เว็บไซต์คืออะไร?

Red Peacock, Bangkok (2026)

12/08/2026

စလင်းမြို့နယ်မှာ နှစ်ရက်ဆက်တိုက် လေကြောင်း ဗုံးကြဲခံရလို့ အမျိုးသမီး သုံးဦး သေဆုံး

မကွေး၊ သြဂုတ် ၁၂

အကြမ်းဖက်စစ်တပ်က နှစ်ရက်အတွင်း မကွေးတိုင်း၊ စလင်းမြို့နယ်ထဲက ကျေးရွာတွေကို လေကြောင်း တိုက်ခိုက်မှုတွေ ပြုလုပ်ခဲ့လို့ အရပ်သားသုံးဦးက သေဆုံးခဲ့ကြောင်း စလင်းပကဖတာဝန်ရှိသူတစ်ဦး နဲ့ ဒေသ တွင်းသတင်းရင်းမြစ်တစ်ဦးအပြောအရ သိရပါတယ်။

အကြမ်းဖက်စစ်တပ်လက်အောက်ခံ ဂျက်ဖိုက်တာတစ်စီးက ပြီးခဲ့တဲ့သြဂုတ် ၁၀ ရက်နေ့မှာ တောင်ဘိုကျေးရွာ နဲ့ ဇီးဖြူပင်ကျေးရွာကို ဗုံးကြဲတိုက်ခိုက်ခဲ့တာ ဖြစ်ပါတယ်။

အဆိုပါလေကြောင်းတိုက်ခိုက်မှုကြောင့် တောင်ဘိုကျေးရွာမှ အသက်ခုနစ်ဆယ်အရွယ် အမျိုးသမီးတစ်ဦး နဲ့ အသက် ၈၃ နှစ်အရွယ်အမျိုးသမီးတို့ နေရာတင် သေဆုံးခဲ့ပါတယ်။ အလားတူ ထိခိုက်သူဆယ်ဦးအနက် လေးဦးက စိုးရိမ်ရပြီး နွားသုံးကောင် သေဆုံးခဲ့တယ်လို့ စလင်း ပကဖတာဝန်ရှိသူက ပြောပါတယ်။

အလားတူ သြဂုတ် ၁၁ ရက်နေ့မှာ အကြမ်းဖက်စစ်တပ်က ကန်တော်ရွာ၊ ကျပန်းရွာ နဲ့ ရွာသစ်ကလေးရွာတို့ကို ဖိုက်တာလေးစီးနဲ့ လေကြောင်းကနေ ဗုံးကြဲခဲ့တဲ့အတွက် ရွာသစ်ကလေး ကျေးရွာမှ အသက်ခုနစ်ဆယ်အရွယ် အမျိုးသား တစ်ဦးက သေဆုံးခဲ့ကြောင်း သိရပါတယ်။
အကြမ်းဖက်စစ်တပ် မင်းအောင်လှိုင်ဦးဆောင်သည့် အာဏာသိမ်းငါးနှစ်တာကာလအတွင်းမှာ မကွေးဖက်ဒရယ်ယူနစ်နယ်မြေအတွင်းက အရပ်သားရှစ်ရာနီးပါးကို အကြမ်းဖက်စစ်တပ်က သတ်ဖြတ်ခဲ့ကြောင်း အမျိုးသားညီညွတ်ရေးအစိုးရ၊ လူ့အခွင့်အရေးဝန်ကြီးဌာနက အသိပေး ထားပါတယ်။

ရေးသားသူ - သူပုန်လက်
Photo – ပေးပို့( ဗုံးကြဲတိုက်ခိုက်ခံရတဲ့ တောင်ဘို့ရွာ)
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် SDBPay & NUGPay QR ကနေ သို့မဟုတ် Commentမှာ https://drive.google.com/file/d/1-EkgbLFZgA06qkBSSofiGtiCbFp6rWpj/view?usp= sharing ထောက်ပံ့ကူညီနိုင်ပါတယ်။

#မကွေး #စလင်း

12/08/2026

🔰နွေဦးတော်လှန်ရေးဘာသာပေါင်းစုံကွန်ရက်မှ စီစဉ်သည့်ဘာသာပေါင်းစုံအတူလက်တွဲစစ်အာဏာရှင် ဖြုတ်ချပွဲစကားဝိုင်းဆွေးနွေးပွဲအစီအစဉ် (၂၆၁) ကို
ဩဂုတ်လ (၁၂) ရက်နေ့ည (၉) နာရီတွင် ကျင်းပမည်ဖြစ်ပါသည်။
🔰ဆွေးနွေးပွဲ စတင်သည့် အချိန်တွင်
ဖော်ပြပါ Link မှတဆင့် ဝင်ရောက်နိုင်ပါသည်။
https://bit.ly/45KjPCC
🔰တိုက်ရိုက်ထုတ်လွှင့်ပြသမည့် Pages
✅Mizzima
✅CJ Platform
✅The Tanintharyi Times
✅Compassie Voor Myanmar
✅မောင်း
✅D-Day News
✅လူထုခေတ်
✅မြို့တော်
✅MeKong News - မဲခေါင်သတင်း
✅Unsung Team
✅မျက်မှောက်ခေတ်
✅Red News Agency
✅Chindwinyoma News- Burmese Edition
✅Ayeyarwaddy Times - TV
✅Delta News Agency
✅Independent Mon News Agency
✅သံလွင်ခတ် - Than Lwin Khet News
✅ခေတ်မျက်လုံး-Era's Eye
✅The Nation Voice
✅နွေဦးတော်လှန်ရေး ဘာသာပေါင်းစုံကွန်ရက်
✅နွေဦးတော်လှန်ရေးသံဃကွန်ရက်
✅ နွေဦးတော်လှန်ရေး
မြန်မာမွတ်စလင်မ်ကွန်ရက်
✅Learn and Share - လေ့လာဝေမျှ
✅Rehmonnya FM
✅Tun Kyi page
⚠️ပြည်သူများအနေဖြင့် ပါ၀င်ဆွေနွေးနိုင်ပြီး
ဆွေးနွေးသည့် အခါတွင် ခေါင်းစဉ်နှင့် သက်ဆိုင်သည့် မေးခွန်း နှင့် အကြောင်းအရာများကိုသာ မေးမြန်းဆွေးနွေးပေးကြပါရန် မေတ္တာရပ်ခံပါသည်။
⚠️
✅✅✅
Please Like and Share our page

12/08/2026

မင်းတုန်း - သရက်လမ်းပိုင်းမှာ တိုက်ပွဲဖြစ်ပြီး အကြမ်းဖက်စစ်တပ်တပ်ဖွဲ့ဝင်ကိုးဦး သေဆုံး

မကွေး၊ သြဂုတ် ၁၂

မကွေးတိုင်း၊ သရက်မြို့နယ်မှာ မင်းတုန်းမြို့နယ်မှ ထွက်လာတဲ အကြမ်းဖက်စစ်တပ်စစ်ကြောင်းကို မိုင်းဆွဲတိုက်ခိုက်တာအပြင် အပြန်အလှန်ပစ်ခတ်တာကြောင့် သေဆုံးမှုများ ရှိခဲ့ကြောင်း သရက်ခရိုင်အမှတ် ၄ တပ်ရင်းက ဒီနေ့ညပိုင်းမှာ သတင်းထုတ်ပြန်ထားပါတယ်။

သရက်ခရိုင်အမှတ် ၄ တပ်ရင်းတာဝန်ရှိသူက “တိုက်ပွဲဖြစ်ပြီးမှ လူနာတင်ယာဉ်တစ်စီး လာတာရှိတယ်၊ သူတို့ဘက်က အင်အားထပ်ဖြည့်တာတွေ ရှိတယ်။ အခု ရေမျက်ရဲစခန်းကနေ လက်နက်ကြီး ထုနေတာ ရှိပါတယ်။ လူထုတော့ ရှောင်ရတဲ့အနေအထား မရှိပါဘူး” လို့ ပြောပါတယ်။

ဒီနေ့နေလယ်ပိုင်းမှာ မင်းတုန်းမြို့နယ်ကနေ နယ်မြေရှင်းရန် ထွက်လာတဲ့အကြမ်းဖက်စစ်တပ်ကို ပြည်သူ့ကာကွယ်ရေးရဲဘော်တွေက သရက် - မင်းတုန်းလမ်းပိုင်း၊ ပဇင်းဒါးကျေးရွာအနီးမှာ မိုင်းဆွဲတိုက်ခိုက်ခဲ့တာ ဖြစ်ပါတယ်။

အဆိုပါမိုင်းဆွဲတိုက်ခိုက်မှုအပြီးမှာ အပြန်အလှန်ပစ်ခတ်မှုက ၃၀ မိနစ်ခန့် ဖြစ်ပွားခဲ့ကြောင်း သရက်ခရိုင်အမှတ် ၃ တပ်ရင်း၏ထုတ်ပြန်ချက်အရ သိရပါတယ်။

အကြမ်းဖက်စစ်တပ်ဘက်က ကိုးဦးက သေဆုံးခဲ့တယ်ဆိုပေမဲ့ Red Peacock သတင်းမီဒီယာအနေနဲ့ သီးခြားအတည်ပြုနိုင်ခြင်း မရှိသေးပါဘူး။

ဒီတိုက်ိခုက်မှုကို သရက်ခရိုင်အမှတ် ၄ တပ်ရင်းက ဆောင်ရွက်ခဲ့တာ ဖြစ်ပါတယ်။
ရေးသားသူ - သူပုန်လက်
Photo – သရက်ခရိုင်အမှတ် ၄ တပ်ရင်း
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် SDBPay & NUGPay QR ကနေ သို့မဟုတ် Commentမှာ https://drive.google.com/file/d/1-EkgbLFZgA06qkBSSofiGtiCbFp6rWpj/view?usp= sharing ထောက်ပံ့ကူညီနိုင်ပါတယ်။

#မကွေး #သရက် #မင်းတုန်း

12/08/2026

နွေဦးတော်လှန်ရေးသံဃကွန်ရက်က စီစဉ်ကျင်းပသော အပတ်စဉ် ဗုဒ္ဓဟူးနေ့ ဟောပြောဆွေးနွေးပွဲ
▫️ခေါင်းစဉ်
- လက်ရှိမြန်မာ့နိုင်ငံရေးနှင့် အနာဂတ်တော်လှန်ရေးခရီးကြမ်း အပိုင်း(၂)
▫️ဟောပြောကြမည့် ဆရာတော်များ
- ဒယ်ဂူးဆရာတော်(တောင်ကိုရီးယား)
- ဆရာတော် ဦးဓမ္မမေတ္တာ
▫️ဆွေးနွေးမည့်နေ့ရက်နှင့် အချိန်
နေ့ရက်:၂၀၂၆ ခုနှစ်၊ ဩဂုတ်လ (၁၂) ရက် (ဗုဒ္ဓဟူးနေ့)
အချိန်: မြန်မာစံတော်ချိန် ည ၇:၃၀ နာရီ
▫️ ထုတ်လွှင့်မည့် စာမျက်နှာများ ဤအစီအစဉ်ကို အောက်ဖော်ပြပါ စာမျက်နှာများတွင် တိုက်ရိုက်ကြည့်ရှုနိုင်ပါသည်။
✅ နွေဦးတော်လှန်ရေးသံဃကွန်ရက်
✅ Mizzima - News in Burmese
✅ သံလွင်ခတ် - Than Lwin Khet News
✅ The Tan antharyi Times
✅ Compassie Voor Myanmar
✅ မောင်း
✅ D-Day News
✅ လူထုခေတ်
✅ မြို့တော်
✅ MeKong News - မဲခေါင်သတင်း
✅ Unsung Team
✅ မျက်မှောက်ခေတ်
✅ နွေဦးတော်လှန်ရေးမြန်မာမွတ်စလင်မ်ကွန်ရက်
✅ Red News Agency
✅ Chindwinyoma News - Burmese Edition
✅ Ayeyarwaddy Times - TV
✅ နွေဦးတော်လှန်ရေးဘာသာပေါင်းစုံကွန်ရက်
✅ Delta News Agency
✅ Independent Mon News Agency
✅ Learn and Share - လေ့လာဝေမျှ
✅ CJ Platform
✅ Rehmonnya FM
✅ Tun Kyi

▫️TikTok တွင်လည်း အောက်ပါလင့်ခ်မှတဆင့် ပြန်လည် ဝင်ရောက်နားဆင်နိုင်ပါသည်။ - https://www.tiktok.com/.metta8?_r=1&_t=ZS-933dM6tB3qB

12/08/2026

အပြည်ပြည်ဆိုင်ရာ လူငယ်များနေ့ အထိမ်းအမှတ် လူငယ်ဖက်ဒရယ်စကားဝိုင်း

အပြည်ပြည်ဆိုင်ရာ လူငယ်များနေ့ (International Youth Day ၂၀၂၆) အထိမ်းအမှတ် လူငယ်ဖက်ဒရယ်စကားဝိုင်း (Youth Federal Dialogue – Panel Discussion) - "Different Contexts, Common Aspirations: Youth Voices Shaping the Federal Future" ကို ကြည့်ရှုနားဆင်ကြရမှာဖြစ်ပါတယ်။

12/08/2026

အကြမ်းဖက်စစ်တပ်က မိုးမိတ် - မဘိမ်းလမ်းပိုင်းကို ဗုံးကြဲ

မိုးမိတ်၊ သြဂုတ် ၁၂

ရှမ်းပြည်နယ်၊ မိုးမိတ်မြို့နယ်၊ မိုးမိတ် - မဘိမ်းကားလမ်းကို အကြမ်းဖက်စစ်တပ်က ဒီနေ့မှာ ဂျက်ဖိုက်တာနှစ်စီး ဗုံးကြဲပြီး MI - 35 တိုက်ခိုက်ရေးရဟတ်ယာဉ်တစ်စီးနဲ့ တိုက်ခိုက်ခဲ့ ကြောင်း ဒေသခံသတင်းရင်းမြစ်နှစ်ဦးက Red Peacock သတင်းမီဒီယာကို ပြောပါတယ်။

အကြမ်းဖက်စစ်တပ်က မဘိမ်းမြို့ကို သိမ်းယူနိုင်ဖို့အတွက် နယ်မြေရှင်းလင်းရေးသဘောနဲ့ ဗုံးကြဲနေတာ ဖြစ်ကြောင်း စစ်ရေးသတင်းရင်းမြစ်တစ်ဦးက ပြောပါတယ်။

အဆိုပါလေကြောင်းတိုက်ခိုက်မှုတွေနဲ့ ပတ်သက်ပြီး ဒေသခံတစ်ဦးက အကြမ်းဖက်စစ်တပ်က မိုးမိတ်မြို့နဲ့ လေးမိုင်အကွာ နဲ့ ကျောက်တောင်ရွာတို့အနီးဝန်းကျင်ကို KIA ပူးပေါင်းတပ်တွေ ရှိမယ့်အထင်နဲ့ ဗုံးကြဲခဲတာ ဖြစ်ကြောင်း ပြောပါတယ်။

စစ်ရေးသတင်းရင်းမြစ်က “လေးမိုင်မှာ Kia ရှိတယ်အထင်နဲ့ လေကြောင်းနဲ့ရှင်းတာ၊ လေးမိုင်ကနေ ဆုတ်ရင် သူတို့ တိုးမှာ လေးမိုင်မှာ ထိုင်မှာ။ တစ်ထွာရရ တစ်တောင်ရရ တိုးနေတာ၊ မိုးမိတ်က အခရာ ကျတယ် ဗျူဟာကျတဲ့မြို့လေ။ ဒါကြောင့် ဗျူဟာ အထိုင်ချထားတာ” လို့ ပြောပါတယ်။

မနေ့မနက်ပိုင်းမှာ အကြမ်းဖက်စစ်တပ်က မိုးမိတ်မြို့နယ်၊ ညောင်နီရွာ နဲ့ သရက်ချိုကျေးရွာကို ဗုံးကြဲခဲ့တဲ့ အတွက် ဒေသခံပြည်သူတွေက ရှုမျှော်သာဘုရားမှာ တိမ်းရှောင်နေကြရပါတယ်။

KIA ပူးပေါင်းတပ်များသည် မဘိမ်းမြို့ကို ပြီးခဲ့တဲ့ ၂၀၂၄ ခုစ်၊ ဇန်နဝါရီ ၂၁ရက်နေ့မှာ သိမ်းယူထားတာ ဖြစ်ပြီး အကြမ်းဖက်စစ်တပ် ထိန်းချုပ်ထားတဲ့ မိုးမိတ်မြို့နှင့် ၂၅ မိုင်အကွာမှာ ရှိပါတယ်။

အကြမ်းဖက်စစ်တပ်အတွက် မိုးမိတ်မြို့က လေဆိပ်အပါအဝင် ခလရ ၂၂၃/ မပခ၊ ခလရ ၃၄၈/မပခ၊ ဗျူဟာပကပ၊ စဗဟ မိုးမိတ် နှင့် ခလရ ၂၇၆/ မပခ တပ်ရင်းများ ရှိနေသည့် ဗျူဟာကျ မြို့တစ်မြို့ ဖြစ်နေပါတယ်။

ရေးသားသူ - သူပုန်လက်
Photo – ဒေသခံတစ်ဦး( သြဂုတ် ၁၂ ရက်နေ့မနက်ပိုင်းက မိုးမိတ်မြို့အနီးကို လာရောက်တိုက်ခိုက်ခဲ့သည့် အကြမ်းဖက်စစ်တပ်လက်အောက်ခံ MI 35 တိုက်ခိုက်ရေးရဟတ်ယာဉ်တစ်စီး)
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် SDBPay & NUGPay QR ကနေ သို့မဟုတ် Commentမှာ https://drive.google.com/file/d/1-EkgbLFZgA06qkBSSofiGtiCbFp6rWpj/view?usp= sharing ထောက်ပံ့ကူညီနိုင်ပါတယ်။

#ရှမ်း #မိုးမိတ်

11/08/2026

ဖောင်းပြင်မြို့အနီးမှာ အကြမ်းဖက်စစ်တပ်က လေကြောင်းတိုက်ခိုက်လို့ ပြည်သူနှစ်ဦး သေဆုံး

စစ်ကိုင်း၊ သြဂုတ် ၁၁
အကြမ်းဖက်စစ်တပ်က တိုက်ပွဲ ဖြစ်ပွားခြင်း မရှိဘဲ စစ်ကိုင်းတိုင်း၊ ဖောင်းပြင်မြို့နယ်မှာ လေကြောင်း တိုက်ခိုက်မှု ပြုလုပ်ခဲ့တဲ့အတွက် အရပ်သားနှစ်ဦး သေဆုံးခဲ့ကြောင်း ဒေသခံသတင်းရင်းမြစ်တစ်ဦးက Red Peacock သတင်းမီဒီယာကို ပြောပါတယ်။

ဒီနေ့ နေလယ်တစ်နာရီခွဲခန့်မှာ အကြမ်းဖက်စစ်တပ်ရဲ့ MI – 35 တိုက်ခိုက်ရေးရဟတ်ယာဉ်တစ်စီးက သရောင်းရွာ နဲ့ မင်းယားရွာကြားကို စက်သေနတ်တွေနဲ့ ပစ်ခတ်ခဲ့တာ ဖြစ်ပါတယ်။

လေကြောင်းတိုက်ခိုက်မှုအပြီးမှာ မင်းယောင်းရွာက ပြည်သူနှစ်ဦး နေရာတင် အသက်ဆုံးရှုံးခဲ့ရကြောင်း အဲဒီသတင်းရင်းမြစ်က ဆက်ပြောပါတယ်။

ပြီးခဲ့တဲ့ ၂၀၂၁ ခုနှစ်၊ ဖေဖော်ဝါရီလကစတင်ပြီး ၂၀၂၆ ခုနှစ်၊ ဇူလိုင်လ ၁၅ ရက်နေ့အထိ အကြမ်းဖက်စစ်တပ်က စစ်ကိုင်းယူနစ်အတွင်း လူ့အခွင့်အရေးချိုးဖေကာ်မှုပေါင်း ၅,၇၀၉ မှုကို ကျူးလွန်ထားသလို အရပ်သားပြည်သူ ၂,၂၀၂ ဦးကို သတ်ဖြတ်ထား ကြောင်း အမျိုးသားညီညွတ်ရေးအစိုးရ၊ လူ့အခွင့်အရေးဝန်ကြီး ဌာနက အသိပေးထားပါတယ်။

ရေးသားသူ - သူပုန်လက်
Photo – ပေးပို့
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် Comment မှာ SDBPay & NUGPay QR ကနေ သို့မဟုတ် https://drive.google.com/file/d/1-EkgbLFZgA06qkBSSofiGtiCbFp6rWpj/view?usp=sharing ထောက်ပံ့ကူညီနိုင်ပါတယ်။

11/08/2026

အကြမ်းဖက်စစ်တပ်က မိုးမိတ်မြို့အနီးကို လေကြောင်းနဲ့လက်နက်ကြီး သုံးပြီး တိုက်ခိုက်နေ

ရှမ်း၊ သြဂုတ် ၁၁
ရှမ်းပြည်နယ်၊ မိုးမိတ်မြို့နယ်အနီးက ညောင်နီရွာ နဲ့ သရက်ချိုရွာကို အကြမ်းဖက်စစ်တပ်က လေကြောင်းကနေ ဗုံးကြဲပြီး လက်နက်ကြီးတွေနဲ့ ပစ်ခတ်နေတယ်လို့ ဒေသခံသတင်းရင်းမြစ်တစ်ဦးနဲ့ တော်လှန်ရေးသတင်းရင်း မြစ်ဆီကနေ သိရပါတယ်။

ဒီနေ့ ညနေ နှစ်နာရီဝန်းကျင်ကစပြီး အကြမ်းဖက်စစ်တပ်က အထက်ညောင်နီရွာ နဲ့ သရက်ချိုရွာကို လက်နက်ကြီးနဲ့ ပစ်ခတ်ခဲ့တာ ဖြစ်ပါတယ်။

အကြမ်းဖက်စစ်တပ်က MI – 35 တိုက်ခိုက်ရေးရဟတ်ယာဉ်တစ်စီး နဲ့ Y 12 လေယာဉ်တစ်စီး သုံးပြီး ဗုံးကြဲတိုက်ခိုက်တာတွေ လုပ်ဆောင်ခဲ့ကြောင်း သိရပါတယ်။

ဒေသခံတစ်ဦးက “ ပြည်သူက ထိမှာပဲ၊ ရွာတွေထဲ ပစ်နေတာကိုး။ မဘိမ်းဘက်ကို ထိုးဖို့ အဲဘက် အရင်ရှင်းတာ ဖြစ်မယ်။ သူတို့က မဘိမ်း ထိုးချင်နေတာ။ MI – 35 Y12 နဲ့ ရှိမယ့်ထင်တဲ့နေရာတွေ ချနေတာ” လို့ ပြောပါ တယ်။

တစ်ခြားသတင်းရင်းမြစ်အရ အကြမ်းဖက်စစ်တပ်က စစ်ကြောင်းထိုးလာတဲ့အတွက် တော်လှန်ရေးတပ်တွေ ဘက်က ပြန်လည်ပစ်ခတ်ခဲ့တာကြောင့် MI – 35 တိုက်ခိုက်ရေးရဟတ်ယာဉ်အပါအဝင် လက်နက်ကြီးတွေနဲ့ ပြန် လည်ပစ်ခတ်ခဲ့ကြောင်း သိရသည်။

ကာကွယ်ရေးရဲဘော်တစ်ဦးက “လက်နက်ငယ် ထိတွေ့မှု ရှိတာမျိုးပါ။ Y12 နဲ့ ကြဲတာမျိုး မရှိသေးဘူး။ MI 35 ဘက်က ပစ်ပါပစ်သွားတယ်” လို့ ပြောပါတယ်။

Wai Hin(ကင်းထောက်ချန်နယ်) ကတော့ အကြမ်းဖက်စစ်တပ်လက်အောက်ခံ တွင်းငယ်မြို့၊ တကက ၁၃ တက် MI – 35 တိုက်ခိုက်ရေးရဟတ် ယာဉ်တစ်စီးက မိုးမိတ်မြို့ကို ဝဲပျံနေကြောင်း အသိပေးထားပါတယ်။

ရေးသားသူ - သူပုန်လက်
Photo – မိုးမိတ်မြို့ဒေသခံတစ်ဦး( သြဂုတ် ၁၁ ရက်နေ့မှာ မိုးမိတ်မြို့အနီးဝန်းကျင်ကို လေကြောင်းတိုက်ခိုက်ခဲ့တဲ့ MI – 35 တိုက်ခိုက်ရေးရဟတ်ယာဉ်တစ်စီးကို တွေ့ရစဉ်)
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် Comment မှာ SDBPay & NUGPay QR ကနေ သို့မဟုတ် https://drive.google.com/file/d/1-EkgbLFZgA06qkBSSofiGtiCbFp6rWpj/view?usp=sharing ထောက်ပံ့ကူညီနိုင်ပါတယ်။

#မိုးမိတ် #ရှမ်း

11/08/2026

ကရင်နီပြည်နယ်၊ ဖရူဆိုမြို့စစ်ဘေးရှောင်ကလေးငယ်တွေ ယားနာကူးစက်မှု ရှိလို့ ဆေးဝါး လိုအပ်နေ

ကရင်နီ၊ သြဂုတ် ၁၁
ကရင်နီပြည်နယ်၊ ဖရူဆိုမြို့နယ်အနီးဝန်းကျင်မှာ စစ်ရှောင်ကလေးငယ်တွေမှာ အရေပြားယားနာ ကူးစက်မှုတွေ ရှိတဲ့အတွက် ဆေးဝါးတွေ လိုအပ်နေတယ်လို့ ဒေသခံသတင်းရင်းမြစ်အပြောအရ သိရပါတယ်။

ဒေသခံကျန်းမာရေးဝန်ထမ်းက “ဆေးကတော့ လိမ်းဆေး/သောက်ဆေးပေါ့။ လိမ်းဆေးကျတော့ တစ်ယောက်ဆို ငါးဘူးလောက်ပေးရမဲ့ဟာကို ကျမတို့က မတတ်နိုင်ဘူးလေ အခမဲ့ဆိုတော့ နှစ်ဘူးကို ပေးပြီး ထပ်ဝယ်ခိုင်းပေမဲ့ မဝယ်တာ များတယ်။ တစ်ဘူးကို 7500/8000လောက်ရှိတယ်။ နောက် တစ်ကိုယ်ရေ သန့်ရှင်းရေး သိပ်မလုပ်နိုင်ကြတာလည်း ပါတာပေါ့” လို့ ပြောပါတယ်။

တစ်ပတ်အတွင်း ဆေးရုံမှာ လာရောက်ကုသနေတဲ့ အရေပြားယားနာကူးစက်ခံရတဲ့ကလေးငယ် ၁၅ ဦးနီးပါး ရှိနေပြီး ဘယ်လောက်ထိ ကူးစက်မှု ရှိနေတယ်ဆိုတာကို မသိရသေးဘူးလို့ အဲဒီဒေသခံသတင်းရင်းမြစ်က ဆိုပါတယ်။

ဒေသခံကျန်းမာရေးဝန်ထမ်းတစ်ဦးက “တော်လှန်ရေး မဖြစ်ခင်ကတည်းကတော့ နှစ်စဥ် ဒီရာသီဆို ဖြစ်နေ ကြလို့တော့ ကြားထားတယ်။ Hygine သိပ်မကောင်းကြဘူး။ ခုဖြစ်တာကလည်း ရေ ရှားတဲ့နေရာရော ရေပေါတဲ့နေရာလည်း ဖြစ်တယ်” လို့ ပြောပါတယ်။

ပြီးခဲ့သည့်နှစ်ပိုင်းက တောခူကျေးရွာမှာ ရွာလုံးကျွတ် ယားနာကူးစက်မှုတွေ ဖြစ်ခဲ့ပြီး ယနေ့အချိန်ထိ ကူးစက်မှုတွေ ရှိနေတယ်လို့ အမည်မဖော်လိုတဲ့ဒေသခံသတင်းရင်းမြစ်ဆီကနေ သိရပါတယ်။

“ရွာတော်တော်များများမှာ ဖြစ်တယ် ဖြစ်တာတော့ ကြာပြီ အသစ်ဖြစ်တဲ့သူရှိသလိုပြန်ပြန်ဖြစ်တဲ့ သူတွေလည်း ရှိတယ်၊ စစ်ရှောင်ရောရွာခံရောဖြစ်တယ် အခုအဖြစ်များတဲ့ရွာကတော့ ခရိုးခူရွာပါ၊ ခုက ဝဲ ရောဂါများတယ်။ ကြာသွားတော့ ပြည်တွေပါတည်လာတာ ဂရုမစိုက်ကြလို့လေ”

IEC ကျန်းမာရေးဝန်ကြီးဌာနက ဆေးဝါးတွေ ချပေးပေမယ့်လည်း ဖရူဆိုမြို့အနီးတစ်ဝိုက် ကျေးရွာတွေမှာ ဆေးခန်းတစ်ခုကို တစ်လအတွင်း လူနာဦးရေ သုံးရာနီးပါးကို ကုသပေးနေရတဲ့အတွက် ဆေးဝါးလိုအပ်ချက် တွေ ရှိနေကြောင်း သိရပါတယ်။

ဒေသခံကျန်းမာရေး “အရင်နှစ်ကတော့ တောင်းဖူးတယ် အများကြီးတော့မရဘူး ဆယ်ယောက်စာလောက်ဘဲ ရတယ်။ ဆေးတွေကတော့ လိုအပ်ရင်တော့ တင်ပြတောင်းခံပါတယ်။ ဘတ်ဂျက်နည်းတာသိနေတော့ ကျမလည်း သိပ်တော့မတောင်းဖြစ်ဘူး။ ဘာလို့ဆို ဘာဆေးတွေရှိတယ်ဆိုတာ သူတို့ ချပြထားတယ်လေ” လို့ ပြောပါတယ်။

လက်ရှိအချိန်မှာ ဝဲပိုးသတ်ဆေးဖြစ်တဲ့ Permethrin Cream နဲ့ Buscabe Lotion တွေအပြင်၊ ကုတ်ရာကနေ ပြည်တည်နာဖြစ်လာတဲ့အတွက် ကုသဖို့ AMK နဲ့ Ampiclox လိုမျိုး ပိုးသတ်ဆေးတွေပါ လိုအပ်နေပါတယ်။

IEC ကျန်းမာရေးဝန်ထမ်းများအနေနဲ့ ဆေးခန်းဆီ လာရောက်ပြသကြတဲ့ပြည်သူတွေအပါအဝင် ရွာကွင်းဆင်း ကြတဲ့အချိန်မှာလည်း တစ်ကိုယ်ရေသန့်ရှင်းရေးလုပ်ငန်းစဉ်အတွက် ပညာပေးဟောပြောကြကြောင်း သိရပါတယ်။

ဆေးဝါးထောက်ပံ့မည်ဆိုပါက https://www.facebook.com/july.nge.31 ကို ဆက်သွယ်နိုင်ကြောင်း သိရပါတယ်။

ရေးသားသူ - သူပုန်လက်
Photo – ပေးပို
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် Comment မှာ SDBPay & NUGPay QR ကနေ သို့မဟုတ် https://drive.google.com/file/d/1-EkgbLFZgA06qkBSSofiGtiCbFp6rWpj/view?usp=sharing ထောက်ပံ့ကူညီနိုင်ပါတယ်။

#ကရင်နီ #အရေပြားယားနာ

11/08/2026

သံတွဲမြို့လေကြောင်းတိုက်ခိုက်မှုမှာ အရပ်သား ၁၄ ဦးအထိ သေဆုံးတယ်လို့ AA ထပ်မံထုတ်ပြန်

ရခိုင်၊ သြဂုတ် ၁၁
အကြမ်းဖက်စစ်တပ်သည် အာရက္ခတပ်တော် ထိန်းချုပ်ထားတဲ့ သံတွဲမြို့နယ်၊ ကျောက်ကြီးကျေးရွာကို ယမန့်နေ့ နေလယ် ၁ နာရီဝန်းကျင်မှာ ဗုံးကြဲတိုက်ခိုက်ခဲ့တဲ့အတွက် သေဆုံးသူ ၁၄ ဦးထိ ရှိခဲ့တယ်လို့ အာရက္ခတပ်တော်က ဒီနေ့မှာ ထပ်မံထုတ်ပြန်ပါတယ်။

ဒီလေကြောင်းတိုက်ခိုက်မှုကြောင့် အသက် ၉ နှစ် မှ ၈၈ နှစ်အရွယ် အမျိုးသား/ အမျိုးသမီး စုစုပေါင်း ၁၄ ဦး သေဆုံးခဲ့ပြီး အသက် ၂၅ နှစ် မှ ၇၇ နှစ်အရွယ် အမျိုးသား /အမျိုးသမီး စုစုပေါင်း ၁၁ ဦး ထိခိုက်ဒဏ်ရာ ရရှိခဲ့ကြောင်း အာရက္ခတပ်တော်က အချက်အလက်နဲ့တကွ အသိပေးထားပါတယ်။

အလားတူ ပြည်သူနေအိမ် ၂၁ လုံးက ထိခိုက်ပျက်စီးခဲ့တယ်လို့ အာရက္ခတပ်တော်က ဓာတ်ပုံမှတ်တမ်းများနှင့်တကွ ထုတ်ပြန်ထားပါတယ်။

ထုတ်ပြန်ထားသည့်ဓာတ်ပုံမှတ်တမ်းတွင် မီးသတ်တပ်ဖွဲ့ဝင်များက မီးငြိမ်းသတ်ခြင်း၊ သာသနိကအဆောက် အအုံ ပျက်စီးခြင်း၊ ပြည်သူနေအိမ်များ ပျက်စီးခြင်း၊ အသက်ဆုံးရှုံးနေရသည့်ပြည်သူတွေနဲ့ ထိခိုက်ဒဏ်ရာ ရရှိသည့် ပြည်သူများ၏မြင်ကွင်းတွေ ပါဝင်နေပါတယ်။

အကြမ်းဖက်စစ်တပ်သည် ဇူလိုင်လနောက်ဆုံးအပတ် မှ သြဂုတ်လ ဒုတိယအပတ်အထိ သံတွဲမြို့နယ်ကို လေကြောင်းတိုက်ခိုက်မှုများကို ဆက်တိုက်ပြုလုပ်နေတဲ့အတွက် အရပ်သားပြည်သူများ၏အသက်အိုးအိမ် စည်းစိမ်များက ဆုံးရှုံးခဲ့ကြပါတယ်။

ရေးသားသူ - သူပုန်လက်
Photo – အာရက္ခတပ်တော်
Telegram - https://t.me/RedPeacocknews ကို ဝင်ရောက်ကြည့်ရှုနိုင်ပါတယ်။

Red Peacock သတင်းမီဒီယာရေရှည်ရပ်တည်ရေးအတွက် Comment မှာ SDBPay & NUGPay QR ကနေ သို့မဟုတ် https://drive.google.com/file/d/1-EkgbLFZgA06qkBSSofiGtiCbFp6rWpj/view?usp=sharing ထောက်ပံ့ကူညီနိုင်ပါတယ်။

#ရခိုင် #သံတွဲ

Red Peacock

12/08/2026

12/08/2026

12/08/2026

12/08/2026

12/08/2026

12/08/2026

11/08/2026

11/08/2026

11/08/2026

11/08/2026

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท

คำขอนำรายการออก