18/09/2025
ချန်ပီယံလိဂ် အဖွင့်ပွဲမှာ ရှုံးသင့်လို့ ရှုံးသွားတဲ့ ချယ်ဆီး
=============
ပွဲအစပိုင်းမှာ ချယ်ဆီးအသင်းဟာ ဘိုင်ယန်ကို အတိုင်းအတာ တစ်ခုအထိ ထိန်းချုပ်ကစားနိုင်ခဲ့ပါတယ်၊ ပထမဂိုးကတော့ ဒိုင်ရဲ့ ဂယောက်ဂယက်ကြောင့် တစ်စိတ်တစ်ပိုင်းပါသလို၊ ကိုယ့်အသင်းရဲ့ နောက်တန်းကလည်း ပေါ့လျော့တယ်ဆိုတာထက် သတိအားနည်းတယ်လို့ပဲ ပြောချင်ပါတယ်။
ဒုတိယပေးလိုက်ရတဲ့ ဂိုးကတော့ အရမ်းတော့ မလိုအပ်ဘူးလို့ ပြောမယ်ဆိုရင် ပြောလို့ရပေမယ့် အဲဒါက ဟယ်ရီကိန်းလေ၊ ဆိုတော့ ကစားပုံက သူ့ဟာနဲ့ သူအဆင်ပြေပေမယ့် မလိုအပ်တဲ့ အမှားတွေကပဲ ဂိုးပေးလိုက်ပါတယ်။
ပါးမားဟာ ပါးမား ပီသစွာနဲ့ ဘယ်လိုကစားသမားလဲ ဆိုတာကို ပြခဲ့တယ်၊
၂-၁ မှာ ပြန်လာဖို့ အများကြီးမျှော်လင့်နိုင်သေးတဲ့ အခြေအနေကနေ နောက်ထပ် အမှားကနေ ဂိုးတစ်ဂိုးထပ်ပေးလိုက်ရပါတယ်။
အက်စတီဗာအို ကို ဒီထက် နည်းနည်းပိုစောပြီးထည့်သင့်တယ်လို့ မြင်တယ်၊ ကျန်တာကတော့ အများကြီးပြောစရာမရှိပါဘူး။
တူတူတန်တန် ယှဉ်ကစားနိုင်တယ်ဆိုပေမယ့် အခွင့်အရေးအချို့ကို အသုံးမချနိုင်သလို၊ ဆန်းချက်လည်း တော်တော်လေး လက်စွမ်းပြခဲ့တယ်လို့ ပြောနိုင်ပါတယ်။
ဒါပေမယ့် ဒီအရှုံးဟာ အဆုံးသတ်မဟုတ်သေးပါဘူး၊ ချန်ပီယံလိဂ်ရဲ့ အစပဲ ရှိပါသေးတယ်၊ အရှုံးတွေက သင်ခန်းစာယူပြီး နောက်ပွဲတွေမှာ ပိုကေင်းအောင် ကြိုးစားကြပါ အပြာကောင်တို့ရေ …
ဘရိုတို့ရဲ့ ခံစားချက် အမြင်တွေကိုလည်း Comment မှာ မျှဝေခဲ့ကြပါဦး
Admin @
