13/07/2026
🚨 Breaking News | ဘန်ကောက် Lad Phrao ဘီယာဆိုင် မီးလောင်မှုကြောင့် သေဆုံးသူ ၂၇ ဦးအထိရှိလာ
ထိုင်းနိုင်ငံ ဘန်ကောက်မြို့ Lad Phrao အရပ်ရှိ ဘီယာဆိုင်တစ်ဆိုင်တွင် ဖြစ်ပွားခဲ့သော မီးလောင်မှုကြောင့် သေဆုံးသူ ၂၇ ဦး (အမျိုးသား ၉ ဦး၊ အမျိုးသမီး ၁၈ ဦး) ရှိကြောင်း အာဏာပိုင်များက ဇူလိုင် ၁၃ ရက်တွင် အတည်ပြုခဲ့သည်။
လက်ရှိတွင် မှုခင်းဆေးပညာအဖွဲ့၊ အင်ဂျင်နီယာများနှင့် သက်ဆိုင်ရာအဖွဲ့အစည်းများက မီးလောင်မှုဖြစ်ပွားရာနေရာကို စစ်ဆေးလျက်ရှိပြီး မီးလောင်ရသည့် အကြောင်းရင်းကို စုံစမ်းဖော်ထုတ်နေသည်။
တာဝန်ရှိသူများ၏ ပြောကြားချက်အရ အဆိုပါအဆောက်အအုံကို ၂၀၂၆ ခုနှစ် ဧပြီလတွင် စစ်ဆေးခဲ့စဉ်က အရေးပေါ်ထွက်ပေါက်များနှင့် မီးဘေးလုံခြုံရေးစနစ်များ ပြည့်စုံကြောင်း တွေ့ရှိခဲ့သည်။ သို့သော် လုပ်ငန်းလည်ပတ်နေချိန်တွင် ထွက်ပေါက်များ သို့မဟုတ် ထွက်ပြေးလမ်းကြောင်းများ ပိတ်ဆို့နေခဲ့ခြင်းရှိ၊ မရှိကို ဆက်လက်စုံစမ်းစစ်ဆေးနေကြောင်း သိရသည်။
အာဏာပိုင်များက မီးလောင်မှု၏ အကြောင်းရင်းနှင့် တာဝန်ရှိမှုများကို ဆက်လက်စစ်ဆေးလျက်ရှိပြီး နောက်ထပ်အသေးစိတ်အချက်အလက်များကို ထုတ်ပြန်သွားမည်ဖြစ်သည်။
📌 Source: Thai authorities
