Perfect Rasa Entertainment, Charoen Krung Rd, Bangkok (2025)

12/09/2025

ပူလောင် သောက မောဟစိတ်တွေ အေးချမ်းကြပါစေ

12/05/2025

မနက်ဖြန်ကျရင် အရာရာ အဆင်ပြေသွားမှာပါ
-------------------------------------------------
ရှေးအခါက ဟတ်ဆန်လို့ခေါ်တဲ့ ဆရာကြီးတစ်ဦးရှိခဲ့တယ်။ တစ်နေ့ သူသေဆုံးခါနီးမှာ လူတစ်ယောက်က “ဆရာကြီးခင်ဗျား … ဆရာကြီးရဲ့ ဆရာက ဘယ်သူပါလဲ”လို့ မေးလိုက်တယ်။

အဲဒီအခါ သူက “အခုတော့ နောက်ကျသွားပြီ၊ ငါက သေတော့မယ်၊ ပြောဖို့ အချိန်မရှိတော့ဘူး”လို့ ဖြေတယ်။ ဒါပေမဲ့ မေးသူက လက်မလျှော့ဘူး။ “နာမည်လေးပဲ ပြောပါ၊ ရပါတယ်၊ ဆရာကြီးက အသက်ရှင်နေပါသေးတယ်၊ အသက်လည်း ရှူနေသေးတယ်၊ စကားလည်း ပြောနေပါသေးတယ်၊ နာမည်လေးတော့ ပြောနိုင်မှာပါ”လို့ ဆိုပြန်တယ်။

“ဒါက ပြောဖို့ မလွယ်ဘူး၊ ဘာလို့လဲဆိုတော့ ငါ့မှာ ဆရာတွေက ထောင်သောင်းချီရှိတယ်၊ နာမည်လေးပဲ ပြောရင်တောင် လတွေ နှစ်တွေချီပြီး ကြာလိမ့်မယ်”လို့ ဆရာကြီးက ပြောလိုက်တယ်။ ဒါပေမဲ့ မေးသူက နောက်မဆုတ်ဘူး။ “ဒါဆိုရင် ဆရာကြီးရယ် … သုံးယောက်လောက်တော့ ပြောပြပါ”လို့ဆိုပြန်တယ်။

ဒါနဲ့ ဆရာကြီးက “ကဲ … ဒါဆိုလည်း ငါ ပြောပြမယ်၊ ငါ့ရဲ့ ပထမဆုံးဆရာကတော့ သူခိုးတစ်ယောက်ကွဲ့၊ တစ်ခါတုန်းက ငါဟာ ကန္တာရထဲမှာ လမ်းပျောက်သွားတယ်။ ဒီလိုနဲ့ ခြေဦးတည့်ရာသွားရင်း ရွာတစ်ရွာကို ရောက်သွားတယ်။ ငါရောက်တဲ့အချိန်က နောက်ကျနေတော့ ဆိုင်တွေလည်း အကုန်ပိတ်နေပြီ။ တည်းခိုခန်းတွေလည်း ပိတ်ကုန်ပြီ။ လမ်းမပေါ်မှာ လူတစ်ယောက်မှ မတွေ့တော့ဘူး။ ငါလည်း လူတစ်ယောက်တလေများ တွေ့မလားလို့ လိုက်ရှာတာပေါ့။ တစ်နေရာမှာ အိမ်တစ်အိမ်ကို မြေအောက်ကနေ ဖောက်ထွင်းဝင်ဖို့ ကျင်းတူးနေတဲ့လူတစ်ယောက်ကို တွေ့ခဲ့တယ်။

ငါလည်း တစ်ညလောက်တည်းခိုဖို့ ဘယ်မှာ ရနိုင်မလဲလို့ မေးလိုက်တာပေါ့။ ဒီတော့ သူက ကျွန်ုပ်က သူခိုးတစ်ယောက်ပါ။ သင်က သူတော်စင်ဆရာကြီးတစ်ဦးနဲ့တူတယ်နော်၊ သင်ရဲ့ အဝတ်အစားနဲ့ အနေအထားကို ကြည့်တာနဲ့ သိပါတယ်၊ အင်း … ဒီည တည်းခိုဖို့တော့ ဘယ်မှာမှ မရနိုင်တော့ဘူး။ ဒါပေမဲ့ သင်သာ သူခိုးတစ်ယောက်နဲ့ အတူနေနိုင်မယ်ဆိုရင် ကျွန်ုပ်အိမ်မှာ လိုက်နေပါလို့ ပြောတယ်။

ခဏတော့ ငါလည်း တွေဝေသွားတယ်။ နောက်တော့လည်း ပြန်တွေးလိုက်တယ်။ သူခိုးကတောင်မှ ငါ့ကို မကြောက်ရင် ငါလိုလူက သူခိုးကို ဘာဖြစ်လို့ ကြောက်နေသင့်သလဲပေါ့။ တကယ်တော့ သူဟာ ငါ့ကို ကြောက်သင့်တာလေ။ ဒီလိုနဲ့ ငါလည်း သူခိုးနဲ့လိုက်သွားပြီး သူ့အိမ်မှာ တစ်လလောက် နေဖြစ်သွားတယ်။

သူက သူခိုးဆိုပေမဲ့ အရမ်းခင်မင်စရာကောင်းပါတယ်။ အဲဒီမှာ ညတိုင်းညတိုင်း ငါ့ကို လာပြောတဲ့စကားရှိတယ်။ အဲဒါကတော့ “ကဲ အခု ကျွန်ုပ် အလုပ်သွားပါတော့မယ်၊ ကောင်းကောင်းအနားယူလိုက်ပါဦး၊ တရားထိုင်၊ ဆုတောင်း၊ သင်လည်း သင့်အလုပ် သင်လုပ်နေပေါ့”လို့ ပြောတာပါ။ သူ ပြန်လာပြီဆိုရင်လည်း ငါက “ဒီနေ့ည ဘာတွေ ရခဲ့လဲ”လို့ မေးတတ်တယ်။

အဲဒီအခါတိုင်းမှာ သူပြောတာလေးကို ငါ သဘောကျတယ်။ “ဒီနေ့ညတော့ ဘာမှ မရခဲ့ပါဘူး။ ဒါပေမဲ့ မနက်ဖြန် ထပ် ကြိုးစားကြည့်ရသေးတာပေါ့”တဲ့။ သူ့ပုံစံက ခိုကိုးရာမဲ့တဲ့ မျှော်လင့်ချက်မဲ့တဲ့အနေအထား တစ်ခါမှ မတွေ့ရဘူး။ တစ်လလုံးလုံး ဘာမှ မပါဘဲနဲ့ သူ ပြန်ပြန်လာရတယ်။ ဒါပေမဲ့ သူက ပျော်နေတာပဲ။

“အင်း … မနက်ဖြန် ထပ်ကြိုးစားလိုက်ပါဦးမယ်၊ မနက်ဖြန်ကျရင်တော့ အဆင်ပြေသွားမှာပါ၊ ကျွန်ုပ်ကိုလည်း ဆုတောင်းပေးပေါ့၊ ဒီလောက်သနားစရာလူကို အကူအညီပေးဖို့ မြတ်စွာဘုရားထံ ဆုတောင်းပေးပေါ့”
လို့ ပြောလေ့ရှိတယ်။

ဒီလိုနဲ့ ငါဟာ သူခိုးနဲ့တွေ့ပြီး နောက်ပိုင်းမှာ တရားကို နှစ်ပေါင်းများစွာ တရစပ် အားထုတ်တယ်။ ဒါပေမဲ့ ဘာအသိအမြင်မှ မရဘူး။ ဘာတရားထူးမှ ပေါ်မလာဘူး။ ငါ အကြိမ်ကြိမ် ကြိုးစားတိုင်း မအောင်မမြင် ဖြစ်လာတဲ့အခါ စိတ်ဓာတ်တွေ အကြီးအကျယ် ကျလာတယ်။ မျှော်လင့်ချက်မဲ့သလိုလည်း ဖြစ်လာခဲ့တယ်။ ဒီအသုံးမကျ အဓိပ္ဗာယ်မရှိတဲ့ တရားအားထုတ်နေတာတွေအားလုံးကို စွန့်လွှတ်ပစ်လိုက်တော့မယ်လို့လည်း တွေးမိခဲ့တယ်။ ဘုရားဆိုတာလည်း မရှိဘူး။ ဒီဆုတောင်းခြင်းဆိုတာတွေလည်း အရူးအနှမ်းအလုပ်တွေပဲ။ တရားအားထုတ်တယ်ဆိုတာလည်း မှားနေတဲ့အရာကြီးပဲ။ ငါ အဲဒီလိုတွေ တွေးလာခဲ့တယ်။

ဒါနဲ့ တစ်နေ့မှာတော့ ငါဟာ သူခိုးပြောခဲ့တာလေးတွေကို သွားအမှတ်ရမိတယ်။ “မနက်ဖြန်ကျရင်တော့ အရာရာ အဆင်ပြေသွားမှာပါ”ဆိုတဲ့ စကားလေးပါ။

ဒီလိုနဲ့ ငါ တစ်ရက်ထပ်ပြီး ကြိုးစားကြည့်လိုက်တယ်။ သူခိုးလိုလူမှာတောင်မှ မျှော်လင့်ချက်တွေ၊ ယုံကြည်ချက်တွေ ပြည့်ဝနေသေးရင် ငါလည်း အနည်းဆုံးတော့ တစ်ရက်လောက် ထပ်ကြိုးစားကြည့်သင့်တယ်ပေါ့လေ။ ဒါပေမဲ့ တစ်ရက်ကြိုးစားလိုက်တယ်။ မရဘူး။ ဒါပေမဲ့ သူခိုးပြောသလို မနက်ဖြန်တော့ ရမှာပါ၊ ထပ်ကြိုးစားကြည့်တာပေါ့ဆိုတဲ့စကားလေးကို ကြားယောင်ပြီး တစ်ရက်ပြီးတစ်ရက် ယုံကြည်ချက်တွေနဲ့ ဆက်လက်ကြိုးစားဖြစ်ခဲ့တယ်။

ဒီလိုနဲ့ တစ်နေ့မှာတော့ ငါ လိုချင်တဲ့ တရားထူးကို ရရှိလာခဲ့တယ်။ တရားထူးရလိုက်တာနဲ့ ငါ ရှိတဲ့နေရာကနေ မိုင်ပေါင်းများစွာ ဝေးကွာတဲ့ သူခိုးရှိရာအရပ်ကို မှန်းဆပြီး ငါ ဒူးတုပ်အရိုအသေပြုလိုက်တယ်။ အဲဒီသူခိုးဟာ ငါ့ရဲ့ ပထမဆုံးဆရာသခင်ပါပဲ။

ငါ့ရဲ့ ဒုတိယဆရာကတော့ ခွေးတစ်ကောင်ပါ။ တစ်နေ့မှာပေါ့လေ။ ငါ ရေအရမ်းဆာနေခဲ့တယ်။ ဒါကြောင့် မြစ်ကမ်းဘေးကို သွားခဲ့တယ်။ ငါ ရေသောက်မယ်လုပ်တော့ ခွေးတစ်ကောင် ငါ့နားကို ရောက်လာတယ်။ အဲဒီခွေးကလည်း ရေအလွန်ဆာနေပုံပဲ။ သူက ဆာဆာနဲ့ ရေသောက်မယ်ဆိုပြီး မြစ်ထဲကို ခေါင်းငုံ့လိုက်တယ်။ ရေထဲမှာ ခွေးနောက်တစ်ကောင်ပေါ်လာတယ်ထင်ပြီး သူ့အရိပ်ကိုသူ ကြောက်သွားတယ်။ ဟောင်တယ် ဟောင်တယ် … ဆက်တိုက်ကို ဟောင်တော့တာ။ သူ ဟောင်လိုက်ရင် မြစ်ထဲက ခွေးကလည်း လိုက်လိုက်ဟောင်နေတာကိုး။ ဒါကြောင့် သူကလည်း ဆက်ဟောင်နေတော့တာ။ ဒါပေမဲ့ သူ တစ်ခုခုကို ဆုံးဖြတ်လိုက်ပုံရတယ်။ ရေကလည်း အလွန်ဆာနေပြီကိုး။

ဒါနဲ့ သူဟာ ရေထဲကို ခုန်ချပစ်လိုက်တယ်။ သူ ခုန်ချလိုက်တော့ နောက်ခွေးတစ်ကောင်လို့ ထင်တဲ့အရာက ပျောက်ကွယ်သွားတာပေါ့။ သူဟာ ရေကို အဝသောက်တယ်။ ရေကူးတယ်။ ရာသီဥတုကလည်း နွေရာသီကိုး။ ဒါကို ငါက ကြည့်နေခဲ့တယ်။ ငါ အသိတစ်ခု ရလိုက်တယ်။ တစ်ခုခုကို သိပ်ကြောက်နေရင် အဲဒီထဲကို ခုန်ချပစ်လိုက်ဖို့ဆိုတဲ့ အသိအမြင်ပဲ။

ငါ တရားအားထုတ်တော့ အသိရခက်တဲ့ နက်နဲတဲ့ သိမှုနယ်ပယ်ရဲ့အလွန် (မသိမှုနယ်ပယ်)ကို ရောက်တော့မယ်ဆိုတာကို ငါ သိတယ်။ မြင်တယ်။ ဒါပေမဲ့ အဲဒီအခါတိုင်းမှာ ခွေးက သူ့အရိပ်သူ ကြောက်နေသလို ငါလည်း ကြောက်ခဲ့တယ်။ အဲဒီနယ်ပယ်ကို သွားဖို့ တည်းတည်းလေးပဲ ရှိတော့တာ။ ဒါပေမဲ့ ကြောက်အားလန့်အားနဲ့ နောက်ပြန်ဆုတ်ပစ်ခဲ့တယ်။ နောက်ပိုင်းမှာ ငါ ခွေးရဲ့ဖြစ်ပုံလေးကို သွားသတိရမိတယ်။ ခွေးတောင်မှ အကြောက်တရားကို ဖြေရှင်းနိုင်သေးတာ ငါက ဘာကြောင့် မဖြေရှင်းနိုင်ရမှာလဲ။ ဒါနဲ့ တစ်နေ့မှာ မသိမှုနယ်ပယ်ထဲကို ခုန်ချပစ်လိုက်တယ်။ ခုန်ချလိုက်တာနဲ့ မသိမှုနယ်ပယ်က ပျောက်ကွယ်ပြီး နောက်မှာ ကျန်ရစ်နေခဲ့တော့တယ်။ ဒါကြောင့် ခွေးက ငါ့ရဲ့ ဒုတိယဆရာသခင်ပါ။

တတိယမြောက်ဆရာသခင်ကတော့ ကလေးငယ်တစ်ယောက်ပါ။ တစ်ခါက ငါ မြို့တစ်မြို့ကို ရောက်တော့ ကလေးတစ်ယောက်ကို တွေ့တယ်။ သူက မီးညှိထားတဲ့ ဖယောင်းတိုင်လေးကို ကိုင်လို့ပေါ့။ သူက မီးထွန်းတဲ့နေရာကို သွားနေတာ။ ငါလည်း ကလေးကို စနောက်ချင်တာနဲ့ “ဖယောင်းတိုင်ကို မင်းကိုယ်တိုင် ထွန်းတာလား”လို့ မေးလိုက်တော့ သူက “ဟုတ်ကဲ့”တဲ့။ “ဖယောင်းတိုင်က မထွန်းခင်မှာ မီးက မရှိဘူး။ မင်းကိုယ်တိုင် ထွန်းကာမှ မီးကပေါ်လာတာဆိုတော့ အဲဒီမီး ဘယ်ကလာသလဲဆိုတာ မင်းသိရမှာပေါ့၊ ဒါကြောင့် ဆိုပါဦး … ဖယောင်းတိုင်မီးက ဘယ်က ရောက်လာတာလဲ”လို့ မေးလိုက်တယ်။

အဲဒီမှာ ရုတ်တရက် ကလေးက ရယ်မောလိုက်ပြီး ဖယောင်းတိုင်မီးကို မှုတ်ငြိမ်းပစ်လိုက်တယ်။ ပြီးတော့ “ကဲ … ခင်ဗျားပြော … အခု ခင်ဗျားကြည့်နေတုန်း ပျောက်သွားတဲ့မီးက ဘယ်ရောက်သွားတာလဲ”လို့ မေးတယ်လေ။ အဲဒီမှာ ငါလည်း အံ့သြသွားတယ်။ ငါ့အတ္တတွေ ရုတ်တရက် တစ်စစီ ကွဲကြေပျက်စီးကုန်တော့တယ်။ ငါ့အသိစိတ်အလျဉ်တွေလည်း ကွဲကြေကုန်သလို ခံစားလိုက်ရတယ်။ ငါ ရှာဖွေဆည်းပူးထားတဲ့ အသိဉာဏ်ဗဟုသုတတွေလည်း လွင့်ပြယ်ကုန်တော့တယ်။ ဒါကြောင့် ဒီကလေးက ငါ့ရဲ့ တတိယဆရာသခင်ဖြစ်လာတော့တာပဲ။

(၂)

ဇာတ်လမ်းက စဉ်းစားစရာတွေ အများကြီးပါ။ လေးနက်တဲ့အရာတွေလည်း ပါတယ်။ ဒါပေမဲ့ အဲဒီလေးနက်တာတွေကို စာဖတ်သူကိုယ်တိုင် အတွေးပွားဖို့အတွက်ပဲ ထားလိုက်မယ်။ အားလုံးလက်လှမ်းမီနိုင်မယ့် သင်္ခန်းစာလေးကိုပဲ ယူရအောင်။

အထက်ပါဇာတ်လမ်းလေးကို ဖတ်ပြီး အဲဒီဆရာကြီးလို စိတ်ထားမျိုးရှိရင် တစ်လောကလုံး ဆရာတွေချည်းပါပဲလား။ ရိုးသားခြင်း၊ နှိမ်ချခြင်း၊ အကောင်းမြင်ခြင်း … ဒါတွေက လူ့လောကကြီးကို သာယာလှပစေပါလားဆိုတာ နားလည်မိတယ်။

(၃)

ဆရာကြီးရဲ့ လေးစားကြည်ညိုဖွယ်စိတ်ဓာတ်အပြင် သူခိုး နေ့စဉ်ပြောလေ့ရှိတဲ့ “မနက်ဖြန်ကျရင်တော့ အရာရာ အဆင်ပြေသွားမှာပါ”ဆိုတဲ့ စကားလေးကလည်း နားထဲမှာ စွဲကျန်နေရစ်တယ်။

မနက်ဖြန်ကျရင် အဆင်ပြေမယ်လို့ ယုံကြည်နေတဲ့စိတ်က နေ့သစ်တိုင်းအတွက် အားအင်တွေ ဖြစ်နေမှာ အသေအချာပါပဲ။ မနက်ဖြန်တွေကို မကြောက်ဖို့၊ မနက်ဖြန်တိုင်းမှာ ကိုယ့်အတွက် ပျော်ရွှင်ခြင်းတွေ ရှိနေတယ်ဆိုတာကို ယုံကြည်လိုက်ဖို့ပါ။

မနက်ဖြန်တိုင်းအတွက် မျှော်
လင့်ခြင်းလေးတွေကိုယ်စီ ရှိနေကြမယ်ဆိုရင် ဘဝမှာ တွေဝေနေစရာ ဘာများ ရှိဦးမလဲ။

20/04/2025

Uniqlo သူဌေး Mr. Tadashi Yanai ပြောတဲ့ စီးပွါးရေးမှာ အောင်မြင်ဖို့ မှတ်သားလိုက်နာစရာ အတွေးအခေါ် (အလုပ်ဝင်ခါစ New face ဝန်ထမ်းတွေအပေါ် ပြောကြားခြင်းမှ ထုတ်နုတ်ထားခြင်းဖြစ်ပါတယ်)

………………..

◼︎知ってることとできることは違う。
သိတာနှင့် လုပ်တတ်တယ်ဆိုတာ သီးခြားစီဖြစ်တယ်။

◼︎人を教えるには自分がまずできるようになること。
တခြားသူကို သင်ပြပေးဖို့အတွက် ကိုယ်တိုင်ဒီအရာကို လက်တွေ့လုပ်နိုင်ဖို့လိုတယ်။

◼︎ビジネスの世界での判断基準はお客様の満足だ。お客様が満足しない限り仕事をやってもそれは仕事にならない。
စီးပွါးရေးနယ်ပယ်ကို အဆုံးအဖြတ်ပေးတာက ဝယ်ယူသုံးစွဲသူ Customers ရဲ့စိတ်ကျေနပ်မှုသာဖြစ်တယ်၊ Customers စိတ်ကျေနပ်မှု မပေးနိုင်သရွေ့ အဲဒီအလုပ်က အလုပ်မဟုတ်ဘူး။

◼︎評価の基準は自分ではなくお客様の方にある。売る立場ではなく買う立場にある。
သင့်အလုပ်ရဲ့အရည်အသွေးကို အဆုံးအဖြတ်ပေးလို့ရတာက သင်မဟုတ်ဘူး၊ Customers သာဖြစ်တယ်၊ ရောင်းပေးတဲ့သူမဟုတ် ဝယ်ယူသူဆီမှာသာ ဆုံးဖြတ်ခွင့်ရှိတယ်။

◼︎全て商売の原点は現場にある。販売計画、稼働計画、レイアウト計画を考えて改善する。そのプロセスの繰り返し。
အရောင်းအဝယ်အားလုံးရဲ့ ပင်မဇစ်မြစ်ဆိုတာ လုပ်ငန်းခွင်ထဲမှာသာရှိတယ်။ ဆိုင်ကို ဘယ်လိုလည်ပတ်မလဲ၊ ရောင်းအားတိုးအောင် ဘယ်လိုလုပ်မလဲ၊ ဆိုင်ပုံစံကို ဘယ်လိုမျိုးလုပ်မလဲ၊ ဒါတွေကို ပိုကောင်းမွန်အောင်၊ မရိုးအောင် ဆင့်ကဲပြောင်းလဲခြင်း Kaizen ကိုလုပ်ရမယ်။ တခါလုပ်ပြီးတာနှင့်မပြီးဘူး၊ ဒီလုပ်ငန်းစဉ်ကို အမြဲတစေ ထပ်တလဲလဲ လုပ်နေဖို့လိုတယ်။

◼︎本気で仕事に向き合う。仕事を適当にやってると自分が成長しません。
အလုပ်လုပ်တဲ့အခါ စိတ်အားထည့်မှုရှိရမယ်။ အလုပ်ကို အပေါ်ယံ၊ သာမန်ကာလျှံကာသာလုပ်ရင် မိမိရဲ့တိုးတက်မှုလည်း ရှိလာမှာမဟုတ်ဘူး။

◼︎まず謙虚になること。無知の知を自覚する。
この中で誰ひとりも天才はいない。
ဦးစွာကိုယ့်ကိုယ်ကို နှိမ့်ချပြီး သင်ယူတတ်ရမယ်၊
ကိုယ်မသိသေးဘူးဆိုတာကိုသိပြီး ကိုယ်တိုင်လက်ခံထားရမယ်၊ ဒီနေ့အလုပ်ဝင်တဲ့အထဲမှာ ဘယ်သူတဦးတယောက်ကမှ ထူးချွန်ပါရမီရှင် Genius မပါဝင်ဘူး။

◼︎相手の話を聴く。耳は二つある、口は一つしかない。だから自分が言う2倍のことを聴く。
တဖက်သားပြောစကားကို အလေးအနက်ထား နားထောင်မယ်။ နားက ၂ ပေါက်ပါတယ်၊ ပါးစပ်က ၁ ပေါက်တည်း၊ ဒါ့ကြောင့် ကိုယ်ပြောလိုတဲ့ ပမာဏရဲ့ ၂ ဆကို နားထောင်ပါ။

◼︎基本動作ができない人は何にをやってもダメ。まずは基本の基ができること
အောက်သက်မကျေတဲ့လူက ဘာလုပ်လုပ် သုံးစားမရဘူး။ ပထမဦးဆုံးက အခြေခံကို နောကြေနေရမယ်၊ အောက်သက်ကြေရမယ်။

◼︎自分の頭で考える。行動する。
ခေါင်းသုံးပါ၊ လက်တွေ့လုပ်ပါ။

◼︎英語は必須。英語は世界共通言語。英語は道具。道具を上手く使う。
လူတိုင်း အင်္ဂလိပ်စကားပြောတတ်ရမယ်၊ အင်္ဂလိပ်ဘာသာဆိုတာ ကမ္ဘာသုံး၊ အင်္ဂလိပ်ဘာသာဆိုတာ ဘာသာစကားထက်ပိုတဲ့ Tool ဖြစ်တယ်၊ ဒီ Tool ကိုကျွမ်းကျင်စွာ အသုံးချတတ်ရမယ်။
…………………
Uniqlo သူဌေးဆိုတာ ဂျပန်သူဌေးအများစုရဲ့စံပုဂ္ဂိုလ်ဖြစ်တယ်၊ သင့်အလုပ်ထဲက သူဌေးတွေလည်း ဒီပုဂ္ဂိုလ်တွေ ဘာပြောလဲ နားထောင်ကြတယ်၊ ဒီပုဂ္ဂိုလ်ပြောတဲ့ စကားလုံးတွေကို ကိုယ်တိုင် လိုက်နာသလို Self branding, Self promotion အတွက် အသုံးချလို့လည်းရတယ်။

一緒に学ぼう！

𝘾𝙧𝙚𝙙𝙞𝙩 𝙩𝙤 ML with respect.
‘လူငယ်များအတွက်စာကြည့်တိုက်’

29/09/2024

ဂျပန်မှာ ရုံးအလုပ်ကို ကားနဲ့လာကြသူတွေထဲမယ် စောရောက်သူတွေဟာ ရုံးအဆောက်အဦးနဲ့ ဝေးတဲ့နေရာက ကားပါကင်တွေမှာ သူတို့ကားတွေကို ပါကင်ထိုးကြတယ်။
ဘာကြောင့်လည်းဆိုတော့ နောက်ကျပြီး ရောက်လာမယ့် ဘဝတူ ဝန်ထမ်းတွေအတွက် ပါကင်ရှာတာတွေနဲ့ အချိန်ထပ်ကုန်ပြီး လုပ်ငန်းခွင်ကို ပိုနောက်ကျမှာစိုးလို့ဆိုတဲ့ အကြောင်းပြချက်ကြောင့်။
ဒီအမူအကျင့်ဟာ လုပ်ငန်းခွင် နောက်ကျသူတွေအဖို့ ဖိအားတွေ မဖြစ်စေပဲ အဆင်ပြေပြေ ပါကင်ထိုးနိုင်ပြီး လုပ်ငန်းခွင်ကို အချိန်မှီ လာနိုင်ဖို့ ဖြစ်စေတယ်။
တနည်းအားဖြင့် ကိုယ်ချင်းစာစိတ်၊ အပြန်အလှန် လေးစားမှုနဲ့ သူတို့ယဥ်ကျေးမှုကို တည်ဆောက်ထားတယ် ဆိုရမယ်။ ဒါကြောင့်လည်း ဂျပန်နိုင်ငံ ပြာပုံဘဝကနေ မြန်မြန်ဆန်ဆန် တိုးတက်လာတာပါပဲ။
လူတွေအားလုံးဟာ တစ်ဦးကိုတစ်ဦး နားလည်မှုရှိရှိ၊ တစ်ဖက်သားအတွက် ဖြည့်တွေးတတ်လျင် လောကကြီးဟာ အတော်လေး နေချင်စဖွယ် ဖြစ်လာမှာပါ။
အခုကတော့ အတ္တနဲ့ မာနတွေ အရင်းခံ၊ ကိုယ့်ကိုကိုယ်သာ ဦးစားပေးကြရင်း ကမ္ဘာကြီးမှာ အပူမီးတွေ များသထက် များလာနေတယ်လို့သာ ဆိုရမယ်။

photo- credit

Credit

05/09/2024

လက်ရှိ Google ကုမ္ပဏီရဲ့ အမြင့်ဆုံး ရာထူး၊ CEO ရာထူးကို တာဝန်ယူထားတဲ့ Sundai Pichai (ဆွန်ဒရာ ပီချိုင်း) တစ်ယောက် စားသောက်ဆိုင်တစ်ဆိုင်ထဲမှာ နေ့လယ်စာစားနေတုန်း သူ ကြုံခဲ့ရတဲ့အဖြစ်အပျက်တစ်ခုကို ပြောပြမယ်။

တစ်နေ့သား သူ အဲဒီဆိုင်ထဲမှာ ထိုင်နေတုန်း သူ့လိုပဲ ဆိုင်ထဲမှာ နေ့လယ်စာ လာစားတဲ့လူတွေ ပြည့်နေတယ်။ အဲဒီအချိန် ရုတ်တရက်ကြီး ဘာထဖြစ်သလဲဆိုတော့ ဘယ်ကမှန်းမသိတဲ့ ပိုးဟပ်တစ်ကောင်က နေ့လယ်စာ လာစားတဲ့ မိန်းမတစ်ယောက် ကိုယ်ပေါ်ကို လာကျရော။

အဲဒီ အမျိုးသမီးကလည်း ကြောက်လန့်တကြား အော်တာပေါ့၊ ပိုးဟပ်ဆို တော်တော်များများက ကြောက်ကြတယ်လေ၊ အဲဒါနဲ့ မပြီးသေးဘူး၊ သူ့အပေါ်ကျလာတဲ့ ပိုးဟပ်ကို ချက်ချင်း ပြာသလဲလဲနဲ့ ခါချပြီး ထိုင်နေရာက ပြေးတယ်။

အဲဒါနဲ့ ဘာဆက်ဖြစ်သလဲဆိုရင် သူ့အနားမှာ နေ့လယ်စာ လာစားနေတဲ့ အမျိုးသမီးတစ်ယောက်ဆီ ထပ်ရောက်ပြန်ရော။ ဟိုကလည်း ငယ်သံပါအောင် ဆွေ့ဆွေ့ခုန် ရင်တုန်ပန်းတုန်နဲ့ ထပ်ပြီးခါချ။

ပိုးဟပ်က နောက်တစ်ယောက်ဆီကို ထပ်ရောက်၊ အဲ့တစ်ယောက်ကလည်း ကတုန်ကယင်နဲ့ ဆတ်ဆတ်ခါပြီး ပြေး၊ တစ်ဆိုင်လုံးနီးပါး ပိုးဟပ်တစ်ကောင်ကြောင့်နဲ့ ပွက်လောရိုက်ကုန်တယ်။

ဒါပေမဲ့ စားပွဲထိုးတစ်ယောက်က သူ့ဆီ ရောက်လာတဲ့ အဲ့ပိုးဟပ်ကို.. အသာလေး ကိုင်ဖမ်းယူပြီး ဆိုင်ရဲ့ အဝေးတစ်နေရာမှာ လွှင့်ပစ်လိုက်တယ်။ ပြဿနာလည်း ခပ်မြန်မြန်လေး ပြီးသွားတယ်။

သာမန်ဆို ပိုးဟပ်ဆိုတာမျိုးက လူတွေကို အန္တရာယ်ပြုတဲ့ အင်းဆက်မျိုးစိတ်ထဲမှာ မပါနေဘူး။ ဖနောင့်နဲ့ နင်းလိုက်ရင် အဲဒီပိုးဟပ် အသာလေး ကြေသွားရုံပဲ။ ဒါပေမဲ့ လူတွေကတော့ အဲလိုမျိုး မဟုတ်ဘူး။ သေလုနီးပါး ဖြစ်ဖြစ်သွားကြတယ်။

အဲဒါကို Google CEO က ဟောပြောပွဲတစ်ခုမှာ ဘာပြောသလဲဆိုရင်.. “ လူအများစုဟာ အရေးမပါ အရာမရောက်တဲ့ ကိစ္စ၊ စိတ်အနှောင့်အယှက်ဖြစ်စေတဲ့ ကိစ္စမျိုးတွေဆိုရင် အချင်းချင်း ဝေမျှရင်း လက်ဆင့်ကမ်းကြတယ် ” တဲ့။

သူကတော့ ဒါမျိုးဖြစ်စဉ်ကို Cockroach Theory (ပိုးဟပ် သီအိုရီ) လို့ ပြောသွားတာ ပေါ့။

◾
အဲဒီ ပိုးဟပ်သီအိုရီကို လူ့ပတ်ဝန်းကျင်မှာ ခဏခဏ တွေ့နိုင်ပါတယ်။

အပေါင်းအသင်းကြား၊ မိတ်ဆွေသူငယ်ချင်းကြား၊ ချစ်သူအချင်းချင်းကြားမှာ ပိုးဟပ်လို အရေးမပါတဲ့ကိစ္စ၊ ပိုးဟပ်လို ကိုယ့် Energy တွေကို စုပ်ယူနေတဲ့ ကိစ္စတွေ တွေ့နိုင်တယ်။

အပုပ် အပွတွေ၊ အညှီအဟောက်၊ Toxic တွေ၊ Negative တွေရဲ့သဘောသဘာဝက ပိုးဟပ်လိုပဲ၊ တစ်ယောက်က မလိုချင်လို့ ခါထုတ်လိုက်ရင် နောက်ထပ်တစ်ယောက်ဆီကို ရောက် ပြာယာခတ်၊ သူက ထပ်ပြီးခါထုတ်။

အဲ့ဒီကနေ တစ်ယောက်ပြီးတစ်ယောက်.. ပိုးဟပ်နဲ့ တူတဲ့ Negative Energy, Toxic energy, Negative Thinking တွေကို လက်ဆင့်ကမ်းသွားကြတယ်။ သဘောက ပိုးဟပ်လို စိတ်အနှောင့်အယှက်ဖြစ်စေတဲ့အရာတွေဟာ ကူးစက်တတ်တယ်။

တစ်ယောက်ယောက်ရဲ့ စိတ်အလိုမကျခြင်းတွေ၊ သူတို့မှာ အဆူးစူးနေတဲ့စိတ်တွေ၊ ဒေါသတွေ၊ မာနတွေ၊ မကောင်းတဲ့ အတင်းအဖျင်းတွေ၊ ဘယ်သူ့အတွက်မှ အရေးမပါနေတဲ့ အညှီအဟောက်တွေဟာ ကိုယ့်ဆီ ကူးစက်တတ်သလို ကိုယ့်ဆီကနေလည်း သူများကို ကူးတတ်တယ်။

တော်ရုံ အကြည်ဓာတ်လေး ကူးစက်သွားတယ်ဆိုတာမျိုးက ရှားမှရှားပဲ။

◾
အဲလိုမျိုး တစ်ယောက်ယောက်ဆီက ပိုးဟပ်၊ ကိုယ့်ဆီကို ကျလာတဲ့အခါမျိုးမှာ Google CEO က ဘာပြောသလဲဆိုရင် Don't react, just respond (ဒါကြီးက အရေးမပါတဲ့ကိစ္စမို့ အေးအေးဆေးဆေး ကိစ္စတုံးလိုက်) လို့ ဆိုပါသေးတယ်။

တစ်နည်းအားဖြင့် ပြောရရင် အညှီအဟောက်တွေ ကိုယ့်ဆီလာရင် ဘယ်သောအခါမှ ကိုယ့်ရင်ဘတ်ကို မဖွင့်ထားဘဲ လျစ်လျူရှု မျက်ကွယ်ပြုလိုက်ပါ ပေါ့။ ဒီဟာက ဘာမှအကျိုးမပြုဘူး.. အကျိုးမရှိဘူးလို့ နားလည်လိုက်ပါ ပေါ့။

အဲလိုမှ မဟုတ်ဘဲ ကိုယ်ကိုယ်တိုင်၌က အညှီအဟောက် အပုပ်အသိုးကိုမှ အကြိုက်တွေ့နေတယ်ဆိုရင် ပိုးဟပ်က တစ်ကောင်ပြီးတစ်ကောင် ရောက်၊ နောက် တစ်ယောက်ကို တစ်ယောက် လက်ဆင့်ကမ်းနေအုံးမှာပဲ။ ပိုးဟပ်များလာရင် အမှိုက်ပုံဖြစ်ကိုဖြစ်မှာ။

ဒါ့ကြောင့် ကိုယ့်အနီးနားက ပိုးဟပ်တွေကို သတိထားပါ။

Ref; Cockroach Theory. The following story was originally told… | by Cody McLain | Medium

ဘုန်းမောင်ဦး
စက်တင်ဘာ ၃၊ ၂၀၂၄။

18/08/2024

အကျင့်ပါနေလို့ပါ
😳😳😳

18/08/2024

ရေဂါလံတွက်နည်း(UK)
➖➖➖➖➖➖➖
ရေ (၁)ကုဗပေ = ၆၂.၄ပေါင် လေးသည်။
ရေ(၁)ဂါလံ = ၁၀ပေါင် လေးသည်။
ရေ(၁)ကုဗပေ = ၆.၂၂၉ဂါလံ ရှိသည်။
၄.၅၄လီတာ = (၁)ဂါလံ
တစ်တန် = ၂၂၄၀ပေါင်
၁ပီပါ = (၅၀)ဂါလံ

ဥပမာ။ ။၄'x၄'x၄' အုတ်ကန်ရေဂါလံဘယ်လောက်ဆန့်လဲသိရှိလိုလျှင်

4'×4'×4' = 64cuft (၆၄ကုဗပေရမည်)
၆၄ကု/ပေ ကို ရေ(၁)ကုဗပေမှာရှိတဲ့
၆.၂၂၉ဂါလံနဲ့ မြှောက်ရင်

64cuft ×6.229gal/ cuft = 398.656gal
အဲ့တော့ (၄၀၀)ဂါလံပေါ့ဗျာ

၁ဂါလံ ကို ၁၀ပေါင်လေးတော့ ၄၀၀ဂါလံဆိုတော့
400gal x 10 lb/gal = 4000lb

ပေါင် ၄၀၀၀ ပေါ့နော်။ တန် သိချင်ရင် ၂၂၄၀ နဲ့ထပ်စား။
4000lb ÷ 2240 lb/ton = 1.79 Ton
ရေရဲ့သီးသန့်အလေးချိန်ကိုက ၂တန်ဘဲ ဆိုကျပါစို့။

ရေဂါလံသိချင်ရင်အုတ်ရေကန်ကအလျှား4'×အနဲ4'×အမြင့်4'ဆိုပါက×ရေတဂါလံ6.25=400ဂါလံ

လီတာသိချင်ရင်
ရလာတဲ့(၄၀၀)ဂါလံနဲ့ 1galမှာရှိတဲ့ ၄.၅၄လီတာမြှောက်
400gal x 4.54 lit/gal = 1800lit
(၁၈၀၀)လီတာ

liter ကို gal ပြန်ပြောင်းချင်ရင်
1800lit ÷4.54lit/gal=400gal
လက်ရှိအသုံးပြုနေတဲ့ စတီးတိုင်ကီတွေမှာဆို lit1000လို့ရေးထားပါက 1000lit÷4.54=220galပါခင်ဗျ

တခြားစက်ဝိုင်းပုံသဏ္ဌာန်ဖြစ်တဲ့ဟာတွေဆိုရင် circleရဲ့areaကိုရှာပြီးအမြင့်နဲ့မြှောက် ကု‌ဗပေ(volume)ကိုရရင်၆.၂၂၉နဲ့မြှောက်လိုက်ရင်လိုချင်တဲ့ဂါလံရပါလိမ့်မည်။အဓိကကတော့ဘယ်ပုံသဏ္ဌာန်ဖြစ်ပါစေ အဲ့ပုံသဏ္ဌာန်ရဲ့ကုဗပေ(volume)
ကိုရအောင်ရှာပြီး၆.၂၂၉နဲ့မြှောက်လိုက်ရုံပါပဲ။

ပေါင်တို့တန်တို့လိုချင်ရင်လဲအပေါ်ကပေးထားတဲ့ပုံသေနည်းနဲ့မြှောက်သွားယုံပါပဲဗျာ။
Volume ရှာတဲ့ ပုံသေနည်းလေးလဲ ထည့်ပေးထားပါတယ်ဗျ။

တခု သတိပြုရမှာက Unit အသုံးပြုရာမှာ
US နဲ့ UK အသုံးပြုမှုကွာတာကို သတိပြုရပါမယ်။

US 1 gallon မှာ 3.785 liter နဲ့
1cu ft of water = 7.481gallon
ကျွန်တော်တို့ နိုင်ငံမှာ အသုံးပြုနေတာ UKရဲ့
imperial gallon
1 imperial gallon = 1.2 US gallon

(8"8")ကြွေပြားတစ်ကျင်းလျှင်225ချပ်
(8"12")ကြွေပြားတစ်ကျင်းလျှင်150ချပ်
(12"12")ကြွေပြားတစ်ကျင်းလျှင်100ချပ်
(1 '2')ကြွေပြားတစ်ကျင်းလျှင်50ချပ်
(2 '2 ')ကြွေပြားတစ်ကျင်းလျှင်25ချပ်

120ကိုတည်ပြီးမိမိတို့အသုံးပြုမည့်ကြွေပြားဆိုဒ်ကိုစားပါ(ဥပမာ 8"×12"ကြွေပြားကပ်မယ်ဆိုပါဆို့
120÷8"=15ချပ်
120÷12"=10ချပ်ဆိုတော့
15ချပ်×10ချပ်ဆိုတော့8"12" ကြွေပြားတကျင်းကိုအချပ်ရေ150ပေါ့နော်
ဘယ်ကြွေပြားဆိုဒ်မဆိုတွက်ကြည့်ပါနော်

14/08/2024

One Subject One Night နဲ့

အချိန် မမီတော့သောအခါ

🥲🥲🥲

30/07/2024

အမေ: ငါ့သား အပေါင်းအသင်းကို ကြည့်ပေါင်းနော်။

အမေ့သား ကျားလေး : 😁😁😁

25/07/2024

အကြည့်တချက် 😂😂

07/07/2024

မိဘမေတ္တာ

25/06/2024

ပြည်ပြေး
#တင်မိုး

ငါ့ယာခင်းရဲ့
နှင်းစက်မြက်ဖျား ပေါင်းပင်ကြားမှာ
ထွန်သွားကလေးနဲ့ ထွန်ချင်တယ် ။

မြေသားရဲရဲ ပဲနှမ်းကြဲလို့
ကန်မြဲဇဂျမ်းမှာ ပျော်ချင်တယ် ။

ချိုးကူသံကြား ငှက်ခါးတွန်သံ
စာကလေးပြန်တဲ့
သာလာယံမှာ အိပ်ချင်တယ် ။

နေ့လယ်နေ့ခင်း ကျောလျားခင်းကာ
ထမင်းလုံးစီ တရေးမှီပြီး
လက်ဖက်ရည်ဝိုင်း သင်္ဂြိုဟ်ဝိုင်းမှာ
မိုင်းခိုင်းပိဋကတ် စာတတ်လယ်တီ
တောမှီသစ်ချ ပဏ္ဍိတတို့
ကျမ်းစတိုထွာ ငြင်းစရာကို
ရွတ်ကာရွတ်ကာ ဟန်ပါပါနဲ့
အဘိဓမ္မာပွဲမှာ နွှဲချင်တယ် ။

ညနေညိုတော့
ဆရာအိုရဲ့ ဘင်ဂျိုအတော
တယောဗုံသံ စိတ်ရွှင်မြူးပြီး
ဘုရားဖူးချိန် စိတ်ကိုငြိမ်တော့
ပိန်ဖောင်းမှတ်လို့ အိပ်ချင်တယ် ။

မနက်လင်းတော့
ထမင်းကြမ်းခဲ လွေးမြဲအစာ
လွေးပြီးခါမှ
နွားပြာတရှဉ်း ထွန်တစင်းနဲ့
ယာခင်းယာထွန် သွားချင်တယ် ။

ယခုအခါ ငါ့ရွာနဲ့ဝေး
ပြည်ပြေးတိုင်းခြား ငါရောက်သွားပေါ့
ဘာများတတ်နိုင် မှာလဲကွယ် ။ ။

#တင်မိုး

၁၊ ၃၊ ၂၀၀၀

Perfect Rasa Entertainment

12/09/2025

12/05/2025

20/04/2025

29/09/2024

05/09/2024

18/08/2024

18/08/2024

14/08/2024

30/07/2024

25/07/2024

07/07/2024

25/06/2024

ที่อยู่

เบอร์โทรศัพท์

เว็บไซต์

แจ้งเตือน

ทางลัด

แชร์

ประเภท