31/08/2025
ពេលខ្លះក៏ធ្លាប់គិតថា... ប្រសិនបើខ្លួនឯងកើតមកជាកូនអ្នកមានស្រាប់ ប្រហែលជាខ្លួនឯងមិនចាំបាច់ខ្វល់ខ្វាយ និងមានសម្ពាធរឿងរកលុយខ្លាំងពេកទេ។
ហើយប្រហែលជាខ្លួនឯងយកលុយដែលជាធនធានមានស្រាប់មកបង្កើតគោលដៅដែលខ្លួនចង់ធ្វើបាត់ទៅហើយ។ ប៉ុន្ដែពេលនេះ ត្រូវធ្វើការបណ្ដើរ រកលុយបណ្ដើរ ដើម្បីយកមកបង្វិលធ្វើអ្វីដែលខ្លួនឯងចង់ធ្វើ។
ប៉ុន្ដែគិតមកវិញ វាក៏ជារឿងល្អម្យ៉ាងដែរ ដែលពួកយើងកើតមកក្នុងគ្រួសារដែលមានជីវភាពមធ្យម ម្លោះហើយពួកយើងក៏ពុំអាចស្គាល់រសជាតិជីវិតច្រើនយ៉ាងនេះដែរ មានទាំងផ្អែម មានទាំងជូរ មានទាំងចត់មានទាំងភាពញញឹមជាមួយនឹង ជីវិតដែលប្រកបដោយភាពអត់ធ្មត់ ស្គាល់ជីវិតជាកូនចៅគេ ស្គាល់ជីវិតដែលចេះសន្សំសំចៃចាយខែនេះគិតខែក្រោយ ជីវិតដែលចង់បានអ្វីត្រូវប្រឹងប្រែងដោយខ្លួនឯង ជីវិតដែលខំប្រឹងធ្វើរឿង ២-៣ ក្នុងពេលតែមួយ ជីវិតដែលគ្មានថ្ងៃសៅរ៍អាទិត្យ🥺
ដូច្នេះហើយ ត្រូវរៀនចេះស្រលាញ់ជីវិតដែលខ្លួនមាន ហើយខំប្រឹងប្រែងបង្កើតជីវិតដែលខ្លួនចង់បានដោយឧស្សាហ៍ព្យាយាម នោះអ្នកនឹងមិនស្ដាយក្រោយនៅពេលចាស់ទៅ។
ស៊ូបន្តដំណើរទៅមុខទៀត ទោះយើងដើរយឺតតែយើងមិនឈប់ដើរ💪❤️
