29/11/2025
ပြီးခဲ့တဲ့ရက်ပိုင်းမှာ ကျွန်တော် မြင်ခဲ့ ကြုံခဲ့ရတဲ့ ပြဿနာတစ်ခုပေါ့ဗျာ။ Client တစ်ဦးနဲ့ ကျနော့်ကြားမှာ ဖြစ်ခဲ့တာရယ်၊ ကျနော်နဲ့ WFH ဝန်ထမ်းတစ်ဦးရယ် ပြောဖြစ်ခဲ့တဲ့ စကားတချို့ကို ပြန်ဆန်းစစ်ရင်း ဒီ Article လေးကိုရေးဖြစ်ခဲ့ပါတယ်။
Freelancer တွေ Agency တွေကို လုပ်ငန်းတစ်ခုက အလုပ်အပ်လိုက်တာနဲ့ အဲ့ Freelancer or Agency က လုပ်ငန်းရဲ့ ဝန်ထမ်း ဖြစ်မသွားပါဘူး။ ဒါကို အလုပ်အပ်သူတွေဘက်ကလဲ Freelance / Agency / Remote / WFH စတာတွေကို ကွဲပြားနေဖို့လိုပါတယ်ဆိုတဲ့ အကြောင်းလေး တိုတိုတုတ်တုတ်ပြောချင်လို့ပါ။
Remote နဲ့ WFH ဆိုတာကတော့ လုပ်ငန်းရဲ့ လခပေး ဝန်ထမ်းအဖြစ်ခန့်အပ်ထားတာမို့လို့ ရုံးချိန်နဲ့တကွ အလုပ်လုပ်ပေးရမယ့်တာဝန် JD ထဲမှာပါပါတယ်။ Agreement စယူတဲ့အချိန်မှာ မနက်ဘယ်အချိန်ကနေ ညနေ ဘယ်အချိန်အထိ အလုပ်ရှိခြင်းမရှိခြင်းအပေါ် လုံးဝမသက်ဆိုင်ဘဲ Stand By နေပေးရမယ့်တာဝန်ရှိပါတယ်။ အလုပ်ပေါ်လာရင်တော့ အလုပ်ကို Timeline အမီလုပ်ပေးရမှာပေါ့လေ။ Remote Job ကတော့ မနက် ၉ ညနေ ၅ ရုံးချိန်အတိုင်း လုပ်ရလေ့ရှိပြီး Work From Home ကတော့ Company နဲ့ ညှိနှိုင်းပြီး Part Time or Full Time ရုံးချိန်ယူရတာမျိုးရှိနိုင်ပါတယ်။ နောက်ပြီး နားချိန် ပိတ်ရက် စတာတွေကလဲ ရုံးကပဲ စီစဉ်တာဝန်ယူပေးရတာဖြစ်ပြီး အလုပ်နားချင်ရင် ရုံးကိုခွင့်တင်ရတာမျိုးအထိ ရုံးဝန်ထမ်းတစ်ဦးလို အလုပ်လုပ်ကြရပါတယ်။ တချို့ Remote / WFH တွေက တစ်ပတ်ကို ၂ ရက်လောက် ရုံးသွားထိုင်ပေးရတာမျိုးအထိလဲ ရှိတတ်ပါတယ်။ ဒီမှာကတော့ တချို့ WFH ဆိုပြီး Freelancer တွေလိုမျိုး Freelance လုပ်ပေးနေသလိုမျိုး အလုပ်လုပ်ချင်တဲ့ / လုပ်နိုင်တဲ့အချိန်မှ လုပ်ပေးနေတာမျိုးတွေလဲ တွေ့ကြုံခဲ့ရဖူးပါတယ်။ ဒါကသတိပြုသင့်တာလေးပါ။
Freelancer ကျတော့ အလုပ်လက်ခံတာလဲ ကိုယ်တိုင်လုပ်ရမယ်၊ Timeline ကလဲ ကိုယ်ကပဲသတ်မှတ်ပြီး Client နဲ့ ညှိနှိုင်းထားတဲ့ အခကြေးငွေကို စရံယူ အလုပ်လုပ်တတ်ကြပါတယ်။ အဲ့ဒီတော့ ထပ်တိုးလိုအပ်တဲ့ Information , Feedback, Deadline or Presentation Date မရောက်မချင်း မလိုအပ်တဲ့ ဆက်သွယ်မှုမျိုးတွေ သိပ်မလုပ်တတ်ကြပါဘူး။ ဒါပေမယ့် ကျနော်တို့ဆီမှာ အခုချိန်အထိ လုပ်ငန်းရှင်တချို့က Freelancer ကို အလုပ်အပ်ပြီးရင် Freelancer ကို သူတို့ရဲ့ ဝန်ထမ်းဖြစ်သွားတယ်လို့ ထင်မြင်ယူဆတတ်ကြပါတယ်။ မနက်ဆိုလဲ ဖုန်းဆက် ညသန်းခေါင်လဲဖုန်းဆက် Freelancer ရဲ့ ကိုယ်ရေးကိုယ်တာအချိန်တွေကိုပါ တခါတရံ အနှောင့်အယှက်ပေးတာမျိုးတွေအထိ လုပ်တတ်ကြတာမျိုးရှိပါတယ်။
Freelancer တွေဟာ လုပ်ငန်းသဘောသဘာဝ ငွေကြေးစီမံမှု အလုပ်ပြီးမြောက်ရေးအချိန်စီမံမှု စသဖြင့် Soft Skill တွေ လေ့လာထားကြရတဲ့အပြင် တစ်ချိန်တည်းမှာ Project ၃ ခု ၄ ခု လုပ်ငန်း ၂ ခု ၃ ခု တွေအထိ တစ်ပြိုင်တည်း အလုပ်လုပ်တတ်ကြပါတယ်။ အလုပ်စလက်ခံရင်လဲ ဘယ်အချိန်မှာ အလုပ်ပြီးမြောက်ပါမယ်ဆိုတာမျိုး Client နဲ့ ကြိုတင်ညှိနှိုင်းထားရလေ့ရှိပါတယ်။ အဲ့ဒီတော့ ကိုယ်ရေးကိုယ်တာအရ ကတိမတည်နိုင်တဲ့အခါမျိုးဆိုရင် Discount ပေးတာ တောင်းပန်တာတွေကအစ တာဝန်ယူရတာမို့ တာဝန်လဲကြီးပါတယ်။
ဒါကြောင့် Freelancer ကို Rental Worker မဟုတ်ဘဲ One-Man Agency လိုမြင်ပေးသင့်ပါတယ်။
နောက်တစ်ခုက Agency ပါ။ Agency ဆိုတာ Service Company တစ်ခုပါ။ အလုပ်သမားအဖွဲ့မဟုတ်သလို အလုပ်အပ်တဲ့ Client ရဲ့ အငှါးဝန်ထမ်း အဖွဲ့လဲ မဟုတ်ပါဘူး။ Agency မှာ Organization Structure ရှိပြီး အလုပ်လုပ်ပေးနိုင်တဲ့ Team တွေ Member တွေလဲ ခွဲထားတာမျိုးရှိနိုင်ပါတယ်။ Client ကတော့ Meeting အတူထိုင်တဲ့ AE or AD တို့နဲ့ပိုပြီးထိတွေ့ရပေမယ့် နောက်ကွယ်က အင်အားက အတော်လေးပိုပြီး လုပ်ကြရတာမျိုးရှိပါတယ်။ ဆိုတော့ Agency ဟာ Client ရဲ့ လုပ်ငန်းအတွက် အထောက်အကူပြုတဲ့ လုပ်ငန်းတစ်ခုပဲမို့ မိတ်ဖက်လုပ်ငန်းလို့ခေါ်လို့ရနိုင်ပါတယ်။ Agency ကတော့ လူအင်အားပိုတောင့်တော့ သူ့တာဝန်နဲ့သူ အလုပ်တွေလုပ်ကြတာမျိုး Freelancer လို တစ်ယောက်ထဲ တာဝန်ပိနေတာမျိုး သိပ်မရှိတတ်ပါဘူး။ Agency နဲ့ Client ကတော့ Business to Business (B2B) Relationship ဖြစ်ရမှာပါ။
ကျနော်တို့ရဲ့ ရှုပ်ထွေးလာတဲ့ နိုင်ငံရေးအခြေအနေတွေ နောက်ပိုင်းမှာ လုပ်ငန်းရှင်တွေက အထက်ပါ မတူညီတာတွေကို ထည့်မတွက်ကြတော့ဘဲ ငွေပေးခိုင်းထားတာမို့လို့ သူတို့ရဲ့ အလုပ်သမားပဲဆိုပြီး ပြန်လည်ယူဆလာတာကိုတွေ့ရသလို Remote / WFH တွေလုပ်နေတဲ့ ဝန်ထမ်းတချို့ကလဲ Freelance လုပ်နေသည့်အလား အချိန်ပြည့် အပြင်ရောက်နေတာမျိုးတွေပါ ကြားရတွေ့ရ မြင်ရလာခဲ့တာ မနည်းတော့သလိုပါပဲ။
နိဂုံးအနေနဲ့ကတော့ Client တွေ လုပ်ငန်းရှင်တွေဘက်ကလဲ ကျနော်တို့ Creative လောကသားတွေကို Title အလိုက် ခွဲခြားမြင်ပေးကြဖို့ရယ် ကျနော်တို့ Creative သမားတွေဘက်ကလဲ ကိုယ့်တာဝန်နဲ့ ဝတ္တရားတွေကို တိတိကျကျ သိနေ ဆန်းစစ်နေဖို့လဲ လိုအပ်နေပြန်ပါပြီဆိုတဲ့အကြောင်း...
with peace ✌️
You can leaves you thoughts in the comments.
Comment မှာ မိတ်ဆွေရဲ့ အထင်အမြင်လေးလဲရေးသွားနိုင်ပါတယ်။
