MeKong News - မဲခေါင်သတင်း

MeKong News - မဲခေါင်သတင်း ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก MeKong News - မဲခေါင်သတင်း, เว็บไซต์ข่าวและสื่อ, Phra Nakhon.
(1)

MeKong News was founded in Sept 2019 and is based in Tachileik, a township located in Eastern Shan State, also known as the city of the golden triangle region where Thailand, Laos, China, and Myanmar meet. We covered news and related issues on politics, business, the peace building process, crime, drugs, trafficking, culture, and traditions of ethnic groups such as Lahu and Ahkha. We also had a fo

cus on the human rights violations on ethnic people that mainstream media often missed or ignored and corruption cases within local government authorities and its officials.

15/07/2025

တာချီလိတ်တွင် ဆိုင်ကယ်သူခိုး ၅ ဦး ဖမ်းမိပြီး ဆိုင်ကယ် ၁၃ စီး သိမ်းဆည်းရမိ

မဲခေါင်၊ ဇူလိုင် ၁၅

ဆိုင်ကယ် ပျောက်ဆုံးမှုများပြားနေသည် တာချီလိတ်တွင် ယနေ့နံနက်တွင် ဆိုင်ကယ်သူခိုး ၅ဦးကို ဖမ်းဆီးရမိပြီး ဆိုင်ကယ်၁၃စီး သိမ်းဆည်းရကြောင်းသိရသည်။

ယနေ့ ဇူလိူင်၁၄ရက်၊ နံနက်၃နာရီခန့်တွင် ခိုးမှုများ ကျူးလွန်တတ်သူ ပိုင်ဝင်းစိုး (ခ) ပိုင်ပိုင် ဆိုသူကို ဝိန်းကျောက် ရပ်ကွက်ရှိ ပုံလို့လမ်းဆုံ နေရာတွင် Honda အမျိုးအစား Zoomar X ဖြူ နက် အရောင် ဆိုင်ကယ်အား စီးနင်းလာသည်ကို ရပ်တန့်စစ်ဆေးရာ ခိုးယူခဲ့ကြောင်း စစ်ဆေးပေါ်ပေါက်၍ ခိုးရာပါ ဆိုင်ကယ်အား သိမ်းဆည်းရမိခဲ့ခြင်းဖြစ်သည်။


#တာချီလိတ်
#ဆိုင်ကယ်သူခိုး
#သူခိုးလက်ခံ
#ရှမ်းအရှေ့

15/07/2025

ကျွန်တော်တို့သတိမပြုမိသောအစားထိုးခြင်းများ

အလယ်ပိုင်းတိုင်း အထူးစစ်ဆင်ရေးတပ်ဖွဲ့ ဒီနေရာလေးကနေတိုက်ရိုက်အားဖြည့်ပေးပါခင်ဗျာ

ရှင်းကျန်းအကြောင်း အကောင်းမြင် သတင်းလိမ်များနှင့် ဩဇာလွှမ်းမိုးသူများ ငှားရမ်းဝါဒဖြန့်နေသော တရုတ်~ လင်းမောင် ~ယနေ့ခေတ်တွ...
15/07/2025

ရှင်းကျန်းအကြောင်း အကောင်းမြင် သတင်းလိမ်များနှင့် ဩဇာလွှမ်းမိုးသူများ ငှားရမ်းဝါဒဖြန့်နေသော တရုတ်

~ လင်းမောင် ~

ယနေ့ခေတ်တွင် Vloggers များ၊ ဆိုရှယ်မီဒီယာကျွမ်းကျင်သူများ၊ YouTubers များဆိုသည်က Follower များ Subscriber များ သိန်းသန်းချီရှိသည်အထိ ၎င်းတို့၏ Content အမျိုးမျိုးဖြင့် ဖမ်းစား နိုင်သူများဖြစ်ကြသည်။ ပရိသတ်များအပေါ် ဖမ်းစားနိုင်စွမ်းရှိမှသာ၊ ဩဇာလွှမ်းမိုးနိုင်စွမ်းရှိမှသာ ထိုသူများ၏ Content များက အောင်မြင်ထွန်းပေါက်သည်။ ထို့ကြောင့်ပင် ၎င်းတို့အား တစ်နည်းအား ဖြင့် ဩဇာလွှမ်းမိုးနိုင်သူများ (Influencers) များဟု ခေါ်ဆိုကြခြင်းဖြစ်သည်။ မကြာသေးမီကာလများ အတွင်း အနောက်တိုင်းမှ အဆိုပါ Influencers တချို့သည် တရုတ်ကို ချစ်ကြောင်း Content များ ဖော်ပြ တင်ဆက်လာမှု သိသိသာသာတိုးပွားလာသည်ကို ထူးထူးခြားခြားမြင်တွေ့ကြရသည်။ ပူးပေါင်းထုတ်လုပ်သော ဗီဒီယိုများ အွန်လိုင်းပေါ်တွင် ပျံ့နှံ့ လည်ပတ်နေခြင်းဖြင့် တရုတ်နိုင်ငံ အနောက်မြောက်ပိုင်း ရှင်းကျန်းဒေသမှ ဌာနေ ဝီဂါမွတ်ဆလင်လူမျိုးစုများအပေါ် တရုတ်အစိုးရ၏ လူ့အခွင့်အရေးချိုးဖောက် ဖိနှိပ်နေခြင်းများ သည်လည်း အမှန်တရားကို ဖုံးကွယ် တစ်ပတ်ရိုက်မှုများအသွင်ပြောင်းလာစေမှုကို ဦးတည်လာသည်။ အဆိုပါ Influencers များသည် အွန်လိုင်းပေါ်တွင် တရုတ်၏ ဝါဒဖြန့်ပေးသူများ၊ တရုတ်ကွန်မြူနစ်ပါတီ (CCP) အတွက် အလုပ်လုပ်ပေးနေသည့် အေးဂျင့်များဖြစ်သည်ဟု သံသယများ တိုးပွားလာသည်။ YouTube ကိုယ်တိုင်က CGTN မီဒီယာကဲ့သို့ တရုတ်အစိုးရ ရန်ပုံငွေဖြင့် ရပ်တည်သော မီဒီယာများသည် လွတ်လပ်စွာ ဖန်တီးတင်ပြသည့် Influencers များ၏ Content များကို မဆိုသလောက်သာ ပြန်လည် တည်းဖြတ်ခြင်းဖြင့် ၎င်းတို့၏ ဝါဒဖြန့် အစိုးရမီဒီယာများတွင် ပြန်လည်ဖော်ပြနေကြသည်။ အနောက်တိုင်းအခြေစိုက် Influencers များ၊ Content Creators များကိုယ်တိုင်က တရုတ် ကောင်းကြောင်း၊ ချစ်ကြောင်းများ ဖော်ပြနေမှုသည် တရုတ်အစိုးရလိုချင်သော မဟာဗျူဟာအတွက် မည်သို့ အကျိုးသက်ရောက်စေပါသနည်း။

YouTube နှင့် အခြားသော လူမှုကွန်ရက်များသည် ပုံမှန်အားဖြင့် အစိုးရရန်ပုံငွေဖြင့် ရပ်တည်သည့် မီဒီယာများ၏ ဗီဒီယိုများတင်ပြသော ပလက်ဖောင်များဖြစ်သည်။ ဝါဒဖြန့်မှန်းရှင်းလင်းသိသာသည်။ သို့သော် လွတ်လပ်သော Influencers များကပါ မည်သည့် လမ်းညွှန်မူဝါဒမှမပါဘဲ မိမိသဘောဖြင့် တင်သည့် ဗီဒီယိုများမှာမူ မည်သည့် စည်းမျဉ်းချိုးဖောက်မှုမျိုးမှ မလုပ်ဟု လက်ခံကြရသည်။ သို့သော် ယခုနောက်ပိုင်း တရုတ်ထောက်ခံ Influencers များသည် တရုတ်နိုင်ငံ မြို့ကြီးများ၊ အဖွဲ့အစည်းကြီး များအတွင်း တံခါးမရှိ၊ ဓားမရှိ အခွင့်ထူးခံများအဖြစ် ဝင်ထွက်သွားလာနေနိုင်သည်ကို မြင်တွေ့နေရ သည်။ Barrie Jones၊ Jason Lightfoot နှင့် Lee and Oli Barrett အဖေနှင့်သားအသင်း ကဲ့သို့သော အနောက်တိုင်းနာမည်ကြီး Influencers တချို့သည် CCP ၏ ဝါဒဖြန့်မှုကို ကူညီလုပ်ဆောင် နေကြသည်။ ဗီဒီယို Influencers များထဲမှ နာမည်ကြီး Lee Barrett က BBC နှင့်တွေ့ဆုံမှုတွင် မိမိတို့ တရုတ်ပြည်သွားရိုက်ကူးမှုများ၌ ခရီးသွားစားရိတ်၊ လေယာဉ်စားရိတ်၊ နေရာထိုင်ခင်းများကို တရုတ် အစိုးရဘက်မှ ပြည့်စုံစွာ စီစဉ်ပေးသည်ဆိုခြင်းအား သက်သေပြသည့် နှင်းဆီပန်းစည်းများနှင့် ကြိုဆိုပုံကို ကြွားဝါပြောဆိုခဲ့သည်။ နောက်ပိုင်းမှသာ တရုတ်ဘက်မှ မိမိနှင့်သားဖြစ်သူတို့ တရုတ်ခရီးစဉ် ရိုက်ကူးမှုများအတွက် အခကြေးငွေ ပေးသည်ဆိုခြင်းမှာ မဟုတ်မှန်ဟု ငြင်းဆန်ခဲ့သည်။ နောက်ထပ် သာဓကတစ်ခုမှာ Barrie Jones ဖန်တီးထားသော ဗီဒီယိုတစ်ခုအကြောင်းဖြစ်သည်။ အနောက်မီဒီယာတချို့ ရှင်းကျန်းအကြောင်း မဟုတ်မမှန်တစ်ပတ် လှည့်ဖော်ပြသနည်း (How do some Western media twist facts about Xinjiang? ) ဆိုသည့် ခေါင်းစဉ်ဖြင့် ဗီဒီယိုတစ်ပုဒ် ရိုက်ကူးခဲ့ခြင်းဖြစ်သည်။ သန်းနှင့်ချီသော ရှင်းကျန်း ဒေသခံ ဝီဂါမွတ်ဆလင်မျိုးနွယ်စုများအပေါ် လှောင်ပိတ်၊ လူ့အခွင့်အရေးချိုးဖောက်၊ နှိပ်စက်နေသည့် တရုတ်ဟု အနောက်မီဒီယာများဖော်ပြနေခြင်းမှာ လုံး၀မဟုတ်မှန်ဘဲ မိမိကိုယ်တိုင် ထိုဒေသသို့ သွား ရောက်မှ တရုတ်သည် တကယ်ကောင်းမွန်နေခဲ့ပြီး အပြစ်သားအဖြစ် စွပ်စွဲခံနေရခြင်းဖြစ်သည်ဟု အလေးပေး ဖော်ပြသွားခဲ့သည်။ အဆိုပါ ဗီဒီယိုတစ်စိတ်တစ်ပိုင်းကို တရုတ်အစိုးရက ဝါဒဖြန့်မှုအဖြစ် ယူသုံးခဲ့သေးသည်။ Barrie Jones သည်လည်း အဆိုပါ လော်ဘီဝါဒဖြန့်ပေးမှုအတွက် တရုတ်အစိုး ရဆီမှ ဝန်ကြီးဌာနတစ်ခုက အသိအမှတ်ပြုချီးကျူးသည်မှလွဲပြီး မည်သည့် ရယူမှုမျှ မလုပ်ခဲ့ကြောင်း ငြင်းဆန်ခဲ့သည်။

အဆိုပါ တရုတ်ထောက်ခံ သတင်းများ လူမှုကွန်ရက်များတွင် ရုတ်ချည်း ပျံ့နှံ့များပြားလာခြင်းသည် တရုတ်အစိုးရ အကွက်ချစီစဉ်မှုမှ ထွက်ပေါ်လာသော အကျိုးဆက် အသီးအပွင့်များပင်ဖြစ်သည်။ တရုတ်အစိုးရသည် ငယ်ရွယ်သည့် Influencers များကို စားရိတ်အားလုံး အကုန်အကျခံပေးသည့် ၁၀ ရက်တာ တရုတ်ခရီးစဉ်အတွက် ခေါ်ယူခြင်းဖြင့် ၎င်းတို့အား ထောက်ခံချစ်ကြည်သည့် Content များ စွာကို လူမှုကွန်ရက်များပေါ်သို့ အများအပြား ရောက်ရှိစေရန် ကြံရွယ်ခဲ့သည်။ ကောဇော်နီအခင်း အကျင်းဖြင့် အဆိုပါ အနောက်တိုင်း Influencers များကို တရုတ်ကုမ္ပဏီကြီးများစွာက ဧည့်ခံဖိတ်ကြား၊ ကြိုဆိုခြင်းသာမက လာဘ်ငွေများစွာပေးပြီး တရုတ်ကို ချီးကျူးသည့် Content များကို အကျိုးတူ ပူး ပေါင်းထုတ်လုပ်ခြင်းပင်ဖြစ်သည်။ အမေရိကန်၊ ရုရှား၊ အစ္စရေးသာမက တရုတ်ခြိမ်းခြောက်ခံ ထိုင်ဝမ် နှင့် တိဗက်မှ Influencers များစွာတို့သည် တရုတ်၏ ငါးစားပြ ဝါဒဖြန့်စစ်ပွဲအတွင်း ဝင်ရောက်ကာ ဝါဒ ဖြန့်နေကြပြီဖြစ်သည်။ တရုတ်၏ ၎င်းတို့အလိုကျ ဝါဒါဖြန့်ပေးမည့် ပြည်ပ Influencers များ စုဆောင်း ခြင်းအတွက်လည်း အခြေခံ လိုအပ်ချက်များ ပြဌာန်းသတ်မှတ်ထားသည်။ ဥပမာ တရုတ်ထောက်ခံမှုကို အာရုံပြုရမည်၊ subscribers များစွာရှိရမည်၊ လူထုအမြင်ကို သွေဖယ်ပြောင်းလဲစေနိုင်သော တင်ဆက်မှု စွမ်းရည်ရှိရမည်၊ Followers သန်းချီရှိရမည်၊ နိုင်ငံတကာ တရုတ်ကွန်ရက်များ တည်ဆောက်နိုင်ရမည် စသဖြင့် သတ်မှတ်ထားသည်။ တရုတ်အစိုးရက ထိုသူများကို ဝါဒဖြန့် အချိန်ပိုင်းသတင်းထောက်များအဖြစ် သတ်မှတ်ကြသည်။ တရုတ်အစိုးရက ထိုသူများကို တရုတ်မြို့ကြီးများ၊ အထင်ကရအဖွဲ့အစည်းများ၊ အစိုးရအဖွဲ့အစည်းများအတွင်း ဖိတ်ခေါ်စေပြီး ၎င်းတို့အပေါ် အကောင်းမြင် ရောင်ဝါထင်ဟပ်စေမည့် livestreaming များ၊ selfies ဓာတ်ပုံများ ရိုက်ကူးခွင့်ပြုစေခြင်းဖြင့် ထိုအခြင်းအရာများသည် စစ်မှန်သော တရုတ်ပြည် ‘real’ China ဟု အသွင်ယူကြခြင်းဖြစ်သည်။

သက်ဆိုင်ရာ ဌာနေနိုင်ငံများတွင် ထင်ရှားကျော်ကြားသူတချို့ကို ကမ္ဘာ့ကုန်သွယ်ရေး၊ နည်းပညာ၊ လျှပ်စစ်ကား၊ ပထဝီနိုင်ငံရေး ဗီဒီယိုများ ဖန်တီးရိုက်ကူးခွင့်ပေးရာတွင်လည်း တရုတ်ထောက်ခံခြင်း မူဝါဒကို ထည့်သွင်းမှရမည်ဟု လမ်းညွှန်ထားသည်။ ဆူဇူး၊ ရှန်ဟိုင်း၊ ရှန်ဇန်း၊ ဟန်ဒန်၊ ပေကျင်းအစရှိ သော အတိုးတက်ဆုံးမြို့ကြီးများအား အထင်ကြီးမှု၊ လေးစားမှုရစေရန် ရိုက်ပြခိုင်းသည်။ သရုပ်မှန် လက်တွေ့ဖြစ်သော လူ့အခွင့်အရေးချိုးဖောက်နေမှုများ၊ ဝင်ငွေမတည်ငြိမ်မှုများ၊ မူဝါဒကျဆုံးနေမှု များ၊ ဖိနှိပ်ချုပ်ခြယ်ခြင်းများကိုမူ ရုပ်ပုံများပေါ်တွင် လုံး၀ မမြင်ရစေရန် စီစဉ်တားမြစ်ထားသည်။ အဆိုပါ Influencers များကိုယ်တိုင်က မကြာခဏဆိုသလို သာမန်အတိုင်း အရာရာတည်ငြိမ်နေသည့် တရုတ်နိုင်ငံအခြေအနေနှင့် မူဝါဒများကို အနောက်တိုင်းမှ မုသားများအတိဖြင့် ဖျက်လိုဖျက်ဆီး စွပ်စွဲ နေကြသည်ဟု အခိုင်အမာပြောဆိုသည့် ဗီဒီယိုများလည်း မနည်းမနော ထွက်ပေါ်လာသည်။ တရုတ်ခေါင်းဆောင်များ အခွင့်အရေး လမ်းဖွင့်ပေးထားသည့် မူဝါဒကောင်းများကြောင့် တရုတ်ပြည် သူများ၏ နိစ္စဓူ၀ဘ၀များ သာယာ၀ပြောနေသည်ကို ပြသသော ဗီဒီယိုများကို ဖန်တီးစေခြင်းသာဖြစ် သည်။ တချို့သော ဗီဒီယိုများတွင် ရင်သွေးတစ်ဦးသာယူရသည့် တရုတ်အစိုးရ၏ One Child policy၊ Covid-19၊ တခြားတိုင်းတပါးနယ်မြေများ ရယူခြင်း၊ ဟောင်ကောင်အရေး၊ ရှင်းကျန်းအရေး များကို ဝေဖန်သူများအား တန်ပြန်ဝေဖန်ကာ တရုတ်ဘက်မှ ကာကွယ်ပေးမှုများပင် ရိုက်ကူးတင်ပြနေ ကြသည်။

Taipei Times မီဒီယာမှ ဖော်ပြခဲ့မှုတစ်ခုတွင် ထိုင်ဝမ် Influencers များကိုပင် တရုတ်က ကုမ္ပဏီကြီး အနည်းဆုံး ၁၀ ခုနှင့် ပူးပေါင်းပြီး ဝါဒဖြန့်ရေးအတွက် တစ်နှစ် နယူးထိုင်ဝမ်ဒေါ်လာ သန်း ၂၀ ( အမေရိကန်ဒေါ်လာ ၆၈၃၇၉၅) အထိ ပေးသည်ဟု သိရှိရသည်။ တရုတ်အစိုးရ ထောက်ပံ့ သတင်းစဉ် CGTN မှ ကမ္ဘာတစ်ဝန်း အမြင်စူးရှမှန်ကန်သော တရုတ်ထောက်ခံ Influencers ပေါင်း ၇၀၀ ကျော် ရှိကာ ၎င်းတို့၏ ဗီဒီယိုများအတွက် ဘောနပ်စ်များလည်း ရကြသည်ဟု ဖော်ပြခဲ့သည်။ သတင်းတချို့ တွင် တရုတ်အစိုးရသည် ၎င်းတို့အလိုရှိသော သတင်းတုများလုပ်ကြံဖန်တီးသည့် သတင်းထောက်များ၊ podcasters၊ presenters နှင့် influencers များအား ဒေါ်လာ ၁၀၀၀၀ အထိ ပေးရန် ကမ်းလှမ်း သည်ဟုပင် ဆိုသည်။

၂၀၂၃ ခုနှစ်၌ တရုတ်နိုင်ငံ၏ ပထမဆုံးသော ဖက်ရှင်အမှတ်တံဆိပ် Shein သည် အဓမ္မအလုပ်ခိုင်းစေမှု၊ အခြားသော လူ့အခွင့်အရေးချိုးဖောက်မှုများလုပ်ဆောင်နေကြောင်း စွပ်စွဲမှုများ အခိုင်အမာထွက်ပေါ် လာပြီးနောက် ထိုစွပ်စွဲမှုများသည် အမှားအယွင်းသာဖြစ်ကြောင်း သက်သေထူပေးရန် Influencers များကို ဂွမ်ဇူးရှိ စက်ရုံသို့ အထူးခရီးစဉ် ကုန်ကျစားရိတ်များအားလုံး ကျခံပြီး ဖိတ်ခေါ် ရိုက်ကူးစေခဲ့ သည်။ အလားတူ အမေရိကန် Influencers လည်းဖြစ်၊ စီရိုနယ်ဒိုဖန်အစစ်အဖြစ်နှင့် မက်ဆီကို ဆန့်ကျင်သည့် Content များဖြင့် ကမ္ဘာသိကျော်ကြားသော အမေရိကန် Influencers ဒါရင်းဝက်ကင် ဂျူနီယာခေါ် iShowSpeed သည်လည်း တရုတ်ပြည် နည်းပညာမြို့တော် ရှန်ဇန်းသို့ သွားရောက် လည်ပတ်သည့် ဗီဒီယိုများလည်း ပျံ့နှံ့ခဲ့သည်။ ထိုခရီးစဉ်တွင် iShowSpeed သည် ဟမ်ဘာဂါကို ဒရုန်းဖြင့် မှာစားမှု၊ မိုးပျံကားပေါ် ခုန်တက်သွားမှု၊ Huawei စမတ်ဖုန်းစက်ရုံသို့ လှည့်ပတ်ကြည့်ရှုမှု များ ရိုက်ကူးဖော်ပြခဲ့သည်။ ထိုဖြစ်စဉ်များကို ကြည့်ခြင်းအားဖြင့် အနောက်တိုင်း Influencers များ သည် ၎င်းတို့၏ channel များမှ တရုတ်ကို ပရိုမိုးရှင်းဆင်းပေးနေကြသည်ဆိုခြင်းမှာ ငြင်းမရနိုင်သော ကိစ္စဖြစ်နေသည်။

YouTube၊ TikTok၊ Instagram၊ SnapChat နှင့် X လူမှုကွန်ရက်များသည် အသက် ၁၈ နှစ်နှင့် ၂၄ နှစ်ကြား လူငယ်များအကြား အလွန်ဩဇာလွှမ်းမိုးကာ အပြန်အလှန်ဆက်သွယ်သည့် ကမ္ဘာ့အကြီး မားဆုံး လူမှုကွန်ရက်များဖြစ်သည်။ ထို့ကြောင့် တရုတ်အစိုးရသည် အထူးသဖြင့်အနောက်နိုင်ငံများ၌ နေထိုင်ကြသော လူငယ်များ၏ အတွေးအမြင်များထဲတွင် တရုတ်နိုင်ငံသည် အဆိုမြင်စရာ နိုင်ငံမဟုတ် ကြောင်းကို စွဲမြဲသွားစေရန် ယခုလို အနောက်တိုင်း Influencers များအား ငွေပေးပြီး ဝါဒသွပ်သွင်း ခိုင်းနေခြင်းဖြစ်သည်။ ၎င်းတို့မျှော်မှန်းချက်က တရုတ်နိုင်ငံသည် လူ့အခွင့်အရေးချိုးဖောက်အနိုင်ကျင့်မှု များစွာရှိနေသော နိုင်ငံ၊ တောင်တရုတ်ပင်လယ်အတွင်း ဗိုလ်ကျစိုးမိုးနေသောနိုင်ငံ၊ တရားမဝင် သူတပါးနယ်မြေများအား ကျူးကျော်နေသောနိုင်ငံများအဖြစ် ကမ္ဘာကသိနေသော်လည်း လူငယ်များအမြင်တွင် ထိုသို့ မဟုတ်ကြောင်း စွဲထင်နိုင်စေရေးသာဖြစ်သည်။ လက်ရှိ အမေရိကန်သမ္မတ ဒေါ်နယ်ထရမ့်က ကုန်စည်စစ်ပွဲတစ်ရပ်အဖြစ် သွင်းကုန်အခွန်များ အမြင့်ဆုံးမြှင့်တင်လိုက်သော်လည်း တချို့သော ဆုံးဖြတ်ချက်များတွင် တရုတ်ဘက်မှ သဘောထားကြီးစွာဖြင့် ပြန်လည်တုံ့ပြန်နေသည်ကို လူငယ်များအတွေးထဲ ဝင်ရောက်စေရန် ဝါဒဖြန့် အမှားတရား သွပ်သွင်းရေးများ စနစ်တကျ လုပ်ဆောင်နေ ခြင်းသာ ဖြစ်ပါကြောင်း . . .။

ရုရှားရန်ရပ်တန့်ရေး မကောင်းဆိုးဝါးမဟာမိတ်များကိုပါ ချေမှုန်းဖြတ်တောက်ရမည်ဟု ကန်ဗိုလ်ချုပ်ဟောင်း သတိပေးမဲခေါင်၊ ဇူလိုင် ၁...
15/07/2025

ရုရှားရန်ရပ်တန့်ရေး မကောင်းဆိုးဝါးမဟာမိတ်များကိုပါ ချေမှုန်းဖြတ်တောက်ရမည်ဟု ကန်ဗိုလ်ချုပ်ဟောင်း သတိပေး

မဲခေါင်၊ ဇူလိုင် ၁၅

ယူကရိန်းကို ကျူးကျော်စစ်ဆင်နွှဲနေသလို ဥရောပနိုင်ငံများကိုပါ သိမ်းပိုက်ရန် ခြိမ်းခြောက်နေသည့် ပူတင်အပေါ် အနောက်နိုင်ငံများ ထားရှိသည့် သဘာထားမူဝါဒများ ပြောင်းလဲရမည်ဖြစ်ကာ ထာ၀ရ စစ်ပွဲမဖြစ်လိုလျှင် ပူတင်အား ကျားကန်ထောက်ပံ့ပေးနေသည့် မကောင်းဆိုးဝါးမဟာမိတ်များကို ချေမှုန်းဖြတ်တောက်နိုင်မှ ဖြစ်မည်ဟု အမေရိကန် ဗိုလ်ချုပ်ဟောင်း ဘန်ဟော့ဂျ်က သတိပေး ပြောဆို သွားခဲ့သည်။

၂၀၂၂ ခုနှစ်ဖေဖော်ဝါရီတွင် ရုရှားသည် ယူကရိန်းနယ်မြေထဲ စတင်ကျူးကျော်စစ်ဆင်နွှဲခဲ့ပြီး ထိုနှစ် ဒီဇင်ဘာတွင် ရုရှားပိုင်ဆိုင်ထားသည့် ဒုံးကျည်များ ကုန်ခမ်းသွားမည်ဟု ကြိုတင်တွက်ဆခဲ့ကြသည်။

သို့သော် စစ်ပွဲ ၃ နှစ်တာဆင်းနွှဲပြီးချိန် ယနေ့အထိ ရုရှားဒုံးကျည်နှင့်ဒရုန်းများ မကုန်ခမ်းသွားသည့် အပြင် တစ်နေ့ ဒုံးကျည်နှင့်ဒရုန်း အလုံး ၁၀၀၀ ဝန်းကျင်အထိပင် ဆက်တိုက် ပစ်ခတ်တိုက်ခိုက်လာရာ အနောက်နိုင်ငံများအနေဖြင့် ရုရှားတစ်နိုင်ငံတည်းကို ရန်သူအဖြစ် ရှုမြင်နေသည့် သဘောထား ပြောင်းလဲပြီး ရုရှားအတွက် လက်နက်များစွာ မကုန်ခမ်းနိုင်စေရန် ထောက်ပံ့ပေးနေသည့် မကောင်းဆိုးဝါး မဟာမိတ်နိုင်ငံများကို ဦးတည်တိုက်ဖျက်ခြင်းကသာ စစ်ကို ရပ်တန့်သွားစေနိုင်မည်ဟု ဘန်ဟော့ဂျ်က ပြောသည်။

ရုရှားအတွက် မြောက်ကိုရီးယားစစ်သားများ ဝင်ရောက်တိုက်ခိုက်နေခြင်း၊ ဒုံးကျည်နှင့် လက်နက်ကြီး ကျည်များပေးနေခြင်း၊ တရုတ်စစ်သားအနည်းငယ် ရုရှားဘက်မှ ဝင်တိုက်နေသည်ကို သိရခြင်း၊ တရုတ် သည်လည်း ရုရှားအတွက် လိုအပ်သော လက်နက်များ နောက်ကွယ်မှ ပေးနေခြင်းဖြစ်နိုင်သလို အီရန် သည်လည်း ရုရှား၏ မဟာမိတ်အဖြစ် ဒုံးကျည်နှင့် ဒရုန်းများစွာကို ဆက်တိုက်ပေးအပ်နေသည်မှာ ထင် ရှားကြောင်း၊ ရုရှားစစ်တပ်သီးသန့်ဆိုလျှင် အဆင့် သိပ်မြင့်မားလှသည်မဟုတ်ဘဲ မကောင်းဆိုးဝါး မဟာမိတ်များကြောင့်သာ ဥရောပကို ခြိမ်းခြောက်နေနိုင်ခြင်းဖြစ်ကာ ထိုကွင်းဆက်ကို မဖြတ်တောက် နိုင်လျှင် ထာ၀ရ စစ်ပွဲဆင်နွှဲနေရမည်သာဖြစ်ကြောင်း ၎င်းက ထောက်ပြသည်။

မကောင်းဆိုးဝါးမဟာမိတ်များကို ဖြတ်တောက် နိုင်ရေးတွင် စီးပွားရေး၊ နိုင်ငံတကာဆက်ဆံရေးများဖြင့်ပါ တိုက်ခိုက်သွားရမည်ဖြစ်ကြောင်း၊ ပူတင် သည် သတ်ဖြတ်လိုသူပေါင်း များစွာရှိနေသဖြင့် ရုရှားခေါင်းဆောင်ရာထူးကို သေမှ စွန့်လွှတ်မည့်သူ ဖြစ်ကာ လက်ရှိကျန်းမာရေးအရ နောက် ၁၀ နှစ်အထိ ဆက်ရှိနေဦးမည်ဟု ဗိုလ်ချုပ် ဘန်ဟော့ဂျ်က သုံးသပ် ပြောဆိုသွားခဲ့သည်။

ကိုကလင်း
Ref: Thesun

#ရုရှား
#မကောင်းဆိုးဝါးမဟာမိတ်
#မြောက်ကိုရီးယား
#ဥရောပ

တာချီလိတ်တွင် မူးယစ်ဆေးဝါးသာမကဘဲ ဆိုင်ကယ်များပါ ပိုင်ရှင်မဲ့လာမဲခေါင်၊ ဇူလိုင် ၁၆ရှမ်းပြည်အရှေ့ပိုင်း၊ တာချီလိတ်မြို့တွင...
15/07/2025

တာချီလိတ်တွင် မူးယစ်ဆေးဝါးသာမကဘဲ ဆိုင်ကယ်များပါ ပိုင်ရှင်မဲ့လာ

မဲခေါင်၊ ဇူလိုင် ၁၆

ရှမ်းပြည်အရှေ့ပိုင်း၊ တာချီလိတ်မြို့တွင် ပိုင်ရှင်မဲ့ ဆိုင်ကယ် ၃ စီး ဖမ်းဆီးရမိသည်ဟု ဒေသတွင်း သတင်းများအရ သိရသည်။

ယနေ့ ဇူလိုင် ၁၅ ရက် နံနက်ပိုင်းက ဟောင်လိတ် ရဲစခန်းမှ တာချီလိတ်မြို့ ဝမ်မိုင်၊ ဝမ်ကောင်းနှင့် မယ်ခေါင်ရပ်ကွက် အတွင်း၌ ပတ်ကင်း၊ လှည့်ကင်း၊ ပိတ်ဆို့ စစ်ဆေးရေးလုပ်ရာမှ တဆင့် သိမ်းဆည်းရမိသည်ဟု သိရသည်။

ဆိုင်ကယ်များ သိမ်းဆည်းရမိသည့်အခြေအနေမှာ ဝမ်ကောင်းရပ်ကွက်၊ ကချင်ရွာနှင့် ကျောက်တောင်အတက် လမ်းဆုံအနီးတွင် Wave 110 အမျိုးအစား နက်ပြာရောင် ဆိုင်ကယ်တစ်စီး၊ ဝမ်မိုင်ရွာ မြို့ပတ်လမ်းတွင် CLICK 125 အမျိုးအစား အဖြူရောင်ဆိုင်ကယ် တစ်စီးနှင့် မယ်ခေါင်ရပ်ကွက် ၄ လမ်း မယ်ဆိုင်ချောင်းဘေးတွင် Wave 125 အမျိုးအစား ဖြူ/နီကြား ဆိုင်ကယ်တစ်စီး၊ စုစုပေါင်းဆိုင်ကယ် ၃ စီးကို ပိုင်ရှင်မဲ့ သိမ်းဆည်းရမိခဲ့ကြောင်း သိရှိရသည်။

“သူခိုးတွေက ဖမ်းခံရမှာ ကြောက်လို့ လာပစ်ထားတာလား၊ ဖမ်းမိတာကို ပိုင်ရှင်မဲ့လုပ်လိုက်တာလား မပြောတတ်ဘူး။ ဘာပဲဖြစ်ဖြစ် ခိုးခံရတဲ့သူတွေ ပြန်ရတာပေါ့။ ဝစ်သောက်က ပြန်ရပါ့မလား မသိဘူး။ ဖမ်းနေတော့လေ” ဟု မယ်ခေါင်ရပ်ကွက်နေသူတစ်ဦးက မဲခေါင်ကို ပြောသည်။

တာချီလိတ်တွင် ဆိုင်ကယ်သူခိုးများဖမ်းမိသည်ဆိုသော်လည်း ဇူလိုင်လ ၁၅ ရက်နေ့ နံနက်ပိုင်းအထိ ဆိုင်ကယ်များ အခိုးခံရဆဲ၊ ပျောက်ဆုံးနေဆဲဖြစ်ကြောင်း သိရသည်။

ဆိုင်ကယ်ပျောက်ဆုံးနေသည့် ပိုင်ရှင်များအနေနှင့် မြို့မရဲစခန်းသို့ အထောက်အထားဖြင့် လာရောက် တိုက်ဆိုင်စစ်ဆေး ထုတ်ယူနိုင်ကြောင်း သိရှိရသည်။

တာချီလိတ်မြို့အတွင်း ယခု ဇူလိုင်လ ၂ ပတ်တာအတွင်း ဆိုင်ကယ်သူခိုး ၅ ဦးကို ဖမ်းဆီးရမိပြီး ဖော်ထုတ်ဖမ်းဆီးရမိသည့် ဆိုင်ကယ် ၁၃ စီးနှင့် ယခု ပိုင်ရှင်မဲ့ ဟုဆိုသည့် ဆိုင်ကယ် ၃ စီး အပါအဝင် စုစုပေါင်း ၁၆ စီး ပြန်လည်ရရှိပြီ ဖြစ်သည်။

မဟာ

#တာချီလိတ်
#ဟောင်လိတ်ရဲစခန်း
#ဆိုင်ကယ်ခိုးမှု
#ပိုင်ရှင်မဲ့

စကားလုံးလှလှပြောပြီးသည်နှင့် ညနေရောက်လျှင် လူတိုင်းပေါ်သို့ ပူတင်ဗုံးကြဲဟု ထရမ့်ဆိုမဲခေါင်၊ ဇူလိုင် ၁၅အမေရိကန်သမ္မတ ဒေါ်...
15/07/2025

စကားလုံးလှလှပြောပြီးသည်နှင့် ညနေရောက်လျှင် လူတိုင်းပေါ်သို့ ပူတင်ဗုံးကြဲဟု ထရမ့်ဆို

မဲခေါင်၊ ဇူလိုင် ၁၅

အမေရိကန်သမ္မတ ဒေါ်နယ်ထရမ့်က အဆိုပြုထားသည့် ငြိမ်းချမ်းရေးဆွေးနွေးမှုကို ယခုထိလက်မခံ သေးဘဲ ယူကရန်းပြည်သူများပေါ်သို့ နေ့စဉ် ဒုံးကျည် ထောင်ဂဏန်းနီးပါးဖြင့် တိုက်ခိုက်နေသော ရုရှား သမ္မတပူတင်အား စကားလုံးလှလှပြောပြီးသည်နှင့် ညနေရောက်တိုင်း လူတိုင်းပေါ် ဗုံးကြဲချနေသူဟု တိုက်ခိုက်ပြောဆိုသွားခဲ့သည်။

ဝါရှင်တန်မြို့ပြင် အန်ဒရူးပူးတွဲအခြေစိုက်စခန်းသို့ ရောက်ရှိသည့် ဇူလိုင် ၁၃ ရက်တွင် ထရမ့်က ယူကရိန်းထံ လေကြောင်းရန်ကာကွယ်ရေး ပက်ထရိယော့ဒုံးကျည်များ ပေးပို့သွားမည်ဖြစ်ကြောင်း အတည်ပြုပြောကြားစဉ် ပူတင်ကို ထိုသို့ တိုက်ခိုက်ပြောဆိုသွားခဲ့ခြင်းဖြစ်သည်။

“ယူကရိန်း ကိုယ့်ကိုယ်ကိုယ် ကာကွယ်ဖို့ မဖြစ်မနေ လိုအပ်နေတဲ့ ပက်ထရိယော့ဒုံးကျည်တွေကို ကျွန်တော်တို့ ပေးအပ်သွားမှာပါ။ ပူတင်ဆိုတဲ့သူက လူတွေကို သိပ်အံ့ဩရအောင်လုပ်တယ်။ စကားလုံးလှလှလေးတွေပြောပြီးတာနဲ့ ညနေရောက်တိုင်း လူတိုင်းပေါ် ဗုံးတွေကျဲနေတဲ့သူပဲ။ ပြဿနာ က ဒီမှာနည်းနည်းလေးပဲရှိတာပါ။ ဒါပေမဲ့ ဒီအနေအထားကို မကြိုက်ဘူး။ အခြေခံအားဖြင့် ယူကရိန်း ဆီ အရမ်းခေတ်မီတဲ့ စစ်ရေးအကူအညီအပိုင်းအစများစွာ ပေးခဲ့ပြီးသားပါ။ ဒါပေမဲ့ သူတို့ ရာနှုန်းပြည့် ကျွန်တော်တို့ ပေးခဲ့တာတွေအတွက် ပြန်ပေးသွားရပါမယ်” ဟု ထရမ့်က ဆိုသည်။

ပက်ထရိယော့ဒုံး အရေအတွက်မည်မျှ ပေးမည်ကို ဒေါ်နယ်ထရမ့်က ဖွင့်မပြောဘဲ ရာနှုန်းပြည့်ပြန်ပေး ရမည်ဟုဆိုခြင်းမှာ ယခုတစ်ပတ်အတွင်း တွေ့ဆုံဆွေးနွေးရန် ရှိသည့် နေတိုးအထွေထွေအတွင်းရေးမှူးချုပ် မာ့ခ်ရတ်တီနှင့်တွေ့ဆုံလျှင် အီးယူဘက်မှ ပက်ထရိယော့ဒုံးကျည် များတန်ဖိုးကို ပေးသွားရမည်ဟု ဆိုလိုခြင်းဖြစ်ကြောင်းလည်း သိရသည်။

ကိုကလင်း
Ref: telegraphindia

#ဒေါ်နယ်ထရမ့်
#ပူတင်
#ရုရှား
#ယူကရိန်း

စစ်မှုမထမ်းမနေရ ဥပဒေပြဌာန်းမည်ဟု ကမ္ဘောဒီးယားပြင်ဆင်ခြင်းမှာ စစ်ပြင်သည့်သဘောဟု ထိုင်းမီဒီယာများဖော်ပြမဲခေါင်၊ ဇူလိုင် ၁၅...
15/07/2025

စစ်မှုမထမ်းမနေရ ဥပဒေပြဌာန်းမည်ဟု ကမ္ဘောဒီးယားပြင်ဆင်ခြင်းမှာ စစ်ပြင်သည့်သဘောဟု ထိုင်းမီဒီယာများဖော်ပြ

မဲခေါင်၊ ဇူလိုင် ၁၅

ဇူလိုင် ၁၃ ရက်တွင် ကမ္ဘောဒီးယားဝန်ကြီးချုပ် ဟွမ်မာနက်က မိမိတို့နိုင်ငံသည် လက်ရှိ စစ်အင်အား တောင့်တင်းသော်လည်း စွမ်းရည်နှင့်အရေအသွေးမြှင့်တင်ရန် လိုအပ်သောကြောင့် ကာကွယ်ရေး အသုံးစားရိတ်မြှင့်တင်မည်ဖြစ်သလို ၂၀၂၆ တွင် စစ်မှုထမ်းဥပဒေ ပြဌာန်းကျင့်သုံးရမည်ဟု ထုတ်ပြန်ပြောဆိုခဲ့သည်။

ထိုင်းနှင့် ကမ္ဘောဒီးယားတို့ နယ်စပ်ပိုင်နက်အငြင်းပွားနေမှုတွင် မိမိတို့ဘက်မှ နှစ်နိုင်ငံနယ်ခြားကော်မတီချင်း ညှိနှိုင်းဖြေရှင်းလိုသော်လည်း ထိုင်းအာဏာပိုင်များနှင့်စစ်တပ်သည် အမြဲတစေ ထိုအငြင်းပွားပိုင် နက်ကို ထိုင်းအချုပ်အခြာအာဏာပိုင်နက်ဟုသာ တွင်တွင်ပြောနေသဖြင့် ICJ သို့ နိုင်ငံတကာမှ အသိအမှတ်ပြုရန် တင်ပြထားရခြင်းဖြစ်ကြောင်း၊ အဆိုပါဒေသများတွင် နှစ်နိုင်ငံသားများ လွတ်လပ် စွာနေထိုင်ခဲ့ကြသည်ကို မည်သူ့ပိုင်နက်ဟုမျှ မပြောဘဲ ဆက်နေထိုင်စေလိုသော်လည်း ထိုင်းဘက်မှ ၎င်းတို့မြေဟုသာတွင်တွင် တစ်ဖက်သတ်ပြောဆိုနေသဖြင့် ယခုလို တင်းမာမှုများ ဖြစ်ရကြောင်း ဟွမ်မာနက်က စစ်ဘက်ဆိုင်ရာ အကြီးအကဲများနှင့်တွေ့ဆုံမှုတွင် ပြောသွားခဲ့သည်။

မိမိတို့ဘက်မှ ပိတ်ထားသည့် နယ်စပ်ဂိတ်များပြန်ဖွင့်ရေးတွင်လည်း နောက်တစ်ကြိမ် ထိုင်းဘက်မှ တစ်ဖက်သတ်အမိန့်ဖြင့် နယ်စပ်ဂိတ်များ မပိတ်ရန် ကတိပေးရမည်ဖြစ်ကြောင်း၊ နယ်စပ်ဂိတ်အားလုံး ကိုလည်း ဇွန် ၇ ရက်မတိုင်မီက ကျင့်သုံးခဲ့သည့် မနက် ၆ နာရီမှ ည ၁၀ နာရီအထိ ပြန်ဖွင့်ပေးမှသာ လျှင် မိမိတို့ဘက်မှလည်း ပြန်ဖွင့်ပေးမည်ဖြစ်ကာ တစ်ဖက်သတ်အမိန့်နှင့် ဆုံးဖြတ်ချက်များကို လက်မခံနိုင်ဟု ဟွမ်မာနက်က ပြောသွားခဲ့သည်။

ထိုင်းမီဒီယာများကမူ မကြာမီ စစ်မှုမထမ်းမနေရ ဥပဒေ ရေးဆွဲပြီး ၂၀၂၆ ခုနှစ်တွင် စတင်ကျင့်သုံးမည်ဟု ဟွမ်မာနက် ပြောဆိုမှုအရ ကမ္ဘောဒီးယားသည် ထိုင်းနှင့် စစ်ဖြစ်ရန် ပြင်ဆင်နေသည်မှာ ထင်ရှားသည်ဟု ဖော်ပြနေကြသည်။

ကိုကလင်း
Ref: The Phnom Penh Post

#ကမ္ဘောဒီးယား
#စစ်မှုထမ်းဥပဒေ
#ထိုင်းနိုင်ငံ
#နယ်မြေအငြင်းပွားမှု

မော်ချီးတွင် စစ်ကောင်စီဗုံးကြဲ၊ ကလေးငယ်တစ်ဦးပါ ၇ ဦး သေဆုံး မဲခေါင်၊ ဇူလိုင် ၁၅ ကရင်နီဒေသ မော်ချီးကို ယနေ့ စစ်ကောင်စီက ...
15/07/2025

မော်ချီးတွင် စစ်ကောင်စီဗုံးကြဲ၊ ကလေးငယ်တစ်ဦးပါ ၇ ဦး သေဆုံး

မဲခေါင်၊ ဇူလိုင် ၁၅

ကရင်နီဒေသ မော်ချီးကို ယနေ့ စစ်ကောင်စီက လေယာဥ်ဖြင့်ဗုံးကြဲရာ ကလေးငယ် တစ်ဦး အပါအဝင် ၇ ဦး သေဆုံးကြောင်း ဒေသခံများထံမှ သိရသည်။

ဇူလိုင်လ ၁၄ ရက် နေ့လယ် ၂ နာရီ ၅ မိနစ်က စစ်ကောင်စီက မော်ချီးမြို့၊ အမှတ် ၃ ရပ်ကွက်တွင် ၂ လုံး၊ လေးအိမ်စုတွင် တစ်လုံး၊ စုစုပေါင်း ဗုံး ၃ လုံးကြဲချခဲ့ခြင်းဖြစ်ပြီး ပြည်သူ ၇ ဦးသေဆုံးခဲ့ရာ အမျိုးသမီး ၅ ဦး၊ အမျိုးသားတစ်ဦးနှင့် ကလေးငယ်တစ်ဦးတို့ သေဆုံးပြီး ၃ ဦး ဒဏ်ရာရကြောင်း စစ်ဘေးရှောင်ကူညီသူတစ်ဦးက ပြောသည်။

“နေ့ခင်း တစ်နာရီကလည်း ဒီးမော့ဆိုအနောက်ခြမ်းကို ၄ လုံးချသေးတယ်။ မိုးဗြဲကို စကစ ပြန်ထိန်းချုပ်ပြီးနောက် အဲ့ဘက်က အစွမ်းကုန်လေကြောင်းလုပ်ဖို့ ပစ်မှတ်ထားတယ်။ ၁၃၄ ကျသွားတာ၊ ၁၃၅ ပိတ်မိနေတာတွေကြောင့် ချနေတာ” ဟု ၎င်းက မဲခေါင်သို့ ပြောသည်။

ပြီးခဲ့သည့် ဝါဆိုလပြည့် ဇူလိုင်လ ၉ ရက်နေ့ကလည်း မော်ချီးတောင်ပေါ်၊ လိုလော်ထီးရွာကို စစ်ကောင်စီ၏ လေကြောင်းမှ ဗုံးကြဲတိုက်ခိုက်မှုကြောင့် ကလေးငယ် ၂ ဦး အပါအဝင် မိသားစု ၅ ဦး သေဆုံးခဲ့ရသည်။

အလားတူ ပြီးခဲ့သည့် ဇွန်လ ၂၅ ရက် တွင်လည်း ဖားဆောင်းမြို့နယ်၊ မော်ချီးတောင်ပေါ်ရွာ အောက်ခဲကျင်း (ခဲသတ္ထုတူးဖော်ရေးလုပ်ငန်း) ပေါ် ဗုံးကြဲခဲ့ပြီး လူ ၇ ဦးသေဆုံးကာ ထိခိုက်ဒဏ်ရာရသူ ၂၀ ကျော်အထိ ရှိခဲ့သည်။

ကရင်နီပြည် ကြားကာလအုပ်ချုပ်ရေး - IEC က ကရင်နီပြည်နယ်တွင် ၂၀၂၅ ခုနှစ် ၆ လ အတွင်း စစ်ကောင်စီ၏ လေကြောင်း တိုက်ခိုက်မှုကြောင့် အရပ်သားပြည်သူ ၃၃ ဦးသေဆုံးခဲ့ပြီး အမျိုးသား ၁၅ ဦး၊ အမျိုးသမီး ၇ ဦး၊ ကလေးငယ် ၂ ဦးနှင့် အချက်အလက် အတိအကျမသိရသူ ၇ ဦး စုစုပေါင်း ၉၄ ဦး ထိခိုက်ဒဏ်ရာရရှိခဲ့ကြောင်း ဇူလိုင် ၉ ရက်က ထုတ်ပြန်ချက်တွင် ဖော်ပြထားသည်။

မဟာ

#မော်ချီး
#စစ်ကောင်စီ
#ဗုံးကြဲ
#ကရင်နီ

ကျားဖြန့်တရုတ်နိုင်ငံသား ၅၀ ကို တရုတ်အာဏာပိုင်များထံ UWSA လွှဲပြောင်းမဲခေါင်၊ ဇူလိုင် ၁၅ UWSA၊ ထိန်းချုပ်နယ်မြေအတွင်း ဖမ...
15/07/2025

ကျားဖြန့်တရုတ်နိုင်ငံသား ၅၀ ကို တရုတ်အာဏာပိုင်များထံ UWSA လွှဲပြောင်း

မဲခေါင်၊ ဇူလိုင် ၁၅

UWSA၊ ထိန်းချုပ်နယ်မြေအတွင်း ဖမ်းဆီးရမိသည့် ကျားဖြန့်လုပ်ကိုင်သူ တရုတ်နိုင်ငံသား ၅၀ ဦး ကို တရုတ်ပြည်သို့လွှဲပြောင်းခဲ့ကြောင်း "ဝ" ပြည်နယ် တရားစီရင်ရေးကော်မတီက ထုတ်ပြန်သည်။

ဇူလိုင် ၁၃ ရက်နေ့က ထုတ်ပြန်ချက်တွင် ဖမ်းဆီးရမိသည့် တရုတ်နိုင်ငံသား ၅၀ ဦးကို ဇူလိုင် ၁၂ ရက်နေ့တွင် တရုတ်နယ်စပ်၊ ယူနန်ပြည်နယ်၊ လင်ချန်းမြို့၊ ချန်ယန် ကောင်တီရှိ Yonghe ဆိပ်ကမ်းမှတဆင့် လွှဲပြောင်းပေးခဲ့ကြောင်း သိရသည်။

ကျားဖြန့်များနှင့်အတူ လုပ်ငန်းသုံးစက်ပစ္စည်း ကိရိယာတွေကိုလည်း တပါတည်း လွှဲပြောင်းပေးအပ်ခဲ့ကြောင်း ပါရှိသည်။

ပြီးခဲ့သည့် ဇူလိုင်လ ၁ ရက်နေ့ကလည်း တန့်ယန်းမြို့တွင် ဖမ်းဆီးရမိသည့် ကျားဖြန်လုပ်ကိုင်သူတရုတ်နိုင်ငံသား ၆၆ ဦးကို ယခု Yonghe နယ်စပ်ဂိတ်မှပင် တရုတ်ပြည်သို့ လွှဲပြောင်းပေးခဲ့သေးသည်။

ဓာတ်ပုံ - WSP

#ကျားဖြန့်
#တရုတ်နိုင်ငံသား
#ယူနန်ပြည်နယ်

#တန့်ယန်း

နောင်ချိုတိုက်ပွဲကြောင့် မူဆယ်-လားရှိုး-မန္တလေး ကားခ ဈေးတက်မဲခေါင်၊ ဇူလိုင် ၁၅နောင်ချိုမြို့နယ်အတွင်း တိုက်ပွဲပြင်းထန်လာ...
15/07/2025

နောင်ချိုတိုက်ပွဲကြောင့် မူဆယ်-လားရှိုး-မန္တလေး ကားခ ဈေးတက်

မဲခေါင်၊ ဇူလိုင် ၁၅

နောင်ချိုမြို့နယ်အတွင်း တိုက်ပွဲပြင်းထန်လာသည့်အတွက် မူဆယ်-လားရှိုး-မန္တလေး သွားလာမှုကို တောင်ကြီးမြို့ဘက်မှ ပတ်သွားရသဖြင့် ကားခ ဈေးမြင့်တက်လာကြောင်း ကားသမားများနှင့် ခရီးသည်တချို့က ပြောဆိုသည်။

၂၀၂၅ ခုနှစ် ဇူလိုင်လဆန်းပိုင်းအတွင်း စစ်ကောင်စီသည် နောင်ချိုမြို့နယ်ကို ထိုးစစ်ဆင်နေသဖြင့် ကွင်းလမ်းများ ပိတ်သွားခဲ့ခြင်းဖြစ်သည်။

"လားရှိုး-မန္တလေး ကားခတွေ ဈေးတက်ပါတယ်။ ဘာဖြစ်လို့လည်း ဆိုတော့ တောင်ကြီးဘက်ကနေ ပတ်သွားရလို့ပါ။ ဒီဖက်ကနေ ပေးမသွားလို့ပါ" ဟု ကားသမားတစ်ဦးက ပြောသည်။

ကားခများအနေနှင့် စစ်ဆေးရေးဂိတ်ဖြတ်ကြေးများအပါအဝင် မူဆယ်မှ မန္တလေး သို့ သွားပါက ကျပ် ၃သိန်းခွဲ၊ မန္တလေးမှ မူဆယ်သို့ သွားပါက ကျပ် ၄ သိန်းခွဲ၊ မန္တလေးမှ လားရှိုးဆိုပါက ကျပ် ၃ သိန်း၊ လားရှိုးမှ မန္တလေး ဆိုပါက ကျပ် ၂ သိန်းခွဲ၊ တောင်ကြီး-လားရှိုး ဆိုပါက ကျပ် ၁သိန်းခွဲ၊ တောင်ကြီးမှ လောက်ကိုင်သို့ သွားပါက ကျပ် ၄ သိန်း ၃ သောင်း ကျသင့်ကြောင်း ကားသမားများနှင့် ခရီးသွားများ၏ ပြောဆိုချက်များအရ သိရသည်။

ခရီးသွားထောက်ခံစာ အစုံအလင် ပါရှိပါက တောင်ကြီး-လားရှိုး ကားခမှာ ၁၃ မျဉ်းစောင်း ဆိုပါက ကျပ် ၈သောင်း ဖြစ်ပြီး အခြားမျဉ်းစောင်းများမှာ ကျပ်တစ်သိန်း ကျသင့်ကြောင်း၊ မှတ်ပုံတင်၊ ထောက်ခံဏာ အပြည့်အစုံမပါလျှင် လမ်းတလျှောက် ငွေ‌ကုန်ကြေးကျ များပြားမည် ဖြစ်ကြောင်း ကားသမားတစ်ဦးက ရှင်းပြသည်။

ရှမ်းမြောက်ဒေသသို့ သွားရောက်လိုပါက မှတ်ပုံတင်ပေါ်ရှိ မျဉ်းစောင်းပေါ် မူတည်ပြီး သွားလာခွင့်၊ ငွေကြေးကုန်ကျမှု ကွာခြားသွားပြီး တချို့မှတ်ပုံတင်မျဉ်းစောင်းနှင့် လူမျိုးတစ်ချို့ကို ဖြတ်သန်းသွားလာခွင့် ကန့်သတ်ထားမှုလည်း ရှိသည် ဟု သိရသည်။

လက်ရှိ နောင်ချိုမြို့နယ်တွင် TNLA နှင့် စစ်ကာင်စီတို့ကြား တိုက်ပွဲပြင်းထန်နေ၍ ကွင်းလမ်းများ ပိတ်သွားသကဲ့သို့ ဂုတ်တွင်းတံတားမှာလည်း ချိုးဖြတ်ခံထားရသည်။​

ဖေသန်း

#နောင်ချို
#ရှမ်းမြောက်
#ကားခ
#လားရှိုး

ရှမ်းအရှေ့တွင် ခနောက်စိမ်းတူးရန် PNO ပြည်သူ့စစ် ကြိုးပမ်းလာမဲခေါင်၊ ဇူလိုင် ၁၅PNO ပြည်သူ့စစ် ခေါင်းဆောင်တစ်ဦးဖြစ်သည့် ခရ...
15/07/2025

ရှမ်းအရှေ့တွင် ခနောက်စိမ်းတူးရန် PNO ပြည်သူ့စစ် ကြိုးပမ်းလာ

မဲခေါင်၊ ဇူလိုင် ၁၅

PNO ပြည်သူ့စစ် ခေါင်းဆောင်တစ်ဦးဖြစ်သည့် ခရိုနီနေဝင်းထွန်းပိုင် ကုမ္ပဏီက ရှမ်းပြည်အရှေ့ပိုင်း၊ မိုင်းတုံခရိုင်အတွင်းတွင် ခနောက်စိမ်းသတ္တုတူးရန် ကြိုးပမ်းလာကြောင်း ဒေသခံများထံက သိရသည်။

မိုင်းတုံမြို့နယ်အနှံအပြားတွင် ခနောက်စိမ်းထွက်ရှိသဖြင့် PNO ပြည်သူ့စစ်က မိုင်းတုံ-မိုင်းဆတ် သွားကားလမ်းမှ မိုင်းတုံဘက် ၁၁မိုင်ရွာရှိ ခနောက်စိမ်းထွက်နေရာများသို့ တူးဖော်ခွင့် ရနိုင်ရန် ကြိုးပမ်းလာနေခြင်းဖြစ်ကြောင်း မိုင်းတုံဒေသခံတစ်ဦးက ပြောသည်။

“အဲနေရာက ဦးသိန်းစိန်လက်ထက် စိုင်းအိုက်ပေါင်းက ပြည်နယ်သတ္တုဝန်ကြီး လုပ်တုန်းကတည်းက ခနောက် စိမ်းကွက်တွေကို အလုအယက်ယူကြတာ။ ရွှေလားဟူ သားကြီးကုမ္ပဏီက အာဏာမသိမ်းခင်အထိ တရားဝင်တူးဖော်တယ်လို့ သိရတယ်။ ခနောက်စိမ်းလည်း အရည်အသွေးမှီတာ တော်တော်ထွက်တယ်။ တာဆန်းဘက် ရွှေတောင်ဖက်လည်း တရားမဝင် လာတူးနေကြတာ တရုတ်တွေများတယ်။ ခုမှ PNO က လာတာ” ဟု ၎င်းက မဲခေါင်ကို ပြောသည်။

PNO ပြည်သူ့စစ်အနေဖြင့် တာချီလိတ်တွင် ဆက်ဆံရေးရုံးဖွင့်ထားပြီး ယင်းမှတဆင့် မိုင်းတုံသို့ စီးပွားရေးနယ်ချဲ့လာခြင်းဟု ဒေသခံများက သုံးသပ်သည်။

နေဝင်းထွန်းပိုင် ပတ္တမြားနဂါးကုမ္ပဏီသည် ခနောက်စိမ်း သတ္တုအကြီးအကျယ် တူးဖော်နေသည့် ကုမ္ပဏီဖြစ်ပြီး ယခုမိုင်းတုံ တွင်တူးဖော်ရရှိပါက တရုတ်သို့ ပို့ဆောင်ရေးခရီးလမ်းကြောင်း နီးလာမည်ဖြစ်သော်လည်း အခြားတရားဝင်/မဝင်တူးဖော်နေသည့် အဖွဲ့အစည်းများနှင့် ဒေသတွင်း ပြိုင်ဆိုင်မှု ပိုမိုလာမည်ဖြစ်သည်။

မိုင်းတုံရှိ ခနောက်စိမ်းကို ဌာနေ လားဟူပြည်သူ့စစ်များနှင့် တရားမဝင် တရုတ်များကလည်း တူးဖော်လျက်ရှိကြောင်း သိရသည်။

ရှမ်းပြည်တွင် ခနောက်စိမ်း အဓိက ထွက်ရှိသည့် ဒေသများမှာ ရှမ်းပြည်အရှေ့ပိုင်း မိုင်းပျဉ်းမြို့နယ် ၊ မိုင်းဆတ်မြို့နယ်နှင့် မိုင်းတုံမြို့နယ် တို့ဖြစ်ကြပြီး အရည်အသွေးအားဖြင့် ၄၀ ရာခိုင်နှုန်း ရှိကြောင်းသိရသည်။

ရှမ်းပြည်တောင်ပိုင်းတွင် ကလောမြို့နယ်၊ ကွန်ဟိန်းမြို့နယ်၊ နမ့်စန်မြို့နယ်များနှင့် ရှမ်းပြည် မြောက်ပိုင်းတွင် လားရှိုးမြို့နယ်၊ သိန္နီမြို့နယ်နှင့် တန့်ယန်းမြို့နယ်များတွင် ထွက်ရှိကြောင်း သတ္တုစျေးကွက်မှ သိရသည်။

ခနောက်စိမ်းသည် မဟာဗျူဟာမြောက် သတ္တုဖြစ်ပြီး ယမ်းပေါက်ကွဲအားပြင်းရန် ရောစပ်အသုံးပြုကြောင်း သိရသည်။

ကျည်ဆန်များ၊ ဘက်ထရီစသည့်သတ္တုစပ်များ (Alloys)၊ မီးမလောင်နိုင်သော ပစ္စည်းများ (Flame Retardants)၊ ကြွေထည်မြေထည်နဲ့ ဖန်ထည်များ (Ceramics & Glass)၊ လျှပ်စစ်ပစ္စည်းများ (Electronics)များတွင် အများအပြားအသုံးပြုသည်ဟု သိရသည်။

“လက်ရှိ မြန်မာကထွက်တဲ့ ခနောက်စိမ်းကို နယ်စပ်မှောင်ခိုလမ်းကြောင်းကနေ တဆင့် တရုတ်နဲ့ ထိုင်းကို ရောင်းစားနေတယ်။ ရာနှုန်းပြည့်နီးပါးသန့်စင်တဲ့ ခနောက်စိမ်း တစ်တန်ကို အမေရိကန်ဒေါ်လာ ခြောက်သောင်းအထိ စျေးပေါက်တယ်။ မြန်မာဆီက စျေးပေါပေါနဲ့ဝယ်ပြီး တရုတ်က နိုင်ငံခြားကို ပြန်ရောင်းတာ ၁၅ ဆလောက် မြတ်တယ်။ ၁၅ ကျပ်တန်ကို ၁ ကျပ်နဲ့ မြန်မာတွေက ရောင်းနေတာ” ဟု သတ္တုလုပ်ငန်းရှင်တစ်ဦးက ပြောသည်။

လက်ရှိ ဇွန်လ ၂၄ ရက်က တရုတ်ပြည် ရှန်ဟိုင်းသတ္တုဈေးကွက် (SMM) တွင် ခနောက်စိမ်းသတ္တုရိုင်း (Antimony Ore) တစ်တန်လျင် သတ္တုရိုင်း၏ သန့်စင်မှု ရာခိုင်နှုန်းနှင့် အဆင့်ပေါ်မူတည်ပြီး ကွာခြားရာ အမေရိကန်ဒေါ်လာ ၇၀၀၀ မှ ၉၅၀၀ ဝန်းကျင် ရှိကြောင်း သိရသည်။

သန့်စင်ပြီး ခနောက်စိမ်း (Antimony Ingot) ၉၉ ဒဿမ ၆၅ ရာခိုင်နှုန်းအထက် တစ်တန်လျင် အမေရိကန်ဒေါ်လာ ၁၁၀၀၀ ကနေ ၁၃၅၀၀ ဝန်းကျင် ရှိပြီး ဈေးနှုန်းတွေမှာ နေ့စဉ် ပြောင်းလဲနေကြောင်း သိရသည်။


#ရှမ်းအရှေ့

#ခနောက်စိမ်း
#နေဝင်းထွန်း
#ပတ္တမြားနဂါး

14/07/2025

ထိုင်ဝမ်စစ်ရေးလေ့ကျင့်နေချိန် တရုတ်မှ ရေပေါ်တင့်ကားများဖြင့် တန်ပြန် စစ်ရေးပြခြိမ်းခြောက်

မဲခေါင်၊ ဇူလိုင် ၁၄

ထိုင်ဝမ်ဘက်မှ အကြီးမားဆုံး စစ်ရေးလေ့ကျင့်မှု ပြုလုပ်နေချိန် ပြီးခဲ့သည့် ဇူလိုင် ၉ ရက်က တရုတ်ဘက်မှ ယခင်မမြင်ဖူးသော အသစ်ထုတ် ရေပေါ်သွား တင့်ကား (Tank Boats) များဖြင့် ထိုင်ဝမ်ကျွန်းအနီး စစ်ရေးပြ ခြိမ်းခြောက်ခဲ့သည်။

ယင်းမြင်ကွင်းကို ဇူလိုင် ၁၀ ရက် တရုတ်အစိုးရပိုင် CCTV သတင်းဌာနက ထုတ်ပြန်ပြသခဲ့ခြင်းဖြစ်ကာ ဖူဂျီအန်းခရိုင် တောင်ဘက်ကမ်းလွန်တွင် လက်တွေ့ ပစ်ခတ်စစ်ရေးလေ့ကျင့်မှုအား တရုတ်ကွန်မြူနစ်ပါတီ တပ်မ ၇၂ မှ လုပ်ဆောင်ခြင်းဖြစ်သည်ဟုလည်း ထုတ်ပြန်သွားခဲ့သည်။

ကိုကလင်း
Ref: Thesun

#ထိုင်ဝမ်
#စစ်ရေးပြ
#တရုတ်
#ခြိမ်းခြောက်

ที่อยู่

Phra Nakhon

เว็บไซต์

แจ้งเตือน

รับทราบข่าวสารและโปรโมชั่นของ MeKong News - မဲခေါင်သတင်းผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง MeKong News - မဲခေါင်သတင်း:

ทางลัด

แชร์

ประเภท

We promise Quality

MeKong News - မဲခေါင်သတင်းဌာနကို ၂၀၁၉ ခုနှစ်၊ အောက်တိုဘာလတွင် စတင်တည်ထောင်သည်။ ပြန်ကြားရေးဝန်ကြီးဌာန သတင်းအေဂျင်စီလုပ်ငန်းအသိအမှတ်ပြု အမှတ် - ၀၀၂၅၀ ဖြင့် မှတ်တမ်းတင် လုပ်ကိုင်နေသည်။

သတင်းဌာနကို ရှမ်းပြည်နယ်၊ အရှေ့ပိုင်းတွင် အခြေစိုက်ပြီး သတင်းကျင့်ဝတ်နှင့်ညီသော တင်ဆက်မှုများကို အရည်အသွေးမြင့်မားစွာဖြင့် ထုတ်လုပ်တင်ဆက်ရန် အာမခံသည်။

သတင်းမီဒီယာသည် ဒီမိုကရေစီ၏ထောက်တိုင်တစ်ခုဖြစ်သည်နှင့်အညီ တည်ဆောက်နေသည့် ဖက်ဒရယ်ဒီမိုကရေစီနိုင်ငံ တည်ဆောက်ရေးတွင် တိုင်းရင်းသား လူနည်းစု၏ အသံများကို ပြည်သူအများ ပိုမိုကြားသိနိုင်ရန် အားထုတ်လျှက်ရှိသည်။

သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည်ဖြစ်သည်။