26/08/2026
မြန်မာသံရုံး ၃ ခုက PV ပတ်စပို့စ် သက်တမ်းတိုးမှုဆိုင်းငံ့ထားပြီး အခြေနေကို၂လ စောင့်ကြည့်ရမှာပါ
၂၀၂၆ ခုနှစ်၊ ဩဂုတ်လ ၂၆ ရက်
ထိုင်း၊ ဩစတြေးလျနဲ့ စင်ကာပူနိုင်ငံရှိ မြန်မာသံရုံးတွေမှာ PV (Passport for Visit) ပတ်စပို့စ်သက်တမ်းတိုးပေးမှုတွေ ရပ်ဆိုင်းလိုက်ပြီ ဖြစ်ပါတယ်။
ဩစတြေးလျရှိ မြန်မာသံရုံးက ဩစတြေးလျ၊ နယူးဇီလန်နဲ့ ပါပူဝါနယူးဂီနီမှာ PV ပတ်စပို့စ်နေထိုင်သူတွေအတွက် သက် တမ်းတိုးပေးတော့မှာမဟုတ်ကြောင်း အသိပေးကြေညာထားပါတယ်။
အလုပ်သမားသုံး PJ ပတ်စပို့စ်တွေကိုတော့ သက်တမ်း ၆ လကျန်ချိန်မှသာ သက်တမ်းတိုးလျှောက်ထားနိုင်မှာဖြစ်ပြီး၊ PE နဲ့ PT အမျိုးအစား ပြောင်းလဲလိုသူတွေအနေနဲ့ စာအုပ် သက်တမ်းမကုန်မီ ၁၂ လ ကြိုတင်လျှောက်ထားရမှာ ဖြစ်ပါတယ်။
စင်ကာပူနိုင်ငံမှာလည်း ဩဂုတ် ၂၅ ရက်ကစပြီး PV ပတ်စ်ပို့ သက်တမ်းတိုးလျှောက်ထားမှုတွေကို လက်ခံမပေးတော့ဘဲ ပြန်လည်ပေးပို့နေတယ်လို့ သိရပါတယ်။
ထိုင်းနိုင်ငံ ဘန်ကောက်မြို့ရှိ မြန်မာသံရုံးကလည်း ဩဂုတ် ၁၉ ရက်နေ့ကစတင်ပြီး PV ပတ်စ်ပို့ကို အခြားအမျိုးအစား ပတ်စပို့စ်အဖြစ် ပြောင်းလဲသက်တမ်းတိုးပေးခြင်းကို ရပ်ဆိုင်းထားပါတယ်။
ပြည်ပနိုင်ငံအသီးသီးမှာရောက်ရှိနေတဲ့ မြန်မာနိုင်ငံသားတွေအနေနဲ့ နိုင်ငံကူးလက်မှတ် ပတ်စ်ပို့နဲ့ပတ်သက်တဲ့ ကိစ္စရပ်တွေသိရှိစေဖို့ သက်ဆိုင်ရာ မြန်မာသံရုံးတွေရဲ့ တရားဝင်ထုတ်ပြန်ချက်တွေကို စောင့်ကြည့်ဖို့လိုအပ်ပါတယ်။
#မြဝတီမဲဆောက်မီဒီယာ
Credit to original
