Backpacker's Notes - ကျောပိုးအိတ်ခရီးသည်

01/09/2025

ကံကောင်းပြီး ရာသီဥတုကောင်းမှမြင်ရတဲ့ မီးတောက်ပြာ ခရီးစဥ်

Travel with T for Travel .

01/09/2025

အင်ဒိုနီးရှား မီးတောက်ပြာ ခရီးစဥ်

01/09/2025

ရိုးရိုးတောင်တွေတက်ရတာ ရိုးလာရင် ၊ အင်ဒိုနီးရှားသွားပြီး မီးတောင်တွေသွားတက်စေချင်တယ်။ 🔥

မီးတောင်နိမ့်နိမ့်တက်ချင်လား ၊ စိန်ခေါ်မှုများတဲ့ ပေ ၁၀၀၀၀ အထက်ကိုရွေးတက်မလား ၊ အင်ဒိုနီးရှားဆိုတာ ခလုတ်တိုက်လို့မော့ကြည့်ရင်တောင် မြင်ရတဲ့တောင်က မီးတောင်ဖြစ်နေတတ်တာမျိုး။ ကျွန်တော်ကတော့ မီးတောင်ရှင်တွေကို တက်ရတာကြိုက်တယ်။ မီးတောင်တွေရဲ့ သဘာဝက ထူးခြားတယ်။

အပြာရောင်မီးတောက်တွေရှိတဲ့ မီးတောင်ကိုတက်မလား
ဆာလဖာငွေ့တွေထွက်နေတဲ့ မီးတောင်ကိုသွားမလား
ကမ္ဘာအကြီးဆုံးအက်ဆစ်ကန်ရှိတဲ့ မီးတောင်ချိုင့်ထဲပဲဆင်းမလား
ဒါမှမဟုတ်
၅ မိနစ်ခါလောက် အငွေ့တွေမှုတ်ထုတ်နေတဲ့ မီးတောင်ဆီပဲသွားမလား

မီးတောင်ရှင်တွေရဲ့ သဘောကတော့
အချိန်မရွေးထပေါက်နိုင်တယ်ပေါ့လေ
တစ်လောကတောင် တောင်တက်ခွင့်ပိတ်ထားတဲ့ မီးတောင်ရှင်ကို လူတွေခိုးတက်ကြရင်း တကယ်ထပေါက်လို့ လူတွေပြေးဆင်းကြတာတွေ့လိုက်သေးတယ်။
ဒါပေမယ့်လေ ဘယ်အရာဖြစ်ဖြစ် နည်းနည်းလောက်စွန့်စားလိုက်ရမှာ အရသာပိုရှိတာမလား

October မှာ တစ်ခေါက်ထပ်ပြီးသွားစွန့်စားဖို့ရှိတယ် ၊ စိတ်ဝင်စားရင် လာပြောဗျာ

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

30/08/2025

ပိုက်ဆံအိတ်နဲ့အနည်းငယ်ပွတ်တိုက်မှုဖြစ်ပွါး
Me : ခရီးသွားချင်တယ်
ပိုက်ဆံအိတ် : သွားလို့မဖြစ်သေးဘူးထင်တယ်

Me : ကျွန်တော်ကတော့သွားချင်တယ်
ပိုက်ဆံအိတ် : ဒီလိုသွားနေရင် ငတ်လိမ့်မယ်

Me : အရင်ကလည်းသွားခဲ့တာပဲ
ပိုက်ဆံအိတ် : ပြန်စဉ်းစားစေချင်သေးတယ်

Me : ဒါပေမယ့်လည်းသွားချင်တယ်
ပိုက်ဆံအိတ် : အဲဒီမှာ ဒုက္ခပဲ 😅

29/08/2025

သဘာဝပတ်ဝန်းကျင်အကြောင်း စကားပြောကြမယ်နော်

Day (1) Guest Speaker: Ko Saw Ko Oo

Chosen Topic: ''Be a Responsible Traveler''

အစ်ကို စောကိုဉီးရဲ့ ပတ်ဝန်းကျင်ထိန်းသိမ်းစောင့်ရှောက်ခြင်းဆိုင်ရာ ခရီးစဉ်ဟာ 2023 ခုနှစ်တွင် စတင်ခဲ့ပြီး အာဆီယံ ဇီဝမျိုးစုံမျိုးကွဲဌာန (ACB)ရဲ့ ရန်ပုံငွေနဲ့ဆောင်ရွက်တဲ့ '' Conservation Photography for Myanmar Youths'' Project မှာ ဒေသဆိုင်ရာ အသိပညာပေးသူအဖြစ် ပါဝင်ခဲ့ပါတယ်။ ထိုတာဝန်မှာတော့ အစ်ကိုဟာ ဘားအံနဲ့ အင်းလေး ဘေးမဲ့တောတွေရှိ ထိန်းသိမ်းစောင့်ရှောက်ရေး နယ်မြေတွေမှ လေ့လာမှုနဲ့ ကွင်းဆင်းအတွေ့အကြုံတွေကနေ တစ်ဆင့် ဒေသဆိုင်ရာ ဗဟုသုတတွေ တိုးပွားလာခဲ့ပါတယ်။

ပတ်ဝန်းကျင်ဆိုင်ရာ ထိန်းသိမ်းရေးမလုပ်ဆောင်ခင်က အစ်ကိုဟာ Local Communityတွေ နဲ့ ချိတ်ဆက်ပြီး ခရီးသွားလုပ်ငန်းဖွံဖြိုးတိုးတက်ရေးကဏ္ဍတွေမှာ အတွေ့အကြုံတွေရရှိခဲ့ပါတယ်။ တောင်တက်၊ ကယက်လှေလှော်၊ စခန်းချ စတဲ့ သဘာဝကိုအခြေခံတဲ့ ခရီးသွားလုပ်ငန်းတွေမှာ ပါဝင်ခဲ့ပြီး HpaAnn.com ခရီးသွားလုပ်ငန်းရဲ့ ပူးတွဲတည်ထောင်သူ တစ်ဉီးလည်းဖြစ်ပါတယ်။

ဒါ့အပြင် အစ်ကိုဟာဆိုရင် ကလောမြို့မှာရှိတဲ့ "Aloha Campaign and Homestay"ရဲ့ co-founder အနေနဲ့ဖွဲ့စည်းလုပ်ကိုင်နေပြီး ဒေသခံတွေနဲ့ လူထုအခြေပြုခရီးသွားလုပ်ငန်းတွေကို လက်တွဲဆောင်ရွက်ခဲ့ပါတယ်။ ထိုလက်တွေ့လုပ်ဆောင်ခဲ့တဲ့ တန်ဖိုးကြီး အတွေ့အကြုံတွေကနေတစ်ဆင့် သဘာဝပတ်ဝန်းကျင်ထိန်းသိမ်းရေးနေရာလုပ်ငန်းတွေမှာထိထိရောက်ရောက် ပြန်လည်အသုံးချခဲ့သူလည်းဖြစ်ပါတယ်။ လက်ရှိမှာလည်း "I Am Languar" အဖွဲ့ရဲ့ Founder အဖြစ်ပါဝင်ဆောင်ရွက်နေပြီး အသိပညာတိုးပွားမဲ့ Wildlife Awareness များကိုလည်း ဝေမျှလျက်ရှိပါသည်။

28/08/2025

တစ်ခါတစ်လေတော့လည်း
ဘာဆို ဘာမှမလုပ်ပဲ
တစ်စုံတစ်ခုကို အကြောင်းပြချက်မရှိ
ထိုင်ငေးချင်နေမိတယ်

28/08/2025

အင်ဒိုနီးရှားတွေက ငရုတ်သီး အရမ်းစားတာ
မနက်စာကိုတောင် ငရုတ်သီးနဲ့စားကြတာ 😅

ဘာဝယ်စားစား အစပ်လေးတော့ နည်းနည်းပါလိုက်ရမှ

အစပ်ကြိုက်တဲ့သူတွေအတွက်တော့ ရှယ်ပဲပေါ့
သူတို့ရဲ့ နာမည်ကျော်အစားအစာတစ်မျိုးဖြစ်တဲ့
“Sambal” ကိုတော့အကြိုက်ဆုံးပဲ
သူက ငရုတ်သီးအနှစ်ကို အမျိုးမျိုးလုပ်ထားတာ
“Sambal” ကိုပဲ တချို့ဆိုင်တွေမှာ အမျိုး (၃၀) လောက်ထိကိုရတာ

မြန်မာမှာ ဒညင်းသီးမစားတဲ့ကျွန်တော်တောင် အင်ဒိုရောက်တဲ့အချိန်မှာ ဒညင်းသီး Sambal ကိုနဲ့ မျောက်ငိုသီး Sambal ကို ခဏခဏမှာစားဖြစ်တဲ့ထိပဲ။

အင်ဒိုရောက်ရင်တော့ Sambal အမျိုးမျိုးကိုမှာစားကြည့်ပါလို့။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

26/08/2025

🌋မီးတောင်အောက်ကရွာကလေး Nepal Vanjava။ နာမည်ကို ကြည့်ပြီးဒီရွာလေးက နီပေါကလို့မထင်လိုက်ပါနဲ့ အင်ဒိုနီးရှားက ဂျာဗားဆိုတဲ့ကျွန်းလေးပေါ်က Sumbing ဆိုတဲ့မီးတောင်ရှင်ရဲ့အောက်တည့်တည့်မှာရှိတာပါ။ ရာသီရတုကောင်းရင် ဒီရွာလေးကို ခင်ခပ်လှမ်းလှမ်းမှာကတည်းက မီးတောင်နောက်ခံနဲ့မြင်ရတယ်။ ရာသီဥတုကတော့ ကလောလိုမျိုးအမြဲအေးစိမ့်စိမ့်နဲ့ မြူတွေဝိုင်းနေတတ်တဲ့ အေးအေး ၊ ဆေးဆေး ၊ ဖြေးဖြေး ၊ နှေးနှေးရွာလေးပါပဲ။

မီးတောင်အောက်မှာဆိုတော့ ရွာနီးတစ်ဝိုက်မှာ ဟိုးအရင်နှစ်သန်းပေါင်းများစွာကတည်းက မီးတောင်ပေါက်ပြီးထွက်လာတဲ့ မြေဆီမြေနှစ်တွေက စိုက်ပျိုးလို့ကောင်းတဲ့မြေတွေပဲပေါ့။ ဒီတော့ ရွာမရောက်ခင်ကနေပြီး ရွာကိုရောက်တဲ့အထိ ပတ်ပတ်လည်က မျက်စိတဆုံးစိုက်ခင်းတွေအပြည့်ပါပဲ။

ရွာကတကယ်ကိုအေးချမ်းတာ။ အစ္စာလာမ်ကိုးကွယ်တဲ့ရွာလေး။ ည (၇) နာရီဆိုရင်တောင်ဖွင့်တဲ့ဆိုင်မနည်းလိုက်ရှာရတယ်။ မနက် ၊ နေ့လည် ၊ ည ပုံမှန်ဝတ်ပြုကြတယ်။ ရွာလေးလည်းလှသလို ရွာသူရွာသားတွေကလည်း သဘာကောင်းတယ်။ အခုမှစပြီးတော့ Tourism စဖွံ့ဖြိုးလာတဲ့ရွာလေးဆိုတော့ အရာအားလုံးက သဘာဝပိုဆန်ပြီး လက်ခံနိုင်တဲ့ လိုအပ်ချက်တွေတော့လည်းရှိတာပေါ့ ။ ညအိပ်ချင်ရင် Homestay ပဲရနိုင်တာလေးကို သိပ်သဘောကျတာ။

တကယ်တော့ ဒီရွာရဲ့နာမည်အစစ်က Dusun Butuh ပါ။ ဒီရွာလေးနာမည်ကြီးလာပုံကလည်း တစ်မျိုးလေး။ ၂၀၁၆ တုန်းက တက္ကသိုလ်ကျောင်းသားတွေက ဒီရွာလေးအတွက် Toursim Project လေးတစ်ခုလုပ်တယ်။ အဲဒါကဘာလဲဆိုတော့ ဒီရွာက အိမ်လေးတွေကို ရောင်စုံဖြစ်အောင် ဆေးသုတ်ပြီး အိမ်နံရံမှာပုံတွေဆွဲပေးတာပေါ့။ ဒီလိုနဲ့ ၂၀၁၉ ရောက်တော့ ခု Nepal Vanjava ဆိုတဲ့ နာမည်အသစ်ကို European Toursit တစ်ယောက်က Nepal နိုင်ငံက Namche Bazzar (ဒီရွာအကြောင်းထပ်တင်ပေးပါမယ်) ဆိုတဲ့ ဟိမဝန္တာတောင်တန်းပေါ်မှာ အစီအရီရှိနေတဲ့အိမ်လေးတွေနဲ့တူလို့ ဒီနာမည်လေးကို Nickname ပေးလိုက်တာကနေစပြီးတော့ နာမည်ကြီးလာတာပါ။

ဒီရွာလေးက လှလည်းဆိုရင်လှတယ်။ အေးချမ်းတယ်။ မြူတွေအမြဲဝိုင်းနေတတ်တယ်။ ဒီအရာတွေကိုချစ်တတ်တဲ့သူတွေအတွက်တစ်ခေါက်လောက်သွားကြည့်ဖို့သင့်တော်ပါတယ်။

ကျွန်တော်က T for Travel နဲ့သွားခဲ့တာပါ

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

25/08/2025

အင်ဒိုနီးရှားလူမျိုးတွေလည်း ပုဆိုး ၊ ထမီနဲ့ ရင်ဖုံးအင်္ကျီကို ဝတ်ကြတယ်။ အခေါ်အဝေါ်တော့ နည်းနည်းကွာတာပေါ့။ ကျွန်တော်တို့ မြန်မာအမျိုးသမီးတွေကြားအရမ်းနာမည်ကြီးတဲ့ ပါတိတ် (Batik) ဆိုတာ အင်ဒိုနီးရှား ဂျာဗားကျွန်းကထွက်တာ။ Batik ဆိုတာလည်း ဂျာဗားဘာသာစကားနဲ့ခေါ်ကြတာ။

မြန်မာနဲ့ကွာသွားတာတစ်ခုက ပါတိတ်ကို (အမျိုးသမီးဝတ်ပေမယ့်) အမျိုးသားတွေကပါ ပါတိတ်အဆင်ကိုအင်္ကျီချုပ်ပြီး ဝတ်ကြတယ်။ လှလည်းလှသလို ပွဲတက်တွေထိ တန်ဘိုးထားဝတ်ကြတာ။ အထူးသဖြင့် ဘာလီကျွန်းမှာဆိုရင် ရိုးရာဝတ်စုံကို မြန်မာတွေ ထမီ ၊ ပုဆိုးဝတ်သလိုကို နေ့တိုင်းဝတ်ကြတယ်။ မြန်မာထက်တောင် ပိုပြီးဝတ်ကြသေးတယ်။

မြန်မာယောင်္ကျားလေးတွေက ပုဆိုးဝတ်တယ်။ အင်ဒိုအမျိုးသားတွေကြတော့ Sarong ကိုဝတ်ကြတယ်။ သူတို့ကတော့ Sarong ကို ဒီဇိုင်းစုံစုံ ကာလာစုံကိုမှ အရောင်တောက်တောက်တွေဝတ်ကြတာ။ ဘာလီကျွန်းသူလေးတွေကတော့ ရင်ဖုံးနဲ့ဆင်တဲ့ အင်္ကျီ Kebaya ဆိုတာကို Kamen (ထမီတစ်မျိုး) နဲ့တွဲဝတ်ပြီး။ ခါးစည်း Selendang (Sash) နဲ့တွဲဝတ်ကြတာပေါ့။ သူတို့မှာလည်း မြန်မာမှာလိုပဲ ဘုရားသွားကျောင်းတက်ဖို့ဆိုရင် ဝတ်ကြတဲ့အဝတ်အစားရယ်လိုသီးသန့်ခွဲထားပြန်တယ်။

စာနဲ့ဖတ်ရင် မမြင်မှာစိုးလို့ ပုံနဲ့တွဲရှင်းပြပေးထားတယ်နော်။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

24/08/2025

မီးတောင်ပေါက်ပြီးဖြစ်လာတဲ့ ဒီရေတံခွန်ရဲ့နာမည်က Tempak Sewu တဲ့ မြန်မာလိုဆိုရင်တော့ ရေတံခွန်ပေါင်း ၁၀၀၀ (a thousand waterfall) လို့အဓိပ္ပါယ်ရတယ်။ အင်ဒိုနီးရှားရဲ့ East Java မှာ အသွားချင်ခဲ့ဆုံးရေတံခွန်ပေါ့။

လွန်ခဲ့တဲ့နှစ်သန်းပေါင်းများစွာက မီးတောင်ပေါက်ပြီး ချော်ရည်တွေက ဒီနေရာကိုစီးကျလာရင်းကနေ ဒီနေရာက မြင်းခွါပုံစံကျွင်းကြီးဖြစ်သွားတာ။ အဲဒီကျွင်းကြီးထဲကို စမ်းချောင်းတွေအများကြီးကရေတွေစီးကျလာရင်း ရေတံခွန်ကြီးဖြစ်သွားတာ။ ပုံမှန်မြင်ဖူးနေကြရေတံခွန်တွေလို အပေါ်မှာရှိတာမဟုတ်ပဲ ၊ ကျွင်းကြီးထဲကဆင်းပြီးသွားကြည့်ရတာက ဒီရေတံခွန်ရဲ့ ထူးခြားချက်ပါ။

ဒီရေတံခွန်ကလည်း ကံစပ်တဲ့သူမှသွားရတာ။ ကျွန်တော်ရောက်တဲ့အချိန်ရာသီဥတုကောင်းနေတာတောင် အောက်ရောက်တဲ့အချိန် ရေတံခွန်နားမရောက်ခင်ကတည်းက လူကမိုးရေချိုးထားသလိုကိုရွှဲနေပြီ။ မြူတွေဝေ့ပြီး ကောင်းကင်ကိုတောင် မမြင်ရဘူး။ အဲဒါကြောင့် မိုးကြီးကြီးရွာတာမျိုး ၊ မြူတအားကျတာမျိုးဆိုရင် ဒီရေတံခွန်ကို ချက်ခြင်းပိတ်ပြီးပေးမဝင်တော့ဘူး။ အောက်ကသူတွေကိုလည်း ချက်ခြင်းအပေါ်ပြန်တက်ခိုင်းတယ်။ အဲဒါကြောင့်လည်းဂိုက်နဲ့ပဲသွားပါလို့တောင် သတိပေးဆိုင်းပုဒ်ကပ်ထားသလို။ ဂိုက်တွေကလည်း တော်တော်ဂရုစိုက်ပေးကြတယ်။

ရေတံခွန်ဘယ်ကြီးပြီးမြင့်လဲလို့မေးရင်တော့ ငယ်ငယ်ကမြန်မာစာသင်ခန်းစာက စကားကိုခဏငှါးပြီး “ခေါင်းပေါင်းကျွတ်ကျအောင် မော့ကြည့်ရတယ်” လို့ဖြေရမလိုပါပဲ။

ကဲပုံလေးတွေကနေ ခဏလောက်တူတူသွားကြည့်ရအောင်

ဒီခရီးကို T for Travel နဲ့သွားတာပါ

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

23/08/2025

အသက်ငယ်တုန်းသွားရင် အဓိပ္ပါယ်ပိုရှိတဲ့နိုင်ငံ

အင်ဒိုနီးရှားဆိုတာ စွန့်စားရတာကြိုက်တဲ့လူငယ်တွေအတွက်ကတော့ နိဗ္ဗာန်ကိုသွားရသလိုပါပဲ။ မီးတောင်တွေဆီသွားမလား ၊ မြေအောက်ဂူထဲဝင်မလား ဒါမှမဟုတ် မီးတောင်လွင်ပြင်ကို ဂျစ်ကားနဲ့ပတ်မလား . . . ဘဝမှာ လည်ဖူးသမျှ သဘောအကျဆုံးနိုင်ငံကို ပြပါဆိုရင် ဒီနိုင်ငံကိုပဲပြရပါလိမ့်မယ်

ဒီခရီးစဉ်ကို T for Travel ကစီစဉ်ပေးတာဖြစ်ပါတယ်

09/03/2025

ဗီယက်နမ် ဟနွိုင်းမြို့ရဲ့ နာမည်ကြီး Old Quarter မှာ လမ်းလျှောက်ရအောင်