MeKong News - မဲခေါင်သတင်း

MeKong News - မဲခေါင်သတင်း ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก MeKong News - မဲခေါင်သတင်း, เว็บไซต์ข่าวและสื่อ, Bangkok.

MeKong News was founded in Sept 2019 and is based in Tachileik, a township located in Eastern Shan State, also known as the city of the golden triangle region where Thailand, Laos, China, and Myanmar meet. We covered news and related issues on politics, business, the peace building process, crime, drugs, trafficking, culture, and traditions of ethnic groups such as Lahu and Ahkha. We also had a fo

cus on the human rights violations on ethnic people that mainstream media often missed or ignored and corruption cases within local government authorities and its officials.

28/09/2025

နေပြည်တော်တိုင်းစစ်ဌာန၊ နေပြည်တော်တပ်ရင်း ၈၀၈ မှ လူအင်အားနဲ့ ဂန်းအင်အားမျှတရန်အတွက်

"အော်ပရေးရှင်း စစ်တောင်း"

ကျပ်သိန်း ၂,၀၀၀ ကမ်ပိန်း သည် လူထုရဲ့ပါဝင်ပေးမှုဖြင့် 34% ရောက်ရှိခဲ့ပါပြီ။

ဒါကြောင့် ကမ်ပိန်းလေး 100% ပြည့်မှီအောင်
ဆက်လက်ပါဝင်ပေးကြပါအုံးဗျ။

Sep 16 2025 to Nov 10 2025

Road To 50%

အောက်ပါ Link တွင်တိုက်ရိုက်ပါဝင်ပေးနိုင်ပါသည်။

https://www.facebook.com/share/19jNHuTJta/

နိုင်ငံတကာ Fundraiser များမှ တစ်ဆင့်လည်း ပါဝင်ပေးနိုင်ပါသည်။

https://www.facebook.com/share/p/1CSfSVnGni/



#အော်ပရေးရှင်းစစ်တောင်း
#ကျပ်သိန်း၂၀၀၀

27/09/2025

နေပြည်တော် တံခါးဝကိုခေါက်နိုင်ရေးအတွက်
"အော်ပရေးရှင်း စစ်တောင်း"
ကျပ်သိန်း ၂,၀၀၀ ကမ်ပိန်း သည် လူထုရဲ့ပါဝင်ပေးမှုဖြင့် 34% ရောက်ရှိခဲ့ပါပြီ။

ဒါကြောင့် ကမ်ပိန်းလေး 100% ပြည့်မှီအောင်
ဆက်လက်ပါဝင်ပေးကြပါအုံးဗျ။

Sep 16 2025 to Nov 10 2025
Road To 50%
အောက်ပါ Link တွင်တိုက်ရိုက်ပါဝင်ပေးနိုင်ပါသည်။

https://www.facebook.com/share/19jNHuTJta/


#အော်ပရေးရှင်းစစ်တောင်း
#ကျပ်သိန်း၂၀၀၀

စစ်ပြီးလျှင် ဂါဇာမြို့တော်ဝန်အဖြစ် တိုနီဘလဲအား စီမံစေလိုသည်ဟု မော့ဆက်အကြီးအကဲဟောင်းဖွင့်ဟမဲခေါင်၊ စက်တင်ဘာ ၂၇၂၀၁၆ မှ ၂၀၂...
27/09/2025

စစ်ပြီးလျှင် ဂါဇာမြို့တော်ဝန်အဖြစ် တိုနီဘလဲအား စီမံစေလိုသည်ဟု မော့ဆက်အကြီးအကဲဟောင်းဖွင့်ဟ

မဲခေါင်၊ စက်တင်ဘာ ၂၇

၂၀၁၆ မှ ၂၀၂၁ ခုနှစ်အထိ ကမ္ဘာကျော် အစ္စရေးထောက်လှမ်းရေးအဖွဲ့ မော့ဆက်၏ အခေါင်အချုပ် တာဝန်ယူခဲ့သည့် ယော့ဆီကိုဟန်က ဟားမက်စ်များကိုအပြီးအပြတ်နှိမ်နင်းပြီးနောက် ဂါဇာကမ်းမြောင် ဒေသအား ပြန်လည်ထူထောင်တည်ဆောက်ရေး ဗြိတိန်ဝန်ကြီးချုပ်ဟောင်း ဆာ တိုနီဘလဲအား ဂါဇာမြို့တော်ဝန်အဖြစ် ဦးဆောင်သွားစေလိုသည်ဟု ထောက်ခံပြောဆိုသွားခဲ့သည်။

မော့ဆက်အဖွဲ့ ခေါ်ယူစေခိုင်းသည့်စပိုင်များအနက် အသက်အငယ်ဆုံးသူဖြစ်ခဲ့သည့် ကိုဟန်သည် လက်ရှိ အစ္စရေးဝန်ကြီးချုပ် နက်တန်ယာဟုနေရာကို ဆက်ခံမည့်သူအဖြစ် တစ်ပြေးနေသလို ၎င်း ကိုယ်တိုင်ကလည်း ဆက်ခံလိုသည်ဟု ဖွင့်ပြောထားသည်။

အစ္စရေး အမျိုးသားလုံခြုံရေးအတိုင်ပင်ခံ လည်းဖြစ်သော ကိုဟန်က ဗြိတိန်သည် ပါလက်စတိုင်းနိုင်ငံတော်ကို ထောက်ခံခဲ့မှုအား လုံး၀လက်မခံ နိုင်သော်လည်း စစ်ပြီးလျှင် အမျိုးမျိုးသော အခြေအနေဖြင့် ဂါဇာကိုပြန်လည်ထူထောင်ကာ အုပ်ချုပ်ရေးပုံစံသစ်ချမှတ်သွားရေး တိုနီဘလဲအား ဦးဆောင်စေလိုသည်ဟု ပြောသွားခြင်းဖြစ်သည်။

“အဓိက ပြဿနာက စစ်ပြီးသွားတဲ့ နောက်နေ့ လူဦးရေ ၂ ဒသမ ၂ သန်းရှိတဲ့ ဂါဇာကမ်းမြောင်ဒေသကို ဘာလုပ်ကြမလဲဆိုတာပါ။ ဘယ်သူက ဦးဆောင်မလဲဆိုတာပါ။ ပါလက်စတိုင်း အာဏာပိုင်တွေကို ကျွန်တော်တို့ အခွင့်အရေးတွေ ပေးခဲ့ပေမယ့် သူတို့က ဒီနေရာကို ကမ္ဘာ့အနက်ဆုံး တွင်းနက်ကြီး ဖြစ်အောင် လုပ်သွားခဲ့တယ်။ ပါလက်စတိုင်းနိုင်ငံတော် အသိအမှတ်ပြု တည်ထောင်ဖို့ ဗြိတိန်နဲ့ တခြားနိုင်ငံတွေ လက်ခံတာကိုတော့ ကျွန်တော်တို့ လက်မခံနိုင်ပါဘူး။ ဖြစ်လာစရာလည်း မရှိဘူး။ ပါလက်စတိုင်းမှာ ခေါင်းဆောင်တွေက နုံချာတယ်။ ရှိလည်း ရှိမနေဘူး။ မိုဟာမက် အဘက်စ်ကို ခေါင်းဆောင်အဖြစ်ခေါ်လို့လည်း မရဘူး။ သူဟာ ပြည်သူရွေးတဲ့ခေါင်းဆောင်၊ ပြည်သူတွေလက်ခံတဲ့ သူလည်း မဟုတ်ဘူး။ ဒါကြောင့် စစ်ပြီးရင် ကုလသမဂ္ဂနဲ့ အာရပ်နိုင်ငံတွေပူးပေါင်းပြီး ဂါဇာနိုင်ငံတကာ အုပ်ချုပ်မှုကူးပြောင်းရေးအာဏာပိုင်အဖွဲ့ GITA ထူထောင်မယ်။ တိုနီဘလဲနဲ့ ကျွန်တော် ကောင်းကောင်း သိတယ်။ သူအဆိုပြုထားတဲ့ ဂါဇာပြန်လည်ဖွဲ့စည်းထူထောင်ရေး အဆိုကိုလည်း ကြိုက်တယ်။ ဘုရားသခင် သူ့ကိုကောင်းချီးပေးမှာပါ။ ဒါကြောင့် တိုနီဘလဲဟာ ဂါဇာမြို့တော်ဝန် အဖြစ် ပြန်လည်ဖွဲ့စည်းထူထောင်ရေးမှာ ဦးဆောင်တာကို ထောက်ခံချင်ပါတယ်” ဟု ကိုဟန်က ထောက်ခံပြောဆိုသွားသည်။

အစ္စရေးနှင့်စစ်ပွဲပြီးလျှင် ဂါဇာကို မည်သို့ ပြန်လည် ထူထောင်မည်ဆိုခြင်းမှာ ဝိဝါဒကွဲပြားမှုများ ရှိနေသည်။

အမေရိကန်သမ္မတ ဒေါ်နယ်ထရမ့်က ဂါဇာနေ ပါလက်စတိုင်းများအားလုံးအား လျော်ကြေး လောက်ငှစွာပေးပြီး အနည်းဆုံး ၁၀ နှစ် ဂါဇာမှ ထွက်သွားစေပြီး ကမ္ဘာကျော် အပန်းဖြေအဆင့်မြင့် နေရာဖြစ်သည့် ရီဗားရီးယားကဲ့သို့ အလှဆုံး၊ အဆင့်အမြင့်ဆုံး မြို့အဖြစ် ထူထောင်သွားလိုသည်ဟု အကြံပြုထားသည်။

နက်တန်ယာဟုကလည်း ဟားမက်စ်များအားလုံးကို သုတ်သင်ခြင်း၊ ဖမ်းဆီးခြင်း များလုပ်ပြီးလျင် ၎င်းတို့အား အာရပ်တစ်နိုင်ငံငံသို့ လွှဲအပ်ကာ ဂါဇာတွင် ပြည်သူတင်မြှောက်မည့် အကြမ်းဖက်မူဝါဒကင်းရှင်းသော အစိုးရ ပြန်ဖွဲ့လိုသည်ဟု ပြောဆိုထားသည်။

ကိုကလင်း
Ref:Thesun

#အစ္စရေး
#မော့ဆက်
#ဂါဇာ
#တိုနီဘလဲ

တောင်ကြီးသီတင်းကျွတ်ဂီတပွဲသို့ မဖြစ်မနေပြောင်းရွှေ့ရောင်းချရန် ညစျေးသည်များကို စည်ပင်ဖိအားပေးခြိမ်းခြောက်မဲခေါင်၊ စက်တင်...
27/09/2025

တောင်ကြီးသီတင်းကျွတ်ဂီတပွဲသို့ မဖြစ်မနေပြောင်းရွှေ့ရောင်းချရန် ညစျေးသည်များကို စည်ပင်ဖိအားပေးခြိမ်းခြောက်

မဲခေါင်၊ စက်တင်ဘာ ၂၇

မီးပုံပျံပွဲကျင်းပရာ တောင်ကြီးမြို့၊ အဝေရာကွင်းတွင်ကျင်းပမည့် တောင်ကြီးသီတင်းကျွတ်ဂီတပွဲ - Taunggyi Thadingyut Music Festival တွင် ညဈေးသန်များ မဖြစ်မနေသွားရောက်ရောင်းချရန် စစ်ကောင်စီ၏ ရှမ်းပြည်အစိုးရနှင့် စည်ပင်မှ အမိန့်ပေးထားကြောင်း ဒေသခံများထံမှ သိရသည်။

တောင်ကြီးမြို့၏ ညစျေး နှစ်ခုဖြစ်သည့် Night 38 ညစျေးနှင့် ကမ္ဘောဇညစျေးများတွင် ရောင်းချသည့် ညဈေးသည်များအနေဖြင့် ဂီတပွဲကျင်းပမည့် နေ့ရက်များတွင် ပွဲနေရာသို့ မဖြစ်မနေ ပြောင်းရွှေ့ကာ ဈေးရောင်းချရန် စည်ပင်က ဖိအားပေးထားပြီး မရောင်းချပါက လက်ရှိရောင်းချနေသည့် ညဈေးများတွင် ဈေးရောင်းချခွင့် ၂လ ပိတ်မည်ဟု ခြိမ်းခြောက်ထားကြောင်း ညဈေးသည်များထံမှ သိရသည်။

ယင်းဂီတပွဲကျင်းပနေစဉ်အတွင်း ညစျေး ၂ခုလုံးပိတ်ပေးထားရမည်ဖြစ်ပြီး ဂီတပွဲတွင် စျေးရောင်းချရန်အတွက်ကိုလည်း ဆိုင်နေရာကို တစ်ရက်လျင် ကျပ်၅သောင်းဖြင့် စည်ပင်မှတဆင့် နေရာပြန်ဝယ်ပြီး စျေးရောင်းရမည်ဖြစ်ကြောင်း ညဈေးသည်များထံမှ သိရသည်။

“အဲလိုနေ့မျိုးဟာ Night 38 မှာ ရောင်းအားကောင်းတာ ပုံမှန်ရောင်းကြေးထက် ၃ဆလောက် ရောင်းရတယ်။ လတ်တလောတော့ Night 38 ညစျေးက စျေးသည်တွေ ကန့်ကွက်စာတင်ထားတယ်။ ရ၊ မရမသိသေးဘူး။ ပြီးတော့ ပွဲချိန်က ညနေ ၃နာရီက ၁၀နာရီအထိပဲ ဆိုတော့ နေ့စဥ်သွားလာ သယ်ပြုရတာ လွယ်တာမဟုတ်ဘူး” ဟု Night 38 မှစျေးသည်တစ်ဦးက မဲခေါင်သို့ ပြောသည်။

ဂီတပွဲudk လာမည့် အောက်တိုဘာ ၄ရက်မှ ၆ရက်အထိပြုလုပ်မည်ဖြစ်ပြီး စျေး ၂ခုတွင် စျေးရောင်းချနေသည့် စျေးသည်မှန်သမျှ ၎င်းဂီတပွဲ ကျင်းပသည့် ရက်မတိုင်ခင် တစ်ရက်အလိုမှစ၍ ကျင်းပမည့် နောက် ၃ရက်ထိ ၄ရက်တိုင်တိုင် မဖြစ်မနေ သွားရောက် ရောင်းချရန် ဖို့ အတင်းအဓမ္မ ဖိအားပေးခံနေရကြောင်း စျေးသည်များက ပြောသည်။

အလားတူ အကြပ်ကိုင်ခံရသည့် ကမ္ဘောဇညစျေးတွင်မူ ကန့်ကွက်ရဲသူ မရှိသောကြောင့် သွားရောင်းရနိုင်ချေ ရှိနေကြောင်း ဈေးသည်များကပြောသည်။

“ဒီမှာ(ကမ္ဘောဇညဈေး) ရောင်းရင် ပုံမှန်ထက် ၂ဆလောက်ရတာကို၊ အဲဒီမှာ လူစည်အောင် အတင်း သွားရောင်းခိုင်းလို့သာ သွားရမှာ၊ နေရာခစျေးနဲ့ ရမှာနဲ့ မကိုက်နိုင်ဘူး။ ဒီမှာစျေးလာတာက စားဖို့လာကြတာ၊ ဟိုမှာက ပွဲကြည့်ဖို့လာကြတာ မတူဘူး။ လူများသလောက် စျေးမရောင်းရနိုင်ဘူး” ဟု ကမ္ဘောဇစျေးသည်တစ်ဦးက ပြောသည်။

ယင်းပွဲကို စီစဥ်သူများက ၎င်းတို့ပွဲလူပိုစည်စေရန် တင်ပြသဖြင့် ရှမ်းအစိုးရနှင့် စည်ပင်မှ အဓမ္မပြောင်းရွှေ့ရောင်းချစေ​ခြင်းဖြစ်ကြောင်း စုံစမ်းသိရသည်။

မဟာ

#တောင်ကြီး
#သီတင်းကျွတ်
#အဝေရာကွင်း
#ကမ္ဘောဇညဈေး
#ညဈေး

ဘန်ကောက် လူနေတိုက်ခန်း ကားပါကင် မီးလောင်မှု ယာဉ် ၃၅ စီး ပျက်စီးမဲခေါင်၊ စက်တင်ဘာ ၂၇စက်တင်ဘာ ၂၇ ရက် ဒေသစံတော်ချိန် နံနက် ...
27/09/2025

ဘန်ကောက် လူနေတိုက်ခန်း ကားပါကင် မီးလောင်မှု ယာဉ် ၃၅ စီး ပျက်စီး

မဲခေါင်၊ စက်တင်ဘာ ၂၇

စက်တင်ဘာ ၂၇ ရက် ဒေသစံတော်ချိန် နံနက် ၁ နာရီခွဲတွင် ဘန်ကောက်ရှိ လူနေတိုက်တန်းတစ်ခုမှ ပါကင်တွင် မီလောင်သဖြင့် ယာဉ် ၃၅ စီး မီးလောင်ပျက်စီးခဲ့ရသည်။

ဘန်ကောက်၊ ရတ်ဘူရာနာခရိုင်၊ ဘန်ပရော့ခရိုင်ခွဲ၊ ဆွိုင်ဆက်ခ်ဆာဝပ်အနီး အဆောက်အအုံ ပါကင်တွင် ရုတ်တရက် မီးထလောင်ရာ ဒဏ်ရာရထိခိုက်သူမရှိဘဲ တိုက်တန်းနေထိုင်သူများလည်း ဘေးကင်း ရာရှောင်နိုင်ခဲ့ကြောင်း၊ မီသတ်တပ်ဖွဲ့က မိနစ် ၂၀ အတွင်း မီးငြိမ်းသတ်နိုင်ခဲ့ကြောင်း တာဝန်ရှိသူများက ထုတ်ပြန်သည်။

သို့ရာတွင် ပါကင်၌ရှိသည့် ဆိုင်ကယ် ၂၉ စီး၊ စက်ဘီး ၃ စီး၊ ကား ၂ စီးနှင့် ပစ်ကပ်ကုန်ကားတစ်စီး မီးလောင်သည့်အထဲပါဝင်သွားခဲ့ကာ မှုခင်းရဲတပ်ဖွဲ့က မည်သို့မီးလောင်ကျွမ်းရသည်ကို အသေးစိတ် လေ့လာစုံစမ်းနေသည်ဟု ထုတ်ပြန်သွားခဲ့သည်။

စီစီတီဗီမှတ်တမ်းတွင် ဆိုင်ကယ်တစ်စီးမှ မီးစတင်လောင်ကျွမ်းသည်ကို လူတစ်ဦးက မီးငြိမ်းသတ်သော်လည်း ချက်ချင်း ကူးစက်ပြီး ငြိမ်းမရနိုင်ဖြစ်ခဲ့သည်ကို တွေ့ရှိရသည်။

ကိုကလင်း
Ref: Khaosod

#ဘန်ကောက်
#လူနေတိုက်ခန်း
#ကားပါကင်
#မီးလောင်

ကျောက်မဲတွင် စစ်ကောင်စီတပ် မိန်းကလေးငယ်တစ်ဦးကို အဓမ္မကျင့် သတ်ဖြတ်၊ သံဃာတော် အပါအဝင် ပြည်သူ ၃ ဦးကိုလည်း သတ်ဖြတ်မဲခေါင်၊...
27/09/2025

ကျောက်မဲတွင် စစ်ကောင်စီတပ် မိန်းကလေးငယ်တစ်ဦးကို အဓမ္မကျင့် သတ်ဖြတ်၊ သံဃာတော် အပါအဝင် ပြည်သူ ၃ ဦးကိုလည်း သတ်ဖြတ်

မဲခေါင်၊ စက်တင်ဘာ ၂၇

စစ်ကြောင်းထိုးလာသည့် စစ်ကောင်စီတပ်သားများသည် ကျောက်မဲမြို့နယ် နားအိုက်ခန့်ကျေးရွာ၌ အသက်မပြည့်သေးသော မိန်းကလေးငယ်တစ်ဦးကို အဓမ္မကျင့် သတ်ဖြတ်ခဲ့သည့်အပြင် သံဃာတစ်ပါးအပါအဝင် အခြားရွာသား ၂ဦး စုစုပေါင်း ၄ဦးကိုသတ်ဖြတ်ခဲ့သည်ဟု ရှမ်းကျောင်းသားများသမဂ္ဂ - Tai Students’ Union - TSU က စက်တင်ဘာ၂၅ရက်တွင် ထုတ်ပြန်သည်။

စစ်ကောင်စီစစ်ကြောင်းသည် စက်တင်ဘာ ၂၄ရက် နေ့လည်ပိုင်း၌ ရွာလုံးကျွတ်နီးပါးစစ်ရှောင်သွားပြီးဖြစ်သော နားအိုက်ခန့်ကျေးရွာသို့ ရောက်ရှိလာပြီးကျေးရွာတွင် ကျန်းမာရေးမကောင်းသော ဆရာတော်အား ပြုစုရန် ကျန်ရစ်ခဲ့သူ သံဃာတော်တစ်ပါးကို ပစ်သတ်ခဲ့သည်ဟု TSU ကပြောသည်။

၎င်းအပြင် အနီးအနားရှိ လယ်တဲများတွင် တိမ်းရှောင်နေသော မိသားစုသုံးဦးတွင် မိခင်ဖြစ်သူနှင့် သားငယ်ကို နေရာတွင် ပစ်သတ်ကာ အသက်မပြည့်သေးသော သမီးဖြစ်သူမိန်းကလေးကို အဓမ္မကျင့်ကာ သတ်ဖြတ်ခဲ့သည်ဟု TSU က ထုတ်ပြန်သည်။

ယင်းမိသားစုသုံးဦး နေထိုင်သည့် လယ်တဲထဲတွင် စစ်ကောင်စီတပ်သားများ၏ ယူနီဖောင်း ကျန်ရစ်ခဲ့သည်ကိုလည်း သက်သေခံအဖြစ် တွေ့ရသည် ဟု လည်းပြောသည်။

“မိမိတို့အနေဖြင့် ယခုလို အပြစ်မဲ့ပြည်သူတွေကို မုဒိန်းကျင့်သတ်ဖြတ်ကာ စစ်ရာဇဝတ်မှု ကျူးလွန်နေသည့် စစ်ကောင်စီနဲ့ ပူးပေါင်းဆောင်ရွက်ခြင်း မပြုဘဲ အရေးယူပေးရန် ကမ္ဘာ့နိုင်ငံအသီးသီးနဲ နိုင်ငံတကာ အဖွဲ့အစည်းများကို တောင်းဆိုလိုက်တယ်” ဟု ရှမ်းကျောင်းသားများသမဂ္ဂက ယိင်းမွေလျန်းက မဲခေါင်သို့ ပြောသည်။

၎င်းတို့အနေဖြင့်လည်း ပြည်သူများအပေါ်ရာဇဝတ်မှုများ ကျူးလွန်လျက်ရှိသော စစ်ရာဇဝတ်ကောင်များကို ရရာနည်းဖြင့် အပြစ်ပေး အရေးယူသွားနိုင်ရန် ကူညီပေးသွားမည်ဖြစ်သည် ဟု ထုတ်ပြန်ချက်တွင် ပါရှိသည်။

စစ်ကောင်စီတပ်သည် သြဂုတ်လ၁၉ ရက်က ကျောက်မဲမြို့နယ်အတွင်း TNLAနှင့်မဟာမိတ်များကို စစ်ကြောင်း ထိုးတိုက်ခိုက်လာခဲ့ရာ စက်တင်ဘာ ၂၅ရက်တွင် နားအိုက်ခန့်အကျော် စခန်းသာအနားသို့ ထိုးစစ်ရောက်ရှိနေပြီ ဖြစ်ကြောင်း မြေပြင်သတင်းများအရ သိရသည်။


#ကျောက်မဲမြို့နယ်
#နားအိုက်ခန့်ကျေးရွာ
#အဓမ္မပြုကျင့်
#စစ်ကောင်စီ

အိမ်ဖြူတော်ရှိ ဂျိုးဘိုင်ဒန် ပုံနေရာ အော်တိုပင်ဓာတ်ပုံဖြင့် ဒေါ်နယ်ထရမ့် အစားထိုးထားရှိမဲခေါင်၊ စက်တင်ဘာ ၂၆၈၂ နှစ်ရှိပြီ...
26/09/2025

အိမ်ဖြူတော်ရှိ ဂျိုးဘိုင်ဒန် ပုံနေရာ အော်တိုပင်ဓာတ်ပုံဖြင့် ဒေါ်နယ်ထရမ့် အစားထိုးထားရှိ

မဲခေါင်၊ စက်တင်ဘာ ၂၆

၈၂ နှစ်ရှိပြီဖြစ်သော သမ္မတဟောင်း ဂျိုးဘိုင်ဒန်၏ အသိဉာဏ်မေ့လျော့တတ်မှုများကို မေးခွန်းထုတ်ကာ သမ္မတစ်ဦးအနေဖြင့် တိုင်းပြည်ကို ကိုယ်တိုင်အုပ်ချုပ်နိုင်စွမ်းမရှိဘဲ လက်မှတ်ကို ထပ်ကာထပ်ကာ ကိုယ်တိုင်မထိုးဘဲသုံးရန် ထားရှိပေးသည့် Autopen သမ္မတဟု စွပ်စွဲခဲ့သည့်အတိုင်း ယခု အိမ်ဖြူတော် သမ္မတအဆက်ဆက် ပုံတူများထားရှိကာ Presidential Walk of Fame နံရံတွင် ဒေါ်နယ်ထရမ့်သည် ဂျိုးဘိုင်ဒန် ပုံတူကိုဖြုတ်ချကာ ၎င်း၏ အော်တိုပင် လက်မှတ်ကို အစားထိုး ချိတ် ဆွဲလိုက်သည်။

၎င်းဓာတ်ပုံနှင့် ဗီဒီယိုမှတ်တမ်းကို အိမ်ဖြူတော်ဆက်ဆံရေးအကြံပေး မာဂိုမာတင်က အိမ်ဖြူတော် တရားဝင် အင်စတာဂရမ်လူမှုကွန်ရက်အကောင့်၌ တင်ခဲ့ပြီး အားလုံးကို အသိပေးသွားခြင်းဖြစ်သည်။ အဆိုပါ ဗီဒီယိုတွင် စာသားအဖြစ် the new walk of fame ဟု ရေးထိုးထားကာ သမ္မတသက်တမ်း ၂ ဆက်တာဝန်ယူသည့် ဒေါ်နယ်ထရမ့် အဖြူအမဲ ပုံ ၂ ခုအကြား ထားရှိလိုက်ခြင်းဖြစ်သည်။

၂၀၂၀ ပြည့်နှစ်ရွေးကောက်ပွဲတွင် မဲရှုံးခဲ့ပြီးနောက် ဒေါ်နယ်ထရမ့်က ဂျိုးဘိုင်ဒန်ကို အော်တိုပင် သမ္မတ ဟု စွပ်စွဲကာ ပြီးခဲ့သည့် ဇွန်လက ဂျိုးဘိုင်ဒန် သမ္မတရာထူး ရယူခဲ့စဉ်ကာလက အော်တိုပင် လက်မှတ် အသုံးပြုခြင်းများအားလုံးကို စုံစမ်းစစ်ဆေးရန် အမိန့်ပေးခဲ့သည်။

ဘိုင်ဒန်သည် အသိဉာဏ်မေ့လျော့ မှုများ မကြာခဏဖြစ်သည့်အတွက် နိုင်ငံ၏ အရေးပါသော သမ္မတလက်မှတ်များကို ကိုယ်တိုင်မထိုးဘဲ အကြိမ်ကြိမ် ကော်ပီယူသုံးနိုင်သည့် အော်တိုပင် လက်မှတ် ထားရှိသူဟု စွပ်စွဲခဲ့သည်။

ပြည်ပ အထောက်အပံ့များ၊ လွတ်ငြိမ်းချမ်းသာခွင့်များ၊ သမ္မတ အမိန့်များ၊ ဥပဒေပြုမှုများ၊ ကြေညာချက်များ စွာတွင် ဂျိုးဘိုင်ဒန်သည် သမ္မတ တစ်ဦးအဖြစ် ကိုယ်ပိုင်ဆုံးဖြတ်လက်မှတ်ထိုးနိုင်စွမ်းမရှိသဖြင့် အော်တိုပင် သုံးခြင်းမှ နိုင်ငံအခြေအနေများ ဆိုးရွားခဲ့ရမှုအတွက် စုံစမ်းမည်ဟုလည်း ထရမ့်၏ အမေရိကန်လွတ်ငြိမ်းချမ်းသာခွင့် ရှေ့နေ အက်ဒ်မာတင်က ပြောဆိုသွားခဲ့သည်။

ဂျိုးဘိုင်ဒန်က ထရမ့်၏ စွပ်စွဲချက်များကို တန်ပြန်ကာ မိမိသမ္မတသက်တမ်းလျောက် ချမှတ်ခဲ့သည့် ဆုံးဖြတ်ချက်များ၊ ရေးထိုးခဲ့သည့် လက်မှတ်များအားလုံး၏ ရည်ရွယ်ချက်နှင့် အကျိုးတရားများသည် အမှားအယွင်း မရှိခဲ့ဘဲ သမ္မတအမိန့် ဆုံးဖြတ်ချက်များဖြင့် ကိုယ်တိုင် ချမှတ်ခဲ့သည်ဟု ထုတ်ပြန်ခဲ့သည်။

ထရမ့်ကိုယ်တိုင်သည်လည်း အော်တိုပင် ကို အသုံးပြုခဲ့ကြောင်း ဝန်ခံထားပြီး အလွန် အရေးမပါသည့် ကိစ္စရပ်များတွင်သာ မိမိ၏ အော်တိုပင်ကို အကြိမ်နည်းပါးစွာ သုံးခဲ့သည်ဟု ဆိုသည်။

အော်တိုပင်ကို ၂၀၀၅ ခုနှစ်က အမေရိကန်သမ္မတ ဂျော့ချ် ဘုရှ်လက်ထက် စတင် တီထွင်ထားရှိခြင်းဖြစ် ကာ ဘာရတ်အိုဘားမားသည် ထို အော်တိုပင် လက်မှတ်အား ၂၀၁၁ မေတွင် စသုံးခြင်းဖြင့် အမေရိကန် သမ္မတသမိုင်း၌ အော်တိုပင် စတင်အသုံးပြုသူအဖြစ် မှတ်တမ်းဝင်ခဲ့သည်။

ကိုကလင်း
Ref: Thesun

#ဂျိုးဘိုင်ဒန်
#ဒေါ်နယ်ထရမ့်
#အိမ်ဖြူတော်
#အော်တိုပင်
#အိုဘားမား

အင်းလေးတွင် ဖောင်တော်ဦးဘုရား ပင့်ဆောင်စဉ် ဆွဲလှေတစ်စင်းနစ်မြုပ်မဲခေါင်၊ စက်တင်ဘာ ၂၆စစ်ကောင်စီပြုလုပ်သည့် အင်းလေးဖောင်တော...
26/09/2025

အင်းလေးတွင် ဖောင်တော်ဦးဘုရား ပင့်ဆောင်စဉ် ဆွဲလှေတစ်စင်းနစ်မြုပ်

မဲခေါင်၊ စက်တင်ဘာ ၂၆

စစ်ကောင်စီပြုလုပ်သည့် အင်းလေးဖောင်တော်ဦး ဘုရားပွဲအတွင်း ဒေသစာရီကြွချီလျက်ရှိသော ဖောင်တော်ဦးဘုရားအား ပင့်ဆောင်စဉ် ယနေ့ နံနက်ပိုင်းတွင် ဆွဲလှေတစ်စင်း မတော်တဆနစ်မြုပ်ခဲ့ကြောင်း ဒေသခံများထံမှ သိရသည်။

ယနေ့ စက်တင်ဘာ ၂၆ ရက်နေ့ မနက်ပိုင်း ၇ နာရီကျော်ခန့်က အင်းလေးကန်၊ ငါးဖယ်ချောင်းရွာ၊ ငါးဖယ်ချောင်းကျောင်း(ကြောင်ခုန်ကျောင်း)မှ ကြေးစားကုန်းရွာ၊ ကြေးစားကုန်းကျောင်းသို့ ဖောင်တော်ဦးဘုရားပင့်လာရာ အင်းလေးကန်၏ ရေပြင်အကျယ်ဆုံးနေရာတွင် ဘုရားပင့်ရန်လိုက်ပါလာသော လင်းကင်းကျေးရွာအုပ်စု၊ ကံရွာမှ ရွာသား ၅၀ခန့် လှော်ခတ်လာသော ဆွဲလှေတစ်စင်း နစ်မြုပ်ခဲ့ခြင်း ဖြစ်ကြောင်း ဒေသခံများထံမှ သိရသည်။

“မြုပ်သွားတဲ့ဆွဲလှေရွာက ကံရွာပါ။ ကြေးစားကုန်းရွာ အရှေ့ဘက်နားမှာ မြုပ်ပါတယ်။ ဒီနေ့ငါးဖယ်ချောင်းရွာမှ ကြေးစားကုန်းရွာကို ဆွဲမဲ့အချိန် ဘုရားမဆွဲခင်လေးမြုပ်တာပါ” ဟု မျက်မြင်တွေ့ခဲ့ရသူ ဒေသခံအမျိုးသမီးတစ်ဦးက ပြောသည်။

စက်လှေနစ်မြုပ်မှုကြောင့် ထိခိုက်သေဆုံးသူမရှိကြောင်း မျက်မြင်တွေ့သူများထံမှ သိရသည်။

ယနေ့၌ပင် ကြာတောရွာမှ ဆွဲလှေလည်း ဘုရားပင့်ဆောင်ရန် လှော်ခတ်လာစဉ် လှေဝမ်းပေါက်ပြီး ရေဝင်လာသဖြင့် ပြန်လှည့်ခဲ့ရကြောင်း သိရသည်။

ဖောင်တော်ဦး ဘုရားပွဲစတင်သည့် ၂၂ ရက်နေ့ကလည်း ရွှေအင်းတိမ်စံကျောင်းသို့ ဘုရားပင့်ဆောင်ရန် ရေသာချောင်းအတိုင်း လှော်ခတ်လာသော သာလေးကျေးရွာအုပ်စု၊ ရွာကြီးမြောက်ရွာမှ ဆွဲလှေတစ်စင်းလည်း မတော်တဆဖြစ်ကာ ချောင်းအတွင်း နစ်မြုပ်ခဲ့သေးသည်။ ယင်းနစ်မြုပ်မှုကြောင့်လည်း ထိခိုက်ဒဏ်ရာရသူ၊ သေဆုံးသူများမရှိကြောင်း သိရသည်။

ဖောင်တော်ဦးပွဲတော်ကာလတွင် ဆွဲလှေများလှော်ခတ်စဉ် ရေလှိုင်းမငြိမ်မသက်ဖြစ်ပြီး မတော်တဆ နစ်မြုပ်ခြင်းများ နှစ်စဉ်ဖြစ်လေ့ရှိကြပြီး ၂၀၁၉ခုနှစ်တွင် လူသေဆုံးသည်အထိ ဖြစ်ခဲ့ဖူးကြောင်း ဒေသခံများထံမှ သိရသည်။

ကိုဗစ်ကာလမတိုင်မီ ယခင်နှစ်များက ဆွဲလှေ ၇၀ ခန့် လိုက်ပါလေ့ရှိကြသော်လည်း ယခုနှစ်တွင်မူ ဆွဲလှေ ၃၄ စီးသာ လိုက်ပါနိုင်ကြကြောင်းသိရသည်။

ပြီးခဲ့သည့် နှစ်တွင် အင်းလေးကန်၌ ရေကြီးမှု အဆိုးဆုံးဖြစ်ခဲ့ပြီး ဖော်တော်ဦးဘုရားရင်ပြင်ထိ ရေနစ်မြုပ်ခဲ့တာကြောင့် စစ်ကောင်စီက ဖောင်တော်ဦးဘုရားပွဲအား ကျင်းပနိုင်ခြင်း မရှိခဲ့ပေ။

ယခုနှစ်တွင်မူ ယခင်လပိုင်းခန့်က မိုးများမှုကြောင့် ပုံမှန်ထက်ရေတက်လျက်ရှိကာ မုန်တိုင်းအန္တရာယ်ရှိသော်လည်း စစ်ခေါင်းဆောင် မင်းအောင်လှိုင်က ဘုရားပွဲအား မဖြစ်မနေ စက်တင်ဘာလ ၂၂ ရက်မှ အောက်တိုဘာ ၉ ရက်နေ့ထိ ၂၆ ရက်တိုင် ပြုလုပ်ရန် ရှမ်းပြည်နယ် အစိုးရထံ ညွှန်ကြားထားခြင်းဖြစ်ကြောင်း သိရသည်။

အင်းလေးဒေသခံများကမူ မုန်တိုင်းအန္တရာယ်ကို စိုးရိမ်သော်လည်း ပွဲတော်ရှိပါက စားဝတ်နေရေး အဆင်ပြေစေသောကြောင့်သာ ကျင်းပလိုခြင်းဖြစ်ကြောင်း ဆိုကြသည်။

ဆွဲလှေသည် အင်းလေးဒေသ၏ ရိုးရာပွဲတော်များတွင် ခြေထောက်ဖြင့်လှော်ခတ်သည့် လှေသမား ၅၀ မှ ၁၀၀ခန့် လိုက်ပါနိုင်ရန် ပြုလုပ်ထားသည့် လှေကြီးအမျိုးအစားဖြစ်သည်။

ယခင်ကရိုးရိုးလှေကြီးများကိုသာ သုံးခဲ့သော် နောက်ပိုင်းတွင် စတီးဖရိန်များဖြင့် လက်ကိုင်ရန် လက်တန်းများပါ ထည့်သွင်းပြီး ပြင်ဆင်မွမ်းမံ လာကြသည်။

အင်းလေးကန်ရှိ ရွာတိုင်းနီးပါး ရွာပိုင်ဆွဲလှေတစ်စီးစီရှိပြီး ဖောင်တော်ဦးပွဲတွင် ညောင်ရွှေမြို့မှ အင်းသားများပါ ရပ်ကွက်အလိုက်၊ အဖွဲ့အလိုက် ဆွဲလှေများဖြင့် လှေလှော်ပြိုင်ကြသလို ဘုရားပင့်ဆောင်တတ်ကြသည်။

နန်းမွန်း


#အင်းလေး
#ဆွဲလှေ
#ဖော်တော်ဦးဘုရားပွဲ
#ဆွဲလှေမြုပ်

26/09/2025

ကျိုင်းတုံ ကိုယ်ပိုင်မူလတန်းကျောင်းမှ ၄ တန်းကျောင်းသားလေး အထပ်မြင့်မှ ပြုတ်ကျသေဆုံး

မဲခေါင်၊ စက်တင်ဘာ ၂၆

ကိုယ်ပိုင်မူလတန်းကျောင်း အပေါ်ထပ် ဝရံတာမှ ၄တန်းကျောင်းသားငယ်တစ်ဦး ပြုတ်ကျသေဆုံးမှု ရှမ်းပြည်အရှေ့ပိုင်း၊ ကျိုင်းတုံမြို့တွင် ပြီးခဲ့သည့် စက်တင်ဘာ ၂၂ ရက်နေ့၌ ဖြစ်ပွားခဲ့ကြောင်း ဒေသခံများထံမှ သိရသည်။


#ရှမ်းအရှေ့
#ကျိုင်းတုံ
#မူလတန်းကျောင်းသား
#ပြုက်ကျ

26/09/2025

ရုရှားဂျက်လေယာဉ်များ နေတိုးပိုင်နက်အတွင်းဝင်လျှင် ပစ်ချရန် အသင့်ပြင်ပြီဟု ယူကေထုတ်ပြန်

မဲခေါင်၊ စက်တင်ဘာ ၂၆

ရုရှား ဒရုန်းများ ပိုလန်နှင့်ရိုမေးနီးယားလေပိုင်နက်ထဲသို့ဝင်ပြီးနောက် အက်စတိုးနီးယားလေပိုင်နက်ထဲ သို့ စက်တင်ဘာ ၁၉ ရက်က ရုရှား၏ MiG-31 ဖိုက်တာဂျက်လေယာဉ် ၂ စီး ၁၂ မိနစ်ကြာ ဝင်ရောက် လာမှုအပေါ် အမေရိကန်သမ္မတ ဒေါ်နယ်ထရမ့်က ထပ်ဝင်လာလျှင် နေတိုးအဖွဲ့ဝင်နိုင်ငံများ ပစ်ချသင့်သည်ဟု တိုက်တွန်းပြောဆိုခဲ့သည်။

ကိုကလင်း
Ref: Thesun

#နေတိုး
#ရုရှား
#ဥရောပ
#ကုလသမဂ္ဂ

26/09/2025

ပြည်သူ့စစ်သားဇနီး များ စကားသံအစီအစဥ်

🟨 အာဏာသိမ်းပြီးနောက်ပိုင်း ကြုံတွေ့ခဲ့ရတဲ့ အခက်အခဲ စိန်ခေါ်မှုတွေ

🟨 စစ်ကောင်စီ နဲ့ တော်လှန်ရေး တပ်ဖွဲ့များအကြား ကွာခြားနေတဲ့ လူသားဆန်မှုတွေအပေါ် CDM တပ်သားဇနီးတစ်ယောက်အနေနဲ့ အမြင် တွေ ကို ဆွေးနွေးတင်ဆက်ပေးသွားမှာပဲဖြစ်ပါတယ်။

ပြည်သူ့စစ်သားဇနီးများရဲ့ စကားသံအစီအစဉ်
ဒီတစ်ပတ်ရဲ့ စကားသံ အစီအစဥ်မှာတော့ မတွေဆွေသင်း က သူရဲ့ အတွေ့အကြုံတွေကို မျှ ေ၀ ပေးသွားမှာပဲဖြစ်ပါတယ် ။

ပိတောက်ဖူး နှင့် ပြည်သူ့စစ်သားဇနီးများက စီစဉ်တဲ့ယခုစကားသံအစီအစဉ်ကို အပါတ်စဉ် သောကြာနေ့ ည7:00 မှာ

ပြည်သူ့စစ်သားဇနီးများ


#ပြည်သူ့ပန်းတိုင်



,

News
#ပိတောက်ဖူး-Blooming Padauk



+

Page များမှ တိုက်ရိုက် ထုတ်လွှင့်ပြသသွားမှာဖြစ်ပါတယ်။
#ပြည်သူ့စစ်သားဇနီးများ

26/09/2025

မူးယစ်အမှုမှ ဖမ်းမိသည့် ငွေနှင့် ကားများကို မိုင်းယောင်းစခန်းမှူးနှင့် နယ်ထိန်း ဖြိုးမင်းထိုက်တို့ အလွဲသုံးစားလုပ်

မဲခေါင်၊ စက်တင်ဘာ၂၆

ရှမ်းပြည်အရှေ့ပိုင်း၊ မိုင်းယောင်းမြို့မှ ရဲစခန်းမှူးနှင့် နယ်ထိန်းတာဝန်ခံ ဖြိုးမင်းထိုက်တို့သည် မူးယစ်ဆေးဝါးဖမ်းရာမှ သိမ်းဆည်းရမိသည့် ငွေနှင့်ကားတို့ကို အလွဲသုံးစားလုပ်ခဲ့သည်ဟု ဒေသခံများက မဲခေါင်သို့ ပြောသည်။


#ရှမ်းအရှေ့
#မိုင်းယောင်း
#မူးယစ်ဆေးဝါး
#ဖမ်းဆီးရရှိမှု

ที่อยู่

Bangkok

เว็บไซต์

แจ้งเตือน

รับทราบข่าวสารและโปรโมชั่นของ MeKong News - မဲခေါင်သတင်းผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง MeKong News - မဲခေါင်သတင်း:

ทางลัด

แชร์

ประเภท

We promise Quality

MeKong News - မဲခေါင်သတင်းဌာနကို ၂၀၁၉ ခုနှစ်၊ အောက်တိုဘာလတွင် စတင်တည်ထောင်သည်။ ပြန်ကြားရေးဝန်ကြီးဌာန သတင်းအေဂျင်စီလုပ်ငန်းအသိအမှတ်ပြု အမှတ် - ၀၀၂၅၀ ဖြင့် မှတ်တမ်းတင် လုပ်ကိုင်နေသည်။

သတင်းဌာနကို ရှမ်းပြည်နယ်၊ အရှေ့ပိုင်းတွင် အခြေစိုက်ပြီး သတင်းကျင့်ဝတ်နှင့်ညီသော တင်ဆက်မှုများကို အရည်အသွေးမြင့်မားစွာဖြင့် ထုတ်လုပ်တင်ဆက်ရန် အာမခံသည်။

သတင်းမီဒီယာသည် ဒီမိုကရေစီ၏ထောက်တိုင်တစ်ခုဖြစ်သည်နှင့်အညီ တည်ဆောက်နေသည့် ဖက်ဒရယ်ဒီမိုကရေစီနိုင်ငံ တည်ဆောက်ရေးတွင် တိုင်းရင်းသား လူနည်းစု၏ အသံများကို ပြည်သူအများ ပိုမိုကြားသိနိုင်ရန် အားထုတ်လျှက်ရှိသည်။

သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည်ဖြစ်သည်။