Beautiful Myanmar News Zone

Beautiful Myanmar News Zone News and Entertainment Media

အမျိုးသားလွှတ်တော် စက်တင်ဘာလ ၂၂ရက်တွင်ခေါ်ယူမည် ဖြစ်ပြီး ပြည်သူ့လွှတ်တော်ကို စက်တင်ဘာလ ၂၁ ရက်တွင် စတင်ခေါ်ယူမည်ဖြစ်သည်။
31/08/2026

အမျိုးသားလွှတ်တော် စက်တင်ဘာလ ၂၂ရက်တွင်ခေါ်ယူမည် ဖြစ်ပြီး ပြည်သူ့လွှတ်တော်ကို စက်တင်ဘာလ ၂၁ ရက်တွင် စတင်ခေါ်ယူမည်ဖြစ်သည်။

၂၀၂၇ ခုနှစ် တက္ကသိုလ်ဝင်စာမေးပွဲ ဖြေဆိုခွင့် လျှောက်လွှာကို စက်တင်ဘာလ ၁ ရက်တွင် စတင် ရောင်းချပေးမည်✍️CYO▪️BMNZ Local New...
28/08/2026

၂၀၂၇ ခုနှစ် တက္ကသိုလ်ဝင်စာမေးပွဲ ဖြေဆိုခွင့် လျှောက်လွှာကို စက်တင်ဘာလ ၁ ရက်တွင် စတင် ရောင်းချပေးမည်

✍️CYO

▪️BMNZ Local News ▪️

ရန်ကုန်၊ ဩဂုတ် ၂၈ ရက်၊ ၂၀၂၆
�တက္ကသိုလ်ဝင်စာမေးပွဲ ဝင်ရောက်ဖြေဆိုမယ့် ကျောင်းသား၊ ကျောင်းသူများအတွက် စာမေးပွဲ ဖြေဆိုခွင့် လျှောက်လွှာကို စက်တင်ဘာလ ၁ ရက်တွင် စတင်ရောင်းချပေးမယ်လို့ ပညာရေးဝန်ကြီးဌာန၊ မြန်မာနိုင်ငံစာစစ်ဦးစီးဌာနက ယနေ့ သတင်းထုတ်ပြန် ကြေညာပါတယ်။

၂၀၂၇ ခုနှစ် တက္ကသိုလ်ဝင်စာမေးပွဲတွင် ဝင်ရောက်ဖြေဆိုမယ့် ကျောင်းသား၊ ကျောင်းသူများ စာမေးပွဲ ဖြေဆိုခွင့်လျှောက်လွှာ တစ်စောင်လျှင် ၅၀ဝ ကျပ်နှင့် စာမေးပွဲ ဝင်ကြေးအတွက် ၂၀၀ဝ ကျပ်တန်ဖိုးရှိ ပညာရေးဝန်ကြီးဌာန၊ ငွေသွင်းတံဆိပ်ခေါင်းတို့ကို မြန်မာနိုင်ငံစာစစ်ဦးစီးဌာနတွင်၂၀၂၆ ခုနှစ် စက်တင်ဘာလ ၁ ရက်တွင် စတင်ရောင်းချပေးမယ်လို့ သိရပါတယ်။

လျှောက်လွှာပုံစံများနှင့် ငွေသွင်းတံဆိပ်ခေါင်းများကို မြန်မာနိုင်ငံစာစစ်ဦးစီးဌာန(ရုံးချုပ်) - ရုံးအမှတ်(၅၂)၊ နေပြည်တော်နှင့် မြန်မာနိုင်ငံစာစစ်ဦးစီးဌာန၊ ရန်ကုန်(ရုံးခွဲ) - ပါရမီလမ်း၊ (၁၂) ရပ်ကွက်၊လှိုင်မြို့နယ်တွင် လာရောက်ဝယ်ယူနိုင်ပါတယ်။ ��စာမေးပွဲ ဖြေဆိုခွင့် လျှောက်လွှာ တင်သွင်းရာတွင် ဖြေဆိုမယ့် ဘာသာတွဲအလိုက် အစိမ်းရောင်၊ ပန်းရောင် စသဖြင့် ဖြေဆိုခွင့်လျှောက်လွှာ ကတ်ပြားပုံစံကို အရောင်၂ မျိုး ခွဲခြား သတ်မှတ်ထားတယ်လို့ ဆိုပါတယ်။

ပြင်ပမှ ဖြေဆိုမယ့် သူများရဲ့ လျှောက်လွှာ စာမေးပွဲ ဝင်ကြေးအတွက် သက်ဆိုင်ရာ မြို့နယ်ပညာရေးမှူးရုံးများတွင် စာမေးပွဲဝင်ကြေး ၂၀၀၀ ကျပ်တန် ငွေသွင်းတံဆိပ်ခေါင်းများ ဝယ်ယူပြီး ဝင်ခွင့်လျှောက်လွှာရဲ့ လက်ဝဲဘက် ထိပ်ပိုင်းတွင်ကပ်ကာ မိမိ အမှန်တကယ် နေထိုင်တဲ့ မြို့နယ်ပညာရေးမှူးရုံးတွင် ၂၀၂၆ ခုနှစ်၊ စက်တင်ဘာလ (၁) ရက်နေ့မှ စက်တင်ဘာလ (၃၀) ရက်နေ့ အတွင်း တင်သွင်းရမယ်လို့ သိရပါတယ်။
�အခြေခံပညာ အထက်တန်းကျောင်းများ၊ ကျောင်းခွဲများ၊ တွဲဖက်ကျောင်းများ၊ တွဲဖက်ဘုန်းတော်ကြီးသင် ပညာရေးကျောင်းများနှင့် ကိုယ်ပိုင်အထက်တန်းကျောင်းများမှ ဖြေဆိုမယ့် ကျောင်းသား၊ ကျောင်းသူများရဲ့စာမေးပွဲဝင်ကြေးအတွက် ကျောင်းအုပ်ကြီးများထံ စာမေးပွဲ ဝင်ကြေး ၂၀၀ဝ ကျပ်တန် ငွေသွင်းတံဆိပ်ခေါင်းဝယ်ယူရမှာပါ။

ပြီးနောက် လျှောက်လွှာ တစ်စောင်ချင်းတွင် ကပ်ကာ စုပေါင်းပြီး မြို့နယ်ပညာရေးမှူးရုံးမှတစ်ဆင့် မြန်မာနိုင်ငံစာစစ်ဦးစီးဌာနသို့ ၂၀၂၆ ခုနှစ်၊ စက်တင်ဘာလ(၁)ရက်နေ့မှ စက်တင်ဘာလ(၃၀) ရက်နေ့အတွင်း သတ်မှတ်ရက်အမီ တင်သွင်းကြရမယ်လို့ သိရပါတယ်။
�သတ်မှတ်ထားတဲ့ ရက်များအတွင်း အချိန်မီ မပေးပို့ပါက စာမေးပွဲဖြေဆိုခွင့် ရရှိမှာ မဟုတ်ကြောင်းနှင့် စာဖြေသူ တင်သွင်းတဲ့ စာမေးပွဲ ဖြေဆိုခွင့် လျှောက်လွှာနှင့် ကတ်ပြားတွင် ဖော်ပြပါရှိတဲ့ ဘာသာတွဲမှအပ အခြားဘာသာတွဲသို့ ပြောင်းလဲဖြေဆိုခွင့်ပြုမှာ မဟုတ်ကြောင်း၊ ဒါကြောင့် မိမိဖြေဆိုမယ့် ဘာသာတွဲအလိုက် ပုံစံများ မှန်ကန်မှု ရှိ မရှိ သေချာစစ်ဆေးပြီး မှန်ကန်စွာ ဖြည့်စွက်ပေးပို့ကြရန် မြန်မာနိုင်ငံစာစစ်ဦးစီးဌာနက အသိပေးထားပါတယ်။

ဒါ့အပြင် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ ဝင်ရောက်ဖြေဆိုမယ့် ကျောင်းသား၊ ကျောင်းသူများအတွက်လည်း စာမေးပွဲ ဖြေဆိုခွင့် လျှောက်လွှာကို စက်တင်ဘာလ ၁ ရက်နေ့တွင် စတင်ရောင်းချပေးမယ်လို့ ပညာရေးဝန်ကြီးဌာန၊ မြန်မာနိုင်ငံစာစစ်ဦးစီးဌာနက ကြေညာထားပါတယ်။ (BMNZ)

ဓာတ်ပုံ-ပညာရေးဝန်ကြီးဌာန

#၂၀၂၇တက္ကသိုလ်ဝင်စာမေးပွဲ
#မြန်မာနိုင်ငံစာစစ်ဦးစီးဌာန


#ဗြူးတီးဖောမြန်မာသတင်းအေဂျင်စီ

28/08/2026

သရုပ်ဆောင် မေပန်းချီရဲ့ Slay Sisters Fashion Studio Grand Opening မြင်ကွင်းများ

လိင်တူအချင်းချင်း ချစ်ကြိုက်ကြောင်း စာအုပ်များ ရောင်းချထုတ်ဝေပါက အရေးယူသွားမည်ဟုဆို✍️CYO▪️BMNZ Local News ▪️ရန်ကုန်၊ ဩဂု...
28/08/2026

လိင်တူအချင်းချင်း ချစ်ကြိုက်ကြောင်း စာအုပ်များ ရောင်းချထုတ်ဝေပါက အရေးယူသွားမည်ဟုဆို

✍️CYO

▪️BMNZ Local News ▪️

ရန်ကုန်၊ ဩဂုတ် ၂၈ ရက်၊ ၂၀၂၆

မြန်မာ့ယဉ်ကျေးမှုနှင့် ကိုက်ညီခြင်းမရှိဘဲ လူငယ်များ အတွေးအခေါ်နှင့် ခံစားနားလည်မှုကို လွဲမှားစေနိုင်တယ်ဆိုပြီး လိင်တူအချင်းချင်း ချစ်ကြိုက်ကြောင်း စာအုပ်များ ရောင်းချနေတဲ့ page၊ Telegram နှင့် Ticktock link (၉) ခုကို ပြန်ကြားရေးဝန်ကြီးဌာနက ယနေ့ထုတ် နိုင်ငံပိုင်သတင်းစာတွင် အသိပေးဖော်ပြလိုက်ပါတယ်။

ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေ ပုဒ်မ ၁၁၊ ပုဒ်မခွဲ(ခ)တွင် “ပြည်တွင်း၌ ပုံနှိပ်ထုတ်ဝေခြင်းဖြစ်ပါက ထုတ်ဝေသူသည် ၎င်းထုတ်ဝေသော မည်သည့်ထုတ်ဝေစာကိုမဆို မှတ်ပုံတင်စာရင်းရေးသွင်းခြင်းနှင့် မူပိုင်ခွင့်လုပ်ငန်းများဆောင်ရွက်နိုင်ရန် သတ်မှတ်ချက်များနှင့်အညီ ဝန်ကြီးဌာနသို့ ပေးပို့ရမည်”၊ ပုဒ်မ ၁၅ တွင် “မည်သူမျှ သက်ဆိုင်ရာလုပ်ငန်း အသိအမှတ်ပြုလက်မှတ်မရှိဘဲ ပုံနှိပ်ခြင်း၊ ထုတ်ဝေခြင်း သို့မဟုတ် သတင်းအေဂျင်စီလုပ်ငန်း လုပ်ကိုင်ခြင်းမပြုရ” ဆိုတဲ့ တားမြစ်ချက်များကိုလည်း ဖောက်ဖျက်ကျူးလွန်ထားတယ်လို့ ဖော်ပြထားပါတယ်။

ပြန်ကြားရေးဝန်ကြီးဌာနက ထုတ်ပြန်ထားတဲ့ လိင်တူအချင်းချင်းချစ်ကြိုက်တဲ့ BL(Boys' Love), GL(Girls” Love) စာအုပ်များကို ကြော်ငြာရောင်းချနေတဲ့ လူမှုကွန်ရက်မှ တရားမဝင်စာမျက်နှာများမှာ - ရွှေအိမ်စာပေ၊ ဆူးခေတ်စာပေ၊ Chi စာပေ၊ ဘဝထက်စာပေ၊ ဧရိပ်-A Yeik၊ Alora Eleven Book House၊ Libra Book Shop (Chuu Sein)၊ Nway Oo Kant Kyaw-နွေဦးကံ့ကော်စာအုပ်ဆိုင်၊ Z For Zodiac တို့ဖြစ်ပါတယ်။

ပြန်ကြားရေးဝန်ကြီးဌာနအနေနဲ့ ၂၀၁၄ ခုနှစ် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေ၊ နည်းဥပဒေများနှင့် အညီ ပုံနှိပ်ခြင်းလုပ်ငန်း၊ ထုတ်ဝေခြင်းလုပ်ငန်းများကို ကြီးကြပ်ဆောင်ရွက်နေရာ ပုံနှိပ်ခြင်းနှင့် ထုတ်ဝေခြင်း လုပ်ငန်းဥပဒေကို လေးစားလိုက်နာကြရန်နှင့် ဥပဒေပါ စည်းကမ်းချက်များကို ဖောက်ဖျက်စေတဲ့ ထုတ်ဝေစာများကို ရောင်းချပါက ဥပဒေနှင့်အညီ တရားစွဲဆိုဆောင်ရွက်သွားမယ်လို့ ပြန်ကြားရေးဝန်ကြီးဌာနက အသိပေး ကြေညာထားပါတယ်။ (BMNZ)

#လိင်တူချစ်ကြိုက်တဲ့စာအုပ်


#ဗြူးတီးဖောမြန်မာသတင်းအေဂျင်စီ

အခြေခံပညာကျောင်းများ စံကိုက်ကျောင်းဖြစ်စေရန် အဆင့်မြှင့်တင်သွားမည်✍️CYO▪️BMNZ Local News ▪️ရန်ကုန်၊ ဩဂုတ် ၂၇ ရက်၊ ၂၀၂၆ ...
27/08/2026

အခြေခံပညာကျောင်းများ စံကိုက်ကျောင်းဖြစ်စေရန် အဆင့်မြှင့်တင်သွားမည်

✍️CYO

▪️BMNZ Local News ▪️

ရန်ကုန်၊ ဩဂုတ် ၂၇ ရက်၊ ၂၀၂၆

အခြေခံပညာကျောင်းများအားလုံး စံကိုက်ကျောင်းများ ဖြစ်စေရန် ဆောင်ရွက်နေပြီး သတ်မှတ်ချက်နှင့် ကိုက်ညီတဲ့ ကျောင်းများကို ဦးစားပေးကာ အစဉ်လိုက် အဆင့်မြှင့်တင်ပေးသွားမှာဖြစ်တယ်လို့ သိရပါတယ်။

နိုင်ငံအတွင်း အခြေခံပညာကျောင်းပေါင်း ၅ သောင်းခန့်ရှိရာ သတ်မှတ်ချက်နှင့် ကိုက်ညီတဲ့ စံကိုက်ကျောင်းမှာ ၁၀ ရာခိုင်နှုန်းခန့်သာ ရှိတာကြောင့် အခြေခံပညာကျောင်းများအားလုံး စံကိုက်ကျောင်းများ ဖြစ်စေရန် စနစ်တကျ စီမံဆောင်ရွက်သွားမှာဖြစ်တယ်လို့ သိရပါတယ်။

တိုင်းဒေသကြီးနဲ့ ပြည်နယ်များအလိုက် အခြေခံပညာကျောင်းများရဲ့ မြေပြင်အခြေအနေကို စာရင်းကောက်ယူပြီး သတ်မှတ်မြေဧရိယာ အကျယ်အဝန်းရှိတဲ့ ကျောင်းများကို စံကိုက်ကျောင်းများအဖြစ် ဦးစားပေးကာ အစဉ်လိုက် အဆင့်မြှင့်တင်ပေးသွားမယ်လို့ သိရပါတယ်။

စံကိုက်ညီမှုကို ခွဲခြားဆောင်ရွက်တဲ့အခါ အခြေခံပညာကျောင်းများအနေနဲ့ ရှိရမယ့် အနည်းဆုံး သတ်မှတ်ဧရိယာမှာ အခြေခံပညာ မူလတန်းကျောင်းအတွက် ၃ ဧကမှ ၅ ဧက၊ အခြေခံပညာ အလယ်တန်းကျောင်းအတွက် အနည်းဆုံး ၅ ဧကမှ ၇ ဧက၊ အခြေခံပညာ အထက်တန်းကျောင်းအတွက် အနည်းဆုံး ၇ ဧကမှ ၁၀ ဧကအထိ ရှိရန် သတ်မှတ်ထားတယ်လို့ သိရပါတယ်။

စံကိုက်ကျောင်းများ ဖြစ်စေရန် အားကစားကွင်းများရှိရန် လိုအပ်ပြီး ကျောင်းသား၊ ကျောင်းသူများ တန်းစီတဲ့နေရာများ၊ အားကစား ပြုလုပ်ရန် နေရာများနှင့် စနစ်တကျ တည်ဆောက်ထားတဲ့ အဆောက်အအုံများရှိရန် လိုအပ်တယ်လို့လည်း သိရပါတယ်။

၁၉၇၃ ခုနှစ်မှာ ကောက်ယူခဲ့တဲ့ လူဦးရေနှင့် သန်းခေါင်စာရင်းအရ အတန်းပညာရှိသူမှာ နိုင်ငံလူဦးရေရဲ့ (၅၈.၁၈) ရာခိုင်နှုန်းရှိပြီး ၁၉၈၃ ခုနှစ်မှာ (၄၁.၀၉) ရာခိုင်နှုန်း၊ ၂၀၁၄ ခုနှစ်မှာ (၁၀.၇) ရာခိုင်နှုန်းနှင့် ၂၀၂၄ ခုနှစ်မှာ (၅.၆၇) ရာခိုင်နှုန်းရှိတာကြောင့် ပညာတတ် လူသားအရင်းအမြစ်များ ပေါများလာစေရန် ပညာရေးကို နည်းလမ်းပေါင်းစုံ၊ ဘက်ပေါင်းစုံမှ အားပေးမြှင့်
တင်သွားမှာဖြစ်တယ်လို့ သိရပါတယ်။ (BMNZ)
ဓာတ်ပုံ-ပညာရေးဝန်ကြီးဌာန
#အခြေခံပညာကျောင်း


#ဗြူးတီးဖောမြန်မာသတင်းအေဂျင်စီ

၂၀၁၈ ခုနှစ်ကတည်းက ရပ်နားထားသည့် ကော့ကရိတ်-ရန်ကုန် အဆင့်မြင့်ခရီးသည်တင်ယာဉ်လိုင်း ပြန်လည်ပြေးဆွဲပေးပြီ✍️CYO▪️BMNZ Local N...
27/08/2026

၂၀၁၈ ခုနှစ်ကတည်းက ရပ်နားထားသည့် ကော့ကရိတ်-ရန်ကုန် အဆင့်မြင့်ခရီးသည်တင်ယာဉ်လိုင်း ပြန်လည်ပြေးဆွဲပေးပြီ

✍️CYO

▪️BMNZ Local News ▪️

ရန်ကုန်၊ ဩဂုတ် ၂၇ ရက်၊ ၂၀၂၆

ကရင်ပြည်နယ်၊ ကော့ကရိတ်မြို့မှ ရန်ကုန်မြို့သို့ အဆင့်မြင့်ခရီးသည်တင်ယာဉ်လိုင်း တစ်ခုဖြစ်တဲ့ အဆွေတော်ယာဉ်လိုင်းအနေနဲ့ ဩဂုတ်လ ၂၆ ရက်ကစပြီး ပြန်လည်ပြေးဆွဲပေးပြီဖြစ်ကြောင်း သိရပါတယ်။

ကော့ကရိတ်မြို့မှ ခရီးသည်တင်ယာဉ်လိုင်းများ နှစ်အတော်ကြာ ယာယီရပ်ဆိုင်းထားရာမှ နယ်မြေအေးချမ်းတည်ငြိမ်လာပြီဖြစ်တဲ့အတွက် ကော့ကရိတ်မှ ရန်ကုန်သို့ အခုလို ပြန်လည်ပြေးဆွဲတာဖြစ်ကြောင်း သိရပါတယ်။

အဆွေတော်ယာဉ်လိုင်းအနေနဲ့ ဩဂုတ်လ ၂၆ ရက်မှ ၃၀ ရက်အထိ ကော့ကရိတ်-ရန်ကုန် ခရီးစဉ်ကို အခမဲ့ပြေးဆွဲပေးမှာဖြစ်ပြီး ခရီးသည် စီးနင်းမှုအပေါ် မူတည်ကာ ယာဉ်အစီးရေနှင့် တခြားသော ခရီးစဉ်များ ထပ်မံတိုးချဲ့ ပြေးဆွဲမှာဖြစ်ကြောင်း သိရပါတယ်။

ဩဂုတ်လ ၂၆ ရက် နံနက်က အောင်မင်္ဂလာလမ်းတွင် အဆိုပါ ယာဉ်လိုင်း ဖွင့်ပွဲကျင်းပရာ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဥက္ကာ၊ ပြည်သူ့လွှတ်တော်ကိုယ်စားလှယ် ဒေါ်ခင်နီနီအောင် နှင့် အဆွေတော်ယာဉ်လိုင်းမှ တာဝန်ရှိသူတို့က ဖဲကြိုးဖြတ်ဖွင့်လှစ်ပေးပြီး ရန်ကုန်မြို့သို့ သွားရောက်မယ့်ခရီးသည်များကို နှုတ်ဆက်ခဲ့ကြောင်း သိရပါတယ်။ (BMNZ)

ဓာတ်ပုံ-MOI
#ကော့ကရိတ်_ရန်ကုန်ခရီးသည်တင်ယာဉ်လိုင်း


#ဗြူးတီးဖောမြန်မာသတင်းအေဂျင်စီ

27/08/2026

အငယ်မဖြစ်လားမဖြစ်လားကတော့ ပရိသတ်ကြီးပဲ ကြည့်ပြီး ဆုံးဖြတ်ပေးပါဆိုတဲ့ ဟိန်းသန့်ဇေ

🎥PD

▪️BMNZ Entertainment News ▪️

ရန်ကုန်၊ ဩဂုတ် ၂၂ ရက်၊ ၂၀၂၆

“ကျွန်တော်ကတော့ အငယ်မ ဇာတ်ရုပ်ကို သူဖြတ်သန်းရတဲ့ ဘဝ၊ ပတ်ဝန်းကျင်၊ အခက်အခဲတွေကို အနီးစပ်ဆုံးဖြစ်အောင် သရုပ်ဆောင်ထားပါတယ်။ အကောင်းဆုံးလည်းကြိုးစားထားပါတယ်” ဟု ဟိန်းသန့်ဇေကပြောသည်။

ကျွန်မနဲ့မောင် ရုပ်ရှင်ဇာတ်ကားကြီးကို ဩဂုတ်လ ၂၈ ရက်တွင် မြန်မာတစ်နိုင်ငံလုံး၌ ရုံတင်ပြသမည်ဖြစ်သည်။ (BMNZ)

#ကျွန်မနဲ့မောင်ရုပ်ရှင်ဇာတ်ကားကြီး
#ဟိန်းသန့်ဇေ


#ဗြူးတီးဖောမြန်မာသတင်းအေဂျင်စီ

ဆိပ်ကမ်းများရှိ လိုင်စင်မရှိ ကုန်သေတ္တာ ၂၀ ကျော်ကို မျက်မြင် လေလံတင် ရောင်းချမည်�✍️CYO▪️BMNZ Local News ▪️ရန်ကုန်၊ ဩဂုတ်...
27/08/2026

ဆိပ်ကမ်းများရှိ လိုင်စင်မရှိ ကုန်သေတ္တာ ၂၀ ကျော်ကို မျက်မြင် လေလံတင် ရောင်းချမည်
�✍️CYO

▪️BMNZ Local News ▪️

ရန်ကုန်၊ ဩဂုတ် ၂၇ ရက်၊ ၂၀၂၆
�ပို့ဆောင်ရေးဝန်ကြီးဌာန မြန်မာ့ဆိပ်ကမ်းအာဏာပိုင်အနေနဲ့ AWPT, MIP & MITT ဆိပ်ကမ်းများတွင် ID မရှိ၊ လိုင်စင်မရှိတဲ့ ကုန်သေတ္တာ(၂၂) လုံးနှင့် Shut Out Cargo - ကုန်သေတ္တာ(၁)လုံးအတွင်းရှိ ကုန်ပစ္စည်းများကို လက်ရှိ မျက်မြင် အခြေအနေအတိုင်း လေလံတင် ထုခွဲရောင်းချသွားမယ်လို့ သိရပါတယ်။

စက်တင်ဘာလ ၁၀ ရက်၊ နေ့လည် ၁:၀၀နာရီတွင် အိတ်ဖွင့်တင်ဒါစနစ်ဖြင့် လေလံတင် ထုခွဲရောင်းချမှာ ဖြစ်ပါတယ်။
�လေလံပုံစံနှင့် လေလံစည်းကမ်းချက်များကို ဩဂုတ်လ ၂၇ ရက်မှ စက်တင်ဘာလ ၈ ရက်နေ့အထိ မြန်မာ့ဆိပ်ကမ်းအာဏာပိုင်၊ ဗဟိုပစ္စည်းထိန်းဌာန၊ ကမ်းနားလမ်း (ဗိုလ်တထောင်ဘုရား၊ အနောက်ဘက်၊ ကွန်ကရစ်လမ်း၊ Toll Gate အနီး) ဗိုလ်တထောင်မြို့နယ်၊ ရန်ကုန်မြို့တွင် ရုံးချိန်အတွင်း ဝယ်ယူနိုင်တယ်လို့ သိရပါတယ်။

လေလံနှင့် ပတ်သက်ပြီး အသေးစိတ်သိရှိလိုပါက လူကိုယ်တိုင် လာရောက် မေးမြန်းနိုင်တယ်လို့ ပို့ဆောင်ရေးဝန်ကြီးဌာန၊ မြန်မာ့ဆိပ်ကမ်းအာဏာပိုင်၊ လေလံတင်ထုခွဲရောင်းချရေးကော်မတီမှ အသိပေး ကြေညာထားပါတယ်။ (BMNZ)
#လိုင်စင်မရှိသည့်ကုန်သေတ္တာ


#ဗြူးတီးဖောမြန်မာသတင်းအေဂျင်စီ

ที่อยู่

Bangkok

เว็บไซต์

แจ้งเตือน

รับทราบข่าวสารและโปรโมชั่นของ Beautiful Myanmar News Zoneผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท