เว็บไซต์คืออะไร?

https://www.facebook.com/155534295090163/

Backpacker's Notes - ကျောပိုးအိတ်ခရီးသည်, Bangkok (2025)

27/10/2025

ဧဝရတ်တောင်ခြေကရွာတွေ လှလားဆိုတဲ့အမေးကို ကိုယ်ရောက်ခဲ့တဲ့ ရွာပုံတွေနဲ့ပဲ ဖြေပေးလိုက်ပါတယ်

ရွာတွေက ခေါင်ပါတယ်
ဘာမှသိပ်မရှိပါဘူး

ရွာနီးတဝိုက်ဆို စမ်းချောင်းတွေရှိမယ်
တောပန်းတွေပွင့်နေတာရှိမယ်
Yak လို့ခေါ်တဲ့ အမွှေးထူနွားကြီးတွေနဲ့
တံခါးဖွင့်လိုက်ရင် ရေခဲတောင်ကြီးဘွားကနဲပေါ်လာပြီး စိမ့်ကနဲအေးသွားတဲ့ ခံစားချက်ကိုရမယ်

ဒီလောက်ပါပဲ
ကားမရှိ ၊ ဆိုင်ကယ်လည်းမရှိသလို
လမ်းလည်းမရှိပါဘူး
လူနည်းနည်း သဘာဝများများနဲ့
ကိုယ့်အတွက်တော့ ဘာမှမရှိတာကိုက အဓိပ္ပါယ်တွေရှိနေသလိုပါပဲ

ဒီတော့ ဘာမှမရှိတဲ့ အဓိပ္ပါယ်ကို အတူတူရှာချင်တယ်
ချေး (ဂျီး) မများတတ်ဘူး
(၁၅) ရက်လမ်းလျှောက်နိုင်ရင်တော့
Nov မှာတစ်ခေါက်ထပ်သွားရင် လိုက်ခဲ့လို့ရပါတယ်။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့
Yours in Adventure
Saw Ko Oo (Backpacker’s Notes)

25/10/2025

ဒီအဖြူရောင်ပန်းတွေကို မြင်ဖူးပါတယ်လို့ကြည့်နေတာ သေချာကြည့်မှ “ဟာ . . . တောင်ဇလပ်အဖြူတွေပဲ”။ ငါတောင်ဇလပ်အဖြူတောထဲလမ်းလျှောက်နေတာပဲဆိုတဲ့အတွေးက ခေါင်းထဲဝင်လာတယ်။ ပတ်ပတ်လည်ကိုကြည့်လိုက်တော့ ပင်လုံးကျွတ်ပွင့်နေတဲ့တောင်ဇလပ်ဖြူတွေအပြည့်။ ခပ်လှမ်းလှမ်းကိုငေးလိုက်တော့ လက်ကျန်တောင်ဇလပ်နီတွေက တောင်နံရံမှာကပ်ပြီးပေါက်နေတာ။ တောင်ဇလပ်အဖြူကိုမမြင်ဖူးတဲ့ကျွန်တော့်အတွက်တော့ အထူးအဆန်းပေါ့။ ပိုထူးဆန်းတာက ဘာလဲသိလား? ရှေ့ကိုလမ်းနည်းနည်းလျှောက်လိုက်ချိန်မှာ ဘွားကနဲမြင်လိုက်ရတဲ့ “တောင်ဇလပ်ပန်းရောင်” တွေ။ အချိန်ခဏလေးအတွင်းမှာ တောင်ဇလပ်ကို ရောင်စုံမြင်လိုက်ရတာ။ စိတ်ထဲမှာတော့ ရာသီမဟုတ်တဲ့အချိန်မှာတောင် ဒီလောက်လှနေရင် တောင်ဇလပ်ရာသီသာဆိုရင် ဘယ်လောက်လှလိုက်မလဲဆိုပြီးအတွေးစိတ်ကူးယဥ်မိတာတော့အမှန်ပဲ။ ပြောရရင် “တောင်ဇလပ်” ဆိုတာ နီပေါနိုင်ငံရဲ့ National Flower နိုင်ငံကိုယ်စားပြုပန်းဗျ။ ဒီတော့သိပ်တန်ဘိုးထားကြတာပေါ့။ ဒီနေ့ကတော့ မှတ်မှတ်ရရ “တောင်ဇလပ်ရောင်စုံပန်းပွင့်တွေခင်းတဲ့လမ်းကိုလျှောက်ရင်း ဟိမဝန္တာရေခဲတောင်တန်းတွေဆီ ခရီးနှင်ခဲ့တာပေါ့”

အသေးစိတ်ကို ပုံတွေမှာဖတ်ပေးပါ။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

24/10/2025

အိန္ဒိယလူမျိုးတွေက တောင်တွေအတော်လေးတက်ကြတယ်လို့ပြောလို့ရတယ်။ ကျွန်တော်ကလက်ရှိ တောင်တက်သင်တန်းကျောင်းမှာခင်ခဲ့တဲ့ သူငယ်ချင်းတစ်ယောက်ရဲ့ရွာကိုအလည်ရောက်နေတာ။ ရွာက ပေ ၆၀၀၀ ကျော်မှာရှိတာပေါ့။ ဒီရွာက Homestay နဲ့နာမည်ကြီးပြီး ၊ Trekking အတော်လေးနာမည်ကြီးတယ်။ သူငယ်ချင်းတွေက အိန္ဒိယရဲ့နာမည်အကြီးဆုံးဖြစ်တဲ့ Indiahike ဆိုတဲ့ ကုမ္ပဏီမှာလုပ်ကြတာပေါ့လေ။ မနေ့ညက သူငယ်ချင်းနဲ့ရွာလည်ရင်း ငါတို့ ကုမ္ပဏီရဲ့ Basecamp (အထိုင်စခန်း) ကိုလိုက်လည်မလားဆိုတာနဲ့လိုက်လည်ဖြစ်တယ်။ အဲ့မှာနောက်သူငယ်ချင်းတစ်ယောက်နဲ့ထပ်တွေ့ပေါ့။ အဲဒီမှာ သူတို့ရဲ့ Basecamp စခန်းကိုလိုက်ပြကြတယ်။ (တောင်တက်သင်တန်းလာတက်တာ ဒီရွာကချည်း ၆ ယောက်ရှိပါတယ်) Souvenir (လက်ဆောင်ပစ္စည်းဆိုင်) ၊ Gear (တောင်တက်ပစ္စည်း) အငှားနေရာတွေလိုက်ပြပေါ့။ ပြီးတော့ သူတို့ရဲ့ Trek Leader တွေကော မန်နေဂျာနဲ့ပါမိတ်ဆက်ပေးတယ်။ ဒီလိုနဲ့ပြန်မယ်လုပ်တော့ မီးဖိုချောင်ထဲကနေပြီး သူတို့ရဲ့ စားဖိုမှူး (စကားမပြောတတ်ဆွံ့အသူ) ကထွက်လာပြီး လက်ဟန်ခြေဟန်နဲ့ ညစာအတူစားဖို့ဖိတ်တယ်။ ခဏကြာတော့ သူငယ်ချင်းကပြောတယ်။ ဒီနေ့ပဲသူရဲ့ လူအယောက် (၂၀) ပါတဲ့အဖွဲ့က Trekking ပြီးလို့ နှုတ်ဆက်စကားဝိုင်းလေးရှိတယ် မင်းနားထောင်ချင်လားတဲ့။ အဲဒါနဲ့ “ဒါပေါ့ i would love to bro” ဆိုပြီးသွားနားထောင်ဖြစ်တယ်။

သူတို့သွားခဲ့တဲ့ trek က Chandrashila trek တဲ့ 34km ဝေးပြီး ပေပေါင်း (၁၂၀၃၃) ပေမြင့်တဲ့တောင်ထိပ်ဆီကို ၃ညအိပ်၄ရက်သွားတာပါ။ အိန္ဒိယမှာက မီတာ ၈၀၀၀ ကျော်တဲ့တောင်တွေရှိသလို (ကမ္ဘာမှာ မီတာ ၈၀၀၀ ကျော်တဲ့တောင် ၁၄ လုံးပဲရှိပါတယ်) ၊ ဟိမဝန္တာတောင်တန်းကြီးရဲ့တစ်စိတ်တစ်ပိုင်းကိုလည်းပိုင်ဆိုင်ထားတာမို့လို့ High altitute multi day trek တွေအရမ်းများပါတယ်။ ပေ ၁၅၀၀၀ ထက်မြင့်တဲ့ Trekking တွေလည်းရှိသလို အရမ်းလည်း Popular ဖြစ်ကြပါတယ်။ ဒီတော့ သူတို့စကားဝိုင်းလေးနားထောင်ပေါ့။ လာတက်တဲ့သူတွေကတော့အစုံပါပဲ။ ဆရာဝန် ၊ အင်ဂျင်နေယာ ၊ အစိုးရဝန်ထမ်းနဲ့ ရေတပ်ကပါတစ်ယောက်ပါသေးတယ်။ အိန္ဒိယမှာ ဘွဲ့ရပညာတတ်တွေက အင်္ဂလိပ်လိုကျွမ်းကျွမ်းကျင်ကျင်ပြောနိုင်သလို ၊ နေ့စဥ်စကားပြောတွေမှာလည်း ထည့်ပြောကြတာမို့လို့ စကားဝိုင်းရဲ့ ၆၀% လောက်ကို ဘာသာပြန်ပေးစရာမလိုပဲ ကျွန်တော်ကနားလည်နေပါတယ်။ ဒီလိုနဲ့သူတို့ပြောပြီးသွားတော့ Trek Leader ကနေပြီး ဒီနေ့အထူးဧည့်သည်တစ်ယောက်ရှိပါတယ်။ မြန်မာပြည်ကလာတာဖြစ်ပြီး Nehru Institute of Mountaineering မှာ ဒီက trekking ကို ဦးဆောင်တဲ့ Vjay-ဗီဂျေး (ကျွန်တော့်သူငယ်ချင်း)နဲ့ တောင်တက်သင်တန်းတူတူတက်ခဲ့တဲ့သူပါဆိုတော့ အားလုံးကလက်ခုပ်တီးပြီးကြိုဆိုကြတယ်။ ရုတ်တရက်ဆိုတော့ ကြောင်သွားတာပေါ့။ “စောရေ မိတ်ဆက်ပေးပါဦးဆိုတော့”

ကျွန်တော်ကနေပြီး “ကျွန်တော့်နာမည် စောပါ။ မြန်မာပြည်ကလာတာပါ။ ဒီကသူငယ်ချင်းနဲ့တောင်တက်သင်တန်းကျောင်းမှာခင်ခဲ့တာပါ။ ခုလိုဆုံရလို့ဝမ်းသာပါတယ်။ ဒီ Trek ကိုအားလုံးအောင်မြင်သွားလို့ဝမ်းသာပါတယ်။ ကျွန်တော်က ဒီအဖွဲ့ထဲကသူမဟုတ်ပါဘူး။ I’m part of the mountain, so do you guys. So i can relate to your scuuess on this trek. ဒီခရီးက တချို့တွေအတွက် လွယ်လိမ့်မယ် ၊ တချို့အတွက်တော့ ပုံမှန်ဖြစ်ပြီး ၊တချို့တွေအတွက်တော့ အရမ်းခက်နေပါလိမ့်မယ်။ ဘာပဲဖြစ်ဖြစ် အခုအားလုံးအောင်မြင်စွာခရီးစဥ်ပြီးမြောက်သွားတဲ့အတွက် တစ်ဦးတစ်ယောက်ချင်းစီအတွက် ဂုဏ်ယူပါတယ်” လို့ပြောတော့ အားလုံးက လက်ခုပ်တီးပြီး အသိအမှတ်ပြုပေးကြပါတယ်။

ပြီးတော့ သူတို့နဲ့အတူတူ ညစာစားကြနဲ့ အဓိပ္ပါယ်ရှိတဲ့ညလေးဖြစ်ခဲ့ပါတယ်။ ညဘက်ပြန်တော့ သူငယ်ချင်းနဲ့ သူ့စီနီယာက အိမ်ထိလိုက်ပို့ပေးပါတယ်။ တစ်ခါတစ်လေမှာ ကျွန်တော်တို့ခရီးသွားရင်း ရခဲ့တဲ့ အမှတ်တရတွေဆိုတာ အစားအသောက်ကောင်းတွေ ၊ ရှုခင်းလှလှတွေမဟုတ်ပဲ . . . ရင်ဘတ်ချင်းနီးတဲ့သူတွေဖြစ်ပါတယ်။ ဒီနေ့အတွေ့အကြုံတွေအတွက် သူငယ်ချင်းတွေကို ကျေးဇူးတင်ရပါတယ်။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

23/10/2025

တစ်ခုလောက်မေးပါရစေ . . . ကျွန်တော့်စာတွေ ၊ ဗီဒီယိုတွေကြည့်ပြီးရင် တစ်ခုခုခံစားမိတာမျိုးရှိကြလားဗျ

ကျွန်တော်ကတော့ ကိုယ့်ခံစားချက်နဲ့ကိုယ်ရေးလိုက်ပေမယ့် ၊ ဖတ်တဲ့သူ ကြည့်တဲ့သူတွေ ဘယ်လိုခံစားရလဲဆိုတာကို တစ်ခါမှမမေးဖူးလို့ပါ

ခံစားချက်လေးတွေသိရတော့ ကျွန်တော်လည်း စိတ်ကြည်နူးရတာပေါ့ ၊ ကျွန်တော့်ခံစားချက်တွေပဲဖတ်နေရတာမလား ဒီတစ်ခါတော့ ကျွန်တော့်ကိုအားလုံးရဲ့ ခံစားချက်လေးတွေဖတ်ခွင့်ပြုပါ

အချိန်ရရင်ဖြေပေးကြပါဦး

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

21/10/2025

ဒီနေ့ကံကောင်းရင် ဧဝရတ်တောင်ကိုလှမ်းမြင်ရမယ်တဲ့။ နောက်ပြီး ဒီနေ့ရောက်မယ့် Namche Bazzar ဆိုတဲ့ရွာမှာ ဒေသခံကလွဲရင် လူတိုင်းက နှစ်ညအိပ်ဖို့လိုအပ်တယ်။ ဘာလို့လည်းဆိုတော့ ဒီရွာရဲ့ အမြင့်ပေက ၁၁,၂၈၆ ပေမြင့်နေလို့ပါပဲ။ ကျွန်တော်တို့လို့သာမန်လူတွေက ဒီအမြင့်ကနေ ဒီထက်မြင့်တဲ့နေရာတွေဆီ ချက်ခြင်းဆက်တက်သွားရင် ခန္ဓာကိုယ်က ပြောင်းလဲသွားတဲ့ အောက်ဆီဂျင်နည်းပါးမှု နဲ့ လေထုဖိအားနည်းတဲ့ဒဏ်ကို မခံနိုင်တော့ပဲ အသက်ရှူမဝတာ၊ ပင်ပန်းနွမ်းနယ်ပြီးခေါင်းမူးတာ၊ အန်ချင်တာတွေဖြစ်တတ်ပါတယ်။ အဲလိုဖြစ်တာကို အမြင့်တက်ဝေဒနာ (AMS -acute mountain sickness) လို့ခေါ်ပါတယ်။ AMS ဖြစ်လာရင် ခဏတာထိန်းတာကလွဲရင် ကုသနည်းရယ်လို့မရှိပါဘူး။ တစ်ခုတည်းသောနည်းလမ်းက တောင်အောက်ကိုပြန်ဆင်းတာပါပဲ။ အကယ်၍ AMS ဖြစ်နေရက်နဲ့ တောင်ဆက်တက်ရင်တော့ အခန့်မသင့်ရင် အသက်သေဆုံးတဲ့အထိကိုဖြစ်တတ်ပါတယ်။ ဒါကြောင့်လည်း နီပေါက ဘယ်ခရီးသွားကုမ္ပဏီကမှ AMS ဖြစ်ရင် ၊ ထိခိုက်ဒဏ်ရာရရင် လုံးဝတာဝန်မယူပါလို့ အတိအလင်းကြေငြာထားပါတယ်။

အဲဒါကြောင့် တချို့တွေက AMS ဖြစ်လာခဲ့ရင်ဆိုပြီး “အာမခံ” တွေကြိုဝယ်ထားလေ့ရှိပါတယ်။ အထူးသဖြင့် EBC ရဲ့အမြင့်ပေ မီတာ ၅၅၀၀ ထိအကြုံးဝင်ပြီး ထိခိုက်ဒဏ်ရာရတာ ၊ AMS ဖြစ်တာမျိုးဆိုရင် ချက်ခြင်းရဟတ်ယာဉ်နဲ့တောင်ခြေထိပြန်ခေါ်ပေးတဲ့ အာမခံကိုဝယ်ကြတာပါ။ ကျွန်တော်တို့အဖွဲ့ထဲမှာတော့ ၃ ယောက်ဝယ်ပြီး ကျန်သူတွေကမဝယ်ပါဘူး။ Diamox လို့ခေါ်တဲ့ကာကွယ်ဆေးကိုပဲကြိုသောက်ကြပါတယ်။ ဒါပေမယ့် အဲဒီဆေးကိုတော့ (ဆေးရှိလျက်နဲ့) ကျွန်တော်မသောက်ခဲ့ပါဘူး။

ပုံလေးတွေကနေဆက်ဖတ်ပေးပါ

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

21/10/2025

အသက်လည်းငယ်သေးတယ် ၊ Adventure လည်းလုပ်ချင်တယ် ၊ ပိုက်ဆံလည်းအများကြီးမသုံးနိုင်သေးဘူးဆိုရင် ဗီယက်နမ်မြောက်ပိုင်းက Ha Giang ဆိုတဲ့မြို့ကိုသွားကြည့်ပါ။ အဲဒီမှာ ကမ္ဘာကျော်တဲ့ Ha Giang Loop ဆိုတာရှိတယ်။ ပြောရရင် Avatar ကားထဲကလို တောင်အချွန်တွေကြားထဲကို ဆိုင်ကယ်စီးပြီး ၃ညအိပ် ၊ ၄ရက်လည်ရတဲ့ခရီးပေါ့။ စျေးအရမ်းတော်တာမို့ တစ်ကမ္ဘာလုံးက Backpacker တွေ နေ့စဥ်ထောင်ချီပြီးကိုလာကြတာ။ သူ့အထာကတော့ တစ်နေ့ကို ၄/၅ နာရီလောက်ဆိုင်ကယ်စီးမယ် ၊ တောင်တွေအထပ်ထပ်ကြားထဲက ၊ ကျောက်တုံးနဲ့ကာထားတဲ့အိမ်တွေ ၊ မြေကြီးနဲ့ဆောက်ထားတဲ့အိမ်တွေကိုမြင်ရမယ်။ တိုင်းရင်းသားတွေရှိမယ်။ လှလိုက်တာလို့ ပါးစပ်ဟရေရွတ်ရတဲ့ အလှတရားကို ကိုယ်တိုင်မြင်ရမယ်။ ညရောက်ရင်တော့ ဒေသခံတွေဖွင့်ထားတဲ့ Home Stay မှာနေပြီး မီးပုံလေးဖို သူတို့ချက်ကျွေးတာစား ၊ Happy Water (ဆန်အရက်) ကို နိုင်ငံစုံက Backpacker တွေနဲ့အတူသောက်ကြပြီး သီချင်းတွေတူတူဆိုကြပေါ့။

အတွေ့အကြုံသစ်လည်းလိုချင်တယ်။ သဘာဝထဲကိုလည်းရောက်မယ် ၊ ယဥ်ကျေးမှုအသစ်နဲ့ ဒေသခံတွေရဲ့ ပျူငြာမှုကို Budget နည်းနည်းနဲ့စမ်းသပ်ချင်ရင်တော့ တရုတ်-ဗီယက်နမ်နယ်စပ်က Ha Gaing ကိုသာသွားကြပါ။ ကျွန်တော်ကတော့ သဘောကျလို့ လာမယ့် ဒီဇင်ဘာ ပထမအပတ်မှာ ဘေဘီလေးနဲ့အတူတူထပ်သွားဖို့ရှိပါတယ်။ မိုးကုန်ခါစဆိုတော့ အလှဆုံးအချိန်ဖြစ်တာမို့ပါ။ အချိန်ရရင် စိတ်ဝင်စားရင် ဂဂျီဂဂျောင်မဖြစ်ရင် ဘာလာလာဒေါင်းဆိုရင် လိုက်ခဲ့လို့ရပါတယ်။ Hanoi မြို့ကနေ အသွားအပြန် VIP bus အပါ ၊ ဆိုင်ကယ်မောင်းပေးမယ့်သူနဲ့ ၃ညအိပ်၊၄ရက် နေစားငြိမ်းကိုမှ $200 စွန်းစွန်းပါပဲ။ ခုတင် ကိုယ့်ဘော်ဒါတွေနဲ့အုပ်စုကတောင့်နေပါပြီ။

အခုအချိန်မရသေးရင်တောင် အဲဒီနေရာကို ငယ်တုန်းသွားဖို့တိုက်တွန်းပါရစေ။ ဘဝအတွက် အမှတ်တရတစ်ခုခုရစေမယ်လို့ ပြောပါရစေ။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

21/10/2025

Vlog တွေမတင်တော့ဘူးလားဆိုပြီး သတိတရမေးကြတာလေးတွေတွေ့ရပါတယ်

ကျေးဇူးတင်ပါတယ်။ ကျွန်တော် Vlog မတင်ဖြစ်တာ နှစ်လရှိပါပြီ။ တောင်တက်သင်တန်းတစ်လ နဲ့ ခု Paragliding သင်တန်းတက်တာရယ်နဲ့က အချိန်သိပ်မရတော့ မလုပ်အားဘူးဖြစ်နေတာ။ ကြားထဲ သင်တန်းကာလမှာ နေမကောင်းဖြစ်တာလည်းပါတာပေါ့လေ။ ခုပုံကိုကြည့်ရင် လူကသေးသေးပဲကျန်တော့တာကသက်သေပါ။ ခုတောင် ချောင်းဆိုးတာ မပျောက်သေးဘူး။

နောက်ပြီး Video content တွေကိုက ကိုယ်တိုင်စိတ်တိုင်းကျတဲ့ Story line / နောက်ခံအသံကအစ အကြိမ်ကြိမ်ပြန်ကြည့်ပြီး ကျေနပ်မှ တင်တာဆိုတော့ အများကြီးမတင်နိုင်ဘူးပေါ့လေ။ ခုတစ်ခေါက် အိန္ဒိယကိုလာတာကလည်း သာမန်ခရီးသွားသလိုမဟုတ် သင်တန်းလာတက်တာဆိုတော့ အလုပ်များတာလည်းပါတာပေါ့။

ဘာပဲဖြစ်ဖြစ် သတိရပေးလို့ကော တော်တော်ကြာမှ Video content တင်လည်း တစ်ပုဒ်ဆိုတစ်ပုဒ်အမြဲအားပေးကြလို့ကော ကျေးဇူးတင်ပါတယ်။

ကျန်းမာရေးဂရုစိုက်ပါဆိုတဲ့ မေတ္တာစာတွေကိုလည်းအမြဲသတိတရကြည့်ဖြစ်ပါတယ်။ စာတွေမပြန်
နိုင်သေးတာလည်းစိတ်မရှိကြပါနဲ့။ နေသိပ်မကောင်းသေးလို့ပါ။ အားလုံးကို ချစ်ပါတယ်။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

19/10/2025

ဘာမှမရှိတဲ့ ချောင်ထဲက နွားတင်းကုပ်ထဲဖွင့်ထားတဲ့ Cafe။ တစ်ခါတစ်လေတော့လည်း လူတွေကနားလည်ရခက်တယ်။ ဒီ Cafe ကလေ ပြောရရင် Bir လို့ခေါ်တဲ့ အိန္ဒိယက တိဘက်လူမျိုးတွေနေကြတဲ့နယ်မြို့သေးသေးလေးမှာရှိတာ။ အဲဒီနယ်မြို့သေးသေးထဲမှာကိုက ဟိုးချောင်ထဲမှာရှိတာ ၊ လမ်းက လူပဲသွားလို့ရပြီး ဆိုင်ကယ်မပြောနဲ့ စက်ဘီးတောင်ဝင်မရတဲ့နေရာ။ အစားအသောက်ကောင်းလားဆိုတော့ အရမ်းကြီးလည်းထွေထူးကောင်းမနေပြန်ဘူး။ ကျွန်တော်သွားတဲ့အချိန်ကဆိုပိုဆိုးသေး စာဖိုမှူးမရှိသေးလို့ ရှိတာပဲမှာလို့ရတယ်။ ဒါပေမယ့်လည်း ဒီနေ့ရာလေးကိုလူတွေက ချစ်ကြတယ်ဗျ။

ဒီဆိုင်လေးရဲ့အထာက ရိုးရှင်းတယ် Sustainability and Simplicity တဲ့။ အော်ဂဲအစားအသောက်တွေပဲရတယ်။ ဒေသထွက်ပစ္စည်းပဲသုံးတယ်။ တစ်ခါတစ်ခါမှာရင် အကြာကြီးစောင့်ရတယ်။ သူတို့ကလည်းကြိုပြီးပြောပါတယ်။ အချိန်မရတဲ့သူတွေအတွက် ဒီနေရာကမသင့်တော်ပါဘူးတဲ့။ သဘာဝကို ခံစားရင်း အနားကရေခဲတောင်တွေ ငေးမောစောင့်ဆိုင်းပေးနိုင်မှလာပါပေါ့။ ဒါဟာချေတာလည်းမဟုတ်ဘူး။ ယဉ်ကျေးစွာနဲ့ကြီးကျယ်တတ်ရင်မသင့်တော်ပါဘူးလို့ပြောထားတာ။ ပလက်စတစ်ကိုသူတို့မသုံးဘူး။ ခြံထဲက လူတွေထိုင်ပြီး ကော်ဖီသောက်ကြတဲ့ မြေသားအဆောက်အဦလေးက နွားတင်းကုပ်ကို မဖြိုပဲ ပြင်ထားတာ။ အပေါ်ထပ်ဆိုရင် နိမ့်လွန်းလို့မတ်တပ်ရပ်လို့မရဘူး။

သူတို့ကပြောသေးတယ်။ ဒီ Cafe လေးဖြစ်လာဖို့အတွက် သိပ်အရေးပါပြီး ကျေးဇူးတင်ရမယ့်သူရှိသေးတယ်တဲ့ အဲဒါကတော့ သူတို့ရဲ့ GR ခွေးလေး Buddy ပါတဲ့။ ခုတော့ Buddy က ကောင်းကင်မှာပါ။ အမြဲသတိတရရင်ထဲရှိနေကြောင်းရေးထားတယ်။ အခုအသစ်မွေးထားတဲ့ ခွေးလေးနဲ့ကြောင်လေးကိုလည်းချစ်တဲ့အကြောင်းပေါ့။ ကျွန်တော်ကတော့ ညနေစောင်းလေးသွားဖြစ်တယ်။ လမ်းမမှားရုံတမယ်ပါပဲ။

နွားတင်းကုပ်အပေါ်ထပ်ကို ဖိနပ်ချွတ်တက် ခေါင်းငုံ့ဝင်ပြီး နေဝင်သွားတာကိုထိုင်ကြည့်တယ်။ အဲဒီချိန်မှာ ကောင်းကင်ကနေ Paraglider တွေ တစ်စီးပြီးတစ်စီးဆင်းလာကြတယ်။ နေလည်းဝင် ၊ Paraglider တွေလည်း မြေပေါ်အရောက်ပေါ့။ ခဏကြာတော့ ဟင်းနုနွယ်ဟင်းချိုနဲ့ Lemon Ginger Honey တစ်ခွက်မှာတယ်။ ဟင်းချိုမရဘူးဆိုတာနဲ့ ရတာပဲယူပြီး အောင်ထပ်က စားပွဲကျဉ်းကျဉ်းလေးတစ်ခုမှာထိုင်လိုက်တယ်။ လယ်ကွင်းဘေးက ချောင်ထဲမှာဆိုတော့ အကောင်သေးသေးလေးတွေကလည်းဝဲလို့ . . . အေးလေ ကိုယ်က သူတို့နေရာကို ကျူးကျော်လာကိုး။ ဒီလိုနဲ့လုံးဝမှောင်သွားမှပဲ ပြန်လာဖြစ်တယ်။ တောင်ပေါ်ကနေ မီးလေးတွေလင်းလာတာကြယ်ပွင့်လေးတွေနဲ့တူတယ်။ အနောက်က ရေခဲတောင်က ဝါးဝါးပဲမြင်ရတော့တယ်။

ဘာမှမဟုတ်တဲ့ လူတွေကခက်တယ်။ ဘာမှမဟုတ်တဲ့နေရာတွေကိုသွားတတ်ကြတယ်။ တစ်ခါတစ်လေမှာ ဘာမှမဟုတ်တာတွေက အရာအားလုံးဖြစ်နေတတ်တယ်မဟုတ်လား။

ဒါပါပဲ . . . ဘာမှမထူးခြားတဲ့ အကြောင်းအရာကိုအဆုံးထိဖတ်ပေးလို့ကျေးဇူးတင်ပါတယ်

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

19/10/2025

အခုပျံသန်းမှာ “စော” ဖြစ်ပါတယ်ဆိုပြီး
“PULL” လို့ပြောတာနဲ့တောင်စောင်းကနေ နောက်လှည့်မကြည့်ပဲ ပြေးဆင်းပြီးပျံရပါတယ်

ဒီဗီဒီယိုက ဒုတိယအကြိမ်ပျံတုန်းကရိုက်ထားတာပါ

Instructor တွေက တောင်ပေါ် တောင်အောက်နှစ်နေရာကနေ ပျံနေတဲ့ပုံစံမှားတာနဲ့ Command လှမ်းပေးပါတယ်

ဒီနေ့ကတော့ (၄) ကြိမ်မြောက်ပျံရပြီး ၊ တစ်ဝက်ကိုတော့ Command မပါပဲ ကိုယ့်ဘာသာပျံရပါတယ်

19/10/2025

I’m Flying 🪂 တစ်ကိုယ်တော်ပျံသန်းခြင်း
သူငယ်ချင်းတွေ Paragliding စီးဖို့ခေါ်တိုင်းမစီးခဲ့တာအကြောင်းရှိပါတယ်၊ အဲဒါက ကိုယ်တိုင်ပျံချင်တာမို့လို့ပါ

ငယ်ငယ်ကတည်းက မိုးပေါ်ပျံတဲ့အရသာကို အရမ်းသိချင်ခဲ့တာ

အခုတော့ သိခဲ့ပါပြီ

ကိုယ်တိုင်လည်း ဘယ်သူတစ်ဦးတစ်ယောက်ရဲ့အကူအညီမပါပဲ ပျံသန်းနိုင်ပါပြီ

အန္တာရာယ်များတဲ့ အားကစားတစ်ခုဖြစ်ပေမယ့် အသက် (၃၀) မပြည့်ခင်လုပ်ချင်တဲ့ အရာ (၃) ခုထဲက (၁)ခုဖြစ်တာမို့ မွေးနေ့မရောက်ခင် နေမကောင်းဖြစ်နေရက်နဲ့ သင်တန်းကိုပြီးအောင်တက်ခဲ့တာပါ

ခုတော့ တောင်တန်းတွေ တိမ်တွေ အရာအားလုံးကို ငုံ့ကြည့်ပြီး ပျံသန်းနိုင်ခဲ့ပြီလေ

အသေးစိတ်ကိုတော့ မကြာခင် Vlog လေးစောင့်ပေးပါ

ခုချိန်မှအပြောချင်ဆုံးကတော့

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

ဆိုတာလေးပါပဲ 😊 ၊ ဒီတစ်ကြိမ်တော့မိုးပေါ်ကကြည့်ပါမယ်။

17/10/2025

“အထမ်းသမားက လူတစ်ယောက်ကို 20kg ထမ်းပေးပါမယ်။ ကျန်တာကိုတော့ ကိုယ့်ဘာသာသယ်ရပါမယ်။” ဒီဟာက EBC (Everest Base Camp) သွားတက်ချင်သူတွေအတွက် ဝိတ်လစ်မစ်ပါပဲ။ တကယ်တော့ အထမ်းသမား (Sherpa) တစ်ယောက်ဟာ 40kg ကိုအသာလေးထမ်းနိုင်ပါတယ်။ ဒါပေမယ့် EBC တက်တဲ့သူတွေအတွက်က 20kg ဆိုလုံလောက်ပြီမို့ တောင်တက်သမားနှစ်ယောက်ကို အထမ်းတစ်ယောက်စီပေးထားပါတယ်။

ဒီတစ်ခေါက်က စုစုပေါင်းမြန်မာ (၁၀) ယောက်ရဲ့ (၁၅) ရက်လမ်းလျှောက်ပြီး ဧဝရတ်ကိုမေ့ာကြည့်ရမယ့်ခရီးစဉ်ပါ။ မြန်မာပြည်ကလာကြသူတွေရှိသလို ၊ UK ကနေတကူးတကလာတဲ့ တောင်တက်သမား ဆရာဝန်တစ်ယောက်လည်းပါပါတယ်။ ထူးခြားတာကတော့ ဒီ (၁၀) ယောက်ထဲမှာ (၆) ယောက်က မြန်မာပြည်က ရေခဲတောင်တွေဖြစ်တဲ့ ဖုန်ကန်ရာဇီ ၊ ဇီယာမာဒင် နဲ့ စာရာမေတိတောင် စသဖြင့် ရေခဲတောင်အသီးသီးတက်ဖူးကြသူတွေဖြစ်ပြီး တောင်တက်အလေ့အကျင့်မရှိတဲ့သူတွေလည်းပါပါတယ်။

ဒီအတွက်လည်း အရမ်းမြင့်တဲ့အမြင့်ပေကိုရောက်ရင် ဖြစ်တတ်တဲ့ အမြင့်ရောက်ဝေဒနာ (AMS) ဒဏ်မခံစားရအောင် Diamox ဆိုတဲ့ ကြိုတင်ကာကွယ်ဆေးတစ်မျိုးကိုကြိုသောက်ထားကြပြီး ၊ နေ့စဉ်အောက်ဆီဂျင်တိုင်းတာမှုလုပ်ဖို့ပြင်ဆင်ထားသလို ရုတ်တရက်ပြင်းထန်တဲ့ AMS ဒဏ်ခံရရင်သုံးတဲ့ အရေးပေါ်ဆေးပါပြင်ဆင်ထားကြရပါတယ်။

ဒီလိုနဲ့ ကျွန်တော်တို့ နီပေါနိုင်ငံ Kathmandu မြို့ကနေ တောင်စတက်ရမယ့် Lukla ဆိုတဲ့မြို့လေးက ကမ္ဘာ့အန္တရာယ်အများလေဆိပ်ဆီ စထွက်လာခဲ့ပါတော့တယ်။

ပုံတွေအောက်မှုဆက်ဖတ်ပေးပါ။

#မသေခင်ကမ္ဘာကြီးကိုကြည့်သွားမယ်_ကျောပိုးအိတ်လေးလွယ်ပြီးတော့

Yours in Adventure
Saw Ko Oo (Backpacker’s Notes)

Backpacker's Notes - ကျောပိုးအိတ်ခရီးသည်

27/10/2025

25/10/2025

24/10/2025

23/10/2025

21/10/2025

21/10/2025

21/10/2025

19/10/2025

19/10/2025

19/10/2025

17/10/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท