เว็บไซต์คืออะไร?

https://www.facebook.com/359582048004066/

ZKo Vlog, Bangkok (2026)

04/06/2026

DTV နဲ့ ထိုင်းနိုင်ငံပြင်ပ ထွက်ပြီး ပြန်ဝင်မယ်ဆိုရင် သတိထားသင့်တဲ့ ကိုယ်တွေ့အတွေ့အကြုံ

ဒီ Page မှာ စာမရေးဖြစ်တာ တော်တော်ကြာပါပြီ။ Digital Marketing ပိုင်းကို အချိန်ပေးလေ့လာနေတဲ့အတွက် Vlog နဲ့ Content ရေးတာတွေ နည်းသွားခဲ့ပါတယ်။

ဒီနေ့တော့ DTV Visa ကိုင်ဆောင်ထားတဲ့ မိတ်ဆွေတွေ သတိထားနိုင်ဖို့ ကျွန်တော် ကိုယ်တိုင် ကြုံတွေ့ခဲ့ရတဲ့ အတွေ့အကြုံတစ်ခုကို မျှဝေချင်ပါတယ်။

အားလုံးသိကြတဲ့အတိုင်း DTV Visa နဲ့ နေထိုင်နေသူတွေဟာ သတ်မှတ်ကာလအလိုက် ထိုင်းနိုင်ငံပြင်ပ ထွက်ပြီး ပြန်ဝင်ကြတာ ရှိပါတယ်။

ဒီတစ်ခေါက်မှာတော့ ကျွန်တော် ဟိုချီမင်းမြို့ကို တစ်ညအိပ် ခရီးသွားခဲ့ပြီး ပုံမှန်အတိုင်း ထိုင်းနိုင်ငံကို ပြန်ဝင်ဖို့ စီစဉ်ခဲ့ပါတယ်။ အရင်ခေါက်တွေမှာလည်း အလားတူ ခရီးစဉ်တွေနဲ့ ပြန်ဝင်ခဲ့ဖူးပြီး ပြဿနာတစ်စုံတစ်ရာ မရှိခဲ့ပါဘူး။

ဒါပေမယ့် ဒီတစ်ခေါက်မှာတော့ အခြေအနေက နည်းနည်းကွဲသွားခဲ့ပါတယ်။

သုဝဏ္ဏဘူမိလေဆိပ် Immigration Counter ရောက်ပြီး ကျွန်တော့်အလှည့်ရောက်ချိန်မှာ Officer က Passport ကို စစ်ဆေးပြီးနောက် အခြားအရာရှိတစ်ဦးနဲ့ စကားပြောခဲ့ပါတယ်။ အဲ့ဒီနောက် Secondary Inspection Area လို့ ခေါ်တဲ့ သီးခြားစစ်ဆေးရေးနေရာတစ်ခုကို ခေါ်သွားခဲ့ပါတယ်။

ဘာကြောင့် ခေါ်သွားတာလဲဆိုတာကို မေးမြန်းခဲ့ပေမယ့် အဲဒီအချိန်မှာ တိကျတဲ့ အဖြေတစ်ခု မရခဲ့ပါဘူး။

အဲ့ဒီနေရာမှာ Form တစ်ခု ဖြည့်ခိုင်းခဲ့ပါတယ်။ ကျွန်တော်အတွက်တော့ ပထမဆုံး မြင်ဖူးတဲ့ Form ဖြစ်တဲ့အတွက် မသေချာတာနဲ့ အသိမိတ်ဆွေတွေ၊ အတွေ့အကြုံရှိသူတွေကို ဆက်သွယ်မေးမြန်းခဲ့ပါတယ်။

အဲဒီအချိန်မှာ စိတ်ဖိစီးမှုတော့ အတော်ရှိခဲ့ပါတယ်။

ကျွန်တော့်မှာ DTV လျှောက်ထားစဉ်က အသုံးပြုခဲ့တဲ့ စာရွက်စာတမ်းတွေ အကုန်ပါလာပေမယ့် အခြေအနေကို ဆက်လက်ဖြေရှင်းမလား၊ အခြားရွေးချယ်စရာတစ်ခုကို အသုံးပြုမလားဆိုတာ သေချာစဉ်းစားခဲ့ရပါတယ်။

နောက်ဆုံးမှာတော့ အချိန်၊ ကုန်ကျစရိတ်နဲ့ မသေချာမှုတွေကို တွက်ချက်ပြီး VIP Fast Track Service တစ်ခုကို အသုံးပြုဖို့ ဆုံးဖြတ်ခဲ့ပါတယ်။

အရေးပေါ်အခြေအနေဖြစ်တာကြောင့် Service Fee က ဘတ် ၁၀,၅၀၀ ဝန်းကျင် ကုန်ကျခဲ့ပါတယ်။

လိုအပ်တဲ့ အချက်အလက်တွေ ပို့ပြီးနောက် မကြာခင်မှာပဲ Immigration Process ကို ဆက်လက်ဆောင်ရွက်နိုင်ခဲ့ပြီး ထိုင်းနိုင်ငံထဲကို ပြန်လည်ဝင်ရောက်နိုင်ခဲ့ပါတယ်။

ဒီနေရာမှာ အရေးကြီးတာ တစ်ခုကို ပြောချင်ပါတယ်။

VIP Service အသုံးပြုခဲ့လို့ အဆင်ပြေသွားတယ်လို့ ကျွန်တော် မပြောလိုပါဘူး။

ကျွန်တော့်ကို Secondary Inspection ခေါ်ခဲ့တဲ့ အကြောင်းရင်းအတိအကျကို ယနေ့အထိ မသိရသေးပါဘူး။ ဒါဟာ ကျွန်တော့်ရဲ့ ကိုယ်တွေ့အတွေ့အကြုံကိုသာ မျှဝေခြင်းဖြစ်ပြီး DTV ကိုင်ဆောင်သူတိုင်း ဒီလိုကြုံရမယ်လို့လည်း မဆိုလိုပါဘူး။

ဒါပေမယ့် နိုင်ငံခြားထွက်ပြီး ထိုင်းကို ပြန်ဝင်မယ့်သူတွေအတွက်တော့ အောက်ပါအချက်တွေကို ပြင်ဆင်ထားဖို့ အကြံပြုချင်ပါတယ်။

✅ Plan B တစ်ခု အမြဲရှိထားပါ။
✅ Visa နှင့်သက်ဆိုင်တဲ့ စာရွက်စာတမ်းတွေကို Soft Copy / Hard Copy နှစ်မျိုးစလုံး ပြင်ဆင်ထားပါ။
✅ မမျှော်လင့်ထားတဲ့ အခြေအနေမျိုး ကြုံလာရင် ခေါင်းအေးအေးထားပြီး ဆုံးဖြတ်ပါ။
✅ Risk နဲ့ Cost ကို အရင်တွက်ချက်ပြီးမှ ရွေးချယ်မှုလုပ်ပါ။

ကျွန်တော့်အတွက်တော့ ဒီဖြစ်ရပ်က သင်ခန်းစာတစ်ခု ဖြစ်ခဲ့ပါတယ်။

ဒီစာကို ရေးတာဟာ ကြောက်ရွံ့စေဖို့ မဟုတ်ဘဲ “ဖြစ်နိုင်ခြေတစ်ခု ရှိတတ်တယ်” ဆိုတာကို မျှဝေပြီး ကြိုတင်ပြင်ဆင်နိုင်ဖို့ Reminder ပေးချင်တဲ့ သဘောသက်သက်ပါပဲ ခင်ဗျာ။

အားလုံးအဆင်ပြေ ချောမွေ့ကြပါစေ။

28/11/2025

DTV Visa အတွက် Vietnam ကို သွားဖြစ်ခဲ့ရင်….

⏰ စီစဉ်ဖြစ်ပုံ
ပုံမှန်အတိုင်း (၆) လတစ်ကြိမ် နိုင်ငံပြင်ပြန်ထွက်ဖို့ ရောက်လာတဲ့အခါ ဘယ်အပေါက်ကနေ ဘယ်နိုင်ငံကို ဘယ်လို Cost Savings ဖြစ်အောင် သွားရမလဲ စဉ်းစားရပြီ။

ဒီလိုနဲ့ Calculator ခေါက်တာ Vietnam က ပိုအဆင်ပြေလို့ တစ်ညအိပ်သွားခဲ့တယ်။ ရက်(၂၀) လောက်တော့ ကြိုစီစဉ်လိုက်တယ်။ အဓိက Air Ticket ကို စျေးသက်သာချင်လို့။

ဘယ်မှာတည်းရမလဲ ဂျီးများနေတာနဲ့…. Hotel ကတော့ တစ်ပတ်အလိုလောက်မှပဲ Booked လိုက်တယ်။ အဓိကက လေဆိပ်နားကို စျေးလည်းမဆိုး (၅-၁၀) မိနစ်လမ်းလျှောက်ပြီးသွားလို့ရနိုင်တဲ့ ဟိုတယ်မှာပဲ နေလိုက်တယ်။

🇹🇭 ထိုင်းအထွက်
ပုံမှန်အတိုင်းပဲ ဘာမှ ထွေထွေထူးထူး ပြောစရာမလိုခဲ့ဘူး။ အေးဆေးတုံးထု ပေးလိုက်တယ်။

🇻🇳 ဗီယက်နမ် (ဟိုချီမင်း)
လေယာဉ်စိုက်တယ်။ Airport Express စီးပြီး Gate ကို သွားရတယ်။ Immigration မှာ တန်းစီလိုက်တာ လူပင်လယ်ကြီးကို မြင်ရသလိုပဲ။ များလိုက်တဲ့ လူတွေ။ ကြာပြီဆိုလောက်မယ် ထင်ပေမယ့် Immigration Counter တွေကတော့ ပျမ်းမျှ ၁ မိနစ်ခွဲ ၂ ယောက်လောက်တော့ ပြီးပါတယ်။ တော်ရုံတန်ရုံမရစ်ပါဘူး။ ဘာမှလည်းမမေးဘူး။ ဘာဟိုတယ်ဘိုကင်မှလည်း တောင်းမကြည့်ဘူး။

မေးရင်ပြင်ဆင်ဖို့ကလည်း Ready ပြင်ထားတယ်။ ဟိုချီမင်းမှာ နောက်နေ့တက်လို့ရမည့် Event တွေ ကြို Invite ထားတယ်။ Event လာတက်တယ်ဆိုပြီးတော့ပေါ့ 😅 ဒါကလည်း Backup Plan ပါ။ Plan B အနေနဲ့ပေါ့။ ရစ်တဲ့အခါ ပြောစရာစကားရှိအောင်။ HCM Immigration Officer တွေ မမေးပါဘူး။ အဓိက အဖြူကောင်တွေပဲ မေးတာ…တစ်ချို့က Visa on Arrival မရှိလို့။ ကိုယ်တွေက This man နဲ့ This man (country) တွေဆိုတော့ မမေးဘူး ထင်ပါရဲ့။

တုံးထုပြီး အထွက် စက်လှေကားကနေ အောက်ရောက်တော့ ထုလိုက်တဲ့တုံး ရှာတာရှာတာ ရတနာသိုက်မြေပုံရှာရသလိုပဲ။ ရှေ့ဆုံးမှာ လွတ်တာမထုပဲ ချောင်ကြိုချောင်ကြားမှာ သွားထုထားလေရဲ့….တုံးမပါလာရင် တိုင်ပတ်မှာလေ။ ဆရာကီးတွေက တစ်ခါတစ်လေ မှားထု တတ်တော့ ပြန်စစ်ရသေးတယ်။ နောက်ဆုံးတွေ့မှ သက်ပြင်းချနိုင်တယ်။

🏨 Yoko Airport Saigon Hotel
တုံးထုပြီးတာနဲ အပြင်ထွက်ပြီး Google Maps အတိုင်း လမ်းလျှောက်ရုံပဲ။ (၁၀) မိနစ်ဆို ဟိုတယ်ရောက်ပြီ။ ဟိုတယ်နားမှာ စားစရာဆိုင်လေးတွေ။ 711
လိုဆိုင်လေးတွေ အများကြီးရှိတော့ အဆင်ပြေတယ်။

🛵 Motor Bike City
များလိုက်တဲ့ Bikes တွေ…
အထာမသိတော့ လမ်းတစ်ခါဖြတ်ကူးဖို့အရေး မုဆိုးမလေး မဂင်္ဂါကြည့်နေရသလိုပဲ။ တိုက်ချင်လဲ တိုက်ပါစေတော့ ဆိုပြီး ကူးကာမှပဲ အဆင်ပြေတယ်။ မတိုက်ဘူးဗျာ။ သူ့ဟာနဲ့ ရှောင်ကွင်းသွားကြတယ်။ တတ်နိုင်ရင် လူကူးမျဉ်းကြား (အဖြူ) ကနေတော့ ကူးဖို့ Suggest လုပ်ပါတယ်။

✅ Night Life
ဟိုချီမင်းမှာ ခေါက်ဆန်လို Walking Street တွေရှိတယ်ဆိုတာတော့ သိခဲ့တယ်။ တစ်ယောက်ထဲဆိုတော့ သွားရမှာ ပျင်းတာကြောင့် လဲပါတယ်။ ညစာကိုတော့ Vietnam လူမျိုးတွေ စားကြတဲ့ ထမင်းနဲ့ ဝက်သားပြားကို Try ခဲ့တယ်။ ဆန်က ကြမ်းတယ်ဆိုပေမယ့် မျိုချလို့တော့ရပါတယ်။ အဆင်ပြေပါတယ်။

💵 Exchange Currency (ဒေါင်)
Super Rich မှာ ပဲ လဲလိုက်တယ်။ ဘယ်လောက် လဲလို့ဆိုတော့ ဘတ် ၃၀၀၀ ဖိုးက ဒေါင် နဲ့ USD 100 ပဲ ဝယ်လိုက်တယ်။ တစ်ရက်ထဲ နေပြီး ပြန်မယ့်သူအတွက်ဆို လောက်မယ်ထင်တာပါပဲ။ HCM - Immigration က Show Money ကိစ္စ မမေးပါဘူး။ Backup သဘောပဲ ယူသွားတာပါ။ ထိုင်းပြန်အဝင်အတွက် Show Money ဘတ် ၂ သောင်းဝန်းကျင်ကတော့ Backup လုပ်ထားတယ်။

🛫 Departure Alert
HCM - BKK က 12:05 - 13:40 ဆိုတော့ ဟိုတယ်က 9:00 AM check-out လိုက်တယ်။ Hotel to Airport က နီးတယ်ဆိုပေမယ့် In Case တွေ ဖြစ်လာမှာစိုးလို့ စောစောထွက်လိုက်တယ်။ အပြန်တော့ Vietnam Noodle - Pho လေး စားလိုက်ပါဦးမယ်ဆိုပြီး စားတာရယ်၊ လမ်းလျှောက်တာရယ် ပေါင်းလိုက်တော့ 10:00 AM လောက်မှ လေဆိပ်ရောက်သွားတယ်။

အချိန် (၂) နာရီ လိုသေးတယ်ဆိုပြီး စိတ်အေးနေတာ Air Ticket လဲ ထုတ်တော့ အထွက်တုံးထုဖို့ တန်းစီလိုက်တာ လူပင်လယ်ကြီး မြင်ပြီး လန့်သွားတယ်။ ဒီကြားထဲ Boarding Time က 11:15 AM ၊ တန်းစစီတာက 10:30 AM - ဗျာတွေများနေပြီပေါ့ဗျာ။ မီပါ့မလားပေါ့။ တန်းစီရင်း ဘယ် Line က လူနည်းမလဲ သမင်ကြီးလို လည်ရှည်နဲ့ ကြည့်ပြီး ချောင်တဲ့လိုင်းက စီပလိုက်တယ်။ မီသွားခဲ့ပါတယ်။ မီတယ်ဆိုပြီး မပြီးသေးတာက Gate Change သွားလို့ တစ်ခါ Change တဲ့ကောင်တာဆီ သွားရသေးတယ်။

Air Ticket ထုတ်ပေးတုန်းက Gate Number အတိအကျပါလိုဆိုပြီး အေးဆေးကလဲ နေလို့မရ။ TV Screen ကြည့်ရင်ကြည့်၊ မကြည့်ရင် ပတ်ဝန်းကျင်ကြည့်ပြီး Explore လုပ်နေမှ တော်ကာကျမယ်။ ဒါကလဲ ဖြစ်တတ်ပါတယ်။ ပုံမှန်တော့ မဖြစ်လောက်ဘူးလို့လဲ ထင်ပါတယ်။ ဒါပေမယ့် Alert တော့ထားပါ။

ဒီတော့ နောက်သွားမည့်သူတွေအနေနဲ့ ဟိုချီမင်းလေဆိပ်က ထွက်မယ်ဆိုရင် ကြိုသွားတာကောင်းပါတယ်။

🇹🇭 Thai ပြန်အဝင်
TDAC က မထွက်ခင် တစ်ရက်အလိုထဲက ထိုင်းကနေဖြည့်သွားလိုက်တယ်။ ပုံမှန်အတိုင်း တန်းစီပြီး ပုံမှန်အတိုင်းပဲ တုံးထုခဲ့လိုက်တယ်။ DTV Visa စာရွက်၊ Passport ၊ HCM-BKK Flight Ticket ဒီ (၃) ခုပဲ ပေးလိုက်တယ်။ DTV Visa စာရွက်မှာပါတဲ့ QR Code ကို Scan ဖတ်တယ်။ ကျန်တာ ဘာမှမမေးဘူး။ အဆင်ပြေခဲ့တယ်။

💰 ကုန်ကျစရိတ်
▪️Air Ticket > BKK - HCM - BKK = 3825 THB
▪️HCM Hotel > 432 THB per night
▪️HCM Dinner > 50 THB (40,000 VND)
▪️Coconut Coffee & Light Food > 125 THB ( 103,000 VND)
▪️SIM Card > 216 THB (185,000 VND)
▪️HCM Breakfast > 50 THB (40,000 VND)

အပေါ်က Amount တွေကတော့ ကျွန်တော်သုံးခဲ့တဲ့ Amount တွေဖြစ်လို့ တချို့အရာတွေက လူတိုင်းအတွက် မလိုလောက်ပါဘူး။ တကယ် မဖြစ်မနေ သုံးရမည့် Amount တွေဆိုရင်…
▪️Air Ticket > BKK - HCM - BKK = 3825 THB
▪️HCM Hotel > 432 THB per night
▪️Day 1 - HCM Dinner > 50 THB (40,000 VND)
▪️Day 2 - HCM Breakfast > 50 THB (40,000 VND)

📍 All Total - 3825+432+50+50= 4,357 THB

⁉️ ဘာကြောင့် လာအို/ ကမ္ဘောဒီးယား မသွားတာလဲ?
လာအို/ Cambodia သွားဖို့ လေယာဉ်ခက ဗီယက်နမ်ထက် စျေးပိုများပါတယ်။ စုံစမ်းကြည့်သလောက် လာအိုကို ကားနဲ့ သွားမယ်ဆိုရင်လည်း VIP လမ်းကြောင်းက အသွား/ပြန် ဖြတ်ခ ဘတ် ၅၀၀၀ ကျတယ်။ ကမ္ဘောဒီးယားကလည်း အဆင်မပြေ (ကိုယ့်အတွက်ပြောတာ)။ ဒီလိုနဲ့ Vietnam သွားခဲ့တာပါ။

ကျွန်တော်တော့ အားလုံးအဆင်ပြေခဲ့ပါတယ်။ ကျွန်တော့်လို သွားရမည့်သူတွေလည်း အဆင်ပြေကြပါစေခင်ဗျာ။

အဆုံးထိ ဖတ်ရှုပေးလို့ ကျေးဇူးတင်ပါတယ်ခင်ဗျာ။

05/10/2025

“ထိုင်းကိုအလည်လာမယ့်သူတွေ ဝင်ခွင့်အခွန် ဘတ် ၃၀၀ မဖြစ်မနေ ပေးဆောင်ရတော့မယ်”

အားလုံးပဲမင်္ဂလာပါဗျ...
ထိုင်းကို လာရောက်လည်ပတ်မည့် မိတ်ဆွေတွေ အတွက် သတင်းတစ်ခုကို မျှဝေပေးချင်ပါတယ်။

ဟုတ်ပါတယ်... ခေါင်းစဉ်မှာ ဖတ်လိုက်တဲ့အတိုင်းပါပဲ။ ထိုင်းနိုင်ငံရဲ့ ခရီးသွားလုပ်ငန်းနဲ့ အားကစားဝန်ကြီးအသစ်ကတော့ သူတာဝန်ယူပြီး လေးလအတွင်းမှာပဲ နိုင်ငံခြားသားခရီးသွားတွေဆီကနေ ခရီးသွားအခွန် ဘတ် ၃၀၀ ကောက်ခံသွားမယ်လို့ အောက်တိုဘာလ ၃ ရက်နေ့မှာ အတည်ပြုပြောကြားလိုက်ပါပြီ။

ဒီအစီအစဉ်က အခုမှထွက်လာတာတော့ မဟုတ်ပါဘူး။ အရင်ကတည်းက အကြိမ်ကြိမ်ပြောဆိုခဲ့ကြပေမယ့် အခုဝန်ကြီးသစ်လက်ထက်မှာတော့ တကယ်ကို အကောင်အထည်ဖော်တော့မှာဖြစ်ပါတယ်။

"ကဲ... ဒီတော့ ဘတ် ၃၀၀ ကောက်ပြီး ဘာတွေလုပ်မှာလဲ" ဆိုတော့... အဓိကကတော့ ထိုင်းကိုလာရောက်လည်ပတ်တဲ့ ကျွန်တော်တို့လို ခရီးသွားတွေအတွက် အာမခံ အကာအကွယ်ပေးတာတွေ၊ နောက်ပြီး ခရီးသွားလုပ်ငန်းအတွက် လိုအပ်တဲ့ အခြေခံအဆောက်အအုံတွေကို ပိုပြီးတိုးတက်ကောင်းမွန်အောင် လုပ်ဆောင်သွားမယ်လို့ ဝန်ကြီးက ပြောထားပါတယ်ဗျ။

ဒီအခွန်ကောက်ခံခြင်းအားဖြင့် ခရီးသွားတွေအတွက် ဘယ်လိုအကျိုးကျေးဇူးတွေ ပြန်ရလာနိုင်မလဲဆိုတာကို သေချာရှင်းပြသွားမယ်လို့လည်း သူက ဆိုပါတယ်။

ထိုင်းအစိုးရသစ်အနေနဲ့ကတော့ ခရီးသွားတွေရဲ့ ဘေးကင်းလုံခြုံရေးကို အဓိကထားပြီး ကိုဗစ်မဖြစ်ခင်ကလို ခရီးသွား သန်း ၄၀ နီးပါး ပြန်လည်ဝင်ရောက်လာအောင် ကြိုးစားသွားမယ်လို့လည်း သိရပါတယ်ခင်ဗျ။

ကဲ... ဒီတော့ ထိုင်းကိုလာလည်ရင် ဘတ် ၃၀၀ ပိုပေးရမယ့်အပေါ် မိတ်ဆွေတို့ရဲ့ အမြင်လေးတွေကရော ဘယ်လိုရှိလဲဗျ? Comment မှာ ဝင်ရောက်ဆွေးနွေးသွားကြပါဦး။

ထိုင်းနိုင်ငံနဲ့ ပတ်သက်သမျှအကြောင်းအရာတွေကို အမြဲတင်ဆက်ပေးနေမှာမို့ ကျွန်တော့်ရဲ့ ZKo Vlog Page ကို Like & Follow လုပ်ထားဖို့ မမေ့နဲ့နော်။
I’ll be back!

13/07/2025

နာမည်ဆန်းပြီး အရသာရှယ်လန်းတဲ့ ထိုင်းနိုင်ငံရဲ့ နာမည်ကြီးအချိုပွဲများ 😋

Hello အားလုံးပဲ မင်္ဂလာပါ။
ဒီနေ့မှာတော့ နာမည်ကြားရင် အံ့သြရတဲ့ ထူးဆန်းတဲ့ အမည်တွေနဲ့ အရသာရှိတဲ့ ထိုင်းအချိုပွဲများအကြောင်း အနည်းငယ် မျှဝေပေးချင်ပါတယ်။

ထိုင်းနိုင်ငံဆိုတာနဲ့ တုံ့ယမ်းတို့၊ သင်္ဘောသီးထောင်းတို့လို အစပ်တွေကိုပဲ ပြေးမြင်တတ်ကြတယ်မလား။ ဒါပေမဲ့ ဒီနေ့မှာတော့ အစပ်တွေခဏမေ့ပြီး အချိုလေးတွေဘက် လှည့်ကြည့်ပါမယ်။ ဒါပေမဲ့ ဒီတိုင်းရိုးရိုးအချိုပွဲမဟုတ်ဘူး။ နာမည်ကြားလိုက်ရင် "ဟင်" ဆိုပြီး အံ့သြသွားစေမယ့်၊ တစ်ချက်ပြုံးသွားစေမယ့် ထူးဆန်းတဲ့နာမည်တွေနဲ့ အချိုပွဲတွေအကြောင်း ပြောပြမှာပါ။ နာမည်တွေက ထူးဆန်းနေပေမဲ့လည်း အရသာကတော့ လုံးဝ Wow ဖြစ်စေရပါတယ်။

🔥 "ကြွက်ချေးမုန့်" (Kanom Kee Noo)
နာမည်ကြားတာနဲ့ တမျိုးကြီးပဲနော်... ဟုတ်ပါတယ်။ "ကြွက်ချေးမုန့်" တဲ့။ ခဏလေး! နာမည်ကြောင့် လန့်မသွားနဲ့ဦး။ ဒီမုန့်လေးက နာမည်နဲ့ လုံးဝမလိုက်အောင်ကို အရသာက ရှယ်ကောင်းတာဗျ။ ဆန်မှုန့်ကို အမှုန့်လေးတွေဖြစ်အောင်လုပ်ပြီး အုန်းနို့ရည်လေးနဲ့ ဆမ်းပြီးစားရတာ။ ပေါ့ပေါ့ပါးပါးလေးနဲ့ သူ့ရဲ့ချိုစိမ့်တဲ့အရသာက တကယ်ကို စွဲလမ်းစေမှာပါ။ ပုံစံလေးက ကြွက်ချေးနဲ့တူလို့ ဒီနာမည်ပေးထားတာတဲ့။ ရောက်ရင် ဒါအရင်ဆုံး စမ်းကြည့်ပါ။

🔥 "ပြာကျသွားတဲ့အချိုပွဲ" (Kanom Piak P**n)
နောက်တစ်ခုကတော့ "ပြာကျသွားတဲ့အချိုပွဲ" တဲ့။ တချို့က "ပိုက်ဆံကုန်မုန့်" လို့လည်း ခေါ်သေးတယ်။ နာမည်တွေကတော့ ဆန်းချက်ပါပဲ။ သူက မည်းမည်းညိုညို ဂျယ်လီလိုပုံစံလေးပါ။ အပေါ်ကနေ အုန်းနို့ခရင်မ်အဖြူလေးဆမ်းပြီး စားလိုက်ရရင်... အိုးမိုင်ဂေါ့! အာခေါင်ထဲမှာ စိမ့်နေအောင်ကို ကောင်းတာ။ ထိုင်းလူမျိုးတွေရဲ့ All-time favorite တစ်ခုဆိုလည်း မမှားပါဘူး။

🔥 "ကျောင်းတက်တုန်းက အချိုပွဲ" (Khanom Thong Ek)
ဒီမုန့်လေးကတော့ နာမည်လေးက အားရှိစရာ။ "ကျောင်းတက်တုန်းက အချိုပွဲ" ဒါမှမဟုတ် "ထိပ်တန်းရွှေမုန့်" တဲ့။ စာမေးပွဲဖြေခါနီး ဒါလေးစားပြီး အားတင်းခဲ့ကြသလားပဲ။ ရွှေရောင်တောက်တောက်လေးနဲ့ ပန်းပွင့်ပုံစံလေးတွေက မြင်လိုက်တာနဲ့တင် စားချင်စဖွယ်ပါ။ သူက အောင်မြင်ခြင်းနဲ့ ကံကောင်းခြင်းရဲ့ သင်္ကေတတစ်ခုမို့ လက်ဆောင်ပေးလို့လည်း ကောင်းပါတယ်။

🔥 "အချစ်မုန့်" (Khanom Phing)
Love is in the air! နောက်တစ်မျိုးကတော့ "အချစ်မုန့်" လေးပါ။ နာမည်လေးအတိုင်းပဲ ချစ်စရာကောင်းတဲ့ ကွတ်ကီးအသေးစားလေးတွေလိုပဲ။ အုန်းနို့နဲ့လုပ်ထားတာမို့ မွှေးနေရောပဲ။ ပါးစပ်ထဲထည့်လိုက်တာနဲ့ "ရှူး" ဆိုပြီး အရည်ပျော်သွားတဲ့ ခံစားမှုမျိုး... ကော်ဖီလေးနဲ့ဖြစ်ဖြစ်၊ လက်ဖက်ရည်လေးနဲ့ဖြစ်ဖြစ် တွဲစားလိုက်ရင်တော့ Perfect ပဲ။

🔥 "ဆင်တုံးမနက်ခင်း" (Khanom Ko)
နောက်ဆုံးတစ်ခုကတော့ နာမည်က နည်းနည်းခက်တယ်။ "ဆင်တုံးမနက်ခင်း" တဲ့။ သူက မြန်မာကမုန့်လုံးရေပေါ်နဲ့ နည်းနည်းဆင်တယ်။ ဆန်မှုန့်လုံးလေးထဲမှာ အုန်းသီးနဲ့ သကြားညိုကိုထည့်ထားတာပါ။ စားလိုက်ရင် အချိုနဲ့ အုန်းနံ့လေးက ရင်ထဲထိရောက်သွားစေမှာပါ။

ကဲ... ဘယ်လိုလဲ? ထိုင်းအချိုပွဲတွေရဲ့ နာမည်တွေက ထူးဆန်းပြီး ရယ်ရပေမဲ့ စားကြည့်ချင်စရာတွေချည်းပဲ မဟုတ်လား။ နောက်တစ်ခါ ထိုင်းကိုရောက်ရင် ဒီမုန့်တွေကိုတွေ့ရင် နာမည်ကြောင့်လန့်ပြီး ကျော်မသွားကြနဲ့နော်။ ရဲရဲကြီးသာ စမ်းကြည့်လိုက်ပါ။ အရသာအသစ်အဆန်းတွေကို ခံစားရမှာ အသေအချာပဲ။
ဒီလို စိတ်ဝင်စားစရာ အစားအသောက်နဲ့ ခရီးသွားအကြောင်းအရာတွေကို အမြဲတင်ဆက်ပေးနေမှာမို့ ZKo Vlog - Page ကို Like & Follow လုပ်ထားဖို့ မမေ့နဲ့နော်။

🔥 I’ll be back!

23/06/2025

အရင်လို ဘန်ကောက်လေဆိပ်မှာ Check-in ကောင်တာ ဖွင့်ပြီလားဆိုတဲ့ ရင်ခုန်မှုတွေ လျော့ကျစေမည့် SAWASDEE by AOT App!

ခရီးခဏခဏထွက်နေရတဲ့သူတွေအတွက် လေဆိပ်ရောက်ရင် ကြုံရတဲ့ ရင်တထိတ်ထိတ် ခံစားချက်လေးတွေ တစ်ခုကို ပြောပါဆိုရင်...

Check-in ကောင်တာ ဖွင့်ပြီလား၊ ကိုယ့် Flight က ဘယ် Row မှာတန်းစီရမှာလဲဆိုတာသိဖို့ Departure Board အကြီးကြီးရှေ့မှာ မျက်လုံးကိုအားပြုပြီး လိုက်ရှာရတာ၊ Boarding Gate က ဘယ်မှာလဲဆိုပြီး လေဆိပ်ထဲမှာ ခေါက်တုန့်ခေါက်ပြန် လမ်းလျှောက်နေရတာတွေက ခရီးစဉ်မစခင်ကတည်းက လူကိုနုံးစေပါတယ်။

ဒီလိုအခက်အခဲနဲ့ ပူပန်မှုတွေကို ဖြေရှင်းပေးမယ့် App လေးတစ်ခုအကြောင်း ဒီနေ့ မျှဝေပေးချင်ပါတယ်။

အဲ့ဒါကတော့ SAWASDEE by AOT ဆိုတဲ့ app ပဲဖြစ်ပါတယ်။ ထိုင်းနိုင်ငံက အဓိကလေဆိပ်တွေ (ဥပမာ - ဒွန်မောင်း) ကို အသွားအပြန်လုပ်မယ့်သူတိုင်း ဖုန်းထဲမှာ မရှိမဖြစ်ထည့်ထားသင့်တဲ့ app တစ်ခုပါ။

📌 ဒီ App က ဘာတွေလုပ်ပေးနိုင်လဲ?
App ကိုဒေါင်းပြီးတာနဲ့ ခင်ဗျားရဲ့ Flight နံပါတ်၊ သွားမယ့်ရက်၊ နဲ့ သက်ဆိုင်ရာလေဆိပ်ကို ရိုက်ထည့်လိုက်ရုံပါပဲ။ ဒါဆိုရင် အောက်ကအချက်အလက်တွေအားလုံးက သင့်လက်ဖဝါးပေါ်ကို ရောက်ရှိလာမှာပါ...

✅ Check-in Counter ကို အလွယ်တကူရှာနိုင်ခြင်း
"Check-in ဘယ်တော့ဖွင့်မှာလဲ၊ ဘယ်တန်းမှာတန်းစီရမှာလဲ" ဆိုပြီး လိုက်ရှာစရာမလိုတော့ပါဘူး။ App က Counter ဖွင့်တာနဲ့ ဘယ် Row မှာ Check-in လုပ်ရမယ်ဆိုတာကို အတိအကျပြပေးမှာပါ။ လူတွေအများကြီးကြားထဲ လိုက်မေးနေစရာမလိုတော့ဘူးပေါ့။

✅ Gate နံပါတ် အတိအကျသိခြင်း
ကိုယ်သွားရမယ့် Boarding Gate ကဘယ်မှာလဲဆိုတာကို App ထဲမှာတင် ကြည့်လို့ရတော့ Gate မှားမှာ၊ အချိန်လွဲမှာ လုံးဝပူစရာမလိုတော့ပါဘူး။

✅ ကိုယ်ပိုင် Flight Board
ကျွန်တော်အကြိုက်ဆုံး Feature ကတော့ App ထဲမှာ Flight Board ပါတာပါပဲ။ လေဆိပ်ထဲက Board ကြီးရှေ့မှာ လူအုပ်ကြားထဲ သွားကြည့်စရာမလိုဘဲ ကော်ဖီဆိုင်မှာ အေးဆေးထိုင်စောင့်ရင်း ကိုယ့်ဖုန်းထဲကနေပဲ Check-in ဖွင့်မဖွင့်၊ Gate နံပါတ်ပြောင်းမပြောင်း အချိန်နဲ့တပြေးညီ စောင့်ကြည့်နေလို့ရတာပါပဲ။

✅ ဆိုက်ရောက် baggage claim
ခရီးစဉ်ပြီးလို့ လေယာဉ်ပေါ်ကဆင်းလာရင်လည်း ကိုယ့်အိတ်က ဘယ် (Bagage Row No.) နံပါတ်မှာ လာမလဲဆိုတာ ကြိုကြည့်ထားလို့ရတော့ အိတ်လာမယ့်နေရာမှာပဲ အေးအေးဆေးဆေး သွားစောင့်နေလိုက်ရုံပါပဲ။

တကယ်တော့ ခရီးသွားတယ်ဆိုတာ ပျော်စရာကောင်းတဲ့ အတွေ့အကြုံတွေပဲ ဖြစ်သင့်ပါတယ်။ ဒီလို မလိုအပ်ဘဲ စိတ်ရှုပ်ရ၊ ပင်ပန်းရတဲ့အရာတွေကို နည်းပညာနဲ့ ဖြေရှင်းလိုက်တာက အကောင်းဆုံးပါပဲ။ ထိုင်းနိုင်ငံကို လာရောက်လည်ပတ်တဲ့အခါတိုင်း ဒီ SAWASDEE by AOT app လေးတစ်ခုနဲ့ ခရီးစဉ်အစအဆုံးကို စမတ်ကျကျ၊ စိတ်အေးချမ်းသာစွာနဲ့ ဖြတ်သန်းနိုင်ပြီဖြစ်လို့ Sharing လုပ်လိုက်ရပါတယ်။

📲App Download ရန်

📌 Google Play Store
https://play.google.com/store/apps/details?id=com.AOT&pcampaignid=web_share

📌 App Store
https://apps.apple.com/th/app/sawasdee-by-aot/id792579639

08/06/2025

ထိုင်းမှာ မလိုအပ်ဘဲ ဟွန်းတီးရင် ဘာကြောင့် အရေးယူခံရတာလဲ?

ဒီနေ့တော့ ထိုင်းနိုင်ငံကို ရောက်ဖူးတဲ့သူတိုင်း သတိထားမိကြမယ့် အချက်တစ်ခုအကြောင်း ပြောပြချင်ပါတယ်ဗျာ။ အဲဒါကတော့ ထိုင်းလမ်းတွေပေါ်မှာ ဟွန်းသံသိပ်မကြားရတာပါပဲ။ မြန်မာပြည်နဲ့ မတူဘဲ ဘာကြောင့် ဒီလောက်တိတ်ဆိတ်နေရတာလဲဆိုတာ အနည်းငယ် မျှဝေပေးပါရစေ။

📌 ထိုင်းမှာ ဘာလို့ ဟွန်းသံ မကြားရတာလဲ?

ထိုင်းနိုင်ငံမှာ ဟွန်းသံမကြားရတာက အဓိကအားဖြင့် အကြောင်းရင်းနှစ်ခုကြောင့်ပါ။ ပထမတစ်ခုကတော့ သူတို့ရဲ့ ယဉ်ကျေးမှု ကြောင့်ပါပဲ။ ထိုင်းလူမျိုးတွေက ဟွန်းတီးတာကို ရန်လိုတဲ့အပြုအမူ၊ ဆဲဆိုတာနဲ့တူတဲ့ ကြမ်းတမ်းတဲ့လုပ်ရပ်လို့ သတ်မှတ်ကြပါတယ်။ ဟွန်းတီးတာကနေ ဒေါသဖြစ်ပြီး ရန်ပွဲတွေအထိ ဖြစ်သွားနိုင်တယ်လို့လည်း သူတို့က မြင်ကြပါတယ်။ ဒါကြောင့် ယာဉ်ကြောပိတ်ဆို့နေရင်တောင် စိတ်ရှည်သည်းခံပြီး တတ်နိုင်သမျှ ဟွန်းမတီးဘဲ မောင်းနှင်ကြတာကို တွေ့ရပါတယ်။

နောက်ထပ်အကြောင်းရင်းတစ်ခုကတော့ ဥပဒေနဲ့ စည်းမျဉ်းစည်းကမ်းတွေ ကြောင့်ပါပဲ။ ထိုင်းနိုင်ငံရဲ့ ယာဉ်မောင်းဥပဒေမှာ ဟွန်းအသုံးပြုခြင်းကို တိကျတဲ့ ညွှန်ကြားချက်တွေနဲ့ ထိန်းချုပ်ထားပါတယ်။

📌 ဥပဒေနဲ့ ဒဏ်ကြေးများ
▪️ဟွန်းအသံရဲ့ အကွာအဝေး - ဟွန်းသံဟာ အနည်းဆုံး မီတာ ၆၀ အကွာကနေ ကြားနိုင်ရမယ်လို့ သတ်မှတ်ထားပါတယ်။ တကယ်လို့ ပုံမှန်အသံမဟုတ်ဘဲ ပြုပြင်ထားတဲ့ဟွန်း၊ ဒါမှမဟုတ် ပျက်စီးနေတဲ့ဟွန်းကို အသုံးပြုမိရင်တော့ ဘတ် ၂၀၀၀ အထိ ဒဏ်ကြေးဆောင်ရနိုင်ပါတယ်။

▪️မလိုအပ်ဘဲ ဟွန်းတီးခြင်း - အကြောင်းပြချက်မရှိဘဲ ခဏခဏ ဟွန်းတီးတာဟာလည်း ဥပဒေချိုးဖောက်ရာရောက်ပြီး ဘတ် ၅၀၀ အထိ ဒဏ်ကြေးပေးဆောင်ရနိုင်ပါတယ်။ ဒါဆိုရင် ဘယ်လိုအချိန်တွေမှာ ဟွန်းတီးလို့ရလဲဆိုတာ ဆက်ပြောပြပေးပါမယ်။

📌 ဟွန်းတီးခွင့်ရှိတဲ့ အခြေအနေများ
ထိုင်းမှာလည်း အချို့အခြေအနေတွေမှာတော့ ဟွန်းတီးခွင့်ပြုထားပါတယ်ဗျာ။

▪️ အကွေ့အကောက်များသောနေရာများ - လမ်းကွေ့ကြောတွေ၊ မမြင်ရတဲ့နေရာတွေမှာ တခြားယာဉ်မောင်းတွေနဲ့ လမ်းသွားလမ်းလာတွေကို သတိပေးဖို့အတွက် ဟွန်းတီးနိုင်ပါတယ်။

▪️သတိပေးရန်လိုအပ်သည့်အခါ - မီးစိမ်းတဲ့အချိန် တစ်ယောက်ယောက်က သတိမထားမိဘဲ ရပ်နေတာမျိုးဆိုရင် သတိပေးတဲ့အနေနဲ့ ဟွန်းတိုတိုလေး ပေးလို့ရပါတယ်။

▪️ယာဉ်လမ်းကြောင်းပြောင်းလဲလိုသည့်အခါ - ရုတ်တရက် ယာဉ်လမ်းကြောင်းပြောင်းဖို့လိုတဲ့အခါမျိုးမှာလည်း တစ်ဖက်ကို အသိပေးတဲ့အနေနဲ့ ဟွန်းသံလေး ပေးလို့ရပါတယ်။

📌 ဟွန်းမတီးရမည့် နေရာများ
အရေးကြီးတာကတော့ ဘယ်နေရာတွေမှာ ဟွန်းလုံးဝမတီးရဘူးဆိုတာ သိထားဖို့ပါပဲ။
▪️ဆေးရုံများ
▪️ကျောင်းများ
▪️ဘုရင့်တော်ဝင်အိမ်ယာအနီးတစ်ဝိုက်
▪️လူနေရပ်ကွက်များ (ည ၁၁:၃၀ မှ မနက် ၇:၀၀ အတွင်း)
▪️ဟွန်းမတီးရဇုန်များ (No Honking Zones)
ဒီလိုနေရာတွေမှာတော့ လုံးဝဟွန်းမတီးမိအောင် သတိထားရပါမယ်။

ကဲ... ဒါဆိုရင်တော့ ထိုင်းနိုင်ငံမှာ ဟွန်းသံ ဘာလို့သိပ်မကြားရတာလဲ၊ ဘယ်လိုစည်းကမ်းတွေရှိလဲဆိုတာကို အနည်းငယ်သိရှိကြပြီလို့ ထင်မိပါတယ်ခင်ဗျာ။ ထိုင်းကို ခရီးသွားတဲ့အခါဖြစ်ဖြစ်၊ နေထိုင်တဲ့အခါဖြစ်ဖြစ် ဒီအချက်လေးတွေကို သတိပြုပြီး လိုက်နာမယ်ဖို့အတွက် ရည်ရွယ်ရင်း အားလုံးအဆင်ပြေ ချောမွေ့ကြပါစေ။

17/05/2025

👋 ထိုင်းကို လေယာဉ်နဲ့ လာလည်မယ့် မိတ်ဆွေတွေအတွက် သတင်းကောင်းလေးတစ်ခု 🤩

အရင်ကဆို ထိုင်းလာတိုင်း လေယာဉ်နောက်ကျရင် တော်တော် စိတ်ညစ်ရတယ် 😩

အချိန်တွေလည်းကုန် လူလည်းပင်ပန်း... ဖြစ်ရတာ အမောပါပဲ။

ဒါပေမဲ့... အခုတော့ အဲ့လို စိတ်ညစ်စရာတွေ မရှိလောက်တော့ဘူး ထင်ပါရဲ့...

🎊 မေလ ၂၀ ရက်နေ့ကစပြီး ထိုင်းနိုင်ငံမှာ လေကြောင်းလိုင်းတွေက လေယာဉ်နောက်ကျရင် ခရီးသည်တွေကို လျော်ကြေးနဲ့ တခြား အခွင့်အရေးတွေ ပေးရတော့မှာဆိုတဲ့ အကြောင်းလေး တွေ့လို့ Share ပေးပါရစေ 😎

ဆိုလိုတာက... ထိုင်းကိုလာတဲ့ ခရီးစဉ်မှာ လေယာဉ် ၂-နာရီထက် ပိုနောက်ကျရင် လေကြောင်းလိုင်းက အခမဲ့ စားစရာတွေ (သို့) အဲ့ဒီတန်ဖိုးနဲ့ ညီမျှတဲ့ ဘောက်ချာတွေ ပေးရမယ်တဲ့။

ဗိုက်ဆာဆာနဲ့ စောင့်နေရတဲ့ ဒုက္ခ သက်သာသွားပြီပေါ့ 😉 ပြီးတော့ ဖုန်းပြောတာ ဒါမှမဟုတ် အီးမေးလ်ပို့တာလိုမျိုး အခမဲ့ ဆက်သွယ်ရေး ဝန်ဆောင်မှုတွေလည်း ရမှာတဲ့📱📧

အကယ်၍ လေယာဉ်က ၅-နာရီထက် ပိုနောက်ကျရင် အပေါ်က အခွင့်အရေးတွေအပြင် နစ်နာကြေးအနေနဲ့ အမေရိကန်ဒေါ်လာ ၄၅ (ဒါမှမဟုတ် အဲ့ဒီငွေနဲ့ ညီတဲ့ ဘောက်ချာ) လည်း ရဦးမှာတဲ့! ညအိပ်ဖို့ လိုတဲ့သူတွေအတွက်ဆိုရင် တည်းခိုစရိတ်နဲ့ သွားလာစရိတ်ကိုလည်း လေကြောင်းလိုင်းက တာဝန်ယူပေးမယ်တဲ့နော်... ဒါတင်မက မသွားဖြစ်တော့ရင်လည်း လက်မှတ်ခကိုတောင် ပြန်အမ်းပေးဦးမှာတဲ့! 💸

အဲ့ထက်ဆိုးပြီး ၁၀-နာရီတောင် နောက်ကျခဲ့ရင်တော့ ပြောစရာကို မရှိတော့ဘူး! အပေါ်က အခွင့်အရေးတွေ အကုန်လုံးရမှာတဲ့အပြင် ခရီးရဲ့ အကွာအဝေးပေါ်မူတည်ပြီး လျော်ကြေးကို ပိုရဦးမှာတဲ့! 😲

ဥပမာ ၁,၅၀၀ ကီလိုမီတာအထိဆိုရင် ဒေါ်လာ ၆၀၊ ၁,၅၀၀ နဲ့ ၃,၅၀၀ ကီလိုမီတာကြားဆိုရင် ဒေါ်လာ ၁၀၅၊ ၃,၅၀၀ ကီလိုမီတာအထက်ဆိုရင် ဒေါ်လာ ၁၃၅ တောင် ရနိုင်မှာတဲ့! 🤑

လက်မှတ်ခ ပြန်တောင်းတာ ဒါမှမဟုတ် တခြားရက်ကို ပြောင်းစီးတာ၊ အနီးနားက နေရာတွေကို သွားဖို့ ကားခတောင် တောင်းလို့ရပါသေးတယ်တဲ့....! 🚕

ထိုင်းလေကြောင်းအာဏာပိုင်အဖွဲ့ (CAAT) ကပြောတာတော့...
“ဒီလိုလုပ်တာဟာ နိုင်ငံတကာ စံနှုန်းတွေနဲ့အညီ ခရီးသည်တွေရဲ့ အခွင့်အရေးကို ကာကွယ်ပေးတာလို့ ပြောထားပါတယ်”...

ဒါကြောင့် မိတ်ဆွေတို့အနေဖြင့် နောက်တစ်ခါ ထိုင်းကို လာလည်တဲ့အခါ လေယာဉ်နောက်ကျခဲ့ရင် ကိုယ့်ရဲ့ အခွင့်အရေးတွေကို သိထားပြီး တောင်းဆိုဖို့ မမေ့ကြပါနဲ့။

အားလုံး ပျော်ရွှင်စရာ ခရီးစဉ်လေး ဖြစ်ကြပါစေ 🙏

Reference: Khaosod

16/05/2025

ဒီအချက်တွေသာ ကြိုသိခဲ့ရင် ထိုင်းနိုင်ငံမှာ အလုပ်တစ်ခုရဖို့ ထင်သလောက် မခက်ပါ။

ထိုင်းနိုင်ငံမှာ အလုပ်တစ်ခု ရဖို့....
▪️ခက်သလား?
▪️လွယ်သလား?
ဆိုတဲ့ မေးခွန်းကို မဖြေခင် ဒါလေးတွေ အရင်ကြိုသိထားဖို့ လိုအပ်ပါမယ်။

အမှန်တိုင်းပြောရရင် အလုပ်ရခြင်း/မရခြင်းက သင့်ရဲ့ ကြိုးစားအားထုတ်မှုအချို့နဲ့ အလုပ်ရှာဖွေလို့ရတဲ့ နည်းလေးအချို့သာ သိသွားခဲ့မယ်ဆိုရင် ထင်သလောက် မခက်ခဲပါဘူး။

ထိုင်းနိုင်ငံမှာ အလုပ်တစ်ခုရဖို့ဆိုရင်...
အလုပ်ပေးနိုင်တဲ့ နေရာတွေကို ရှာဖွေတတ်ရပါမယ်။
အလုပ်ပေးနိုင်တဲ့ နေရာ တွေ့ပြီဆိုရင် အလုပ်လျှောက်ဖို့ ပြင်ဆင်ရပါမယ်။
-
-
-
ဒါလေးများ သိပြီးသားပါပဲ။ သို့ပေမယ့်....သို့ပေမယ့်.....။

မသိသေးသူများအတွက် အနည်းငယ်သိရင်ပဲ အထောက်အကူပြုစေဖို့ မျှဝေလိုက်ပေးလိုက်ရပါတယ်။

💥 အသေးစိတ်ကို ပုံတစ်ပုံချင်းစီတွင် ဆက်လက်ဖတ်ရှုနိုင်ပါတယ်။

▪️အားလုံးအဆင်ပြေ ချောမွေ့ကြပါစေ 🙏

13/05/2025

😍 ကျွန်တော်အကြိုက်ဆုံး Coconut Smoothie နဲ့ ထိုင်းရိုးရာမုန့် 😋

အရသာက ကပြာကယာလိုလို…မြန်မာ ဘိန်းမုန့်လိုလို….
ဒါပေမယ့် စားလို့ကောင်းတယ်….👍

P.S > မုန့်နာမည်ကတော့ ကျွန်တော် အသံမထွက်တတ်လို့ သိတဲ့သူများရှိပါက ပြောပြပေးပါဦးခင်ဗျာ။

12/05/2025

ထိုင်းနိုင်ငံကို ရောက်ရင် ဘယ် App တွေကို ဖုန်းထဲထည့်ထားရမလဲ?

ထိုင်းနိုင်ငံကိုရောက်ရင် ဖုန်းထဲမှာ ထည့်ထားသင့်တဲ့ အသုံးဝင်တဲ့ App တွေအကြောင်း နည်းနည်းလောက် မျှဝေချင်ပါတယ်။ ကျွန်တော်ကိုယ်တိုင်လည်း ဒီ App တွေကို အသုံးပြုနေတာ အဆင်ပြေလို့ ထိုင်းနိုင်ငံကို လာလည်မယ့် မိတ်ဆွေတွေအတွက်ရော နေထိုင်ကြမည့် မိတ်ဆွေတွေအတွက်ရော အထောက်အကူဖြစ်စေမယ့် App တွေကို အောက်မှာ စုစည်းဖော်ပြပေးလိုက်ပါတယ်။

📌 လေယာဉ်လက်မှတ်/ဟိုတယ်
▪️ Trips.com: ခရီးသွား ပက်ကေ့ချ်တွေ၊ လေယာဉ်လက်မှတ်နဲ့ ဟိုတယ်တွေကို ရှာဖွေဘွတ်ကင်လုပ်ရာမှာ အဆင်ပြေတဲ့ App တစ်ခုပဲဖြစ်ပါတယ်။ ငွေပေးချေဖို့အတွက်တော့ VISA Card ရှိမှ ဝယ်ယူလို့ရနိုင်မှာဖြစ်ပါတယ်။

▪️ Booking.com: ကမ္ဘာတစ်ဝှမ်းက တည်းခိုစရာနေရာမျိုးစုံကို ရှာဖွေနိုင်ပြီး အသုံးပြုရတာလည်း လွယ်ကူပါတယ်။ VISA / MASTER Card တစ်ခုခုရှိမှ ဝယ်ယူလို့ရနိုင်မှာဖြစ်ပါတယ်။

▪️ Easybook: ထိုင်းနိုင်ငံအတွင်း လှည့်လည် သွားလာဖို့အတွက် Bus Ticket နဲ့ Train Ticket တွေကို အလွယ်တကူ ဝယ်ယူလို့ရနိုင်ပါတယ်။ အားသာချက်က မြန်မာလို့ Language / Currency (၂) ခုလုံး ပြောင်းလို့ရမှာဖြစ်ပြီး Myanmar – Mobile Banking နဲ့ ချိတ်ဆက်ဝယ်ယူနိုင်ပါတယ်။

▪️ 12Go Asia: အထူးသဖြင့် အာရှတိုက်တွင်း ခရီးသွားလာဖို့အတွက် ဘတ်စ်ကား၊ ရထား၊ Ferry နဲ့ လေယာဉ်လက်မှတ်တွေကို တစ်နေရာတည်းမှာ ရှာဖွေပြီး ဘွတ်ကင်လုပ်နိုင်တဲ့ App တစ်ခုပဲ ဖြစ်ပါတယ်။ တော်တော်များများအသုံးပြုကြပါတယ်။ Digital Banking / VISA / MASTER Card တစ်ခုခုရှိမှ ဝယ်ယူလို့ အဆင်ပြေမှာဖြစ်ပါတယ်။
------

📌 သယ်ယူပို့ဆောင်ရေး
▪️ Bolt: Grab လိုပဲ တက္ကစီနဲ့ ဆိုင်ကယ်ကယ်ရီတွေကို လွယ်လွယ်ကူကူ ငှားလို့ရတဲ့ App တစ်ခုပဲဖြစ်ပါတယ်။ Grab ထက် ဈေးနှုန်းသက်သာတာကြောင်း လူသုံးများပါတယ်။

▪️ BKK Rail: ဘန်ကောက်မြို့တွင်းက BTS (Skytrain) နဲ့ MRT (Subway) ရထားလမ်းကြောင်းတွေ၊ စျေးနှုန်းတွေနဲ့ ခရီးသွားချိန်တွေကို ကြည့်ရှုနိုင်တဲ့ App တစ်ခုပါ။ မြို့တွင်းသွားလာဖို့အတွက် အရမ်းအသုံးဝင်ပါတယ်။ အားသာချက်က ဘူတာတစ်ခုနဲ့ တစ်ခုကို ဘယ်လောက် ကုန်ကျနိုင်မလဲ ခရီးစရိတ်ကို ဖော်ပြပေးနိုင်တာပဲ ဖြစ်ပါတယ်။

▪️ ViaBus: ဘန်ကောက်မြို့မှာ ဘတ်စ်ကားနဲ့သွားလာဖို့အတွက် မရှိမဖြစ်ဆောင်ထားသင့်တဲ့ App တစ်ခုပဲဖြစ်ပါတယ်။ ဘယ်ကားစီးရမလဲ၊ ဘယ်မှာဆင်းရမလဲ၊ ဘတ်စ်ကားဘယ်အချိန်လာမလဲဆိုတာတွေကို အချိန်နဲ့တပြေးညီ သိရှိနိုင်လို့ ဘတ်စ်စီးပြီး သွားလာချင်သူများအတွက် အဆင်ပြေစေပါတယ်။
------

📌 ဘာသာစကား အထောက်အကူပြု App
▪️ Google Translate: ဘာသာစကားမျိုးစုံကို စာသား၊ အသံ၊ ကင်မရာ၊ လက်ရေးနဲ့ စကားပြောနည်းလမ်းတွေနဲ့ အလွယ်တကူ ဘာသာပြန်ပေးနိုင်တဲ့ အလွန်အသုံးဝင်တဲ့ App တစ်ခုဖြစ်ပါတယ်။ ထိုင်းနိုင်ငံအတွင်း Communication လုပ်တဲ့အခါ ဘာသာစကားခက်ခဲမှုကို ဒီ App က ကောင်းစွာ ဖြေရှင်းပေးနိုင်လို့ မရှိမဖြစ် ဆောင်ထားသင့်ပါတယ်။
------

📌 လမ်းကြောင်းပြ App
▪️ Google Maps: ဘယ်သွားသွား Location လမ်းကြောင်းရှာဖွေဖို့အတွက် အကောင်းဆုံး App တစ်ခုပဲ ဖြစ်ပါတယ်။ ထိုင်းနိုင်ငံအတွင်း ဘယ်သွားသွား ကားလမ်းကြောင်း၊ ဘတ်စ်လမ်းကြောင်း၊ လမ်းလျှောက်လမ်းကြောင်း စတာတွေကို လမ်းညွှန်မှု ပေးနိုင်တာကြောင့် အသုံးပြုတတ်အောင် လေ့ကျင့်ထားမယ်ဆိုရင် တော်တော်အဆင်ပြေစေမှာဖြစ်ပါတယ်။

▪️ MAPS.ME: အင်တာနက်မလိုဘဲ အသုံးပြုနိုင်တဲ့ Offline မြေပုံ App တစ်ခု ဖြစ်ပါတယ်။ ဦးစွာ မိမိသွားလိုတဲ့ နေရာကို ကြိုတင် Download ချထားပြီး ခရီးသွားနေစဉ်မှာ အင်တာနက်အဆင်မပြေတဲ့အခါမျိုးတွေအတွက် အရမ်းအသုံးဝင်တဲ့ App တစ်ခုပဲ ဖြစ်ပါတယ်။
------

📌 အစားအသောက်
▪️ LINE MAN: ထိုင်းနိုင်ငံမှာ အစားအသောက်မှာယူဖို့အတွက် လူကြိုက်အများဆုံး App တစ်ခုဖြစ်ပြီး စားသောက်ဆိုင်ပေါင်းများစွာကနေ မှာယူနိုင်ပြီး ပစ္စည်းတွေလည်း ပို့ခိုင်းလို့လည်း ရပါတယ်။

▪️ Grab: အစားအသောက်မှာယူခြင်းအပြင်၊ တက္ကစီနဲ့ ဆိုင်ကယ်ကယ်ရီငှားရမ်းခြင်းတွေအတွက်ပါ အသုံးပြုနိုင်တဲ့ All-in-One App တစ်ခုပဲဖြစ်ပါတယ်။
------

📌 SIM Card App များ
များသောအားဖြင့် ထိုင်းနိုင်ငံမှာ ဝယ်ယူတဲ့ SIM Card တွေမှာ သက်ဆိုင်ရာ Operator တစ်ခုချင်းစီရဲ့ App တွေ ရှိတတ်ပါတယ်။ Data လက်ကျန်စစ်တာ၊ Package အသစ်ဝယ်တာနဲ့ အခြားဝန်ဆောင်မှုတွေကို အဲဒီ App တွေကနေတစ်ဆင့် လုပ်ဆောင်နိုင်ပါတယ်။ ထိုင်းနိုင်ငံရဲ့ အဓိက Telecom ကုမ္ပဏီတွေကတော့ AIS, dtac နဲ့ TrueMove H တို့ ဖြစ်ပါတယ်။
------

📌 အလုပ်လျှောက်ရန် App များ
▪️ Jobstreet: ထိုင်းနိုင်ငံအတွင်း အလုပ်အကိုင်တွေကို ရှာဖွေနိုင်တဲ့ နာမည်ကြီး App တစ်ခုပဲဖြစ်ပါတယ်။ Personal Information တွေကို တစ်ခါရေးထားရုံဖြင့် အလုပ်ပေါင်းများစွာကို အလွယ်တကူ လျှောက်ထားလို့ရမည့် App တစ်ခုပဲ ဖြစ်ပါတယ်။

▪️ Seek Jobs: သြစတြေးလျနဲ့ နယူးဇီလန်မှာ အဓိကအားဖြင့် လူသိများပေမယ့် ထိုင်းနိုင်ငံမှာလည်း အလုပ်အကိုင်အခွင့်အလမ်းတွေကို ရှာဖွေနိုင်ပါတယ်။

▪️ LinkedIn: Professional ကွန်ရက်ချိတ်ဆက်ဖို့နဲ့ အလုပ်အကိုင်အခွင့်အလမ်းတွေကို ရှာဖွေဖို့အတွက် ကမ္ဘာတစ်ဝှမ်းမှာ အသုံးပြုကြတဲ့ App တစ်ခုပဲဖြစ်ပါတယ်။

▪️ Jobsdb: ဟောင်ကောင်အခြေစိုက် အလုပ်အကိုင်ရှာဖွေရေး Portal တစ်ခုဖြစ်ပြီး ထိုင်းနိုင်ငံမှာလည်း အလုပ်လုပ်ကိုင်ဖို့ အလုပ်လျှောက်ထားရာမှာ အသုံးပြုသူ အရေအတွက် များလှပါတယ်။

▪️ JobThai: ထိုင်းနိုင်ငံအခြေစိုက် အလုပ်အကိုင်ရှာဖွေရေး ဝက်ဘ်ဆိုက်တစ်ခုရဲ့ App ဖြစ်ပြီး ထိုင်းနိုင်ငံအတွင်းက အလုပ်အကိုင်တွေကို အဓိကထား ရှာဖွေနိုင်ပါတယ်။ ထိုင်းနိုင်ငံသားတွေကို အဓိကထား အလုပ်ခေါ်ပေမယ့် နိုင်ငံခြားသားတွေအတွက် အလုပ်ခေါ်စာတွေလည်း ရှိပါတယ်။

မိတ်ဆွေတို့အနေဖြင့် ထိုင်းနိုင်ငံမှာ ရေတို၊ ရေရှည် လည်ပတ်တာပဲ ဖြစ်ဖြစ်၊ နေထိုင်တာပဲ ဖြစ်ဖြစ် အပေါ်မှာ မျှဝေပေးခဲ့တဲ့ App တွေက ထိုင်းနိုင်ငံမှာရှိတဲ့ နေထိုင်မှုနဲ့ ခရီးသွားလာမှုကို ပိုမိုအဆင်ပြေချောမွေ့စေမှာဖြစ်ပါတယ်။ လိုအပ်တဲ့ App တွေကို မိတ်ဆွေတို့ရဲ့ လိုအပ်ချက်နဲ့အတူ ကိုက်ညီသလို ရွေးချယ်ပြီး အသုံးပြုနိုင်ပါတယ်။

အားလုံးအဆင်ပြေချောမွေ့ကြပါစေ 🙏

ZKo Vlog

04/06/2026

28/11/2025

05/10/2025

13/07/2025

23/06/2025

08/06/2025

17/05/2025

16/05/2025

13/05/2025

12/05/2025

ที่อยู่

เว็บไซต์

แจ้งเตือน

ทางลัด

แชร์

ประเภท