាល់នៅក្នុង និងក្រៅប្រទេស។

18/10/2025

ឪកាសល្អមកដល់ហើយ សម្រាប់អ្នកមានបំណងចង់ធ្វើជានគរបាល។

បណ្ឌិតសភានគរបាលកម្ពុជា សូមជូនដំណឹងដល់បេក្ខជន ដែលមានបំណងដាក់ពាក្យសុំប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិ ដើម្បីបម្រើការងារនៅបណ្ឌិត្យសភានគរបាលកម្ពុជា ជ្រាបថា កាលបរិច្ឆេទសម្រាប់ផ្តល់ពាក្យ ចាប់ពីថ្ងៃទី២០-២៤ ខែតុលា ឆ្នាំ២០២៥ នាបណ្ឌិត្យសភានគរបាលកម្ពុជា។

បញ្ជាក់ : បេក្ខជនត្រូវចុះឈ្មោះជាមុន តាមរយៈ QR Code

10/10/2025

នាព្រឹកថ្ងៃទី៩ ខែតុលា ឆ្នាំ២០២៥ បានធ្វើបទបង្ហាញ បណ្តុះបណ្តាលផ្ទៃក្នុងដល់ក្រុមការងារយេនឌ័រនៃបណ្ឌិត្យសភានគរបាលកម្ពុជា ស្តីពីការរៀបចំកម្រងរូបភាពតាមអង្គភាពចំណុះស្របតាមផែនការសកម្មភាពរបស់បណ្ឌិត្យសភានគរបាលកម្ពុជា ដោយមានការចូលរួមមន្រ្តីនិងគ្រូនគរបាលជាតិជានារី នៅបន្ទប់ឧត្តរមានជ័យ។

09/10/2025

នៅព្រឹកថ្ងៃទី០២ ខែតុលា ឆ្នាំ២០២៥ បានធ្វើបទបង្ហាញ អំពីការបង្កើត Gmail, Google Form និងQr Code សម្រាប់វគ្គបណ្តុះបណ្តាលផ្ទៃក្នុង ស្តីពីការបង្កើតកម្រងសំណួរវាយតម្លៃការសិក្សារបស់ និស្សិត សិក្ខាកាម និងសិស្សនគរបាលតាមបែបឌីជីថល ទៅដល់មន្ត្រីនគរបាលជំនាញនៃបណ្ឌិត្យសភានគរបាលកម្ពុជា។

12/09/2025

បណ្ឌិត្យសភានគរបាលកម្ពុជា សូមជូនដំណឹងអំពីការបើកវគ្គបណ្តុះបណ្តាលមន្រ្តីនគរបាលយុត្តិធម៌ ជំនាន់ទី១៤ លើកទី២។

27/07/2025

យើងដាច់ខាតការពារជាតិដ៏កំសត់របស់យើង! យើងត្រូវការសន្តិភាពយូរអង្វែង! យើងមិនត្រូវការសង្គ្រាម ហើយយើងក៏ចង់អភិវឌ្ឍន៍ជាតិឱ្យរីកចម្រើនដូចថៃដែរ...!

We must defend our pitiful nation! We need for lasting peace. We do not want war—what we want is to develop our country and see it prosper, just as Thailand has....

ផលិតដោយក្រុមព័ត៌មាន នៃក្រុមអ្នកនាំពាក្យក្រសួងមហាផ្ទៃ

18/07/2025

កម្មវិធីបណ្ដុះបណ្ដាលស្ដីពី ”និទ្ទេសបទសម្រាប់វាយតម្លៃផ្តល់ការទទួលស្គាល់គុណភាពអប់រំ វិធីសាស្រ្តប្រមូលទិន្នន័យនិងព័ត៌មាននិងការសរសេររបាយការណ៍ស្វ័យវាយតម្លៃគុណភាពអប់រំ” ដល់មន្ត្រីវាយតម្លៃគុណភាពអប់រំផ្ទៃក្នុងនៅបណ្ឌិត្យសភានគរបាលកម្ពុជា....................................
ដីឥដ្ឋ : នាថ្ងៃទី១៤ ខែកក្កដា ឆ្នាំ២០២៥ លោកបណ្ឌិត ស៊ា អ៉ិត ប្រធាននាយកដ្ឋានស្តង់ដានិងការទទួលស្គាល់គុណភាពអប់រំ និងលោកបណ្ឌិត ទិត ស៊ីនឿន អនុប្រធាននាយកដ្ឋានស្តង់ដានិងការទទួលស្គាល់គុណភាពអប់រំ នៃអគ្គលេខាធិការដ្ឋានគណៈកម្មាធិការទទួលស្គាល់គុណភាពអប់រំនៃកម្ពុជា បានអញ្ជើញជាវាគ្មិនកិត្តិយស ក្នុងវគ្គបណ្ដុះបណ្ដាល បទបង្ហាញពី ”និទ្ទេសបទសម្រាប់វាយតម្លៃផ្តល់ការទទួលស្គាល់គុណភាពអប់រំ វិធីសាស្រ្តប្រមូលទិន្នន័យនិងព័ត៌មាន និងការសរសេររបាយការណ៍ស្វ័យវាយតម្លៃគុណភាពអប់រំ” នៅបណ្ឌិត្យសភានគរបាលកម្ពុជា។

កម្មវិធីបណ្ដុះបណ្ដាលនេះរៀបចំឡើងក្នុងគោលបំណងដើម្បីជាមូលដ្ឋានក្នុងការស្វែងយល់លើព័ត៌មាន ទិន្នន័យ និងការប្រមូលភស្ដុតាង តាមតម្រូវការ និងការណែនាំរបស់គណៈកម្មាធិការទទួលស្គាល់គុណភាពអប់រំនៃកម្ពុជា ដើម្បីឱ្យដំណើរការសរសេររបាយការណ៍ស្វ័យវាយតម្លៃគុណភាពអប់រំ របស់បណ្ឌិត្យសភានគរបាលកម្ពុជា ប្រព្រឹត្តទៅបានប្រកបដោយភាពរលូន និងទទួលបានជោគជ័យ ស្របតាម ផែនការសកម្មភាពប្រចាំឆ្នាំ២០២៥ ដែលបានកំណត់ និងដើម្បីត្រៀមលក្ខណៈទទួលការវាយតម្លៃការទទួលស្គាល់ គុណភាពអប់រំពេញសិទ្ធិ ពីគណៈកម្មាធិការទទួលស្គាល់គុណភាពអប់រំនៃកម្ពុជា នាចុងឆ្នាំ២០២៥ ខាងមុខ៕

05/07/2025

នៅរសៀលថ្ងៃសុក្រ ទី៤ ខែកក្កដា ឆ្នាំ២០២៥ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីបើកវគ្គសុក្រឹតការថ្នាក់ដឹកនាំមន្ត្រីពន្ធនាគារ ជំនាន់ទី៦ វគ្គបណ្តុះបណ្តាលស្តីពីបច្ចេកទេសព្រហ្មទណ្ឌ និងវគ្គបំប៉នជំនាញស៊ើបអង្កេតព្រហ្មទណ្ឌសម្រាប់កងកម្លាំងសន្តិសុខ នៅបណ្ឌិត្យសភានគរបាលកម្ពុជា ។

25/06/2025

នៅព្រឹកថ្ងៃទី២៥ ខែមិថុនា ឆ្នាំ២០២៥នេះ ឯកឧត្ដមនាយឧត្តមសេនីយ៍សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញទស្សនាការដើរក្បួនព្យុហយាត្រារបស់និស្សិត ដើម្បីអបអរសាទរនិស្សិតនិងសិស្សនគរបាលជ័យលាភី។

23/05/2025

យុទ្ធនាការ "១ម៉ឺនរៀល ១ម៉ឺននាក់" ឆ្នាំ២០២៥ 💝
===
ដើម្បីចូលរួមគាំទ្រ យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥, សូមបរិច្ចាគតាមរយៈគណនីរបស់មូលនិធិគន្ធបុប្ផាកម្ពុជា នៅធនាគារអេស៊ីលីដា លេខ ០០០១-០៣៤១២៧៣៨១៣ សម្រាប់ប្រាក់រៀល និង ០០០១-០៣៤១២៧៣៨២៤ សម្រាប់ប្រាក់ដុល្លារអាម៉េរិក។

សម្រាប់ព័ត៌មានបន្ថែម, សូមធ្វើការទំនាក់ទំនងលេខទូរសព្ទ៖ ០៩៩ ៣៣៣ ១៣៣, ០១២ ២៣៥ ៥៨២, ០៨៨ ៩២៤ ៥៣៣៨, ឬ ០១៦ ៨០៨ ៩០៥។
ការបរិច្ចាគរបស់លោកអ្នកពិត ជាមានតម្លៃណាស់ ក្នុងជួយសង្រ្គោះជីវិត ទារក និងកុមារនៅកម្ពុជា។

ប្រភពដើម: មន្ទីរពេទ្យគន្ធបុប្ផាកម្ពុជា
https://www.facebook.com/share/v/1CCPhqgH3C/?mibextid=wwXIfr

22/05/2025

នាព្រឹកថ្ងៃទី១៩ ខែឧសភា ឆ្នាំ២០២៥ ដេប៉ាតឺម៉ង់ធានាគុណភាពអប់រំផ្ទៃក្នុង នៃបណ្ឌិត្យសភានគរបាលកម្ពុជា បានរៀបចំការបណ្តុះបណ្តាលផ្ទៃក្នុងស្តីអំពីការប្រើប្រាស់ Gmail, Google Form និង Qr Code ជូនដល់ថ្នាក់ដឹកនាំ និងមន្ត្រីក្រោមឱវាទចំណុះនៃដេប៉ាតឺម៉ង់ សរុបចំនួន ១៤នាក់ ដែលធ្វើបទបង្ហាញដោយលោកស្រីវរសេនីយ៍ទោ សួស ដាវី អនុប្រធានដេប៉ាតឺម៉ង់ធានាគុណភាពអប់រំផ្ទៃក្នុង។

គោលបំណងនៃវគ្គបណ្តុះបណ្តាលនេះ គឺធ្វើឡើងក្នុងន័យចែករំលែកចំណេះដឹង និងបទពិសោធន៍ ការងារជូនដល់លោក-លោកស្រីជាថ្នាក់ដឹកនាំ និងមន្ត្រីក្រោមឱវាទចំណុះនៃដេប៉ាតឺម៉ង់ ធ្វើការសិក្សាស្វែងយល់អំពីអត្ថប្រយោជន៍នៃការប្រើប្រាស់កម្មវិធី Gmail, Google Form និង Qr Code ដើម្បីមានភាពងាយស្រួល និងស្របទៅតាមការវិវឌ្ឍន៍ខ្លួនរបស់បណ្ឌិត្យសភានគរបាលកម្ពុជាឌីជីថល ក្នុងការបំពេញការងារឱ្យកាន់តែមានប្រសិទ្ធភាពជូនអង្គភាព។

គន្លឹះសំខាន់ៗនៃកម្មវិធីទាំង៣ខាងលើមានដូចជា ៖
១- របៀបក្នុងការដំឡើងកម្មវិធី
២- របៀបក្នុងការប្រើប្រាស់កម្មវិធី និង
៣- អត្ថប្រយោជន៍ក្នុងការប្រើប្រាស់កម្មវិធីទាំង៣ខាងលើ។