Beautiful Myanmar News Zone

Beautiful Myanmar News Zone News and Entertainment Media

ထိုင်းနိုင်ငံဘုရင်မင်းမြတ်နှင့် မိဖုရားခေါင်ကြီးတို့က မဟာသမယအခါတော်နေ့တော်ဝင်မင်္ဂလာအခမ်းအနားသို့ တက်ရောက်ကြည်ညို✍️PP▪️B...
31/05/2026

ထိုင်းနိုင်ငံဘုရင်မင်းမြတ်နှင့် မိဖုရားခေါင်ကြီးတို့က မဟာသမယအခါတော်နေ့တော်ဝင်မင်္ဂလာအခမ်းအနားသို့ တက်ရောက်ကြည်ညို

✍️PP

▪️BMNZ International News ▪️

ရန်ကုန် ၊ မေ ၃၁ ရက်၊ ၂၀၂၆

ထိုင်းနိုင်ငံဘုရင်မင်းမြတ်နှင့် မိဖုရားခေါင်ကြီးတို့သည် တနင်္ဂနွေနေ့ (မေလ ၃၁ ရက်) ညနေပိုင်းက ဘန်ကောက်မြို့၊ Grand Palace အတွင်းရှိ မြဘုရား (Wat Phra Si Rattana Satsadaram) ၏ သိမ်တော်
ကြီး၌ ကျင်းပပြုလုပ်သည့်မဟာသမယအခါတော်နေ့တော်ဝင်မင်္ဂလာအခမ်းအနားသို့ တက်ရောက်ကြည်ညိုခဲ့ကြသည်။

အခမ်းအနားကျင်းပစဉ်အတွင်း ဘုရင်မင်းမြတ်သည် မြဘုရားနှင့်တကွ အခြားသော အထွတ်အမြတ်ထားရာ သာသနိကပစ္စည်းများအား ဖယောင်းတိုင်နှင့် အမွှေးတိုင်များ ထွန်းညှိပူဇော်ခဲ့ပြီးနောက်၊ အဆိုပါအခါသမယအတွက် ၎င်းကိုယ်တိုင် သတ်မှတ်ပေးထားသည့် တော်ဝင်ဘုန်းတော်ကြီးကျောင်း ခြောက်ကျောင်းသို့ လှူဒါန်းရန် တော်ဝင်အခမ်းအနားသုံး ဖယောင်းတိုင်များကို ဆောင်ယူခွင့်ပြုခဲ့သည်။

ထို့နောက် ဘုရင်မင်းမြတ်နှင့် မိဖုရားခေါင်ကြီးတို့သည် တော်ဝင်မိသားစုဝင်များ၊ ဘုရင့်အတိုင်ပင်ခံကောင်စီဝင်များ (Privy Councillors) နှင့် အရာရှိကြီးများအား ဦးဆောင်ကာ သိမ်တော်ကြီးကို နာရီလက်တံအတိုင်း သုံးပတ်လှည့်လည်၍ ဆီမီးပူဇော်
ခြင်းကို ပြုလုပ်ခဲ့ကြပြီး၊ ကဆုန်လပြည့်နေ့ အထိမ်းအမှတ် တရားတော်ကို နာယူကြည်ညိုကာ သံဃာတော်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြသည်။ (BMNZ)
News source & Photos- The Nation
#ထိုင်းနိုင်ငံ
#မြဘုရား


ဥပဒေရဲ့ အကာအကွယ်အောက်တွင် ပြည်သူများ အေးချမ်းလုံခြုံစေဖို့ ဝိုင်းဝန်းဆောင်ရွက်ရန် ပြည်သူ့လွှတ်တော်ဥက္ကဋ္ဌပြော✍️အဖြူရောင်...
31/05/2026

ဥပဒေရဲ့ အကာအကွယ်အောက်တွင် ပြည်သူများ အေးချမ်းလုံခြုံစေဖို့ ဝိုင်းဝန်းဆောင်ရွက်ရန် ပြည်သူ့လွှတ်တော်ဥက္ကဋ္ဌပြော

✍️အဖြူရောင်

▪️BMNZ Local News ▪️

ရန်ကုန်၊ မေ ၃၁ ရက်၊ ၂၀၂၆

ဥပဒေရဲ့ အကာအကွယ်အောက်တွင် ပြည်သူများ အေးချမ်းလုံခြုံစွာ နေထိုင်ပြီး အကျိုးစီးပွား ဖြစ်ထွန်းစေရန် ဝိုင်းဝန်းဆောင်ရွက်ကြရမှာဖြစ်ကြောင်း ပြည်သူ့လွှတ်တော်ဥက္ကဋ္ဌ ဦးခင်ရီက ပြောပါတယ်။

ပြည်သူ့လွှတ်တော်ဥက္ကဋ္ဌ ဦးခင်ရီက ‘ဥပဒေပညာရှင်များအနေနဲ့ တည်ဆဲဥပဒေများနှင့်ပတ်သက်ပြီး ခေတ်နှင့်မလျော်ညီတော့တဲ့ ဥပဒေများကို ပြင်ဆင်ခြင်း၊ ဖြည့်စွက်ခြင်း၊ အစားထိုးခြင်း၊ ခေတ်နှင့်အညီ အသစ်ပြဋ္ဌာန်းသင့်သော ဥပဒေများကို အကြံပြု ဆွေးနွေးပေးစေလိုကြောင်း’ ပြောပါတယ်။

ရန်ကုန်တိုင်းဒေသကြီး လွှတ်တော်ရုံးတွင် မေလ ၂၉ ရက်က ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်၊ ဒုတိယဥက္ကဋ္ဌ ဦးကျော်ကျော်စိုး၊ ဥပဒေကြမ်းကော်မတီ၊ ဥပဒေရေးရာနှင့် အထူးကိစ္စရပ်များ လေ့လာသုံးသပ်ရေးအဖွဲ့ဝင်များ၊ ဥပဒေပညာရှင် (အငြိမ်းစား) များနှင့် တွေ့ဆုံစဉ် ပြောကြားခဲ့တာ ဖြစ်ပါတယ်။

ပြည်သူများရဲ့ အကျိုးစီးပွါးကို အကာအကွယ်ပေးနိုင်ရေး ဥပဒေပြဋ္ဌာန်းရာတွင် အထောက်အကူဖြစ်စေရန်နှင့် ထိရောက်စေရန် ယခုလို ရန်ကုန်တိုင်းအတွင်းရှိ ဥပဒေပညာရှင်များနှင့် တွေ့ဆုံရတာဖြစ်ကြောင်း၊ ဥပဒေပညာရှင်များနှင့် တွေ့ဆုံပြီး ဥပဒေစကားဝိုင်း ပြုလုပ်ရန် အမြဲစဉ်းစားခဲ့ကြောင်း ပြည်သူ့လွှတ်တော်ဥက္ကဋ္ဌ ဦးခင်ရီက ဆိုပါတယ်။

ဒါ့အပြင် ဒေသတွင်းနှင့် နိုင်ငံတကာဆက်ဆံရေးများတွင် လိုအပ်သော ဥပဒေများ ပြဋ္ဌာန်းရမှာ ဖြစ်ကြောင်း၊ လတ်တလောတွင် အွန်လိုင်းလိမ်လည်မှု တိုက်ဖျက်ရေးဆိုင်ရာ ဥပဒေကို ဆောလျင်စွာ ပြဋ္ဌာန်းနိုင်ရေး ဦးစားပေး ဆောင်ရွက်သွားမှာ ဖြစ်တာကြောင့် ဥပဒေပညာရှင်များ ဝိုင်းဝန်းအကြံပြု ဆွေးနွေးပေးစေလိုကြောင်း ပြောခဲ့တယ်လို့ သိရပါတယ်။ (BMNZ)
#ဥပဒေအကာအကွယ်
#ဦးခင်ရီ


#ဗြူးတီးဖောမြန်မာသတင်းအေဂျင်စီ

အိန္ဒိယနိုင်ငံ၊ နယူးဒေလီမြို့တွင် တရားဝင်ခရီးစဉ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ ပြည်...
31/05/2026

အိန္ဒိယနိုင်ငံ၊ နယူးဒေလီမြို့တွင် တရားဝင်ခရီးစဉ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ ပြည်ပရေးရာဝန်ကြီးက လာရောက်ဂါရဝပြုတွေ့ဆုံ

✍️အဖြူရောင်

▪️BMNZ International Relation News ▪️

ရန်ကုန်၊ မေ ၃၁ ရက် ၊ ၂၀၂၆

အိန္ဒိယနိုင်ငံ၊ နယူးဒေလီမြို့တွင် တရားဝင်ခရီးစဉ်ရောက်ရှိနေသည့် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံ အိန္ဒိယနိုင်ငံ၊ ပြည်ပရေးရာဝန်ကြီး H.E. Dr. Subrahmanyam Jaishankar က ယနေ့ ညနေပိုင်းတွင် လာရောက်ဂါရဝပြုတွေ့ဆုံခဲ့ကြောင်း သိရသည်။

ထိုသို့တွေ့ဆုံရာတွင် မြန်မာ-အိန္ဒိယ နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ တိုးတက်ကောင်းမွန်လျက်ရှိမှုအခြေအနေများ၊ ယခုကဲ့သို့ တရားဝင်ခရီးစဉ်မှတစ်ဆင့် နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်လာမည့် အခြေအနေများ၊အိန္ဒိယနိုင်ငံအနေဖြင့် မြန်မာနိုင်ငံတွင်ကျင်းပပြုလုပ်ခဲ့သည့် ပါတီစုံဒီမိုကရေစီအထွေထွေရွေးကောက်ပွဲအပေါ် ထောက်ခံမှုအခြေအနေများ၊ နှစ်နိုင်ငံအကြား ဖွံ့ဖြိုးတိုးတက်ရေးစီမံကိန်းများကို ဆက်လက်အကောင်အထည်ဖော်ဆောင်ရွက်သွားမည့်အခြေအနေများ၊ နှစ်နိုင်ငံအကြား ကုန်သွယ်ရေးကဏ္ဍ၊ ကာကွယ် ရေးကဏ္ဍ၊ လုံခြုံရေးကဏ္ဍ၊ ယဉ်ကျေးမှုကဏ္ဍ၊ ပညာရေးကဏ္ဍ၊ ဖွံ့ဖြိုးတိုးတက်ရေးကဏ္ဍများနှင့် နယ်စပ်ဒေသ တည်ငြိမ်အေးချမ်းရေးဆိုင်ရာကိစ္စရပ်များကို ဆက်လက်အကောင်အထည်ဖော် ဆောင်ရွက်သွားမည့်အခြေအနေများ၊ မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုအခြေအနေများနှင့် အိန္ဒိယနိုင်ငံအနေဖြင့် မြန်မာနိုင်ငံဘက်မှ ရပ်တည်ဆောင်ရွက်လျက်ရှိမှုအခြေအနေများ၊ မြန်မာနိုင်ငံအနေဖြင့် အာဆီယံအဖွဲ့အတွင်းအကောင်းဆုံးဖြစ်အောင် ပူးပေါင်းဆောင်ရွက်လျက်ရှိမှု အခြေအနေများနှင့်အခြားနှစ်နိုင်ငံအကြား ကဏ္ဍပေါင်းစုံ၌ ပူးပေါင်းဆောင်ရွက်မှုများ မြှင့်တင်ဆောင်ရွက်သွားမည့် အခြေအနေများနှင့်ပတ်သက် ၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း မြဝတီသတင်းတွင် ဖော်ပြထားသည်။

အဆိုပါတွေ့ဆုံပွဲတွင် နိုင်ငံတော်သမ္မတနှင့်အတူ ခရီးစဉ်တွင်လိုက်ပါသွားသည့် ပြည်ထောင်စုဝန်ကြီးများဖြစ်ကြသော ဦးခင်မောင်ရီ၊ ဦးတင်မောင်ဆွေနှင့် တာဝန်ရှိသူများ၊ အိန္ဒိယနိုင်ငံဆိုင်ရာ မြန်မာနိုင်ငံသံအမတ်ကြီးတို့ တက်ရောက်ကြပြီး အိန္ဒိယနိုင်ငံ၊ ပြည်ပရေးရာဝန်ကြီးနှင့်အတူ မြန်မာနိုင်ငံဆိုင်ရာအိန္ဒိယနိုင်ငံသံအမတ်ကြီး H.E. Shri Abhay Thakur နှင့်တာဝန်ရှိသူများတက်ရောက်ခဲ့ကြကြောင်း သိရသည်။ (BMNZ)

ဓာတ်ပုံ- မြဝတီ

#နိုင်ငံတော်သမ္မတဦးမင်းအောင်လှိုင်

#အိန္ဒိယနိုင်ငံ


#ဗြူးတီးဖောမြန်မာသတင်းအေဂျင်စီ

31/05/2026

ကိုယ်ကတောသားပေါ့ .. အဲဒီတုန်းက သိပ်မထင်ပေါ်သေးဘူး ဆိုတဲ့ နေထက်လင်း

🎥PD

▪️BMNZ Entertainment News ▪️

“အဲ့လိုလည်းမဟုတ်ပါဘူး။ အစကတည်းက ချောပါတယ်” ဟု နေထက်လင်း၏ ဇနီး စုဒါလီကပြောသည်။

ဧဝရတ်ရာဇာက ဆင်ပေးသည့် ဒီဇိုင်းများနဲ့ လင်မယား ၂ ယောက်ပွဲတက်ခဲ့ကြခြင်းဖြစ်သည်။ (BMNZ)

#နေထက်လင်း

#စုဒါလီ





#ဗြူးတီးဖောမြန်မာသတင်းအေဂျင်စီ

အမျိုးသားလုံခြုံရေးအဖွဲ့ ပြန်လည်ဖွဲ့စည်း
31/05/2026

အမျိုးသားလုံခြုံရေးအဖွဲ့ ပြန်လည်ဖွဲ့စည်း

30/05/2026

ရွှေနဒီ App ရဲ့ ရွှေပြားဆုကြီးကို ကံစမ်းကြမယ့် မေ၊ ဒီးနဲ့ဆိုင်းလူ

🎥PD

▪️BMNZ Entertainment News ▪️

#ရွှေနဒီApplication #မေဂရေ့စ်
#အဒီရာဦး
ိုင်းလူ


#ဗြူးတီးဖောမြန်မာသတင်းအေဂျင်စီ

အောင်ဘာလေသိန်းဆုဌာနခွဲတွင် ထီစာအုပ် အာမခံစပေါ်ငွေများ လာရောက်ထုတ်ယူနိုင်ပြီ✍️CYO▪️BMNZ Local News ▪️ရန်ကုန်၊ မေ ၃၀ ရက်၊ ...
30/05/2026

အောင်ဘာလေသိန်းဆုဌာနခွဲတွင် ထီစာအုပ် အာမခံစပေါ်ငွေများ လာရောက်ထုတ်ယူနိုင်ပြီ

✍️CYO

▪️BMNZ Local News ▪️

ရန်ကုန်၊ မေ ၃၀ ရက်၊ ၂၀၂၆

အောင်ဘာလေသိန်းဆုဌာနခွဲထံမှ မနှစ်က ကျပ် ၁၀၀၀ တန် ထီစာအုပ် ဝယ်ယူခွင့် ရရှိထားတဲ့ ထီလုပ်ငန်းရှင်များအနေနဲ့ ပေးသွင်းထားတဲ့ ထီစာအုပ် အာမခံစပေါ်ငွေများကို ဌာနထံ လျှောက်ထားကာ ထုတ်ယူနိုင်ပြီဖြစ်တယ်လို့ ပြည်တွင်းအခွန်များဦးစီးဌာန၊ အောင်ဘာလေသိန်းဆုဌာနခွဲက မေလ ၂၉ ရက်စွဲဖြင့် ကြေညာလိုက်ပါတယ်။

ပြည်တွင်းအခွန်များဦးစီးဌာန၊ အောင်ဘာလေသိန်းဆုဌာနခွဲမှ ၂၀၂၅-၂၀၂၆ ဘဏ္ဍာနှစ်အတွက် ကျပ် ၁၀၀၀ တန် ထီစာအုပ် ဝယ်ယူခွင့် ရှိသူများနှင့် ပဋိညာဉ်စာချုပ် ချုပ်ဆိုပြီး ထီစာအုပ် တစ်အုပ်လျှင် ကျပ် ၂၀၀ နှုန်းဖြင့် ၃ လစာအတွက် မိမိ ဝယ်ယူခွင့်ရရှိတဲ့ ထီစာအုပ် အရေအတွက်အလိုက် အာမခံငွေ (Deposit) များ ပေးသွင်းစေခဲ့တယ်လို့ သိရပါတယ်။

အဆိုပါ သဘောတူစာချုပ်က ၂၀၂၅-၂၀၂၆ ဘဏ္ဍာနှစ်အတွက်သာ အကျိုးဝင်တာဖြစ်လို့ ထီဝယ်ယူခွင့် ရှိသူများနှင့် ချုပ်ဆိုထားတဲ့ အာမခံငွေ (Deposit) များကို အောင်ဘာလေသိန်းဆုဌာနခွဲမှ ပြန်လည်ထုတ်ပေးမှာ ဖြစ်တယ်လို့ ဆိုပါတယ်။

ဗဟိုအရောင်းဌာနစိတ်တွင် ဝယ်ယူခဲ့သော ထီစာအုပ်များအပေါ် အာမခံငွေ (Deposit) ပေးသွင်းထားသော ချလန် (မူရင်း/မိတ္တူ)၊ စာချုပ် (မူရင်းခွဲ)၊ မှတ်ပုံတင်၊ အိမ်ထောင်စုစာရင်း (မူရင်း/မိတ္တူ) များနှင့်အတူ ထီ လုပ်ငန်းရှင်ကိုယ်တိုင် ကျပ် ၃၀၀/- တန် တံဆိပ်ခေါင်းကပ် လျှောက်လွှာ တင်သွင်းပြီး ဇွန်လ ၁ ရက်မှ ၃၀ ရက်အထိ (တစ်လအတွင်း) အောင်ဘာလေသိန်းဆုဌာနခွဲ ငွေစာရင်းဌာနစုတွင် လာရောက်လျှောက်ထား ထုတ်ယူနိုင်ကြောင်း အသိပေးကြေညာထားပါတယ်။
#ထီစာအုပ်


#ဗြူးတီးဖောမြန်မာသတင်းအေဂျင်စီ

မြောက်ဝင်းရိုးစွန်းသို့ (၁၀) ရက်ကြာ သိပ္ပံလေ့လာရေး အခမဲ့ ခရီးစဉ်အဖြစ် သွားရောက်ခွင့်ရမယ့် “Icebreaker of Knowledge 2026”...
30/05/2026

မြောက်ဝင်းရိုးစွန်းသို့ (၁၀) ရက်ကြာ သိပ္ပံလေ့လာရေး အခမဲ့ ခရီးစဉ်အဖြစ် သွားရောက်ခွင့်ရမယ့် “Icebreaker of Knowledge 2026” ပြိုင်ပွဲကြီးတွင် ပါဝင်
ယှဉ်ပြိုင်ရန် ဖိတ်ခေါ်ထား

✍️ CYO

▪️BMNZ Local News ▪️

ရန်ကုန်၊ မေ ၃၀ ရက်၊ ၂၀၂၆

အသက် ၁၄ နှစ်နှင့် ၁၆ နှစ်ကြားရှိ မြန်မာကျောင်းသားလူငယ်များ မြောက်ဝင်းရိုးစွန်းသို့ အခမဲ့ (၁၀) ရက်ကြာ သိပ္ပံလေ့လာရေး ခရီးစဉ်အဖြစ် သွားရောက်ခွင့်ရမယ့် “Icebreaker of Knowledge 2026” ပြိုင်ပွဲကြီးတွင် ပါဝင်ယှဉ်ပြိုင်ရန် ဖိတ်ခေါ်ထားကြောင်း သိရပါတယ်။

ရုရှားနိုင်ငံ ROSATOM အဖွဲ့အစည်းက ကြီးမှူးကျင်းပတဲ့ “Icebreaker of Knowledge 2026” နိုင်ငံတကာအဆင့် တတိယကြိမ်မြောက် သိပ္ပံပြိုင်ပွဲကြီးကို မေလ ၅ ရက်မှ ဇွန်လ ၁၅ ရက်အတွင်း အဆင့် ၃ ဆင့်ဖြင့် ယှဉ်ပြိုင်ရမှာဖြစ်ပြီး ရမှတ်အမြင့်ဆုံးဖြင့် အောင်မြင်သူ ၁၀ ဦးက ၂၀၂၆ ခုနှစ် ဩဂုတ်လတွင် နျူကလီးယားစွမ်းအင်သုံး ရေခဲခွဲသင်္ဘောကြီးဖြင့် မြောက်ဝင်းရိုးစွန်းသို့ (၁၀) ရက်ကြာ အခမဲ့သိပ္ပံလေ့လာရေးခရီး သွားရောက်ခွင့် ရရှိမှာဖြစ်ကြောင်း သိရပါတယ်။

ပါဝင်ယှဉ်ပြိုင်လိုသူများအနေနဲ့ ၂၀၂၆ ခုနှစ် ဇွန်လ ၃ ရက် နောက်ဆုံးထားကာ https://goarctic.energy/ တွင် အွန်လိုင်းမှတစ်ဆင့် အခမဲ့ စာရင်းသွင်းပြီး ပါဝင်ယှဉ်ပြိုင်နိုင်ကြောင်း သိရပါတယ်။

ပြိုင်ပွဲတွင် အဆင့် (၁) အဖြစ် မေလ ၅ ရက်မှ ဇွန်လ ၃ ရက်အတွင်း သိပ္ပံအခြေပြု အွန်လိုင်းဉာဏ်စမ်းမေးခွန်း (Quiz) ဖြေဆိုရမှာဖြစ်ပြီး သတ်မှတ်ထားတဲ့ ရမှတ် ရရှိသူများက အဆင့် (၂) သို့ တက်ရောက်ခွင့်ရမယ်လို့ သိရပါတယ်။

အဆင့် (၂) အဖြစ် မေလ ၁၈ ရက်မှ ဇွန်လ ၃ ရက်အတွင်း Webinars ဆွေးနွေးပွဲများ တက်ရောက်ရမှာဖြစ်ပြီး အာတိတ်ဒေသ ရေကြောင်းပို့ဆောင်ရေး ဘေးကင်းလုံခြုံစွာ ဖွံ့ဖြိုးတိုးတက်စေရန် အသုံးပြုတဲ့ နည်းပညာများ အပါအဝင် Rosatom ရဲ့ ဆန်းသစ်သော ဖြေရှင်းချက်များနှင့်ပတ်သက်သော အွန်လိုင်း Webinar များကို လေ့လာကာ စာမေးပွဲဖြေဆိုရမှာဖြစ်ကြောင်း သိရပါတယ်။

အဆင့် (၃) အဖြစ် ဇွန်လ ၅ ရက်မှ ဇွန်လ ၁၅ ရက်အတွင်း ဗီဒီယိုတင်ဆက်မှု (Video Presentation) ပြုလုပ်ရမှာဖြစ်ပြီး အဆင့် (၁) နှင့် အဆင့် (၂) တို့တွင် စုစုပေါင်းရမှတ် အမြင့်ဆုံးရရှိတဲ့ နိုင်ငံများမှ ဆန်ခါတင် ၁၀ ဦးက နောက်ဆုံးအဆင့် လုပ်ဆောင်ချက် ခေါင်းစဉ်ဖြင့် ၎င်းတို့၏ စိတ်ကူးစိတ်သန်းများကို "Video Business Card" (ဗီဒီယိုဖြင့် မိတ်ဆက်တင်ပြခြင်း) ပုံစံ တင်ပြရမည်ဖြစ်ကြောင်း သိရပါတယ်။

ပြိုင်ပွဲဝင်များရဲ့ ပြိုင်ပွဲရလဒ်များကို ဇွန်လတွင် ကြေညာမှာဖြစ်ပြီး ဆုရရှိသူများအနေနဲ့ မြောက်ဝင်းရိုးစွန်းသို့ သွားရောက်မယ့် ကမ္ဘာ့အဆင့်အတန်းမြင့် ခရီးစဉ်လက်မှတ်ကို ဆွတ်ခူးရရှိမှာဖြစ်ကြောင်း သိရပါတယ်။
(BMNZ)
#မြောက်ဝင်ရိုးစွန်း
#သိပ္ပံလေ့လာရေးအခမဲ့ခရီးစဉ်


#ဗြူးတီးဖောမြန်မာသတင်းအေဂျင်စီ

အခြေခံ ဓါတ်ပုံသင်တန်း ဖွင့်လှစ်မည်✍️CYO▪️BMNZ Local News ▪️ရန်ကုန်၊ မေ ၃၀ ရက်၊ ၂၀၂၆ မြန်မာနိုင်ငံဓါတ်ပုံအသင်းက တစ်နှစ်ကိ...
30/05/2026

အခြေခံ ဓါတ်ပုံသင်တန်း ဖွင့်လှစ်မည်

✍️CYO

▪️BMNZ Local News ▪️

ရန်ကုန်၊ မေ ၃၀ ရက်၊ ၂၀၂၆

မြန်မာနိုင်ငံဓါတ်ပုံအသင်းက တစ်နှစ်ကို ၁ ကြိမ်သာ ဖွင့်လှစ်တဲ့ အခြေခံ ဓါတ်ပုံသင်တန်း အမှတ်စဉ် (၅၁) ကို ဇူလိုင် ၁ ရက်တွင် ဖွင့်လှစ်သင်ကြားပေးမှာဖြစ်ကြောင်း သိရပါတယ်။

ထူးချွန်သော ဓါတ်ပုံပညာရှင်များ ပေါ်ထွန်းလာစေရန် ရည်ရွယ်ဖွင့်လှစ်တဲ့ သင်တန်းတွင် ဓါတ်ပုံပညာရှင်ကြီးများဖြစ်ကြတဲ့ ဦးဖေမြင့်ဦး၊ ထပ်ဆင့်အကယ်ဒမီ ဒါရိုက်တာ ပန်းချီစိုးမိုး၊ ဦးထင်လင်း၊ ဦးဇော်မင်း၊ ဦးကျော်ကျော်ဝင်း၊ ဦးဌေးဝင်း(ရမ္မာဝတီ)တို့က စာတွေ့လက်တွေ့ သင်ကြားပို့ချမယ်လို့ သိရပါတယ်။

မြန်မာနိုင်ငံ ဓါတ်ပုံအသင်းရဲ့ ပညာပြန့်ပွါးရေး အစီအစဉ်အရ ဖွင့်လှစ်တဲ့ အခြေခံ ဓါတ်ပုံသင်တန်းအတွက် သင်တန်းသားများကို ဇွန်လ ၁ ရက်တွင် စတင်လက်ခံမှာဖြစ်ပြီး သင်တန်းသားဦးရေကန့်သတ်ထားသည့်အတွက်

သင်တန်းတက်ရောက်လိုပါက မြန်မာနိုင်ငံ ဓါတ်ပုံအသင်း - အမှတ်(၂၇/၂၉)၊ (၃၅) လမ်း၊ ကျောက်တံတားမြို့နယ်၊ ရန်ကုန်မြို့၊ ဖုန်း-၀၉၄၂၀၃၅၅၅၇၀ ကို ဆက်သွယ်
နိုင်ကြောင်း သိရပါတယ်။(BMNZ)
ဓာတ်ပုံ-အင်တာနက်
#ဓာတ်ပုံသင်တန်း


#ဗြူတီးဖောမြန်မာသတင်းအေဂျင်စီ

ที่อยู่

Bangkok

เว็บไซต์

แจ้งเตือน

รับทราบข่าวสารและโปรโมชั่นของ Beautiful Myanmar News Zoneผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท