เว็บไซต์คืออะไร?

https://sites.google.com/site/mmwfyangon/

MMWF Myanmar, Bangkok (2026)

07/06/2026

Jones Act ကင်းလွတ်ခွင့် ရပ်ဆိုင်းပေးရန် အမေရိကန် ရေကြောင်းအလုပ် သမားအဖွဲ့များ တောင်းဆို

၂၀၂၆ ခုနှစ် ဇွန် ၇ ရက်

အမေရိကန် ရေကြောင်းအလုပ်သမားအဖွဲ့များက Jones Act ဥပဒေ ၁၀၆ နှစ်ပြည့် အထိမ်းအမှတ်နေ့ တွင် Trump အစိုးရအား Jones Act ကင်းလွတ်ခွင့် (Waiver) အစီအစဉ်ကို ရပ်ဆိုင်းပေးရန် ထပ်မံ တောင်း ဆိုလိုက်သည်။

Jones Act သည် အမေရိကန် ဆိပ်ကမ်းတစ်ခုမှ အခြားဆိပ်ကမ်းတစ်ခုသို့ ကုန် ပစ္စည်းများ သယ်ယူရာ တွင် အမေရိကန်တွင် တည်ဆောက်ထားသော၊ အမေရိကန်ပိုင်ဆိုင်သော၊ အမေရိကန်ကုမ္ပဏီများက လည်ပတ်သော သင်္ဘောများနှင့် အမေရိကန်သင်္ဘောသားများကိုသာ အသုံးပြုရန် သတ်မှတ်ထားသည့် ဥပဒေဖြစ်သည်။

သို့သော် အီရန်နှင့်ပတ်သက်သည့်အကျပ်အတည်းများကြောင့်စွမ်းအင်ထောက် ပံ့ရေး ပြဿနာများ ဖြစ် ပေါ်လာနိုင်သည်ဟု ယူဆကာ Trump အစိုးရက ယာ ယီကင်းလွတ်ခွင့် ထုတ်ပြန်ခဲ့ပြီး နိုင်ငံခြားအလံတင် သင်္ဘောများကိုလည်း အမေရိကန်ပြည်တွင်း ဆိပ်ကမ်းများအကြား ရေနံ၊ ဓာတ်ဆီ၊ ဒီဇယ်နှင့် အခြားစွမ်း အင်ဆိုင်ရာ ကုန်ပစ္စည်းများ သယ်ယူခွင့်ပြုခဲ့သည်။

အမေရိကန် ရေကြောင်းအလုပ်သမားအဖွဲ့များကတော့ ယင်းကင်းလွတ်ခွင့်သည်ဓာတ်ဆီဈေးနှုန်း လျှော့ ချနိုင်ခြင်းမရှိသည့်အပြင် အမေရိကန်သင်္ဘော သားများ၊ပြည်တွင်းသင်္ဘောကုမ္ပဏီများနှင့်သင်္ဘောတည် ဆောက်ရေးလုပ်ငန်းများကို ထိခိုက်စေသည်ဟု ဝေဖန်ကြသည်။ အသစ်ထုတ်ပြန်သော အချက်အ လက် များအရ ကင်းလွတ်ခွင့်အောက်တွင် နိုင်ငံခြားအလံတင် သင်္ဘောများက အမေရိကန်ဆိပ်ကမ်းများ အ ကြား အနည်းဆုံး ခရီးစဉ် ၈၈ ကြိမ် ကုန်ပစ္စည်း သယ်ယူခဲ့ကြောင်း သိရသည်။

အလုပ်သမားအဖွဲ့များနှင့် ရေကြောင်းလုပ်ငန်းဆိုင်ရာ အဖွဲ့အစည်းများက “အမေရိကန် ရေကြောင်းလုပ် ငန်းကို ပြန်လည်အားကောင်းစေလိုလျှင် ပြည်တွင်းသယ်ယူပို့ဆောင်ရေးလုပ်ငန်းများတွင် နိုင်ငံခြား သင်္ဘောများကို အလွန်အကျွံ ခွင့်ပြုမထားသင့်ကြောင်း” အစိုးရကို တိုက်တွန်းထားသည်။

တစ်ဖက်တွင် ကင်းလွတ်ခွင့်ကို ထောက်ခံသူများကတော့ အရှေ့အလယ်ပိုင်းဒေသ ပဋိပက္ခများကြောင့် ဖြစ်ပေါ်လာသော စွမ်းအင်ထောက်ပံ့ရေး အခက် အခဲများကို ဖြေရှင်းရန်အတွက် ယင်းအစီအစဉ် ဆက် လက်လိုအပ်နေသေးကြောင်း ပြောဆိုထားကြသည်။

#

07/06/2026

သင်္ဘောသားစွန့်ပစ်ခံရမှုများ တိုးလာသဖြင့် WMU က အကြီးစားသုတေသနစီမံကိန်း စတင်

၂၀၂၆ ခုနှစ် ဇွန် ၆ ရက်

သင်္ဘောသားများ စွန့်ပစ်ခံရသည့် ဖြစ်စဉ်များတိုးမြင့်လာနေသည့်အပေါ် တုံ့ပြန် သည့်အနေဖြင့် World Maritime University (WMU) သည် “Seafarer Abandonment: A Focused Investigation into Regulatory Implementation” အမည်ရှိ အကြီးစားသုတေသနစီမံကိန်းတစ်ရပ်ကို စတင်လိုက်ကြောင်း သိရသည်။

အဆိုပါ သုတေသနစီမံကိန်းကို The TK Foundation၊ The ITF Seafarers’ Trust နှင့် The Seafarers’ Charity တို့က ငွေကြေးထောက်ပံ့ပေးထားပြီး Maritime Labour Convention 2006(MLC, 2006)အပါ အဝင် နိုင်ငံတကာ ကာကွယ်ရေးစည်းမျဉ်းများကို သင်္ဘောအလံတင်နိုင်ငံများ /ဆိပ်ကမ်း နိုင်ငံများ နှင့် သင်္ဘောသားအလုပ်သမား ပေးပို့သည့်နိုင်ငံများ (Labour-Supplying States) တွင် မည်သို့ အကောင်အ ထည်ဖော်ဆောင်ရွက်နေကြသည်ကို လေ့ လာသွားမည်ဖြစ်သည်။

ITF Seafarers’ Trust ၏ အကြီးအကဲ Katie Higginbottom က “ရေကြောင်းကဏ္ဍ၏ အုပ်ချုပ်မှုစနစ် များသည် သင်္ဘောသားများအတွက် လုံလောက်စွာကာကွယ်ပေးနိုင်ခြင်းမရှိတော့ပါ။စည်းမျဉ်းအကောင် အထည်ဖော်မှု အားနည်း ချက်များကို ဖော်ထုတ်ပြီး သင်္ဘောသားများနှင့်၎င်းတို့၏မိသားစုများရင်ဆိုင်နေ ရသည့် ဆိုးရွားသော အကျိုးသက်ရောက်မှုများကို ဖြေရှင်းရမည်ဖြစ်သည်” ဟု ပြောကြားခဲ့သည်။

ITF နှင့် IMO ၏ အချက်အလက်များအရ ၂၀၂၄ ခုနှစ်အတွင်း သင်္ဘောသားစွန့် ပစ်ခံရမှု ၃၁၂ မှု ဖြစ်ပွား ခဲ့ ပြီး သင်္ဘောသား ၃,၁၀၀ ကျော်ထိခိုက်ခဲ့သည်။ ယင်း မှာ ၂၀၂၃ ခုနှစ်နှင့် နှိုင်းယှဉ်ပါက ထိခိုက်ခံရသည့် သင်္ဘောသားအရေအတွ က် ၈၇ ရာခိုင်နှုန်းခန့် တိုးလာခဲ့ပြီး၊စွန့်ပစ်ခံရမှုဖြစ်စဉ်နှင့်သင်္ဘောအရေအတွက် မှာ ၁၃၆ ရာခိုင်နှုန်းခန့် မြင့်တက်ကာ ယခင်နှစ်များ၏ စံချိန်များကို ကျော်လွန်ခဲ့သည်။

အခြေအနေမှာ တိုးတက်လာခြင်းမရှိဘဲ ပိုမိုဆိုးရွားလာနေပြီး IMO/ILO ပူးတွဲ နောက်ဆုံးထုတ်ပြန်ချက် အရ ၂၀၂၅ ခုနှစ်တွင် စွန့်ပစ်ခံရမှုအသစ် ၄၁၀ မှုအထိ ရှိလာခဲ့ကာ သင်္ဘောသား ၆,၀၀၀ ကျော် ထိခိုက်ခဲ့ ကြောင်း သိရသည်။ သုတေ သနအဖွဲ့သည်စွန့်ပစ်ခံရသည့် သင်္ဘောသားများနှင့်၎င်းတို့၏မိသားစုများ၏ အ တွေ့အကြုံများ ကို လည်းလေ့လာသွားမည်ဖြစ်ပြီးလူမှုစီးပွားရေး၊စိတ်ကျန်းမာ ရေးနှင့်ကိုယ်ကျန်းမာရေးအပေါ် သက်ရောက် မှုများကို အကဲဖြတ်သွားမည်ဖြစ်သည်။

The Seafarers’ Charity ၏ အမှုဆောင်အရာရှိချုပ် က“သင်္ဘောသားစွန့်ပစ်ခံရမှုသည် စနစ်တကျဖြေ ရှင်းရမည့် ပြဿနာတစ်ရပ်ဖြစ်ပြီး ကမ္ဘာလုံးဆိုင်ရာ ပူးပေါင်းဆောင်ရွက်မှုလိုအပ် သည်။ ဤသုတေသန သည် ဥပဒေစည်းမျဉ်းများ ပြုပြင်ပြောင်းလဲရေးအတွက် အရေးပါသော အထောက် အထားများ ပံ့ပိုးပေးနိုင်မည်ဟု ယုံကြည်ပါသည်” ဟု ပြောကြားခဲ့သည်။

WMU သည် တရုတ်နိုင်ငံရှိ Dalian Maritime University၊ အိန္ဒိယနိုင်ငံရှိ Indian Maritime University၊ ဖိလစ်ပိုင်နိုင်ငံရှိ Maritime Academy of Asia and the Pacific နှင့် အင်ဒိုနီးရှားနိုင်ငံရှိ Politeknik Pelayaran Banten တို့နှင့် ပူးပေါင်းဆောင်ရွက်သွားမည်ဖြစ်သည်။

ယင်းပူးပေါင်းဆောင်ရွက်မှုကြောင့် သင်္ဘောသားအများဆုံး ပေးပို့သည့်နိုင်ငံများမှ အချက်အလက်များ ပို မိုရရှိလာမည်ဖြစ်ပြီး စွန့်ပစ်ခံရမှုဒဏ် အများဆုံးခံနေရသည့် သင်္ဘောသားများ၏စိန်ခေါ်မှုများကိုပိုမို နက် ရှိုင်းစွာ နားလည်နိုင်မည်ဟု WMU က ပြောကြားထားသည်။

အဆိုပါ သုတေသန၏ ရည်ရွယ်ချက်မှာ အထောက်အထားအခြေပြု အကြံပြုချက်များထုတ်ပြန်ပေး ခြင်း ဖြင့် စည်းမျဉ်းအကောင်အထည်ဖော်မှုများ ပိုမိုကောင်းမွန်လာစေရန်နှင့် ကမ္ဘာတစ်ဝန်းရှိ သင်္ဘောသား များ၏ အခွင့်အရေးနှင့် လူမှုဖူလုံရေးကို မြှင့်တင်ပေးရန် ဖြစ်ကြောင်း သိရသည်။

#

07/06/2026

“တန်ဇန်းနီးရှား မှတ်ပုံတင် ကွန်တိန်နာသင်္ဘော Golden Star 1 စင်ကာပူရေလက်ကြားတွင် နစ်မြုပ်”

၂၀၂၆ ခုနှစ် ဇွန် ၇ ရက်

စင်ကာပူ ရေကြောင်းနှင့် ဆိပ်ကမ်း အာဏာပိုင်အဖွဲ့ (MPA) ၏ ထုတ်ပြန်ချက်အရ တန်ဇန်းနီးယားနိုင်ငံ မှတ်ပုံတင်ထားသော Golden Star 1 ကွန်တိန်နာသင်္ဘောသည် သောကြာနေ့ ညပိုင်းတွင် စင်ကာပူရေ လက်ကြား၌ နစ်မြုပ်သွားခဲ့သည်။

အဆိုပါ ဖြစ်စဉ်မှာ အင်ဒိုနီးရှားနိုင်ငံ Batam Island မှ ၆ ကီလိုမီတာခန့် အကွာတွင် ည ၁၀နာရီ၃၀မိနစ်ခန့်၌ ဖြစ်ပွားခဲ့ခြင်းဖြစ်သည်။သတင်းများအရ သင်္ဘော အတွင်းသို့ ရေဝင်လာခဲ့ပြီးနောက် နစ် မြုပ်သွားခဲ့ခြင်းဖြစ်သည်။ သို့သော် သင်္ဘောပေါ်ရှိ သင်္ဘောသား ၉ ဦးလုံးကို အင်ဒိုနီးရှား အာဏာပိုင် များက ကယ် ဆယ်နိုင်ခဲ့သည်။

MPA ၏ ထုတ်ပြန်ချက်အရ သင်္ဘောနစ်မြုပ်မှုကြောင့် Strait of Malacca နှင့် Singapore Strait တို့ရှိ ရေကြောင်းသွားလာမှုများအပေါ် ထိခိုက်မှုမရှိဘဲ၊ အနီးပတ်ဝန်းကျင် ရေပြင်များတွင်လည်း ဆီယိုဖိတ်မှု ဖြစ်ပွားကြောင်း သတင်းမရရှိသေးကြောင်း သိရသည်။ ထို့အပြင် MPA က အင်ဒိုနီးရှား အာဏာပိုင် များထံ အကြောင်းကြားထားပြီး အခြေအနေကို ဆက်လက် စောင့်ကြည့်နေကြောင်း ပြောကြားခဲ့သည်။

သင်္ဘောနစ်မြုပ်ရသည့် အကြောင်းရင်းကို ဆက်လက်စုံစမ်းစစ်ဆေးသွားမည်ဖြစ်ကြောင်း အဖွဲ့က ပြော ကြားခဲ့သည်။ ထို့အပြင် အဆိုပါ ဒေသအတွင်း သွားလာနေသော သင်္ဘောများအတွက် ရေကြောင်း သ တိပေးချက်များ ထုတ်ပြန်ထားပြီး၊ ရေပေါ်တွင် မျောပါနေသည့် အပျက်အစီးများ သို့မဟုတ် ကွန်တိန် နာ များ တွေ့ရှိပါက သတိထားသွားလာရန်နှင့် သတင်းပို့ရန် ညွှန်ကြားထားသည်။

Golden Star 1 သင်္ဘောကို ၁၉၉၅ ခုနှစ်တွင် တည်ဆောက်ခဲ့ပြီး အလျား ၆၇ မီတာ၊ အနံ ၂၈ မီတာ ရှိသည်။ ဖြစ်စဉ်ဖြစ်ပွားချိန်တွင် သင်္ဘောသည် Singapore မှ ထွက်ခွာလာပြီး Malaysia သို့ ဦးတည် ခုတ်မောင်းနေခြင်း ဖြစ်သည်။

07/06/2026

သင်္ဘောသား ၅ ဦး သေဆုံးခဲ့သည့် Sea of Azov ဒရုန်းတိုက်ခိုက်မှု

၂၀၂၆ ခုနှစ် ဇွန် ၇ ရက်

ယူကရိန်းဒရုန်းများက Sea of Azov ရှိ Taganrog Bay အတွင်း ကုန်တင်သင်္ဘော နှစ် စင်းကို ဇွန်လ ၅ ရက် နံနက်အစောပိုင်းတွင် တိုက်ခိုက်ခဲ့ရာ အာဇာဘိုင်ဂျန်နိုင်ငံသား သင်္ဘောသား ၅ ဦး သေဆုံးပြီး ၃ ဦး ဒဏ်ရာရရှိခဲ့ကြောင်း အာဇာဘိုင်ဂျန် နိုင်ငံခြားရေးဝန်ကြီးဌာနက ဇွန်လ ၆ ရက်တွင် အတည်ပြုထုတ်ပြန် ခဲ့ပါသည်။

တိုက်ခိုက်ခံရသည့် သင်္ဘောနှစ်စင်းမှာ MV Natra နှင့် MV Zirkon တို့ဖြစ်ပြီး တူရကီနိုင်ငံမှ ရုရှားနိုင်ငံ Rostov-on-Don ဆိပ်ကမ်းသို့ ဂျုံတင်ဆောင်ရန် သွားရောက်နေစဉ် တိုက်ခိုက်ခံခဲ့ရခြင်းဖြစ်သည်။ အဆို ပါ သင်္ဘောများသည် Convenience Flags ဟုခေါ်သည့် နိုင်ငံခြားအလံများဖြင့် မှတ်ပုံတင်ထားသော် လည်း သင်္ဘောပေါ်ရှိ သင်္ဘောသား ၂၆ ဦးလုံးမှာ အာဇာဘိုင်ဂျန်နိုင်ငံသားများဖြစ်ကြောင်း သိရသည်။

Belize အလံတင် MV Natra သည် မော်စကိုစံတော်ချိန် နံနက် ၁၂ နာရီ ၄၅ မိနစ် တွင်မောင်းသူမဲ့လေ ယာဉ် (UAV) လေးစင်းဖြင့် တိုက်ခိုက်ခံခဲ့ရပြီး သင်္ဘောသား ၂ ဦး သေဆုံးခဲ့သည်။ ကျန်သင်္ဘောသား များ က မီးလောင်မှုကို ထိန်းချုပ်နိုင်ခဲ့သော်လည်း သင်္ဘော၏ စက်စွမ်းအား ပျက်စီးသွားသဖြင့် ဆွဲယူကယ် ဆယ် ရသည့် အခြေအနေ ဖြစ်ပေါ်ခဲ့သည်။
ထို့နောက် တစ်နာရီကျော်အကြာ မော်စကိုစံတော်ချိန် နံနက် ၁ နာရီ ၅၅ မိနစ်တွင် MV Zirkon ကို ထပ် မံတိုက်ခိုက်ခဲ့ရာ သင်္ဘော၏ အပေါ်ပိုင်းတည်ဆောက်ပုံအနီးသို့ ထိမှန်မှု လေးကြိမ် ဖြစ်ပွားခဲ့ပြီး သင်္ဘော သား ၃ ဦး သေဆုံးခဲ့သည်။ မီးလောင်မှုကို မထိန်းချုပ်နိုင်သဖြင့် သင်္ဘောပေါ်ရှိ အာဇာဘိုင်ဂျန်သင်္ဘော သား ၁၄ ဦးမှာ အသက်ကယ်လှေများဖြင့် သင်္ဘောကို စွန့်ခွာခဲ့ရသည်။

အနီးအနားမှ ခုတ်မောင်းသွားသည့် သင်္ဘောသုံးစင်းကအသက်ရှင်ကျန်ရစ်သူ များကိုကယ်ဆယ်ခဲ့ပြီးအနီး ရှိ Yeysk ဆိပ်ကမ်းသို့ပို့ဆောင်ပေးခဲ့ကြောင်းသိရသည်။အာဇာဘိုင်ဂျန်နိုင်ငံခြားရေးဝန်ကြီးဌာနက ကယ် ဆယ်ရေးလုပ်ငန်းများကို ပြည်တွင်းအဖွဲ့အစည်းများ၊ သံရုံးများနှင့် သက်ဆိုင်ရာနိုင်ငံများ ၏ အာဏာ ပိုင် များနှင့် ပူးပေါင်းဆောင်ရွက်နေကြောင်းပြောကြားခဲ့သည်။သေဆုံးသူများ ၏ ရုပ်အလောင်း များ ပြန်လည် ပို့ဆောင်ရေးနှင့် ဒဏ်ရာရသူများ၏ အခြေအ နေကို စောင့်ကြည့်နိုင်ရန် မော်စကိုရှိ အာဇာ ဘိုင်ဂျန်သံရုံးမှ တာဝန်ရှိသူများကိုလည်း စေလွှတ်ထားကြောင်း သိရသည်။

အဆိုပါ တိုက်ခိုက်မှုအတွက် မည်သူတွင် တာဝန်ရှိသည်ကို အာဇာဘိုင်ဂျန်ဘက် က တရားဝင် ထုတ်ဖော် ပြောကြားခြင်း မရှိသေးသော်လည်း ရုရှားဘက်ကယူကရိန်းကိုတိုက်ရိုက်စွပ်စွဲထားသည်။ယူကရိန်းဘက် ကလည်းထိုညတွင်ဒေသအတွင်းကျယ်ပြန့်သော ဒရုန်းစစ်ဆင်ရေးတစ်ရပ်ဆောင်ရွက်ခဲ့ကြောင်းအတည် ပြုထားသည်။

ယူကရိန်းတပ်မှုးက ထိုသင်္ဘောများသည် အမည်များကို ဖျောက်ထားပြီး ရေဒါစနစ်များကို ပိတ်ထားကာ ရုရှား ထိန်းချုပ်ထားသည့်ယူကရိန်းဒေသများမှ စပါးများကို တိတ်တဆိတ် သယ်ယူပို့ဆောင်နေကြောင်း၊ ထို့ အပြင်စစ်ဘက်ဆိုင်ရာ ပစ္စည်းများနှင့် လောင်စာများသယ်ဆောင်ရာတွင်လည်း အသုံးပြုနေ ကြောင်း စွပ်စွဲပြောကြားခဲ့သည်။ သို့သော် အာဇာဘိုင်ဂျန်သင်္ဘောသားများ သေဆုံးမှုနှင့်ပတ်သက်၍မှတ်ချက် ပေး ခြင်း မရှိခဲ့ပေ။

Natra နှင့် Zirkon သင်္ဘောများ၏ မှတ်ပုံတင်အလံ သမိုင်းကြောင်းများသည် ရုရှား၏ “Shadow Fleet” ဟုခေါ်သည့် ကွန်ရက်နှင့် ဆက်စပ်နေကြောင်း နှင့် ယင်းကွန်ရက် သည် အနောက်နိုင်ငံများ၏ ပိတ်ဆို့အ ရေးယူမှုများကို ရှောင် ရှားနိုင်ရန် အိုမင်းနေသော သင်္ဘောများကို နိုင်ငံခြားအလံများဖြင့် လည်ပတ်အသုံး ပြုသည့် စနစ်ဖြစ်သည်။

ယူကရိန်းသည် ၂၀၂၂ ခုနှစ်မှစတင်ကာ ပင်လယ်နက် (Black Sea) နှင့် Sea of Azov ဒေသများတွင် ရုရှားရေတပ်ပိုင် ပစ္စည်းများနှင့် ကုန်သင်္ဘောများကို ပစ် မှတ်ထားသည့် ဒရုန်းစစ်ဆင်ရေးများ ဆက် တိုက်ဆောင်ရွက်လျက်ရှိကြောင်း ဖော်ပြထားပါသည်။

#

06/06/2026

ယူကရိန်းဒရုန်းလမ်းကြောင်းလွဲသွားခဲ့ပြီး ရိုးမေးနီးယား ဆိပ်ကမ်းတွင်ကျရောက်ပေါက်ကွဲ

၂၀၂၆ ခုနှစ် ဇွန် ၆ ရက်

ယူကရိန်းရေတပ်သုံး ဒရုန်းတစ်စင်းသည် ရုရှား၏ အီလက်ထရောနစ်စစ်ဆင် ရေး (electronic warfare) ကြောင့် ထိန်းချုပ်မှုဆုံးရှုံးကာလမ်းကြောင်းလွဲသွား ပြီး ရိုမေးနီးယားနိုင်ငံ၏ ပင်လယ်နက်ဆိပ်ကမ်းမြို့ Constanța သို့ ရောက်ရှိသွားခဲ့ကြောင်း ယူကရိန်းက ပြောကြားခဲ့သည်။ ထိုဒရုန်းသည် နောက်ပိုင်းတွင် ဆိပ်ကမ်းအနီး၌ ပေါက်ကွဲခဲ့သော်လည်း လူသေဆုံးမှု သို့မဟုတ် ဒဏ်ရာရမှု မရှိခဲ့ကြောင်း သိရသည်။

ယူကရိန်းဘက်ကဒရုန်းထိန်းချုပ်မှုဆုံးရှုံးသွားကြောင်းကို ရိုမေးနီးယားအာဏာ ပိုင်များထံ အချိန်မီ အ သိပေးခဲ့သဖြင့် အန္တရာယ်ရှိနိုင်သည့် နေရာများမှ ပြည်သူများကို ကြိုတင်ရွှေ့ပြောင်းနိုင်ခဲ့သည်ဟု ရိုမေး နီးယားတာဝန်ရှိသူများက ဆိုသည်။ ရိုမေးနီးယားသမ္မတ Nicușor Dan ကလည်း ယင်းဖြစ်ရပ်သည် ရုရှား၏ ယူကရိန်းကျူးကျော်စစ်ပွဲကြောင့်ဖြစ်ပေါ်လာသည့် အကျိုးဆက်တစ်ခုဖြစ်ကြောင်း ပြောကြား ခဲ့သည်။

ဤဖြစ်ရပ်သည် နေတိုး (NATO) အဖွဲ့ဝင်နိုင်ငံဖြစ်သော ရိုမေးနီးယားတွင် တစ်ပတ်အတွင်း ဒုတိယအ ကြိမ်မြောက်ဖြစ်ပွားခဲ့သည့် ဒရုန်းဆိုင်ရာ လုံခြုံရေးဖြစ်ရပ်ဖြစ်ပြီး၊ ယူကရိန်းစစ်ပွဲ၏ သက်ရောက်မှု များ အနီးပတ်ဝန်းကျင်နိုင်ငံများသို့ ပိုမိုပျံ့နှံ့လာနေကြောင်း စိုးရိမ်မှုများ မြင့်တက်စေခဲ့ပါသည်။

#

05/06/2026

Oakland ဆိပ်ကမ်း၌ လျှပ်စစ်စွမ်းအင်သုံး STS ကရိန်းအသစ်များ လုပ်ငန်းစတင်ရန် ပြင်ဆင်

၂၀၂၆ ခုနှစ် ဇွန် ၅ ရက်

ကယ်လီဖိုးနီးယားပြည်နယ်၊ Oakland တွင် STS (Ship-to-Shore) ကွန်တိန်နာကရိန်း နှစ်စင်း ကို အ ပြည့်အဝ တပ်ဆင်ပြီးဖြစ်ကာ လာမည့် အရေးကြီးအ ဆင့်ဖြစ်သော TraPac ကုမ္ပဏီအတွက် လုပ်ငန်း စမ်းသပ်လည်ပတ်မှု (Commissioning) ကို ဆောင်ရွက်ရန် အသင့်ဖြစ်နေပြီ ဖြစ်သည်။

ယင်းကရိန်းနှစ်စင်းမှာ အမေရိကန် အနောက်ကမ်းရိုးတန်းတွင် ပထမဆုံး တပ်ဆင်သည့် Liebherr Ship-to-Shore ကရိန်းများ ဖြစ်သည်။

အိုင်ယာလန်နိုင်ငံတွင် ထုတ်လုပ်ထားသည့် အဆိုပါ လျှပ်စစ်စွမ်းအင်သုံး (Fully Electric) ကရိန်းများ သည် ကွန်တိန်နာများကို ပိုမိုမြန်ဆန်၊ ပိုမိုတိကျတည်ငြိမ်စွာ ကိုင်တွယ်နိုင်သည့်အပြင် ကာဗွန်ထုတ် လွှတ်မှုကို လျှော့ချပေးကာ TraPac ၏ ဆိပ်ကမ်းတိုးချဲ့ရေး စီမံကိန်းကိုလည်း အထောက်အကူပြုမည် ဖြစ်သည်။

#

05/06/2026

"Hormuz မိုင်းရှင်းလင်းရေး ဥရောပတပ်ဖွဲ့ စတင်ဖွဲ့စည်း"

၂၀၂၆ ခုနှစ် ဇွန် ၅ ရက်

ဥရောပသမဂ္ဂ (EU) သည် Hormuz ရေလက်ကြားအတွင်းရှိ ပင်လယ်မိုင်းများကို ရှင်းလင်းရန် ၎င်း၏ Aspides ရေတပ်မစ်ရှင် ကို အဓိကတာဝန်ယူစေမည့် အစီအစဉ်တစ်ရပ်ကို အဆိုပြုထားသည်။ ယင်း အ စီအစဉ်မှာ ပြင်သစ်နှင့် ဗြိတိန် ဦးဆောင်ဖွဲ့စည်းနေသော နိုင်ငံစုံပူးပေါင်းတပ်ဖွဲ့၏ အစိတ်အပိုင်း တစ်ခု ဖြစ်သည်။

Hormuz ရေလက်ကြားသည်ကမ္ဘာ့ရေနံနှင့်LNGတင်ပို့မှု၏ ၂၀% ခန့်ဖြတ်သန်း ရာ အရေးပါသော ရေ လမ်းကြောင်းဖြစ်ပြီး ဒေသတွင်းပဋိပက္ခများကြောင့် သင်္ဘောသွားလာမှု ထိခိုက်နေသည်။EU ကရေလမ်း လုံခြုံရေးနှင့် ကုန်သွယ် ရေး ပြန်လည်ပုံမှန်ဖြစ်စေရန် Mine-Clearance Force ဖွဲ့စည်းရန် စီစဉ်နေခြင်း ဖြစ်သည်။

လက်ရှိတွင် အီတလီနှင့် နယ်သာလန်တို့ကလည်း မိုင်းရှင်းလင်းရေး သင်္ဘောများ စေလွှတ်ရန် ပြင်ဆင် နေ ကြပြီး EU အဖွဲ့ဝင် ၂၇ နိုင်ငံလုံး၏ သဘောတူညီချက်ရရှိပါက Aspides မစ်ရှင်၏ တာဝန်ကို တိုးချဲ့ ဆောင်ရွက်သွားမည်ဖြစ် ကြောင်း သိရပါသည်။

#

04/06/2026

ဖြစ်တတ်ပါတယ် 😮‍💨😮‍💨😮‍💨

၂၀၂၆ ခုနှစ် ဇွန် ၄ ရက်

#

04/06/2026

ကူဝိတ်တွင် ဒုံးကျည်ကြားဖြတ်ဖျက်ဆီးမှု ဗီဒီယိုရိုက်ကူးဖြန့်ဝေသူကို ဖမ်းဆီး

၂၀၂၆ ခုနှစ် ဇွန် ၄ ရက်

ကူဝိတ်နိုင်ငံ ပြည်ထဲရေးဝန်ကြီးဌာနသည် ဒုံးကျည်ကြားဖြတ်ဖျက်ဆီးမှုများကို ဗီဒီယိုရိုက်ကူးပြီး လူမှု ကွန်ရက်များတွင် ဖြန့်ဝေခဲ့သူ တစ်ဦးအား ဖမ်းဆီးထိန်း သိမ်းခဲ့ကြောင်း ထုတ်ပြန်ကြေညာခဲ့သည်။ဤသတင်းနှင့်ပတ်သက်၍ ပင်လယ် ကွေ့‌နိုင်ငံများသို့ သွားရောက်အလုပ် လုပ်ကိုင်ကြမည့်သူများ နှင့် သင်္ဘောသားများအနေဖြင့် အထူးသိထားရန် လိုအပ်ပါသည်။

အာဏာပိုင်များ၏ အဆိုအရ ယင်းကဲ့သို့ စစ်ရေးဆိုင်ရာ လှုပ်ရှားမှုများကို ရိုက် ကူးခြင်းနှင့် ဖြန့်ဝေခြင်း သည် နိုင်ငံ၏ လုံခြုံရေးစည်းမျဉ်းများကို ချိုးဖောက်ရာရောက်ပြီး အများပြည်သူအကျိုးစီးပွားနှင့် နိုင်ငံ တော်လုံခြုံရေးကို ထိခိုက်စေနိုင်ကြောင်း သတိပေးထားသည်။

ကူဝိတ်အာဏာပိုင်များက အရေးကြီးသောစစ်ရေးဆောင်ရွက်မှုများ၊ လုံခြုံရေး အစီအမံများနှင့် ပတ် သက်သည့် အချက်အလက်များကို ထုတ်ဖော်ခြင်း၊ ဓါတ်ပုံ သို့မဟုတ် ဗီဒီယိုများ ရိုက်ကူးဖြန့်ဝေ ခြင်း များအပေါ် ဥပဒေအရ တင်းကျပ်စွာ အရေးယူဆောင်ရွက်သွားမည်ဖြစ်ကြောင်း အလေးအနက် သတိပေးထား သည်။

အလားတူပင် ၂၀၂၆ ခုနှစ် မတ်လအတွင်း အီရန်ရဲ့ ဒုံးကျည်နှင့် ဒရုန်းတိုက်ခိုက်မှုများ ဖြစ်ပွားပြီးနောက် UAE အာဏာ ပိုင်များက ဒုံးကျည်ကြားဖြတ်ဖျက်ဆီးမှု၊ပေါက်ကွဲမှု၊ ထိခိုက်ပျက်စီးမှုဆိုင်ရာ ဗီဒီယိုများ ကို ရိုက်ကူးဖြန့် ဝေသူများအား ဖမ်းဆီးအရေးယူခဲ့ကြောင်း သတင်းများထွက်ခဲ့သည်။

အထူးသဖြင့် ဒူဘိုင်းတွင် ဗြိတိန်နိုင်ငံသားတစ်ဦးအပါအဝင် လူ ၂၀ ခန့်ကို ဒုံး ကျည်တိုက်ခိုက်မှုနှင့် ပတ် သက်သည့် ဗီဒီယိုများ ရိုက်ကူးခြင်း၊ မျှဝေခြင်း၊ ပြန် လည်တင်ခြင်းတို့အတွက် UAE ၏ Cybercrime Law အရ အမှုဖွင့်ခဲ့ကြောင်း သိရသည်။

UAE၊ Kuwait၊ Saudi Arabia၊ Qatar စသည့် Gulf နိုင်ငံများတွင် စစ်ရေးဆိုင် ရာ ဗီဒီယိုရိုက်ကူးခြင်း လုံ ခြုံရေးအဆောက်အဦးများ ဓာတ်ပုံရိုက်ခြင်း သည် ပြင်းထန်သော ပြစ်မှုအဖြစ်သတ်မှတ်နိုင်ပြီး ဖမ်းဆီး ခြင်း၊ ငွေဒဏ်၊ ထောင် ဒဏ် သို့မဟုတ် ပြည်နှင်ဒဏ်အထိ ကြုံတွေ့နိုင်သည်။

#

04/06/2026

ကမ္ဘာ့အကြီးဆုံး သင်္ဘောဖျက်သိမ်းရေးစခန်းတွင် မီးလောင်မှုဖြစ်ပွား

၂၀၂၆ ခုနှစ် ဇွန် ၄ ရက်

အိန္ဒိယနိုင်ငံရှိ ကမ္ဘာ့အကြီးဆုံး သင်္ဘောဖျက်သိမ်းရေးစခန်းဖြစ်သော Alang Ship Breaking Yard တွင် သင်္ဘောတစ်စီး မီးလောင်မှုဖြစ်ပွားခဲ့ကြောင်း သိရသည်။

သတင်းများအရ Alang Ship Breaking Yard ၏ Plot No.128တွင်ဖျက်သိမ်း ရေးလုပ်ငန်းများ ဆောင် ရွက်နေသည့် သင်္ဘောတစ်စီး၌မီးလောင်မှုဖြစ်ပွားခဲ့ခြင်းဖြစ်ပြီး၊အဆိုပါဖြစ်စဉ်ကြောင့် သင်္ဘောအ တွင်း အလုပ်သမားအချို့ ပိတ်မိနေနိုင်ကြောင်း စိုးရိမ်မှုများ ထွက်ပေါ်ခဲ့သည်။

မီးလောင်မှုဖြစ်ပွားပြီးနောက် အရေးပေါ်ကယ်ဆယ်ရေးအဖွဲ့များနှင့် မီးသတ်တပ်ဖွဲ့များက လျင်မြန်စွာ ရောက်ရှိလာကာ မီးကို ထိန်းချုပ်ငြှိမ်းသတ်နိုင်ခဲ့ကြောင်း သိရသည်။ လက်ရှိအချိန်အထိ သက်ဆိုင်ရာ အာဏာပိုင်များက ထိ ခိုက်ဒဏ်ရာရရှိသူ သို့မဟုတ် သေဆုံးသူ ရှိ/မရှိကို တရားဝင် ထုတ်ပြန်ထားခြင်း မရှိသေးသလို မီးလောင်မှုဖြစ်ပွားရသည့် အကြောင်းရင်းကိုလည်း စုံစမ်းစစ်ဆေးနေဆဲဖြစ်ကြောင်းသိ ရပါသည်။

Alang Ship Breaking Yard သည် ကမ္ဘာတစ်ဝန်းမှ သက်တမ်းကုန်ဆုံးသည့် သင်္ဘောများကိုဖျက်သိမ်း ပြီး ပြန်လည်အသုံးချသည့် အကြီးဆုံး သင်္ဘောပြန် လည်အသုံးချရေးစင်တာဖြစ်ပြီး၊ ယခင်ကလည်း မီး လောင်မှုများ၊ ပေါက်ကွဲမှုများနှင့် လုပ်ငန်းခွင်မတော်တဆမှုများ ဖြစ်ပွားခဲ့ဖူးသည်။သက်ဆိုင်ရာ တာဝန် ရှိသူများက မီးလောင်မှုနှင့် ပတ်သက်၍ အသေးစိတ်အချက်အလက်များကို ဆက်လက် စုံစမ်းစစ်ဆေး လျက်ရှိကြောင်း သိရသည်။

#

MMWF Myanmar

07/06/2026

07/06/2026

07/06/2026

07/06/2026

06/06/2026

05/06/2026

05/06/2026

04/06/2026

04/06/2026

04/06/2026

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท