03/03/2026
ထိုင်းအစိုးရထီ ပထမဆုကြီး ဘတ် ၆ သန်းဆု မြန်မာလုပ်သားလူငယ်ဆွတ်ခူးခဲ့ MHAC မဟာမိတ်အဖွဲ့မှ နေ့ချင်းပြီး ထီဆုငွေများ ထုတ်ယူပေးနိုင်ခဲ့
****************************
***************
ယခု ၂၀၂၆ခုနှစ် မတ်လ၁ရက်နေ့ ထိုင်းအစိုးရထီဖွင့်ပွဲ၌ ပထမဆုဘတ်(၆)သန်းအား ထိုင်းနိုင်ငံ ဆူဖန်ဘူရီခရိုင်တွင် ဆောက်လုပ်ရေး(ပန်းရံ) အလုပ်လုပ်ကိုင်နေ
သည့် ထိုင်းရောက်မြန်မာလုပ်သားလူငယ် တစ်ဦးမှ ကံထူးရှင်အဖြစ်ဆွတ်ခူးနိုင်ခဲ့ပါသည်။
ကံထူးရှင်မှာ ထိုင်းနိုင်ငံသို့ လာရောက်အလုပ်လုပ်ကိုင်နေတာ ၆ လခန့်သာရှိသေးကာ မြန်မာနိုင်ငံ နေပြည်တော်တိုင်းဒေသကြီးထဲမှ ဖြစ်ပြီး ထီဆုငွေ ထုတ်ယူပေးရန်အတွက် အေအေစီရဲမင်းဦးဆောင်သော MHAC မဟာမိတ်အဖွဲ့ထံ ထီလက်မှတ်လာရောက်အပ်နှံ၍ ယုံကြည်မှုဖြင့် အကူအညီတောင်းခံလာပါသည်။
ထိုသို့ အကူအညီတောင်းခံလာမှုကြောင့် ယနေ့မတ်လ၂ ရက်နေ့တွင် အေအေစီရဲမင်း၏ ဦးဆောင်စီစဥ်မှုဖြင့် MHAC မဟာမိတ်အဖွဲ့သားများမှ ပထမဆု ထီဆုငွေ ဘတ်ခြောက်သန်းအား တစ်လုံးတခဲတည်းရရှိစေရန် နေ့ချင်းပြီး ထုတ်ယူပေးနိုင်ခဲ့ပြီး ကံထူးရှင်မြန်မာလုပ်သားလက်ဝယ်လွှဲပြောင်းပေးအပ်ခဲ့ပါသည်။
ယခင် AAC အဖွဲ့ မှသည် ယခု MHAC မဟာမိတ်အဖွဲ့အထိ အေအေစီရဲမင်းမှ တာဝန်ယူဦးဆောင်၍ ထီဆုငွေများ ထုတ်ယူပေးနိုင်ခဲ့ရာ
နှစ်စောင်တွဲ ကံထူးရှင် ၈ ဦး အပါအဝင် စုစုပေါင်း ၆၃ ဦးမြောက်
အဖြစ် မှတ်တမ်းတင်နိုင်ခဲ့ပါပြီ။
ကံထူးရှင်မြန်မာလုပ်သားအမျိုးသားမှ MHAC အဖွဲ့ ရေရှည် ရပ်တည်နိုင်ရေး ထိုင်းဘတ်ငွေ တစ်သိန်း လှူ
ဒါန်းပေးခဲ့သလို MHAC အမာခံအဖွဲ့ဝင်များနှင့် MHAC ရုံး၌ ခိုလှုံနေသော ဒုက္ခသည်များ အပါအဝင် ထောက်ပံ့မှုမျိုးစုံ အလှူပြုပေးခဲ့ပါသည်။
ဤလှူဒါန်းငွေများအား ကိုယ်ကျိုးအတွက်အသုံးမပြုပဲ ထိုင်းရောက်မြန်မာလုပ်သားကူညီစောင့်ရှောက်ရေးလုပ်ငန်းစဥ်များနှင့် ရုံးအဖွဲ့ဆက်လက်ရပ်တည်ရေးတွင် ပြန်လည်အသုံးပြုသွားပါမည်။
ပုံ-ထီဆုငွေများ ထုတ်ယူပြီးနောက် ကံထူးရှင်နှင့် အတူ MHAC မဟာမိတ်အဖွဲ့သားများဘန်ကောက်မြို့ ထီဆုငွေထုတ်ပေးရာဌာနရှေ့တွင် တွေ့ရစဥ်၊ 2.3.2026 ရက်နေ့
မှတ်ချက်။ ။ရုပ်သံမှတ်တမ်းများ ဆက်လက်တင်ပြပေးပါမည်။
အေအေစီရဲမင်း ဦးဆောင်သည့်
MHAC မဟာမိတ်အဖွဲ့ ထိုင်းရောက်မြန်မာလုပ်သားကူညီ
စောင့်ရှောက်ရေးကော်မတီ
2/3/2026
ိုင်းရောက်မြန်မာလုပ်သားကူညီစောင့်ရှောက်ရေး #အေအေစီရဲမင်းဦးဆောင်သည့်mhacမဟာမိတ်အဖွဲ့ ာမိတ်အဖွဲ့
