15/06/2026
"မတူညီခြင်းများ"
လူတိစွာ တစ်ယောက်နဲ့တစ်ယောက် မတူကတ်ဆိုရေစကားကို ကျနော်ရို့အားလုံး မကြာကြာ ကြားဖူးကတ်ပါဖို့ သို့သော် လူတိစွာ အမှန်မတူကတ်မလားဘေလို့ သဘောပေါက်ဆိုကေ အချိန်တစ်ခုနန့် ဥာဏ်တစ်ခုရောက်လာတဲ့အထိ စောင့်ရပါဖို့လတ်။
ဇာပိုင်မတူကတ်လေးဆိုစွာကို သေသေချာချာရာ သဘောပေါက်လားပျာဆိုကေ ဒေအချက်ချေတစ်ခုတည်းကို လက်ကိုင်ထားရုံနင့်တောင် ကျနော်ရို့ဘဝအတွက် ကောင်းကောင်းအကျိုးရှိစီပါရေ။လူတိ၏ မတူစွာကို မြင်တတ်တေဆိုစွာထက် ကိုယ်ကသူများနဲ့မတူစွာ ဇာတိရှိလေးဆိုစွာကို ပိုပနာမြင်တတ်လာစွာမျိုးက ပိုလို့တောင်ကောင်းပါရေ။ ဒေအမြင်မျိုး မရခင်ကဆိုကေ ဘဝစွာကောင်း လီးလံပင်ပန်းခရေလို့ဆိုရပါဖို့။သူများဒေချင့်လုပ်တတ်တေဆိုကေ ကိုယ်က ယာချက့်ကိုလုပ်တတ်ချင်ရေသူများက ကိုယ်လုပ်တတ်စွာကို မလုပ်တတ်စွာကိုမြင်ကေ လက်ညိုးထိုးပနာ လှောင်ပြောင် နှိပ်ချချင်ရေ။
အမှန်ကတော့ခါ ကျနော်ရို့ကို မွီးထုတ်ပီးလိုက်တေ Education Syetem မှာကိုက အချေတိအားလုံးစွာ အတူတူဆိုရေ ယေဘုယျ ယူဆချက်မျိုးနန့် အားလုံးကို စက်ရုံတစ်ခုက ရိုက်ထုပ်လိုက်တေပိုင် လေ့ကျင့်သင်ကြားပီးလိုက်စွာကို ခံလာရကတ်စွာညကနိန် အစပြုလာရေလို့ဆိုရပါဖို့။
ကျနော်ရို့စွာ မွီးစကပင် ဒေပိုင်လို့ ပါလာခကတ်ကေလေ့ ဆယ့်ငါးနှစ်ကျော်ကျော်ဆယ့်ခြောက်နှစ်လောက် ဖြစ်သန်းခရရေ ကျောင်းပညာရေးမှာ ကိုယ့်၏ Unique Fratures လို့ခေါ်ရေ (ပြိုင်ဘက်ကင်း လက္ခဏား) တော်တော်များများက မရည်ရွယ်ပါဘဲ Wash Off (ပယ်ထုပ်ပစ်ခြင်း) အလုပ်ခံလိုက်ရကတ်တေ။
"ကျနော်ရို့စွာ ငါးတစ်ကောင်ဖြစ်နေနိုင်ကေလေ့ ဒီစာမေးပွဲက အပင်တက်တတ်မှ အောင်နိုင်ဖို့လို့ဆိုကေ ကျနော်ရို့က ဇာလောက်ပင် ရီကူးကျွမ်းပတ်စီ “လူညံ့ရာ”မလားလို့ ဖိအားပီး သတ်မှတ်ခံခရကတ်တေ အတိတ်တိရှိဖို့။
အပင်တက်တတ်စွာကလွှဲကေ ဇာလေ့မသိ မတတ်တေ တစ်ချို့မျောက်ချေတိကို ပါးစက် ဟောင်းလောင်းငေးပနာ လက်မှိုင်ချ အားကျနိန်ကတ်ရရေအထဲမှာ အမြင့်ဆုံးမှာ ပျံသန်းနိုင်စွမ်းရှိရေ ငှက်တိလေ့ပါဖို့။ခွန်းအားအကြီးမားဆုံးဖြစ်တေ ဆင်တိလေ့ပ်ဖို့ ၊ ရဲရင့်ပါရေဆိုရေ ဝံပုလွယ်တိလေ့ပါဖို့။ ချစ်ဖို့ကောင်းရေ သမင်တိလေ့ပါဖို့ ။ ကျနော်လေ့ပါနိုင်ရေပိုင် ဒေဗွီဒီယိုက်ုနားထောင်နိန်ရေ အမျိုးရို့လေ့ပါနိုင်ပါရေ။
ဘက်စုံထူးချွန်သူဆိုပြီးကေ ကျနော်ရို့အငယ်ချေခါက စာသင်ကျောင်းမှာ ကြားလို့ကောင်းရေ စကားလုံးမျိုးက ရှိရာရှိနိန်ကေလေ့ မူအရသာရှိပြီးကေ အမှန်တကယ် အသက်ဝင်စွာတော့မဟုတ်ပလေ....။ ပုံနှိပ်သင်ရိုးထဲပါရေစာကို အလွတ်ရအောင် ဖိဖတ်စွာတစ်ခုတည်းက အဓိကသင်ကြားရီးဖြစ်နိန်ခရေ။
ဇာဖြစ်လို့လေးဆိုကေ ကျွန်တော်ရို့နိုင်ငံမှာ ပညာသင်ကြားခြင်း၏ Core Values(အဓိကတန်ဖိုး)က နောက်ဆုံးမှာ "အမှတ်ကောင်းကောင်းနန့် ဆယ်တန်းအောင်ဖို့" ဖြစ်နိန်ခလို့ဖြစ်ပါရေ။စာကိုအော်ကျနိုင်ရေ လူက လူတော်ချေဖြစ်ပြီးကေ မအော်ကျနိုင်ရေလူက လဆိုးချေ ၊လမိုက်ချေတိ ဖြစ်ကတ်ရပြန်ပါရေ။ အတန်းထဲက အဆင့်(၁)ရသူ၏ ဖင်ကို ရှိခိုးရဖို့ ဆိုစွာမျိုးထိ အချေတိ၏ စိတ်ပိုင်ဆိုင်ရာကို အံဩလောက်အောင် ရိုက်ချိုးတတ်တေ မိဘတွေ၊ ဆရာ ဆရာမတိကလေ့ ဒီနိုင်ငံအမျန်ပင်ရှိပါရေ။
တခါတလီမှာ ကျနော်စိုင်းစားမိပါရေ။ ကျောင်းကနိန်သင်ပီးလိုက်တေ ပြိုင်ဆိုင်
လိုစိတ် သူ့ထက်ငါ ဆိုရေ စိတ်တိနန့် အလုပ်လုပ်ယင်း ၊ရုန်းကန်လှုပ်ရှားယင်း ၊
လူတိအများကြီးကြားမှာ ကျင်လည်ယင်းနန့် ကျောင်းကနိန်ပါလာရေ "အငုံစိတ်”တိကို ကောင်းကောင်းကြီး ပြန်လျှော်ဖွတ်ယူနိန်ရရေမလားဂူးလို့တောင် တွေးမိပါရေ။ နိုင်ငံရပ်ခြားတိမှာ ကိုယ်ဝါသနာပါစွာ၊ အားသာရေ ဇာအရာမဆို ဖေသာရဖို့ အခွင့်အလန်း ရှိရေဆိုကေလေ့ ကျနော်ရို့မှာကျရေခါ ဆရာဝန်၊စစ်ဗိုလ်နဲ့ စီးပွားရေးသမားကလွဲကေ ကျန်စွာ ဇာပင် ဖြစ်မြောက်အောင်လုပ်လုပ် ခွေးဖြစ်ချင်နိန်လာဆိုရေ မိန်းခွန်းမျိုး တစ်ခါမဟုတ်တစ်ခါ အမိန်းခံခရရေ
လူတိရှိပါဖို့။
ဇာနေရာမှာကြည့်လိုက်လိုက် "ငါးတိစွာ အပင်ကိုတက်ပနာ မျောက်တိ
ရီကူးနိန်ကတ်စွာကို ကျနော်ရို့တွီးရကတ်လိမ့်မေ။
"ရီထဲမှာဆိုကေ ကောင်းအလှပချေ ရီးကူးနိုင်ရေ ငါးချေတိ ပလေ...
"အပင်ထက်မှာဆိုကေ တစ်ကိုင်းကနိန်တစ်ကိုင်
အလွယ်ချေနန့် ခုံကူးပြီးလားနိုင်ရေ မျောက်ချေတိပလေ.......”
တဖြည်းဖြည်းကျနော် သဘောပေါက်လာရေ။ ငါက တော်ရေ ...၊ သူက ညံ့ရေ။
ငါက ညံ့ရေ ၊ သူက တော်ရေ ဆိုစွာမျိုးမရှိပါ။ တော်ပုံတိမတူကတ်စွာ...။ ညံ့ပုံချင်းမတူကတ်စွာပဲရှိပါရေ။
ဒေကတစ်ဆင့် ငါက အနိန်အထိုင်အီးရေ သူကတော့ဖဖြတ်ကြီးတက်လို့
ငါကတော့ စကားကို ဒဲ့ပဲပြောတတ်တေ။ သူက ဝေ့ဝိုက်ပြောရေ စသည်ပလေ
ဒေပိုင်မျိုးတွေးရေ ကျနော်ရို့အတွေးတိစွာ မှားတွေးမိနိန်ကတ်စွာပါ။ အတွေးရှုထောင့်ချင်မတူကတ်စွာရာဖြစ်ပါရေ။
လူဆိုစွာ ကိုယ်နဲ့နီးစပ်တေ အပြုအမှု အပြောအဆို အနိန်အထိုင်ကို ကောင်းတယ်လို့မြင်တတ်ကတ်တေ။ ကိုယ်နန့်အလှမ်းတီးရေ လူတိ ၊ အရာတိကို မကောင်းကတ် ၊ မမှန်ကန်ကတ်လို့ မြင်တတ်ကတ်ပါရေ။
သတိထားမိသလောက် ကျနော်ရို့တိစွာ
မတူညီစွာကို သတိပြုနိုင်မှု နည်းကတ်စွာကိုတွီ့ရပါရေ။
အမှန်လက်တွီ့ဘဝမှာ မတူစွာတိကို ကြည့်တတ် မြင်တတ် လက်ခံတတ်မှ ဘဝက
နိန်ထိုင်လို့ ပိုပနာအဆင်ပြေပါဖို့။
Diverse Flexibility) လို့ခေါ်ရေ ကွဲပြားစုံလင်သော နည်းလမ်းများဖြင့် ပြောင်းလွယ်ပြင်လွယ် ရှိဖို့လိုအပ်ပါရေ။
မတူစွာက ပြဿနာမဟုတ်ပါ။ မတူစွာကို မတူမှန်းမသိဘဲ အတင်း အားတမတူရေထင်ပြီးကေ ကိုယ့် Language အတိုင်း ဆက်ဆံမိနိန်တတ်စွာတိက ပြဿနာဖြစ်ပါရေ။
LMT-Mindset
