Sai Moon's Design

Creative Design Blog by Sai Moon (Founder of Bixel, Typeface Designer at One Type). Join Our Sub Reddit Channel : www.reddit.com/r/logodesign_myanmar/

31/10/2025

Stranger Things - Netflix TV Series Myanmarize Title

မကြာခင် Stranger Things ဇာတ်လမ်းတွဲရဲ့ နောက်ဆုံး Season ကို Netflix မှာ ကြည့်ရတော့မှာပါ။ Hawkins မြို့မှာ ဇာတ်အိမ်တည်ထားတဲ့ ဒီ သည်းထိတ်ရင်ဖို သိပ္ပံစိတ်ကူးယဉ်ဇာတ်လမ်းတွဲလေးဟာ ဒီနှစ် November 26 ရက်နေ့မှာ Part 1 စလွှင့်ပြီး Christmas မှာ Part 2 လွှင့်ရင်း New Year's Eve ဖြစ်တဲ့ December 31 ရက်နေ့မှာ ဇာတ်သိမ်းမှာဖြစ်ပါတယ်။

Rifts တွေကြောင့် ကြေမွနေသလောက်ဖြစ်နေပြီဖြစ်တဲ့ မြို့ကြီးကို ကယ်တင်ကြဖို့အတွက် Vecna ကို ရှာဖွေပြီး အဆုံးသတ်ကြရမှာပါ။

ဒါ့အပြင် Season 1 ကတည်းက မေးခွန်းထုတ်ခံထားရတဲ့ UpsideDown ဆိုတာဘာလဲ Will Byers ကို ဘာလို့ဖမ်းဆီးခေါ်ဆောင်သွားခဲ့ရတာလဲ Eleven ရဲ့ အဓိကရည်ရွယ်ချက်ကရော ဘာလဲ စသဖြင့်စသဖြင့် အကုန်ဖြည်ချပေးသွားမယ့် Season လဲဖြစ်သလို အကောင်းဆုံး အဆုံးသတ်မှုတွေနဲ့ ပရိတ်သတ်တွေကို နှုတ်ဆက်သွားမယ့် Stranger Things Season ပဲဖြစ်ပါတယ်။

Halloween အမှတ်တရအနေနဲ့ Stranger Things ကို Brand Recognition လဲမပျောက်အောင်လို့ Transliteration ဖြစ်တဲ့ အသံထွက်အခြေခံတဲ့ ဘာသာပြန်မှုမျိုးကိုပဲ သုံးပြီး စထရိန်းဂျား သင်းစ် လို့ Myanmarize Title လေး ဖန်တီးလိုက်ပါတယ်ခင်ဗျ

#မြန်မာ

30/10/2025

回魂計 The Resurrected - Netflix TV Series Myanmarize Title - Timelapse Video

#မြန်မာ #回魂計

28/10/2025

回魂計 The Resurrected - Netflix TV Series Myanmarize Title

ကျနော်တို့ရဲ့ ငယ်ဘဝတုန်းက Action ရုပ်ရှင် So Close ထဲက မင်းသမီးကြီး Shu Qi ရဲ့ Netflix ထိုင်ဝမ် ဇာတ်လမ်းတွဲ အသစ်ဖြစ်တဲ့ The Resurrected ကို October 9 ရက်နေ့က Episode 9 ပိုင်းလုံး Release လုပ်ခဲ့ပါတယ်။

ဇာတ်လမ်းကတော့ (စိတ်ကူးယဉ်ဖန်တီးထားတဲ့) Benkha ဆိုတဲ့မြို့မှာ အခြေတည်ထားပြီး ကျားဖြန့်ကြောင့် လိမ်လည်မှု ပြန်ပေးစွဲခံရမှုတွေကြားမှာ Coma ဖြစ်သွားတဲ့ သမီးရဲ့ မိခင်နဲ့ သမီးဖြစ်သူ သေဆုံးသွားခဲ့ရတဲ့ မိခင်တို့ ၂ ဦးရဲ့ လက်စားချေတဲ့ အကြောင်းဖြစ်ပါတယ်။ နယ်စပ်ရွာတစ်ခုမှာ သေသူကို ၇ ရက်တာ အသက်ပြန်သွင်းနိုင်တဲ့ နတ်ဝင်စားရဲ့ အကူအညီနဲ့ အစိုးရလက်ထဲမှာ သေဒဏ်ပေးခံရပြီးတဲ့ ကျားဖြန့်ခေါင်းဆောင်ကို အသက်ပြန်သွင်းပြီး လက်စားချေ နှိပ်စက်ရင်း သူတို့သမီးတွေရဲ့ နောက်ကွယ်က သူတို့ကိုယ်တိုင်မသိလိုက်ရတဲ့ နက်နဲတဲ့ လျို့ဝှက်ချက်တွေ ကျားဖြန့်ခေါင်းဆောင်ရဲ့ မိသားစုထဲက အဆက်အသွယ် အရှုပ်အထွေးတွေအပြင် Plot Twist ပေါင်းများစွာနဲ့ ဇာတ်ရှိန်တွေတက်လိုက်ကျလိုက်နဲ့ ၉ ပိုင်းလုံးကို ဆွဲခေါ်သွားနိုင်တဲ့ ထိုင်ဝမ် TV Series တစ်ခုပါ။

回魂計 ကိုတိုက်ရိုက် ဘာသာပြန်ရင် ဝိဉာဉ်ပြန်ခေါ်နည်း လို့ အဓိပ္ပာယ်ရပြီး The Resurrected ကို ဘာသာပြန်ရင် ပြန်လည်ရှင်သန်ခြင်း ဆိုတဲ့ အဓိပ္ပာယ်ကိုရပါတယ်။ ကျနော်ကတော့ စာလုံး ၃ လုံးလောက်နဲ့ပဲ ပြန်ဖန်တီးဖို့ စိတ်ကူးထားတာမို့လို့ ၇ ရက်တာအသက်ပြန်ရှင်လာတာမို့လို့ 'သေရွာပြန်' ဆိုပြီး Myanmarize Title လေးဖန်တီးဖြစ်ခဲ့ပါတယ်။

#မြန်မာ #回魂計

24/10/2025

i-dle 'どうしよっかな (Where Do We Go)' - Music Video Myanmarize Title (Timelapse)

#မြန်မာ

17/10/2025

i-dle 'どうしよっかな (Where Do We Go)' - Music Video Myanmarize Title

K-Pop Idol Group တွေထဲက ကျနော် နားထောင်တဲ့ Group တစ်ခုဖြစ်တဲ့ i-dle ရဲ့ "どうしよっかな" (Where Do We Go) M/V ကို Myanmarize Title လေး ပြန်ဖန်တီးထားပါတယ်ခင်ဗျ။

Japanese Title ထဲက "どうしよっかな" (Dōshiyokkana) ကို ဘာသာပြန်ရင် "ဘာလုပ်ရပါ့မလဲ" လို့အဓိပ္ပာယ်ရပေမယ့် သီချင်းရဲ့ Where Do We Go ကိုပါယူပြီး "ဘယ်ဆီကိုသွားမလဲ" ဆိုတာကိုပါတွဲပြီး ၂ မျိုးလုပ်ဖြစ်သွားပါတယ်။

#မြန်မာ

29/09/2025

Alice in Borderland - TV Series Myanmarize Title

Alice in Borderland Season 3 ကြည့်ပြီးကြလောက်ပြီထင်ပါတယ်နော်။

Season 2 နဲ့အဆုံးသတ်လိုက်လို့ရခဲ့ပေမယ့် Alice in Borderland Fans တွေရဲ့ အားပေးမှုကြောင့် True Fans Service ပေးထားတဲ့ Season 3 လေးပါ။ AIB Manga Fans တွေအတွက်လဲ အတော်လေး ကျေနပ်အားရစရာကောင်းလောက်အောင် Manga မှာ အစောပိုင်းတွေမှာပါခဲ့တဲ့ Game တွေကိုလဲ သေချာ ပြန်ထည့်ပေးထားပြီး Season 3 ရဲ့ Episode တိုင်း Storyline တွေကလဲ အတော်လေး အားရစရာကောင်းခဲ့ပါတယ်။

ဒီ Title လေးကိုတော့ ကျနော် မူရင်း ဂျပန် Title "今際の国のアリス " ကိုပဲအခြေခံပြီး ဘာသာပြန်ဖြစ်ခဲ့ပါတယ်။ "သေဆုံးခြင်းနယ်မြေပေါ်က အာရိဆု" လို့ အဓိပ္ပာယ်ဖွင့်နိုင်တဲ့ မူရင်း Title ကို အခြေခံပြီး "မရဏနယ်မြေထဲက အာရိဆု" လို့ Myanmarize Title လေးလုပ်ဖြစ်ထားပါတယ်ခင်ဗျ။

# #မြန်မာ

17/09/2025

Sai Moon's Design ရဲ့ "လေဖန်ကြမယ် Podcast"

October လထဲမှာ ပြန်လာပါတော့မယ်။ Industry Insight တွေ, လတ်တလော Design Trend တွေ, A.I. နဲ့ နှစ်ပါးသွား Designer အကတွေအပြင် တဖြည်းဖြည်း ပြန်လည်မှားယွင်းလာနေပြီဖြစ်တဲ့ Client တွေရဲ့ Design ယူဆချက်တွေ အပါဝင်
Knowledge Sharing တွေရယ် Design နဲ့ပတ်သက်တာတင်မကဘဲ Illustration တွေရော ဟိုဟိုဒီဒီ အကြောင်းအရာပေါင်းစုံရော စုံစီနဖာ ရောက်တတ်ရာရာ "လေဖန်ကြမယ် Podcast" လေးကို October လကနေစပြီး ပြန်လုပ်ဖို့စီစဉ်နေပါပြီခင်ဗျ။

Pre Recorded Podcast Video တွေအပြင် Live Podcast တွေပါလုပ်နိုင်အောင် စီစဉ်ထားပြီး Guest တွေကိုပါ အလှည့်ကျ ခေါ်ပြီး လေဖန်သွားဦးမှာမို့လို့ စောင့်မျှော်ပေးကြပါဦးခင်ဗျာ

12/09/2025

အစ်ကိုဆွဲ ကျနော်ဘေးကထိုင်ကြည့် Design Service 😝

Fees - 1000 USD

08/09/2025

Communication Psychology - Episode 01

Intro ပြီးခဲ့ပြီဆိုတော့ အပိုင်း ၁ ပေါ့နော်။

ကျနော်တို့ အရေးတကြီးလိုအပ်တဲ့ အရာကဘာဖြစ်မလဲ။
Client Communication ပါပဲ။

Client တွေနဲ့ စကားပြောစရာမလိုဘဲနဲ့ Communication ဘယ်ကနေစလုပ်ကြမလဲ။ ရုပ်ရှင်တစ်ကားလို/ စာအုပ်တစ်အုပ်လိုပါပဲ ကျနော်တို့ အတွက် အဖွင့်စာမျက်နှာကလဲ အရေးကြီးပါတယ်။ ဒါကြောင့် Client ရှေ့မှာ ကိုယ့်ကိုယ်ကို ဘယ်လို Present လုပ်မလဲ။ Client က ကိုယ့်ရဲ့ မျက်နှာဖုံးကို မြင်တာနဲ့ အတွင်းစာမျက်နှာ အထိ လှန်လျောကြည့်အောင် ဘယ်လို လုပ်ကြမလဲ။ Client က ကိုယ့်ရဲ့ အပြင်အဆင်ကိုကြည့်ပြီး ယုံကြည်စိတ်ချစွာနဲ့ အလုပ်အပ်ဖို့အတွက် ဘယ်လိုမျိုး Trust ရယူမလဲဆိုတာတွေကလဲ Communication Psychology ရဲ့ အရေးအကြီးဆုံး အဖွင့်ပါပဲ။

Client က ပထမဆုံးဘာကြည့်မလဲ?
၁. ကိုယ့်ရဲ့အခင်းအကျင်း

Client တွေက အလုပ်စအပ်ဖို့အတွက် Designer တစ်ယောက်ကို ရွေးချယ်တော့မယ်ဆိုရင် ပင်လယ်ပြင်ကြီးထဲကလို များပြားလှတဲ့ ငါးပေါင်းစုံထဲက မျက်စိတွေ့တဲ့ ငါးတစ်ကောင်ကို ရှာဖမ်းရသလို ရွေးကြမှာပါ။ အခုနောက်ပိုင်းဆိုရင် Social Media Page/ Portfolio Website/ LinkedIn Profile/ Behance Profile စသဖြင့်ပေါ့။

အဲ့လိုနေရာတွေမှာ ကိုယ့်ရဲ့ Design Life မျက်နှာဖုံးကို ဘယ်လိုခင်းကျင်းထားသလဲ။
အများစုကတော့ ကိုယ်လုပ်ဖူးတဲ့ Design ပေါင်းများစွာကို စီကာပတ်ကုံး ရှုပ်ယှက်ခတ်နေအောင် ပြသထားတတ်ကြပါတယ်။ Social Media Service တလှည့် Logo/ Brand Identity တလှည့် ကြားထဲ ပုံဆွဲထားတာကတလှည့် Typography Design/ Lettering Design ကတဖုံနဲ့ နောက်ပြီး Knowledge Sharing ကလဲ လုပ်ချင်သေးတော့ အဲ့ဒါတွေပါ ခင်းကျင်းထားမိကြမှာပါ။

ကိုယ့် Service Page ရဲ့ နာမည်က ထူးခြားနေလား? ရိုးအီစရာကောင်းလောက်တဲ့ နာမည်တွေဖြစ်တဲ့ ဘာ Design Service/ ဘာ Creative/ ဘာ Designer ဆိုပြီး နာမည်တပ်ထားတာမျိုးအပြင်ကိုမှ ကိုယ်ပေးနေတဲ့ Service တွေ အရောင်ပေါင်းသောင်းခြောက်ထောင် ဖြစ်သလို Shuffle လုပ်ပြီး ပြနေတာမျိုးဆိုရင် Communication Psychology အရ Client က ကျော်ပြီး ခွပြီး ဖြတ်ကြည့်သွားတတ်ပါတယ်။

ဥပမာ - ဈေးထဲမှာ ကြက်သားသည်တွေချည်း စုနေတဲ့ နေရာဆိုပါစို့။ ကြည့်လိုက်တာနဲ့ အကုန်လုံးက ကြက်သားတွေချည်းပဲရောင်းနေကြတာ။ ဒါပေမယ့် တနေရမှာတော့ ဈေးဝယ်တွေ အနည်းငယ် စုပြုံပြီး ရှိနေတာတွေ့လိုက်ရတယ်။ သူဘာထူးခြားနေလို့လဲ။ အနီးကပ်သွားကြည့်လိုက်တော့မှ သူဟာ ကျန်တဲ့ ဈေးသည်တွေနဲ့မတူဘဲ အမွှေးအမျှင်နုတ်နေသူက သပ်သပ်၊ အသားအပိုင်းတွေ ခွဲနေသူက သပ်သပ်၊ ခင်းကျင်းထားတာကလဲ တောင်ပံ၊ ပေါင်၊ ရင်အုံ၊ ခေါင်း၊ ကလီစာတွေက သပ်သပ်စီနဲ့ ဈေးဝယ်တွေခမျာ ကိုယ်လိုချင်တာလေးလက်ညိုးလေးထိုးပြီး ရွေးဝယ်လို့ရတော့ စနစ်ကျနေတဲ့ ဒီဈေးသည်ဆီမှာ လူစုနေကြတာပါပဲ။

ကျနော်တို့က ဘာကို အဓိကလုပ်ပြချင်တာလဲ? ဘာ Service ကို အဓိကလာအပ်စေချင်တာလဲဆိုတာတွေအပေါ်မှာ ကိုယ့်ရဲ့ အခင်းအကျင်းကို သေသေချာချာလေး ပြင်ဆင်ဖို့လိုကြပါတယ်။ အခုမှ Design စဆွဲတာမို့လို့ Portfolio တွေ Page တွေမှာ ပြစရာမရှိသေးဘူးလို့ဆိုရင်လဲ သင်တန်း Assignment တို့ YouTube ကြည့်ပြီးလေ့ကျင့်ထားတာတို့တွေထက် Real Life Brand တွေကို လိုက်ကြည့်ပြီး Research & Study အနေနဲ့ ကိုယ့်စိတ်ကူး ကိုယ့်အတွေးအမြင်နဲ့ ပြန်ဆွဲထားတဲ့ Design Project တွေပြတာမျိုးပေါ့။ ဒါတွေဟာ ကိုယ့်ရဲ့ အလုပ်အပေါ် ဘယ်လောက်ထိ စိတ်အားထက်သန်သလဲ ဘယ်လောက်ထိ လုပ်ရည်ကိုင်ရည်ရှိသလဲ ဘယ်လောက်ထိတွေးခေါ်နိုင်သလဲဆိုတာတွေကို ထုတ်ပြပေးနိုင်တာမို့လို့ Client တွေက သဘောကျတတ်ကြပါတယ်။

Logo/ Brand Identity များများ အပ်စေချင်တယ်ဆိုရင် ကိုယ့်အခင်းအကျင်းပုံစံနဲ့ကိုယ် ဆွဲခဲ့ဖူးတဲ့ Logo တွေ Brand Identity တွေကို စနစ်တကျလေး ကိုယ့်ပုံစံနဲ့ ပြနေလို့ရသလို၊ Social Media Design ကိုများများ လာအပ်စေချင်တယ်ဆိုရင် ကိုယ်က Brand တစ်ခုအတွက် ဘယ်လို Brand Guideline နဲ့အညီ Brand Tone နဲ့ အညီ Color တွေ Concept တွေ Tone တွေကိုကို စနစ်တကျ အသုံးချပြီး ဖန်တီးပေးတယ်ဆိုတာမျိုးပြပေးသင့်ပါတယ်။ ကိုယ်ဆွဲထားတဲ့ Design တွေကတော့ ဒါတွေပဲဆိုပြီး ပုံ ၈ ပုံလောက်ကို ဗြောက်တောက် Group ဖွဲ့ပြီးပြတာမျိုးမဟုတ်ဘဲနဲ့ပေါ့။

ဒါက အခင်းအကျင်းအပိုင်းပါ

၂. ကိုယ့်ရဲ့ Characteristic

Communication Psychology Introduction အပိုင်းမဖတ်ရသေးရင် Page ရဲ့ Search ကနေ Communication Psychology လို့ အလွယ်တကူရှာပြီးဖတ်လို့ရပါတယ်ခင်ဗျ