เว็บไซต์คืออะไร?

https://www.facebook.com/175230535682843/

Nway Oo Revolution

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Nway Oo Revolution, เว็บไซต์ข่าวและสื่อ, Naval Dockyard Department, No. 2 Arun Amarin Road, Siriraj Subdistrict, Bangkok Noi District, Bangkok, Bangkok.

04/08/2024

KNU တပ်မဟာ (၅)နယ်မြေမှာ ဇူလိုင်လအတွင်း အကြမ်းဖက်စစ်ကောင်စီတပ်သား (၅၂)ဦး သေဆုံးပြီး (၁၂)ဦး ဒဏ်ရာရ
ဩဂုတ် ၄ ၊ ၂၀၂၄
ကရင်အမျိုးသားအစည်းအရုံး(KNU)၊ ကော်သူးလေအုပ်ချုပ်နယ်မြေ၊ မူတြော်ခရိုင်အတွင်း ဇူလိုင်လ (၁)ရက်နေ့မှ (၃၁)ရက်အတွင်း အကြမ်းဖက်စစ်ကောင်စီတပ်သား (၅၂)ဦး သေဆုံးပြီး (၁၂)ဦး ဒဏ်ရာရရှိခဲ့တယ်လို KNU(ဗဟို)မှ ထုတ်ပြန်လိုက်ပါတယ်။
ဇူလိုင်လအတွင်း ကရင်အမျိုးသားလွတ်မြောက်ရေးတပ်မတော် (K.N.L.A)၊ တော်လှန်ရေးပူးပေါင်းတပ်ဖွဲတွေနဲ့ အကြမ်းဖက်စစ်ကောင်စီတပ်တိုအကြား တိုက်ပွဲပေါင်း (၁၀၁)ကြိမ် ဖြစ်ပွားခဲ့တယ်လို ဆိုပါတယ်။
အဆိုပါ တိုက်ပွဲတွေအတွင်း အကြမ်းဖက်စစ်ကောင်စီ တပ်သား (၅၂)ဦး သေဆုံးပြီး (၁၂)ဦး ထိခိုက်ဒဏ် ရာရှိခဲ့ကာ အကြမ်းဖက်စစ်ကောင်စီရဲ့ အဆောက်အဦး (၂)ခု ထိခိုက်ပျက်စီးပြီး မြင်း (၂)ကောင် သေဆုံး ခဲ့တယ်လို ဖော်ပြထားပါတယ်။
ကရင်အမျိုးသားလွတ်မြောက်ရေးတပ်မတော် (K.N.L.A) တပ်မဟာ(၅)နဲ့ တော်လှန်ရေးပူးပေါင်းတပ်ဖွဲတွေ ဘက်မှ ထိခိုက်မှု တစုံတရာမျှ မရှိဘူးလို ဖော်ပြထားပါတယ်။
အခုလို တိုက်ပွဲတွေ ဖြစ်ပွားမှုကြောင့် အကြမ်းဖက်စစ်ကောင်စီက လေကြောင်းမှသာ ရိက္ခာတွေ ချပေးနိုင်ပြီး လက်နက်ကြီးတွေနဲ့ လေကြောင်းတိုမှ ပြည်သူတွေ နေထိုင်တဲ့ ကျေးရွာတွေအတွင်းနဲ့ လုပ်ကိုင်စားသောက်တဲ့ လုပ်ငန်းခွင်တွေ အတွင်းကို ပစ်မှတ်ထား တိုက်ခိုက်တာတွေကိုလည်း အကြိမ်ရေများစွာ လုပ်ဆောင်ခဲ့တယ်လို ထုတ်ပြန်ချက်မှာ ဖော်ပြထားပါတယ်။

24/07/2024

စစ်ကောင်စီ အထိန်းသိမ်းခံ ဦးသိမ်းဝေ Yoma Strategic ရာထူးမှ ဆင်း

ဧရာဝတီ၊ ဇူလိုင် ၂၄၊ ၂၀၂၄

မြန်မာစစ်ကောင်စီက ဖမ်းဆီးထိန်းသိမ်းထားသော ခရိုနီလုပ်ငန်းရှင် ဦးသိမ်းဝေ ခေါ် ဆာ့ဂျ်ပန်းသည် စင်ကာပူအခြေစိုက် သူ၏ Yoma Strategic Holdings Ltd ၏ အမှုဆောင်ဥက္ကဋ္ဌ ရာထူးမှ ဆင်းကြောင်း Bloomberg သတင်းက ဖော်ပြသည်။

မြန်မာအမည် ဦးသိမ်းဝေ ခေါ် ဆာ့ဂျ်ပန်သည် ကုမ္ပဏီ၏ ဒါရိုက်တာတဦးအဖြစ် လက်ရှိရာထူးမှ ချက်ချင်း နုတ်ထွက်မည်ဖြစ်ကြောင်း Yoma က ဗုဒ္ဓဟူးနေ့တွင် တင်သွင်းသည့် စာရွက်စာတမ်းတခု၌ ပြောကြားခဲ့ကြောင်း သိရသည်။ ထို အိမ်ခြံမြေအကျိုးဆောင်ကုမ္ပဏီသည် ၎င်း၏အကြီးဆုံးသားဖြစ်သူ အမှုဆောင်အရာရှိချုပ်နှင့် ဘုတ်အဖွဲဝင်တဦးလည်းဖြစ်သည့် မဲလ်ဗင်ပန်အား ဥက္ကဋ္ဌသစ်အဖြစ် ခန့်အပ်ခဲ့သည်။

ဦးသိမ်းဝေနှင့် အခြားကုမ္ပဏီအရာရှိများသည် စစ်ကောင်စီ၏ စစ်မေးခံနေရပြီး နေပြည်တော်တွင် နေအိမ်အကျယ်ချုပ် ဖမ်းထားသည်ဟု သတင်းရင်းမြစ်များပြောသည်။ မကြာမီ တရားစွဲခံရတော့မည်ဟု လည်း ဆိုကြသည်။

ဦးသိမ်းဝေကို စစ်ကောင်စီက နေပြည်တော်တွင် ခေါ်ယူစစ်မေးနေကြောင်း ကုမ္ပဏီဘက်ကလည်း အတည်ပြုခဲ့ပြီး စင်ကာပူနိုင်ငံရှိ ရိုးမလုပ်ငန်းစု (Yoma Strategic Holdings) ၏ အစုရှယ်ယာတန်ဖိုးများ ကျဆင်းခဲ့သည်။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။

16/07/2024

မတ္တရာ Alpha ဘိလပ်မြေစက်ရုံ မန်း PDF အပြီးသတ် သိမ်း

ဧရာဝတီ၊ ဇူလိုင် ၁၆၊ ၂၀၂၄

မန္တလေးမြိုနှင့် ၂၅ မိုင်ခန့်အကွာရှိ မတ္တရာမြိုနယ်မှ Alpha ဘိလပ်မြေစက်ရုံ တပ်စခန်းနှင့် တောင်တံငါရွာ တပ်စခန်းတိုကို ပြည်သူ့ကာကွယ်ရေးတပ်မတော် (မန္တလေး)က အပြီးသတ် သိမ်းပိုက်လိုက်ကြောင်း ယနေ့ထုတ်ပြန်လိုက်ပြီး ယခုဆိုလျှင် သိမ်းပိုက်စခန်းပေါင်း ၂၈ခု ရှိပြီဟု ဆိုသည်။

Alpha ဘိလပ်မြေစက်ရုံ တပ်စခန်းမှ ဆုတ်ခွာသွားသည့် စစ်ကောင်စီတပ်များသည် စက်ရုံကို မီးရှိ သွားကြောင်း၊ လက်ရှိတွင် အဆိုပါ မြိုနယ်အတွင်းရှိ ကျောက်တံတား တပ်စခန်းကို ဆက်လက်တိုက်ခိုက်နေရာ တိုက်ပွဲများ ပြင်းထန် နေကြောင်း သိရသည်။

15/07/2024

ပခုက္ကူမြို့ လေယာဉ်ကွင်းအတွင်း တပ်စွဲထားသော စစ်ကောင်စီ တပ်သားများကို ရော့ကတ်၊ ဒရုန်းများဖြင့် ၂ ရက်ဆက် တိုက်ခိုက်မှု စစ်တပ်ဘက်မှ ၅ ဦး သေဆုံးပြီး ဒဏ်ရာရရှိသူ များပြား

ရန်ကုန်၊ ဇူလိုင် ၁၅

မကွေးတိုင်း၊ ပခုက္ကူမြို့ လေယာဉ်ကွင်းအတွင်း တပ်စွဲထားသော အကြမ်းဖက် စစ်ကောင်စီ တပ်သားများကို ရော့ကတ်၊ ဒရုန်းများဖြင့် ၂ ရက်ဆက် တိုက်ခိုက်ရာ စစ်တပ်ဘက်မှ ၅ ဦး သေဆုံးပြီး ဒဏ်ရာရရှိသူ များပြားကြောင်း ဒေသတော်လှန်ရေး တပ်ဖွဲ့မှ တာဝန်ရှိသူများက ရန်ကုန်ခေတ်သစ် မီဒီယာသို့ ပြောဆိုသည်။

ဇူလိုင်လ ၁၄ ရက်နေ့ မွန်းလွဲပိုင်းမှ စတင်ကာ ပခုက္ကူလေဆိပ်တွင် တပ်စွဲပြီး တဲအသစ်များ ဆောက်လုပ်ထားသည့် အကြမ်းဖက် စစ်ကောင်စီ တပ်သားများကို တော်လှန်ရေး တပ်ဖွဲ့များက Rocket ၁၅ လုံး နှင့် Drone ဗုံးသီး ၂၀ လုံး ကျဲချ တိုက်ခိုက်ခဲ့ကြောင်း သိရသည်။

အဆိုပါ တိုက်ခိုက်မှု အတွင်း အကြမ်းဖက် စစ်ကောင်စီတပ်သားများ သေဆုံးမှုရှိနိုင်ပြီး ဒဏ်ရာ ရရှိသူများလည်းရှိကြောင်း၊ ထို့ပြင် အကြမ်းဖက် စစ်ကောင်စီ တပ်သားများ ဆောက်လုပ်ထားသည် တဲများလည်း မီးလောင်ပျက်စီးခဲ့ကြောင်း သိရှိရသည်။

ယနေ့ ဇူလိုင်လ ၁၅ ရက် နေ့တွင်လည်း ပခုက္ကူမြို့လေယာဉ်ကွင်းအတွင်း ဝင်ရောက်တပ်စွဲထားသော အ ကြမ်းဖက်စစ်သား၊ ပျူစောထီးများကို ဒရုန်း၊ Rocket လက်နက်ကြီးများဖြင့် အလုံးရေ ၃၀ ကျော် ပစ်ခတ်တိုက်ခိုက်ခဲ့ပြီး အပြန်အလှန်အလှန်ပစ်ခတ်တိုက်ပွဲ ၁ နာရီခန့်ဖြစ်ခဲ့ရာ စစ်သား၊ ပျူ ၅ ဦး သေဆုံးပြီး ၅ ဦးခန့်ထိခိုက်ဒဏ်ရာရရှိခဲ့ကြောင်း၊ ထို့ပြင် ပျူစောထီးများနေထိုင်ရာ နေအိမ် ၁၀ လုံး ခန့် လည်းမီးလောင်ပျက်စီးခဲ့ကြောင်း သိရသည်။

“အဓိကတော့ ပျူမိသားတွေက ရေကြီးနေလို့ ဒီအထဲမှာလာပြီး ယာယီနေထိုင်တဲ့သဘောပဲ၊ထန်း လျက်တဲတွေဆောက်ပြီးနေကြတာပေါ့၊ အဲဒီမှာလုံခြုံရေးယူပေးနေတာက စစ်ခွေး ၂၀ လောက်ရှိ တယ်။ နေအိမ်တွေမီးလောင်သွားတာရှိပေမယ့် အတိအကျတော့မသိရဘူး။ ကျနော်တို့ ရှေ့တန်း တပ်ဖွဲ့ရဲဘော်တွေအတွက် လက်နက်၊ ရိက္ခာကမ်ပိန်းလေးတွေလုပ်နေပါတယ်။ အဲဒါကို ဝိုင်းဝန်း ကူညီပေးကြပါလို့ မေတ္တာရပ်ခံချင်ပါတယ်” ဟု Young Force – UG တပ်ဖွဲ့မှ တာဝန်ရှိသူတစ်ဦးက ရန် ကုန်ခေတ်သစ်သတင်းဌာနထံသို့ ပြောကြားသည်။

အဆိုပါတိုက်ခိုက်မှုကို ပခုက္ကူခရိုင်အမှတ် ၆ တ-ပ်ရင်း၊ပခုက္ကူမြို့နယ်ပြည်သူ့ကာကွယ်ရေးတပ်ဖွဲ့-၂ ၊ Cobra One၊ Tatt PKU၊ Thurain TR ၊ Shwe Nyar Myae၊ Young Force - UG နှင့် မဟာမိတ်တပ်ဖွဲ့ များ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း သိရသည်။

"တိုက်ခိုက်မှု ၂ ကြိမ်မှာ စစ်ခွေးနဲ့ ပျူခွေး ၅ ဦးထက်မနည်း သေဆုံးနိုင်တယ်။ ၁၀ ဦးထက် မနည်း ထိခိုက်ဒဏ်ရာရတယ်။ အဲက စစ်ခွေးတွေနဲ့ ပျူခွေးတွေက ဟင်္သာပျူရွာနဲ့ ဆင်မရဲရွာက ကောင်တွေ ပခုက္ကူလေဆိပ်ထဲမှာ တဲအသစ်တွေ ဆောက်လုပ်ပြီး တပ်စွဲနေထိုင်နေတာ အပြစ်မဲ့ ပြည်သူများတွေကို သတ်ဖြတ်တာ ပြည်သူပိုင်ပစ္စည်းဥစ္စာတွေကို ဖျက်ဆီးယူဆောင်တာ အနီးပတ်ဝန်းကျင်တွေကို ရမ်းသမ်း ပစ်ခတ် နှောက်ယှက်တာတွေ အမြဲပြုလုပ်နေတဲ့ ကောင်တွေပါ" ဟု Shwe Nyar Myae PDF မှ တာဝန်ရှိသူ တစ်ဦးက ရှင်းပြသည်။

14/07/2024

ယင်းမာပင်မြိုနယ် မြောက်ခြမ်းကျေးရွာများသပိတ်က အကြမ်းဖက်စစ်တပ် ကျရှုးရေး ဆန္ဒပြသပိတ်ပြုလုပ်
ဇူလိုင် ၁၄ ၊ ၂၀၂၄
ယင်းမာပင်မြိုနယ် မြောက်ခြမ်းကျေးရွာများသပိတ်က အကြမ်းဖက်စစ်တပ် ကျရှုးရေးအဖြစ်နဲ့ ချီတက်ဆန္ဒပြ ပွဲကို ပြုလုပ်ခဲ့ကြပါတယ်။
ဆန္ဒပြ တော်လှန်ပြည်သူတွေက “ယင်းမာပင်မြိုနယ် မြောက်ခြမ်းကျေးရွာများသပိတ်” ဆိုတဲ့ စာသားကို ကိုင်ဆွဲပြီး အကြမ်းဖက်စစ်တပ်ကျရှုးရေး ဟစ်ကြွေး မှုတွေနဲ့ ချီတက်ဆန္ဒပြ လှည့်လည်ခဲ့ကြတာပါ။
ဆန္ဒပြတော်လှန်ပြည်သူတွေက နယ်မြေမငြိမ်သက်မှု ကြားထဲကနေပဲ အကြမ်းဖက်စစ်တပ်ကျရှုးရေး ဆန္ဒပြ သပိတ်ကို နေ့စဉ်ပြု လုပ်နေတာပါ။

14/07/2024

ပြည်သူ့ကာကွယ်‌ရေးတပ်မတော် ပခုက္ကူခရိုင် အမှတ်(၁၃) တပ်ရင်း မွမ်းမံစစ်သင်တန်းဆင်း
ဇူလိုင် ၁၄ ၊ ၂၀၂၄
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊အမှတ် (၁)စစ်ဒေသ ပြည်သူ့ ကာကွယ်ရေးတပ်မတော် (PDF) ပခုက္ကူခရိုင် အမှတ်(၁၃) တပ်ရင်း ရဲ့ မွမ်းမံ စစ်သင်တန်းဆင်းပွဲကို ပြုလုပ်ခဲ့ တယ်လို ကာကွယ်ရေးဝန်ကြီးဌာနမှ မနေ့က အသိပေးပါတယ်။
အဆိုပါ မွမ်းမံသင်တန်းဆင်းပွဲကို ဇူလိုင် ၁၀ ရက်မှာ ပြုလုပ်ခဲ့တာ ဖြစ်ပြီး၊ သင်တန်းတက်ရောက်ပြီးစီးခဲ့တဲ့ မွမ်းမံသင်တန်းသား ရဲဘော်များကို လက်နက်တပ်ဆင်ပေးခဲ့တယ်လိုလည်း ပြည်သူ့ စစ်ရုံးချုပ်က ထုတ်ပြန်ထားပါတယ်။

14/07/2024

"နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း" က အကြမ်းဖက်စစ်တပ် ကျရှုးရေး ဆန္ဒပြသပိတ်ပြုလုပ်
ဇူလိုင် ၁၄ ၊ ၂၀၂၄
ယင်းမာပင်မြိုနယ်ရဲ့ "နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း" က အကြမ်းဖက်စစ်တပ်ကျရှုးရေး ဆန္ဒပြသပိတ်ကို ပြုလုပ်ခဲ့ကြပါတယ်။
တော်လှန်ပြည်သူတွေက "နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း" ဆိုတဲ့ စာသား ကိုင်ဆောင်ပြီး အကြမ်းဖက် စစ်တပ်ကျရှုးရေး ဟစ်ကြွေးမှုတွေ ပြုလုပ်ခဲ့ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြားထဲကနေပဲ အကြမ်းဖက်စစ်တပ်ကျရှုး ရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။

12/07/2024

ပုသိမ် - မုံရွာလမ်းမကြီးမှာ ရိက္ခာရှာထွက်လာတဲ့ အကြမ်းဖက်စစ်ကောင်စီတပ်သားတွေကို တိုက်ခိုက်၊ ရန်သူတပ်သား တစ်ဦးသေဆုံးပြီး တစ်ဦး ဒဏ်ရာရ
ဇူလိုင် ၁၂ ၊ ၂၀၂၄
ပုသိမ်-မုံရွာလမ်းမကြီး တစ်နေရာရှိ ကိုင်းတောမရေစက်ရဲ့ အနောက်ဘက် မီတာ ၇၀အကွာမှာ ရိက္ခာရှာထွက်လာတဲ့ အကြမ်းဖက်စစ်ကောင်စီတပ်သားတွေကို ဇူလိုင် ၁၁ရက်က ပြည်သူ့ကာကွယ်ရေးတပ်တွေ ပူးပေါင်းပြီး တိုက်ခိုက်ခဲ့တယ်လို့ Young Force UGက ထုတ်ပြန်လိုက်ပါတယ်။
တိုက်ခိုက်မှုကြောင့် အကြမ်းဖက်စစ်ကောင်စီတပ်သား တစ်ဦး သေဆုံးပြီး တစ်ဦးဒဏ်ရာရခဲ့တယ်လို့ ဆိုပါတယ်။
အဆိုပါတိုက်ခိုက်မှုကို မြိုင်ပကဖ၊ Pakokku People's Defense Force၊ Earthquake People's Defence Force၊ မဟာမိတ်တပ်ပေါင်းစု(MUGDF၊ James Bond၊ ဇာမဏီပြောက်ကျားတပ်ဖွဲ့)၊ Justice Revolution Force၊ ဝံပုလွေအဖွဲ့၊ Hunter PKU၊ ပခုက္ကူမြို့နယ်ပြည်သူ့ကာကွယ်ရေးတပ်ဖွဲ့ ၂မှ Thurain-TR၊ Shwe Nyar Myae PDF၊ Pakokku Rangerနဲ့ Young Force-UG စတဲ့ပြည်သူ့ကာကွယ်ရေးတပ်တွေ ပူးပေါင်းပြီး တိုက်ခိုက်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။