Flash News

07/12/2022

ရခိုင်ပြည်မှ ထွက်ပြေးလာသည့် တရားမဝင် မွတ်ဆလင် ၄၈ဦးကို ထိုင်းရဲဖမ်းဆီး

Western News-နိုဝင်ဘာ၊ ၇ ရက်

ထိုင်းနိုင်ငံ ရတ်ချ်ဘူရီခရိုင်တွင် စင်းလုံငှားဘတ်စ်ကားဖြင့် တရားမဝင် ဝင်ရောက်လာသော ရခိုင်မှ မွတ်ဆလင် ၄၈ဦးကို ယနေ့ ဒီဇင်ဘာ ၇ ရက်နေ့ မနက်ပိုင်းအချိန်တွင် ထိုင်းအမြန်လမ်းရဲတပ်ဖွဲ့က ဖမ်းဆီးခဲ့ကြောင်း ထိုင်းသတင်းဌာနများတွင် ဖော်ပြထားသည်။

ရတ်ချ်ဘူရီခရိုင် ပက်ထိုးဒေသ ဖက်ကဆန်အမြန်လမ်းမပေါ်တွင် တရားမဝင် ရွှေ့ပြောင်းအလုပ်သမားများ ထိုင်းနိုင်ငံတောင်ပိုင်းသို့ ပို့ဆောင်နေသည်ဟု သတင်းရရှိမှုကြောင့် ပုံမှန်မဟုတ်သော ဘတ်စ်ကားတစ်စီးကို တားဆီးစစ်ဆေးရာမှ ၎င်းတို့ကို ဖမ်းဆီးရမိခဲ့ကြောင်း အမြန်လမ်းရဲတပ်ဖွဲ့၏ ပြောကြားချက်ကို ဖော်ပြထားသည်။

ဘတ်စ်ကားပေါ်တွင် ရခိုင်မှ လာသည့် မွတ်ဆလင့် အမျိုးသား ၃၀ ဦး၊ အမျိုးသမီး ၁၈ ဦး စုစုပေါင်း ၄၈ ဦးကို ဖမ်းဆီးရမိခဲ့ပြီး ၎င်းတို့တွင် အသက် ၁၃ နှစ်အောက် ကလေးငယ် ၅ ဦးပါဝင်ကြောင်း သတင်းတွင် ဖော်ပြထားပြီး ၎င်းတိုကို မေးမြန်းရာတွင် ၎င်းတို့သည် မြန်မာနိုင်ငံ ရခိုင်ပြည်နယ်မှ လာရောက်ကြခြင်းဖြစ်ကြောင်း ပြောဆိုသည်ဟု သတင်းများတွင် ဖော်ပြထားသည်။

ထိုင်း-မြန်မာနယ်စပ် တာခ့်ခရိုင် မဲဆောက်ဒေသမှတစ်ဆင့် တောလမ်းအတိုင်း ခြေကျင်ခရီးဖြင့် ဝင်ရောက်လာခဲ့ခြင်းဖြစ်ပြီး ထိုင်းပွဲစားများနှင့် တွေ့ဆုံခဲ့ခြင်းဖြစ်ကြောင်း ဖော်ပြထားပြီး ၎င်းတို့ကို ထိုင်းနိုင်ငံတောင်ပိုင်း စွန်ခရာခရိုင် ဟတ်ယိုင်ဒေသသို့ ပို့ဆောင်ပေးရမည်ဖြစ်ကာ ထိုမှတစ်ဆင့် မလေးရှားနိုင်ငံအတွင်းသို့ ဝင်ရောက်ကြမည်ဖြစ်ကြောင်း ဖော်ပြထားသည်။

၎င်းတို့ကို စစ်ဆေးချက်အရ တစ်ချို့ကမလေးရှားနိုင်ငံတွင် ပညာသင်ကြားရန်ဟု ဆိုကြပြီး တစ်ချို့က ငါးဖမ်းလုပ်ငန်း၊ ဆောက်လုပ်ရေးလုပ်ငန်းများတွင် လုပ်ကိုင်သွားရန်ဟု ဆိုကြကြောင်း သိရသည်။

ဖမ်းဆီးခံရသော ရခိုင်က မွတ်ဆလင်မှာ တရားမဝင် ဝင်ရောက်လာမှုဖြင့် တရားစွဲခံရမည်ဖြစ်ပြီး ပက်ထိုးရဲစခန်းမှတစ်ဆင့် ဥပဒေအရ အရေးယူဆောင်ရွက်သွားမည်ဖြစ်ကာ တရားမဝင် ဝင်ရောက်လာနိုင်ရန် ကူညီဆောင်ရွက်ပေးခဲ့သော ထိုင်းနိုင်ငံသား ၃ ဦးကိုလည်း ဥပဒေအရ ဆက်လက်အရေးယူသွားမည် ဖြစ်ကြောင်း ဖော်ပြထားသည်။

Western News-WN

Ref: Bangkok Post, 77 kaoded, Nation TV

ရခိုင်ပြည်မှ လာသည့် တရားမဝင် မွတ်ဆလင် ၄၈ဦးကို ထိုင်းရဲဖမ်းဆီး

Western News-နိုဝင်ဘာ၊ ၇ ရက်

ထိုင်းနိုင်ငံ ရတ်ချ်ဘူရီခရိုင်တွင် စင်းလုံငှားဘတ်စ်ကားဖြင့် တရားမဝင် ဝင်ရောက်လာသော ရခိုင်မှ မွတ်ဆလင် ၄၈ဦးကို ယနေ့ ဒီဇင်ဘာ ၇ ရက်နေ့ မနက်ပိုင်းအချိန်တွင် ထိုင်းအမြန်လမ်းရဲတပ်ဖွဲ့က ဖမ်းဆီးခဲ့ကြောင်း ထိုင်းသတင်းဌာနများတွင် ဖော်ပြထားသည်။

ရတ်ချ်ဘူရီခရိုင် ပက်ထိုးဒေသ ဖက်ကဆန်အမြန်လမ်းမပေါ်တွင် တရားမဝင် ရွှေ့ပြောင်းအလုပ်သမားများ ထိုင်းနိုင်ငံတောင်ပိုင်းသို့ ပို့ဆောင်နေသည်ဟု သတင်းရရှိမှုကြောင့် ပုံမှန်မဟုတ်သော ဘတ်စ်ကားတစ်စီးကို တားဆီးစစ်ဆေးရာမှ ၎င်းတို့ကို ဖမ်းဆီးရမိခဲ့ကြောင်း အမြန်လမ်းရဲတပ်ဖွဲ့၏ ပြောကြားချက်ကို ဖော်ပြထားသည်။

ဘတ်စ်ကားပေါ်တွင် ရခိုင်မှ လာသည့် မွတ်ဆလင့် အမျိုးသား ၃၀ ဦး၊ အမျိုးသမီး ၁၈ ဦး စုစုပေါင်း ၄၈ ဦးကို ဖမ်းဆီးရမိခဲ့ပြီး ၎င်းတို့တွင် အသက် ၁၃ နှစ်အောက် ကလေးငယ် ၅ ဦးပါဝင်ကြောင်း သတင်းတွင် ဖော်ပြထားပြီး ၎င်းတိုကို မေးမြန်းရာတွင် ၎င်းတို့သည် မြန်မာနိုင်ငံ ရခိုင်ပြည်နယ်မှ လာရောက်ကြခြင်းဖြစ်ကြောင်း ပြောဆိုသည်ဟု သတင်းများတွင် ဖော်ပြထားသည်။

ထိုင်း-မြန်မာနယ်စပ် တာခ့်ခရိုင် မဲဆောက်ဒေသမှတစ်ဆင့် တောလမ်းအတိုင်း ခြေကျင်ခရီးဖြင့် ဝင်ရောက်လာခဲ့ခြင်းဖြစ်ပြီး ထိုင်းပွဲစားများနှင့် တွေ့ဆုံခဲ့ခြင်းဖြစ်ကြောင်း ဖော်ပြထားပြီး ၎င်းတို့ကို ထိုင်းနိုင်ငံတောင်ပိုင်း စွန်ခရာခရိုင် ဟတ်ယိုင်ဒေသသို့ ပို့ဆောင်ပေးရမည်ဖြစ်ကာ ထိုမှတစ်ဆင့် မလေးရှားနိုင်ငံအတွင်းသို့ ဝင်ရောက်ကြမည်ဖြစ်ကြောင်း ဖော်ပြထားသည်။

၎င်းတို့ကို စစ်ဆေးချက်အရ တစ်ချို့ကမလေးရှားနိုင်ငံတွင် ပညာသင်ကြားရန်ဟု ဆိုကြပြီး တစ်ချို့က ငါးဖမ်းလုပ်ငန်း၊ ဆောက်လုပ်ရေးလုပ်ငန်းများတွင် လုပ်ကိုင်သွားရန်ဟု ဆိုကြကြောင်း သိရသည်။

ဖမ်းဆီးခံရသော ရခိုင်က မွတ်ဆလင်မှာ တရားမဝင် ဝင်ရောက်လာမှုဖြင့် တရားစွဲခံရမည်ဖြစ်ပြီး ပက်ထိုးရဲစခန်းမှတစ်ဆင့် ဥပဒေအရ အရေးယူဆောင်ရွက်သွားမည်ဖြစ်ကာ တရားမဝင် ဝင်ရောက်လာနိုင်ရန် ကူညီဆောင်ရွက်ပေးခဲ့သော ထိုင်းနိုင်ငံသား ၃ ဦးကိုလည်း ဥပဒေအရ ဆက်လက်အရေးယူသွားမည် ဖြစ်ကြောင်း ဖော်ပြထားသည်။

Western News-WN

Ref: Bangkok Post, 77 kaoded, Nation TV

23/11/2022

17/11/2022

17/11/2022

အကျဉ်းသား ၆၀၀၀ ခန့်ကို ပြစ်ဒဏ် လွတ်ငြိမ်းခွင့်ပေး

ဧရာဝတီ၊ နိုဝင်ဘာ ၁၇၊ ၂၀၂၂

အာဏာသိမ်း စစ်ကောင်စီက ဖမ်းဆီးထားသည့် အကျဉ်း သား ၆၀၀၀ ခန့်ကို ပြစ်ဒဏ်က လွတ်ငြိမ်းခွင့်ပေးလိုက်ကြောင်း ယနေ့ နံနက်တွင် ကြေညာသည်။

နိုဝင်ဘာလ ၁၇ ရက်တွင် ကျရောက်မည့် ၁၀၂ နှစ် မြောက် အမျိုးသားနေ့ကို ဂုဏ်ပြုသောအားဖြင့် အကျဉ်းသား၊ အကျဉ်းသူ ၅၇၇၄ ဦးကို ပြစ်ဒဏ်လွတ်ငြိမ်းခွင့်ပေးခြင်း ဖြစ်ကြောင်း စစ်ကောင်စီ၏ ကြေညာချက်တွင် ပါရှိသည်။

စစ်ကောင်စီက လွတ်ငြိမ်းခွင့်ပေးလိုက်သူများထဲတွင် အကြည်ညိုပျက်စေရန် လှုံ့ဆော်မှု ပုဒ်မ ၅၀၅ (က) ဖြင့် တရားစွဲဆို ခံထားရသည့် အနုပညာရှင် ၁၁ ဦးပါဝင်ပြီး ၎င်းတို့၏အမှုများကို ပိတ်သိမ်းလိုက်ကြောင်း ကြေညာချက်တွင်ပါရှိသည်။

ယင်းပြင် နိုင်ငံချင်း သံတမန်ဆက်ဆံရေးကိုထောက်ရှု၍ အကျဉ်းကျခံနေရသည့် နိုင်ငံခြားသား ၄ ဦးကို ပြစ်ဒဏ်က လွတ်ငြိမ်းခွင့်ပေးကာ ပြည်နှင်ဒဏ်ပေးလိုက်ကြောင်း ဖော်ပြထားသည်။

ယခုလွှတ်ပေးလိုက်သူများအနေနှင့် နောက်တကြိမ် ပြစ်မှုကျူးလွန်ပါက လက်ရှိပြစ်ဒဏ်ကို ထပ်မံကျခံရမည်ဆိုသည့်အချက်နှင့် လွတ်ငြိမ်းခွင့်ပြုလိုက်ခြင်းဖြစ်ကြောင်း စစ်ကောင်စီ၏ ကြေညာချက်အရသိရသည်။

စစ်ကောင်စီဘက်က လွတ်ငြိမ်းခွင့်ပေးလိုက်သည့် ၅၀၅ (က) ဖြင့် တရားစွဲဆိုခံထားရသူများနှင့် နိုင်ငံခြားသားများမှာ မည်သူမည်ဝါ ဖြစ်သည်ကို ဧရာဝတီက ဆက်လက် စုံစမ်းနေဆဲ ဖြစ်သည်။

(ပုံအဟောင်း ဖြစ်သည်။)

17/11/2022

17/11/2022

သီတင်းသုံးပတ်အတွင်း ရိုဟင်ဂျာ ၄၀၀ နီးပါး အဖမ်းခံရတယ်လို့သိရပါတယ်။

၁၆/နိုဝင်ဘာလ/၂၀၂၂

RFA က လက်လှမ်းမီသလောက် ပြုစုထားတဲ့စာရင်းတွေအရ အောက်တိုဘာလ ၁၇ ရက်ကနေ နိုဝင်ဘာ ၁၁ ရက်နေ့အထိ ပြီးခဲ့တဲ့ သီတင်းသုံးပတ်အတွင်းမှာ ရခိုင်ပြည်နယ်နဲ့ ဘင်္ဂလားဒေရှ့်ဒုက္ခသည်စခန်းတွေကနေ နေရပ်စွန့်ခွာထွက်ပြေးဖို့ ကြိုးစားတဲ့ ရိုဟင်ဂျာ ၃၈၈ ဦး ဖမ်းဆီးခံခဲ့ရပါတယ်။
RFA က လက်လှမ်းမီသလောက် ပြုစုထားတဲ့စာရင်းတွေအရ အောက်တိုဘာလ ၁၇ ရက်ကနေ နိုဝင်ဘာ ၁၁ ရက်နေ့အထိ ပြီးခဲ့တဲ့ သီတင်းသုံးပတ်အတွင်းမှာ ရခိုင်ပြည်နယ်နဲ့ ဘင်္ဂလားဒေရှ့်ဒုက္ခသည်စခန်းတွေကနေ နေရပ်စွန့်ခွာထွက်ပြေးဖို့ ကြိုးစားတဲ့ ရိုဟင်ဂျာ ၃၈၈ ဦး ဖမ်းဆီးခံခဲ့ရပါတယ်။
သူတို့ဟာ ရခိုင်ပြည်နယ် စစ်တွေ၊ ဘူးသီးတောင်၊ မောင်တော၊ ရသေ့တောင်နဲ့ ဘင်္ဂလားဒေရှ့် ဒုက္ခသည်စခန်းတွေကနေ ထွက်ပြေးလာသူတွေဖြစ်တယ်လို့ ရိုဟင်ဂျာအ‌ရေး အကူအညီပေးနေသူတွေက ပြောပါတယ်။
ပြီးခဲ့တဲ့ အောက်တိုဘာ ၃၀ ရက်နေ့က ဧရာဝတီတိုင်း၊ ဘိုကလေးမြို့နယ်၊ အမာမြို့နယ်ခွဲ ကတုံးလေးရွာအနီးမှာ အသက်မပြည့်သေးတဲ့ ရိုဟင်ဂျာကလေး ၄၅ ဦး အပါအဝင် ရိုဟင်ဂျာ ၈၀ လောက် လိုက်ပါလာတဲ့ စက်လှေတစ်စီး နစ်မြုပ်ပြီး စက်လှေပေါ်ပါလာသူ ၂၀ ခန့် ပျောက်ဆုံးနေတယ်လို့ ဘိုကလေးမြို့ ဒေသခံတစ်ဦးက RFA ကို ပြောပါတယ်။
“သင်္ဘောနဲ့ မလေးကိုသွားဖို့ အလုပ်အကိုင်သွားရှာဖို့ လုပ်ကြတာပေါ့။ လာရင်းနဲ့သူက ကတုံးလေးကျွန်းက သောင်မှာတင်တာ၊ သောင်တင်တော့ ရှင်းရှင်းပြောရရင် သင်္ဘောက ဖင်ထိုင်သွားပြီး ဝမ်းဗိုက်ပေါက်ပြီးတော့ ကွဲသွားတာပေါ့။ ကွဲသွားတော့ ရေထဲမျော သွားတယ်။ နှစ်ဆယ်လောက်ကတော့ ရေထဲကို မျောသွားတယ်။ ခြောက်ဆယ်ကိုတော့ ကယ်နိုင်တယ်လို့ သိရတယ်”
အခုနှစ်အတွင်း ရိုဟင်ဂျာတွေ ဧရာဝတီတိုင်းမှာ ဖမ်းဆီးခံရမှုဟာ အရင်နှစ်တွေကထက် ပိုများလာပေမယ့် စက်လှေပျက်ပြီး လူ ၂၀ ခန့် ပျောက်ဆုံးနေတာမျိုးကတော့ ဒီတစ်ကြိမ်ဟာ အများဆုံးပဲလို့လည်း သူက ဆက်ပြောပါတယ်။ ပျောက်ဆုံးနေသူတွေ အသက်သေဆုံးသွားပြီလား၊ အသက်ရှင် လွတ်မြောက်သလားဆိုတာကို အခုချိန်ထိ အတိအကျ မသိရသေးပါဘူး။
အသက်ရှင်ကျန်ရစ်ခဲ့သူ ရိုဟင်ဂျာ ၆၀ ကိုတော့ ဘိုကလေးမြို့မရဲစခန်းမှာ ဖမ်းဆီးထားပြီး သူတို့အတွက် စားသောက်စရာတွေ ပို့ခွင့်ရနေတယ်လို့ ဖမ်းဆီးခံရိုဟင်ဂျာတွေကို ကူညီပေးနေသူ ဘိုကလေးမြို့ခံတစ်ဦးက RFA ကို ပြောပါတယ်။
“သူတို့ကို ထမင်းထုပ်တွေပေါ့၊ ကိုယ်စားတဲ့အထဲက ကိုယ်ဘာဟင်းနဲ့စားလဲ အဲဒီဟင်းနဲ့ပဲပို့။ ဘဲဥချက်ရင် ဘဲဥ၊ ငါးချက်ရင် ငါး၊ ထမင်းထုပ်လေးတွေ တစ်အိမ်က ဘယ်လောက်တက်နိုင်လဲ ဆယ်ထုပ်တတ်နိုင်ရင် ဆယ်ထုပ်၊ ငါးထုပ်ဆိုရင် ငါးထုပ် ကျနော်တို့ ကောက်လိုက်တယ်။ ကောက်ပြီးတော့ အယောက် ခြောက်ဆယ်စာကို တစ်နေရာမှာ စုပြီးတော့ သွားပြီးတော့ ပို့ပေးတာပေါ့။ သုံးဘီးလေး ငှားပြီးတော့ပေါ့၊ အဲလိုမျိုးပဲ လုပ်နေပါတယ်။ အခုအမှုကတော့ ခရီးသွားတဲ့အချိန်မှာ အထောက်အထားမဲ့ ခရီးသွားလာတယ်ဆိုတာပေါ့။ အဓိကတော့ လဝက ပေါ့၊ တရားလိုက လဝကပေါ့ ။
သူတို့ဟာ ရခိုင်ပြည်နယ် ဘူးသီးတောင်၊ မောင်တောဘက်ကနေ ထွက်ခွာလာသူတွေဖြစ်ပြီး မလေးရှားနိုင်ငံကို သွားရောက်အလုပ်လုပ်ကိုင်ဖို့ ကြိုးစားကြတာလို့ သူက ဆက်ပြော ပါတယ်။
အောက်တိုဘာ ၂၀ ရက်နေ့ကလည်း ရခိုင်ပြည်နယ်ကနေ မလေးရှားနိုင်ငံကို ထွက်ခွာဖို့ ကြိုးစားတဲ့ ရိုဟင်ဂျာ ၁၁၇ ဦး ရန်ကုန်တိုင်း၊ ဒဂုံမြို့သစ်အရှေ့ပိုင်းမြို့နယ် ၁၀ ရပ်ကွက်က နေအိမ်တစ်လုံးမှာ ဖမ်းဆီးခံလိုက်ရပါတယ်။ အောက်တိုဘာ ၂၂ ရက်နေ့ကလည်း ဧရာဝတီတိုင်း၊ မအူပင်မြို့နယ် အောက်ထုံးကျေးရွာအနီး တိုးမြစ်အတွင်းမှာ ကိုယ်ဝန်ဆောင် အမျိုးသမီးတစ်ဦး အပါအဝင် ရိုဟင်ဂျာ ၅၄ ဦး ဖမ်းဆီးခံခဲ့ရပါတယ်။ နိုဝင်ဘာ ၂ ရက်နေ့ကလည်း ရခိုင်ပြည်နယ်၊ ဘူးသီးတောင်မြို့နယ်ကနေ ထိုင်း-မြန်မာနယ်စပ်ကို သွားရောက်ဖို့ ကြိုးစားတဲ့ ရိုဟင်ဂျာ ၁၀၁ ဦး ကရင်ပြည်နယ်၊ ကော့ကရိတ်မြို့နယ် လှိုင်ဝတံတားအနီးမှာ ဖမ်းဆီးခံခဲ့ရပါတယ်။
လုံခြုံရေးအရအမည်မဖော်လိုတဲ့ ရခိုင်ပြည်နယ် ဘူးသီးတောင်မြို့နယ်က ရိုဟင်ဂျာ တစ်ဦးကတော့ ရခိုင်ပြည်နယ်မြောက်ပိုင်းမှာ စစ်ကောင်စီတပ်နဲ့ ရက္ခိုင့်တပ်တော် (AA) တို့ကြား တိုက်ပွဲတွေ ပြင်းထန်လာသလို စစ်တပ်ဘက်က နယ်မြေရှင်းလင်းရေး ထပ်လုပ်လာမှာကို စိုးရိမ်ပြီး အခုလို နေရပ်စွန့်ခွာသူတွေ ပိုများလာတို့ RFA ကို ပြောပါတယ်။
“အခု ရခိုင်ပြည်နယ်မှာက ရက္ခိုင့်တပ်တော် (AA) နဲ့ မြန်မာစစ်တပ်နဲ့ တိုက်ပွဲတွေ တစ်ကျော့ပြန် တိုက်ခိုက်လာတာများတယ်၊ ဆိုတော့ နေရပ်ပြန်ဖို့လည်း မဖြစ်နိုင်တော့ သူတို့က အဲလိုမျိုးဒုက္ခသည်ဘဝနဲ့ ဆက်ပြီးတော့ နှစ်ဆယ်နဲ့ချီပြီး နေဖို့ဆိုတာ သူတို့မှာ မဖြစ်နိုင်ဘူး။ စားဝတ်နေရေး၊ ကျန်းမာရေး လုံးဝအဆင်မပြေတော့ဘူး။ သူတို့က အဲဒီနေရာကနေ ထွက်ပြေးမယ်ဆိုတဲ့ဟာကို စဉ်းစားလာတာ။ ကျနော်သိသလောက် သူတို့ ဘာ့ကြောင့်အဲဒီနေရာကနေ ထွက်ပြေးကြသလဲဆိုတော့ သူတို့ လုံးဝအဆင်မပြေ လို့”
“အဓိကတော့ လူကုန်ကူးမှုပွဲစားတွေကို နှိမ်နင်းတာ၊ ဖမ်းဆီးတာမှာ အားနည်းနေတဲ့ အတွက်လို့ ကျနော်ထင်တယ်။ ဘာဖြစ်လို့လဲဆိုရင် အဲဒီလူကုန်ကူးလုပ်တဲ့ပွဲစားက တဖြည်းဖြည်း အားကောင်းလာတာကို တွေ့ရတယ်။ သူတို့ကို ထိထိရောက်ရောက် အရေးယူဖို့လိုတယ်။ သူတို့ကို ကျနော်တို့ဒေသမှာရှိတဲ့ ကျေးရွာအုပ်ချုပ်ရေးမှူး အဖွဲ့တွေသော်လည်းကောင်း၊ မြေပြင်မှာတာဝန် ထမ်းဆောင်နေတဲ့ ဌာနဆိုင်ရာ အဖွဲ့အစည်းတွေသော်လည်းကောင်း၊ အပေါ်က အမိန့်တစ်ခုခုနဲ့ပေါ့ လူကုန်ကူးမှု ပွဲစားတွေကို လိုက်လံဖမ်းဆီးပြီး အရေးယူလိုက်ရင် ဒီဟာတွေ နည်းသွားမယ်လို့ ထင်တယ်”
“နည်းလမ်း နှစ်လမ်းရှိတယ်။ တစ်လမ်းကကျတော့ စက်လှေတွေနဲ့ ထွက်ကြတယ်။ နောက်တစ်နည်းကတော့ ကုန်းတွင်းကနေထွက်တယ်။ ကုန်းလမ်းကသွားရင်တော့ မြန်မာပြည်ဘက်ကိုဖြတ်ပြီး ထိုင်းနယ်စပ်ကနေ မလေးနယ်စပ်ထဲ ပြန်ဝင်ကြတယ်။ ဒါတွေအားလုံးက လူမှောင်ခိုဂိုဏ်းရှိတယ်။ ဒီလူမှောင်ခိုဂိုဏ်းထဲမှာ လူတန်းစားပေါင်းစုံ ပါဝင်တယ်။ အဖွဲ့စည်းတော်တော်များ များပါဝင်တယ်။ လူမှောင်ခိုတွေကို မိလို့ရှိရင် သူတို့ကိုကျတော့ လူမှောင်ခိုမှုနဲ့ တရားစွဲတယ်။ ဒီလူတွေက တရားခံဖြစ်တယ်ဆိုရင် သူတို့ လူမှောင်ခိုလုပ်လာတဲ့သူ (ရိုဟင်ဂျာ) တွေသည် ဓားစာခံတွေဖြစ်တယ်။ ဒါတရားခံတွေ မဟုတ်ဘူး။ သူတို့ (ရိုဟင်ဂျာ) တွေကို တရားစွဲတယ်ဆိုကတည်းက မတရားဘူး။ ရိုဟင်ဂျာမို့လို့လုပ်တာ”
RFA က လက်လှမ်းမီသလောက် ပြုစုထားတဲ့ စာရင်းတွေအရ စစ်တပ်က အာဏာသိမ်းပြီး ၂၀၂၁ ခုနှစ် ဒီဇင်ဘာကနေ ၂၀၂၂ ခုနှစ် အောက်တိုဘာ ၁၂ ရက်နေ့အထိ နေရပ်စွန့်ခွာ ထွက်ပြေးဖို့ကြိုစားတဲ့ ရိုဟင်ဂျာ ၉၉၂ ဦး ဖမ်းဆီးခံထားရပြီး အဲဒီအထဲက ၂၂၃ ဦး ကတော့ လဝကဥပဒေတွေနဲ့ ထောင်ဒဏ် နှစ်နှစ်ကနေ ငါးနှစ်အထိ ကျခံနေရပါတယ်။
ပြီးခဲ့တဲ့ ၂၀၁၂ နဲ့ ၂၀၁၇ နှစ်မှာဖြစ်ခဲ့တဲ့ ပဋိပက္ခတွေနဲ့ စစ်တပ်ရဲ့နယ်မြေရှင်းလင်းရေး ကြောင့် စစ်တွေမြို့နယ်က သက္ကယ်ပြင်၊ ဒါးပိုင်၊ သဲချောင်း၊ အုန်းတောကြီး အစရှိတဲ့ ဒုက္ခသည်စခန်း ၁၄ ခုမှာ ရိုဟင်ဂျာ တစ်သိန်းကျော် ခိုလှုံနေရပြီး၊ ဘင်္ဂလားဒေ့ရှ်နိုင်ငံဘက် ကို ထွက်ပြေးသွားတဲ့ ရိုဟင်ဂျာ ရှစ်သိန်းကျော်လည်း အခုချိန်ထိ နေရပ်မပြန်နိုင်သေးပါဘူး။

Credit

20/08/2022

စစ်ကောင်စီ၏ မြောက်ပိုင်းတိုင်းစစ်ဌာနချုပ်တိုင်းမှူးနှင့် တောင်ပိုင်းတိုင်းစစ်ဌာနချုပ် တိုင်းမှူး အပြောင်းအလဲပြုလုပ်

မဇ္ဈိမ။ ။ စစ်ကောင်စီသည် မြစ်ကြီးနားမြို့အခြေစိုက် မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် မြသက်ဦးကို အရှေ့တောင်တိုင်းစစ်ဌာနချုပ် တိုင်းမှူးအဖြစ်ပြောင်းလဲ ခန့်အပ်လိုက်ကြောင်း တပ်တွင်း သတင်းရင်းမြစ်များထံက သိရသည်။

ဗိုလ်ချုပ်မြတ်သက်ဦးသည် စစ်တပ်မှ အာဏာသိမ်းခဲ့သည့် ၂၀၂၁ခုနှစ်၊ ဖေဖော်ဝါရီလ ဆန်းပိုင်းတွင် မြောက်ပိုင်းတိုင်းစစ်ဌာနချုပ်၏ တိုင်းမှူးဖြစ်လာခဲ့သူဖြစ်ပြီး စစ်ကောင်စီ၏ မြောက်ပိုင်းစစ်မျက်နှာကို အဓိကတာဝန်ခံရသူဖြစ်သည်။

သို့သော်လည်း မြောက်ပိုင်းစစ်မျက်နှာတွင် ကချင်လွတ်မြောက်ရေးတပ်မတော် (KIA) ဦးဆောင်သည့် ပြည်သူ့ကာကွယ်ရေး ပူးပေါင်းတပ်ဖွဲ့ဝင်များ၏ ပူးပေါင်းတိုက်ခိုက်မှုကြောင့် စစ်ကောင်စီတပ်များ ထိခိုက်ကျရှုံးမှုများပြားခဲ့သည်။

ထို့ပြင် စစ်ကောင်စီ၏ထောက်ပို့ရေးလမ်းကြောင်း၊ နယ်မြေခံတပ်ရင်းများအပါအဝင် စစ်သင်တန်းကျောင်းများနှင့် မြစ်ကြီးနားလေတပ်ဌာနချုပ်တို့မကြာခဏ ပစ်ခတ်တိုက်ခိုက် ခံရသည့်အတွက် ယခုကဲ့သို့ စစ်တိုင်းမှူး အပြောင်းအလဲပြု လုပ်ရခြင်း ဖြစ်ကြောင်း တပ်တွင်းသတင်းရင်းမြစ်များက ဆိုသည်။

ယခုအခါ လစ်လပ်သွားသည့် မြောက်ပိုင်းတိုင်းစစ်ဌာနချုပ် တိုင်းမှူးနေရာတွင် ကရင်ပြည်နယ်နှင့် မွန်ပြည်နယ်တို့တွင် စစ်ဆင်ရေးများ တာဝန်ယူ ဆောင်ရွက်လျက်ရှိသည့် အရှေ့တောင်တိုင်း စစ်ဌာနချုပ်တိုင်းမှူး ဗိုလ်ချုပ်ကိုကိုမောင်အား ပြောင်းလဲခန့်အပ် တာဝန်ပေးခဲ့ကြောင်း တပ်တွင်းသတင်းရင်းမြစ်များထံက သိရသည်။

အရှေ့တောင်တိုင်း စစ်ဌာနချုပ်တိုင်းမှူးအဖြစ် တာဝန်ယူမည့် ဗိုလ်ချုပ်မြတ်သက်ဦးသည် စစ်တက္ကသိုလ် အပတ်စဉ် ( ၃၈ ) ကျောင်းဆင်း ကိုယ်ပိုင်အမှတ် ကြည်း - ၂၀၂၇၈ ဖြစ်ပြီး တပ်မ (၇၇) တပ်မမှူး တာဝန် ထမ်းဆောင်ခဲ့သူလည်း ဖြစ်သည်။

လက်ရှိ မြောက်ပိုင်းတိုင်းစစ်ဌာနချုပ် တိုင်းမှူးဖြစ် လာခဲ့သူ ဗိုလ်ချုပ်ကိုကိုမောင်သည် ယခင်က သိန္နီအခြေစိုက် အမှတ် (၁၆) စစ်ဆင်ရေးကွပ်ကဲမှုဌာနချုပ်တွင် ဗိုလ်မှူးချုပ်အဆင့်မှ ၂၀၂၀ မတ်လတွင် အရှေ့တောင်တိုင်းစစ်ဌာနချုပ်၏ တိုင်းမှူးဗိုလ်ချုပ် ရာထူးကို အချိန်တိုအတွင်း ရရှိခဲ့သူ ဖြစ်သည်။

ဗိုလ်ချုပ်ကိုကိုမောင်သည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တည်ရှိနေချိန်တွင် မွန်ပြည်နယ်နှင့် ကရင်ပြည်နယ်များ၏ ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီနှစ်ခု၏ ဥက္ကဋ္ဌ တာဝန်များကိုလည်း ယူခဲ့သူဖြစ်သည်။

ဗိုလ်ချုပ်ကိုကိုမောင်တာဝန်ယူခဲ့ရသည့် အရှေ့တောင်တိုင်းစစ်ဌာနချုပ်တိုင်းမှူး လက်အောက်တွင် အမှတ် (၂၂) ခြေမြန်တပ်မဌာနချုပ်နှင့် အမှတ် (၄၄) ခြေမြန်တပ်မဌာနချုပ် နှစ်ခုအပြင် အမှတ် (၁၂) စစ်ဆင်ရေးကွပ်ကဲမှုဌာနချုပ် နှင့် အမှတ် (၁၉) စစ်ဆင်ရေးကွပ်ကဲမှု ဌာနချုပ် နှစ် ခုလည်း ရှိသည်။

လက်ရှိအချိန်တွင် တပ်မ (၂၂) နှင့် တပ်မ (၄၄) လက်အောက်ခံတပ်ရင်း တပ်ဖွဲ့များကို ကရင်နှင့် မွန်အပြင် အနောက်မြောက်စစ်ဒေသများသို့ စေလွတ်ထားပြီး အဆိုပါ တပ်ရင်း တပ်ဖွဲ့များသည် ပြည်သူ့ကာကွယ်ရေးတပ်များ၏ တိုက်ခိုက်မှုအောက်တွင် လွန်စွာ အထိနာ၍ ကျရှုံးလျက်ရှိနေသည်။

စာတည်း။ ။မောင်ကောင်း
စာမူတည်းဖြတ်။ ။ အောင်ကျော်ဖြိုး

#မြောက်ပိုင်းတိုင်းစစ်ဌာနချုပ်
#တောင်ပိုင်းတိုင်းစစ်ဌာနချုပ်
#တိုင်းမှူး
#ပြောင်းလဲမှုပြုလုပ်

20/08/2022

တရုတ်က ရုရှားရဲ့ကျောက်မီးသွေးတွေကို မနှစ်ကထက် ၁၄% တိုးပြီး လျှော့ဈေးနဲ့ ဝယ်ယူခဲ့ပါတယ်။ ဒါဟာ ၅ နှစ်လောက်အတွ.....

15/05/2022

စစ်ကောင်စီကို အသိအမှတ်မပြုဘဲ NUG နဲ့ဆက်ဆံဖို့ မလေးရှားဆုံးဖြတ်
~~~~~~
ခင်မောင်စိုး (ဝါရှင်တန် ဒီစီ)

■ အမေရိကန်-အာဆီယံထိပ်သီးညီလာခံတက်ရောက်ခဲ့တဲ့ မလေးရှားနိုင်ငံခြားရေးဝန်ကြီး Saifuddin Abdullah နဲ့ NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်တို့ ဝါရှင်တန်ဒီစီမှာရှိတဲ့ Willard ဟိုတယ်မှာ မေ ၁၄ ရက် မနက်ပိုင်းမှာ အလွတ်သဘော တွေ့ဆုံဆွေးနွေးပါတယ်။

မလေးရှားနိုင်ငံခြားရေးဝန်ကြီး Saifuddin Abdullah နဲ့ ဆွေးနွေးအပြီး NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင် ဟိုတယ်က ပြန်အထွက်မှာ ဘာအကြောင်းအရာတွေ ဆွေးနွေးခဲ့ပါသလဲလို့ RFA က မေးမြန်းတဲ့ အခါ အာဆီယံ ဘုံသဘောတူညီချက်ငါးရပ်ကို ဆွေးနွေးခဲ့တဲ့အကြောင်း၊ မလေးရှားက မြန်မာပြည်သူလူထုနဲ့ အတူရှိနေတဲ့အကြောင်း၊ ဘယ်လို အလုပ်တူတူလုပ်လို့ရမလဲဆိုတာတွေ ဆွေးနွေးခဲ့တဲ့အကြောင်း ပြောပါတယ်။ ဆွေးနွေးပွဲကို ကျေနပ်အားရပါတယ်လို့လည်း ဒေါ်ဇင်မာအောင်က ပြောပါတယ်။

အဲဒီနောက် မလေးရှားနိုင်ငံခြားရေးဝန်ကြီးရဲ့ သတင်းစာရှင်းလင်းပွဲကို RFA က တက်ရောက်ခွင့်ရပါတယ်။

“NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်နဲ့ အရင်က အွန်လိုင်းကပဲ တွေ့ဆုံခဲ့ပြီး အခုပထမဆုံးအကြိမ်အဖြစ ်လူချင်းတွေ့တာဖြစ်ပါတယ်။ အင်မတန် အကျိုးရှိတဲ့ ဆွေးနွေးပွဲဖြစ်ပါတယ်။ ပွင့်ပွင့်လင်းလင်းပြောဆိုခဲ့ကြတယ်။ အာဆီယံအနေနဲ့ NUG အမျိုးသားညီညွတ်ရေးအစိုးရနဲ့ NUCC အမျိုးသားညီညွတ်ရေး အတိုင်ပင်ခံကောင်စီတို့ကို အလွတ်သဘော အသိအမှတ်ပြုဆက်ဆံဖို့ ကျွန်တော် နှစ်ကြိမ် တင်ပြခဲ့ကြောင်း၊ အမေရိကန်သမ္မတ ဘိုင်ဒင်နဲ့ တွေ့ဆုံကြတဲ့ မနေ့က အာဆီယံ- အမေရိကန် ထိပ်သီး ညီလာခံမှာလည်း ကျွန်တော်တို့ ဝန်ကြီးချုပ် အစ္စမိုင် ဆယ်ဘရီက NUG နဲ့ NUCC တို့ကို အာဆီယံအနေနဲ့ အလွတ်သဘော အသိအမှတ်ပြုဖို့အချိန်ကျရောက်ပြီဖြစ်ကြောင်း အဆိုပြုခဲ့ပါတယ်။ ဒီကနေ့ ဒေါ်ဇင်မာအောင်နဲ့ တွေ့ဆုံရမှာတော့ လူသားချင်းစာနာမှုဆိုင်ရာ အကူအညီပေးရေးအတွက် စစ်ကောင်စီ တစ်ခုတည်းနဲ့ ပြောဆိုဆောင်ရွက်လို့ မလုံလောက်ဘဲ ကုလသမဂ္ဂလို နိုင်ငံတကာအဖွဲ့ အဖွဲ့အစည်းတွေပါရမယ်။ ဒါ့အပြင် အာဆီယံနိုင်ငံတွေက ကိုယ်စားလှယ်အဖွဲ့တွေလည်း ပါဝင်ဆောင်ရွက်သင့်တယ်လို့ အဆိုပြုခဲ့ပါတယ်။ စစ်ကောင်စီအနေနဲ့ လူသားချင်းစာနာမှု အကူညီတွေကို အမှန်တကယ်လိုအပ်သူတွေထံ ရောက်ရှိဖို့ သေချာအောင် ကျနော်တို့ ဆောင်ရွက်ရပါလိမ့်မယ်”

လူသားချင်းစာနာရေး အကူအညီကို စစ်ကောင်စီက လက်နက်သဖွယ်အသုံးမချစေချင်ဘူးလို့လည်း မလေးရှားနိုင်ငံခြားရေးဝန်ကြီးက ပြောပါတယ်။

“လူသားချင်းစာနာမှုအကူညီကို စစ်ကောင်စီက လက်နက်သဖွယ်အသုံးချပြီး သူတို့ပေးချင်တဲ့သူတွေကိုပဲ ကွက်ပြီးပေးတာမျိုး မဖြစ်စေချင်ပါဘူး။ ဒီကိစ္စမှာ စစ်ကောင်စီအနေနဲ့လည်း အာဆီယံရဲ့ အဆိုပြုချက်တွေကို ပိုမိုအလေးထားပြီး ပွင့်လင်းမြင်သာစွာ ဆောင်ရွက်သင့်ပါတယ်။ အာဆီယံဘုံသဘောတူူညီချက် ငါးချက်ကို စစ်ကောင်စီက လက်ခံခဲ့တာ တစ်နှစ်ရှိခဲ့ပါပြီ။ NUG ကလည်း ဒီအချက်ငါးချက်ကို လက်ခံပါတယ်။ ဒါပေမဲ့ ဘာတိုးတက်မှုမရှိဘဲ အခုအချိန်ထိ မြန်မာနိုင်ငံမှာ လူတွေပိုပြီးသတ်ဖြတ်ခံနေရပါတယ်။ ထွက်ပြေးရတဲ့လူတွေလည်း ပိုများလာနေပါတယ်။ နောက်ထပ် တစ်နှစ်ကျွန်တော်တို့ မစောင့်နိုင်တော့ပါဘူး“

မြန်မာနိုင်ငံဆိုင်ရာ မလေးရှားအစိုးရရဲ့ မူဝါဒကဘာပါလဲလို့ RFA မြန်မာဌာန ကမေးမြန်းရာမှာတော့ ဝန်ကြီး ဆိုင်ဖူဒင် က

“နံပါတ်တစ် ကျွန်တော်တို့ အာဏာသိမ်းစစ်ကောင်စီကို အသိအမှတ်မပြုဘူး။ နံပါတ် နှစ် ကျွန်တော်တို့ အစိုးရအဖွဲ့အနေနဲ့ NUG/ NUCC ကို ထိတွေ့ဆက်ဆံဖို့ ဆုံးဖြတ်ချက်ချခဲ့ပြီးပြီ။ နံပါတ် သုံး မြန်မာပြည်သူတွေကို လူသားချင်း စာနာမှုအကူအညီတွေ ပေးရေးအတွက် ဦးစားပေးဆောင်ရွက်မယ်။ NUG ကတစ်ဆင့် ဒီလိုအကူညီပေးရေးလည်း ဖြစ်နိုင်ပါတယ်“

မလေးရှားမှာ NUG ရုံးခန်းဖွင့်ခွင့်ပေးမှာလားလို့ ဆက်လက်မေးမြန်းရာမှာ

“ရုံးခန်းဖွင့်ဖို့ဖြစ်နိုင်ခြေရှိပုံတွေကို ဒေါ်ဇင်မာအောင်နဲ့ ဒီကနေ့ ဆွေးနွေးခဲ့ပါတယ်။ အသေးစိတ်တော့ မဆွေးနွေးရသေးပါဘူး။ NUG ဟာ မြန်မာပြည်သူတွေ ရွေးကောက်ပွဲမှာ ရွေးချယ်ခဲ့တဲ့သူတွေ ပါဝင်ဖွဲ့စည်းထားတဲ့ အဖွဲ့အစည်းဖြစ်တယ်ဆိုတဲ့အချက်ကိုတော့ လက်ခံရမှာပါပဲ။ ဒါ့အပြင် NUG/ NUCC တို့နဲ့ ကျွန်တော်တို့ မလေးရှားနိုင်ငံအကြား တိုက်ရိုက်ဆက်ဆံရေး ထူထောင်ဖို့လည်း ပါဝင်ပါတယ်။ ဒိထက်ပိုပြီး ကျွန်တော် မပြောနိုင်သေးပါဘူး“

အမေရိကန်- အာဆီယံ ထိပ်သီးညီလာခံကနေ မြန်မာ့အရေးအတွက် ဘယ်လိုအကျိုးရလဒ်ရှိတယ် ထင်ပါသလဲလို့ မေးရာမှာတော့

“ဒီညီလာခံမှာ ကျနော်တို့ ဝန်ကြီးချုပ်က အမေရိကန်သမ္မတ ဘိုင်ဒင်ကို မြန်မာ့အရေးအတွက် အမေရိကန်ပြည်ထောင်စုအနေနဲ့ ဒီထက်ပိုပြီး အရေးပါတဲ့ကဏ္ဍကနေ ပါဝင်ကူညီဖို့ ပြောဆိုခဲ့ပါတယ်။ မြန်မာနိုင်ငံရဲ့ လက်ရှိပဋိပက္ခကြောင့် ထိုင်း- မြန်မာနယ်စပ်နဲ့ မလေးရှားကို ရောက်နေတဲ့ မြန်မာဒုက္ခသည်တွေ၊ ဘင်္ဂလားဒေ့ရှ် ရောက်နေတဲ့ ရိုဟင်ဂျာတွေကို ပိုမိုပံ့ပိုးကူညီဖို့ ကျွန်တော်တို့ မနေ့က တင်ပြခဲ့ပါတယ်။ ဒါ့အပြင် မြန်မာဒုက္ခသည်တွေကို အမေရိကန်ပြည်ထောင်စုက အခုထက်ပိုမိုလက်ခံနေရာချထားပေးဖို့လည်း ကျနော်တို့ ပြောဆိုခဲ့ပါတယ်“

ဒါ့အပြင် ဒေါ်ဇင်မာအောင်နဲ့ ပြောဆိုရာမှာ မလေးရှားရောက် မြန်မာဒုက္ခသည်တွေကို ပညာသင်ကြားပေးရေး၊ စစ်ကောင်စီက ပြောဆိုနေတဲ့ ရွေးကောက်ပွဲကျင်းပရေးကိစ္စတွေလည်း ပါဝင်ပါတယ်လို့ မလေးရှားနိုင်ငံခြားရေးဝန်ကြီးက ပြောကြားပါတယ်။
- Unicode
---------------

စစ်ကောင်စီကို အသိအမှတ်မပြုဘဲ NUG နဲ့ဆက်ဆံဖို့ မလေးရှားဆုံးဖြတ်
~~~~~~
ခင်မောင်စိုး (ဝါရှင်တန် ဒီစီ)

■ အမေရိကန်-အာဆီယံထိပ်သီးညီလာခံတက်ရောက်ခဲ့တဲ့ မလေးရှားနိုင်ငံခြားရေးဝန်ကြီး Saifuddin Abdullah နဲ့ NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်တို့ ဝါရှင်တန်ဒီစီမှာရှိတဲ့ Willard ဟိုတယ်မှာ မေ ၁၄ ရက် မနက်ပိုင်းမှာ အလွတ်သဘော တွေ့ဆုံဆွေးနွေးပါတယ်။

မလေးရှားနိုင်ငံခြားရေးဝန်ကြီး Saifuddin Abdullah နဲ့ ဆွေးနွေးအပြီး NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင် ဟိုတယ်က ပြန်အထွက်မှာ ဘာအကြောင်းအရာတွေ ဆွေးနွေးခဲ့ပါသလဲလို့ RFA က မေးမြန်းတဲ့ အခါ အာဆီယံ ဘုံသဘောတူညီချက်ငါးရပ်ကို ဆွေးနွေးခဲ့တဲ့အကြောင်း၊ မလေးရှားက မြန်မာပြည်သူလူထုနဲ့ အတူရှိနေတဲ့အကြောင်း၊ ဘယ်လို အလုပ်တူတူလုပ်လို့ရမလဲဆိုတာတွေ ဆွေးနွေးခဲ့တဲ့အကြောင်း ပြောပါတယ်။ ဆွေးနွေးပွဲကို ကျေနပ်အားရပါတယ်လို့လည်း ဒေါ်ဇင်မာအောင်က ပြောပါတယ်။

အဲဒီနောက် မလေးရှားနိုင်ငံခြားရေးဝန်ကြီးရဲ့ သတင်းစာရှင်းလင်းပွဲကို RFA က တက်ရောက်ခွင့်ရပါတယ်။

“NUG အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်နဲ့ အရင်က အွန်လိုင်းကပဲ တွေ့ဆုံခဲ့ပြီး အခုပထမဆုံးအကြိမ်အဖြစ်လူချင်းတွေ့တာဖြစ်ပါတယ်။ အင်မတန် အကျိုးရှိတဲ့ ဆွေးနွေးပွဲဖြစ်ပါတယ်။ ပွင့်ပွင့်လင်းလင်းပြောဆိုခဲ့ကြတယ်။ အာဆီယံအနေနဲ့ NUG အမျိုးသားညီညွတ်ရေးအစိုးရနဲ့ NUCC အမျိုးသားညီညွတ်ရေး အတိုင်ပင်ခံကောင်စီတို့ကို အလွတ်သဘော အသိအမှတ်ပြုဆက်ဆံဖို့ ကျွန်တော် နှစ်ကြိမ် တင်ပြခဲ့ကြောင်း၊ အမေရိကန်သမ္မတ ဘိုင်ဒင်နဲ့ တွေ့ဆုံကြတဲ့ မနေ့က အာဆီယံ- အမေရိကန် ထိပ်သီး ညီလာခံမှာလည်း ကျွန်တော်တို့ ဝန်ကြီးချုပ် အစ္စမိုင် ဆယ်ဘရီက NUG နဲ့ NUCC တို့ကို အာဆီယံအနေနဲ့ အလွတ်သဘော အသိအမှတ်ပြုဖို့အချိန်ကျရောက်ပြီဖြစ်ကြောင်း အဆိုပြုခဲ့ပါတယ်။ ဒီကနေ့ ဒေါ်ဇင်မာအောင်နဲ့ တွေ့ဆုံရမှာတော့ လူသားချင်းစာနာမှုဆိုင်ရာ အကူအညီပေးရေးအတွက် စစ်ကောင်စီ တစ်ခုတည်းနဲ့ ပြောဆိုဆောင်ရွက်လို့ မလုံလောက်ဘဲ ကုလသမဂ္ဂလို နိုင်ငံတကာအဖွဲ့ အဖွဲ့အစည်းတွေပါရမယ်။ ဒါ့အပြင် အာဆီယံနိုင်ငံတွေက ကိုယ်စားလှယ်အဖွဲ့တွေလည်း ပါဝင်ဆောင်ရွက်သင့်တယ်လို့ အဆိုပြုခဲ့ပါတယ်။ စစ်ကောင်စီအနေနဲ့ လူသားချင်းစာနာမှု အကူညီတွေကို အမှန်တကယ်လိုအပ်သူတွေထံ ရောက်ရှိဖို့ သေချာအောင် ကျနော်တို့ ဆောင်ရွက်ရပါလိမ့်မယ်”

လူသားချင်းစာနာရေး အကူအညီကို စစ်ကောင်စီက လက်နက်သဖွယ်အသုံးမချစေချင်ဘူးလို့လည်း မလေးရှားနိုင်ငံခြားရေးဝန်ကြီးက ပြောပါတယ်။

“လူသားချင်းစာနာမှုအကူညီကို စစ်ကောင်စီက လက်နက်သဖွယ်အသုံးချပြီး သူတို့ပေးချင်တဲ့သူတွေကိုပဲ ကွက်ပြီးပေးတာမျိုး မဖြစ်စေချင်ပါဘူး။ ဒီကိစ္စမှာ စစ်ကောင်စီအနေနဲ့လည်း အာဆီယံရဲ့ အဆိုပြုချက်တွေကို ပိုမိုအလေးထားပြီး ပွင့်လင်းမြင်သာစွာ ဆောင်ရွက်သင့်ပါတယ်။ အာဆီယံဘုံသဘောတူညီချက် ငါးချက်ကို စစ်ကောင်စီက လက်ခံခဲ့တာ တစ်နှစ်ရှိခဲ့ပါပြီ။ NUG ကလည်း ဒီအချက်ငါးချက်ကို လက်ခံပါတယ်။ ဒါပေမဲ့ ဘာတိုးတက်မှုမရှိဘဲ အခုအချိန်ထိ မြန်မာနိုင်ငံမှာ လူတွေပိုပြီးသတ်ဖြတ်ခံနေရပါတယ်။ ထွက်ပြေးရတဲ့လူတွေလည်း ပိုများလာနေပါတယ်။ နောက်ထပ် တစ်နှစ်ကျွန်တော်တို့ မစောင့်နိုင်တော့ပါဘူး“

မြန်မာနိုင်ငံဆိုင်ရာ မလေးရှားအစိုးရရဲ့ မူဝါဒကဘာပါလဲလို့ RFA မြန်မာဌာန ကမေးမြန်းရာမှာတော့ ဝန်ကြီး ဆိုင်ဖူဒင် က

“နံပါတ်တစ် ကျွန်တော်တို့ အာဏာသိမ်းစစ်ကောင်စီကို အသိအမှတ်မပြုဘူး။ နံပါတ် နှစ် ကျွန်တော်တို့ အစိုးရအဖွဲ့အနေနဲ့ NUG/ NUCC ကို ထိတွေ့ဆက်ဆံဖို့ ဆုံးဖြတ်ချက်ချခဲ့ပြီးပြီ။ နံပါတ် သုံး မြန်မာပြည်သူတွေကို လူသားချင်း စာနာမှုအကူအညီတွေ ပေးရေးအတွက် ဦးစားပေးဆောင်ရွက်မယ်။ NUG ကတစ်ဆင့် ဒီလိုအကူညီပေးရေးလည်း ဖြစ်နိုင်ပါတယ်“

မလေးရှားမှာ NUG ရုံးခန်းဖွင့်ခွင့်ပေးမှာလားလို့ ဆက်လက်မေးမြန်းရာမှာ

“ရုံးခန်းဖွင့်ဖို့ဖြစ်နိုင်ခြေရှိပုံတွေကို ဒေါ်ဇင်မာအောင်နဲ့ ဒီကနေ့ ဆွေးနွေးခဲ့ပါတယ်။ အသေးစိတ်တော့ မဆွေးနွေးရသေးပါဘူး။ NUG ဟာ မြန်မာပြည်သူတွေ ရွေးကောက်ပွဲမှာ ရွေးချယ်ခဲ့တဲ့သူတွေ ပါဝင်ဖွဲ့စည်းထားတဲ့ အဖွဲ့အစည်းဖြစ်တယ်ဆိုတဲ့အချက်ကိုတော့ လက်ခံရမှာပါပဲ။ ဒါ့အပြင် NUG/ NUCC တို့နဲ့ ကျွန်တော်တို့ မလေးရှားနိုင်ငံအကြား တိုက်ရိုက်ဆက်ဆံရေး ထူထောင်ဖို့လည်း ပါဝင်ပါတယ်။ ဒိထက်ပိုပြီး ကျွန်တော် မပြောနိုင်သေးပါဘူး“

အမေရိကန်- အာဆီယံ ထိပ်သီးညီလာခံကနေ မြန်မာ့အရေးအတွက် ဘယ်လိုအကျိုးရလဒ်ရှိတယ် ထင်ပါသလဲလို့ မေးရာမှာတော့

“ဒီညီလာခံမှာ ကျနော်တို့ ဝန်ကြီးချုပ်က အမေရိကန်သမ္မတ ဘိုင်ဒင်ကို မြန်မာ့အရေးအတွက် အမေရိကန်ပြည်ထောင်စုအနေနဲ့ ဒီထက်ပိုပြီး အရေးပါတဲ့ကဏ္ဍကနေ ပါဝင်ကူညီဖို့ ပြောဆိုခဲ့ပါတယ်။ မြန်မာနိုင်ငံရဲ့ လက်ရှိပဋိပက္ခကြောင့် ထိုင်း- မြန်မာနယ်စပ်နဲ့ မလေးရှားကို ရောက်နေတဲ့ မြန်မာဒုက္ခသည်တွေ၊ ဘင်္ဂလားဒေ့ရှ် ရောက်နေတဲ့ ရိုဟင်ဂျာတွေကို ပိုမိုပံ့ပိုးကူညီဖို့ ကျွန်တော်တို့ မနေ့က တင်ပြခဲ့ပါတယ်။ ဒါ့အပြင် မြန်မာဒုက္ခသည်တွေကို အမေရိကန်ပြည်ထောင်စုက အခုထက်ပိုမိုလက်ခံနေရာချထားပေးဖို့လည်း ကျနော်တို့ ပြောဆိုခဲ့ပါတယ်“

ဒါ့အပြင် ဒေါ်ဇင်မာအောင်နဲ့ ပြောဆိုရာမှာ မလေးရှားရောက် မြန်မာဒုက္ခသည်တွေကို ပညာသင်ကြားပေးရေး၊ စစ်ကောင်စီက ပြောဆိုနေတဲ့ ရွေးကောက်ပွဲကျင်းပရေးကိစ္စတွေလည်း ပါဝင်ပါတယ်လို့ မလေးရှားနိုင်ငံခြားရေးဝန်ကြီးက ပြောကြားပါတယ်။
- Zawgyi
---------------

13/05/2022

ဒုတိယ နိုင်ငံခြားရေးဝန်ကြီး ရှားမန်းသည် (ဒေါ်) ဇင်မာအောင်အပါအဝင် NUG ကိုယ်စားလှယ်များနှင့် ဝါရှင်တန်မြို့တော်တွင် ယနေ့ တွေ့ဆုံခဲ့ပါသည်။ ဒုတိယနိုင်ငံခြားရေးဝန်ကြီးက အာဏာရှင်အဖွဲ့၏ ရက်စက်ကြမ်းကြုတ်စွာဖြိုခွင်းမှုများကို ရင်ဆိုင်နေရသည့် မြန်မာပြည်သူများအတွက် အမေရိကန်ပြည်ထောင်စု၏ ခိုင်ခိုင်မာမာအားပေးထောက်ခံမှုနှင့် မြန်မာနိုင်ငံကို အားလုံးပါဝင်နိုင်သည့် ဒီမိုကရေစီလမ်းကြောင်းပေါ်ပြန်လည်ရောက်ရှိရန် ငြိမ်းချမ်းစွာ ဆောင်ရွက်နေကြသည့်သူများအားလုံးကို ဆက်လက်အားပေးထောက်ခံသွားမည့် ကတိကဝတ်တို့ကို အလေးပေး ပြောကြားခဲ့ပါသည်။ အာဆီယံခေါင်းဆောင်အများစုသည် အမေရိကန်-အာဆီယံထိပ်သီးအစည်းအဝေးသို့တက်ရောက်ရန် ဝါရှင်တန်မြို့တော်သို့ ရောက်ရှိနေကြသည်ဖြစ်ရာမြန်မာနိုင်ငံ၏အကြပ်အတည်းကို တရားမျှတပြီး ငြိမ်းချမ်းစွာအဖြေရှာနိုင်ကြရန် တွန်းအားပေးရာတွင် အမေရိကန်ပြည်ထောင်စုသည် အာဆီယံနှင့် အခြားသော မိတ်ဖက်များနှင့်အတူ ဆက်လက်ပြီး အနီးကပ်ပူးပေါင်းဆောင်ရွက်သွားမည်ဖြစ်ကြောင်းကိုလည်း အလေးထား ပြောကြားခဲ့ပါသည်။ သူတို့နှစ်ဦးသည် အာဏာရှင်အဖွဲ့က အကြမ်းဖက်မှုများကို တိုးမြှင့်လုပ်ဆောင်လာခြင်းနှင့် ၄င်း၏ အကျိုးဆက် လူသားချင်းစာနာထောက်ထားမှုဆိုင်ရာအကြပ်အတည်းဖြစ်ပေါ်လာရခြင်းကို ရှုတ်ချခဲ့ကြပြီး မြန်မာနိုင်ငံအတွင်းမှ အကူအညီလိုအပ်နေသူများထံ လူသားချင်းစာနာထောက်ထားမှုအကူအညီများအကန့်အသတ်အတားအဆီးမရှိရောက်ရှိနိုင်ရေး ကို တောင်းဆိုခဲ့ကြပါသည်။ ဒုတိယနိုင်ငံခြားရေးဝန်ကြီးသည် (ဒေါ်)​ဇင်မာအောင်ကို မြန်မာပြည်သူများအပေါ် ထားရှိသည့် သူရသတ္တိနှင့် စွန့်လွှတ်အနစ်နာခံမှုတို့အတွက် ကျေးဇူးတင်ရှိခဲ့ပြီး အားလုံးအတွက် အားလုံးပါဝင်ခွင့်ရှိပြီး ငြိမ်းချမ်း၍ စည်ပင်ဝပြောသည့် ဒီမိုကရေစီစနစ်တစ်ခုအတွက် အမေရိကန်ပြည်ထောင်စုအားပေးထောက်ခံမည်ဟု အဆိုပြုခဲ့ပါသည်။

သတင်းထုတ်ပြန်ချက် အပြည့်အစုံ go.usa.gov/xuH93

Deputy Secretary Sherman met today in Washington with NUG representatives, including Zin Mar Aung. The Deputy Secretary underscored robust U.S. support for the people of Burma in the face of the regime’s brutal crackdown and pledged to continue providing support to all those working peacefully toward the restoration of Burma’s path to inclusive democracy. Noting the many Southeast Asian leaders in Washington for the U.S.-ASEAN Special Summit, the Deputy Secretary highlighted that the United States would continue to work closely with ASEAN and other partners in pressing for a just and peaceful resolution to the crisis in Burma. They also condemned the escalating regime violence that has led to a humanitarian crisis and called for unhindered humanitarian access to assist all those in need in Burma. The Deputy Secretary thanked Zin Mar Aung for her courage and dedication to the people of Burma and offered U.S. support for an inclusive, peaceful, and prosperous democracy for all.
Press release: go.usa.gov/xuH93